Middagvervolgverhaal

Ribs se ma beland in die hospitaal, en hy word gedreig. Hy moet vir Wolfgang werk, sal hy kan weier? Magda bespreek ‘n nuwe sakegeleentheid met Magnus, en dis een waarvoor hy nie kan nee sê nie...

Diff en Rib is in groot moeilikheid by Wolfgang omdat hulle plan met die lughawe se opedag skeef geloop het, maar daar is iets wat hulle kan doen om op te maak daarvoor... Magnus en Chinel hou ‘n kompetisie met baie op die spel. Wie sal wen?

Wolfgang en Lance het besigheid in Botswana wat hulle moet afhandel voor hulle kan terugkom Suid-Afrika toe. Lusinda probeer uitvis wat in RIbs se privaat lewe aan die gang is, en Magnus het dalk vir Chinel ‘n ander plek om te bly.

Die krag is af by die lughawe, en daar moet ‘n groot ete vir 150 mense bedien word. Dis besig om donker te raak, en die Cessna met die span van die Kongo af, is nog in die lug. Sal die vliegtuig veilig kan land, en hoe gaan die belangrikste ete in die geskiedenis van die lughawe verloop?

Almal by die Lughawe is aan die werk om van die opedag ‘n sukses te maak. Biff en Roots het hulle eie planne oor wat ‘n groot sukses sal wees. Die Cessna is in die lug met die klomp van die Kongo af op pad terug Suid Afrika toe. Sal hulle dit maak?

Diff en Roots hou hulle eerste groot vertoning, en wonder bo wonder is dit ‘n sukses, maar Sandra kry snuf in die neus dat die twee narre nie eintlik is wie hulle voorgee om te wees nie. Zane probeer die vrede te bewaar by Ikarus, maar tussen Sandra, Lusinda en Magnus het hy nie altyd die regte antwoord nie.

Diff en Roots ontvang ‘n pakkie by Rona waarin hulle vermomming is vir die ope dag. Dis glad nie wat hulle gedink het dit sal wees nie. Magnus en Lance bekruip die myndorp en maak ‘n plan om vir Wolfgang te red.

Lance probeer vir Magnus uit die Staatshospitaal in die Kongo red. Lusidna vertel vir Dotty meer oor Ribs se verlede. Sandra is bekommerd oor haar broer, en voel hulle moet meer doen om Magnus en Chinel veilig terug te kry in die land.

Ribs en Lusinda kry die boorgatpomp aan die werk, en vir die oomblik lyk dit of die opedag gered is. Sandra vind meer uit oor Lance Smith, en dit lyk of die man groot moeilikheid kan wees. Chinel en Lance moet die vliegtuig net voor donker op ‘n grondpad land. Sal hulle dit kan regkry?

Lance en Chinel pak die laaste deel van hulle vlug aan om vir Magnus en Wolfgang te gaan red. Sandra Adendorf en Lusinda vind uit dat daar ‘n boorgat op die lughawe is. Sal hulle die bron kry en hulle waterprobleem oplos?

Dotty wil weet wat aangaan tussen Ribs en Dolla, maar Ribs belowe dis net vriendskap. Chinel besluit om wel die vlieënier vir Lance te wees, maar hulle het skaars opgestyg en daar is al klaar probleme. ‘n Ou bekende daag by die lughawe op om deel te wees van die opedag.

Ribs help vir Dolla besluit oor die spyskaart vir die groot ete by die opedag. Lance ontmoet vir Chinel en Zane by die Bosveld-kroeg. Hulle begin planne maak om vir Magnus en Wolfgang te gaan red.

Lusinda en Dolla is hard besig om die lughawe aan die gang te hou, en te beplan aan die opedag, tot ‘n groot terugslag hulle tref. Zane en Dotty probeer vir Magnus-hulle aan die hande kry, maar daar is geen antwoord nie. Hulle weet nie wat om te doen nie, tot Lance Smith daar opdaag.

Magnus en Wolfgang sit vas op die lughawe in Lusaka, en dit lyk of die Lughawepolisie meer in hulle belangstel as wat hulle moet. Dotty en Chinel vorm ‘n vriendskap waar daar eers oor die manne gepraat word en dan oor hulle eie geskiedenis - veral Chinel en hoe sy by die lughawe beland het.

Rona is besig om haar gif wyd te versprei, en nou takel sy ook vir Lusinda. Wolfgang en Magnus maak reg vir hulle vlug DR Kongo toe. Soos hulle praat, word dit al hoe duideliker dat dit ‘n baie gevaarlike reis sal wees.

Zane is kortaf met Magnus, en word in ‘n hoek gedryf deur Wolfgang. Dotty sit haar voet neer, en staan op vir haar regte as kantoorbestuurder teen Magnus. Wolfgang en Magnus kom ooreen dat hulle saam agter die diamante sal aangaan. Kan Magnus vir Wolfgang vertrou?

Magnus het ‘n sakevoorstel vir Wolfgang, wat hulle in groot moeilikheid kan laat beland. Rona ken vir Zane goed, en probeer hom teen Magnus beïnvloed. Chinel en Magnus bespreek hulle kompetisie.

Chinel en Lusinda kom ooreen om mekaar te help. Magnus ontneem Zane van sy waardevolste besitting. Dotty bring dit onder Magnus se aandag dat sy besigheid in ‘n groot finansiële verknorsing is.

Wolfgang en Rona begin planne beraam om die opedag van die lughawe in die wiele te ry. Alwyn het Magnus se hulp nodig, maar Magnus weier. Alwyn het hom al te veel keer in die moeilikheid laat beland. Chinel konfronteer vir Magnus. Sy wil vir Ikarus vlieg. Wat sal Magnus se antwoord wees?

Magnus kom vroeër terug van sy jagtog saam met Alwyn, en sy ontmoeting met sy nuwe kantoorbestuurder is vir albei ‘n groot verrassing. Chinel gaan soek werk by Wolfgang om die pot aan die kook te hou. Ribs help vir Chinel om al Ikarus Lugredery se vliegtuie te versien en na te gaan. Sal Chinel probeer om vir Magnus te vlieg?

Lusinda wil nog kla oor almal haar kom pla, toe sy uitvind van ‘n plakker op die lughawe se grond. Chinel Boshoff is ‘n vlieënier wat vliegure nodig het, en sy probeer by die lughawe om iemand te kry om haar in diens te neem. Rona Sanders is ‘n gesoute politikus en raadslid, en kom snuffel rond by die lughawe. Waar sy ook al gaan, volg probleme en drama haar.

Alwyn kry homself en vir Magnus in groot moeilikheid. Magnus belowe vir Alwyn dat hy nooit weer saam met hom sal werk nie. Wolfgang Starke, die eienaar van die plaas langs die lughawe, kom sien vir Lusinda. Hy is bekommerd oor die hommeltuig wat oor sy eiendom gevlieg het, en wil weet of die lughawe enigiets daarmee te doen het?

Magnus en Alwyn land in Botswana, waar alles nie volgens plan verloop nie. Magnus kom agter dat Alwyn se storie ‘n baie gevaarlike nadraai het. Lusinda probeer vir Magnus ‘n kantoorbestuurder kry. Vir dié doel het sy Dotty Lots na die lughawe toe gebring, en vir Ribs gekry om die plek vir haar te wys.

Magnus en Alwyn is gereed om op die jagekspedisie te vertrek, maar Zane daag nie op nie. Alwyn besluit om eerder in die koffiewinkel te gaan wag, en daar sien hy vir Magda. Die twee het ‘n wankelrige verhouding, met bagasie. Zane kom aangejaag met sy BMW, daar is ouens wat sy bloed, of moet ons eerder sê sy geld, soek.

Alwyn sit alles wat hy nodig het vir sy jagekspedisie, bymekaar. Lusinda jaag vir Ribs rond met voorbereidings vir die lughawe se opdedag. Dolla besef sy hou dalk meer van Ribs se geselskap as van Alwyn s’n. Alwyn smokkel ‘n sak in op die vliegtuig. Wat kan daarin wees?

Lusinda Hartlief is die lughawebestuurder, en probeer Magnus se arm draai om aan die lughawe se opedag deel te neem. Dolla Adams, die eienaar van die koffiewinkel, ontmoet vir Alwyn Marx en natuurlik moet hy eers by haar probeer aanlê. Alwyn het ‘n interessante voorstel vir Magnus.

Magnus en Magda van der Vyfer, die streek se veearts, sit vas in ‘n boom, met ‘n omgekrapte verwagtende renosterkoei wat hulle dophou. Zane en Ribs Fourie is op die loods se dak om van die duiwe ontslae te raak, en daar ontdek hulle iets interessant op die plaas langs die lughawe.

Zane Stuurman probeer die Piper-vliegtuig se enjin skoonmaak, maar word kort-kort onderbreek deur mense wat vir Magnus Adendorf soek. Magnus is die eienaar van Ikarus Lugredery en onderneem die vreemdste en gevaarlikste vlugte. Natuurlik teen die regte prys.

Wilmien deel Stephen mee dat sy besluit het om saam met hom Griekeland toe te gaan. Morné word verras met Jolene se Tankwa-waternimf-uitrusting en vra haar om verloof te raak. Oom Blikkies neem afskeid van Stephen, en vertel hom dat hy met sy oorlede self kontak gemaak het.

Blikkies vra Stephen om hom vrye toegang tot sy algoritmes te gee sodat hy kan begin werk aan ’n selfbewusmakingsprogram. Lizzie nooi Hannes vir ’n romantiese volmaanpiekniek in die Tankwaveld.

Oom Blikkies en Stephen word besoek deur Ella Conradie, en bevestig dat die polisie se forensiese afdeling die beendere wat in die grot saam met die goud gevind is, dié van Anglo Boere-oorlog-soldate is.

Oom Hannes keer terug van die Kalahari, en tannie Lizzie probeer al die drama wat op die plaas gebeur het van hom wegsteek. Jolene en Morné verfilm die beendere by die grot saam met Wilmien.

Chris verras oom Blikkies in die grot terwyl Ella Conradie gesprek voer met die beendere wat in die grot gevind is. Wilmien daag by die grot op en vra André om Chris daar weg te kry. Chris dreig vir Wilmien, en André tree tussenbeide en word per ongeluk geskiet.

Tannie Lizzie wil oom Hannes verras met ’n nuwe uitrusting wanneer hy terugkeer van die Kalahari, en vra Jolene om saam met haar dorp toe te gaan. André en Chris kom op Stephen se bakkie af in die veld, en vind die grot waarvan hulle verneem het almal praat.

Wilmien en haar filmspan besluit om Chris Schutte en haar broer skelm te verfilm terwyl hulle twee opsoek is na die grot op die plaas. Jolene wil by Morné weet of hulle wel die Krugerponde gevind het.

André en Chris Schutte daag onverwags by die plaas op. André is ontsteld dat sy ma hulle verlaat het. Chris Schutte probeer by Wilmien uitvis waar die grot is waar tannie Lizzie vasgesit het.

Lizzie sit vas in die grot se ingang en verhoed dat Stephen-hulle by oom Blikkies kan uitkom. Wilmien dring aan dat Morné vir tannie Lizzie wat vassit, moet verfilm. Stephen bedink ’n plan om tannie Lizzie te bevry.

Blikkies wys emosie nadat hy moes wag dat hulle hom eers verfilm terwyl hy vassit in die grot se opening. Stephen besluit hy sal die agterste deel van oom Blikkies se robotbene uitmekaar moet haal. Tannie Lizzie bring vir die groepie kos van die padstal af.

Blikkies sit vas in die ingang van die tweede gedeelte van die grot. André konfronteer Wilmien oor hoekom hulle ma so skielik terug is Amerika toe. Morné vertel Wilmien van oom Blikkies wat vassit in die grot, en hulle besluit om dit te verfilm as deel van die dokumentêre film.

Maryna wil by Blikkies weet hoe sy ervaring met Ella Conradie was. Blikkies en Stephen besoek die grot wat hulle met die hommeltuig ontdek het. Lizzie neem afskeid van Maryna en wil weet hoekom sy so skielik besluit het om hulle te verlaat. Maryna onthul aan Lizzie wat Ella Conradie gesien het in haar visie.

Ella kry dit reg om Blikkies sover te kry om haar te besoek. Jolene vra Wilmien om haar te help om ‘n rok te kies vir die aandete saam met Morné. Blikkies is geskok as Ella dit wel regkry om terug te kyk in sy verlede en kontak te maak met een van sy oorlede vrouens toe hy nog Blikkies Blignaut was.

Stephen besoek Ella om te verneem wat presies hy met haar kom bespreek het. Morné vra Lizzie om haar weer met haar perde te verfilm. Maryna raadpleeg Ella Conradie oor haar toekoms by Shangri La.

Wilmien vertel vir Stephen van al die vreemde stories wat Ella Conradie oor oom Blikkies aandra. Morné beplan saam met tannie Lizzie aan die spyskaart vir sy romantiese ete saam met Jolene.

Ella besluit om besoek af te lê by Maryna oor Blikkies wat by haar was en verwys het na die drie vroue wat sy geheime skakel na verdere menslike kennis is. Wilmien raak opgewonde as Stephen haar nooi vir ’n braai onder die bloekombome.

Oom Blikkies is terug in sy posisie by die padstal op die stoep saam met Buks. Lizzie reël dat oom Blikkies haar vriendin Ella Conradie ontmoet. Morné nooi Jolene vir die romantiese ete by die padstal.

Oom Blikkies maak sy verskyning uit Maryna se eko-hut, en het nie net ’n gedaante verwisseling ondergaan nie, maar het ook sommer ’n beter stem. Blikkies besoek Stephen en kondig aan dat hy terug is op die goudsoekprojek. Lizzie doen joga-oefeninge by Maryna.

Jolene betrap Morné in die badkamer wat hulle deel, en druk hom in ’n hoek oor hoekom hy haar nie na die romantiese ete genooi het nie. Morné klop aan by Ella Conradie vir hulp met Jolene, maar daar word ’n prentjie in sy toekoms gesien wat hy nie verwag het nie.

Jolene voorsien tannie Lizzie met die dieetkos wat sy en Wilmien voortaan by die padstal wil eet. Chris en Stephen probeer uitpluis wat ander hout ammunisietrommels kan wees wat hulle by die sementdam gevind het. Maryna verban Chris van Shangri La.

Chris lig Maryna in dat hulle moontlik die ou skuur se fondasie sal moet oop kap omdat daar ’n leidraad is dat die Kruger goue ponde daar versteek is. Lizzie konfronteer Maryna op Shangri La oor wat Ella van oom Blikkies tydens hulle sessie gesien het.

Stephen is besorg oor oom Blikkies wat net verdwyn het uit die solder op Shangri La. Morné vra tannie Lizzie om vir hom ’n romantiese ete te maak, want hy wil Jolene verras op die dag wat hulle vyfde jaar saam as paartjie sou wees. Ella Conradie besoek die padstal, en Wilmien vra of sy haar mag verfilm.