Monitor

Werkloosheid styg tot 'n nuwe rekordvlak. Meer buitelandse toeriste besoek die land in Januarie. Inwoners van Hangberg in Kaapstad vertel hoe dit voel om in 'n Silwerskermfees-fliek te verskyn.

Operasionale uitdagings by die land se hawens kniehalter vrugteuitvoerders. Kommer heers oor rioolvuil wat in die Kamiesberg munisipale gebied gestort word. 'n Nuwe Covid-variant, Deltakron, versprei in Amerika en Europa.

Die opsystaanreël van die ANC kry teenstand van die party se takke in Kwazulu-Natal. Amnestie Internasionaal looi Suid-Afrika oor vreemdelingehaat. Die nuwe opposisieparty in Zimbabwe, CCC, behaal ongewone sukses in die afgelope naweek se verkiesings.

Suid-Afrika is diep verdeel oor die kwessie van buitelanders. Verdere onderhandelings om die oorlog in Oekraïne te beëindig vind vandeesweek plaas teen die agtergrond van die vlugtelingekrisis. Die vakbond Solidariteit beoog om 21 staatskapers by die polisie aan te kla.

Minder mense het in 2020 voor die kansel beland. Nuwe wetgewing oor huwelike sal binnekort aan die kabinet voorgelê word. Die rolprent Dune maak skoonskip by die Oscar-toekennings.

Opposisiepartye wil die burgemeester van die Mangaung-Metro uit die kussings lig. Die rolprente Barakat en Gaia wen groot by die Silwerskermfees-toekennings. Die MRK gryp in om die spanning tussen inwoners en buitelanders op Bredasdorp te ontlont.

Die Minister van Polisie, Bheki Cele, is een van net drie kabinetsministers wat 'n slaagpunt van die DA kon kry. Rusland probeer sogenaamde vyandige lande dwing om gas met Roebel te koop. Die regering en tabakbedryf kruis swaarde oor nuwe belasting, wat na verwagting aanstaande jaar in werking tree.

Die Reserwebank verhoog die repokoers met 25 basispunte vir 'n derde keer in vier maande. Die Wêreldbank verkoop die eerste natuurlewebewaringseffekte ter waarde van sowat R2,2-miljard rand.

Amerika beplan nog sanksies teen Rusland. Britse, EU en Amerikaanse amptenare sukkel om op Russiese oligarge se seiljagte beslag te lê. 'n Afrikaanse fliek oor fopdossery maak sy debuut by die Silwerskermfees.

Rompslomp en verouderde wetgewing verhinder werkskepping en ekonomiese selfstandigheid in townships. Bek-en-klouseer versprei na nog twee gebiede in KwaZulu-Natal. Duisende Suid-Afrikaners sterf jaarliks aan tuberkulose.

'n Suid-Afrikaanse rugbyspeler praat oor sy Russiese ervaring. Die tiende Silwerskermfees begin vandag.

Covid-19-inperkingsmaatreëls word aangepas. Bek-en-klouseer kom die rooivleisbedryf duur te staan.

Meer mense soek hulp met hulle geestesgesondheidtoestand. Skoner lug vir Gauteng en Mpumalanga - 'n hofuitspraak dwing die regering om nou op te tree vir jou gesondheid. Die James Webb-teleskoop stuur helder foto’s terug van 'n dowwe ster wat die menslike oog skaars kan sien. 'n Nederlandse omroeper vertel watter bydrae wat sy land lewer om Oekraïners se lot te probeer versag. En, Esté de Klerk berig dat die Amerikaanse president, Joe Biden, dink Rusland is in 'n hoek vasgekeer oor Oekraïne.

Ons gooi 'n wye oog oor landbou, met nuus wat wissel van 'n nuwe oesnavorsingsplatform tot veediefstal. Die belangrikheid van grondwater word beklemtoon op Wêreld Waterdag. Die ANC roep Thabo Mbeki se hulp in om strydende groepe te paai. Ons bespreek planne om Suid-Afrika se COVID-noodmaatreëls te vervang met nuwe regulasies.

Leefstyl oudits sal voortaan verpligtend wees vir alle nasionale en provinsiale departemente. Die Proteas stof Bangladesj maklik af, terwyl al die Suid-Afrikaanse rugbyspanne in die VRK-toernooi hulle wedstryde wen.

Hoeveel is daar te vier op Menseregtedag? Kuberkrakers eis miljoene rand in ruil vir Suid-Afrikaners se inligting. 'n Oekraïner vertel hoe hulle mense land uit help.

Verbruikersvertroue daal. Laat slapeloosheid jou snags rondrol? 'n Kenner gee raad. Dr. Willem Botha van die Woordeboek van die Afrikaanse Taal praat oor galopsop.

Amptenare van die Renosterberg-munisipaliteit ontvang twee maande se agterstallige salarisse. Kinderwelsyn SA in die Oos-Kaap sê staatsbefondsing aan nieregeringsorganisasies wat maatskaplike dienste verskaf, word ingekort. Klein- en mediumskaal pluimveeboere in Johannesburg kry 'n welkome hupstoot.

Ons praat met 'n Oekraïnse politieke en militêre ontleder oor die oorlog. Die Cheetahs is steeds onoorwonne.

Die VN-veiligheidsraad hou ‘n noodsitting oor die situasie in Oekraïne, terwyl die druk op Rusland toeneem. Kleinhandelverkope styg, maar wat hou 'n verwagte brandstofprys van R24 per liter vir die ekonomie in?

Baie Suid-Afrikaners sê Sensus 2022 ignoreer hulle. Die Burgerlugvaartowerheid sê hy werk saam met Comair om die redery so gou moontlik weer in die lug te kry.

Die verlenging van die ramptoestand word wyd gekritiseer. Die DA sê die Suid-Afrikaanse regering het die verkeerde kant in die konflik tussen Rusland en Oekraӗne gekies. Ons praat oor Suid-Afrika se superrykes wat minder word.

Wie is president Wladimir Poetin se binnekring? Sikloon Gombe los 'n spoor van verwoesting in Mosambiek.

Kommer oor springkaanplae in die Noord-Kaap, Vrystaat en Noordwes. Kenners verskil oor of president Wladimir Poetin kernwapens sal gebruik.

Die Wes-Kaap en Kalifornië sluit 'n landbou-ooreenkoms. Wetenskaplikes is opgewonde oor die onlangse ontdekking van sir Ernest Shackleton se legendariese ysbrekerskip, The Endurance, in Antarktika.

Die nasionale coronavirusbevelsraad vergader vandag om die moontlike opheffing van die nasionale ramptoestand te bespreek. Comair se vlerke word weens veiligheidsoorwegings vir 'n onbepaalde tyd geknip. Ons praat oor die gevare van te veel sout in kos.

Kan Suid-Afrikaners ESKOM hof toe sleep oor langer as geskeduleerde beurtkrag? Verskeie Europese rugbyspanne is die naweek plaaslik in aksie.

Talle opposisiepartye verwelkom regter Raymond Zondo se aanstelling as hoofregter. Die oorlog in Oekraïne het 'n groot impak op Suid-Afrika se sagtevrugte-uitvoere.

Die Nasionale Vervolgingsgesag eis tronkstraf vir die voormalige minister van maatskaplike ontwikkeling, Bathabile Dlamini, nadat sy aan meineed skuldig bevind is. Eskom gebruik sowat nege miljoen liter diesel per dag om krag op te wek. Die oorlog tussen Rusland en Oekraïne benadeel Suid-Afrika se landbou-uitvoere.

Eskom gebruik sowat nege miljoen liter diesel per dag om krag op te wek. Sommige ANC-politici het hulle reeds ten gunste van 'n tweede termyn vir Cyril Ramaphosa uitgespreek. Rusland se Minister van Buitelandse Sake is in Turkye vir samesprekings oor die oorlog in Oekraïne.

Suid-Afrika se ekonomie het verlede jaar met bykans 5% gegroei. Ons praat met 'n onderwyskenner en 'n sielkundige oor die impak van te veel huiswerk op kinders. 'n nuwe aanlyn Afrikaanse naslaangids vir laerskoolleerlinge is bekendgestel.

'n Kenner sê sportbeleid moet dringend verander word om geslagsgelykheid te bevorder. Gemeenskapskolleges kry 'n groot finansiële inspuiting. 'n Hofsaak oor die toekenning van munisipale setels in Noordwes.

Verskeie politieke partye eis dat alle oorblywende Covid-19-regulasies opgeskort moet word. 'n Kernaktivis dagvaar Gwede Mantashe nadat die aktivis van die kernreguleerder se raad verwyder is.

Inwoners betoog by die Wessel Maree Hoërskool in Odendaalsrus ná 'n onderonsie tussen 'n onderwyser en 'n leerling. Die Wes-Kaap ervaar 'n ernstige tekort aan bloed. Die Gariep-dam in die Vrystaat vier sy 50ste verjaarsdag.

'n Hofaansoek is ingedien om die uitreiking van vuurwapenlisensies te versnel. Kabeldiefstal hou 'n groot bedreiging in vir Kimberley se ekonomie. 'n Politieke ontleder gee sy mening oor individue se voorneme om bevindinge van die Zondo-kommissie op hersiening te neem.

Navorsing deur Black Sash dui aan die kindertoelaag moet verhoog word. FNB Landbou voorspel dat voedselinflasie op die korttermyn skerp sal styg. Gift of the Givers verleen humanitêre hulp aan inwoners van Oekraïne.

'n Nuwe Suid-Afrikaanse wet bring sensuur na die internet, maar sommige kommentators sê die goeie word saam met die slegte uitgegooi. Die herstel van oeroue wild-trekroetes word oorweeg om met die beskerming van diere soos olifante te help.

Die Gelykheidshof bestempel twee lede van die BLF se twiets oor die Hoërskool Driehoek-tragedie van 2019, as haatspraak. Vier leerlinge is in 2019 by Hoërskool Driehoek in Vanderbijlpark dood toe 'n loopvlak inmekaar gestort het. 'n Tweede ronde gesprekke tussen afgevaardigdes van Rusland en Oekraïne om die oorlog te beëindig, het gister plaasgevind.

Gwede Mantashe gaan die jongste Zondo-verslag in die hof laat hersien. Die VN oorweeg 'n internasionale verdrag om plastiekbesoedeling te bestry. Olifante in die Krugerwildtuin word getoets vir tuberkulose.

Bendegeweld ruk handuit in Roodepan in Kimberley. Opposisiepartye versoek dat die volledige verslag oor bewerings van seksuele wangedrag teen Albert Fritz bekendgemaak word. Die SAUK en Supersport kry die uitsaairegte vir 2023 Netbal Wêreldbekertoenooi.

Die derde staatkapingsverslag word bekendgestel. ‘n Vrou getuig oor haar broer se dood in die Life Esidimeni-tragedie. Rugby, sokker, atletiek en ander sportkodes skop Rusland uit alle kompetisies.

Agri Noord-Kaap waarsku dat die sprinkaanplaag in die provinsie in die komende dae selfs erger skade aan landbou kan aanrig. Moontlike oorlogsmisdade teen president Putin word ondersoek. Ons praat met 'n kenner wat spesialiseer in oorlogsreg.

Die poskantoor gaan van sy eiendom verkoop. Die prys van basiese voedselsoorte daal. Slegs twee staatshospitale kan geslagsveranderingsoperasies doen.

Staatsdiensvakbonde se appèlaansoek oor salarisverhogings is van die hand gewys. Die regering word versoek om sy beleid meer inklusief te maak om die regte van transgender mense te bevorder. Nuwe navorsing oor die gehalte van internet in Afrika.

Rusland plaas sy kernmagte op 'n hoë gereedheidsgrondslag. Ons praat met 'n politieke ontleder oor die afdanking van die nasionale polisiekommisaris.

'n Brandstofprysskok wag op Suid-Afrikaners. 'n Suid-Afrikaner praat oor die oorlog in Oekraïne.

Amerika stel nog ekonomiese sanksies teen Rusland in. Die Suid-Afrikaanse ambassade moet nog ontruimingsplanne inwerking stel vir Suid-Afrikaners wat in Kiëf is. Aandelebeurse wêreldwyd daal skerp.

Eskom se kragtariewe styg met bykans 10%. Boere in Mpumalanga loop erger as ooit deur onder veediefstal. ‘n Petisie om rasseklassifikasie te skrap, word deur die parlement bespreek.

Tientalle mense, hoofsaaklik pelgrims, het die afgelope tyd in die Kenmare Kloof aan die Gautengse Wesrand verdrink tydens geestelike rituele. Die Kenmare Kloof Bewaringsvereniging, sê dis tyd dat dié onnodige sterftes gestop word, deur die gebied doeltreffend te bestuur. Die sterftes is maar een van die kwessies wat die vereniging wil hokslaan. Samesprekings met die relevante owerheid verloop goed, en die vereniging hoop dat hy teen Augustus vanjaar, die grond by die Mogale City Munisipliteit, en die Johannesburg Metro, onder voogdyskap kan neem. Marlinée Fouché was by die vereniging se eerste opruimsessie, ná bykans 2 jaar van inperkingsregulasies.

Ons praat met 'n politieke ontleder en 'n landboukenner oor die begrotingsrede. Die tweede kriekettoets teen Nieu-Seeland begin om middernag Suid-Afrikaanse tyd.