Monitor

Die Suid-Afrikaanse Menseregtekommissie raak betrokke by Caster Semenya se saak teen Wêreld Atletiek. Kommer oor miljarde rand wat die land uitvloei.

Suid-Afrika het weer die grootste ekonomie in Afrika. Die Parlement gaan binnekort begin met die proses om regter John Hlophe in 'n staat van beskuldiging te plaas.

Die Liliesleaf-strugglemuseum word verplig om sy deure te sluit weens 'n geldtekort. Ons praat oor hoërskoolleerlinge wat te lank op die skoolbanke sit. 'n Nuwe verslag uit Engeland sê sowat 'n derde van die wereld se boomsoorte word deur uitsterwing bedreig.

Die adjunkminister in die Presidensie belas met staatsveiligheid, Zizi Kodwa, het bewerings ontken dat 'n ANC-parlementslid vir China spioeneer, maar opposisiepartye kritiseer die Staatsveiligheidsagentskap daaroor.

Eskom het 'n netto verlies van R18,9 miljard in die vorige boekjaar gely. Ons praat met 'n mediese kenner oor die nuwe Covid-19-variant in Suid-Afrika, wat sy eie mutasies het. 'n Liefdadigheidsorganisasie in Kaapstad wil 'n Guinness-wêreldrekord verbeter deur die meeste blikkies kos in 'n ry te pak.

Daar is 'n ernstige tekort aan polisielede. Durban maak gereed om gasheer te wees vir sy eerste internasionale konferensie sedert die begin van Covid-19. Openbare sittings word gehou om die wetsontwerp oor dagga vir privaatgebruik te bespreek.

Die laaste Amerikaanse soldate verlaat Afghanistan. Die Valke sê nog arrestasies kan binnekort in die Babita Deokaran-moordsaak verwag word.

Nog beskuldigdes verskyn in die hof in verband met die onluste in KwaZulu-Natal en Gauteng. 'n Geringe daling in brandstofpryse word verwag.

Die onderwysvakbond, Naptosa, sê die skoolkurrikulum moet hersien word. 'n Fossiel van 'n walvis met vier bene is in Egipte ontdek. Dr. Willem Botha praat oor die woorde lorrie, brekfis, briek en rys.

Daar is klagtes oor die gehalte van drinkwater wat aan inwoners van Hammanskraal voorsien word. Die Departement van Basiese Onderwys sê sowat die helfte van die 2021 skooljaar is vir die meerderheid van leerlinge verlore. Die Verenigde Nasies sê daar is nie 'n militêre oplossing vir die konflik in die noorde van Ethiopië nie.

Die parlement se ad hoc-komitee oor Artikel 25 van die Grondwet, wat voorsiening maak vir die onteiening van grond sonder vergoeding, word met 'n verdere twee weke verleng. Stellenbosch Universiteit herdoop een van die geboue op kampus na Krotoa, die Khoi-vrou uit Jan van Riebeeck se tyd.

Die sleutelgetuie in die ondersoek na korrupsie met persoonlike beskermingstoerusting in Gauteng, Babita Deokaran, is gister in Phoenix in KwaZulu-Natal veras. Die adjunkpresident, David Mabuza, sê die regering sal nie weer onkant betrap word deur onluste en plundery nie. Die regering onthul sy daggameesterplan vir die ekonomie.

Suid-Afrika se ekonomie was in 2020 11% groter as wat voorheen geraam is. Die Inkomstediens wil hê Suid-Afrikaners moet hulle inkomste uit kriptogeld verklaar. Die Regterlike Dienskommissie soek redes by die Wes-Kaapse regterpresident John Hlophe oor hoekom hy nie geskors moet word nie.

Die Departement van Gesondheid is bekommerd oor die verspreiding van fopnuus en waninligting oor Covid-19-inentings. Vragmotorbestuurders wag vir dae aaneen om die Lebombogrenspos na Mosambiek oor te steek. Die inhoud van die J.G. Strijdom-huismuseum in Modimolle is vir bewaring verskuif na die Erfenisstiging by die Voortrekkermonument in Pretoria.

'n Rekordgetal mense in Suid-Afrika is werkloos - wat is die oplossing? Goeie nuus vir mense wat skepties is oor die Covid-entstof van Pfizer - die middel is finaal goedgekeur vir gebruik, en ons vind uit presies wat dit beteken. Kenia is besig met 'n sensusopname van wilde diere - ons hoor meer van die verskillende metodes om diere te tel. Ons vind meer uit oor die vuurbal wat gisteraand oor dele van die land gesien is.

Sowat 59,000 kandidate gaan aan die komende plaaslike regeringsverkiesing deelneem. Die Polisiebestuur word weer oor die kole gehaal weens die agterstand by die Sentrale Vuurwapenregister. Die DA se burgermeesterskandidaat in Kaapstad deel sy toekomsvisie vir die Metro.

Politieke ontleder Kelvin Knowles sê die DA sal waarskynlik sy beheer oor Kaapstad behou met Geordin Hill Lewis se benoeming as burgemeesterskandidaat. Die ministeriële advieskomitee oor Covid-19 oorweeg die moontlikheid van verpligte inentings vir werkers in spesifieke sektore. Nuwe navorsing oor Kaapse pelsrobbe wys dat wetgewing nodig is om te bepaal hoe en waar daar van visnette en vislyne ontslae geraak word.

Covid-19-gevalle in Noord-Kaapse skole neem drasties toe. Die Organisasie vir Landelike en Plaaswerker-ontwikkeling sê die regering moet dié werkers prioritiseer om Covid-19-inentings te ontvang. Inwoners van KwaZulu-Natal dink terug aan wat hulle verlede maand tydens die onrus deurgemaak het.

Spoortoerisme in Suid-Afrika stort in duie. 'n Goue medalje én 'n nuwe wêreldrekord vir Suid-Afrika se onder-20 4x100-aflosspan.

Veiligheidsmagte is op 'n hoë gereedheidsgrondslag ná sosiale media-boodskappe met oproepe tot nóg ontwrigting. Die beheerliggaam van 'n skool in Centurion gaan hof toe om van 'n skoolhoof ontslae te raak.

President Joe Biden sê Amerikaanse soldate sal waarskynlik in Afganistan aanbly langer as die aanvanklike spertyd van einde Augustus. Leon van Nierop resenseer een van die snaaksste TV-reekse van die jaar. Dr. Willem Botha praat vanoggend oor die woord, tjips.

'n Nuwe Speaker van die Nasionale Vergadering is verkies. 'n Aansoek by die Konstitusionele Hof om die plaaslike regeringsverkiesing uit te stel, word vandag aangehoor. Suid-Afrikaners sal dalk tot 12% van hulle inkomste aan 'n maatskaplike sekerheidsfonds moet bydra.

Munisipale bestuurders onder die loep in 'n korrupsieverslag. 'n Suid-Afrikaanse vrou maak geskiedenis by Oxford.

Die polisie het die afgelope boekjaar klaaglik misluk in die haal van sy eie teikens. Daar is kritiek op die manier waarop die Weste uit Afghanistan onttrek het.

'n Moslem-akademikus sê Afgane se vrees vir die Taliban is oordryf. 'n Suid-Afrikaner wat Afganistan in die verlede besoek het, vertel van haar ervaring.

Veterane van Suid-Afrika se bosoorlog voel soms vergete oor 'n oorlog wat nie glorie gebring het nie, maar 'n Amerikaanse militêre akademikus het 'n meer positiewe blik. Die Oktobervakansie vir skoolkinders is in die weegskaal.

Ons bespreek die jongste verwikkelinge in Afghanistan met 'n kenner in Krygskunde.

Daar is steeds talle vrae nege jaar ná die Marikana-slagting. 'n Verslag wys Suid-Afrikaners dok baie op vir hulle veiligheid.

Die parlement is besig om meganismes daar te stel om ministers wat traag is om vrae te beantwoord, tot verantwoording te roep. Die prys van die huishoudelike voedselmandjie styg oor die afgelope 12 maande met meer as R280. Die beperking op visvang naby pikkewynkolonies word deur omgewingsbewaringsorganisasies verwelkom.

Duisende mense probeer uit Kaboel in Afghanistan vlug uit vrees vir die Taliban. 'n Gesiene hartsjirurg se uitlatings oor Covid-19-entstowwe krap die mediese establishment om.

President Cyril Ramaphosa sê aan die Staatskapingskommissie dat hy nie probeer om mag op te bou, om met sy vyande af te reken nie. Die aantal nuwe Covid-19-gevalle in die land het die afgelope 24 uur bykans verdubbel. Ysige weer word die naweek voorspel.

Suid-Afrikaners het tot vandag tyd om kommentaar te lewer op die voorgestelde wysiging aan Artikel 25 van die grondwet, wat die onteiening van grond sonder vergoeding betref. Te midde van ysige weersomstandighede in Gauteng is sowat 60 gesinne in die Midvaal se toekoms onseker. 'n Vulstasie in Johannesburg bekom 'n lisensie om drank te verkoop. Nie almal is egter hiervoor te vinde nie.

Die geskorste sekretaris-generaal van die ANC, Ace Magashule, sê hy is onskuldig in die asbesdak-korrupsiesaak. Ons praat met Eskom se bestuurshoof, André de Ruyter, oor die jongste terugslae by die kragvoorsiener, soos Sondag se ontploffing by die Medupi-kragstasie.

President Cyril Ramaphosa getuig voor die Zondo-kommissie dat hy die afdanking van finansminister Nhlanhla Nene in 2015 as die laaste strooi beskou het. Ekonoom Moeletsi Mbeki gee ANC-beleid die skuld vir armoede en werkloosheid.

'n Nuwe burgemeester is vir Johannesburg verkies. Opposisiepartye is teleurgesteld met die ANC-koukus se benoeming van Nosiviwe Mapisa-Nqakula as die volgende Speaker in die Nasionale Vergadering. Ons fokus op die geo-politieke gevolge van klimaatsverandering op eilandstate en hulle inwoners.

Gauteng se aansoekproses vir Graad 8-leerlinge het amptelik begin. Die Suid-Afrikaanse Sportkonfederasie en Olimpiese Komitee sê atlete wat medaljes by die Olimpiese Spele ingepalm het, sal beloon word. Bykomende wetstoepassers is in Delft op die Kaapse Vlakte ontplooi. Ons fokus op seerowery aan die weskus van Afrika.

Ons kry reaksie op die VN interregeringspaneel se verslag oor klimaatsverandering. Groot brande woed in Griekeland en in die noorde van Kalifornië.

Skok nadat 'n plaasaanval naby Harrismith 'n gesin van vyf eis. 'n Nuwe verslag van die Verenigde Nasies wys dat temperature vinniger styg as wat tot nou toe verwag is. Die 'nuwe' Suid-Afrikaanse Lugdiens het nog nie begin vlieg nie - die bestuur sukkel glo om vlieëniers te kry met die nodige ervaring en kwalifikasies.

Ons praat met mediese kenners oor die WGO se voorgestelde moratorium op die toediening van bykomende COVID-19-versterkingsdosisse. Vroueregisseurs en -akteurs veg vir ’n hoër profiel in rolprente en televisiereekse.

Kommunikasievakbonde spreek hulle kommer uit oor die teenwoordigheid van soldate by SAUK-geboue. Gemengde reaksie op Brandfort in die Vrystaat se naamsverandering na Winnie Mandela. Kundiges sê onverwerkte trauma wat die Covid-19-pandemie veroorsaak, beroof mense van hulle gewone manier om die dood te rou.

Ons ontleed president Cyril Ramaphosa se langverwagte kabinetskommeling. Ons kyk na die jongste sportgebeure, veral by die Olimpiese Spele. Leon van Nierop resenseer die uitbundige JUNGLE CRUISE en die louwarm OLD.

President Cyril Ramaphosa se kabinetskommeling kry 'n louwarm ontvangs by opposisiepartye. 'n Ondersoek word gelas na 'n video wat versprei word van polisiebeamptes wat 'n skoolmeisie hardhandig behandel en in 'n voertuig stop.

Aansoeke vir die R350 noodtoelaag open môre. Reaksie op die Verkiesingskommissie se aansoek om die plaaslike regeringsverkiesings tot volgende jaar uit te stel. Verskeie atlete het in die verlede die Olimpiese Spele gebruik om asiel in 'n ander land te soek. Bogemiddelde reënval in die winter vir die Wes-Kaap.

Plattelandse en verafgelëe gebiede gaan geprioritiseer word vir Covid-19-inentings. 'n Parlementêre ondersoek na die regering se noodkrag-verkrygingsprogram word wyd verwelkom. Onderwysersvakbonde versoek 'n vergadering met minister Angie Motshekga oor die afstand wat tussen leerlinge gehandhaaf moet word.

Wetstoepassers krap kop oor afgeslagte katte op die Kaapse Vlakte. Ons bespreek die spanne vir Saterdag se deurslaggewende stryd tussen die Bokke en die Britse en Ierse Leeus.

Kommer oor dienslewering in Johannesburg meer as drie weke ná die afsterwe van die burgemeester. Die Taliban bedreig toenemend die beheer van regeringsmagte in Afghanistan.

Vakbonde se dringende hofaansoek om die Mango lugredery in sakeredding te plaas, word vandag aangehoor. Die Medupi kragstasie is ná 14 jaar voltooi. TLU SA versoek die Departement van Water en Sanitasie om die land se waterbroninfrastruktuur te herstel.

Die Departement van Gesondheid werk aan 'n program om ongedokumenteerde buitelanders, teen Covid-19 in te ent. Die DA sê 'n totale herstrukturering van die land se drie sekuriteitsstrukture word benodig. Minder as 1% van die Suid-Afrikaanse bevolking is geregistreer as orgaan- of weefselskenkers.

Hulde word gebring aan 'n reus in die sakewêreld. Ons het die jongste nuus van die Olimpiese Spele.

Ons bespreek die spanning tussen die hoëkoppe in die polisie. Covid-regulasies by skole word verslap.