Monitor

'n 49-jarige man verskyn môre in die hof in verband met die brand by die Parlementsgebou. Die Elsiesrivier-gemeenskapspolisiëringsforum begin 'n veldtog om paaie in dié woonbuurt veiliger te maak. Tweede Nuwejaar word op 'n spesiale manier gevier.

Vriende bring hulde aan emeritus-aartsbiskop Desmond Tutu. Die eerste FM radio-uitsendings hjet vandag 60 jaar gelede plaasgevind. Die kabinet kondig aan dat die aandklokreël opgehef word. In sy weeklikse fliekrubriek praat Leon van Nierop oor vanjaar se 20 beste rolprente. Dr. Willem Botha praat oor Oujaarsdag.

Die plaaslike regeringsvereniging, Salga, wil hê alle verbruikers moet hulle krag slegs van munisipaliteite koop. Ons gee 'n oorsig oor die 2021-skooljaar. Die polisiehond Snoekie laat dwelmhandelaars aan die pen ry. 'n Moontlike brandstofprysverlaging in die vooruitsig. Klimaatsaktiviste is bekommerd oor 'n afname van sowat 60% in seeskulpe, wat in Mauritius aangeteken is.

Shell moet sy seismiese opname aan die Wildekus staak. Wydverspreide reën en donderstorms word vir die res van die week voorspel. Ons kyk na die hoogte- en laagtepunte van die afgelope ekonomiese jaar. Suid-Afrikaners wat 'n tweede dosis van die Pfizer-entstof teen Covid-19 ses maande gelede of langer terug ontvang het, kan nou 'n versterkingsdosis kry. Die Kaapstad Metro sê talle strate om die stadsaal sal vandag gesluit word met die oog op die interkerklike huldigingsdiens vir emeritus-aartsbiskop Desmond Tutu later vanaand. 2021 was 'n baie moeilike jaar vir krieket - ons vind uit wat gebeur het, en hoe die toekoms lyk.

President Cyril Ramaphosa sê die huldeblyke wat vanoor die wêreld heen instroom vir emeritus-aartsbiskop Desmond Tutu is 'n bewys van die enorme aansien wat hy geniet het. Ons fokus op sy werk teen TB en MIV/Vigs. Die James Webb-teleskoop bereik die eerste mylpaal in sy lang reis na ‘n donker, koue bestemming. Die DA vra president Cyril Ramaphosa om die aandklokreël vóór Oujaarsaand te beëindig.

Wyle Anglikaanse emeritus-aartsbiskop Desmond Tutu word onthou as 'n ikoniese geestelike leier en anti-apartheidsaktivis. Ons praat met sy jarelange vriende en kollegas oor sy nalatenskap. Ons leer meer van blou-apies wat gered en in nuwe troppe geïntegreer word.

Navorsing wys dat sekere lig malaria kan uitroei. Watter rolprente is die lekkerste vir Oukersaand? Leon van Nierop het 'n paar idees. Dr. Willem Botha praat oor die oorsprong van die woorde, Oukersaand en Kerfees. Die veteraan nuusman, Freek Robinson, praat oor sy memoir, Op die Man Af.

Die dood van meer as 30 seuns tydens die jongste inisiasieproses word as 'n menseslagting beskryf. Die Wes-Kaap ervaar 'n skerp afname in inentingsgetalle. Die Minister van Gesondheid, dr. Joe Phaahla, sê inentings teen Covid-19 bespaar die ekonomie baie geld. Kuberkrakers teiken maatskappye en instellings regoor die land. 'n Kenner deel sy wenke vir 'n veiliger feesgety. Die Minister van Polisie, Bheki Cele, waarsku dat Covid-19-regulasies in KwaZulu-Natal streng toegepas sal word.

Opgraderings aan die Koeberg-kragstasie se kernkragreaktors word bevraagteken. 'n Gelekte opname van president Cyril Ramaphosa het die tonge los - 'n politieke ontleder probeer sin maak van die opname en die betekenis daarvan. Ouers word gemaan om hulle kinders se veiligheid te verseker tydens die vakansietyd. Twee babas word uit die puin van ‘n tornado gered.

Covid-infeksies in Gauteng en ander binnelandse provinsies neem af. Nelson Mandelabaai Metro maak planne bekend om waterinfrastruktuur te verbeter. Ons vind meer uit oor die Aarde se sogenaamde Black Box, wat data oor klimaatverandering insamel. 'n Ruimtekapsule van vyftig jaar gelede word binnekort oopgemaak.

Strenger wetgewing vir die bestuur en voorkoming van tienerswangerskappe beplan. Die Menseregtekommissie neem vyf provinsiale onderwysdepartemente hof toe oor die gebruik van puttoilette by skole. Die Lost Bird-projek vra voëlkykliefhebbers om hulle te help soek na voëlspesies, wat vir lank nie gesien is nie.

Jacob Zuma mag appelleer teen 'n hofbeslissing oor sy mediese parool. 'n Suid-Afrikaanse soldaat is in Mosambiek doodgeskiet. Die toerismebedryf pleit dat die Europese Unie reisbeperkings moet ophef.

Ons praat oor die debat oor of kwarantyn en Covid-19-kontakopsporing opgeskort moet word. Die mors van kos neem in die feestyd met 25% toe. Oudpresident Jacob Zuma se aansoek om verlof tot appèl word vandag aangehoor.

Die hof se weiering om bortog aan Babita Deokaran se vermeende moordenaars toe te staan, word verwelkom. Ons kry die jongste nuus oor die vakansieverkeer, en 'n kenner gee raad oor hoe om veilig op die paaie te wees.

Inwoners van die Matjhabeng Munisipaliteit sit al sewe dae sonder water. Vrystaatse boere ly skade ná groot reën. 'n Goeie, maar kleiner wyndruifoes in 2022 verwag.

Die produsenteprys vir bees- en skaapvleis styg skerp. Ons praat met 'n traumaberader oor hoe om vakansiedepressie te vermy. Die impak van die Julie-onluste word steeds deur sakeondernemings gevoel.

Verdere reaksie op die tussentydse Sosiale Geregtlikheid en Nasiebou-krieketverslag. Leon van Nierop sê wat hy van die plaaslike rolprent, Klein Karoo 2, dink. Willem Botha bespreek die woorde, pendel en skraagdosis.

Ons het die jongste nuus oor hoe sake op die vernaamste roetes verloop. Nóg reën word vir die ooste van die land voorspel.

Eskom teken 'n groot netto wins aan, en stel duisende hektaar grond beskikbaar vir private groenkragopwekking. Daar is 'n effense afname in Suid-Afrika se Covid-19-toetspositiwiteitskoers. Ons praat met politieke ontleders oor ministers se prestasie om hulle teikens vir dienslewering te haal.

Die inflasiekoers is op sy hoogste vlak sedert 2017. Oudpresident Jacob Zuma doen aansoek om te appelleer teen die hofbeslissing, dat hy moet terugkeer tronk toe. Verkeer op die land se hoofroetes neem aansienlik toe.

Ons praat met 'n kenner oor die geregtelike prestasieverlag. 'n 83-jarige kry haar doktersgraad by Maties.

Brittanje hef die reisverbod na Suid-Afrika op. Kommer oor die onsuksesvolle vervolging van plaasaanvallers en veediewe in die Vrystaat.

Vyf politieke partye word teenwoordig in Johannesburg se burgemeesterskomitee. Ons bespreek die stand van demokrasie wêreldwyd. Verkeersowerhede verwag dat verkeersvolumes op die hoofroetes van môre af skerp sal toeneem.

Die toerismebedryf se inkomste uit verblyf het in Oktober aansienlik gegroei. Die Sol Plaatje Universiteit het 'n beleid aanvaar wat behels dat alle studente en personeellede teen Covid-19 ingeënt moet wees om toegang tot die kampus te verkry.

Kommer neem toe oor 'n toename in hondsdolheid onder mense. 'n Spesialis aan die Instituut vir Oordraagbare Siektes, waarsku dat dié siekte dodelik is, en die president van die Suid-Afrikaanse Veeartseny-vereniging sê die regering moet meer doen om mense behoorlik in te lig wat voorkomingsmaatreëls betref. Lede van die ANC sleep die party hof toe oor beweerde ongerymdhede in die benoemingsproses. Die lugvaartsektor groet 'n legende ná 'n vliegongeluk die naweek.

President Cyril Ramaphosa het die afgelope naweek hulde gebring aan wyle oudpresident FW de Klerk, en is kort daarna gediagnoseer met Covid-19. Hy is nou in isolasie. Die minister van minerale hulpbronne, Gwede Mantashe, sê hy ondersteun Shell se beplande seismiese opnames aan die Oos-Kaapse Wildekus, terwyl duisende landsburgers steeds daarteen betoog op verskeie platforms. Moslemvroue vra hoe dit sou lyk as hulle toegelaat word in dele van moskees waar hulle verbied word. 'n Kenner vertel hoe sy 'n voormalige terroris bevriend het.

Die grondwet is vandag 25 jaar oud. Ons praat met twee grondwetkenners oor die sterk punte en leemtes in die grondwet. AMCU vra dat die bestuurshoof van die Sibanye Stillwater-mynmaatskappy bedank. Leon Van Nierop resenseer die veelbesproke rolprent, MY SON.

Die moordenaar van Marike de Klerk wil op parool vrygelaat word. Navorsing deur die Universiteit van Johannesburg wys dat meer as die helfte van volwassenes verpligte Covid-19-inentings in die werkplek steun.

Ons loer agter die skerms van die Parlement om te sien hoe partye met mekaar onderhandel om sekere wette deur te druk, al dan nie. Die vlerke van die Lugmag se Gripen-vegvliegtuie word tydelik geknip - en die Vloot is dalk volgende. Die aktrise, Lizz Meiring, vertel hoe die teaterwereld die afgelope 50 jaar verander het.

Ons ondersoek die ware impak van onreëlmatige uitgawes by regeringsentiteite. Nie alle handreinigers op winkelrakke voldoen aan standaarde nie. Taxibestuurders probeer om wetstoepassers in Kaapstad aan bande te lê.

Te min steun vir 'n grondwetwysiging om onteiening sonder vergoeding moontlik te maak. Indië se krieketspan is wél op pad na Suid-Afrika vir toetse en eendagwedstryde.

'n Ekonoom reageer op die jongste Bruto Binnelandse Produk. 'n Nuwe wêreldkaart is pas saamgestel, wat 'n ander perspektief gee oor die ware grootte van sekere kontinente.

Gegradueerdes sukkel om werk te kry. Waar lê die probleem? Die gehalte van skoolonderrig kom onder die soeklig. Komediant Leon Schuster vertel waarom hy nie meer poetse bak in sy rolprente nie.

Dit is vandag 80 jaar sedert die aanval op Pearl Harbour in Hawaii. Die NVG verseker die publiek dat hulle aan staatskapingssake werk. Die 18e wysigingswetsontwerp van die grondwet word vandag in die Nasionale Vergadering ter tafel gelê.

Gemengde reaksie op Maties se nuwe taalbeleid. 'n Suid-Afrikaanse wyn wen die eerste prys by die Wêreldfynproewers-uitdaging.

Teenstand teen die oliereus Shell se beplande soektog na olie- en aardgas-neerslae aan die Wildekus van die Oos-Kaap neem toe. Angela Merkel lê na 16 jaar die tuig neer - 'n kenner bespreek haar nalatenskap.

Die Europese Unie stel 'n beleggingsplan bekend as teenvoeter vir China se infrastruktuur-ontwikkelingsinisiatief. Die jongste algemene huishoudelike opname wys dat meer Suid-Afrikaners oor matriek of 'n naskoolse kwalifikasie beskik.

Die Omikron-variant dryf die styging in Covid-gevalle in Gauteng. Modimolle-Mookgophong in Limpopo se nuwe burgemeester word met 'n muntstuk verkies. Die Lughawensmaatskappy bevestig dat hy vrywillige skeidingspakkette aan sommige van sy werknemers gaan aanbied. Die toekoms van die Kannaland-munisipaliteit in die Klein Karoo is in die weegskaal weens 'n versuurde verhouding tussen die ANC en ICOSA. Die Universiteit van Stellenbosch aanvaar 'n nuwe taalbeleid.

Die jongste verwikkelinge oor Brittanje se reisbeperkings op Suider-Afrika. Alle vroue-tennistoernooie in Sjina word opgeskort. 'n Bekende akteur glo dat betrokke pa's, geweld teen vroue en kinders kan stuit. Die Noordwes Kamer van Handel en Nywerheid sê die belastingstelsel moet hersien word in die lig van die aansienlike skerp stygings in die brandstofprys. Shell sê indien hy die saak verloor oor sy seismiese opname aan die Wildekus, sal dit 'n reuse geldelike verlies wees en sal hy die projek moontlik heeltemal moet staak.

Kommer oor die groot aantal MIV-positiewe mense wat nie behandel word nie. Nuwe Covid-19-gevalle in Suid-Afrika verdubbel. Kwetsende boodskappe op sosiale media kan jou nou in die tronk laat beland. 'n Ma praat oor haar dogter wat al meer as een keer probeer het om haarself om die lewe te bring.

Die werkloosheidskoers styg tot 'n nuwe rekord van 34,9%. Ons praat met 'n kenner oor 'n onlangse hofbeslissing wat bepaal dat waterregtehouers die reg het om sodanige regte oor te dra.

Wetenskaplikes sê al hoe minder seksueel aktiewe mense gebruik kondome, wat die stryd teen MIV/VIGS bedreig. Die Rektor van die Universiteit van die Vrystaat, prof. Francis Petersen, glo dat dit onmoontlik is om 'n florerende ekonomie op die rug van 'n verdeelde samelewing te bou.

Wat is die fisiologiese impak op die groot aantal Suid-Afrikaanse meisies wat jaarliks swanger word? 'n Skot raak Afrikaans in minder as twee jaar baas.

'n Oogkundige by Pretoria Oog-Insituut, Michelle Rautenbach, is op die ouderdom van 26 gediagnoseer met tipe-1 diabetes. Haar lewe het die afgelope twee jaar handomkeer verander. Sy moes haar lewenstyl drasties aanpas, en dra nou permanent 'n insulienpomp. Sy het aan Marlinée Fouché gesê haar persepsie van diabetes het verander toe sy self daarmee gekonfronteer is, en spits haar nou daarop toe om aan mense te wys dat dié diagnose nie 'n doodsvonnis is nie.  

Kommer oor die groot aantal gesondheidswerkers wat nog nie ingeënt is nie. Suikersiekte kan jou blind maak.

Suid-Afrika bly op vlak een van inperkings, en maak nou op inenting staat as die vernaamste wapen teen die Covid-19-pandemie. Noordwes-Universiteit se ingenieursdepartement onthul 'n proses om groen steenkool uit organiese afval te vervaardig.

Suid-Afrika bly op vlak een van Covid-19-inperkings in weerwil van 'n nuwe variant van die virus. Landsburgers en baie buitelanders reageer met skok en verslaendheid op die verbod op vlugte na Suid-Afrika wat sommige lande ingestel het. Ons het intussen verneem dat die Verenigde Koninkryk weer vlugte na Suid-Afrika sal hervat. Die talle tienerswangerskappe in Suid-Afrika word by die Vigs-beraad in Durban veroordeel.

Ons kyk na die nuwe Covid-19-variant, en die implikasies daarvan vir die land. Die Blitsbokke is weer in aksie. In sy weeklikse fliekrubriek vra Leon van Nierop: Is daar regtig nóg 'n Ghostbusters nodig?

Brittanje plaas Suid-Afrika weer op sy rooilys weens 'n nuwe Covid-19-variant. Stormweer teister die Wes-Kaap.

Die ANC het die burgemeesterskap van die eThekwini-Metro in KwaZulu-Natal behou, met Mxolisi Kaunda wat die DA se Nicole Graham verslaan het. Die ruimtemaatskappy, SpaceX, lanseer 'n vuurpyl wat daarop gemik is om 'n asteroïede van sy baan af te dwing. Duisende pasiente in Gauteng wag al maande, of selfs jare, op kankerbehandeling.