Monitor

Agri Noord-Kaap waarsku dat die sprinkaanplaag in die provinsie in die komende dae selfs erger skade aan landbou kan aanrig. Moontlike oorlogsmisdade teen president Putin word ondersoek. Ons praat met 'n kenner wat spesialiseer in oorlogsreg.

Die poskantoor gaan van sy eiendom verkoop. Die prys van basiese voedselsoorte daal. Slegs twee staatshospitale kan geslagsveranderingsoperasies doen.

Staatsdiensvakbonde se appèlaansoek oor salarisverhogings is van die hand gewys. Die regering word versoek om sy beleid meer inklusief te maak om die regte van transgender mense te bevorder. Nuwe navorsing oor die gehalte van internet in Afrika.

Rusland plaas sy kernmagte op 'n hoë gereedheidsgrondslag. Ons praat met 'n politieke ontleder oor die afdanking van die nasionale polisiekommisaris.

'n Brandstofprysskok wag op Suid-Afrikaners. 'n Suid-Afrikaner praat oor die oorlog in Oekraïne.

Amerika stel nog ekonomiese sanksies teen Rusland in. Die Suid-Afrikaanse ambassade moet nog ontruimingsplanne inwerking stel vir Suid-Afrikaners wat in Kiëf is. Aandelebeurse wêreldwyd daal skerp.

Eskom se kragtariewe styg met bykans 10%. Boere in Mpumalanga loop erger as ooit deur onder veediefstal. ‘n Petisie om rasseklassifikasie te skrap, word deur die parlement bespreek.

Tientalle mense, hoofsaaklik pelgrims, het die afgelope tyd in die Kenmare Kloof aan die Gautengse Wesrand verdrink tydens geestelike rituele. Die Kenmare Kloof Bewaringsvereniging, sê dis tyd dat dié onnodige sterftes gestop word, deur die gebied doeltreffend te bestuur. Die sterftes is maar een van die kwessies wat die vereniging wil hokslaan. Samesprekings met die relevante owerheid verloop goed, en die vereniging hoop dat hy teen Augustus vanjaar, die grond by die Mogale City Munisipliteit, en die Johannesburg Metro, onder voogdyskap kan neem. Marlinée Fouché was by die vereniging se eerste opruimsessie, ná bykans 2 jaar van inperkingsregulasies.

Ons praat met 'n politieke ontleder en 'n landboukenner oor die begrotingsrede. Die tweede kriekettoets teen Nieu-Seeland begin om middernag Suid-Afrikaanse tyd.

Die Arbeidshof beslis dat Denel binne tien dae R90-miljoen se salarisse aan Solidaiteit-werknemers moet uitbetaal. Die begrotingsrede ontlok gemengde reaksie van opposisiepartye.

Die Weste reageer met nog sanksies nadat Rusland soldate in die ooste van Oekraïne ontplooi het. Veelpartykoalisies word in Tshwane, Ekhuruleni en Johannesburg geformaliseer.

Pensioenarisse hoop daar is vanjaar 'n paar rand meer vir hulle in die begrotingstrede. Sosiale media gons nadat die polisie vroeër vandeesweek op transitorowers in Rosettenville in die suide van Johannesburg toegeslaan het.

Ons praat met 'n politieke ontleder oor die verrotting in die Staatsveiligheidsagentskap. Touwsrivier kry mediese hulp.

Kritiek op bestuurders in die staatsdiens se salarisverhogings van R450-miljoen. Op die vooraand van die begrotingsrede versoek opposisiepartye dat reddingsboeie aan staatsondernemings gesny word.

Die Menseregtekommissie sit sy ondersoek voort na die onluste wat in Julie verlede jaar in Gauteng en KwaZulu-Natal plaasgevind het. Onwettige myners word die slagoffers van ingewandskoors in Noordwes. Polio steek sy kop uit in Malawi.

Sommige lede van die Suid-Afrikaanse Mediese Vereniging is omgekrap oor dr. Angelique Coetzee se skorsing as raadslid. 'n Sogenaamde Quantum-bende voer 'n skrikbewind in Macassar op die Kaapse Vlakte. Ons praat oor gebaretaal as 'n medium van kommunikasie tussen horendes en niehorendes.

Die Nasionale Vervolgingsgesag wil die privaatsektor vir befondsing nader. Die SAA Mediese Vereniging het aangekondig dat dr. Angelique Coetzee as voorsitter van die liggaam bedank het. Leon van Nierop resenseer die opspraakwekkende THE TINDER SWINDLER. En, ons woord van die week is platanna.

Suid-Afrika se swak wetgewing en maatreëls om geldwassery te bekamp, kan hom ernstige sanksies op die hals haal. Brittanje wil goue visums vir Russe staak as straf vir president Poetin. Die sensussperdatum gaan dalk verleng word.

President Cyril Ramaphosa vra geduld vir sy omkeerstrategieë. Die Outomobiel Assosiasie pleit dat brandstofheffings nie verhoog moet word nie. 'n Uitspraak deur die Konstitusionele Hof oor swart ekonomiese bemagtiging word in sekere oorde as 'n geskiedkundige deurbraak beskou.

Sommige polisiebeamptes is sku vir berading ná traumatiese voorvalle. Daar is toenemende bewyse dat stamselbehandeling MIV-Vigs in sekere gevalle kan genees. 'n Regstryd ontwikkel oor die naamsverandering van Hoërskool DF Malan in Kaapstad.

Parlementslede debatteer oor die regering se ekonomiese verantwoordelikheid en staatskaping. Ons kry reaksie by politieke ontleder dr. Harlan Cloete oor die tweede dag van die debat oor die staatsrede. 'n Baba van Atlantis buite Kaapstad by wie 'n seldsame bloedkanker gediagnoseer is, wag op 'n stamselskenker.

Die Openbare Beskermer gaan die agterstand in die verwerking van DNS-monsters by die polisie se forensiese afdeling ondersoek. Die Menseregtekommissie besoek Klawer om vas te stel waar die owerheid die dertienjarige Jerobejin van Wyk versaak het. Die gasvryheidsbedryfsliggaam, Fedhasa, sê Suid-Afrika se elektroniese visumstelsel werk nie.

Die DA wil 'n mosie van wantroue teen die hele kabinet by die parlement indien. Boere is ongelukkig oor 'n plan om Eskom te dwing om krag uitsluitlik aan munipaliteite te verskaf. Ons praat oor diere wat bloed skenk, of dit in noodgevalle ontvang.

President Cyril Ramaphosa se staatsrede word in die parlement geprys én gekritiseer. Die Universiteit van Pretoria ontken dat studente verbied word om Afrikaans in die koshuis te praat.

Die Departement van Basiese Onderwys oorweeg dit om die mag oor te neem van openbare skole om self oor hulle taal- en toelatingsbeleid te besluit. Die president van Tunisië versterk sy greep op die land se regbank. Walliese navorsers het bewyse dat daar chemikalieë in otters is wat in kleefplastiek voorkom.

Die redakteursforum, SANEF, is bekommerd oor beperkings op joernaliste se toegang tot die howe. Die hiasinteplaag op die Hartebeespoortdam is besig om hand uit te ruk. 'n Petisie om sensortegnologie vir die monitering van glukose vir alle Tipe 1 diabete in die land beskikbaar te stel.

President Cyril Ramaphosa kondig 'n sosiale vennootskap aan om die ekonomie om te draai. Die verlenging van die Covid-19-toelaag met nog 'n jaar kan die begin wees van 'n basiese inkomstetoelaag. Ons praat oor die implikasies van gisteraand se staatsrede. 'n Mikrobioloog praat oor die Verenigde Nasies as Internasionale Dag vir Vroue en Meisies in die Wetenskap. Leon van Nierop raak liries oor Agatha Christie se DEATH ON THE NILE in sy weeklikse fliekrubriek.

Daar is 'n nuwe VIGS-variant wat mense vinniger siek maak. 'n Suid-Afrikaanse konsepvliegtuig vang die oog van Hollywood. Die Amahlathi-munisipaliteit in Stutterheim in die Oos-Kaap kan nie salarisse betaal nie, maar laat werknemers toe om kos op skuld by die plaaslike Pick 'n Pay te koop.

Huiswerkers se minimumloon styg skerp. Die Suikerriet-kwekersvereniging vra die regering om die bedryf te ondersteun. Athol Trollip sluit by Action SA aan.

Vroueskuilings hoop om meer befondsing van die regering te ontvang. 'n Versoek aan die Departement van Gesondheid om veiligheid by gesondheidsinstellings te verskerp. 'n Pasiënt wat direk geraak word deur die hoë prys van die kankermiddel Herceptin, deel haar verhaal met ons.

Het die president sy staatsredebelofte om geslagsgeweld uit te roei, nagekom? Ons praat met 'n kenner. Ná twee jaar hou Oudtshoorn weer makietie.

Politieke partye vra dat koppe rol oor die Julie-onluste. Ons praat ook oor hoe rassehaat in KwaZulu-Natal gemeenskappe verdeel.

'n Verslag wys dat die kabinet aanspreeklik is vir die onluste in Julie verlede jaar. Ons praat met 'n politieke ontleder oor president Cyril Ramaphosa se beloftes in sy vorige staatsrede. 'n Kenner reageer op sprake van 'n moontlike Russiese inval in Oekraïene.

Die moord op 'n 13-jarige seun ruk die gemeenskap van Klawer. 'n Gemeenskapsaktivis sê intussen sulke gruweldade gebeur gereeld op kleiner dorpe. SAHPRA keur die gebruik van twee nuwe Covid-19 entstowwe goed.

Vroue is bang om openbare vervoer te gebruik. Brittanje se koningin Elisabeth II vier 70 jaar op die troon.

Die Regterlike Dienskommissie kan regstappe verwag oor die manier waarop onderhoude vir hoofregter gevoer is. Kinders keer vir die eerste keer sedert die begin van die pandemie voltyds terug na die klaskamer.

'n Sensus-opname onder die land se tronkbevolking sal gebruik word om die huisvesting van gevangenes te beplan. Die Winter Olimpiese Spele begin vandag in Beijing. 'n Renosterkalfie sterk goed aan ná 'n hoërisiko mediese prosedure. Die oorlogswolke pak saam op die grens tussen Rusland en Oekraïene. Die maan val op die aarde in MOONFALL, wat Leon van Nierop in sy fliekrubriek resenseer.

'n Sub-variant van Omicron wek kommer oor 'n moontlike oplewing van Covid-19-infeksies. Verbruikers steier onder stygende kospryse. Dis vandag Wêreld Kankervoorkomingsdag - ons hoor by 'n spesialis of die oormatige gebruik van selfone breinkanker veroorsaak. Universiteite Suid-Afrika reageer op die regering se plan om universiteitsfooie vir 2022 te verhoog. Die EFF herhaal sy oproep dat LP's in hulle massas na die Parlement terugkeer. Die SA Polisiediens hervat sy keuringsinname vir polisierekrute.

Hoe doeltreffend is kommissies van ondersoek? Sutherland hou nou voorwerpe dop wat die aarde kan tref.

Watter impak sal beurtkrag op die sensus hê? Die regering word hof toe gesleep oor die voortdurende ramptoestand.

Daar is meningsverskille oor die idee van 'n basiese inkomstetoelaag, nie net onder kenners nie, maar ook onder regeringsraadgewers. Ons kyk hoe toekomstige beleid hieroor kan lyk. Die regering beplan om wetgewing oor immigrasie en werk in Suid-Afrika te hersien. 'n Weerligstraal met 'n rekordlengte van oor die 760 km word in die Amerikaanse deelstaat, Texas, aangeteken.

Die name van prominente politici word in die tweede deel van die Zondo-kommissie se staatskapingsverslag genoem. Sensus 2022 begin môre in alle erns, maar baie mense is bekommerd dat dit 'n dekmantel vir skurke kan word. Die jongste aanpassings van Covid19-regulasies kan 'n positiewe uitwerking op die ekonomie hê.

Ons praat met die Wes-Kaapse premier oor die bewerings van seksuele wangedrag teen Albert Fritz. Die Blitsbokke loop breëbors rond ná nóg 'n oorwinning.

'n Gevoelige slag vir vuisvoos motoriste, met nóg groot verhogings in brandstofpryse. 'n Fluitjieblaser-organisasie vra vir die spoedige implementering van die Spesiale Ondersoekeenheid se aanbevelings in Limpopo.

Onwettige elektrisiteitsverbindings eis die lewe van 'n vierjarige seun in George in die Suid-Kaap. Opposisiepartye in die Kaapstad Metro eis dat koppe rol ná 'n verslag oor die Strandfontein-kamp vir haweloses. Humphrey, die hond met ‘n ruim hart, word deur die Umhlanga-toerismevereniging as gelukbringer aangeneem.

Mediavryheidorganisasies sê die afdanking van die SAUK se nuushoof, Phatiswa Magopeni, dui op politieke inmenging by die openbare uitsaaier. Oudpresident Jacob Zuma se aansoek om appèl in die wapenskandaal word aangehoor. Die tesourie skuld die Spesiale Ondersoekeenheid R216-miljoen vir die ondersoek na korrupsie oor COVID persoonlike beskermende toerusting.

'n Ekonoom verduidelik wat nóg 'n rentekoersverhoging vir die verbruiker inhou. Leon van Nierop vertel van 'n rateltaai-film oor 'n vrou wat uit die tronk vrygelaat word.

Wat voer Rusland in die mou met die bande wat hy met lande smee? Ons praat met 'n politieke ontleder. Koos Roets lig die sluier oor sy Gerrie Coetzee-rolprent.

Diplomate van 13 lande oorhandig geloofsbriewe aan president Cyril Ramaphosa. Die oudste grondeiser in Distrik Ses in Kaapstad, Shariefa Kahn, sterf voor sy in haar nuwe huis kon intrek. Agri-SA se leiers vergader met die Minister van Landbou, Thoko Didiza, en 'n reeks besluite word geneem.

Die ANC vra die polisie om die saak van die geskorste provinsiale minister van Gemeenskapsveiligheid, Atbert Fritz, te ondersoek. 'n Mediese span van Tygerberg-hospitaal verwyder 'n groot gewas uit 'n 35 week oue fetus. Sowat 850 werknemers van die staatsonderneming, PetroSA, kan in die pad gesteek word.