Fotbolti.net

Í Innkastinu er fjallað um sunnudagsumferðina í Pepsi Max-deildinni, spennuna fyrir lokaumferðir Lengjudeildarinnar og einnig um komandi landsleik Íslands og Rúmeníu. Elvar Geir Magnússon, Ingólfur Sigurðsson og Gunnar Birgisson fara yfir málin. Allt í boði White Fox! Meðal efnis: Andlit White Fox í deildinni, Brynjólfur blómstar í fjarveru Mikkelsen, Valur lék sér að Gróttu, KR aftur í vandræðum með HK, torsóttur sigur Stjörnunnar, Skagamenn hafa pakkað saman, KA setur jafnteflismet, Lennon nálægt markametinu, spámennirnir með á nótunum, spenna og dramatík í Lengjudeildinni, byrjunarliði Íslands stillt upp og gluggadagsfréttir.

Loksins er kominn hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni, skemmtilegar sögur, rifjaðar upp goðsagnir og svo verða í hverjum þætti veitt veitt hin skemmtilegu verðlaun „gullna ruslatunnan", eða „Bidone d'oro". Fyrsti þátturinn er upphitunarþáttur þar sem við fáum að kynnast öllum liðunum í deildinni áður en leiktíðin fer almennilega af stað. Prófasvindlarinn Suarez er til umræðu, hamfarirnar í Rómarborg og svo verða sagðar stórar fréttir af rúmenskum landsliðsmanni, sem gæti mætt okkur Íslendingum á Laugardalsvelli um næstu helgi. Eða hvað?

Útvarpsþátturinn Fótbolti.net laugardaginn 3. október. Sérfræðingarnir Rafn Markús Vilbergsson og Úlfur Blandon ræða um allt það helsta í íslenska boltanum, leiki og fréttir tengdar Pepsi Max-deild karla og Lengjudeildinni. Tómas Þór og Elvar Geir ræða um landsliðshópinn og komandi leik gegn Rúmeníu. Vilhjálmur Alvar Þórarinsson dómari var á línunni en VAR verður notað í fyrsta sinn formlega í keppnisleik hér á landi á fimmtudag. Þá var fótboltaþjálfarinn Bjarki Már Ólafsson í beinni frá Katar og ræddi um xG.

Það er allt á suðupunkti í boltanum en í dag fær Lengjudeildin sviðsljósið á Heimavellinum. Nú er ljóst að Tindastóll og Keflavík fara upp um deild á meðan það fellur í hlut Fjölnis og Völsungs að falla. Knattspyrnuþjálfararnir Aníta Lísa Svansdóttir og Óskar Smári Haraldsson mæta í sett og skoða Lengjusumarið til þessa.

Einhverntímann var manni kennt að það væri bannað að sparka í liggjandi mann. En Fantasy Premier League virðist ekki hafa kynnt sér þá reglu og lætur mann nú hafa það óþvegið viku eftir viku. Eins og kom fram í síðasta þætti þá tóku allir 3 stjórnendur Fantabragða Wildcard fyrir umferðina og það má segja að það hefði getað gengið betur. En við tjöldum ekki til einnar nætur í þessum bransa, heldur setjum hausinn upp og bíðum spenntir eftir næstu umferð.

Ástríðan er hlaðvarp sem fjallar um neðri deildirnar á Íslandi. Þáttastjórnendur eru Óskar Smári Haraldsson og Sverrir Mar Smárason. Farið er yfir allt það helsta í 2. og 3. deild karla. Leikirnir skoðaðir og fréttir sagðar.

Ungstirnin er hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Umsjónarmenn þáttarins eru Arnar Laufdal Arnarsson og Magnús Hólm Einarsson. Í þessum fimmta þætti er fjallað um Sergino Dest (Barcelona), Dejan Kulusevski (Juventus) og Michaël Cuisance (Bayern). Þá kemur Alex Þór Hauksson, fyrirliði Stjörnunnar, í heimsókn og er rætt um allt sem hefur verið í gangi hjá honum hingað til á ferlinum.

Farið yfir úrslit helgarinnar og kvöldins í kvöld. Einnig var aðeins rýnt í næstu leiki. Magni, Völsungur og Þór/KA með frábæra sigra. Stutt í titilinn hjá Tindastóli og óvænt markaflóð hjá KA. Víti eða ekki víti á Þórsvelli? Kormákur/Hvöt leikur úrslitaleik á morgun gegn ÍH. Rætt var við þá Anton Frey Jónsson um Magna og Egil Sigfússon um KA.

Innkastið fer yfir sunnudagsumferðina í Pepsi Max-deildinni og fer einnig yfir Lengjudeildina. Allt í boði White Fox! Elvar Geir, Ingó Sig og Gunni Birgis höfðu um nóg að ræða. Það er grimm Evrópubarátta, nóg af rauðum spjöldum og stórum atvikum. Haustlægðirnar herja á mótið og veðurguðirnir hafa sín áhrif.

Útvarpsþátturinn Fótbolti.net á X977 laugardaginn 26. september. Elvar Geir og Tómas Þór gera upp síðustu umferð í Pepsi Max, ræða helstu fréttapunktana og opinbera úrvalslið og besta leikmann umferðarinnar. Þá er farið yfir niðurstöðuna í vali á besta leikmanni annars þriðjungs. Breki Logason, fyrrum fréttastjóri, er harður stuðningsmaður Vals og er á línunni en Valsmenn eru búnir að stinga af í baráttunni um Íslandsmeistaratitilinn. Arnar Hallsson, þjálfari og leikgreinandi, kemur í heimsókn og ræður um leikstíla Breiðabliks og Víkings sem hafa verið í umræðunni. Þá er í lok þáttar fjallað um enska boltann og niðurstöðuna í leik Brighton og Manchester United. Friðrik Már Ævarsson á raududjoflarnir.is kom með skýrslu.

Loksins er kominn nýr þáttur af Ástríðunni! Ástríðan er hlaðvarp sem fjallar um neðri deildirnar á Íslandi. Þáttastjórnendur eru Óskar Smári Haraldsson og Sverrir Mar Smárason en þeir skoða baráttuna í 2. og 3. deild karla. Það hefur nóg gengið á síðan síðasti þáttur var tekinn upp og boðið upp á þéttan pakka. Meðal efnis: Sewa farinn frá Tindastóli, umdeilt leikbann McAusland, stuðningsmenn á Dalvík, skandall ef Höttur/Huginn fer niður og umræðan um viðtalið við þjálfara Kórdrengja.

Þeir Aksentije Milisic og Sæbjörn Þór Þórbergsson fóru yfir síðustu tvær vikurnar í boltanum á Norðurlandi. Endurtekið efni hjá KA - stefnir í met. Frægi lygni sjórinn hjá Þór, KF og Tindastóli, lífróður hjá Magna, D/R og Völsungi. Fjórir úrslitaleikir framundan hjá Þór/KA og Tindastóll í fyrsta sinn komið með lið í efstu deild. Hafa samband: [email protected]

2. umferðin í Fantasy Premier League þetta tímabilið sýndi okkur heldur betur hvað þessi leikur getur verið grimmur. Hún kenndi okkur hvað þolinmæði getur verið mikilvæg í þessum leik og spilarar sem héldu tryggð við leikmenn eins og Kane, Son og Mane eftir 1. umferð uppskáru nú ríkulega. En það var ekki staðan hjá Fantabrögðum. Þáttastjórnendurnir þrír áttu allir lélega umferð og sáu ekki annan valkost í stöðunni en að leggja í borðið hið villta spil. Aron, Gylfi og Gunni fóru yfir stöðuna á "nýju" liðunum sínum og reyndu að færa rök fyrir því að hoppa á þetta svo snemma.

Það var mikið um dýrðir í Laugardalnum í vikunni. Landsliðið okkar bætti 4 mikilvægum stigum í safnið og stefnir ótrautt til Englands. Ungu stelpurnar gripu gæsina og landsliðsfyrirliðinn jafnaði leikjametið.

Ungstirnin er hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Þáttastjórnendur í þessum fjórða þætti eru Arnar Laufdal Arnarsson og Eysteinn Þorri Björgvinsson. Í þættinum er fjallað um Jamal Musiala (Bayern Munchen), Youssoufa Moukoko (Dortmund) og Giovanni Reyna (Dortmund). Drengirnir ræddu um 12 unga leikmenn í Pepsi-Max deildinni og það sem hefur verið að gerast í enska boltanum. Þá kom Adam Ægir Pálsson, leikmaður Víking Reykjavíkur í heimsókn og var rætt um allt sem hefur verið í gangi hjá honum hingað til á ferlinum.

44 mörk voru skoruð í 2. umferðinni í ensku úrvalsdeildinni um helgina. Gunnar Ormslev og Hlynur Valsson, lýsendur hjá Síminn Sport, kíktu í heimsókn í höfuðstöðvar Fótbolta.net í dag. og fóru yfir leiki helgarinnar.

Elvar Geir, Ingólfur Sigurðsson og Gunnar Birgisson fjalla um Pepsi Max-deildina og Lengjudeildina. Það var hellingur af leikjum á dagskrá þennan mánudaginn og voru þeir til umfjöllunar í þættinum. Einnig var opinberað val á bestu mönnum annars þriðjungs Lengjudeildarinnar og fjórir leikmenn tilnefndir sem besti leikmaður annars þriðjungs Pepsi Max-deildarinnar.

Útvarpsþátturinn Fótbolti.net 19. september 2020. Umsjón: Elvar Geir og Tómas Þór. Sérfræðingur: Úlfur Blandon. Í upphafi: Rætt var um Pepsi Max-deildina og þjálfara fengu einkunnir. 59:00 Þorlákur Árnason ræddi um erfiðleika íslenskra liða í Evrópu og hvað er til ráða. 80:00 Enski boltinn. Jón Kaldal var á línunni um Arsenal.

Enska úrvalsdeildin hófst um liðna helgi en Manchester City hefur leik á mánudaginn þegar liðið mætir Wolves á útivelli. Þórgnýr Einar Albertsson og Starri Reynisson stuðningsmenn Manchester City, kíktu í heimsókn á skrifstofu Fótbolta.net í dag og ræddu um komandi tímabil hjá City. <b>Meðal efnis:</b> Lionel Messi, vonbrigði í fyrra, Guardiola. bras á Foden, brotthvarf David Silva, besti Torres í sögu deildarinnar, vandræði í vinstri bak, framtíðarfyrirliðinn Rodri, besta byrjunarlið Manchester City, breyttur leikstíll Aguero, Sancho, saddir Liverpool menn og margt fleira.

Fantabrögð gerðu upp fyrstu umferðina á nýju tímabili í Fantasy. Þáttastjórnendur áttu ágætis umferðir en einn þó alveg sérstaklega góða. Chelsea sigraði Brighton þrátt fyrir ósannfærandi frammistöðu og Jimenez er stöðugasti fantasy leikmaðurinn. Aron þurfti að senda frá sér formlega yfirlýsingu í stóra Saliba-málinu og rýnt var í liðið hans og reynt að laga vandamálin. Vertu með í head-to-head deild Fantabragða. Kóðinn er smi0nx. Fylgstu með í vetur og mundu að stilla upp liði fyrir kl. 10 á laugardaginn!

Riðlakeppni 4. deildarinnar lauk um helgina og framundan er sjálf úrslitakeppnin. Fyrri leikirnir í 8-liða úrslitum eru á dagskrá á laugardaginn. Magnús Valur Böðvarsson, sérfræðingur um 4. deildina, og Axel Örn Sæmundsson, þjálfari Bjarnarins, kíktu í hljóðver Fótbolta.net í dag og ræddu komandi úrslitakeppni.

Enska úrvalsdeildin hófst um liðna helgi en Manchester United hefur leik næstkomandi laugardag gegn Crystal Palace. Andri Geir Gunnarsson og Jóhann Skúli Jónsson, stuðningsmenn Manchester United, kíktu í heimsókn á skrifstofu Fótbolta.net í dag og ræddu um komandi tímabil hjá United sem og helstu tíðindi helgarinnar í enska boltanum. Meðal efnis: Meiri bjartsýni fyrir stórleiki, síðasti séns hjá formlausum Shaw, störukeppni við önnur félög, Sancho, leita annað í glugganum, of dýrir enskir leikmenn, Jack Grealish, Lingard, Pereira fæst gefins, Donny van de Beek, viðsnúningur Matic, markmannsstaðan, topp fjórir, Leeds, Gylfi Þór Sigurðsson og risaskipti Rúnar Alex til Arsenal.

Ástríðan er hlaðvarp sem fjallar um neðri deildirnar á Íslandi. Þáttastjórnendur eru Óskar Smári Haraldsson og Sverrir Mar Smárason. Með þeim að þessu sinni er góður gestur, Helgi Steinar Jónsson sem þekkir fótboltann á austurlandi út í gegn. Farið er yfir allt það helsta í 2. og 3. deild karla.

Það var tíðindamikill Ofursunnudagur í Pepsi Max-deildinni. Elvar Geir, Gunni Birgis og Ingó Sig fara yfir leiki dagsins og helstu umræðuefnin. Einnig er Lengjudeildin skoðuð. Meðal umræðuefna: Gjafmildir Blikar, gaman í Krikanum, alvöru lokasprettur Stjörnumanna, Valur 2020 eins og KR 2019 og augljósasta bakhrinding í heimi.

Upptaka af útvarpsþættinum Fótbolti.net á X977 þann 12. september. Elvar Geir og Tómas Þór voru á sínum stað. Í upphafi: Íslenski boltinn. Mjólkurbikarleikir vikunnar og ofursunnudagur framundan í Pepsi Max. 32:00 Landsliðsuppgjör. Freyr Alexandersson aðstoðarlandslandsliðsþjálfari á línunni. 67:30 Gestur þáttarins. Eggert Gunnþór Jónsson, leikmaður FH.

Þeir Aksentije Milisic og Sæbjörn Þór Þórbergsson fóru yfir þá leiki sem fram hafa farið síðan þeir ræddu málin síðast. 2. deild karla var í sviðsljósinu og sérstaklega stórskemmtilegur leikur D/R gegn Völsungi í gær. KF er í öruggum málum og vann granna sína í enn eitt skiptið. Baráttan er hins vegar blóðug á botninum. Þórsarar stimpluðu sig rækilega úr toppbaráttunni í Lengjunni og Magni á gífurlega mikilvægan leik framundan. Þór/KA mætir KR í undanúrslitum bikarsins en ekkert gengur í deildinni á meðan Tindastóll stefnir hraðbyri upp í Pepsi. Þá var einnig rætt um félagaskiptagluggann í upphafi þáttar.

Landsliðið okkar fær loksins að spreyta sig eftir alltof langa covid pásu. Framundan eru risa leikir gegn Lettlandi og Svíþjóð og leikmannahópurinn sem tekur þátt í þeim verkefnum var kynntur í dag.

Enska úrvalsdeildin hefst á laugardaginn og Fótbolti.net heldur áfram upphitun sinni fyrir mótið. Einar Matthías Kristjánsson, Magnús Þór Jónsson og Sigursteinn Brynjólfsson, stuðningsmenn Liverpool af kop.is, kíktu í spjall fyrir tímabilið. Meðal efnis: Thiago Alcantara, fá leikmannakaup, æfingaóður Klopp, nýr vara vinstri bakvörður, nýtt leikkerfi?, Keita gæti komið inn í liðið, of lítil samkeppni, risa leikir í byrjun, Minamino á uppleið, færri stig til að landa titlinum, annað einvígi við Manchester City.

Gylfi Tryggvason sneri aftur í byrjunarliðið hjá Fantabrögðum og gaf upp sitt lið fyrir fyrstu umferð í Fantasy Premier League. Strákarnir ræddu allt sem þú þarft að vita fyrir nýtt tímabil í enska boltanum, m.a. nýja leikmenn Chelsea og mikilvægustu breytinguna á Fantasy leiknum í ár. Kóðinn í head-to-head deild Fantabragða er smi0nx. Fylgstu með í vetur og mundu að stilla upp liði fyrir kl. 10 á laugardaginn!

Enska úrvalsdeildin hefst um næstu helgi og Fótbolti.net heldur áfram upphitun sinni fyrir mótið. Einar Guðnason, aðstoðarþjálfari Víkings R, og Einar Örn Jónsson, íþróttafréttamaður á RÚV, komu og ræddu um lið Arsenal.

Ástríðan er hlaðvarp sem fjallar um neðri deildirnar á Íslandi. Þáttastjórnendur eru Óskar Smári Haraldsson og Sverrir Mar Smárason. Boðið er upp á langan og veglegan þátt að þessu sinni þar sem málin eru skoðuð í 2. og 3. deild.

Ungstirnin er hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Þáttastjórnendur eru Arnar Laufdal Arnarsson og Magnús Hólm Einarsson. Í þessum þriðja þætti er fjallað um Alessandro Bastoni (Inter), Romario Baró (Porto) og Filip Stevanovic (Partizan). Rætt er um ævintýri Mason Greenwood og Phil Foden hér á Íslandi. Þá er haldið áfram að skoða hvaða efnilegu leikmenn gætu brotist inn í aðallið sinna félaga og látið að sér kveða í ensku úrvalsdeildinni.

Enska úrvalsdeildin hefst um næstu helgi og Fótbolti.net heldur áfram upphitun sinni fyrir mótið. Tottenham stuðningsmennirnir Hjálmar Örn Jóhannsson og Ingimar Helgi Finnsson kíktu í spjall og ræddu komandi tímabil. Meðal efnis: Amazon þættirnir, bjartsýni eftir erfiða tíma, trú á Mourinho, lítið til í buddunni, vesen í vinstri bakverði, sókndjarfur Doherty, Fantasy, Alli vantar pláss, gríðarlegt leikjaálag, tengsl Parrott við mafíuna, spútniklið vetrarins, fósturmamma Lloris og síðasta tímabil Kane?

Eftir landsleik Íslands og Englands í Þjóðadeildinni, 0-1 tapið svekkjandi, fóru Elvar Geir Magnússon, Tómas Þór Þórðarson og Magnús Már Einarsson yfir leikinn. Rætt var um allt það helsta og farið yfir frammistöðu einstakra leikmanna. Einnig var rýnt í framhaldið og hvernig mögulegt byrjunarlið gegn Belgum gæti litið út. Landsliðs-Innkastið er í boði White Fox.

Seinni hluti útvarpsþáttarins Fótbolti.net á X977 5. september. Elvar Geir Magnússon og Tómas Þór Þórðarson halda um stjórnartaumana og Jóhann Már Helgason, sérfræðingur um Chelsea, var með þeim. Enska úrvalsdeildin fer aftur af stað um næstu helgi og nóg hefur verið í gangi hjá Chelsea, liðið hefur verið hrikalega öflugt á leikmannamarkaðnum og keypt nýjar stjörnur.

Fyrri hluti útvarpsþáttarins Fótbolti.net á X977 5. september. Elvar Geir Magnússon og Tómas Þór Þórðarson halda um stjórnartaumana og sérfræðingurinn Úlfur Blandon var með þeim. Meðal umræðuefna: Fréttirnar úr Pepsi Max-deildinni, Evrópumöguleikar KR, komandi leikir í Lengjudeildinni og landsleikirnir. Þá settu Tómas og Úlfur saman úrvalslið fyrir Pepsi Max. Hvort liðið er sterkara?

Ástríðan er hlaðvarp sem fjallar um neðri deildirnar á Íslandi. Í þessum hliðarþætti koma góðir gestir og ræða um lífið í neðri deildunum. Gestir þáttarins eru Ingimar Elí Hlynsson, aðstoðarþjálfari ÍA, og Atli Gunnar Guðmundsson, markvörður Fjölnis. Þáttastjórnendur eru Óskar Smári Haraldsson og Sverrir Mar Smárason.

Gylfi Tryggvason lá undir feldi að þessu sinni að stilla upp liði og til að fylla hans skarð fékk Aron til leiks ríkjandi Íslandsmeistara í Fantasy Premier League, Gunnar Björn Ólafsson. Saman fóru þeir yfir lið Gunnars og spáðu í spilin fyrir komandi leiktíð. - Hvað gerir Chelsea með heilt lið af nýjum leikmönnum? - Pogba og Traore með kórónaveiruna - Er Mitrovic leikmaðurinn með mest value í ár? - Er Aron með Arsenal gleraugun límd of fast á sig? - Budweiser deildin búin að opna

Ástríðan er hlaðvarp sem fjallar um neðri deildirnar á Íslandi. Sverrir Mar Smárason heldur einn um stjórnartaumana að þessu sinni en hann fékk öflugan liðsstyrk sér við hlið. Alexander Már Þorláksson mætti og fór með honum yfir sviðið. Farið er yfir leikina í 2. og 3. deild síðustu vikuna.

BÁN hringdi á sunnudagskvöldi í þá Anton Frey Jónsson og Egil Sigfússon og fóru þeir Aci og Sæbjörn yfir Lengjudeildina og KA með séfræðingunum að sunnan. Staðan: Þór/KA þarf að horfa á liðin fyrir neðan, Þórsarar horfa upp fyrir sig, líflína hjá Magna og KF búið að halda sér uppi. Völsungur fallið en D/R vann lykilsigur. Samherji og Tindastóll karlamegin keppa að litlu á meðan Stólastelpur horfa í Paxið.

Elvar Geir og Gunni Birgis stýrðu Innkastinu og fengu sérstakan heiðursgest í þáttinn; Gunnar Sigurðarson. Gunni samloka fór meðal annars yfir vindasamt tímabil hjá hans mönnum í Víkingi Ólafsvík og valdi skemmtilegustu og verstu velli landsins. Í þættinum er farið yfir leiki helgarinnar í Pepsi Max-deildinni og Lengjudeildinni með ýmsum útúrdúrum.

Úr útvarpsþættinum Fótbolti.net á X977. Það nötrar allt og skelfur bak við tjöldin hjá stórliði Barcelona. Kallað er eftir því að forseti félagsins segi af sér og Lionel Messi vill fara. Eða hvað? Vill hann fara? Einar Örn Jónsson íþróttafréttamaður á RÚV er ansi fróður um stöðu mála í Katalóníu og hann mætti í þáttinn.

Úr útvarpsþættinum Fótbolti.net á X977. Elvar Geir og Tómas Þór stýrðu uppgjöri fyrri helmings Pepsi Max-deildarinnar. Sérfræðingur þáttarins er þjálfarinn og leikgreinandinn Arnar Hallsson sem hefur verið með pistla á Fótbolta.net á tímabilinu þar sem hann rýnir dýpra í leiki deildarinnar. Hann kom með nýja vinkla í umræðuna. Einnig var opinberað úrvalslið fyrri helmings deildarinnar.

Allir meðlimir Innkastsins sem ekki eru í sóttkví voru samankomnir á Ölveri í Glæsibæ og fóru yfir helstu málin. Elvar Geir, Gunni Birgis og Ingó Sig gerðu upp fjóra leiki í Pepsi Max-deildinni en burðarleikurinn var stórleikur KR og Vals á Meistaravöllum sem endaði 4-5. Eðlilegt. Einnig var rætt um komandi leiki íslenskra liða, deilur Skagamanna og Gunna, áhorfendabann og fleira.

Ástríðan er hlaðvarp sem fjallar um neðri deildirnar á Íslandi. Þáttastjórnendur eru Óskar Smári Haraldsson og Sverrir Mar Smárason. Farið var yfir leiki helgarinnar í 2. og 3. deild. Áfram halda vandræði Völsungs og Bondhornið var kynnt til leiks

Ungstirnin er nýr hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Þáttastjórnendur eru Arnar Laufdal Arnarsson og Magnús Hólm Einarsson. Í þessum öðrum þætti er fjallað um Eduardo Camavinga (Stade Rennais), Calvin Stengz (AZ Alkmaar) og Marco Kana (Anderlecht). Skoðað er hvaða efnilegu leikmenn gætu brotist inn í aðallið sinna félaga og látið að sér kveða í ensku úrvalsdeildinni. Þá eru gestir þáttarins Ágúst Eðvald Hlynsson og Kristall Máni Ingason, leikmenn Víkings.

Fyrra Innkast vikunnar. Elvar Geir Magnússon, Ingólfur Sigurðsson og Baldvin Már Borgarsson eru í hljóðverinu að þessu sinni. Farið er yfir leiki helgarinnar í Pepsi Max-deild karla og þeir velja besta markvörðinn, varnarmanninn, miðjumanninn og sóknarmanninn í deildinni. Þá er síðasta umferð Lengjudeildarinnar gerð upp og úrvalslið fyrri hlutans opinberað. Innkastið er í boði White Fox.

Seinni hluti útvarpsþáttarins Fótbolti.net á X977 laugardaginn 22. ágúst. Björn Berg Gunnarsson, fræðslustjóri Íslandsbanka, kom í þáttinn og fræddi fólk um launaþakið sem hefur verið tekið upp í C- og D-deildum enska boltans. Þessar nýju reglur eru bylting í enska boltanum. Elvar Geir og Runólfur Trausti ræddu við Björn Berg en þeir þrír ræddu líka um komandi úrslitaleik í Meistaradeild Evrópu, viðureign PSG og Bayern München.

Fyrri hluti útvarpsþáttarins Fótbolti.net á X977 laugardaginn 22. ágúst. Tómas Þór Þórðarson var sendur í sóttkví rétt fyrir þátt eftir frægt morgunverðahlaðborð á Hótel Rangá en Elvar Geir Magnússon fékk góða menn í hljóðverið! Runólfur Trausti íþróttafréttamaður á Vísi og Rafn Markús Vilbergsson, fyrrum þjálfari Njarðvíkur, voru með við hringborðið og farið var yfir vikuna í íslenska boltanum. Tómas Þór var svo á línunni. Pepsi Max-deildin, Lengjudeildin og Evrópuleikir íslenskra liða voru til umfjöllunar.

Það er nóg um að vera hérlendis sem og erlendis um þessar mundir. Framundan eru risa leikir í Meistaradeild Evrópu og Pepsi Max-deildin okkar rúllar áfram með hnökrum.