Monitor

Die inflasiekoers is op sy hoogste vlak sedert 2017. Oudpresident Jacob Zuma doen aansoek om te appelleer teen die hofbeslissing, dat hy moet terugkeer tronk toe. Verkeer op die land se hoofroetes neem aansienlik toe.

Ons praat met 'n kenner oor die geregtelike prestasieverlag. 'n 83-jarige kry haar doktersgraad by Maties.

Brittanje hef die reisverbod na Suid-Afrika op. Kommer oor die onsuksesvolle vervolging van plaasaanvallers en veediewe in die Vrystaat.

Vyf politieke partye word teenwoordig in Johannesburg se burgemeesterskomitee. Ons bespreek die stand van demokrasie wêreldwyd. Verkeersowerhede verwag dat verkeersvolumes op die hoofroetes van môre af skerp sal toeneem.

Die toerismebedryf se inkomste uit verblyf het in Oktober aansienlik gegroei. Die Sol Plaatje Universiteit het 'n beleid aanvaar wat behels dat alle studente en personeellede teen Covid-19 ingeënt moet wees om toegang tot die kampus te verkry.

Kommer neem toe oor 'n toename in hondsdolheid onder mense. 'n Spesialis aan die Instituut vir Oordraagbare Siektes, waarsku dat dié siekte dodelik is, en die president van die Suid-Afrikaanse Veeartseny-vereniging sê die regering moet meer doen om mense behoorlik in te lig wat voorkomingsmaatreëls betref. Lede van die ANC sleep die party hof toe oor beweerde ongerymdhede in die benoemingsproses. Die lugvaartsektor groet 'n legende ná 'n vliegongeluk die naweek.

President Cyril Ramaphosa het die afgelope naweek hulde gebring aan wyle oudpresident FW de Klerk, en is kort daarna gediagnoseer met Covid-19. Hy is nou in isolasie. Die minister van minerale hulpbronne, Gwede Mantashe, sê hy ondersteun Shell se beplande seismiese opnames aan die Oos-Kaapse Wildekus, terwyl duisende landsburgers steeds daarteen betoog op verskeie platforms. Moslemvroue vra hoe dit sou lyk as hulle toegelaat word in dele van moskees waar hulle verbied word. 'n Kenner vertel hoe sy 'n voormalige terroris bevriend het.

Die grondwet is vandag 25 jaar oud. Ons praat met twee grondwetkenners oor die sterk punte en leemtes in die grondwet. AMCU vra dat die bestuurshoof van die Sibanye Stillwater-mynmaatskappy bedank. Leon Van Nierop resenseer die veelbesproke rolprent, MY SON.

Die moordenaar van Marike de Klerk wil op parool vrygelaat word. Navorsing deur die Universiteit van Johannesburg wys dat meer as die helfte van volwassenes verpligte Covid-19-inentings in die werkplek steun.

Ons loer agter die skerms van die Parlement om te sien hoe partye met mekaar onderhandel om sekere wette deur te druk, al dan nie. Die vlerke van die Lugmag se Gripen-vegvliegtuie word tydelik geknip - en die Vloot is dalk volgende. Die aktrise, Lizz Meiring, vertel hoe die teaterwereld die afgelope 50 jaar verander het.

Ons ondersoek die ware impak van onreëlmatige uitgawes by regeringsentiteite. Nie alle handreinigers op winkelrakke voldoen aan standaarde nie. Taxibestuurders probeer om wetstoepassers in Kaapstad aan bande te lê.

Te min steun vir 'n grondwetwysiging om onteiening sonder vergoeding moontlik te maak. Indië se krieketspan is wél op pad na Suid-Afrika vir toetse en eendagwedstryde.

'n Ekonoom reageer op die jongste Bruto Binnelandse Produk. 'n Nuwe wêreldkaart is pas saamgestel, wat 'n ander perspektief gee oor die ware grootte van sekere kontinente.

Gegradueerdes sukkel om werk te kry. Waar lê die probleem? Die gehalte van skoolonderrig kom onder die soeklig. Komediant Leon Schuster vertel waarom hy nie meer poetse bak in sy rolprente nie.

Dit is vandag 80 jaar sedert die aanval op Pearl Harbour in Hawaii. Die NVG verseker die publiek dat hulle aan staatskapingssake werk. Die 18e wysigingswetsontwerp van die grondwet word vandag in die Nasionale Vergadering ter tafel gelê.

Gemengde reaksie op Maties se nuwe taalbeleid. 'n Suid-Afrikaanse wyn wen die eerste prys by die Wêreldfynproewers-uitdaging.

Teenstand teen die oliereus Shell se beplande soektog na olie- en aardgas-neerslae aan die Wildekus van die Oos-Kaap neem toe. Angela Merkel lê na 16 jaar die tuig neer - 'n kenner bespreek haar nalatenskap.

Die Europese Unie stel 'n beleggingsplan bekend as teenvoeter vir China se infrastruktuur-ontwikkelingsinisiatief. Die jongste algemene huishoudelike opname wys dat meer Suid-Afrikaners oor matriek of 'n naskoolse kwalifikasie beskik.

Die Omikron-variant dryf die styging in Covid-gevalle in Gauteng. Modimolle-Mookgophong in Limpopo se nuwe burgemeester word met 'n muntstuk verkies. Die Lughawensmaatskappy bevestig dat hy vrywillige skeidingspakkette aan sommige van sy werknemers gaan aanbied. Die toekoms van die Kannaland-munisipaliteit in die Klein Karoo is in die weegskaal weens 'n versuurde verhouding tussen die ANC en ICOSA. Die Universiteit van Stellenbosch aanvaar 'n nuwe taalbeleid.

Die jongste verwikkelinge oor Brittanje se reisbeperkings op Suider-Afrika. Alle vroue-tennistoernooie in Sjina word opgeskort. 'n Bekende akteur glo dat betrokke pa's, geweld teen vroue en kinders kan stuit. Die Noordwes Kamer van Handel en Nywerheid sê die belastingstelsel moet hersien word in die lig van die aansienlike skerp stygings in die brandstofprys. Shell sê indien hy die saak verloor oor sy seismiese opname aan die Wildekus, sal dit 'n reuse geldelike verlies wees en sal hy die projek moontlik heeltemal moet staak.

Kommer oor die groot aantal MIV-positiewe mense wat nie behandel word nie. Nuwe Covid-19-gevalle in Suid-Afrika verdubbel. Kwetsende boodskappe op sosiale media kan jou nou in die tronk laat beland. 'n Ma praat oor haar dogter wat al meer as een keer probeer het om haarself om die lewe te bring.

Die werkloosheidskoers styg tot 'n nuwe rekord van 34,9%. Ons praat met 'n kenner oor 'n onlangse hofbeslissing wat bepaal dat waterregtehouers die reg het om sodanige regte oor te dra.

Wetenskaplikes sê al hoe minder seksueel aktiewe mense gebruik kondome, wat die stryd teen MIV/VIGS bedreig. Die Rektor van die Universiteit van die Vrystaat, prof. Francis Petersen, glo dat dit onmoontlik is om 'n florerende ekonomie op die rug van 'n verdeelde samelewing te bou.

Wat is die fisiologiese impak op die groot aantal Suid-Afrikaanse meisies wat jaarliks swanger word? 'n Skot raak Afrikaans in minder as twee jaar baas.

'n Oogkundige by Pretoria Oog-Insituut, Michelle Rautenbach, is op die ouderdom van 26 gediagnoseer met tipe-1 diabetes. Haar lewe het die afgelope twee jaar handomkeer verander. Sy moes haar lewenstyl drasties aanpas, en dra nou permanent 'n insulienpomp. Sy het aan Marlinée Fouché gesê haar persepsie van diabetes het verander toe sy self daarmee gekonfronteer is, en spits haar nou daarop toe om aan mense te wys dat dié diagnose nie 'n doodsvonnis is nie.  

Kommer oor die groot aantal gesondheidswerkers wat nog nie ingeënt is nie. Suikersiekte kan jou blind maak.

Suid-Afrika bly op vlak een van inperkings, en maak nou op inenting staat as die vernaamste wapen teen die Covid-19-pandemie. Noordwes-Universiteit se ingenieursdepartement onthul 'n proses om groen steenkool uit organiese afval te vervaardig.

Suid-Afrika bly op vlak een van Covid-19-inperkings in weerwil van 'n nuwe variant van die virus. Landsburgers en baie buitelanders reageer met skok en verslaendheid op die verbod op vlugte na Suid-Afrika wat sommige lande ingestel het. Ons het intussen verneem dat die Verenigde Koninkryk weer vlugte na Suid-Afrika sal hervat. Die talle tienerswangerskappe in Suid-Afrika word by die Vigs-beraad in Durban veroordeel.

Ons kyk na die nuwe Covid-19-variant, en die implikasies daarvan vir die land. Die Blitsbokke is weer in aksie. In sy weeklikse fliekrubriek vra Leon van Nierop: Is daar regtig nóg 'n Ghostbusters nodig?

Brittanje plaas Suid-Afrika weer op sy rooilys weens 'n nuwe Covid-19-variant. Stormweer teister die Wes-Kaap.

Die ANC het die burgemeesterskap van die eThekwini-Metro in KwaZulu-Natal behou, met Mxolisi Kaunda wat die DA se Nicole Graham verslaan het. Die ruimtemaatskappy, SpaceX, lanseer 'n vuurpyl wat daarop gemik is om 'n asteroïede van sy baan af te dwing. Duisende pasiente in Gauteng wag al maande, of selfs jare, op kankerbehandeling.

Daar word gevrees dat trae Covid-19-inentings tot 'n vroeë vierde golf van infeksies kan lei. Ons wil weet: kan vroue werklik op die beskerming van die owerheid staatmaak in situasies van huishoudelike geweld? President Cyril Ramaphosa sê Suid-Afrika is gereed vir 'n terreuraanval as dit sou gebeur - maar is dit so? Die George-munisipaliteit in die Suid-Kaap gaan om ramphulp aansoek doen.

Ballet-teatergangers gee minderbevoorregtes 'n vroeë Kersgeskenk. ‘n Beperkte aantal toeskouers sal van Vrydag af krieket in Centurion mag kyk - mits jy ingeënt is.

Die vloedskade word in George bepaal. Die DA vergroot sy politieke grondgebied in Gauteng.

Vragmotors met noodvoorraad is van Kimberley, Gqeberha, Graaff-Reinet en Kaapstad op pad na die vloedgeteisterde George. Nuwe stadsraadslede word ingehuldig en burgemeesters verkies.

Uiterste weerstoestande is in George in die Suid-Kaap ervaar, terwyl daar in ander dele van die land ook buitengewone koue weer was. Eskom vra die energiereguleerder, NERSA, vir 'n 20% tariefverhoging. Openbare weerstand is aan die opbou teen Shell se olie- en gaseksplorasieplanne langs die Wildekus.

Afrikaans is een van slegs 5 moderne tale wat so gevorderd is, dat dit sedert die begin van die twintigste eeu, tot volwaardige akademiese taal gevorder het. Daar word boonop heelwat vordering gemaak in die gebruik daarvan in die digitale ruimte, soos soekenjins en die digitale ensiklopedie, Wikipedia. Tydens die twintigste verjaarsdagviering van dié platform, is die klem geplaas op die mag van die aanlyn Afrikaanse gemeenskap vir die bevordering van dié taal in die oordrag van kennis. Marlinée Fouché berig diegene wat reeds skouer aan die wiel sit, se geesdriftigheid ken geen perke nie...

Die ANC gaan sy koalisie-ooreenkoms in die Kannaland Munisipaliteit hersien. Die DA-strydros, James Selfe, tree uit na 43 jaar in die politiek.

'n Versoek aan die hoëronderwyssektor om sy kurrikulum en beleid meer LGBTQI+ inklusief te maak. Meer as 16-miljoen Suid-Afrikaners het al minstens een dosis Covid-19-entstof ontvang. Die SAL-direksie sloer om Mango se sakereddingsplan goed te keur.

Die skerp styging in brandstofpryse aan die begin van die maand het mense weer laat kopkrap oor die samestelling van die prys, en of dit billik is dat so 'n groot deel van die prys uit heffings moet bestaan. 'n Groot deel van Johannesburg is steeds sonder water ná die opgradering van Rand Water se infrastruktuur.

Die restaurantvereniging sê daar is 'n agterstand van meer as 170 dranklisensies in Gauteng. Die repokoers styg met 25 basispunte - wat beteken dit? Minibustaxis sal na elektriese energie moet omskakel - maar nie sonder hoofbrekens nie.

Die Suid-Afrikaanse Rugbyunie se direkteur van rugby, Rassie Erasmus, is vir 'n bepaalde tydperk uit alle wedstrydaktiwiteite geskors. 'n Kenner waarsku dat verbruikers hulleself moet beveilig wanneer hulle aanlyninkopies op Swartvrydag doen.

Die Afrikaanse sanger, Theuns Jordaan, se stem word stil. SAFA begin sy eie ondersoek na wedstrydbeamptes se besluite in Bafana Bafana se kragmeting teen Ghana.

Ons kyk na die politieke dinamika van die koalisiegeprekke om stadsrade te vorm. 'n Reisagentskap, het onlangs die eerste kommersiële vlug van Kaapstad na Antarktika met 'n Airbus A340 onderneem. Hulle sê dit is 'n gewilde bestemming.

Ontvoerings neem drasties toe. Die Islamitiese Staat-militantegroep het aanspreeklikheid aanvaar vir selfmoordbomaanvalle in Ugandese se hoofstad, Kampala.

Ons praat met 'n politieke ontleder oor die uitvoerende komitee-stelsel as 'n alternatiewe regeerstelsel, indien koalisieregerings nie saamgestel kan word nie. President Cyril Ramaphosa moedig Afrikalande aan om die vryehandelsooreenkoms vir die vasteland te gebruik om handel tussen lande te bevorder.

Rand Water sê watertoevoer in Gauteng sal teen Donderdag ten volle herstel wees. 'n Petisie om 'n beplande seismiese opname aan die Oos-Kaapse kus te stop. Brittanje en Amerika raai hulle landsburgers aan om Ethiopië te verlaat.

Ons praat met 'n kenner oor die besluite wat by COP-26 geneem is. Koalisiesamesprekings oor Gautengse Metro's gaan in Sandton plaasvind. Hulde aan die skrywer Wilbur Smith. Wateronderbrekings kom van vandag af in dele van Gauteng voor. Muammar Ghaddafi se seun gaan as presidentskandidaat staan in die Libiese verkiesing.

President Cyril Ramaphosa sê die COVID-19-pandemie het Suid-Afrika nie platgeslaan nie. Diabetes maai onder Suid-Afrikaners. Ministers begin vandag voor die Mensregtekommissie verskyn oor die onrus in Julie.

Oudpresident FW de Klerk spreek in 'n laaste video sy spyt uit oor sy aandeel in apartheid. Die Thabo Mbeki-stigting sê De Klerk het gekies om die realiteit te aanvaar, dat die apartheidstelsel nie verdedig kan word nie. 'n Rolprent oor demensie, HERE TODAY, is een van dié week se hoogtepunte. Leon van Nierop verduidelik hoekom in sy fliekrubriek. Dr. Willem Botha praat oor poedelkaal, kaalkop en ander kaal woorde. Suid-Afrika se ekonomie het in die eerste helfte van vanjaar vinniger gegroei as wat verwag is.