Fotbolti.net

Úr útvarpsþættinum Fótbolti.net á X977. Elvar Geir og Tómas Þór hita upp fyrir Pepsi Max-deildina. Þeir skoða fyrirliðahræringar deildarinnar en þær hafa verið miklar í vetur. Þá opinberar Tómas 'axlarbandaliðið', úrvalslið leikmanna sem þurfa að stíga upp á komandi tímabili. Einnig er rætt við Birgi Jóhannsson, framkvæmdastjóra ÍTF, um endurkomu fótboltans en á mánudag verður létt á takmörkunum og fótboltaleikir fullorðinna leyfðir á Íslandi.

Janus Guðlaugsson var á sama ári landsliðsmaður í handbolta og fótbolta, endaði í þriðja sæti í langstökki í bikarkeppni FRÍ og þjálfaði vonarstjörnur þjóðarinnar til Íslandsmeistaratitils í 2. flokki í handbolta. Seinni varð hann atvinnumaður í Þýskalandi í nokkur ár og fékk eftir ferilinn það verkefni að bjarga KR frá falli. Janus segir sögu sína í podcastþættinum Miðjunni hér á Fótbolta.net í dag. Meðal efnis: - Rekur eigið fyrirtæki í heilsueflingu í dag - Braut rúður í næsta húsi í fótbolta - Fór útaf í hálfleik til að spila handboltaleik - Hljóp hálfmaraþon, spilaði leik og hljóp sömu leið til baka - Bikarúrslitaleikurinn gegn ÍBV um miðjan nóvember - Keyrði traktor og tyrfði Kaplakrika í fyrsta sinn - Dúxaði á Laugavatni og tók útskriftina fram yfir leik - Þaggaði niður í tyrknesku áhorfendunum með draumamarki - Settu upp apagrímur þegar Ísland mætti - Sóttur á Laugavatn í alla handboltaleiki en æfði ekki með liðinu - Spilaði HM í handbolta 1978 - Gerði Kristján Arason og félaga að Íslandsmeisturum í 2. flokki - Þriðji í langstökki í bikarkeppni FRÍ - Hafnaði þremur tilboðum um atvinnumennsku útaf skólanum - Fékk símtöl frá fyrrverandi liðsfélögum í bankahruninu með boð um peningagjöf - Fetaði í fótspor liðsfélaganna með yfirvaraskeggi - Lærði að mála og portraitmynd af Tony Schumacher kom í Bild - Málaði 20 myndir fyrir opnun á tennishöll í Köln - Fór nýjar leiðir til að losna frá ofþjálfun - Spilaði sem sweeper en skoraði 15 hraðaupphlaupsmörk í fótbolta - Spilaði með George Best gegn Manchester United í tvígang - Fékk sig ekki lausan frá Fortuna Köln svo hann fór og þjálfaði FH - Bitinn af lögregluhundi í upphitun og missti af leiknum - Var kallaður bjargið í Sviss - Hundfúll eftir ómanneskjulega tæklingu Þorvalds Örlygssonar - Tók við þjálfun KR í fallbaráttu og lét þá fara í stórfiskaleik - Fékk Fálkaorðuna hjá Guðna forseta 17. júní í fyrra

Alexander Már Þorláksson, leikmaður Fram, er gestur í Ástríðunni að þessu sinni. Alexander Már var markahæsti leikmaður 3. deildarinnar í fyrra þegar hann skoraði 28 mörk í 21 leik með KF, sem fór upp um deild. Alexander Már fór yfir ótrúlegt tímabil sitt í fyrra, skoðaði helstu fréttir undanfarna daga og ræddi getumuninn á milli deilda. Leikmannamarkaðurinn er farinn á fullt eftir Covid 19, en þar ber helst að nefna félagaskipti Viktors Segatta í Þrótt Vogum. Ástríðan er hlaðvarp sem fjallar um neðri deildirnar á Íslandi. Umsjón: Ingólfur Sigurðsson.

Í nýjasta þætti Heimavallarins er boðið upp á spá fyrir Pepsi Max deild kvenna sem hefst eftir 3 vikur. Gestur þáttarins er Bára Kristbjörg Rúnarsdóttir og hún ræðir komandi tímabil við þáttastýrurnar Huldu Mýrdal og Mist Rúnarsdóttur. Verja Valskonur Íslandsmeistaratitilinn? Halda nýliðarnir sér uppi? Hvaða lið gerðu vel á félagaskiptamarkaðnum? Hvaða leikmenn verða mikilvægastar sínum liðum? Þetta og ýmislegt fleira í þætti dagsins.

Niðurtalningin er hnitmiðaður hlaðvarpsþáttur sem er á dagskrá í hverri viku fram að Íslandsmóti. Í þáttunum er hitað upp fyrir fótboltasumarið með góðum gestum og nýjustu fréttirnar úr boltanum skoðaðar. Í þessum öðrum þætti er byrjað á fótboltafréttayfirliti og svo er rætt við Ágúst Gylfason, þjálfara Gróttu, um komandi tímabil. Hann kemur meðal annars með sína spá um Íslandsmeistara í sumar. Umsjón: Elvar Geir og Magnús Már.

Úr útvarpsþættinum Fótbolti.net á X977. Gestir þáttarins voru Ágúst Eðvald Hlynsson og Óttar Magnús Karlsson, ungir leikmenn bikarmeistara Víkings. Báðir fóru þeir mjög ungir erlendis í atvinnumennsku en eru í dag lykilmenn hjá Víkingum.

Úr útvarpsþættinum Fótbolti.net á X977. Elvar Geir Magnússon, Tómas Þór Þórðarson og Ingólfur Sigurðsson tóku fyrir nokkur umræðuefni fyrir Pepsi Max-deild karla í sumar. Hvernig verða sögulínur deildarinnar? Skemmtileg umræða um íslenska boltann. Daníel Geir Moritz, eigandi ÍBV, var einnig á línunni.

Í lok ársins 1981 var knattspyrnufélagið Augnablik stofnað en lið þeirra vakti mikla athygli næstu árin fyrir almenn fíflalæti og uppákomur. Fræg er til dæmis sagan af því þegar reynt var að stofna félagið hjá ÍSÍ. Jón Orri Guðmundsson og Andrés Pétursson rifja upp gamla tíma í podcastþættinum Miðjunni hér á Fótbolta.net í dag. Meðal efnis: - Stofnað í lok ársins 1981 - Ekki allir sáttir við stofnun félagsins - Gerðu í því að vera með fíflalæti - Vildi láta liðið heita Kakó fyrst - Fyndið símtal til ÍSÍ - Sendu vallarstjóranum póstkort í öllum ferðum - Leigðu flugvél í fyrsta leik á Hellissandi - Óvæntar bókagjafir til andstæðinganna - Dreifðu karamellum til áhorfenda fyrir leik - Mættu með lífverði á limósíum beint í leik gegn FH - Kölluðu gamla þjálfarann heim frá Danmörku til að tapa - Lögreglan handtók fyrirliðann á vellinum rétt fyrir leik - Gáfu andstæðingunum fisk fyrir leik - Dómarinn rak annan línuvörðinn af velli í miðjum leik - Spiluðu í sundbolum gegn Hildibröndum sem enduðu á pungbindum - Friðrik Þór hnýtti í þá í bók Einars Kárasonar - Komu ríðandi á völlinn og á Traböntum - Markahrókurinn skipti á treyju við tvíburabróður sinn - Gerðu menn brjálaða með því að sprengja upp ílu á árshátíð - Duttu í það milli leikja á vestfjörðum og skyrtan sem týndist - Uppljóstrað hver skrifaði 'Fíflalæti á knattspyrnuvelli' í velvakanda - Stöðvuðu tillögu um fjölgun liða með gríntillögu um Monrad kerfið - Fóru til Austurríkis og spiluðu upp á bjórkút - Þriðja liðið átti að heita Blix en var hafnað

Niðurtalningin er hnitmiðaður hlaðvarpsþáttur sem er á dagskrá í hverri viku fram að Íslandsmóti. Í þáttunum er hitað upp fyrir fótboltasumarið með góðum gestum og nýjustu fréttirnar úr boltanum skoðaðar. Þáttur dagsins hefst á fótboltafréttayfirliti og svo er rætt við Magnús Val Böðvarsson, vallarstjóra KR, um vallarmálin á Íslandi. Hann velur skemmtilegustu velli landsins og er settur í létta spurningakeppni. Umsjón: Elvar Geir og Magnús Már.

Það styttist óðum í fótboltasumarið og því er tímabært að setjast niður og ræða neðri deildirnar. Að þessu sinni var athyglin á 2. og 3. deild. Baldvin Már Borgarsson, aðstoðarþjálfari Ægis, og Óskar Smári Haraldsson, leikmaður Tindastóls, þekkja deildirnar betur en flestir og voru fengnir til þess að koma með áhugaverða umræðupunkta. Ingólfur Sigurðsson stýrði umræðunum. Meðal efnis: - Bikarkeppni fyrir neðri deildir - Mikael Nikulásson stýrir Njarðvík eftir 10 ára pásu frá þjálfun - Gríðarlega öflugt lið Kórdrengja - Óvænt þjálfaraskipti hjá Kára - Venslafélögin í 3. deild - Nýtt lið og nýr þjálfari hjá Vængjum Júpíters

Úr útvarpsþættinum Fótbolti.net á X977. Atli Sigurjónsson, leikmaður Íslandsmeistara KR, kom í hljóðver í skemmtilegt spjall. Atli var hreinskilinn þegar hann horfði til baka á ferilinn og viðurkennir að metnaður sinn fyrir íslenska fótboltanum hafi ekki verið nægilega mikill þegar hann sá drauma um atvinnumennsku erlendis hverfa. Honum líður gríðarlega vel hjá KR og sér sig ekki snúa aftur til Akureyrar.

Úr útvarpsþættinum Fótbolti.net á X977. Elvar Geir Magnússon og Tómas Þór Þórðarson fóru yfir nýja ótímabæra spá fyrir Pepsi Max-deildina. Spá sem er byggð á sandi! Í klippunni er einnig viðtal við Ásmund Arnarsson, þjálfara Fjölnis. Grafarvogsliðið missti fyrirliða sinn þegar Bergsveinn Ólafsson tilkynnti að hann væri ekki lengur með áhuga fyrir fótbolta og lagði skóna óvænt á hilluna.

Bjarnólfur Lárusson var tilbúinn að gera allt fyrir frægðina, meðal annars að koma nakinn fram. Hann var atvinnumaður í Englandi og Skotlandi en sneri svo heim og þótti óheiðarlegur leikmaður sem fékk ótal spjalda. Hann var líka lengi Íslandsmethafi í kúluvarpi. Bjarnólfur er gestur vikunnar í podcastþættinum Miðjan hér á Fótbolta.net. Meðal efnis: - Stofnaði ráðgjafafyritæki í haust - Hluthafi í Passion bakaríi - Átti Íslandsmet í kúluvarpi í áratug - Mjög efnilegur í handbolta - Samkeppni Týs og Þórs - Pabbi hans rifti fyrsta atvinnumannasamningnum brjálaður - Auðvelt að æsa hann upp - Stálu treyjum andstæðinga - Rekinn heim frá Rangers eftir þjófnað í klefanum - Slegist á æfingum fyrstu árin hjá ÍBV - Fögnin og Slor og skítur skapaði stemmningu - Skoruðu alltaf jafnmikið og undirbúnu fögnin - Atli Eðvalds henti varamönnunum því þeir pöntuðu pizzu á bekkinn - Ók áfram fullur með lögguna hangandi á bílnum - Draumamarkið gegn Stuttgart - ÍBV bannaði honum að æfa því hann fór frítt til Hibernian - Allt tryllt þegar Walsall komst upp úr 2. deildinni - Bretum fannst hann illa klæddur - Sneri heim til ÍBV til að einbeita sér að námi - Nakinn á forsíðu Mannlífs - Dónaleg samskipti við Tómas Inga innan vallar en nánast í sleik eftir æfingu - Æskuvinur hans drullaði yfir hann í fyrsta leik KR í eyjum - Spjaldavesenið og atvikið með Reyni Leós - Aldrei séð 30 barða karlmenn eins og þegar hann tók við Víkingi - Aðstoðaði Þrótt í lokaleiknum í fyrra með Tómas Inga í eyranu

Anna Björk Kristjánsdóttir var leggjalangur framherji í yngri flokkunum. Þegar hún var 18 ára gömul var hún ennþá varamaður í KR og hafði einungis spilað 11 leiki í efstu deild. Hún gekk í gegnum mikinn missi sumarið 2008 sem hafði mikil áhrif á hennar næstu skref. Máni Pétursson sannfærir hana um að koma í miðlungslið Stjörnunnar og hún endar á því að spila 168 leiki fyrir Stjörnuna, vera goðsögn í Garðabænum og vinna sex stóra titla. Anna hefur síðustu fjögur tímabil spilað sem atvinnukona í Svíþjóð og Hollandi og stefnir á að spila á Íslandi í sumar. Anna Björk fór yfir ferilinn með Huldu Mýrdal á Heimavellinum. Meðal efnis: - Uppvaxtarárin í Vesturbænum - Engin áhugi að verða afreks fimleikakona - Risa yngriflokka þjálfarar - Aðrir sem tóku fram úr í yngri flokkum - Olga Færseth hringir í U-16 þjálfarann - Að æfa með A-landsliðinu í KR - Pirringur yfir litlum spilatíma - Bróðurmissir og sorg - Af tilviljun sett í hafsent - Máni sagður bilaður að kaupa varamann úr KR - Fer á fund með pabba sínum hjá miðlungsliði Stjörnunnar - Fyrsti Íslandsmeistaratitillinn - Ætlaði ekki að raka á sér lappirnar ef hún yrði Íslandsmeistari - 17 ára Glódís úr HK/Víking stígur á tær - Doktor Big og Rússlandsferðirnar - Mikilvægur U-23 ára landsleikur - 18-0-0 tímabil Stjörnunnar og öll markmiðin - Blóðið rann hægt í litlu leikjunum - Tekin á fund fyrir að vera svart og hvítt með þriggja daga millibili - Grétar Rafn kveikti á hausnum - Át gras í fyrsta A-landsliðsverkefninu - Sjokkið að detta úr byrjunarliðinu korter fyrir EM - Afreksíþróttakona sem lærði á klukku í Svíþjóð - Sandra Sigurðardóttir og þolinmæðin í landsliðsferðunum - Vöðvasöfnun og góð ráð - Leiðtogahlutverið í Svíþjóð - Hungruð í fleiri landsleiki - Deildin flautuð af út í Hollandi þegar PSV var á toppnum - Ætlar að spila á Íslandi í sumar

Seinni hluti af norðurferð útvarpsþáttarins Fótbolti.net, Halló Akureyri! Elvar Geir, Tómas Þór og Benedikt Bóas heimsækja 1. deildarfélögin Þór og Magna í þessum seinni hluta. Rætt er við Pál Viðar Gíslason þjálfara Þórs og formanninn Óðinn Svan Óðinsson. Þá var Heimir Ásgeirsson, Eyjabitakóngur og Magnamaður, heimsóttur í nýtt vallarhús Magna á Grenivík.

Fyrri hluti af norðurferð útvarpsþáttarins Fótbolti.net, Halló Akureyri! Elvar Geir, Tómas Þór og Benedikt Bóas heimsækja KA í þessum fyrri hluta en seinni hlutinn kemur inn á morgun. Rætt er við Hallgrím Jónasson, spilandi aðstoðarþjálfara KA, og framkvæmdastjóra félagsins, Sævar Pétursson. Þá var sagt frá því hvernig dreifa á leikjum fyrstu umferðar Pepsi Max-deildarinnar og rætt um fréttirnar af kaupum Vals á Aroni Bjarnasyni.

Draumaliðsdeild Fótbolti.net og Eyjabita er farin af stað, en stefnt er að því að Pepsi Max deild karla hefjist 13. júní. Eins og undanfarin ár velur fólk 15 leikmenn úr liðunum 12 og má mest hafa 3 leikmenn úr hverju liði. Leikmenn kosta á bilinu 4 til 12 milljónir króna en þjálfarar hafa 100 milljónir til að kaupa leikmenn. Þeir Fantabragðabræður Aron og Gylfi fóru yfir málin og opinberuðu sitt fyrsta liðsval. Kóði í deild Fantabragða er 36rRP4tkhv

Íþróttafréttamaðurinn Þorkell Gunnar Sigurbjörnsson á RÚV leggur sitt að mörkum í að stytta fólki stundirnar í því ástandi sem er í gangi. Það er sjöundi miðvikudagurinn í samkomubanni og sjöunda og síðasta spurningakeppni Þorkels, í bili að minnsta kosti, er komin í loftið. Um er að ræða 30 spurninga Pod Quiz sem hægt er að spreyta sig á. Ert þú með allt á hreinu í boltanum? Taktu þátt og skoraði á vini og kunningja.

Guðmundur Torfason var í hljómsveitum með Mezzoforte strákunum og hefði getað orðið næsti Björgvin Halldórsson en valdi farsælan fótboltaferil framyfir það. Hann heillaði meðal annars Sir Alex Ferguson þegar hann skoraði þrjú, eða fjögur, mörk í sama leiknum á Old Trafford. Gummi Torfa fór yfir ferilinn í podcastþættinum Miðjunni hér á Fótbolta.net í dag. Meðal efnis: - Uppvaxtarárin í Vestmannaeyjum - Vildi ekki fara í frjálsar eins og pabbi hans - Valdi Fram þó pabbi hans hafi viljað KR - Söngvari í hljómsveit Mezzoforte strákanna - Hefði verið næsti Björgvin Halldórsson - Tekur kannski upp plötu í ellinni - Drukku Finlandia á heimleið úr unglingalandsliðsferð - Skilinn eftir á flugvellinum og sagt að hann yrði aldrei aftur í landslið - Valdi fótboltann fram yfir tónlistina - Spilaði á balli í stað þess að spila fyrsta bikarúrslitaleikinn - Sigur Fram gegn Rapid Vín við vondar aðstæður - Sagði við Ásgeir Elíasson að hann ætlaði að skora 20 og jafnaði metið - Hvort viltu markamet eða Íslandsmeistaratitil? - Í sýningatúr með Willie Reinke um alla Evrópu - Tæklaður illa á fyrstu æfingu í Belgíu en náði fram hefndum - Í einkaflugvél með ítalska landsliðinu - Kýldur af Terry Butcher í fyrsta leik með St. Mirren - Brjálaðir stuðningsmenn Celtic mættu á leik St. Mirren gegn Rangers - Í lögreglufylgd út á flugvöll heim í jólafríið - Sagður hafa skorað úr 9 af hverjum 10 aukaspyrnum - Skoraði þrjú eða fjögur í sigri á Man Utd á Old Trafford - Alex Ferguson vildi kaupa hann til Man Utd - Sleit krossband og eins og fílamaðurinn eftir nokkur andlitsbrot - Ósætti St. Mirren þegar hann gaf kost á sér í landsleik gegn Frökkum - Mældur skotfastasti leikmaður Skotlands - Hafnaði góðum samningi í Hong Kong og valdi Fylki í staðinn - Miðvörður síðustu árin á Íslandi - Þjálfaraárin - Stjórnarstörfin og salan á Herði til Juventus - Framboðið til stjórnar KSÍ - 19 marka klúbburinn

Heimavöllurinn er laus úr sóttkví og það er nóg um að vera í þætti dagsins. Leikjahæsti leikmaður Pepsi Max, landsliðskonan og Íslandsmeistarinn Sandra Sigurðardóttir, er á leið inn í sitt tuttugasta tímabil og kíkir í heimsókn. Hildur Antonsdóttir opinberar hvaða andstæðingar hafa reynst henni erfiðastir og þeir erlendu leikmenn sem hafa skarað fram úr hérlendis eru til umræðu.

Boltahringborðið er dregið fram í þriðja sinn í samkomubanninu. Nú er sérstök sumargleði í tilefni dagsins. Elvar Geir, Tómas Þór, Magnús Már og Benedikt Bóas eru við hringborðið. Hver og einn kemur með sitt umræðuefni að borðinu, umræðuefni sem tengjast íslenska boltanum, enska boltanum og heimsfótboltanum. Einnig var rætt um áhugaverðar niðurstöður á fundi UEFA sem fram fór fyrr um daginn.

Íþróttafréttamaðurinn Þorkell Gunnar Sigurbjörnsson á RÚV leggur sitt að mörkum í að stytta fólki stundirnar í því ástandi sem er í gangi. Það er sjötti miðvikudagurinn í samkomubanni og sjötta spurningakeppni Þorkels af sjö er komin í loftið. Um er að ræða 30 spurninga Pod Quiz sem hægt er að spreyta sig á. Ert þú með allt á hreinu í boltanum? Taktu þátt og skoraði á vini og kunningja.

Damir Muminovic lenti ungur í því að faðir hans yfirgaf fjölskylduna og hefur ekki átt neitt samband við hann síðan. Hann upplifði mikið heimilisofbeldi á sínum yngri árum og leitaði mikið í djamm. Í gegnum fótboltann náði hann svo góðri reglu á lífinu. Damir segir sögu sína í podcastþættinum Miðjan hér á Fótbolta.net í dag. Ekkert barn á að þurfa að þola ofbeldi eða verða vitni að ofbeldi. Allt ofbeldi á heimili þar sem börn dvelja, er jafnframt ofbeldi gagnvart börnum. Ef þú býrð við slíkar aðstæður eða þekkir eitthvert barn sem býr við slíkar aðstæður þá áttu að hafa samband við 112. Þar getur þú rætt málin við lögreglu í fullum trúnaði. Samband er haft við barnaverndarnefnd ef ástæða er til. Mikilvægt er að hafa samband þótt þú sért í vafa. Einnig er hægt að hafa samband við Hjálparsíma Rauða krossins 1717 eða netspjallið 1717.is. 1717 er opið allan sólarhringinn og þar er hægt að ræða við sérþjálfaða ráðgjafa í nafnleynd og fullum trúnaði. Sjá meira á vef lögreglunnar Meðal efnis: - Æfa 2-3 saman úti á götu í dag - Berfættur í fótbolta í Serbíu - Pabbi hans lét sig hverfa í skjóli nætur og kom aldrei aftur - Flutti 10 ára til Íslands - Grenjaði á hverjum degi og vildi fara heim - Mikið heimilisofbeldi kærasta móður hans - Þorði ekki að hringja í lögreglu eða segja frá - Slóst við ofbeldismanninn tvítugur - Byrjaði ungur að drekka og oft settur í agabönn - Laug því að hann væri að vinna því hann nennti ekki á æfingu - Varð tengdasonur Óla Kristjáns og náði sér á strik - Fór til Breiðabliks tímabilið sem Óli hætti - Settur í agabann fyrir að fara edrú á Októberfest 2016 - Missti móður sína úr krabbameini 2017 - Eignaðist foreldra úr Blikafjölskyldunni - Vildi ekki gervigras en er mikill stuðningsmaður þess í dag - Pirrandi að Blikar misstu marga menn í fyrra - Miklar breytingar með komu Óskars Hrafns Þorvaldssonar - Nýja leikkerfið hjá Breiðabliki - Líður vel í Serbíu en vill ekki flytja þangað með börnin - Íhugaði að breyta nafninu í Damir Smári Muminovic

Útvarpsþátturinn Fótbolti.net er í hlaðvarpsformi meðan samkomubann gildir. Elvar Geir og Tómas Þór fengu ansi ólíka en skemmtilega gesti þessa vikuna. Fyrri gesturinn er reynsluboltinn Bjarni Jóhannsson, þjálfari Vestra. Rætt var við Bjarna um það hvernig komandi Íslandsmót geti farið fram og einnig voru rifjaðir upp gamlir tímar. 44:00 - Seinni gestur þáttarins er svo einn mest spennandi fótboltamaður Íslands í dag, hinn 18 ára Andri Fannar Baldursson. Andri spilar fyrir Bologna og varð fyrr á árinu yngsti Íslendingurinn til að spila í einni af bestu deildum Evrópu. Í lok þáttarins fóru Elvar og Tómas svo yfir fréttir vikunnar og val á þeim leikmönnum ensku úrvalsdeildarinnar sem hafa verið mestu vonbrigði tímabilsins.

Íþróttafréttamaðurinn Þorkell Gunnar Sigurbjörnsson á RÚV leggur sitt að mörkum í að stytta fólki stundirnar í því ástandi sem er í gangi. Það er fimmti miðvikudagurinn í samkomubanni og fimmta spurningakeppni Þorkels af sjö er komin í loftið. Um er að ræða 30 spurninga Pod Quiz sem hægt er að spreyta sig á. Ert þú með allt á hreinu í boltanum? Taktu þátt og skoraði á vini og kunningja.

Guðmundur Viðar Mete flutti ungur að árum til Malmö með fjölskyldu sinni og varð strax vinur Zlatan Ibrahimovic. Saman fóru þeir upp í aðallið Malmö en eftir að leiðir skyldu héldu þeir alltaf vinskap. Guðmundur Viðar kom svo heim til Íslands og spilaði með frábæru liði Keflavíkur í nokkur ár sem átti í hatrammri baráttu við ÍA. Guðmundur Viðar Mete segir sögu sína í podcastþættinum Miðjan hér á Fótbolta.net í dag. Meðal efnis: - Liðsfélagarnir gáfu honum tvær vikur í starfi en er að ná 14 árum - Afi hans gaf rautt spjald með rauðum Winston í leik - Ekki sáttur við að flytja til Malmö - Slagasmál, hnífar og handjárnaðir kennarar í skólanum - Fyrsti vinurinn var Zlatan Ibrahimovic - Hann og Zlatan svindluðu í útihlaupum með strætókortið - Zlatan stal reiðhjóli í miðju hlaupi og reiddi hann - Þurfti að spila leik á útskriftardaginn og missti af djamminu - Hafnaði Lilleström - Svíar báðu hann að skipta um ríkisfang - Mestu mistökin að yfirgefa Malmö - Erfiðir stuðningsmenn í Norrköping - Þjóðverjar hræktu og kýldu hann gegn U21 liði Íslands - Kvartaði undan umgjörð hjá U21 liðinu - Þóttist vera hundur í göngutúrum Keflavíkur liðsins - Framkvæmdastjóri Midjylland var algjör skíthæll - Rígur ÍA og Keflavíkur, rauða spjaldið, tæklingin og kynþáttafordómarnir - Mark Bjarna Guðjóns sem gerði allt vitlaust - Fór á reynslu í Tyrkalandi en þjálfarinn rekinn degi fyrr - Svekkjandi að tapa titlinum til FH - Áttum að gefa skít í að horfa á þennan leik - Willum vildi gera hann að miðjumanni - Eina markið á Íslandi kom í 31 - 0 sigri Hauka - AuPair hjá Zlatan eftir ferilinn - Kynnin af Mourinho, Gattuso, Beckham og fleirum

Boltahringborðið í síðasta mánuði vakti mjög góð viðbrögð og í útvarpsþætti vikunnar er leikurinn endurtekinn. Elvar Geir, Tómas Þór, Magnús Már og Benedikt Bóas eru við hringborðið. Hver og einn kemur með sitt umræðuefni að borðinu, umræðuefni sem tengjast íslenska boltanum, enska boltanum og heimsfótboltanum.

Íþróttafréttamaðurinn Þorkell Gunnar Sigurbjörnsson á RÚV leggur sitt að mörkum í að stytta fólki stundirnar í því ástandi sem er í gangi. Það er fjórði miðvikudagurinn í samkomubanni og fjórða spurningakeppni Þorkels því komin í loftið. Tilvalið að halda fjölskyldukeppni um páskana! Um er að ræða 30 spurninga Pod Quiz sem hægt er að spreyta sig á. Ert þú með allt á hreinu í boltanum? Taktu þátt og skoraði á vini og kunningja.

Stefán Logi Magnússon strauk að heiman 13 ára gamall og lýst var eftir honum í blöðunum. Rúmlega þremur árum síðar var hann orðinn atvinnumaður hjá Bayern Munchen. Ferillinn hans var þó eins og jójó því næstu árin var hann atvinnumaður en kom heim og spilaði í 2. og 3. deild áður en ferillinn fór á flug að nýju og hann varð atvinnumaður og landsliðsmarkvörður Íslands. Stefán Logi er gestur í podcastþættinum Miðjunni á Fótbolta.net í dag. Meðal efnis: - Strauk að heiman 13 ára og lýst eftir honum í blöðunum - Samdi við Bayern Munchen 16 ára - Grjótharðar refsingar hjá Bayern - Varð vinur Gerd Muller án þess að vita hver hann væri - Lothar Matthaus öskraði á hann á æfingu - Vinskapurinn við Owen Hargreaves - Heppinn að missa ekki fótinn hjá Bayern - Ottmar Hitzfeld lokaði á hann fyrir að svara ekki í símann - Saga um að hann hafi stolið peysu - Byrjaði meistaraflokksferilinn á að slá út Ravelli - Æfði með danska landsliðinu fyrir HM 2002 - Spes tími hjá Bradford á Englandi - Hætti í fótbolta 23 ára og varð meðferðarfulltrúi í Svíþjóð - Endaði óvænt með KS í 1. og 2. deild og féll fyrir félaginu - Seldur til Hvatar í 3. deild á háa upphæð fyrir einn leik - Sló Stjána Finnboga út hjá KR - Tíminn með landsliðinu eftir að hafa gagnrýnt þjálfarann - Liðsfélagi í Selfossi gekk útaf í miðjum leik - Lenti saman við Helga Sig eftir tap gegn FH í fyrra - Er hann hættur í fótbolta? - Skjaldarmerkið á öxlinni

Útvarpsþátturinn er aðeins í hlaðvarpsformi á meðan á samkomubanni stendur. Gestir í þætti vikunnar eru Hannes Þór Halldórsson landsliðsmarkvörður og leikmaður Vals og Bergsveinn Ólafsson fyrirliði Fjölnis. Elvar Geir og Tómas Þór áttu áhugaverðar umræður við þá félaga um ýmis mál tengd boltanum og í lok þáttarins var svo farið yfir fréttir vikunnar.

Íþróttafréttamaðurinn Þorkell Gunnar Sigurbjörnsson á RÚV leggur sitt að mörkum í að stytta fólki stundirnar í því ástandi sem er í gangi. Það er þriðji miðvikudagurinn í samkomubanni og þriðja spurningakeppni Þorkels því komin í loftið. Um er að ræða 30 spurninga keppni sem hægt er að spreyta sig á. Ert þú með allt á hreinu í boltanum? Taktu þátt og skoraði á vini og kunningja.

Það er smekkfullur þáttur á Heimavellinum í dag. Þátturinn er með óhefðbundnu sniði enda önnur þáttastýran föst í einangrun og hin í vinnunni. Þær láta það þó ekki stöðva sig á tækniöld. Fara yfir málin og heyra hljóðið í þeim Berglindi Björgu Þorvaldsdóttur, Helenu Ólafsdóttur og Margréti Láru Viðarsdóttur sem eiga það auðvitað sameiginlegt að vera með markanef og hafa leikið fyrir Íslands hönd.

Markvörðurinn Birkir Kristinsson á merkilegan feril. Hann spilaði í meistaraflokki í rúmlega 20 ár, spilaði fjórum sinnum við Barcelona, og stórleikina við Frakka fyrir aldamótin auk þess að kveðja fyrir framan rúmlega 20 þúsund áhorfendur á Laugardalsvelli. Hann fagnaði líka Evrópumeistaratitli með Barcelona liðinu árið 2009 og sat svo í fangelsi hér á landi og lauk endanlega afplánun í lok síðasta árs. Birkir er gestur podcastþáttarins Miðjunnar hér á Fótbolta.net í dag. Meðal efnis: - Rekur safn í Perlunni í dag - Bjargað af leikmanni andstæðings í leik eftir ljótt fótbrot - Svissuðu á Evrópuleikjum til að geta fengið sér í tána - Skammaður í búðinni eftir tapleiki á Akranesi - Með Akraborginni á æfingar alla daga - Mætti Barcelona fjórum sinnum á tveimur árum með Fram - Allsber maður kom nokkrum sinnum inn á völlinn - Týndi takkanum úr skónum í fæti Gumma Steins - Borðaði hvað sem er og kláraði af diskum liðsfélaganna - Hetja þegar hann sló PSV Eindhoven út í Evrópukeppni - Tolleraður og baðaður kampavíni á flugvellinum í Bergen - Steve Bruce drakk til 03:00 nóttina fyrir leik - Bannað að spila gegn Liverpool eftir stutt stopp í Birmingham - Fór til Stoke til að skoða bókhaldið en settur strax í hópinn - Fékk á sig mörk í landsleikjum gegn Cantona og Ronaldo - Barthez hljóp inn í klefa og fór að gráta - Kveðjuleikur fyrir framan rúmlega 20 þúsund á Laugardalsvelli - Djammaði með Barcelona liðinu eftir að þeir urðu Evrópumeistarar - Upplifunin af því að sitja í fangelsi

Boltahringborðið var dregið fram í útvarpsþættinum Fótbolti.net í dag. Þátturinn er í hlaðvarpsformi á meðan á samkomubanni stendur. Elvar Geir og Tómas Þór fengu liðsstyrk en Magnús Már og Benedikt Bóas voru með þeim í þætti dagsins. Hver og einn kemur með sitt umræðuefni að hringborðinu, umræðuefni sem tengjast íslenska boltanum, enska boltanum og Evrópuboltanum.

Íþróttafréttamaðurinn Þorkell Gunnar Sigurbjörnsson á RÚV leggur sitt að mörkum í að stytta fólki stundirnar í því ástandi sem er í gangi. Í síðustu viku setti hann saman 30 spurninga keppni í Podcast formi og voru viðbrögðin afskaplega góð. Þorkell endurtekur því leikinn. Ert þú með allt á hreinu í boltanum? Taktu þátt og skoraði á vini og kunningja.

Flestir sem lýsa Jóni Þorgrími Stefánssyni segja að hann hafi verið fáránlega góður fótboltamaður en þrátt fyrir það spilaði hann bara á Íslandi og fékk aldrei sénsinn í landsliðsbúning. Eftir ferilinn hefur hann náð miklum frama í viðskiptum og lent í ótrúlegum uppákomum á ferðalögum. Hann er gestur vikunnar í podcastþættinum Miðjan. Þátturinn í dag er í boði Boðleiðar. Með lausnum frá Boðleið er vinnustaðurinn þar sem þú ert, fullkomnar lausnir í fjarvinnu. Nánar er hægt að kynna sér málið á www.bodleid.is Meðal efnis: - Fyrsta félagið fór á hausinn útaf sjónvarpsauglýsingum - Yngsti maðurinn í sögunni í efstu deild handbolta - Neitaði samningum við St. Pauli og Molde - Kjartan Másson lét leikmenn þruma í drumb í snjónum - Dómarinn skildi óvænt íslensku og af honum rautt spjald - Út að borða með dómaranum sem rak hann af velli - Maðurinn sem náði honum alltaf upp - Hrinti ljósmyndara niður brekku eftir fall Vals - Sneri Ejub niður eftir deilur þeirra og yfirgaf Val - Poster child yfir hvernig á ekki að gera hlutina - Óli Jó bannaði honum að halda treyju no. 1 - Fundir með Atla Eðvalds landsliðsþjálfara sem sá að ástríðan var ekki í fótbolta - Sigurförin hjá FH gerði hann að betri stjórnanda og forstjóra - Vinsælastur hjá stuðningsmönnum - Hjartað er sterkara en veskið ummælin - Þorvaldur Örlygsson reif í hárið á honum og kallaði aumingja - Óhugnanleg lífsreynsla í skotárás í Las Vegas - Styður HK og FH peningalega í dag

Stjórnendur Fantabragða hittust í boði World Class og Nemía og fóru yfir stöðuna, nú þegar ekkert Fantasy er í gangi. Ótrúlegt en satt þá heldur Fantasy Premier League sig samt við upphaflega dagskrá umferða og því fá flestir spilarar 0 stig í hverri umferðinni á fætur annarri. Aron og Gylfi hentu í léttan leik og völdu sín draumalið í ensku úrvalsdeildinni, Aron frá 2000-2009 og Gylfi 2010-2019. Auk þess stikluðu þeir á stóru í umræðu um lífsstíl fótboltans.

Útvarpsþátturinn Fótbolti.net þessa vikuna ræðir um áhrif heimsfaraldursins á íslenska boltann. Elvar Geir og Tómas Þór fengu til sín góða gesti. Haraldur Haraldsson formaður ÍTF, Rúnar Páll Sigmundsson þjálfari Stjörnunnar og Arnar Sveinn Geirsson forseti leikmannasamtaka Íslands komu í hljóðver.

Það er engin önnur en landsliðskonan og markamaskínan Harpa Þorsteinsdóttir sem er gestur Heimavallarins að þessu sinni. Hún fer yfir allt það helsta í boltanum í dag ásamt vallarstýrunum Huldu Mýrdal og Mist Rúnarsdóttur. Því er fagnað að U23 ára landslið verði sett í gang á árinu og Harpa velur sitt U23 ára lið. Landsliðið er svo áfram til umræðu og það er erfitt að horfa framhjá þeirri óvissu sem hefur skapast í fótboltaheiminum í kjölfar útbreiðslu Covid 19.

Íþróttafréttamaðurinn Þorkell Gunnar Sigurbjörnsson á RÚV leggur sitt að mörkum í að stytta fólki stundirnar í því ástandi sem er í gangi. Hann setti saman 30 spurninga keppni í Podcast formi.

Lárus Guðmundsson var á sínum tíma eldfljótur og brögðóttur markahrókur sem fékk mikið lof hjá mönnum eins og Sir Alex Ferguson. Hann var sigursæll, bæði Íslandsmeistari og svo bikarmeistari í Belgíu og Þýskalandi en var líka sakaður um mútur og átti í útistöðum við landsliðsþjálfara Íslands. Hann er gestur podcastþáttarins Miðjunnar á Fótbolta.net í dag. Þátturinn í dag er í boði Boðleiðar. Með lausnum frá Boðleið er vinnustaðurinn þar sem þú ert, fullkomnar lausnir í fjarvinnu. Nánar er hægt að kynna sér málið á www.bodleid.is Meðal efnis: - Spilaði með landsliðinu gegn Man City og Englandi á Laugardalsvelli - Deilurnar við Tony Knapp sem henti honum úr landsliðinu - Hann og Arnór 16 ára í framlínu Víkings - Íslandsmeistaratitilinn 1981 - Tæklingaæfing í klukkutíma með Middlesbrough - Pfaff fiskaði hann útaf og kallaði hann íslenska aumingjann - Skoraði tvö og tryggði bikartitil í Belgíu - Hræddur og flúði stuðningsmenn á hlaupum í bikarfögnuði - Sir Alex Ferguson kallaði Lárus stórsnjallan sóknarleikmann - Lenti í mútumáli en var sýknaður - Þjóðhetja í Þýskalandi eftir sigur á Bayern í bikarúrslitum - Ótrúleg endurkoma í Evrópuleik - 6 mörk í seinni hálfleik - Fyrir ofan Maradona á lista markahæstu manna - Stærstu mistök ferilsins að fara til Kaiserslautern - Erfitt að sætta sig við að vera búinn á því - Dómgreindarskortur að taka við þjálfun Víkings - Stofnaði KFG fyrir 12 árum en hætti í vetur - Gat ekki verið sáttasemjari milli dómara og Sali Heimis Porca - Dómarar á landsbyggðinni fagna því að hann sé hættur

Útvarpsþátturinn Fótbolti.net hélt upp á tíu ára afmæli sitt á X977 á síðasta ári með því að velja úrvalslið áratugarins í efstu deild á Íslandi, 2009-2019. Heyrt var í öllum leikmönnum liðsins og þjálfari valinn fyrir þetta magnaða lið. Hér er samantektarþáttur þar sem spiluð eru brot úr viðtölum við þessa fræknu kappa sem komust í þetta magnaða lið. Liðið: Gunnleifur Gunnleifsson; Pétur Viðarsson, Daníel Laxdal, Eiður Aron Sigurbjörnsson, Bjarni Ólafur Eiríksson; Davíð Þór Viðarsson, Bjarni Guðjónsson, Baldur Sigurðsson, Atli Guðnason, Óskar Örn Hauksson, Atli Viðar Björnsson. Þjálfari Heimir Guðjónsson.

Útvarpsþátturinn Fótbolti.net verður hlaðvarpsþátturinn Fótbolti.net á meðan samkomubann er í gangi. Björn Berg Gunnarsson, fræðslustjóri Íslandsbanka og fótboltaáhugamaður, er gestur þáttarins. Björn ræðir meðal annars ræða um hvaða áhrif ástandið í heiminum hefur á tekjuöflun fótboltafélaga, hér heima og erlendis. Þá eru ýmsar vangaveltur um það hvernig fótboltaheimurinn tekst á við það ástand sem nú er í gangi. Elvar Geir og Tómas Þór ræða svo um hverju það gæti breytt fyrir íslenska landsliðið ef EM verður frestað um ár og gefa hlustendum hugmyndir í leit þeirra að afþreyingarefni sem tengist fótbolta.

Evrópu-Innkastið býður upp á sérstakan aukaþátt þessa vikuna. Elvar Geir Magnússon, Daníel Geir Moritz og Magnús Már Einarsson ræða um áhrif heimsfaraldursins á fótboltann. Þá fara þeir yfir leiki vikunnar í Meistaradeildinni og komandi leiki (vonandi) í ensku úrvalsdeildinni.

29. umferðin í Fantasy Premier League var ekki sú besta. Allavega ekki fyrir okkur sem settum allt traust á leikmenn sem áttu að eiga tvöfalda umferð, því hún varð það svo alls ekki eftir að frestuðum leik Manchester City og Arsenal var frestað aftur. Gamlar hetjur síðan fyrr í vetur eins og John Lundstram og Jamie Vardy sneru aftur með bombur en Harvey Barnes var stigahæstur í umferðinni með 19 stig. Stigahæstur í Budweiser deildinni var hins vegar Valtýr Njáll með 107 stig.

Tómas Ingi Tómasson fór víða á fótboltaferlinum, var eini atvinnumaður Íslands í Austur Þýskalandi og náði flottum árangri hér á landi sem ytra. Eftir ferilinn breytti hann leiknum í fótboltaumfjöllun í sjónvarpi og fór svo í þjálfarastörf. Undanfarin ár hefur hann átt í erfiðri baráttu við heilsuna. Hann er gestur podcastþáttarins Miðjunnar á Fótbolta.net í dag. Þátturinn í dag er í boði Boðleiðar. Með lausnum frá Boðleið er vinnustaðurinn þar sem þú ert, fullkomnar lausnir í fjarvinnu. Nánar er hægt að kynna sér málið á www.bodleid.is Meðal efnis: - Spilaði með pabba sínum í framlínu ÍBV - Skipti um númeraplötur á lögreglubílnum - Drukku þrjú 2 lítra stígvél af bjór á dag í æfingaferðinni - Atvinnumaður í Austur Þýskalandi þegar múrinn var að falla - Maður skotinn fyrir utan húsið hans - Í stríði við kallana á hólnum í eyjum - Ekki hrifinn af klefaöskri Gauja Þórðar - Stórundarleg æfing hjá Sogndal - Luka Kostic bannaði honum að taka skæri - Einn af 10 mestu fávitum ævinnar í Raufoss - Dúxaði í nuddnámi í Noregi - Heil vetrarvertíð á línubát til að geta strítt Heimi Hallgríms - Keypti sér veðhlaupahest í Noregi - Datt í það þegar díllinn við Scunthorpe klúðraðist - Hafnað af ÍBV en fór í Þrótt og átti þátt í 21 af 27 mörkum - Svikinn um 3 milljónir af Þrótti - Ranglega tekið af honum mark í úrslitaleik deildarinnar 2001 - Átti skilið betri framkomu frá ÍBV fyrir riftun samningsins - Blöskraði drasl þættir um fótbolta og bauð sig fram í Pepsi mörkin - Sendi Eyjólfi Sverrissyni bréf og bað um að vera aðstoðarmaður hans - Rekinn frá HK tveimur dögum eftir lokaleik á EM - Ósætti milli U21 og A-landsliðsins - Tók Jón Jónsson af lífi og fékk hann svo til að syngja fyrir sig - Misheppnuð mjaðmaaðgerð og 8 mánuðir á sjúkrahúsi - Taldi sig af náð heilsu en endaði í tveimur aðgerðum í nóvember

Það er tíðindamikil helgi að baki í Evrópufótboltanum. Enski boltinn er að vanda í aðalhlutverki í þættinum en Elvar Geir Magnússon, Daníel Geir Moritz og Magnús Már Einarsson fóru yfir allt það helsta. Meðal efnis: Leikið fyrir luktum dyrum, United á réttri leið, Gilmour magnaður, Henderson og Henderson, markverðir í stuði, Real Madrid núllar út El Clasico og KA leit skelfilega út.

Hulda Mýrdal og Mist Rúnarsdóttir taka stöðuna á boltanum ásamt Lilju Dögg Valþórsdóttur í nýjasta þætti Heimavallarins. Landsliðin eru áberandi í þætti dagsins en bæði A-landsliðið og U19 eru stödd á Spáni þar sem þau taka þátt í æfingamótum og undirbúa sig fyrir krefjandi verkefni. Þá er einnig farið yfir helstu fréttir og boðið upp á nokkra slúðurmola.

Páll Kristjánsson var á dögunum kjörinn nýr formaður knattspyrnudeildar KR. Páll mætti í útvarpsþáttinn Fótbolti.net og sagði frá sínum bakgrunni og hugmyndafræði í boltanum.

Úr útvarpsþættinum Fótbolti.net á X977. Ný ótímabær spá fyrir Pepsi Max-deildina! Ingólfur Sigurðsson mætti í hljóðver og renndi yfir ótímabæra spá fyrir Pepsi Max með Elvari og Tómasi.