Fotbolti.net

Upptaka af útvarpsþættinum Fótbolti.net 22. febrúar 2020. Tómas Þór og Benedikt Bóas stóðu vaktina. Þeir ræddu um helstu fótboltafréttir vikunnar og spjölluðu við umboðsmanninn Cesare Marchetti um málefni Harðar Inga Gunnarssonar. Gestur þáttarins var Kári Árnason.

Heimavöllurinn er mættur aftur, öflugri sem aldrei fyrr. Í þætti dagsins er farið um víðan völl enda nóg um að vera í boltanum. Knattspyrnuþjálfarinn Bára Kristbjörg Rúnarsdóttir er gestur þeirra Huldu Mýrdal og Mistar Rúnarsdóttur að þessu sinni og fara þær saman yfir það sem af er undirbúningstímabilinu, ræða nýjasta landsliðsvalið og taka stöðuna á atvinnukonunum okkar svo fáeint sé nefnt.

26. umferð einkenndist af óreiðu þar sem langt var á milli leikja vegna vetrarfrís. Það sauð á strákunum sem treystu Aguero fyrir fyrirliðabandinu. Enn einu sinni brást það. Nicolas Pepe minnti á sig með 17 stig. Styttist í takmarkaða umferð (blank gameweek) og nú þarf að fara að gera ráðstafanir. Hverju þarf að huga að? Hvað á að gera við Son? Er Man Utd vörnin vöknuð?

Það stefndi lengi í að Atli Jónasson yrði framtíðar markvörður KR en á leiðinni kom ýmislegt uppá sem varð á endanum til þess að hann spilaði bara einn leik í efstudeild. Hann er gestur podcastþáttarins Miðjunar á Fótbolta.net í dag.

Elvar Geir Magnússon og Daníel Geir Moritz eru mættir með Evrópu-Innkastið þessa vikuna. Ýtt var á upptöku strax eftir leik Chelsea og Manchester United og leikurinn gerður upp. Lampard hættur að vera töff, Wan-Bissaka í Allir geta dansað, bannið hjá Manchester City, svakaleg frammistaða Arsenal, fallfnykur Villa, skemmtilegasta lið Championship, Immobile og gjörsamlega fáránleg undanþága í La Liga.

Úr útvarpsþættinum Fótbolti.net á X977. Í byrjun: Jón Kári Eldon fer yfir nýja KSÍ merkið sem hefur fengið mikla gagnrýni. 14:00 Elvar og Tómas opinbera niðurstöðu í vali áhorfenda á bestu og verstu völlum Pepsi Max-deildarinnar. 39:00 Viktor Bjarki, aðstoðarþjálfari HK, í viðtali.

Úr útvarpsþættinum Fótbolti.net á X977. Þórir Hákonarson, fyrrum framkvæmdastjóri KSÍ, ræddi við Elvar og Tómas um komandi ársþing KSÍ og helstu málin sem þar verða rædd. Í gær var ársreikningur KSÍ opinberaður en 50 milljóna króna tap var á rekstrinum og gert er ráð fyrir áframhaldandi taprekstri.

Úr útvarpsþættinum Fótbolti.net á X977. Elvar og Tómas ræddu um tveggja ára bannið sem Manchester City var dæmt í fyrir að brjóta fjárhagsreglur. Manchester City var í gær dæmt í bann frá Evrópukeppnum í fótbolta næstu tvö keppnistímabil, og sektað um 30 milljónir evra. Refsingin er fyrir brot á reglum um fjárhagslega háttvísi. Forráðamenn City eru vonsviknir yfir ákvörðun UEFA, þó hún komi þeim ekki á óvart, og ætla að áfrýja niðurstöðunni til alþjóða íþróttadómstólsins, CAS.

Jón Páll Pálmason hefur þjálfað meistaraflokkslið í tíu ár þrátt fyrir að vera aðeins 37 ára gamall en hann tók við Víkingi Ólafsvík í vetur af Ejub Purisevic sem hafði stýrt liðinu síðan í upphafi aldarinnar. Hann er gestur podcastþáttarins Miðjunar á Fótbolta.net í dag. Meðal efnis: - Þjálfaði tónlistarmanninn Auður - Fannst hann hafa brugðist þegar Orri féll fyrir eigin hendi - Glímdi sjálfur við þunglyndi - 27 ára í fyrsta meistaraflokks starfinu - Bjargaði tveimur stigum með að hlaupa inn á völlinn og fá rautt - Fór í Mourinho leik og kallaði dómarann heigul - Missti starfið í kjölfar drykkju leikmanna á karlaleik - Þjálfaði Maríu Þórisdóttur í Klepp - Framkvæmdastjórinn var bleiki fíllinn hjá Stord - Fór til USA að leita að leikmönnum en fann konuna sína - Var að ná fyrstu æfingu Víkings Ó á fótboltavelli - Ólsarar fengu köttinn í sekknum frá Jórdaníu - Sagðist vera læknir og sjúkraþjálfari og sendi hann heim - Víkingur Ó ætlar að skora 50 mörk í sumar

Úr útvarpsþættinum Fótbolti.net á X977. Guðmundur Þórarinsson var búinn að pakka takkaskónum og kassagítarnum og var á leið til Tyrklands þegar málin tóku óvænta stefnu. Hann samdi nýlega við New York City. Gummi Tóta fór yfir aðdragandann að þessum félagaskiptum og sagði meðal annars frá áhuga liðs í ítölsku A-deildinni. Þá ræddi hann um efasemdarraddir þess efnis að hann sé í fótboltanum af heilum hug.

Úr útvarpsþættinum Fótbolti.net. Sigurður Ragnar Eyjólfsson, þjálfari karlaliðs Keflavíkur, kom í heimsókn og ræddi meðal annars um tíma sinn sem landsliðsþjálfari kvennaliða Kína og Íslands. Óhætt er að segja að Siggi Raggi hafi átt líflegan þjálfaraferil þar sem ýmislegt hefru gengið á og hann þurft að takast á við nýjar áskoranir.

Úr útvarpsþættinum Fótbolti.net á X977. Elvar Geir og Tómas Þór fóru yfir tíðindi vikunnar í íslenska boltanum og spjölluðu við Sævar Pétursson, framkvæmdastjóra KA, um aðstöðuleysi fyrir norðan og nýjan áhugaverðan leikmann.

Ragna Lóa Stefánsdóttir hefur komið víða í fótboltaheiminum, var frábær fótboltakona og landsliðskona, lenti í hræðilegum meiðslum en varð síðar footballers wife í Englandi. Í dag er hún aðstoðarþjálfari KR. Hún er gestur vikunnar í podcastþættinum Miðjunni. Meðal efnis: - Engir yngri flokkar en var í hverfisliði með Óla Þórðar og Sigga Jóns - Tók við þjálfun meistaraflokks ÍA tvítug - Þjálfaði Laxdal bræður í Stjörnunni - Spilandi þjálfari í KR, í landsliðinu og að ala upp börn - Fótbrotið - Sofandi í öndunarvél þegar KR sem hún þjálfaði tryggði sér titilinn - Vaknaði með bikarinn og skilaboðin: „Vakna þú mín Þyrnirós" - Svangar með vændiskonum og glæpamönnum í Rússlandi - Vinsæl footballers wife í rútuferðum á Englandi - Hélt partý í húsi eiganda Crystal Palace meðan hann var úti að borða - Nennti ekki að spjalla við son Sir Alex Ferguson - Í slúðurblöðunum sem viðhald Sol Campbell - Vildi ekki verða aðalþjálfari KR í fyrra - Ein kona og 106 karlar að þjálfa meistaraflokkslið á Íslandi - Ída Marín valdi Val en stefnir til Englands

Skelfingarumferð dundi yfir þá sem höfðu bandið ekki á Salah. Agüero gat ekkert. Sterling getur ekkert. Dularfullt mannshvarf í Leicester. Eina sem er öruggt í þessum heimi er að Sheffield heldur hreinu. Stigahæstir í þessari umferð í Budweiser deildinni voru þeir Kristján Breiðfjörð með liðið FC Breiði Reiði og Bjarni Ben Kristjánsson með liðið Scholes scores goals. Hafið samband við [email protected] til að vitja vinninga.

Það var Liverpool þema í Evrópu Innkastinu að þessu sinni en þeir Sigursteinn Brynjólfsson, Einar Matthías Kristjánsson og Magnús Þór Jónsson frá kop.is kíktu í heimsókn og ræddu við Magnús Má Einarsson. Mikil umræða var um topplið Liverpool og aðra leiki helgarinnar á Englandi auk þess sem kíkt var á stærstu deildir Evrópu.

Úr útvarpsþættinum Fótbolti.net á X977. Elvar Geir og Tómas Þór komu með fyrstu ótímabæru spá ársins fyrir Pepsi Max-deildina í útvarpsþættinum Fótbolti.net á X977. Þeir skoðuðu félagaskiptin í vetur og felldu dóma! Þá völdu þeir þá leikmenn sem þeir eru spenntastir fyrir að fylgjast með á þessu ári.

Úr útvarpsþættinum Fótbolti.net á X977. Elvar og Tómas ræddu stuttlega um gervigrasið í Egilshöll og félagaskipti Odion Ighalo til Manchester United. Svo var Mitch Freeley, íþróttafréttamaður beIN SPORTS í Katar á línunni. Illa hefur gengið hjá Al-Arabi, liði Heims Hallgrímssonar og Arons Einars Gunnarssonar, að undanförnu. Hverjar eru væntingarnar hjá Al-Arabi og hvernig er staða Heimis? Mitch svaraði því.

Elvar og Daníel tóku Evrópu-Innkast með frjálsri aðferð. Hverjir eru mennirnir sem réðust að heimili Ed Woodward? Elvar fór ofan í málið. Kobe Bryant minnst, Liverpool á leið í frí, bikardráttur, mestu vonbrigði tímabilsins, kaupin sem gætu átt sér stað og ýmislegt fleira í þættinum að þessu sinni.

Mikael Nikuláson hefur vakið athygli í podcastþættinum Dr. Football undanfarin misseri. Hann tók við þjálfun 2. deildar liðs Njarðvíkur í haust eftir 10 ára fjarveru úr þjálfun. Hann er gestur í podcastþættinum Miðjunni þessa vikuna. Meðal efnis: - Hætti í fótbolta í fjögur ár til að djamma og vinna í tískubransanum - Stoltur af endurkomu í frábært Fylkis lið - Útihlaupin hjá Óla Þórðar - Fyrstu árin í þjálfun með ÍH - Skilur ekki afhverju Brynjar markvörður yfirgaf félagið - Búið að semja við Rúnar um að verja mark Njarðvíkur - Er að semja við Sean De Silva sem lék með Haukum í fyrra - Ætlar upp í 1. deild og spila á sama hóp þar - Eins og David Beckham á djamminu eftir að Dr. Football hófst - Ræddi við Guðmann Þórisson um að koma í Njarðvík - Kemur Hjörvar Hafliðason í þjálfarteymið?

Útvarpsþátturinn Fótbolti.net á X977 laugardaginn 25. janúar. Elvar Geir, Tómas Þór og Benedikt Bóas ræddu um íslenska landsliðið, nú þegar tveir mánuðir eru í undanúrslitaleikinn gegn Rúmeníu í umspilinu fyrir EM. Þeir ræddu ítarlega við Frey Alexandersson, aðstoðarþjálfara landsliðsins, sem var gestur þáttarins. Kiddi vallarstjóri var einnig á línunni og staðan tekin á Laugardalsvelli nú þegar stutt er í leikinn mikilvæga. Þýski og enski boltinn voru líka til umræðu í þættinum.

Það var sannkölluð jarðarfararstemning í upptökuverinu í kvöld. Bragðarefirnir kröfðust þess að fá umfjöllun um umferðina STRAX. Fyrirliði þáttarins, Gylfi, ræsti Tind með sér sem gestastjórnanda um miðja nótt til að gera upp umferðina. Helst ber þar að nefna ákvörðun margra sem verður rifjuð upp næstu 10 árin, þ.e. að gefa Sadio Mané þrefalt fyrirliðaband. Mané. Vardy. GT. Allir þessir háklassa sóknarmenn meiddust í vikunni. Við óskum þeim góðs bata.

Davíð Smári Lamude, er gestur í hlaðvarpsþættinum Miðjunni að þessu sinni. Hann er þjálfari Kórdrengja sem hafa spilað 3 ár í deildarkeppni hér á landi og hafa farið upp um deild síðustu 2 ár. Þeir spila því í 2. deildinni í sumar. Meðal efnis: - Yfirlýsing um að vinna 2. deildina í haust - Afhverju hætti Ingvar Kale - Hver verður í markinu í sumar - Hvernig er félagið fjármagnað - Þurftu að neita auglýsendum - Draumur um að komast í Pepsi Max-deildina - Plön um yngri flokka starf - Aðstöðumál - Pælingar um að breyta nafni félagsins - Skapið - Kjaftasagan um Kenwyne Jones

Laugardagurinn í 23. umferð var ekkert minna en hræðilegur. Þrátt fyrir að átta leikir væru á dagskrá ströggluðu Fantasy spilarar við að ná tveggja stafa tölu - ekki fyrir einstaka leikmenn heldur fyrir allt liðið í heild. Liverpool bjargaði því sem bjargað varð en meira var það ekki. En við horfum björtum augum til framtíðar þar sem næsta umferð hefst strax á morgun! Næst á dagskrá er 24. umferðin og í henni á Liverpool tvo leiki. Margir spilarar munu því eflaust nota "triple captain" spilið og vera með þrefaldan fyrirliða með tilheyrandi taugatitringi. En á að kaupa Agüero? Á að selja Vardy? Hvað á að gera við Rashford? Allt þetta og meira til í Fantabrögðum.

Strax eftir sigur Liverpool gegn Manchester United ýttu Daníel og Elvar á upptöku og fóru yfir leikinn. Daníel gaf leikmönnum Liverpool einkunn og Elvar sá um að dæma gestina. Farið var yfir aðra leiki helgarinnar í ensku úrvalsdeildinni og einnig var fjallað um Balotelli, Haaland og fleira. Í lokin var svo komið að því að velja þá stjóra í enska boltanum sem væru bestu kostirnir sem barfélagar.

Úr útvarpsþættinum Fótbolti.net á X977. Atli Sveinn Þórarinsson var gestur hjá Elvari og Tómasi. Atli var ráðinn aðalþjálfari Fylkis eftir síðasta tímabils og starfar hann við hlið Ólafs Stígssonar. Í viðtalinu ræðir Atli um komandi tímabil í Árbænum, höfuðhögg sem gerðu að verkum að hann þurfti að hætta í fótbolta á sínum tíma og fleira tengt boltanum.

Úr útvarpsþættinum Fótbolti.net á X977. Elvar og Tómas fóru yfir allt það helsta sem er að frétta úr íslenska fótboltanum. Góðar fréttir fyrir Blika en vondar fyrir KR-inga sem misstu tvo leikmenn í langtímameiðsli. Þá var Hafliði Breiðfjörð í beinni útsendingu frá Fossvoginum þar sem Víkingar voru með fréttamannafund og kynntu tvo leikmenn. Rætt var við Arnar Gunnlaugsson, þjálfara Víkinga.

Úr útvarpsþættinum Fótbolti.net á X977. Elvar Geir og Tómas Þór ræddu um helgina í enska boltanum og báru núverandi lið Liverpool saman við Manchester United 2008. Liverpool og Manchester United eigast við í stórleik helgarinnar.

Manchester City rifjuðu upp gamla takta og rassskelltu Aston Villa 6-1 þar sem Agüero fékk 20 stig, Mahrez 17 og KDB 9. Rashford var tekinn útaf eftir 58 mínútur gegn Norwich sem kom þó ekki að sök þar sem hann skoraði tvennu. Liverpool heldur áfram að sigra og Aubameyang kominn í 3 leikja bann. En hvaða breytingar á að gera? Á að selja Traore? Eða Vardy? Kaupa Firmino? Er hann þriðji Liverpool maðurinn fyrir umferð 24? Allt þetta og margt fleira í nýjasta þættinum af Fantabrögðum.

Elvar Geir og Daníel fara yfir málin í fyrsta Evrópu-Innkasti ársins 2020. Farið er yfir leiki umferðarinnar í ensku úrvalsdeildinni og fréttir Evrópuboltans eru einnig skoðaðar. Meðal efnis: Bras á Mourinho, Liverpool setur met, City tekur annað sætið, sjálfstraust Rashford, Hudson-Odoi sýnir sínar réttu hliðar, rautt á besta leikmann Arsenal, markvarðamistök, vanmetinn stjóri Southampton, Xavi og Barcelona, Raggi Sig til Köben, Zlatan skorar og fleira.

Úr útvarpsþættinum Fótbolti.net á X977. Blaðamaðurinn Þórður Snær Júlíusson er stuðningsmaður Everton og er gríðarlega vel að sér í málefnum félagsins. Hann ræddi um Everton í útvarpsþættinum Fótbolti.net þar sem meðal annars var farið yfir stöðu Gylfa.

Úr útvarpsþættinum Fótbolti.net á X977. Höskuldur Gunnlaugsson kom í heimsókn rétt áður en hann þaut á Keflavíkurflugvöll þar sem hann er að fara í janúarverkefni landsliðsins. Hann ræddi meðal annars um mark sitt gegn ÍA á síðasta tímabili sem hann skoraði daginn eftir að hann missti bróður sinn. Einnig ræðir hann um Breiðablik og Halmstad en í viðtalinu staðfestir hann að allar líkur séu á því að hann spili með Blikum í sumar.

Úr útvarpsþættinum Fótbolti.net á X977. Elvar Geir og Tómas Þór fóru yfir fréttir úr íslenska boltanum, ræddu um íslenska leikmenn sem eru að skipta um lið, vondar fréttir af Laugardalsvelli og fleira. Valdimar Svavarsson, formaður FH, var í símaviðtali. Hann var spurður út í málefni félagsins, launamál og Steven Lennon svo eitthvað sé nefnt.

GT er snúinn aftur úr Asíureisu og hann og Aron gerðu upp 21. umferðina í Fantasy, sem fór fram 1. og 2. janúar. Jamie Vardy var enn frá og fyrirliðaval tók óvænta stefnu hjá mörgum, en umferðinni lauk með góðri frammistöðu frá Liverpool gegn Sheffield United. David Moyes byrjaði frábærlega hjá West Ham og Arsenal sigraði Manchester United í stórleik umferðarinnar. Strákarnir spáðu í spilin fyrir næstu umferð sem hefst á föstudag með leik Sheffield United og West Ham og ræddu breytingar á sínum liðum sem og fyrirliðaval.

Úr útvarpsþættinum Fótbolti.net á X977. Brynjar Skúlason, þjálfari Leiknis á Fáskrúðsfirði, var á línunni. Brynjar ræddi um öflugan árangur Fáskrúðsfirðinga á liðnu ári en liðið komst óvænt upp í 1. deildina, þvert á allar spár. Þá voru aðstöðumál liðsins einnig til umræðu. Í upptökunni er einnig framhald á umræðu um mögulega lengingu Íslandsmótsins. Rætt var við Arnar Svein Geirsson, forseta leikmannasamtakana.

Úr útvarpsþættinum Fótbolti.net á X977. Elvar Geir og Tómas Þór fengu til sín sérfræðinginn Kristján Atla Ragnarsson, stuðingsmann Liverpool. Rætt var um gang mála í enska boltanum. Meðal umrðuefna: Yfirburðir Liverpool, kröfur Pep Guardiola, þróun Manchester United, Mourinho aftur í sama farið, upprisa Southampton, bestu kaup áratugarins og fleira.

Það kom að því. Liverpool bakvarðabomban sem allir höfðu beðið eftir mætti á svæðið. Trent Alexander-Arnold setti hvorki meira né minna en 24 stig í Fantasy á annan í jólum og bjargaði 19. umferðinni fyrir ansi mörgum leikmönnum. Einn af þeim var Aron Elís Þrándarson, nýr leikmaður OB í Danmörku og sigurvegari draumaliðsleiks Fótbolta.net og Eyjabita í Pepsi Max deild karla í sumar. Aron er með stigahæstu leikmönnum Íslands í Fantasy Premier League og var auk þess valinn í landsliðshóp Íslands í dag svo hann hefur yfir mörgu að gleðjast. Hann gaf sér tíma til að koma og gefa nafna sínum góð ráð í Fantasy fræðum og fóru þeir saman yfir umferðir 19 og 20 í FPL.

Elvar og Daníel skoða jólatörnina í ensku úrvalsdeildinni í síðasta Evrópu-Innkasti ársins 2019. Meðal efnis: Handakrikarangstöður í VAR, De Bruyne leikmaður ársins?, enginn veikur blettur hjá Liverpool, þáttur Jody Morris í sigri Chelsea, handbragð Arteta, Andreas Pereira, breytt hlutverk Gylfa, Ancelotti og Ferguson, Haaland til Dortmund, Zlatan til AC Milan og bestu leikmenn áratugarins.

Útvarpsþátturinn Fótbolti.net á X977. Elvar Geir Magnússon, Tómas Þór Þórðarson, Benedikt Bóas Hinriksson og Magnús Már Einarsson fóru yfir árið 2019 í Áramótakæfunni sem var nú smökkuð í sjöunda sinn. Hressir viðmælendur, gleði, bombur og góðir gestir. Veitt voru verðlaun í ýmsum flokkum.

18. umferðin í Fantasy Premier League reyndist alveg eins erfið og hún virkaði á pappír. Jamie Vardy og Danny Ings skoruðu en Manchester United og Tottenham fóru illa með fólk. Sérstaklega Heung Min Son sem skellti sér í 3 leikja jólabann með því að fá beint rautt. Hann var einn vinsælasti fyrirliðinn um helgina og því ansi margir spilarar sem enduðu með mínusstig fyrir fyrirliðann, enda virkar fyrirliða "bónusinn" í báðar áttir og því tvöfaldast mínusinn ef fyrirliðinn manns er í þeim pakka. Það er mikið af leikjum framundan og Aron fékk Baldvin Ingvar Tryggvason til að spá í næstu tvær umferðir, en næsti þáttur af Fantabrögðum verður 30. des þegar 19. og 20. umferð verða gerð upp. Gleðileg jól!

Heimavöllurinn snýr aftur og þáttastýrurnar Hulda Mýrdal og Mist Rúnarsdóttir hafa um ýmislegt að ræða eftir huggulegt haustfrí. Goðsögnin Margrét Lára Viðarsdóttir hefur lagt skóna á hilluna og landsliðskonurnar Dagný Brynjarsdóttir og Rakel Hönnudóttir eru komnar heim úr atvinnumennskunni. Rakel kíkir einmitt í heimsókn á Heimavöllinn og ræðir tímann í Svíþjóð og Englandi og endurkomuna í íslenska boltann.

Úr útvarpsþættinum Fótbolti.net á X977. Hörður Magnússon kom í heimsókn en hann er hættur störfum sem íþróttafréttamaður, í bili að minnsta kosti. Hann fór yfir viðburðarík ár sem stjórnandi Pepsi Max-markanna, ræddi um árangur Liverpool í vetur og fleira tengt boltanum.

Grótta kom gríðarlega á óvart á liðnu sumri og vann 1. deildina. Liðið leikur í deild þeirra bestu á komandi ári. Birgir Tjörvi Pétursson, formaður knattspyrnudeildar Gróttu, kom í heimsókn í útvarpsþáttinn Fótbolti.net á X977. Í þættinum opinberaði hann að þó leikmenn liðsins séu ekki á föstum launagreiðslum þá sé búið að setja upp sérstakt kerfi bónusgreiðslna fyrir leikmenn og þá þurfa þeir ekki að greiða neitt fyrir æfingaferð liðsins. Hvernig mun Gróttuleiðin virka í Pepsi Max-deildinni? Fær Ágúst Gylfason að setja sitt handbragð á liðið? Hvernig er félagið tilbúið að vera þátttakandi í Pepsi Max? Verður stúkan stækkuð? Hlustaðu á áhugavert viðtal við formann Gróttu.

Í fjarveru GT dugði ekkert minna en að fá alvöru fallbyssu í þáttinn og því mætti Jói Skúli, stjórnandi hlaðvarpsins Draumaliðið og ræddi um Fantasy gengi sitt. Hann gerði svo upp 17. umferðina með Aroni og spáði í spilin fyrir næstu umferð. Eðlilega snerist umræðan mikið um hvað ætti að gera við Liverpool menn þar sem þeir eiga ekki leik í 18. umferð vegna HM félagsliða. Jói lokaði síðan þættinum með því að velja drauma-fantasy lið sitt í gegnum tíðina. Þar komu heldur betur upp skemmtileg nöfn sem margir vanir Fantasy spilarar ættu að muna eftir.

Evrópu-Innkastið er sent út frá Ölveri í Glæsibæ þessa vikuna. Benedikt Bóas blaðamaður og Gunnar Ormslev kappleikjalýsandi voru með Elvari í Innkastinu að þessu sinni. Toppbaráttan var skoðuð og Gunnar fékk það heimaverkefni að velja úrvalslið ensku úrvalsdeildarinnar hingað til. HM félagsliða, El Clasico, Ancelotti eða Arteta og fleira í þætti vikunnar.

Ejub Purisevic var gestur í útvarpsþættinum Fótbolti.net á X977 og fór yfir fótboltasögu sína í viðtali við Elvar Geir og Tómas Þór. Ejub hefur markað djúp spor í íslenskan fótbolta en hann er þekktastur fyrir að ná ótrúlegum árangri sem þjálfari Víkings í Ólafsvík. Í viðtalinu segir Ejub frá því hvað leiddi hann til Íslands, ræðir um stríð í heimalandi sínu, ár sín sem spilandi þjálfari Sindra á Höfn í Hornafirði og opinberar í fyrsta sinn af hverju hann fór til Ólafsvíkur á sínum tíma. Áhugavert viðtal sem óhætt er að mæla með.

Úr útvarpsþættinum Fótbolti.net á X977. Er viðurefnið LiVARpool sanngjarnt? Er tilviljun að Steven Gerrard samdi til 2024? Hvernig verður drátturinn í Meistaradeildinni á mánudag? Elvar Geir og Tómas Þór ræddu um Evrópufótboltann.

Sérstök hátíðarútgáfa af Innkastinu! Teymið var kallað saman til að skoða stöðu mála hjá öllum tólf liðum Pepsi Max-deildar karla. Tómas Þór, Elvar Geir, Gunni Birgis og Magnús Már skoðuðu tíðindin sem hafa borist í haust og vetur. Hvernig eru leikmannahóparnir að líta út, hvaða leiðir er verið að fara í þjálfaramálum og hvaða vonir og væntingar er hægt að gera til liðanna?

Jóhannes Karl Guðjónsson, þjálfari ÍA, er gestur í hlaðvarpsþættinum Miðjunni að þessu sinni. Meðal efnis: Draumabyrjun á síðasta tímabili, af hverju fjaraði undan liðinu?, leikmannamálin, breytingar á leikstíl ÍA, framhaldið á Akranesi, nýir aðstoðarþjálfarar, fjölgun leikja á Íslandsmótinu, ungur sonur í atvinnumennskunni, gervigras á Akranesvöll, ótrúlegt gengi Liverpool, ævintýri Leicester og jólahátíðin á Englandi.

Það skiptust á skin og skúrir þessa helgina hjá Aroni og Gylfa þegar kom að Fantasy. Þrefaldi Tottenham skammturinn hjá Aroni skilaði sér heldur betur þegar þeir unnu 5-0 sigur á Burnley. Á meðan unnu Liverpool 3-0 sigur og héldu hreinu en þar sem Trent spilaði aðeins 50 mín. fékk hann ekki stig fyrir að halda hreinu. Vardy hélt áfram að skora, Rashford er allt í einu orðinn einn heitasti leikmaðurinn í leiknum og Danny Ings heldur áfram að vinna í þakinu hjá sér. Á að kaupa Shelvey? Er Vardy áfram sjálfvalinn fyrirliði? Á að selja Lundstram? Er hægt að eiga fleiri en einn Son? Allt þetta og fleira til í nýjasta þættinum af Fantabrögðum.

Það var líf og fjör í Evrópu-Innkastinu að þessu sinni en gestir voru Tottenham stuðningsmennirnir Hjálmar Örn Jóhannsson og Ingimar Helgi Finnsson. Öllu léttara var yfir þeim en síðast þegar þeir kíktu í heimsókn í byrjun október. Síðan þá hefur Jose Mourinho tekið við Tottenham og liðið klifrað upp töfluna. Farið var yfir leiki helgarinnar á Englandi og helstu tíðindi á Spáni, Ítalíu og Þýskalandi. Hjálmar kom síðan með byltingarkennda tillögu í tengslum við fjölgun leikja á Íslandsmótinu!