Monitor

Ons praat met die DA oor sy besluit om 'n plakaatveldtog in Phoenix, noord van Durban, te staak. Ons kyk na die afgelope week se Nobelpryse.

In die Emfuleni-munisipaliteit in Gauteng het eindelose kragprobleme die sakegemeenskap genoop om hulle eie substasies te begin herstel. Die Nobelpryswenner vir letterkunde word na baie jare weer aan 'n skrywer uit Afrika toegeken.

China gaan nie meer oorsese steenkoolprojekte steun nie. Die DA-leier, John Steenhuisen, sê die party se omstrede verkiesingsplakkate in KwaZulu-Natal word verkeerd geïnterpreteer. Wetenskaplikes aan die Universiteit van Parys bevind dat sogenaamde wintervoete 'n newe-effek van COVID-19 is.

Die Patriotic Alliance wil die DA in die Kaapse Metro ontsetel. Action SA sleep die Verkiesingskommissie hof toe omdat die party se naam nie op stembriewe verskyn nie. Die Suid-Afrikaanse Inkomstediens se inkomste uit belastingopgawes daal met 8%.

NUMSA waarsku dat hy die ekonomie tot stilstand sal dwing. Ons praat met 'n ekonoom oor dié vakbond en COSATU se stakings. Daar is goeie reën op pad vir groot dele van die land.

Venezuela is in die greep van weghol-inflasie. Die EFF-leier steun die omstrede Wes-Kaapse regterpresident John Hlophe.

Nog partye steun in beginsel 'n referendum oor die Wes-Kaap se onafhanklikheid. Die ANC-koukus in die Vrystaatse wetgewer is verdeeld ná die onlangse kabinetskommeling in dié provinsie. 'n Kenner reageer op die onthullings in die sogenaamde Pandora-dokumente.

Die Bruingemeenskap van Danville in Mahikeng in Noordwes sê die ANC het hulle op die kantlyn geskuif. Benoemings vir die volgende hoofregter lok uiteenlopende reaksie uit. Die Departement van Gesondheid begin vandag om elektroniese inentingskaarte uit te reik aan almal wat reeds teen Covid-19 ingeënt is.

'n Geletterheidsinisiatief maak 'n verskil in onherbergsame gebiede. Pieter van den Berg bespreek die Bokke se puik oorwinning, en die naweek se ander sport.

Verdere strafregtelike klagtes kan gelê word teen UPL, wat duisende ton giftige insekdoder en chemiese produkte sonder permitte gestoor het. 'n Storm woed oor twee tiere wat langs 'n kleuterskool in Boksburg aangehou word.

Ons fokus op dienslewering, wat een van die verkiesing se belangrikste vraagstukke is. Leon van Nierop het die nuwe en langverwagte James Bond fliek, No Time to Die, gesien, en vertel dat dit 'n groot verrassing was. Dr. Willem Botha praat oor die uitdrukking: die kool is die sous nie werd nie.

Die inperkingsregulasies word verslap. Die Kaapse Metro gooi wal ná 'n herrie oor sy verordening oor geraassteurnis. Die IVP wil die eThekwini Metro ná die plaaslike regeringsverkiesing regeer.

Die families van die Cradock-vier vra geregtigheid. 'n Oud-rugby-administrateur praat oor Saterdag se stryd teen die All Blacks.

Noord-Kaap Landbou beraam die skade van die verwoestende veldbrande, en vra om hulp. Ons bespreek die verdoemende Digital Vibes-verslag.

Werkloosheid neem toe terwyl die gemiddelde salaris met 7% styg. 'n Ondersoek na die wanbesteding van staatshulpfondse vir kunstenaars wys hoe oneweredig geld uitbetaal is.

'n Slagoffer van swak dienslewering in Johannesburg vertel hoe sy uiteindelik die einde van die pad bereik het. 'n Verdere 86,000 werksgeleenthede gaan in die tweede kwartaal tot niet. 'n Polemiek oor die status van Afrikaans ontstaan tussen die DA en die Minister van Hoër Onderwys, Blade Nzimande.

Ons bespreek die ANC se verkiesingsmanifes met ontleders. Die eerste somerreën word dié week oor groot dele van die land voorspel.

Die jongste oor die veldbrande in die Noord-Kaap. 'n Leeu stap weg met die Motor van die Jaar-toekenning.

Frans Marx word onthou vir 'n klomp produksies, nie net vir die silwerdoek nie, maar ook die televisieskerm. Monumente kom onder die vergrootglas tydens Erfenismaand.

Huldeblyke stroom in na die afsterwe van die gevierde akteur en regisseur Frans Marx. Die EFF, die DA en die ANC lig die sluier oor hulle verkiesingshandveste - ons kyk na die verskille tussen hierdie partye.

Pieter van den Berg bekyk die Bokke se 100ste toets teen die All Blacks. Willem Botha bespreek Afrikaans en kookkuns.

Op Erfenisdag bespreek ons Suid-Afrika se unieke fauna en flora. Solidariteit vertrek vanaand om klagtes by die VN in te dien.

Die Vryheidsfront Plus verras met sy keuse van burgemeesterskandidaat in Kaapstad. Afriforum verwelkom 'n uitspraak ten gunste van Afrikaans as onderrigtaal by Unisa.

Die polisie waarsku teen die misdaad van padspykers wat veral in die noorde van Gauteng voorkom. Wetenskaplikes is opgewonde oor drie dragtige moordviskoeie aan die Kanadese kus.

Kommer oor Suid-Afrika wat bly talm op Brittanje se rooilys vir reisigers. Het die Springbokke 'n kat se kans teen die All Blacks?

Section 27 verwelkom die hooggeregshof uitspraak dat puttoilette by skole met spoeltoilette vervang moet word. Die vonke spat tussen die staat en oudpresident Jacob Zuma se regspanne.

Suid-Afrikaners is onthuts omdat Brittanje die land op 'n rooi lys geplaas het weens Covid-19. Die Bokke se voorryafrigter Deon Davids meen die Springbokke kan dalk terugkeer na hulle vorige glorie.

Die Suid-Afrikaanse Inkomstediens kla oor belastingbetalers wat oneerlik met hulle opgawes is. 'n Ondersoek word gedoen na 63 skaars brilpikkewyne wat weens bysteke gevrek het.

Volgens 'n voorsorgfonds vir professionele Suid-Afrikaners is Suid-Afrika se belastingbasis drasties verklein deur professionele mense wat die land verlaat. 'n Man wat sy werk kwyt is weens 'n fout met sy identiteitsdokument 19 jaar gelede, beskryf sy situasie as benard. 'n Verslag deur die Global Initiative Against TransNational Organised Crime wys dat Suidelike Afrika vol onwettige wapens is, wat konflik en georganiseerde misdaad 'n hupstoot gee.

Huldeblyke stroom in ná die dood van die burgemeester van Johannesburg, Jolidee Matongo. 'n Nuwe politieke party, Cape Coloured Congress, beoog om 10% van Bruin kiesers se stemme in Kaapstad te kry. Die Kanadese gaan vandag na die stembus, ná een van die kortste aanlope tot 'n verkiesing in dié land.

In Tswhane word 'n lotery gehou om te verseker dat die werwing van mense vir die Uitgebreide Openbare Werke Program deursigtig is. Rusland gaan na die stembus in 'n verkiesing wat waarnemers as 'n demokratiese klugspel beskryf.

Die regering bestee miljoene rand belastingbetalersgeld aan die beskerming van sogenaamde Baie Belangrike Persone. Die publiek word uitgenooi om die volgende hoofregter te benoem. Die joernalis, Andrew Harding, wen die CNA-prys vir sy boek oor die dood van twee plaaswerkers in 2016 naby Parys in die Vrystaat. Die vyf veroordeeldes het nie tronkstraf gekry nie.

Verskeie tersiêre instellings oorweeg dit dat personeel en studente verplig word om hulle te laat inent teen Covid-19. Daar is 'n vervolgingskoers van 5% vir bendeverwante misdade in Gauteng. Die brons borsbeeld van generaal Koos De la Rey in die Lichtenburg-begraafplaas in Noordwes is vervang.

Die Nasionale Polisiekommisaris, Khehla Sitole, vra president Cyril Ramaphosa om sy werk te red. 'n Nuwe burgerlike organisasie, die New Horizon-beweging, gaan aan die plaaslike regeringsverkiesing deelneem. 'n Spesiale konsert vir gesondheidswerkers by die Grootte Schuur-hospitaal in Kaapstad.

Die Verkiesingskommissie moedig kiesers aan om aanlyn te registreer. Ons sit ons gesprek oor die inenting van kinders voort.

Met die parlement in reses, sloer die Vuurwapenwysigingswet, wat voortgesette onsekerheid kan meebring. Die inflasieteiken word dalk hersien: wat beteken dit vir jou? Ons praat oor die bittere toutrekkery onder familielede wat soms met die lees van 'n testament volg. Is jou testament op datum? En hoe seker is jy dat jou erfgename nie oor jou boedel sal baklei nie?

'n Kuberaanval op die rekenaarstelsel van die kantoor van die Meester van die Hooggeregshof het moontlik mense se persoonlike inligting geteiken. Reaksie op 'n kliniese studie om die Sinovac-entstof op Suid-Afrikaanse kinders te toets. Ons praat met 'n kenner oor die protokol vir die toetsing van mediese produkte.

'n Verslag deur die Mededingingskommissie wys daar is 'n afname in die getal kommersiële boere. 'n Politieke ontleder, Kelvin Knowles, voorspel dat die Nelson Mandela Baai Metro steeds deur 'n koalisie regeer sal word ná die plaaslike regeringsverkiesing. Huldeblyke stroom in na die dood van die dramaturg, Pieter Fourie.

Suid-Afrika is een van vyf lande wat deelneem aan 'n COVID-inentingsproeflopie vir kinders. Die Bokke verloor, maar die Proteas beklink die T20-reeks teen Sri Lanka.

Die land beweeg na 'n Vlak 2-inperking. Ons praat regdeur die program met 'n mediese kenner, 'n politieke ontleder en 'n ekonoom oor dié laer vlak van inperking. Hoe belangrik is dit dat skenkings aan politieke partye openbaar gemaak word?

Slegs drie politieke partye het kontantskenkings van private skenkers aan die Verkiesingskommissie verklaar. Ons berig verder oor die herdenking van die gebeure op 11 September in Amerika 20 jaar gelede. In ons weeklikse fliekrubriek raak Leon van Nierop liries oor 'n nuwe komediereeks, The White Lotus. Dr. Willem Botha praat oor die woorde mors en fiemies.

Durban se ekonomie sal eers volgende jaar herstel van die onrus in Julie. Junior dokters in die Noord-Kaap ontvang nie hulle maandelikse behuisingstoelae van die regering nie. Suid-Afrika het 'n oorskot van Covid-19-entstof. Dis môre die twintigste herdenking van die 11 September aanvalle in Amerika.

Ons praat met die Menseregtekommissie oor rassisme. Die Springbokke maak gereed vir hulle stryd teen die Wallabies.

Die regering kondig 'n historiese verkiesingsdatum aan. Sewe skole in die Noord-Kaap sluit weens Covid-19.

'n Navorser deel haar mening oor die impak wat die Covidpandemie op die plaaslike verkiesings kan hê. Bruin mense en jong mense is volgens nuwe navorsing minder bereid om teen Covid-19-ingeënt te word. Die Wes-Kaap jubel oor damvlakke wat styg, hoewel die Oos-Kaap nie so gelukkig is nie.

Die ANC sê hy gaan hierdie keer sy kandidaatlyste betyds indien. Die Bruto Binnelandse Produk het met 1,2 persentasiepunte toegeneem - is dit egter iets om te vier? Die Menseregtekommissie wil kinders se leesvaardighede 'n prioriteit maak. Ons kry duidelikheid waarom gevaarlike gevangenes se DNS-monsters nie op rekord gehou word nie.

Wie het gesorg dat Jacob Zuma mediese parool kry? Louzanne Coetzee praat oor haar wêreldrekord in Tokio.

Hulde word gebring aan 'n groot skrywer en taalman. Politieke partye en onafhanklike kandidate kry nog 'n kans om vir die verkiesing te registreer.

Suid-Afrikaners het die uitspraak van die konstitusionele hof dat die plaaslike regeringsverkiesings voor 1 November moet plaasvind, met gemengde gevoelens begroet. Daar word voorspel dat die aantal intekenaars van televisiestromingsdienste in Afrika oor vyf jaar sal verdriedubbel.

Die voormalige president, Jacob Zuma, se vrylating op mediese parool ontlok baie reaksie. Politiekery kan dalk grondonteiening sonder vergoeding in die wiele ry. Wetgewing oor spoorwegveiligheid sal na alle waarskynlikheid hersien word.