Fotbolti.net

Seinni hluti útvarpsþáttarins Fótbolti.net á X977 laugardaginn 20. febrúar. Arnór Smárason, leikmaður Vals, kom í heimsókn. Arnór er 32 ára og er að fara að spila sitt fyrsta tímabil í íslensku deildinni. Hann hefur verið erlendis frá unga aldri og spilað í Skandinavíu, Hollandi og Rússlandi. Hann gekk í raðir Valsmanna í vetur. Í þessari klippu er einnig símaviðtal við Helga Val Daníelsson sem er kominn aftur í baráttuna eftir erfið meiðsli.

Fyrri hluti útvarpsþáttarins Fótbolti.net á X977 laugardaginn 20. febrúar. Elvar og Tómas ræða við Birgi Jóhannsson, framkvæmdastjóra ÍTF, um helstu umræðuefnin í íslenskum fótbolta. Það var hiti í kringum aðalfund ÍTF í vikunni þar sem nýr formaður var kjörinn og framundan er ársþing KSÍ. Sjónvarpsrétturinn á íslenskum fótbolta er að losna eftir þetta tímabil og þá verður kosið um að breyta mótafyrirkomulaginu í efstu deild karla á þinginu næsta laugardag.

Ungstirnin er hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Umsjónarmenn þáttarins eru Arnar Laufdal Arnarsson og Magnús Hólm Einarsson. Í þessum fjórtánda þætti er fjallað um Tiago Tomás (Sporting), Noni Madueke (PSV) og Fransisco Trincão (Barcelona) Drengirnir búa báðir til lið ársins hingað til á tímabilinu einungis skipað ungstirnum. Jónatan Ingi Jónsson og Hörður Ingi Gunnarsson, leikmenn FH og U-21 árs landsliðs Íslands, eru gestir þáttarins. Drengirnir takast á spurningakeppni og er farið yfir það sem hefur verið í gangi á ferlinum hingað til.

Sinisa Mihajlovic tókst að móðga hársára stuðningsmenn Bologna, toppsætið í Serie-A skiptir um hendur en helst innan Mílanóborgar og Juventus upplifir martraðarviku. Um helgina er svo Mílanóslagur þar sem titilbaráttan gæti skýrst enn frekar. Munu Conte og Internazionale standa uppi sem sigurvegarar í lok tímabilsins? Ítalski boltinn er hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni og skemmtilegar sögur rifjaðar upp um goðsagnir.

Fantabrögð neyddust til að vera með þátt þegar tveimur leikjum var ólokið í umferð 24. Þáttastjórnendur voru þó þegar búnir að safna fullt af stigum enda gáfu leikmenn sem áttu tvöfaldar umferðir vel, þó þeir hafi ekki endilega spilað báða leikina. Efstur á blaði þar var Ilkay Gündogan sem launaði vel traustið fyrir fyrirliðabandið, hvað þá sem þrefaldur fyrirliði. En hvað er framundan? Er Bamford sjálfgefinn fyrirliði í næstu umferð eða eru aðrir kostir í stöðunni? Á að vera með þrjá í Leeds? Hvað með Southampton? Kane og Vardy orðnir heilir og líta vel út, á að kaupa þá? Er ennþá planið að Wildcarda núna? Allt þetta í nýjum þætti af Fantabrögðum.

Þorsteinn Halldórsson, nýráðinn þjálfari A-landsliðs kvenna, er gestur Heimavallarins að þessu sinni og ræðir við þáttastýrurnar Huldu Mýrdal og Mist Rúnarsdóttir. Þorsteinn segir frá fyrstu vikunum í starfi landsliðsþjálfara, fer yfir næstu verkefni með liðinu, markmið og ýmislegt fleira tengt nýja starfinu sem og aðskilnaðinum við Íslandsmeistara Breiðabliks. Þá eru fastir liðir eins og Símasnilldin, Dominos spurningin og Hekla þáttarins að sjálfsögðu til staðar.

Það var líf og fjör í leikjum helgarinnar í ensku úrvalsdeildinni og farið var yfir gang mála í hlaðvarpsþættinum „Enski boltinn" í dag. Gestir þáttarins eru Arsenal stuðningsmennirnir Jón Kaldal og Engilbert Aron Kristjánsson. Meðal efnis: Sóknarleikur Arsenal að lagast, ungu leikmennirnir koma með orku, Aubameyang kominn í gang, Ödegaard lofandi, óskiljanleg kaup í WIllian, allt í vaskinn hjá Liverpool, dýrkeypt mistök Alisson, Rodgers spilar á styrkleikana, VAR lituð helgi, Rashford tók of margar snertingar, gaman að horfa á Bruno Fernandes, skemmtilegri Guardiola bolti, Gundogan minnir á Scholes, Southampton í ruglinu, Jói Berg í stuði, Lowton breyttist í Dani Alves, Netflix hetjan kláraði Everton, gengur allt upp hjá Tuchel.

Seinni hluti útvarpsþáttarins Fótbolti.net 13. febrúar. Gestur þáttarins er sjálfur Hermann Hreiðarsson. Hermann er þjálfari Þróttar í Vogum í 2. deildinni en hann hefur á þjálfaraferlinum tekið að sér ansi ólík verkefni. Í þættinum ræðir Hermann um þjálfunina, segir nokkrar skemmtilegar bransasögur frá ferlinum, talar um landsliðið, framtíðaráform og fleira.

Fyrri hluti útvarpsþáttarins Fótbolti.net 13. febrúar. Farið yfir fótboltafréttir vikunnar en framundan eru kosningar hjá ÍTF og KSÍ. Arnar Þór Viðarsson landsliðsþjálfari ræðir um ráðninguna á Lars Lagerback sem er kominn í teymi íslenska landsliðsins.

Titilbaráttur eru í útrýmingarhættu í Evrópu, nema á Ítalíu þar sem dramatíkin heldur áfram. Í þættinum verður fjallað um vandræði Napoli, varnarleik Juventus, markahrókinn Goran Pandev og svo verður staðan tekin á ítalska landsliðinu fyrir EM sem fer fram í sumar. Hvernig lítur líklegt byrjunarlið út? Ítalski boltinn er hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni og skemmtilegar sögur rifjaðar upp um goðsagnir.

Samúel Samúelsson hefur í fjölda ára verið í fararbroddi hjá Vestra á Ísafirði. Hann hefur fengið til félagsins stór nöfn eins og Guðjón Þórðarson, Bjarna Jóhannsson og Nigel Quashie auk um 90 erlendra leikmanna. Hann segir sögu sína í Miðjunni í dag. Meðal efnis: - Fiskur og fótbolti er líf mitt - Átti ekki merkilegan feril sem fótboltamaður - Fékk þrjú rauð spjöld sem stjórnarmaður - Nafn félagsins sem var kallað skástrikið en endaði á Vestra - Alfreð Elías kom liðinu upp en var sagt upp - Stressaður fyrir fyrsta fundinn með Gauja Þórðar - Með mjög mikla peninga árið 2011 - Slógu út Breiðablik og mættu KR í stærsta leik félagsins - Seldi besta leikmanninn eftir að hann kýldi bróður hans - Gaui Þórðar var ósáttur við söluna - Hann og Gaui tóku oft erfið samtöl - Guðjón hjálpaði og breytti félaginu til frambúðar - Brottrekstur Guðjóns Þórðarsonar - Freyr Alexandersson var að taka við þegar Jörundur Áki kom - Andri Rúnar hafði það of gott heima hjá mömmu sinni - Tími Nigel Quashie á Ísafirði og afhverju var hann á Íslandi - Fundaði með Bjarna Jó á Tenerife og réði hann ári síðar - Merkti húsið SSS skrifstofur og Bjarni bjó þar fyrsta árið - 90 útlendingar komið á hans tíma hjá félaginu - Þolir ekki Þór - Löggan ræsti hann út allar helgar til að stoppa partý hjá Þórði Inga og Alexander Veigari - Skammarleg aðstaða og æft í reiðhöll - Vestri ætlar upp í Pepsi-deild í sumar

Nú tekur alvara lífsins við í Fantasy Premier League. Við fáum nokkrar umferðir í röð þar sem lið eiga einn, tvo og jafnvel engan leik og nú þarf að fylgjast vel með og muna að breyta liðinu sínu milli leikja. Strákarnir í Fantabrögðum tóku stöðuna á þessu öllu saman, en þó ræðst mikið á því hvernig bikarleikirnir fara í vikunni. Nick Pope og félagar í Burnley eiga 2 álitlega leiki í umferðinni svo mörg okkar ætla að kaupa hann og jafnvel gera hann að fyrirliða. Gúndi, formaður bekkjaráðs og fleiri góðir fara á kostum í Manchester City og Dominic er ekki alveg-búinn. Við veltum stóru steinunum varðandi umferðir 24-26. Fantabrögð eru í boði Dominos, Nemía og GÓ Training.

Manchester City er í frábærum málum á toppi ensku úrvalsdeildarinnar eftir útisigur gegn Liverpool í gær. Dramatík var á Old Trafford og fleiri áhugaverð úrslit litu dagsins ljós. Hlynur Valsson og Jóhann Már Helgason fóru yfir leiki helgarinnar í hlaðvarpsþættinum „Enski boltinn."

Seinni hluti útvarpsþáttarins Fótbolti.net laugardaginn 6. febrúar. Kristján Atli Ragnarsson mætir í hljóðver og fer yfir annan fjórðung ensku úrvalsdeildarinnar. Hann opinberar val á úrvalsliði og fratliði!

Fyrri hluti útvarpsþáttarins Fótbolti.net laugardaginn 6. febrúar. Elvar Geir og Tómas Þór opinbera ótímabæru spánna fyrir Pepsi Max-deildina. Guðmundur Steinarsson er með þeim í þættinum.

Það voru ýmist tíðindi í leikjum vikunnar í ensku úrvalsdeildinni. Manchester United vann risasigur, Liverpool tapaði öðrum heimaleiknum í röð og Rúnar Alex Rúnarsson spilaði sinn fyrsta leik. Tómas Þór Þórðarson og Gunnar Ormslev hjá Síminn Sport eru gestir að þessu sinni í hlaðvarpsþættinum „Enski boltinn". Meðal efnis: Aldrei lýst öðru eins, markaregn Manchester United, tækling sem getur endað feril, Mike Dean mjólkar sviðsljósið, -7 í Fantasy deildinni, vöðvaminni Leno, frumraun hjá Rúnari Alex, risa meiðslalisti Liverpool, risaleikur á sunnudag, flott verkefni hjá Brighton, Ben Davies beið eftir Audda Blö, ekki Gylfalegt mark, Manchester City óstöðvandi, draumabyrjun Jesse Lingard, Tomas Soucek óvæntasta stjarnan, afskrifa Chris Wilder ekki strax, Eiður goðsögn á Anfield.

Þessi þáttur er með öðru sniði en farið verður yfir fyrri helming tímabilsins. Hver er staðan á liðunum í toppbaráttunni, botnbaráttunni og um miðja deild? Íslendingum fjölgar ört á Ítalíu og Zlatan mætir á undankeppni fyrir ítalska Eurovision. Síðan setur Björn Már saman lið umferða 1-19. Ítalski boltinn er hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni, skemmtilegar sögur, rifjaðar upp goðsagnir og svo verða í hverjum þætti veitt veitt hin skemmtilegu verðlaun „gullna ruslatunnan", eða „Bidone d'oro".

Stjórnendur Fantabragða áttu misgóða umferð í 21. leikviku Fantasy Premier League. Prílið lifir sem aldrei fyrr hjá GT meðan sjálfræðissvipting Arons á Fantasy liðinu hans er komin í ferli. Pep rúllettan fór illa með margan Fantasy þjálfarann og þá virðist Thomas Tuchel vera nýjast stjórinn til að raða kúlum í þá byssu. Aðra umferðina í röð var það leikmaður sem fólk var að selja eða bekkja sem sannaði sig - í þetta skiptið Patrick Bamford. Fantabrögð spáðu í spilin fyrir tvær umferðir, enda er spilað ansi þétt í enska boltanum þessa dagana. Þá var litið allhressilega til baka enda rættist spá síðustu viku að mörgu leyti.

Það er gluggadagur og í hlaðvarpsþættinum „Enski boltinn" í dag var rætt um helstu félagaskipti sem og leiki helgarinnar á Englandi. Tottenham stuðningsmennirnir Hjálmar Örn Jóhannsson og Ingimar Helgi Finsson mættu og ræddu málin. Meðal efnis: 11 stig í 13 leikjum, galin uppstilling, Son og Kane fara, Mourinho fær tíma ut tímabilið, Doherty hrikalegt flopp, Bale gæti hætt, sendi Alli skilaboð á Instagram, Liverpool verslar miðverði, Murray ekki 27 ára, mögnuð skyndisóḱn Liverpool, vantar smá upp á hjá Solskjær, Manchester City verður meistari, Everton eins og Tottenham, kórónuveiran truflar félagaskipti, Aston Villa skemmtilegir, VAR kallarnir lélegir í paint, gluggadags fréttir og spurningar frá lesendum.

Útvarpsþátturinn Fótbolti.net 30. janúar. Elvar Geir og Tómas Þór fara yfir fréttir vikunnar. Svo kemur Davíð Snorri Jónasson, nýr þjálfari U21 landsliðsins, í heimsókn. Rætt er um þetta efnilega lið, Evrópumótið framundan og Davíð svarar spurningum sem voru sendar í gegnum Instagram. Þá mætir Þórir Hákonarson og segir frá mjög áhugaverðri fyrirlestraröð um fjármál og fótbolta. Einnig er rætt um tillögur um lengingu Íslandsmótsins.

Þær Hulda Mýrdal og Mist Rúnarsdóttir fá til sín sérlega góða gesti á Heimavöllinn að þessu sinni. Knattspyrnuþjálfarinn og spekúlantinn Daði Rafnsson mætir í sett og ræðir um íslenska uppeldiskerfið og af hverju svona margar íslenskar knattspyrnukonur eru að semja við stórlið úti í heimi. Þá kíkir nýjasti leikmaður Breiðabliks, Andrea Mist Pálsdóttir, í heimsókn. Fer yfir vistaskiptin, síðustu verkefni og framtíðarmarkmið auk þess sem hún velur fimm „gullfætur“ úr efstu deild. Nýi landsliðsþjálfarinn kemur svo að sjálfsögðu mikið við sögu sem og allt það helsta og fréttnæmasta.

Þessi umferð var ekki alveg jafn góð og sú síðasta, enda færri leikir og mikil vonbrigði þar að auki. Metfjöldi setti bandið Bruno Fernandes sem klikkaði en Manchester City leikmenn skiluðu heldur betur. Liverpool vann Tottenham sannfærandi og það sem verra er fyrir Spurs virðist Harry Kane vera meiddur. Er Mane kominn í form? Hvað með Trent? Hver er besti ódýri miðjumaðurinn? En dýri varnarmaðurinn? Þetta og meira í nýjasta þættinum af Fantabrögðum. Fantabrögð eru í boði Dominos, Nemíu og GÓ Training.

Manchester City situr á toppi ensku úrvalsdeildarinnar eftir fjöruga leiki í vikunni. Magnús Ingvason og Sigurður Helgason, stuðningsmenn Manchester City, mættu í hlaðvarpsþáttinn „Enski boltinn" í dag og ræddu um City og leiki vikunnar. Það eru White Fox, Viking gylltur (léttöl) og Domino's sem bjóða upp á þáttinn. Meðal efnis: City lengi að ná flugi, Dias smollið inn, vörnin öflug, framherjalausir en skora samt, Messi og Haaland á óskalistanum, Guardiola besti þjálfari sögunnar, misheppnuð hvíld hjá Solskjær, dapur varnarleikur Man Utd, fékk Lampard ekki mennina sem hann vildi?, Lars hafði ekki engan áhuga á Ödegaard, ungu strákarnir blómstra hjá Arsenal, erfitt að standa undir því að vera undrabarn, sömu stjórarnir í áratugi, í City treyju á Old Trafford, innkaupalisti Sigga Helga, Moyes gerir magnaða hluti, stíflan hjá Liverpool og margt fleira.

Ungstirnin er hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Umsjónarmenn þáttarins eru Arnar Laufdal Arnarsson og Magnús Hólm Einarsson. Í þessum þrettánda þætti er fjallað um Ali Akman (Bursaspor), Christos Tzolis (PAOK) og Talles Magno (Vasco De Gama). Drengirnir bjuggu báðir til úrvalslið leikmanna sem fæddir eru 2004 þar sem aðal áherslan var á íslenska stráka. Nikola Dejan Djuric, fyrrum leikmaður Midtjylland og Hauka, var gestur í þættinum og valið var lið tímabilsins í ensku úrvalsdeildinni higanð til.

Fantabrögð mættu með fullskipað lið til að gera upp lengstu umferð sögunnar í Fantasy Premier League. John Stones var óvænt stigahæsti leikmaður umferðarinnar á meðan Mohamed Salah klikkaði og fékk fjögur. Michail Antonio verðlaunaði síðan þá sem keyptu hann ríkulega með 18 stigum. Margt gekk upp en margt klikkaði einnig. Þáttastjórnendur voru allir töluvert yfir meðaltali þessa umferðina en einn var þó áberandi minnst sáttur. Hvern á að kaupa fyrir Kevin De Bryune sem er meiddur? En Jamie Vardy? Hvað gerist hjá Chelsea með stjóraskiptum? Þetta og allt annað í nýjasta Fantabrögðum.

Seinni hluti útvarpsþáttarins Fótbolti.net 23. janúar. Matthías Vilhjálmsson er kominn heim úr atvinnumennskunni og farinn að spila á ný með FH. Matti kom í útvarpsþáttinn og ræddi meðal annars um heimkomuna, árin í Noregi og framtíðina. Hann á fjóra Noregsmeistaratitla að baki með stórliði Rosenborg.

Fyrri hluti útvarpsþáttarins Fótbolti.net 23. janúar. Geir Þorsteinsson, framkvæmdastjóri ÍA og fyrrum formaður KSÍ, kom í heimsókn. Rætt var um stöðu íslenska boltans frá ýmsum hliðum. Elvar Geir og Tómas Þór ræddu ýmislegt tengt íslenska boltanum, meðal annars umræðu um fjölgun leikja í Pepsi Max-deildinni og áhrif Covid-19 á síðasta tímabil. Þá ræddi Geir um starf sitt hjá ÍA en hann hefur staðið í ströngu við að laga fjárhagsstöðu félagsins.

Það er skammt stórra högga á milli í ensku úrvalsdeildinni þessa dagana og sveiflurnar miklar á toppnum. Jóhann Már Helgason, stuðningsmaður Chelsea, og Orri Freyr Rúnarsson, stuðningsmaður Manchester United, mættu í hlaðvarpsþáttinn „enski boltinn" og fóru yfir stöðuna hjá sínum liðum sem og öðrum.

Það vantaði ekki dramatíkina á Ítalíu þessa vikuna, hvorki innan vallar né utan. Eftir að hafa keypt Mario Balotelli til Monza er Adriano Galliani farinn að láta til sín taka á ítalska þinginu, Rómverjar gera hver mistökin á fætur öðrum og Juventus reynir eftir fremsta megni að stimpla sig út úr titilbaráttunni. Ítalski boltinn er hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni, skemmtilegar sögur, rifjaðar upp goðsagnir og svo verða í hverjum þætti veitt veitt hin skemmtilegu verðlaun „gullna ruslatunnan", eða „Bidone d'oro".

Þær fréttir bárust á dögunum að markvörðurinn öflugi, Sonný Lára Þráinsdóttir, ætlaði sér ekki að leika áfram með Breiðablik þar sem hún hefur átt magnaðan tíma síðustu ár. Sonný Lára mætir í spjall til Huldu Mýrdal og Mistar Rúnarsdóttur og fer yfir málin. Þá koma einnig KM-leikmennirnir Júlía Óladóttir og Hrund Steinarsdóttir í spjall en KM stendur fyrir Knattspyrnufélag Miðbæjar og liðið ætlar að taka þátt í 2.deild í sumar.

Erkifjendurnir í Liverpool og Manchester United gerðu markalaust jafntefli í stórleik helgarinnar í ensku úrvalsdeildinni. Rikki G, lýsandi á Stöð 2 sport, og Hrafn Kristjánsson, körfuboltaþjálfari og stuðningsmaður Liverpool, fóru yfir leiki helgarinnar í hlaðvarpsþættinum „Enski boltinn" að þessu sinni.

Útvarpsþátturinn 16. janúar. Umsjón: Elvar Geir og Tómas Þór. Í fyrri hluta þáttarins: Rætt um feril Wayne Rooney og fjallað um íslenska boltann. Rætt var við Ágúst Gylfason, þjálfara Gróttu, og Orra Frey Hjaltalín, nýjan þjálfara Þórs. Í seinni hlutanum: Enska hringborðið. Hitað upp fyrir stórleik Liverpool og Manchester United. Gestir: Einar Matthías Kristjánsson á kop.is og Þorsteinn Hjálmsson á raududjoflarnir.is.

Umferð 18 er að baki í Fantasy Premier League og við tekur umferð 19. Margir notuðu Free Hit í 18 umferð enda lítið af leikjum og nú er spurning hvort það taki því að nota Bench Boost eða Triple Captain í þeirri 19. Fer leikur Leeds og Southampton fram eða ekki? Á maður að þora að tiple captaina De Bruyne? Hvaða þrjá West Ham menn á að vera með? Hvað með Salah og Liverpool? Þetta og allt annað í nýjasta þættinum af Fantabrögðum. Hlustendur þurfa að hafa hraðar hendur því fresturinn lokar kl. 11 á morgun!

Liverpool og Manchester United mætast í toppslag í ensku úrvalsdeildinni á Anfield á sunnudaginn. Hörður Magnússon og Magnús Gylfason fylgjast með hverju sparki hjá sínum liðum og þeir mættu í spjall í dag þar sem hitað var upp fyrir leik helgarinnar. Það eru White Fox, Viking gylltur (léttöl) og Domino's sem bjóða upp á þáttinn. Meðal efnis: Stórleikurinn á sunnudag, dauðafæri fyrir Manchester United, frelsarinn Klopp, Bailly eins og Song, meiðslapjakkurinn Matip, banter, fólskuleg líkamsárás, var farinn að trúa orðum Magga Gylfa, áhorfendaleysið, Pogba og umboðsmaðurinn, Gylfi svarar gagnrýni, Manchester City líklegastir, Mourinho bara með plan A, VAR ekki gengið upp, sóttvarnarreglur á Íslandi og margt fleira!

Í þætti vikunnar verður farið yfir umferð síðustu umferð þar sem Juventus marði sigur á spræku Sassuolo-liði og Inter og Roma gerðu jafntefli í toppslag umferðarinnar. Framundan er stór helgi í ítalska boltanum. Lazio og Roma eigast við í hörðum nágrannaslag og Juventus og Inter mætast í „Derby d'Italia". B-deildin fer af stað aftur eftir stutt hlé um síðustu helgi og þær fregnir voru að berast að Hólmbert Aron Friðjónsson var að missa keppinaut um framherjastöðuna í Brescia. Ítalski boltinn er hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni, skemmtilegar sögur, rifjaðar upp goðsagnir og svo verða í hverjum þætti veitt veitt hin skemmtilegu verðlaun „gullna ruslatunnan", eða „Bidone d'oro".

Ungstirnin er hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Umsjónarmenn þáttarins eru Arnar Laufdal Arnarsson og Magnús Hólm Einarsson. Í þessum tólfta þætti er fjallað um Ilaix Moriba (Barcelona), Pierre Dwomoh (Genk) og Benoit Badashile (Mónakó) Rætt var um félagaskipti ungra íslenskra leikmanna en Finnur Tómas, Karólína Lea og Sveindís Jane hafa öll verið seld út í atvinnumennskuna á síðustu dögum. Drengirnir búa báðir til úrvalslið úr leikmönnum sem eru fæddir árið 2003. Í seinni hluta þáttarins koma Sævar Atli Magnússon, fyrirliði Leiknis, og Vuk Oskar Dimitrijevic, leikmaður FH, í heimsókn. Þeir voru báðir lykilmenn hjá Leikni sem komst upp í Pepsi Max-deildina í fyrra. Hlustaðu í spilaranum hér að ofan, á Spotify eða í gegnum Podcast

Útvarpsþátturinn Fótbolti.net á X977 laugardaginn 9. janúar. Elvar Geir og Tómas Þór fóru yfir fréttir vikunnar og tóku svo upp símann og ræddu við góða viðmælendur. Ólafur Kristjánsson, þjálfari Esbjerg, ræddi um lífið í Danmörku og það góða skrið sem hans lið hefur verið á en það trónir á toppi B-deildarinnar. Emil Pálsson ræddi um sín mál en hann ætlar að takast á við nýja áskorun á sínum ferli eftir þrjú ár hjá Sandefjord. Gylfi Sigurðsson umboðsmaður var líka á línunni og gaf hlustendum innsýn inn í það hvernig er að vera umboðsmaður í kvennafótboltanum. Þá ræddi Kristján Atli Ragnarsson, sérfræðingur um Liverpool, um enska boltann en það styttist í toppslag Liverpool og Manchester United.

Í þætti vikunnar verður farið yfir umferð vikunnar þar sem Juventus vann toppslaginn gegn AC Milan sem tapar sínum fyrsta leik síðan í mars. Inter og Napoli tapa óvænt stigum og ungstirnið Nicolo Zaniolo er með hjálp móður sinnar að taka við af Balotelli sem óþekki strákur ítalska boltans. Ítalski boltinn er hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni, skemmtilegar sögur, rifjaðar upp goðsagnir og svo verða í hverjum þætti veitt veitt hin skemmtilegu verðlaun „gullna ruslatunnan", eða „Bidone d'oro".

Fyrsti þáttur Fantabragða á árinu 2021 var heldur betur viðburðaríkur. Aron og Gunni mættu í stúdíóið og fóru yfir umferð 17 auk þess að spá í spilin fyrir umferðir 18 og 19 sem liggja saman og krefjast nokkurrar íhugunar, enda liðin með mismarga leiki. Meðal efnis í þættinum: -Markmannarússíbaninn -Er Dominic Alveg-Búinn? -Hvaða leikmenn eru skyldueign í Free Hit lið í 18. umferð? -Hvaða lið eiga bestu leikina í tvöföldu umferðinni (19)? -Er möst að kaupa Kevin De Bruyne? -Á að selja Salah?

Það hefur verið líf og fjör í ensku úrvalsdeildinni að undanförnu og farið var yfir gang mála í hlaðvarpsþættinum „Enski boltinn" á Fótbolta.net í dag. Hlynur Valsson og Gunnar Ormslev, lýsendur á Síminn Sport, voru gestir þáttarins að þessu sinni. Það eru White Fox, Viking gylltur (léttöl) og Domino's sem bjóða upp á þáttinn. Meðal efnis: Kórónuveiran truflaði ekki Manchester City, náðugt í fyrsta leik Steffen, taflan ójöfn, Lampard fær lengri tíma, Man Utd á flugi, Pogba kominn í gang, Bruno Fernandes má ekki meiðast, Solskjær treður sokkum, stórleikur ársins 17. janúar, hversu lengi nenna leikmenn Mourinho?, Meslier vaxinn eins og trjágrein, hræðilegur leikur á Goodison Park, konfekt mörk hjá Arsenal, Lacazette skorar og skorar, Sammi fellur í fyrsta skipti, Arteta var stressaður yfir snjónum, Leicester nær ekki að klára dæmið, fjör á Amex leikvanginum, Úlfarnir sakna Raul Jimenez, kemst Liverpool aftur á sigurbraut í kvöld?

Útvarpsþátturinn Fótbolti.net á X977 laugardaginn 2. janúar. Umsjón: Elvar Geir og Tómas Þór. Í þætti dagsins var rætt við Tryggva Pál Tryggvason fréttamann og sérfræðing um Manchester United um enska boltann en United er komið upp að hlið Liverpool á toppi deildarinnar. Einnig var Alex Þór Hauksson í viðtali en hann er að yfirgefa Stjörnuna og halda til Svíþjóðar. Þá var rætt við Gunnar Einarsson sem tók í vetur við þjálfun Víkings í Ólafsvík.

Árinu 2020 er að ljúka og Heimavöllurinn hendir í áramótauppgjörsþátt af því tilefni. Gestir: Sveindís Jane, Ingibjörg Sigurðardóttir og Vanda Sigurgeirsdóttir. Hápunkti ársins var náð á þriðjudagskvöldið þegar íslenskar knattspyrnukonur komu, sáu og sigruðu í kjöri á íþróttamanni, þjálfara og liði ársins. Heimavöllurinn fer yfir allt það helsta og heyrir í mögnuðum gestum. Nýjasta atvinnukonan okkar, Sveindís Jane, segir frá félagaskiptunum til þýsku risanna í Wolfsburg. Ingibjörg Sigurðardóttir fer yfir magnað ár í Noregi og við ræðum landsliðsþjálfarastöðuna ómönnuðu við goðsögnina Vöndu Sigurgeirsdóttur sem bæði lék með og þjálfaði liðið á sínum tíma. Þar að auki rifja þáttastýrur upp ýmis eftirminnileg atvik frá árinu sem er að líða.

Hlustendur eru reiðir. Þessi umferð var ömurleg og það er ekkert um það annað að segja. Aron var lítill í sér heima en GT geitin og Sá besti reyndu að binda um sár hvor annars og hugga hlustendur. Við Fantar viljum nýta tækifærið og þakka fyrir árið sem er að líða. Megi næsta ár verða okkur gæfuríkt og betra að öllu leyti.

Ungstirnin er hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum. Umsjónarmenn þáttarins eru Arnar Laufdal Arnarsson og Magnús Hólm Einarsson. Í þessum ellefta þætti er fjallað um Charles De Ketelaere (Club Brugge), Amad Diallo (Man United) og Rayan Cherki (Lyon) Drengirnir búa báðir til úrvalslið úr leikmönnum sem eru fæddir árið 2002. Jón Dagur Þorsteinsson og Alfons Sampsted leikmenn AGF og Bodø/Glimt eru gestir í þættinum, drengirnir takast á í spurningakeppni og ræða um það sem hefur verið í gangi á ferli þeirra.

Hlaðvarpsþátturinn „Enski boltinn" er á sínum stað í dag líkt og eftir allar umferðir í ensku úrvalsdeildinni.

Hátíðarútgáfa útvarpsþáttarins Fótbolti.net á X977, síðasti þátturinn á árinu 2020! Elvar Geir, Tómas Þór, Benedikt Bóas og Magnús Már gera upp fótboltaárið 2020 á léttu nótunum og veita verðlaun í ýmsum misgáfulegum flokkum. Rætt er við Gary Martin, Sóla Hólm og Patrik Gunnarsson og gleðin að vopni.

Það var tilfinningarússíbani hjá Fantasy þjálfurum þessa helgi þegar Mohamed Salah byrjaði á bekknum hjá Liverpool. Margir voru farnir að horfa uppá að þurfa að treysta á varafyrirliðann, en Salah kom inná og skilaði 16 stigum, eins og GT geitin hafði spáð. Fantabrögð ákváðu að leika þetta eftir og Sá besti - Gunnar Björn Ólafsson var því hvíldur á bekknum í þessum þætti. Aron ofhugsaði fyrirliðavalið sitt og þurfti að gjalda fyrir það. Bruno fékk 17 stig og Grealish 10 meðal annars. Son og Kane klikkuðu. Við gerðum upp tvær umferðir, spáðum í spilin fyrir skrýtnu umferðirnar 18 og 19 og kynntum til leiks nýjan dagskrárlið.

Hlaðvarpsþátturinn „Enski boltinn" er á sínum stað í dag líkt og eftir allar umferðir í ensku úrvalsdeildinni.

Útvarpsþátturinn Fótbolti.net 19. desember. Síðasti þáttur fyrir jól. Í fyrri hlutanum ræða Elvar Geir og Tómas Þór um fótboltann í Katar, íslenskar fréttir og hringja í Ara Frey Skúlason landsliðsmann. Meðal annars er rætt um framtíðina hjá honum, tilfinningarnar á Wembley og Lagerback. Í seinni hlutanum er ítarlegt og áhugavert spjall við Heimi Guðjónsson, þjálfara Íslandsmeistara Vals. Rætt er um liðið tímabil hjá Valsmönnum, íslenska og færeyska boltann, landsliðið og ýmislegt fleira.

Hlaðvarpsþátturinn „Enski boltinn" er á sínum stað í dag líkt og eftir allar umferðir í ensku úrvalsdeildinni. Hjálmar Örn Jóhannsson og Ingimar Helgi Finnsson, stuðningsmenn Totttenham og Vignir Már Eiðsson, stuðningsmaður Arsenal, kíktu á skrifstofu Fótbolta.net í dag og fóru yfir leiki vikunnar. Það eru White Fox, Viking gylltur (léttöl) og Domino's sem bjóða upp á þáttinn.