Middagvervolgverhaal

Arend se duiwe begin wen en die moontlikheid dat sy drome bewaarheid mag word, maak hom bang. Wilhelm en Annetjie Brooderyk is nuut in die Hokke. Hulle is gesiene mense wat slegte besluite geneem het en nou in 'n moeilike situasie is. Arend kom agter Barend is nie so gesond as wat hy voorgee nie.

Hetta en Sollie is op hulle afspraak en Roman gebruik hierdie geleentheid om by Sollie in te breek. Die aand raak baie interessant vir Hetta en Sollie. Michelle weet nie of sy 'n nuwe saak van kindermishandeling moet aanvat nie.

Roman en Dice wil by Sollie se woonstel inbreek. Letitia en Michelle het 'n groot uitval. Hetta neem Sollie na 'n restaurant wat sy gekies het.

Letitia raak moeilik oor Roman se plan wat so lank vat om vrugte te werp. Sollie vra liefdesraad by Barend. Michelle het 'n nuwe saak waaraan sy werk en vra Lulu se hulp.

Hetta voel die nagevolge van te veel rystee. Michelle praat met Barend oor wie sy dink verantwoordelik was vir haar tydelike skorsing. Lulu begin bekommerd raak oor die basaar.

Sollie neem Hetta na die interessantste koffiewinkel waarvan hy hou. Barend probeer Dice om die bos lei en Roman laat Letitia verstaan wie is die baas.

Sollie besluit dis tyd om homself skoon en aanvaarbaar te maak want daar is 'n vrou om te gaan uitvra. Roman kry dit reg om Engel te oorreed om saam met hom te werk. Hetta besluit dat haar droomman eintlik 'n nagmerrie was.

Barend begin tekens wys dat hy nie so gesond is soos almal dink nie. Hetta gaan ontmoet die man van haar drome en kom met 'n skok agter wie dit is. Barend en Arend hou 'n oog oor Dice se doen en late. Roman probeer weer om Engel te oorreed dat hy haar kan help.

Hetta Wondergem, 'n afgetrede palmleser, droom hoe sy 'n wonderlike man ontmoet en het die dames op hol soos hulle probeer uitvind wie dit is. Roman maak dit duidelik aan Dice en Letitia waar hulle met hom staan.

Roman vind uit waar Engel heen verdwyn het om 'n voorstel aan haar te maak. Oom Sollie maak sy verskyning en hy is glad nie gelukkig nie. Letitia en Roman sit vas oor hoe sake verloop. Arend en Barend sien wat Dice in die aande aanvang.

Michelle word op verpligte verlof geplaas terwyl daar 'n ondersoek teen haar is. Letitia glo sy het die stadsraad aan haar kant teen die inwoners van die Hokke. Barend begin 'n buurtwag en probeer vir Arend oorreed om aan te sluit.

Engel besluit om haar tasse te pak en so ver moontlik van die Hokke af weg te kom. Barend kry slegte nuus van die dokter af en Lulu probeer vir Zenobia oortuig dat sy binne in haarself moet kyk vir antwoorde. Arend probeer die polisie oortuig van wat hy dink gebeur het en Porteus voel hy gaan vir Zenobia verloor.

Die Hokke se waterpype is kurkdroog en die inwoners raak oproerig daaroor. Zenobia en Porteus probeer oplossings soek vir hulle probleme en Arend besef dat Ewald en Dice in die watertoring verdwyn het.

Ewald en Dice breek in by die watertoring. Ewald doen alles wat Dice van hom vra, maar sal dit genoeg wees om sy lewe te red? Arend en Engel is op Ewald se spoor en hulle soektog lui hulle na die watertoring toe. Barend het 'n guns om van Michelle te vra.

Dice stel sy en Roman se plan inwerking met 'n halsstarrige Ewald agterna. Arend is hard opsoek na Ewald en kry snuf in die neus. Barnard en Zenobia deel 'n busrit stad toe waar sy meer leer oor Barend se verlede.

Dice speel kat en muis speletjies met Ewald. Arend en Engel maak vrede en besluit om saam na Ewald te soek. Porteus voel terneergedruk en besluit om 'n groot stap te doen.

Dice vang vir Ewald en nou moet hy en Roman besluit wat hulle met hom gaan doen. Roman krap in Porteus en Zenobia se sake. Die twee kan nie tot vergelyk kom nie en Zenobia bieg dat sy nie nou al 'n kind wil hê nie.

Zenobia en Porteus gaan sien vir Michelle om uit te vind wat al hulle moontlikhede is. Arend en Engel begin vir Ewald soek. Hulle weet hy is in groot moeilikheid. Roman stel sy visier in op Michelle.

Dice vind amper vir Ewald in Arend se woonstel. Zenobia skraap al haar moed bymekaar en vertel haar kerel Porteus dat sy hulle kind verwag. Hy reageer in ongeloof en paniek - presies wat hy nie moes doen nie. Barend kry vir Dice onder stok oor sy gedrag. Ewald verdwyn weer.

Arend help Ewald deur vir hom skuiling aan te bied in sy woonstel. Michelle kry 'n besoek van Zenobia Landsman, 'n jong vrou met 'n blink toekoms, maar soos vele ander meisies in die Hokke is sy verwagtend. Sy soek uitkomkans. Dice is besig om orals aan te klop op soek na Ewald, selfs by Arend.

Ewald maak kontak met Arend. Dice en Roman doen hulle bes om uit te vind waar Ewald is. Michelle moet vir Arend 'n saamrygeleentheid gee, maar die twee kan net nie oor die weg kom nie. Arend en Ewald ontmoet, maar het iemand vir Arend agtervolg?

Roman en Dice besluit om ontslae te raak van Ewald van Dyk, maar eers moet hulle hom opspoor. Letitia en Michelle sit vas oor die manier waarop Michelle haar werk doen. Engel wil haar broer beskerm en Roman probeer Michelle beindruk.

Arend het 'n idee wie die Bingo-geld gesteel het. Engel van Dyk soek haar broer, Ewald. Hy is 'n tikverslaafde en het verdwyn. Letitia het 'n belangrike munisipale vergadering wat sy moet bywoon en Lulu moet wondere verrig met haar hare.

Arend Brummer en Barend Voster praat oor Arend se duiwe en wat sy planne vir hulle is. Roman en Dice beraam 'n plan waar hulle die weeklikse Bingo-byeenkoms gaan beroof.

Oom Barend is 'n instelling by die Hokke en hy praat Michelle moed in. Letitia Samuels is nie net polities ambisieus nie, maar raak ook betrokke in Roman se planne. Arend Brummer is 'n regte kapokhaantjie en vol planne. Ongelukkig vir hom is Michelle nie lus vir sy praaitjies nie.

Dis Michelle Silver se eerste dag as gemeenskapswerker in die Hokke. Die Munisipaliteitswoonstelblokke is 'n rowwe plek en sy kry dadelik die wind van voor. Roman Struwig is 'n suksesvolle besigheidsman en probeer Dice de Bruin ompraat om met hom sake te doen.

Wie is die reeksmoordenaar en wat het hom tot die gruweldade gedryf? Wie het Perus Dickson Maasdorp vermoor? En hoe het Sarie Becker gesterf? Kom Tom uiteindelik uit sy koma? Hierdie sluit WEERWRAAK dan af. Druk gerus op die skakel hieronder en luister na RSG se volgende opwindende reeks, DIE DUIWEHOK deur Anton Treurnich

Alles is gereed vir Charmaine Frost se groot ontsnapping. Dr. Hattingh wil weet wie die geheimsinnige Meneer X is. Bobbie Hattingh is terug in Suid-Afrika met 'n swaar vrag wat sy van haar hart wil afkry. Amor Truter besluit dis tyd om te sien hoe verloop 'n dag in die lewe van 'n Russiese spioen. Sy voorsien nie die dramatiese gevolge nie.

Magdalena Hattingh besoek Tom in die hospitaal om haar hart leeg te maak. Haar hantering van Charmaine Frost en Dick Nolte word 'n skaakspel wat vernuftige skuiwe verg. Wie gaan vir wie skaakmat?

Amor Truter se besoek aan Londen lewer die een na die ander skok op. Magdalena Hattingh is vasberade om haar plan vir 'n Hattingh-nageslag deur te voer ongeag die koste. Wie verdwyn?

Wie sit agter die aanval op Martin Truter? Gaan hy dit oorleef? Charmaine Frost weet baie en Amor Truter besoek haar in die tronk om afsluiting oor haar ma te kry. Wat is die goeie nuus wat dr. Hattingh aan Amor wil meedeel?

Martin Truter is erg onsteld oor wie almal Joanne Buckley se begrafnis in Londen bywoon. Sake verloop ook nie soos dit moet nie. Dick Nolte is weer in die moeilikheid maar hy omskep die verleentheid in 'n geleentheid. Wat voer hy in die mou?

Tom Hattingh se toestand ontstel sy ma so, dat sy sekere voorsorgmaatreëls begin tref. Wat is die jongste krisis waarmee Martin Truter gekonfronteer word?

Magdalena Hattingh dwing Bobbie Hattingh in 'n onbenydenswaardige situasie in. Dick Nolte speel sy troefkaart. Hoekom is Charmaine Frost so ontsteld?

Amor Truter kom op belangrike inligting af. Wie se hulp roep sy in? Dick Nolte begin sy ware kleure wys. Die Vrydag verloop aanhoudend skeef. Dit word 'n aand met dramatiese gevolge.

Magdalena Hattingh vind tot vele se ontsteltenis uit wie Martin en Dirk Truter se biologiese pa is. Charmaine Frost kry besoekers in die tronk, elk met 'n eie agenda. Maar dis of sy die besoeke verwag en voorbereid is daarop. Waarheen het Amor Truter verdwyn?

Watter vernuftige plan beraam Tom Hattingh wat Charmaine uitknikker? Magdalena Hattingh se DNS-toetse het stormagtige gevolge. Gaan Klein Petrus Maasdorp se pa dit oorleef?

Gaan Tom Hattingh ooit uit die kloue van Charmaine Frost bevry word? Die foto wat Bobbie Hattingh van Dick Nolte en Tobias Niewoudt geneem het, het nagevolge. Watter skokkende nuus word uit Stockholm aangestuur?

Wat gaan die nadoodse ondersoek oplewer na die jongste opspraakwekkende gebeure? Was dit moord? Charmaine Frost het diepte kennis oor geheime Russiese regeringsgebeure. Hoe kom sy daaraan?

Die sensasionele Russiese verbintenis wat aan Tom se ontvoering gekoppel word, sorg dat dit 'n voorbladstorie bly. Magdalena Hattingh beskou dit as 'n oorlogsverklaring. Wat is Charmaine Frost se jongste plan met Tom Hattingh? Wie word vermoor?

Die inligting rondom die dood van Dirk Truter wissel van dag tot dag en van indiwidu tot indiwidu. Wat het regtig die dag gebeur toe hy vermoor is? Vir wie werk Martin Truter? Wat was die verbintenis tussen hom en Anton van Wyk? En waar is Tom Hattingh?

Charmaine Frost slaan weer toe met plan B. Wie is die ware Martin Truter? Gaan Bobbie Hattingh voor sy eise swig?

Charmaine beplan om weer tyd saam met Tom Hattingh deur te bring op haar eie makabere manier. Gaan sy daarin slaag? Wie het regtig gesorg dat Bobbie Hattingh uit die tronk in Maputo vrygelaat word en hoekom is dit belangrik om te weet. Geraamtes val uit die kas in nog 'n onthullende episode.

Hoekom lei alle paaie skielik na die Kaap? Daar is 'n verrassende wending in die ondersoek na die moord op Sarie Becker. Gaan die skuldige uiteindelik vasgetrek word?

Wie is Charmaine Frost se jongste slagoffer en wat is die ultimatum wat aan Dick Nolte gestel word? Daar moet sekerlik geheime in Petra Maasdorp se trommel wees. Hoekom anders sou almal daarin belangstel?

Sal die plan van dr. Magdalena Hattingh en Amor Truter om Bobbie Hattingh uit die tronk in Maputo te kry, slaag? Kaptein Stompie van der Merwe se nuus uit Stockholm oor sy DNA-toetse kom as 'n skok. Wat is dit wat Martin Truter heeltemal onderstebo klap? En wie weet almal Magdalena Hattingh is 'n Rus van geboorte.

Terug in Suid-Afrika kom Kaptein van der Merwe op interessante foto's af. Wie konfronteer hy daarmee? Hoe suksesvol is Magdalena Hattingh in haar pogings om haar seun te beskerm? Daar is skokkende nuus uit Swede.

Gaan Bobbie Hattingh ooit uit die tronk in Maputo kom? Kaptein van der Merwe krap nuwe inligting oor die dood van sy seun in Stockholm uit. Gaan dit hom egter help om die moord op te los?

Tom Hattingh sal nooit Valentynsdag vergeet nie. Bobbie Hattingh is in groot nood en soek dringend hulp. Wat laat Dick Nolte en Magdalena Hattingh se verhouding versuur?

Daar is 'n glanspaartjie op die dansvloer van 'n fondsinsamelingsdinee wat mense aan die raai het. Hoe vorder almal se planne vir Valentynsdag? Kaptein van der Merwe is op pad Stockholm toe vir lewensbelangrike inligting.