Middagvervolgverhaal

Anton en Nigel vang 'n ton vis. Japie begrawe die strydbyle oor Rina, maar Rina kry 'n uitnodiging van 'n derde hond wat probeer om met die been weg te kom, en gee 'n interessante antwoord.

Anton kry interessante videomateriaal, deur Boelie se skiboot na die diepsee te volg in die nag. Karolus vind uit dat die nuwe Chinese gas vir Boelie ken, en Tania rig 'n belangrike versoek tot Karolus en Pauline.

Die broers volg een van Boelie se nagvaarte met die hommeltuig wat nou nagsig-toerusting dra, en vind dat hulle 'n jetski gebruik om sakke vol perlemoen na die diepsee te sleep, maar die uiteinde is teleurstellend.

Japie sien op die hommeltuig se skerm dinge waarvan hy glad nie hou nie. Anton soek nagsigvermoë vir die hommeltuig, en Japie is bereid om dit te probeer reël.

Connie hou nie van die inmenging deur Tania en ander in haar privaatsake nie. Japie oorweeg dit om 'n hommeltuig aan Boelie te demonstreer en terselfdertyd op Boelie te spioeneer.

Boelie kry nie die soort terugvoer oor Die Huis by Connie waarop hy gehoop het nie. Hy dreig dat hy voortaan liewer die jonger Rina as informant sal gebruik as vir Connie.

Boelie vra weer Rina se hulp met die ontwikkeling van 'n perlemoenteelplaas. Haar reaksie is egter nie waarvoor hy hoop nie.

Rina vra haar tannie raad omdat altwee die Joubert-broers op haar verlief is, en sy nie weet hoe om dit te hanteer nie. Sy kry interessante raad, en Japie is baie kwaad vir Anton.

Rina se afspraak met Boelie lei tot moeilikheid met Anton, omdat hy jaloers raak op Boelie en vir die eerste keer besef hoe verlief hy in werklikheid op Rina is.

Boelie nooi vir Rina om oor akwakultuur te gesels, maar sy planne is so idealisties dat sy al sy aanbiedinge in die verband van die hand wys.

Karolus se beheptheid om dames te nooi vir ete-afsprake, is blykbaar gemik daarop om 'n maat te kry wanneer hy in sy nuwe huis intrek. Boelie laat egter nie blyk hoekom hy vir Rina vervolg nie. Rina raak bekommerd en vra Anton om saam met haar te gaan draf, weens veiligheidsredes.

Anton vind uit dat die Wi-Fi-stelsel van Die Huis uiters kwesbaar is vir meeluistering, en Rina kom agter dat sy agtervolg en beloer word waar sy ook al gaan. Dit lyk asof 'n ou kalant by albei betrokke is.

Boelie se astrante optrede maak vir Connie en Tania baie kwaad. Connie wil nie weer saam met Boelie gesien word nie, en neem afskeid met die voorstel dat Boelie sy inligting elders moet kry.

Die raaisel waarom Boelie nooit met vangste of seeprodukte aan wal kom nie, word bespreek, maar Anton verneem dat Tania eerder vir Boelie by die sakekamer wil konfronteer. Hy besluit om by haar planne in te val.

Karolus se gewoonte om jong dames uit te nooi na ete-afsprake, boemerang lelik wanneer hy, blykbaar onwetend, in Boelie se slaai begin krap.

Die sukses van die hommeltuig om die skurke se planne te ontbloot, word getemper deur die feit dat die twee broers al hoe meer jaloers op mekaar begin word as gevolg van belangstelling in dieselfde meisie.

Japie se tegnologiese dienste word weer deur Rina by die Huis benodig, en Anton kan nie sy jaloesie wegsteek nie. Connie leer iets oor die verhouding tussen Pauline en Nigel.

Dit blyk dat Karolus nie uit die ete-afspraak met Connie gekry het wat hy verwag het nie, en Connie vind uit dat Boelie se uitnodiging eerder 'n soeke na informasie oor Die Huis is, as belangstelling in haar as persoon.

Die skone lugwaardin, Connie, kom terug na die Huis en sy kry dadelik die belangstelling en ete-uitnodigings van twee nuwe bewonderaars.

Die liefdesintriges tussen die broers en Rina neem toe. Rina snorkel by die bamboeswoud, en Anton raak bekommerd as sy nie weer na die oppervlak terugkeer nie.

Boelie se skietery op die Blou Blits en Rina, weergalm nog in die Huis op die Hawe, wanneer Boelie daar aankom. Hy is ongeërg daaroor, en stel meer belang in die tekortkominge van die Huis.

Rina gaan saam met die Joubert-broers see toe. Sy leer die hommeltuig ken, maar ook vir Boelie, die skipper van die rubberboot wat deur perlemoenstropers gebruik word. Die vaart loop uit op 'n skietery deur Boelie, en jaloesie van die twee broers oor Rina.

Tania lig die gaste en personeel in oor haar voorneme om níe die Huis te verkoop nie, en Boelie is baie kwaad daaroor. Boelie waarsku Tania oor haar samewerking met Anton en die gevaar wat dit inhou om Rina saam met Anton see toe te stuur.

Anton se jonger broer, die briljantjie Japie, stuur 'n hommeltuig die lug in op see, en die reaksie van medevissers is aggressief en gewelddadig. Die ontvangsklerk by die Huis, Pauline, word aangepraat oor haar geneigdheid tot “matchmaking” onder die gaste.

Die jong visserman, Anton Joubert, skaf 'n nuwe skiboot aan, maar raak bekommerd oor die toekoms van die Huis, wat verreweg sy beste kliënt op Mooi Hawens verteenwoordig. Tania Nel, se niggie, die jong student Rina Nel, se versoek om saam see toe te gaan met 'n vissersboot, laat wenkbroue lig.

Die eienaar van die Huis op die Hawe, Tania Nel, kry 'n aanbod van sakeman en visserman, Boelie Prinsloo, om die Huis te koop, maar sy weier. Boelie bly knaend op haar spoor en sy wonder hoekom hy met vuil spel begin dreig as sy nie wil verkoop nie.

Mollie Muller kry na al die jare afsluiting oor haar tergende geheim. Wat gebeur met Martha Sithole se swaarverdiende aftreegeldjie? Wie is die reeksmoordenaar?

Morkel Nienaber voer nog 'n meesterplan uit. Privaatspeurders is nie goedkoop nie, en soms wonder mens of hulle die baie geld werd is wat hulle betaal word. Die reeksmoordernaar word gevang.

Die Sondagkoerant is vol van die storie agter die Dame van die Nag. Sweetness Botes is op die oorlogspad. Morkel Nienaber huil lang trane omdat hy weer nie 'n kontrak behoorlik gelees het nie.

Ná 17 jaar word die storie van die Dame van die Nag uiteindelik vertel, met al die hartseer wat daarmee saamgaan.

Daar is in meer as een opsig 'n verrassende wending in die verloop van sake. Ná langer as 'n jaar vind Seef Visagie uiteindelik uit wie sy Susara so wreed vermoor het.

Goedbegin is vol emosie ná die skielike dood van 'n geliefde. Daar is hope kwelvrae. Dr. Dawie Becker word voor stok gekry, maar het dit die gewenste uitwerking?

Seef Visagie maak planne om sy skilderye terug te kry, en hy ry spesiaal deur Pretoria toe daarvoor. 'n Bedrywige joernalis van die Sondagkoerant is besig om oral gevoelens los te maak. Dan gebeur iets wat Conrad gevrees het...

Dis soms moeilik om te bepaal wie die slinkste van die twee is: Morkel Nienaber of dr.Dawie Becker. Feit van die saak is, as die twee saamspan is dit 'n gedugte kombinasie wat nie maklik die onderspit delf nie.

Cindy Nel moet op haar voete dink, maar sy kan nie haar planne op haar eie deurvoer nie. Sy het hulp nodig. Die skilderye verwissel uiteindelik van hande.

Dokter Dawie Becker wys sy ware kleure. Morkel Nienaber bly die ene planne om 'n geldjie te maak. Iemand dra iets uit die plaashuis op Goedbegin weg.

Hoe is dit moontlik dat Cindy Nel soos 'n gevangene in haar eie huis voel? Wat se 'evidence' krap Sweetness Botes alles uit? Wie se motor is van die pad af die veld in?

Hoekom het Cindy in die hospitaal beland? Wat het regtig gebeur? Wie ontpop skielik as speurder? Wie word aangerand?

Hoe ernstig is klein Amelia Rossouw toestand? 'n Gewigte besluit word geneem. Met watter voorstel kom Morkel Nienaber op Goedbegin aan? Met watter skok begin Seef Visagie se dag?

Hoe verloop die aand by Cindy Nel se hotel? By wie gaan soek Conrad Nienaber troos? Wie daag almal by Cindy se eie pa se paroolverhoor op?

Vriendskappe word flenters geslaan, en hope venyn kom na vore. Soms bedoel iemand om goed te doen, maar dis nie noodwendig die regte ding nie. Hoe desperaat is dr. Dawie Becker om sake met sy dogter, Cindy Nel, uit te praat?

Wie daag almal op vir die Koster-het-talent-program? Wie is die grootste verrassing van die dag? Wat is in die koevert?

Conrad Nienaber kan skielik kies en keur waar hy wil bly, maar almal is nie so ingenome oor sy wye keuse nie. Meer lig word gewerp op die inhoud van Cindy Nel se ma se testament.

Mollie Muller en Martha Sithole word betrek by die Koster-het-talent-program, en Martha ontdek self 'n nuwe talent. Eric Sithole word uit die hospitaal ontslaan. Grace maak 'n voorstel wat 'n paar asems wegslaan.

Dr. Dawie Becker bedink nog 'n blink plan, en voer dit tot op die letter uit, maar iemand breek by sy brandkluis in...

Wie beland in die hospitaal? Seef Visagie besluit dis tyd om die manne vierkantig in die oë te kyk en ernstig bors skoon te maak. Waar word die Dame van die Nag uitgestal?

Skielik, en nie heeltemal onverwags nie, is nege skilderye die fokus van alle gesprekke. Verskeie weergawes sien die lig, terwyl almal probeer om agter die kap van die byl te kom. Die kernvraag is wie het destyds nou eintlik die Dame van die Nag gekoop en hoekom?

Wat presies het gebeur die dag wat Cintaine Becker, Cindy Nel se ma, van die berghang na haar dood geval het? Die skilderye in die Duitser se gastehuis is skielik die fokus van alle belangstelling, en sorg vir groot onmin. Wie verras Mollie Muller op Goedbegin?

Morkel Nienaber het nou maar eenmaal die vermoë om die bordjies te verhang. Conrad Nienaber werk hard aan die uitdaging wat aan hom gestel is. Hoe suksesvol is hy?

'n Brand breek uit, en Seef Visagie en sy span werkers swoeg en sweet. 'n Bedrag van R100,000 is skielik druk onder bespreking. Wie maak aan Conrad Nienaber 'n aanbod, en wat is sy reaksie?