Middagvervolgverhaal

Johanna moet haar woorde tel om Mieta in die duister te hou oor haar ontmoeting met Henning. Jannewarie moet bontstaan om Henning se vrae oor die skielike water in Sybrand se waterkuile te ontduik. Johanna wil by Henning weet hoekom Betta so ongelukkig is.

Jaap se gesprek met Mieta oor die goeie hoedanighede van Jannie Kriek word kortgeknip toe hy die water in Sybrand se waterkuile sien blink. Henning en Johanna ontmoet skelm op die plek waar hulle afgespreek het.

Sybrand voer 'n gevaarlike plan in die mou. Jaap en Mieta probeer Johanna se belangstelling in 'n ander kêrel wakker maak.

Henning se gesprek met Betta ontstel hom, en sy negatiewe gevoelens jeens Sybrand word versterk. 'n Besoek aan die dorp lewer vir Henning veel meer op as wat hy verwag het.

Sybrand ontvang 'n brief van Annie wat hom ontstel. Jaap se beheer oor die water op Boskloof dryf Sybrand tot raserny en laat Jannewarie bekommerd.

Sybrand vererg hom bloedig oor vier osse van Jaap wat in sy hawerland wei, en laat hulle skut toe jaag. 'n Besoek van 'n jong man aan Boskloof blyk deel van Sybrand se strategie te wees om sy planne ten uitvoer te bring.

Sybrand maak die wêreld warm vir Andries Nel, die ouderling. Henning se gesprek met Betta laat hom erg onrustig oor haar gesondheid voel.

Sybrand kry besoek van onwelkome gaste. Betta se raad aan Henning oor sy verhouding met Johanna stuit hom teen die bors. Nonnie lewer 'n brief van Johanna af wat Henning geweldig ontstel.

Annie moedig Henning aan om sy verhouding met Johanna voort te sit. Nonnie lewer 'n brief aan Henning af wat hom baie moedeloos laat voel.

Sybrand is onthuts oor die geld-trommeltjie onder Willa se bed wat gesteel is. Die prokureur het sy hande vol met die verdeling van Willa se besittings.

Willa word begrawe, en Sybrand ontmoet die nuwe predikant teësinnig. Annie maak 'n onheilspellende voorspelling.

Nonnie word oorweldig deur Willa se woorde. Jaap en Mieta sit met hulle hande in die hare oor Johanna se gedrag.

Jaap en Mieta kry Johanna voor stok omdat sy besoek aan Boskloof gebring het. Nonnie besef dat Willa baie siek is.

Gert en Maria is besorg oor die komplikasies van 'n verhouding tussen Henning en Johanna. Maria is oortuig dat daar net teëspoed en probleme op die twee jongmense wag.

Johanna is by Gert en Maria in afwagting op Henning se besoek. Dit raak egter al hoe later en Johanna vrees dat hy nie positief op die brief sal reageer nie.

Nonnie loop Jannewarie op die plaaswerf raak en spreek haar kommer oor Willa uit. Henning besoek sy ouma, en is geskok toe hy sien hoe sy agteruitgegaan het.

Willa spreek die vrees teenoor Nonnie uit dat haar siekte besig is om haar te oorval. Jannewarie voer 'n uiteenlopende gesprek met Sybrand.

Willa se gesondheid is besig om agteruit te gaan, maar sy staan by haar besluit om haar lewensreg op Boskloof ten volle te benut. Jannewarie probeer Henning oortuig om die brief te lees wat hy kom aflewer het.

Aan tafel probeer Sybrand die belangrikheid van tradisie en nalatenskap sonder sukses by sy seun tuisbring. Henning se terneergedruktheid word na ete verlig deur 'n onverwagse besoek van Jannewarie.

Sybrand probeer sy motivering vir hoe hy Henning behandel met sy seun deel, maar kom tot die besef dat sy seun sy respek vir hom verloor het. Betta probeer Henning waarsku teen 'n verhouding met Johanna, en deel die rede vir haar gebroke gees met hom.

Sybrand is besig met sy jaarlikse inkomstebelastingopgaaf. Dan daag Gert onverwags op, en die teleurstelling van Annie-hulle se besoek verdwyn soos mis voor die son wanneer Sybrand 'n gulde geleentheid raaksien.

Die ware rede vir Annie en Hennie se besoek kom uiteindelik aan die lig. Die besoek eindig stomp met Annie en Hennie wat Boskloof onder 'n wolk verlaat.

Sybrand kla oor die feit dat Jaap die natuurlike toevoer van water na sy boonste kampe afgesny het deur 'n dam te bou. Sowel Sybrand as Betta kry die gevoel in hulle onderlinge gesprekke met Annie en Hennie dat hulle besoek nie om dowe neute is nie.

Jaap is die mening toegedaan dat Henning by Johanna kom kuier het as deel van 'n komplot om Langvlei by Boskloof te probeer inlyf. Te midde van Sybrand se frustrasie oor Willa se koppigheid, word sy dag opgehelder deur 'n onverwagte besoeker.

Jaap en Mieta besef hulle dogter sal kortgevat moet word. Sybrand spreek sy misnoeë uit oor Willa se onwilligheid om dorp toe te trek.

Henning daag by Johanna se ouerhuis op die plaas Langvlei op, maar word wreed ontnugter. Jaap en Mieta, Johanna se ouers, leer ken met skok 'n sy van hulle ingetoë dogter waarvan hulle nie bewus was nie.

Gert en Sybrand se rusie by ma Willa se opstal word op die spits gedryf. Henning deel sy droom met Nonnie om by Johanna te gaan kuier.

Sybrand se ewe hardvogtige, bejaarde moeder, is in gesprek met haar huishulp en vertroueling, Nonnie, oor Sybrand se pogings om haar van die plaas af te kry, sodat hy in volle beheer daarvan kan wees. Dan daag haar skoonseun, Gert, op met 'n rits klagtes.

Jannewarie deel sy insig oor Sybrand met Henning. Sybrand beskuldig Betta daarvan dat sy en Henning saamspan om hom van sy besitting (die plaas en sy ideale gekoppel daaraan) te ontneem.

Henning is besig om met 'n ou, uitgediende eenskaarploeg te sukkel. Sybrand se poging om sy vernuf as ondernemende, praktiese boer aan sy seun te demonstreer, misluk.

Na aandete is Henning in sy kamer besig om na 'n foto van Johanna, sy droommeisie van die buurplaas, Langvlei, te kyk voor hy aan die slaap raak en van haar droom. Hy word egter ru wakkergemaak, en die gebeure wat daarop volg, lei tot die begin van 'n onafwendbare afwaartse spiraal in sy verhouding met sy hardvogtige vader.

Sybrand neem Jannewarie in sy vertroue oor 'n paar sake rakende die plaasopset. Henning lug sy frustrasie teenoor sy ma oor die neerdrukkende atmosfeer in die huis.

Ontmoet die inwoners van die plaas Boskloof: Die geharde pa, Sybrand; sy gebroke vrou, Betta; hulle twintigjare seun, Henning; en die skaapwagter en vertroueling, Jannewarie. Daar heers groot opwinding want 'n wilde vosperd moet ingebreek word. Die gebeure lei tot groot onmin in die reeds gespanne huishouding.

Albert vertel uiteindelik die waarheid vir Mathilda.

Mathilda is onseker of sy wil weet hoekom Jurg die grond aan Albert verkoop het.

Dita maak haar hart oop teenoor Brendan oor haar diepste geheim.

Werner besluit om Marlene se wense te verontagsaam.

Brendan kry die skok van sy lewe.

Dita staan haar man teen 'n swendelaar.

Johannes soek toenadering by Mathilda.

Dita ontmoet 'n nuwe man.

Mathilda en Marlene stamp opnuut koppe.

Johannes verwyt Mathilda, en beskuldig haar van onverdraagsaamheid.

Mathilda en Albert ontvang ontstellende nuus oor Buksie.

Marlene loop 'n bloutjie by Mathilda.

Dita laat haar nie onderkry nie, en skep nuwe moed.

Albert tree in die bresse vir Mathilda.

Mathilda waarsku Dita om nie halsoorkop op te tree nie.

'n Onverwagse ongenooide gas daag by Albert se partytjie op.

Mathilda konfronteer Albert oor die stuk grond wat Jurg aan hom verkoop het.