Middagvervolgverhaal

Die goeie reënval is nie net baie welkom in die Onder-Kloof nie, maar laat by Hans ook die hoop ontstaan dat die droogte op Hoekplaas uiteindelik gebreek sal word. Verwysings na die vloed van 1905 en die voorspellings van Hendrik Skoorbek, demp die opgeruimde stemming aan tafel.

Frank berou sy vorige uitsprake, en deel wonderlike nuus met Martha. Barnie Zilburg word vir ete genooi, en Flossie sowel as Ada deel besonder goeie nuus met Martha.

Hans vertrou Ada met ’n persoonlike probleem, en Frank skok Martha met sy uitsprake oor die droogte en geloof.

Hans begaan ’n groot fout in die kryt. Piet Roltwak bied ongeoorloofde raad. Kieriekop kom tot die redding, maar veroorsaak so byna ’n diskwalifisering.

'n Radiovervolgverhaal wat jou verbeelding vrye teuels gee.

’n Verpligte middag van rus voor hulle kragmeting raak vir Hans en Robert een te veel. Kieriekop het goeie nuus vir Hans, en Kosie Schreuder verras Hans en Robert.

Barnie verras Hans en Robert met goeie nuus. Robert gee goeie raad aan sy beste vriend, en Kosie Schreuder waarsku Hans en Robert om nie die bokswedstryd ten koste van hulle vriendskap te probeer wen nie.

Met ’n week oor voor die konsert, is Hans en Robert se voorbereiding vir hulle boksgeveg moordend. Terwyl hulle rus, vra Hans ’n vraag oor Lina wat Robert heeltemal verward en onseker laat. Barnie verhoog die intensiteit van die seuns se oefening met ’n tuisgemaakte apparaat. Twee dae voor die konsert slaan Hans ’n bokshandskoen stukkend, en Barnie verras die seuns.

Elbie het nuus oor die konsert, wat selfs Robert en Barnie bekommerd laat. Lina deel ’n geheim met Elbie, en Barnie waarsku Nonnie teen die uitwerking van die reukwater wat sy by Hans vir haar verjaardag present gekry het.

Hans kry goeie nuus van sy pa, maar hy kry snuf in die neus dat sy ma nie sy geheim bewaar het nie. Kieriekop loop sy rieme styf.

Pollie se vreugde ken geen perke nie. Kieriekop kry die verrassing van sy lewe. Pollie swig voor die versoeking om Hans se geheim uit te lap.

Nonnie en Lina se gesamentlike verjaardagpartytjie begin vir Hans op ’n slegte noot. Robert word verras, en die partytjie neem ’n positiewe wending vir Hans. Elbie se dag word sodanig versuur dat haar vriendskap met Lina in die gedrang is.

Robert herinner Hans daaraan dat hy nog ’n geskenk vir Nonnie moet koop vir haar verjaardag. Barnie verras Hans, en Pieter Strydom kom sy ses tuie by Frank haal.

Ná die verskrikking van die vlermuisgrot, verloop die ondersoek van die grot in Donkerkloof sonder enige ontdekkings. ’n Poets wat Hans wil bak, loop egter baie skeef en tot sy verleentheid, loop hy hom weer in Betta Stroebel se kragtige arms vas.

Flossie sien die kinders af vir die uitstappie na Donkerkloof, en stel Hans en Robert aan as klaskapteins vir die dag. Die lang en moeilike tog na Donkerkloof eindig met ’n skok vir al die meisies, behalwe vir Betta Stroebel.

Frank se reaksie op Hans en Robert se plan om Lina en Nonnie na Donkerkloof te neem, skok Flossie. Martha is bekommerd oor die gevolge vir Flossie en die skool as daar iets met een van die kinders op die uitstappie sou gebeur.

Nonnie verras Hans op pad huis toe ná skool. Die armoede en swaarkry van die Saayman-gesin raak Hans en Robert diep toe hulle brood en sop na die gesin neem.

Martha is bekommerd oor die siekte en welsyn van haar buurvrou, Hanna Saayman. Robert en Hans vaar bo verwagting swak met ’n Engelse grammatikatoets, en Nonnie se reaksie is vir Hans raaiselagtig.

Hans bied aan om die helfte van die vensterruit en stopverf te betaal as Robert Nonnie en Lina kan oortuig om saam te gaan Donkerkloof toe. Barnie het ’n proposisie vir Hans en Robert, mits hulle die boksoefeninge meer ernstig opneem.

Hans soek raad by Ada oor ’n geskenk wat hy wil koop. Hans en Robert moet ’n beesvel vir Frank brei, maar dit ontaard in ’n nagmerrie, veral vir Robert.

Frank het goeie nuus vir Hans en Robert, maar Barnie is ongelukkig omdat die seuns soos twee ou vrouens boks. Ada probeer Frank oortuig dat ’n botteltjie stroop per wavrag turksvye te min vergoeding is vir hulle harde werk.

Martha haal Frank oor die kole omdat hy die seuns, volgens haar, in gevaar gestel het. Hans en Robert gaan slaap, en Robert word skielik wakker met die besef dat Hans hom gekul het met die trek van die lootjies.

Hans en Robert moet elke dag rondloperdonkies gaan aankeer om te begin droë hout aanry vir die turksvystroopkokery, maar Martha is bekommerd oor die seuns se veiligheid. Hans kry kans om Robert terug te betaal vir die poets wat hom gebak is toe hulle Ousus en Angelier die eerste keer saam gaan melk het.

Kosie bevestig amptelik dat Hans en Robert vir die konsert teen mekaar sal boks, en Barnie kondig ’n strawwe oefenprogram vir hulle aan. Flossie stel Hans en Robert teleur.

Faans raak in die moeilikheid omdat hy reken Hans het ’n oog vir ’n mooi nooi, nes sy pa. In sy gesukkel om met Nonnie gedans te kry, loop Hans hom vas in sy grootste nagmerrie.

Pollie en Faans kom op Gruisbult aan en hoor by Martha dat Hans-hulle nog nie daar is nie. Pollie is bekommerd dat Hans haar nie meer nodig sal hê nie omdat hy so tuis is by die Campbells.

Die voorbereiding vir Richard Nortje se vyftigste verjaardagviering vorder fluks, en Robert se opgewondenheid ken geen perke nie. Ousus, die Jerseykoei, sorg vir pandemonium op die aand van die groot makietie op Gruisbult, en Martha is bekommerd oor die seuns se veiligheid.

'n Onderbreekte gesprek met Nonnie dompel Hans in vertwyfeling. Robert kry 'n skrobbering van Flossie.

Barnie Zilburg maak 'n voorstel aan die boere van die omgewing. Robert is bekommerd oor Flossie se dreigement. Hans se grootste vrees word bewaarheid.

Hans leer 'n moeilike les, en Pollie ontvang goeie nuus.

Hans beleef sy eerste boksles. Ada probeer Frank oorreed om oor sy vrees vir 'n dreigende onheil te praat.

'n Gesprek oor die Groot Oorlog lei tot 'n morbiede atmosfeer in die Campbell huishouding. Hans is bekommerd oor sy eerste boksles by Barnie Zilburg. Frank maak 'n bekentenis aan Ada wat haar diep ontstel.

Nadat Hans nog net vier dae weg van die huis af is, skryf Pollie al haar eerste brief vir hom. Robert glo werk op die buurplase om ekstra sakgeld te verdien, het meer meriete as om saans vroeër met huiswerk klaar te kry.

Robert en Hans is bekommerd oor wat van hulle verwag sal word in die skoolkonsert. Flossie vra hulle om haar te help, en 'n verskuilde dreigement laat hulle nog meer bekommerd. Martha word gevra om te help met die maak van wors en die bak van koek vir die viering van Richard Nortje se vyftigste verjaardag, want die hele omgewing word uitgenooi. Robert is geskok dat Hans nie die beste musikante in die Baviaanskloof ken wat gaan sorg vir die musiek by die geleentheid nie.

Hoe meer Hans hoor van die geheimsinnige Donkerkloof, hoe meer raak hy nuuskierig om daarheen te gaan. Martha se vrae oor Kosie Schreuder krap Flossie om.

Op die eerste dag van die nuwe skooljaar, ontdek Flossie gevoelens in haarself wat haar onseker laat. Hans is terneergedruk omdat hy glo hy het 'n gek van homself in die klas gemaak. Robert laat hom beter voel deur hom te waarsku teen Betta Stroebel.

Die nuwe skoolhoof, Kosie Schreuder, beïndruk die gehoor met sy toespraak. Flossie is verras om haar ouers by die eerste skooldag te sien, en Frank is bekommerd oor die vrae wat Martha aan die nuwe skoolhoof stel.

Hans hoor vir die eerste keer van Donkerkloof, die spooknes. Hendrik is verras om Frank en Martha raak te loop en nooi Frank om te kom skyfskiet, veral omdat hy vir hom 'n nuwe lemetford gekoop het.

Op die skoolterrein word Hans verras deur die plek waar die Onder-Klowers bymekaar kom, en hy kom onder die indruk van Robert se heldeverering vir sy oom, Hendrik Smith. Frank raak bekommerd oor planne wat hy vermoed Martha in die mou voer.

Robert vertel Hans hoekom daar so baie Smiths in die Baviaanskloof woon. By die skool stel die beeldskone Nonnie en Elbie Hans in die verleentheid.

Op pad na die stalle om te gaan melk, vind Robert 'n paar dinge uit oor die nuwe skoolhoof, wat hom 'n bietjie bekommerd laat. Martha konfronteer Frank oor die uitnodiging aan ouers om die openingsdag van die skooljaar by te woon waarvan hy haar nie vertel het nie. Robert bak Hans 'n poets met die melkery van die twee koeie, Ousus en Angelier.

Hans is opgewonde om te hoor dat Barnie Zilburg hom kan leer boks. Ada wil by Flossie weet hoekom sy op byna veertigjarige ouderdom nog nie getroud is nie. Toe Hans droom oor die pragtige Nonnie en Elbie wat hy ontmoet het, waarsku Robert hom teen Ousus en Angelier...

Flossie laat Hans en Robert duidelik verstaan die nuwe skoolhoof sal hulle nie toelaat om nie deel van die groot skoolkonsert te wees nie. Robert is bekommerd oor die vooruitsig, omdat Hans hom waarsku dat 'n konsert saam met meneer Schreuder bloedsweet verg. Hans trek vir die eerste keer bokshandskoene aan en kry die skok van sy lewe!

Hans erken sy diepste vrees teenoor Ada en Robert, wat heerlik daaroor lag. Gelukkig ontlont Ada gou die situasie. Frank spel die reëls vir Hans en Robert uit, en waarsku hulle om dit nie ligtelik op te neem nie.

Hans sien sy ouma Pollie vir die eerste keer in baie jare. Hy is verstom oor wat hy sien op haar plaas, Sewefontein.

Hans vind uit wat 'n wildedruif is en word aangenaam verras deur sy aanvanklike belewenis van Kleinpoort. Hy is egter geskok om te verneem watter sportvooruitsigte daar by die skool op hom wag.

Gestrand tussen twee driwwe, daag daar hulp vir Faans en sy gesin uit 'n onverwagte oord op. Hans leer nog 'n paar feite oor die Baviaanskloof wat hom heimlik onrustig stem.

Die rit na Kleinpoort verloop voorspoedig en sonder voorval, totdat die remme nat word in een van die driwwe, en Faans se haas om terug te kom by die huis, hom te vinnig laat ry...

Die aanvanklike stram atmosfeer in die motor word oplaas meer gemoedelik en Hans hoor by Faans en Pollie van 'n voorspelling uit die vorige eeu, wat hom baie ongerus laat voel oor die toekoms.

Hans deel 'n geheim met Kieriekop wat hom ontstel. Terug op Hoekplaas is Pollie geskok om te sien hoe gehawend Hans lyk. Faans se motor wil nie met die slinger aan die gang kom nie, en moet uiteindelik deur die plaaswerkers gestoot word, voor die rit na Kleinpoort, veel later as wat Faans beplan het, kan begin.