Middagvervolgverhaal

Dis duidelik dat Alex 'n ogie op Clara het. George en Frankie gaan vir toetsritte op motorfietse. George is opgewonde, maar Frankie nie.

Louis is by Aretha op kantoor toe Yolanda daar inbars met haar portfolio. Hy kies blitsvinnig die hasepad. Jenelle baklei met George oor motorfietse. Louis en Aretha maak rusie oor Clara.

Zonja pers Aretha af om werk vir Yolanda te gee. Aretha dink daaraan om Zonja van haar planne vir Clara te vertel en waarsku Louis om uit Yolanda se pad te bly.

Ilonka is bekommerd omdat sy niks van Louis hoor nie. Yolanda is kwaad omdat Frankie haar kritiseer.

Alex en Louis is by Alex se huis vir nabetragting oor 'n Harley-naweek. Terwyl hy gaan drinkgoed haal, lees Louis SMS'e van Ilonka en raak doodsbenoud. Frankie en George eet weer saam. Louis en Clara maak afsprake.

Aretha smeek Louis om Ilonka enduit by te staan en selfs vir Clara in te lig. Clara kom die naweek huis toe, maar hy voel dis te vroeg om daar saam te kuier en buitendien hou Zonja nie van hom nie. Zonja vertel Clara dat Yolanda haar werk verloor het en vra haar om te help om Yolanda minder stief te laat voel.

Yolanda soek werk en sy sal selfs Frankie s'n oorneem. Zonja stel voor dat sy Aretha nader. Jenelle is steeds onseker oor die vetsuigingprosedure. Yolanda is kwaad omdat Aretha nie vir haar werk het nie en Zonja probeer help. Yolanda kuier by Ilonka wat haar vertel dat sy en Louis Hartog 'n ernstige verhouding het. George probeer Jenelle opbeur.

Zonja betrap Yolanda in die middel van die nag in haar kombuis. Die volgende dag op pad werk toe sê Frankie dat hy die woonstel sal prysgee, maar Zonja weier. Yolanda is terug omdat haar loopbaan oorsee verby is. Aretha is in haar skik met Louis se vordering, maar jaag hom aan om Clara van die modelwerk te vertel. Teen sluitingstyd wil Zonja nie huis toe gaan nie en nooi Frankie vir ete. Aretha maak 'n voorlegging by Mooi Mense om Clara te betrek, maar skrik toe sy besef hoe sterk Louis oor die meisie voel.

Aretha is teleurgesteld omdat sy reken Louis het nie hard genoeg probeer nie. Hy vererg hom en besluit om die meisie te kry, kom wat wil. Yolanda is smoorkwaad omdat Zonja haar woonstel uitverhuur het. Sy wil nie in die huis in een van die gastekamers bly nie. Sy hoor dat haar beste vriendin, Ilonka, opgeneem is vir dwelmrehabilitasie. Louis en Clara ontmoet mekaar. Dit is liefde met die eerste aanblik en kom van beide kante.

Louis vertel vir sy ma dat hy Pretoria toe gaan om van Ilonka af weg te kom. Zonja is vies vir Yolanda wat nie met haar en Clara kommunikeer nie. Clara het die naweek in Frankie se geselskap geniet. Aretha bel Zonja om haar te bedank vir die geld wat sy vir Ilonka inbetaal het. Zonja verseker haar dat sy elke sent sal terugkry. Jenelle maak kennis met die plastiese chirurg, Alex Keyser, wat haar vetsuiging sal doen. Sy is bang en het baie vrae. Louis sit op die mediese kampus en frustreer hom, want Clara is nêrens.

Louis se vriend, Alex, is terug van Amerika, hulle gim saam. Dit blyk dat Alex sy verhouding met Elaine verbreek het en dat sy hom nou teister. Louis moet Ilonka weer eens besoek. Sy kan nie wag om by hom in te trek nie. Hy skrik en vertel haar hy is op pad om drie maande lank foto's in Afrika te neem, maar belowe om kontak te behou. Hy bekla sy lot by Alex wat aan die hand doen dat hy die mooi meisie in Pretoria moet gaan opsoek.

Aretha leen geld by Zonja om Ilonka te help. Louis wil steeds nie met Clara gaan vriende maak nie. Jimmy het nou twee kopers vir die gim. Ene meneer Robbins stel ook belang. Jenelle is omgekrap oor George se planne om 'n gim te koop. Hy lok haar verder uit toe hy aankondig dat hy 'n motorfiets sal koop, as hy nie die gim kan kry nie.

Aretha en Zonja speel saam gholf tot Zonja se frustrasie. Sy waarsku Aretha teen Ilonka, maar willig in om haar te besoek met negatiewe resultate, boonop verneem sy dat dit sleg gaan met haar stiefdogter, Yolanda. Sy kom kwaad by die huis, waar Frankie sy Porsche was dat die seepskuim haar blombolle oorstroom. George bel en wil kom kuier, maar Frankie stel voor dat hulle eerder vir ete uitgaan. Zonja vra te laat om verskoning.

Frankie is op sy senuwees oor sy ma se afspraak met Zonja, meer nog indien sy pa skielik sou opdaag. Aretha en Louis skrik vir die toestand van Ilonka se woonstel. Jenelle kom Bianchi's toe vir haar afspraak. Zonja hanteer haar so professioneel soos sy haar ander kliënte hanteer. Aretha besoek Ilonka in die psigiatriese saal en vind uit dat Ilonka hopeloos verlief is op Louis.

Aretha vra Louis om Clara op te soek en foto's van haar te neem as 'n voorlegging vir Mooi Mense se lente-uitgawe. Hy weier. Aretha werk hard om die redaksiekantoor reg te ruk. Sy bel Zonja om te verneem of sy of Yolanda kontak het met Ilonka se ouers. Louis kuier weer by Ilonka, met kommerwekkende resultate. Aretha moet van Ilonka se persoonlike besittings in haar Hillbrow-woonstel gaan haal.

Op pad werk toe pols Zonja vir Frankie oor sy menings en besef dat hy naïef is oor meisies en vroue. Hy erken aan haar dat sy ma hulp soek. Jenelle sien uit na Frankie se besoek. Sy bel Bianchi's en ontdek dat hy daar werk. Louis bring 'n rondloperkatjie huis toe en hy help Jimmy by die gim. George en Jenelle hoor dat Zonja 'n dogter het wat medies swot. Aretha wil Ilonka se ouers opspoor en onthou dat Clara pragtig is en die beste kandidaat is vir haar lente-uitgawe.

Aretha kry tydelik haar ou pos by Mooi Mense terug en floreer. Sy beplan die lente-uitgwae en vra Louis as fotograaf om haar te help om 'n nuwe gesig te soek, en ook om vir Ilonka in die hospitaal te gaan kuier. Hy doen dit om sy ma te help en Ilonka beskou hom as haar redder. Dit blyk dat haar verslawing 'n lang pad kom en dat Aretha hard sal moet werk om die tydskrif van ondergang te red. Zonja en Frankie maak beurte om werk toe en terug te bestuur. Sy is eensaam en oorweeg dit om hom vir 'n nightcap in te nooi, maar bel eerder vir Aretha en kruis swaarde met Louis.

Die woonstel wat Frankie betrek, is Zonja se modeldogter, Yolanda, s'n maar sy woon en werk jarelank al oorsee en kom nooit meer huis toe nie. Aretha is bekommerd oor Ilonka. Sy deel dit, ook haar bekommernis oor die tydskrif Mooi Mense met Zonja wat geen simpatie toon nie.

Die woonstel wat Frankie betrek, is Zonja se modeldogter, Yolanda, s'n maar sy woon en werk jarelank al oorsee en kom nooit meer huis toe nie. Aretha is bekommerd oor Ilonka. Sy deel dit, ook haar bekommernis oor die tydskrif Mooi Mense met Zonja wat geen simpatie toon nie.

Frankie kry die pos by Zonja en sy bied hom haar tuinwoonstel aan. Hy moet dadelik begin werk en Aretha moet hom touwys maak. Zonja stuur hom na haar haarkapper om sy voorkoms te verbeter tot die verbasing van sy ma wat nie kan glo dat hy eindelik die huis gaan verlaat nie. Aretha probeer byhou met haar roman. Ilonka bel, sy werk laat, maar klink deur die blare. Louis en Aretha maak 'n skokkende ontdekking. George is glad nie tevrede met Frankie se geheimsinnige nuwe werk en woonstel nie.

George en Frankie begin die dag met een van hulle vele konfrontasies. Jimmy het 'n koper vir sy gim. Frankie lê Aretha in die parkeerarea van die sentrum voor en smeek haar om sy ma van Zonja af weg te hou. George is steeds besig om vir sy seun werk te soek. Jenelle bel en bevestig haar afspraak met Zonja by Aretha wat besluit om Jenelle te ondersteun.

Zonja konsulteer mev. Haman en haar dogter Tamara. Frankie daag op vir sy werksonderhoud waarvoor hy hom uitstekend voorberei het. Dis nie nodig nie, want Zonja oordeel hom meer op sy voorkoms as sy intelligensie. Aretha sit Frankie gou op sy plek. Tuis ontdek hy dat sy ma 'n afspraak met Zonja het en dit wil hy tot elke prys vermy.

Zonja speel elke tweede Woensdag gholf en Aretha kry kans om aan haar roman te werk. Louis, wat 'n Harley ry, pas sy doktersvriend Alex se meisie, Elaine, vir hom op. Die volgende dag moet Aretha onder andere vir Zonja help om werksaansoeke wat deur die loop van die week ingekom het, uit te sorteer. Ilonka Flowers, redakteur van Mooi Mense, bel om vir Aretha vryskutwerk te gee en Zonja is nie beïndruk nie. Ilonka klink 'n bietjie af.

George is nie so seker dat Frankie werk soek nie en reël vir hom 'n pos by een van sy vriende. Aretha kom net betyds, maar omgekrap, by die werk aan. Zonja het geen simpatie nie en laai net meer op. George en Frankie eet saam. Dit blyk dat Jenelle 'n yslike gewigsprobleem het en dat pa en seun oor min dinge saamstem. Zonja reken dat Aretha haar voorkoms verwaarloos en botox nodig het.

Dis Aretha se eerste dag by Zonja se spreekkamers in 'n groot winkelsentrum. Hulle het nog nie oopgesluit nie of Frankie wat die assistentpos geadverteer gesien het, daag op. Tuis vertel Louis vir Aretha dat Jimmy gaan aftree en hul gunsteling-gim in die mark is. Zonja bel Aretha en beveel haar om voor werk die volgende dag voorraad in Alberton te gaan haal.

Twee jarelange vriendinne kuier oor 'n glasie wyn. Zonja Bianchi is 'n kosmetiese konsultant en Aretha Hartog 'n gewese tydskrifredakteur. Hulle het baie in gemeen met mekaar en Zonja vra Aretha om tydelik haar assistent te wees. Louis, Aretha se seun, hou niks van die idee nie en ook nie van Zonja nie. Die welgestelde Jenelle en George Robbins het net een kind, Frankie, wat gruwelik bederf word en pas drie jaar op universiteit gemors het. George sit voet neer en Frankie word verplig om te staak en werk te soek.

Roman en Arend beland in 'n groot onderonsie. Louis stel Michelle voor 'n ultimatum. Sal Michelle vir Arend kies of by haar verloofde bly?

Letitia begin glo dat Roman haar gaan verneuk. Roman wil net almal kalm hou tot hulle geld inbetaal word. Engel besluit om teen Roman te draai. Michelle en Arend span saam om die hele bedrogspul te ontbloot.

Lulu praat met Meisie oor die toekoms. Arend kom af op sy oopgebreekte duiwehokke en besluit hy kan nie meer apaties staan teenoor wat aangaan nie. Arend, Lulu en Michelle maak 'n plan om die Hokke te red.

Louis en Roman besluit om saam te werk. Letitia vind dit moeilik om haar gesig enige plek in die Hokke te wys. Arend is besig om sy duiwe reg te kry vir die groot wedvlug.

Daar is 'n groot vergadering in die Hokke waar die munisipaliteit 'n besluit sal neem oor die voortbestaan van die Hokke. Arend maak dit duidelik aan Michelle dat hy nie meer vriende wil wees nie. Lulu is op die oorlogspad en Roman het 'n plan vir Arend se duiwe.

Arend gaan kyk of daar enige oorlewendes is na die ontploffing. Michelle en Lulu help die beseerdes. Arend konfronteer vir Roman oor sy afwesigheid gedurende die ontploffing.

Dis die dag van die basaar. Letitia is op haar senuwees en Lulu geniet haar gate uit. Roman gebruik vir Engel om Dice vas te keer in sy woonstel. Tydens die burgemeester se toespraak is daar 'n groot ontploffing...

Louis maak 'n offer aan Arend waarvoor hy nie kan nee sê nie. Roman, Engel en Dice probeer by die basaar se voedselvoorraad uitkom.

Dis die dag voor die groot basaar. Almal is besig met hulle laaste reëlings. Arend en Michelle werk op mekaar se senuwees. Lulu begin rondkrap in Letitia se sake.

Michelle se verloofde, Louis du Preez, maak sy opwagting by die Hokke. Roman verduidelik aan Letitia presies wat sy plan is vir die dag van die basaar.

Arend en Michelle bestee die dag by 'n duiwewedvlug. Engel lok vir Merlot oor na haar woonstel waar Roman vir hom wag. Lulu het nog geld nodig om die basaar behoorlik te laat vlot, maar Roman is steeks met die begroting.

Merlot gaan bieg by Arend dat Roman en Dice hom in 'n hoek gedryf het. Engel raak ongeduldig met die lang wag en Roman verseker haar sy bedoelings is opreg. Michelle kan nie meer laataande oefen nie, want haar verloofde begin kla.

Dice konfronteer vir Merlot oor wat hulle verwag hy vir hulle moet doen. Letitia se gewete begin haar pla en sy gaan praat met Lulu. Michelle geniet die repetisies van die kindertoneelstuk te veel en Lulu begin agterkom daar is 'n gevoel wat broei tussen Michelle en Arend.

Dice oorreed vir Merlot om by sy en Roman se planne betrokke te raak. Arend en Michelle moet saam die kindervermaak vir die basaar beplan.

Almal is hard aan die werk aan die basaar reëlings. Roman verduidelik aan Engel wat sy groot plan is. Letitia maak haar stem dik en Dice maak die voorstel dat hulle Merlot Dippenaar by hulle planne moet betrek.

Michelle en Arend het die dag, wat Barend vir die twee beplan het, dalk meer geniet as wat hulle wil toegee. Annetjie en Wilhelm se tasse is gepak. Hulle gaan Mosambiek toe om hulle geld terug te kry.

Michelle en Arend gaan op die avontuur wat Barend vir hulle beplan het met interessante gevolge. Lulu sny nie net Wilhelm se hare nie, maar praat hom genoeg moed in om beheer van sy lewe te neem.

Lulu raak besig met Annetjie se hare. Roman bring vir Engel terug Hokke toe. Michelle en Arend vind uit wat in Barend se testament staan.

Michelle moet Dice se woonstel deursoek nadat daar klagtes oor ongerymdhede ontvang is. Wilhelm en Annetjie probeer uitvind waar die man, wat hulle geld gesteel het, homself bevind. Roman is besig om Engel in sy web in te lok.

Dit is Barend se groot begrafnis en die daaropvolgende reis om sy laaste wens waar te maak. Annetjie en Wilhelm besluit om beheer van hulle situasie te neem en hulle geld terug te kry.

Wilhelm kom sleg tweede in sy onderonsie met Roman. Arend bestee tyd by 'n baie siek Barend. Annetjie probeer haar man moed inpraat en hulle besluit om vir hulleself op te staan.

Wilhelm wil meer weet en leer van Dice se besigheid. Roman en Michelle sit vas oor die manier waarop sy een van haar nuwe sake hanteer. Lulu en Arend maak planne oor wat die beste vir Barend sal wees. Roman konfronteer Wilhelm oor wie en wat hy regtig is.

Arend deel sy besorgdheid oor Barend se gesondheid met Lulu. Dice kry Wilhelm in die moeilikheid. Arend hoor vir die eerste keer dat Barend kanker het. Annetjie konfronteer Wilhelm en hy verloor sy humeur met haar.

Arend vra Barend uit oor sy verlede en Barend wil weet hoe dit met Arend se liefdeslewe gaan. Annetjie en Wilhelm hoor snaakse geluide en blameer almal en alles vir hulle probleme. Wilhelm en Dice ontmoet en ontwikkel 'n vreemde vriendskap.