Monitor

Die Hooggeregshof gelas dat die visepresident van Ekwatoriaal-Guinee meer as R39-miljoen aan skadevergoeding betaal vir die marteling van Daniel Janse van Rensburg. Die regering het glo nog nie op bek-en-klouseer in KwaZulu-Natal gereageer nie. Daar word verwag dat nog liggame van Zama-Zamas by 'n Orkney-myn uigehaal sal word.

'n Drukgroep begin 'n feiteveldtog oor polisiebrutaliteit. Die DA werf steun vir sy vuurwapenberaad, selfs ook om die Minister van Polisie, Bheki Cele, uit te nooi om dit by te woon.

Dit gons oor 'n reuse diamant wat in Botswana gevind is - 'n geoloog vertel ons meer oor die stene. 'n Metaangaswolk hang oor Johannesburg - waar kom dit vandaan?

Opposisiepartye sê daar is geen rede hoekom die gesondheidsminister nie voor hulle kan verskyn om vrae te beantwoord oor die Digital Vibes-tender nie. Talle skole is weer gesluit as gevolg van Covid-19-gevalle onder onderwysers en leerders - watter impak het dit op die onderrig? Ons draai in die buiteland en volg berigte op dat gevegte in Mianmar uitgebreek het tussen die weermag en rebellegroepe. Medelye stroom in ná die dood van die voormalige Zambiese president Kenneth Kaunda.

Ons fokus op die politieke gebeure in Latyns-Amerika. Cloetesville Primêre Skool op Stellenbosch het die eerste skool in die land geword, wat 'n elektriese prestasiesertifikaat ontvang het. Buitelandse toeriste het begin om weer die Voortrekkermonument in Pretoria te besoek.

Die regering het 'n nuwe netwerk gestig om werkloosheid onder die jeug te verminder. Inwoners van Jan Kempdorp in die Noord-Kaap sê daar is minstens twee sterftes in die gemeenskap weens 'n voortdurende rioolprobleem in die gebied. Algoabaai in die Oos-Kaap is amptelik tot 'n Walvis-erfenisgebied verklaar. Ons praat met vakbonde oor die toename in Covid-19-infeksies onder leerlinge en onderwysers.

Die vonke kan spat by vandag se Geneve-beraad tussen presidente Putin en Biden. Die hoof van die Suid-Afrikaanse Mediese Vereniging, dr. Angelique Coetzee, reageer op die nuwe Vlak 3-inperking.

Suid-Afrika het om middernag na 'n Vlak 3-inperking beweeg. Jeugdag word vandag herdenk, 45 jaar ná die Soweto-tragedie.

Sittings vir die Menseregtekommissie se ondersoek na taalkwessies by die Universiteit Stellenbosch duur voort. Die MK Militêre Veterane-vereniging sê hulle weier om te ontbind, soos wat die topbestuur van die ANC van hulle verwag. Die Rooivleisprodusente-organisasie beskryf die uitbreking van bek-en-klouseer in KwaZulu-Natal as 'n nasionale krisis.

'n Studie het bevind dat 40% van studente nie geld vir kos gehad het tydens die streng grendeltydperk nie. Kommersiële eiendom vaar beter aan die kus as in die binneland. En 'n studie wat deur Cadiz Universiteit in Spanje gepubliseer is, wys dat plastiekstrooitjies nie die grootste besoedelaar van oseane is nie.

Daar is 'n toenemende neiging om munisipaliteite hof toe te sleep oor swak dienslewering. Dit is die einde van die Benjamin Netanyahu-era in Israel.

Die G7-wêreldleiers kom ooreen om 'n miljard dosisse coronavirus-entstof aan armer lande te verskaf, en jaarliks $100 miljard méér te gee om koolstofvrystellings te beperk. Hulde aan Shaleen Surtie-Richards.

Ons kry duidelikheid oor wat die wysigings aan die Wet op Elektrisiteitsregulering beteken. Die komponis, Andrew Llowd Webber, is bereid om tronk toe gaan, solank hy net sy teaters se deure kan oopmaak - ons kry reaksie hierop en kyk na hoe plaaslike teaters vaar tydens die pandemie. Ons na die moontlike implikasies van Rusland se dreigement om te onttrek aan die Internationale Ruimtestasie-projek.

Ons kry reaksie op die nuus dat die perk vir die ongelisensieerde opwekking van krag tot 100 Megawatt verhoog word. Ons vind ook uit presies wat die wysiging beteken en hoe dit die ekonomie kan raak. Suid-Afrika het volgens die Nasionale Instituut vir Oordraagbare Siektes reeds die derde golf van die Covid-19-pandemie betree. Ons kry die jongste oor die waterkrisis in Koster wat inwoners weer sonder water gelaat het.

Fase 4 beurtkrag kan die ekonomie 'n verlies van R68-miljoen per uur kos. Lydenburg se inwoners sit hulle voet neer oor die gebrek aan dienslewering.

Anders as Ace Magashule, maak die Minister van Gesondheid dit maklik vir die president. Suid-Afrika het nog nie sy hersiende teikens vir die inperking van kweekhuisgasse finaal bepaal nie.

Hospitale in Soweto is onder druk weens 'n skerp toename in Covid-19-infeksies. Die ekonomie het in die eerste kwartaal van 2021 gegroei. Die Tuinroete in die Wes-Kaap herdenk die dodelike brande wat vier jaar gelede in Knysna en Plettenbergbaai uitgebreek het. Brittanje tree Vrydag op as gasheerland vir die G7-beraad.

President Cyril Ramaphosa het minister Zweli Mkhize op spesiale verlof geplaas. Die Minister van Basiese Onderwys, Angie Motshekga, sê dit is noodsaaklik dat onderwysers so gou moontlik teen Covid-19 ingeënt word. Swanger vroue op plattelandse dorpe in die Oos-Kaap gebruik tradisionele medisyne omdat hulle swak toegang tot gesondheidsorg het.

Vrae oor Covid-inentings. Ons bespreek die Springbokgroep teen die Britse Leeus.

Die sterk rand bevoordeel Suid-Afrika. Hulde word gebring aan die gewilde aktrise Shaleen Surtie-Richards.

'n Kundige sê mediese fondse hou geld wat hulle mediese praktisyns skuld terug, want hulle beweer die geld word onregmatig gehef. Ons fokus op die moontlikheid van gereelde beurtkrag hierdie winter. En nuwe navorsing is pas gepubliseer oor honde wat geneties aangepas het om suksesvol met mense te sosialiseer.

Suid-Afrika het nog nie sy hersiende teikens vir die inperking van kweekhuisgasse bepaal nie. Die Gautengse verkeerspolisie soek verdagtes wat spykers op snelweë sit om motoriste te beroof. Die Griekwa Koningshuis is in rou gedompel na die afsterwe van Ockert Lewies. En die Covid-19 pandemie het 'n ernstige impak op die behandeling van tuberkulose.

Die Junie matriekeksamen is amptelik afgestel. Die hoof van Ontwikkeling by die Solidariteit Skoleondersteuning-sentrum, Melanie Buys, sê as 'n skool kan voortgaan met die eksamen, moet hulle dit doen. Versekeraars ervaar 'n toename in doodseise weens die Covid-19-pandemie. Anja Kuys van die Aktuariële Genootskap van Suid-Afrika het meer inligting. Ons fokus op verskeie aspekte van mediese oorplantings, en kyk onder meer na hoe dit werk. Ons praat ook met 'n ma wie se jong kind verlede jaar 'n nieroorplanting gekry het.

Die DA vra dat die Minister van Gesondheid geskors moet word oor sy beweerde betrokkenheid by die toekenning van 'n omstrede kontrak aan 'n kommunikasiemaatskappy. Ons kry wye reaksie op die besluit om matrikulante se Junie-eksamen af te stel.

Ons praat met die DA en die Menseregtekommissie oor die probleme van kankerlyers wat van staatshospitale afhanklik is vir bestraling of chemoterapie. Ons fokus op die land se werkloosheidsprobleem.

Meer as 'n honderd sake oor die aankoop van persoonlike beskermde toerusting is na die Nasionale Vervolgingsgesag verwys. Versoeke dat die afdanking van die Wes-Kaapse speurhoof, Jeremy Vearey, ondersoek word. The Green Connection lê 'n amptelike klag oor die omgewingsimpakstudie wat gedoen is vir 'n voorgestelde kragskipprojek in Saldanhabaaihawe.

Daar is kommer oor die ANC en EFF se voorstelle oor grondonteiening. En Fase 2 beurtkrag word tot Vrydag toegepas.

Johannesburg beleef 'n krisis met chemoterapie en bestraling. En die PAP val op die grond in Midrand.

Ons kry reaksie op die Reserwebank se waarskuwing dat staatskuld die land se finansiële stabiliteit bedreig. Die voorgestelde vuurwapenwetgewing het opposisiepolitici en landsburgers warm onder die kraag. Die Winterhoop-veldtog begin.

Sommige hospitale in Gauteng ondervind watertekorte. Daar is 'n daling in die petrolprys. Die parlementêre ad hoc-komitee wat die wysiging van Artikel 25 van die Grondwet ondersoek, vra vir 'n verlenging om sy werk af te handel.

Vandag, 60 jaar gelede, het Suid-Afrika 'n republiek geword. Koue, nat weer slaan van vandag af oor groot dele van die land toe.

Die president kondig strenger inperkingsmaatreëls aan. Ons praat deur die loop van die program met 'n mediese kenner, 'n politieke ontleder en 'n ekonoom hieroor.

Sommige westelike voorstede van Johannesburg ervaar steeds watertoevoerprobleme. Een van Suid-Afrika se voorste mediese wetenskaplikes waarsku dat die derde Covid-golf nie ligtelik opgeneem moet word nie.

Die Johannesburg Metropolisie reik uit na inwoners met 'n beker koffie. Transgender-vroue kan nou ook aan die Mejuffrou Suid-Afrika-kompetisie deelneem.

'n Veerboot sink in Nigerië met 150 mense aanboord. 'n Onderhoud uit ons argief met die veteraanomroeper, skrywer en aktrise Monica Breed wat op 98 oorlede is.

Oudpresident Zuma kry sy dag in die hof in verband met korrupsie. Hulde aan die bekende akteur Ben Kruger.

Tegnologie word ingespan om die Afrika Wildehond-bevolking in die Nasionale Krugerwildtuin te monitor. Behoort sensuur 'n plek in ons samelewing te hê, wanneer dit kom by geweld op die silwerskerm? Ons praat met twee kenners hieroor. Die Gautengse regering het die aantal Covid-19-inentingsterreine vermeerder.

SADOU in die Vrystaat versoek dat alle werkswinkels vir onderwysers uitgestel moet word, te midde van 'n toename in Covid-19-infeksies. Die Suid-Afrikaanse Raad van die Hajj en Umrah sê dit is moeilik om te voorspel of enige Suid-Afrikaners aan die Hajj-pelgrimstog sal deelneem. Ons praat met die Franse ambassadeur in Pretoria oor die huidige stand van die verhouding tussen Frankryk en Suid-Afrika.

Kommer oor Suid-Afrika se vermoë om die Pfizer Covid-entstof teen die gewensde temperatuur te berg. Die eerste letterkunde in die N/uu-taal word op Upington bekendgestel.

Die Minister van Gesondheid, Zweli Mkhize, word betrek by korrupsie van R90-miljoen. Die VSA gaan omvattende sanksies teen Ethiopië instel.

Die V.N. se Menseregtekommisariaat vir Vlugtelinge sê meer as 20 miljoen mense is wêreldwyd ontwortel weens klimaatsverandering. Nuwe konsepwetgewing oor die uitreiking van vuurwapens bepaal dat selfverdediging nie meer as 'n rede vir die besit van 'n wapen gegee kan word nie. Die rolprente Griekwastad en Toorbos wen SAFTA-toekennings.

Bekommerde inwoners snoer kragte saam om 'n uiters sensitiewe omgewing, Kenmarekloof, aan die Gautengse Wesrand te bewaar. Daar is 'n toename in hawelose kinders in Prieska in die Noord-Kaap. 'n Onkruid met die wetenskaplike naam, Amaranthus Palmer, bedreig somergewasse.

Eskom wil hierdie winter beurtkrag in die aand toepas - ons vra antwoorde van Eskom se bedryfshoof, Jan Oberholzer. 'n Ekonoom verduidelik wat die ekonomiese impak van kragtekorte is.

'n Militêre ontleder bespreek die skietstilstand tussen Israel en Hamas. Die Kerkstraat-bomontploffing 38 jaar gelede word onthou.

Inwoners van die Renosterberg-munisipaliteit sê dienslewering gaan agteruit nadat 'n administrateur verlede jaar aangestel is. Ons praat met die hoofsekretaris van die Evangeliese Alliansie in Suid-Afrika, eerwaarde Moss Nthla, oor die konflik tussen Israel en die Palestyne. 'n Studie deur die Steve Biko Sentrum vir Bio-etiek wys dat swak bestuursvaardighede onder taxibestuurders nie noodwendig die wortel van kwaad is wat padveiligheid betref nie.

Boere verwelkom die DA se versoek om die Oos-Kaap tot 'n droogterampgebied te verklaar. Kontaksport by skole is weens Covid-19 opgeskort. Gesondheidspraktisyns in die privaatsektor vra die regering om die administrasiefooi, wat mense vir die Covid-19-inenting moet betaal, te verhoog.

Die Joodse gemeenskap vra die Suid-Afrikaanse regering om ewewigtig te wees in sy veroordeling van die konflik in die Midde-Ooste. Buitelandse besoeke aan Suid-Afrika neem met 80% af.

Nog 'n plaasaanval, dié keer suid van Warden in die Vrystaat, skok die plattelandse bevolking. Boewe in Pretoria strooi spykers op die pad om motoriste tot stilstand te bring en te beroof. In die toekoms gaan mense meer betekenisvolle, sinvolle en bevredigende werk vereis.

Die voorsitter van die Veediefstal Inligtingsentrum op Ermelo, Cecilia Beukes, sê daar is 'n reuse toename in veediefstal in Mpumalanga. Opkomende boere in Gauteng loop ook toenemend deur onder veediewe. Die struggleveteraan en teoloog, dr. Allan Boesak, sê die Suid-Afrikaanse regering moet alle diplomatieke bande met Israel verbreek.

Honderde ouer mense word teen Covid-19 ingeënt. 'n Tienerseun sterf tydens diensleweringsbetogings in die Mangaung Metro. Boko Haram was vanjaar verantwoordelik vir meer as 100 aanvalle op burgerlike en militêre teikens.