Middagvervolgverhaal

Cilliers en Ben jaag vir Max en Pietie die woonstel in. Max weier om te onderhandel en verkies eerder om te sterf as tronk toe gaan. Wanneer Cilliers vir hom en Pietie in hegtenis neem, spring Max by die venster uit...

Cilliers is by wanneer Mollie en Ben in die middestad van Kaapstad ʼn ogie hou oor die gebou waar hulle vermoed Max wegkruip. Vincent ontsnap en hardloop uit die gebou uit. Pietie skiet op hom, maar Cilliers skiet terug en Pietie vlug weer in die gebou in.

Terwyl Louis en Matilda by Susan se siekbed wag, kry Louis ʼn oproep om te sê daar is probleme op sy plaas met wildstropers. Cilliers gebruik ʼn SMS-boodskap van Max om uit te vind waar hulle nou wegkruip.

Matilda en Louis is by die Higgovale-huis toe dit in die middel van die nag aan die brand slaan. Terwyl die huis afbrand, ontvang Matilda ʼn hoogs onstellende boodskap.

Mollie en Vincent se ma gesels by die kantoor oor hoe dinge vorder met die soektog na Vincent. Die foon lui. Dis Vincent wat, met ʼn pistool teen sy kop, vir hulle smeek om op te hou soek na hom en die skilderye.

Ben en Mollie beplan hoe hulle die volgende dag vir Max se wegkruipplek in Langstraat sal gaan soek. Matilda en Louis begin al hoe ernstiger dink en praat oor hulle moontlike toekoms op sy wildplaas.

Max en Pietie is by Vincent waar hy in die middestad van Kaapstad in ʼn klein woonstel gevange gehou word. Planne begin skeef loop, en dinge lyk nie te goed vir die skurke nie.

Ben besoek vir Stefaan, en Matilda besoek vir tannie Susan. Stefaan vertel vir Ben wat gebeur het, en hoe hy oor hom voel, terwyl Susan haar optrede teenoor Matilda, en die diefstal van die skilderye, probeer motiveer.

Dis die dag van die waardering. Niks verloop volgens plan nie. Tannie Susan se hart gee in, en sy val flou neer. Stefaan weier om een van die skilderye aan Pietie te gee, en dit eindig nie goed vir hom nie. Max en Pietie verdwyn weer met die skilderye.

Ben en Stefaan is op hulle derde date die nag voor die waardering. Stefaan is opgewonde omdat hy dalk egte Van Gogh-skilderye sal sien, maar terselfdertyd bang omdat Max en sy trawante daar sal wees.

Max, Pietie en Susan beplan die veiligste manier om die gesteelde skilderye te laat waardeer. Susan probeer vir oulaas om vir Max te oorreed om nie teen mense wat in hulle pad staan, geweld te gebruik nie.

Louis help vir Mollie, Matilda en Ben om ʼn plan te beraam oor wat om te doen op die dag van die waardering.

Ben, Mollie en Matilda kla oor hoe al hulle leidrade in ‘n doodloopstraat eindig. Stefaan bel met die nuus van die waardasie, wat Susan gevra het hy moet doen.

Max, Pietie en Susan ontmoet in die geheim. Max begin twyfel oor die egtheid van die skilderye. Hulle besluit om Stefaan te vra om na die Van Gogh’s te kyk. Susan besef vir die eerste keer dat sy nie in beheer van sake is nie, en dat sy eintlik in die moeilikheid is.

Vincent se ma en kaptein Cilliers ontmoet. Cilliers wil nie hê dat Mollie so op haar eie moet aanhou soek na Vincent nie.

Matilda en Louis reis terug na Kaapstad. Louis kom saam om te help om Max vas te trek. Louis vind uit waarom Matilda nie die skilderye mag verkoop nie, en van die ander moeilike klousules in Dieter se testament.

Mollie en Ben reis saam terug Kaapstad toe en gesels oor wat hulle volgende moet doen om Vincent op te spoor. Vincent se ma bel om te hoor van die vorige dag se gebeure.

Die groep kom weer bymekaar op die wildsplaas om die frustrerende gebeure op Max se plaas te bespreek. Louis bring nuus dat die boewe die plaas inderhaas verlaat het...

Terwyl Louis in die bosse wegkruip om ʼn ogie oor alles te hou, kom Mollie, Matilda en Ben op Max se plaas aan. Die konfrontasie lewer niks op nie. Max weier om te erken dat hy vir Vincent gevangene hou, of dat die skilderye in sy besit is.

Matilda en Louis wag vir skemer voordat almal na die wildplaas toe gaan. Die twee gesels, en hulle verhouding verdiep. Ben bel vir Stefaan. Ben is verbaas om te leer dat Stefaan nou elke aand in die Higgovale huis oorbly om Ben se ma op te pas.

Johannesburg – Kaptein Cilliers kom na die Crawford-kantoor toe en ontmoet vir Vincent se ma. Hy leer dat Ben en Mollie, sonder om hom op hoogte van sake te hou, Vrystaat toe is.

Vincent vra dat sy nuwe skietwond behoorlike mediese behandeling kry, maar die boewe steur hulle nie aan hom nie. Tannie Susan bel vir Max om hom te waarsku dat Mollie en Ben op soek is na Vincent en die skilderye.

Mollie, Ben, Matilda en Louis beplan hoe hulle te werk sal gaan met die boewe op die aangrensende plaas.

Terwyl Ben besig is om foto’s van Vincent, Max en Pietie vir almal te wys by ‘n ete in koffiewinkel in Parys, ontmoet hy vir Louis. Die wildsplaaseienaar herken van die mense op die foto’s. Daar is sparks tussen Matilda en Louis.

Mollie, Ben en Matilda ry saam Vrystaat toe. Hulle leer ken mekaar ʼn bietjie beter. Ben bel vir Stefaan om hom te vra of hy die kuns wat in Matilda se huis is, na die universiteit sal neem vir veilige bewaring.

Vincent ontsnap, maar word ná ʼn geskietery deur Pietie gevang. Louis hoor die skote en kom ondersoek instel. Max lieg vir Louis, en sê dat hy en Pietie besig was om na teikens te skiet.

Mollie en Ben wys vir Vincent se ma hoe om die kantoorwerk te doen. Sy moet die besigheid aan die gang hou terwyl hulle in die Vrystaat sal wees om Vincent en die boewe op te spoor.

Dis Ben en Stefaan se tweede date. Ben moet vir Stefaan sê hy gaan saam met Mollie Vrystaat toe om Vincent te probeer vind. Mollie en Ben maak planne vir die Parys-trip.

Matilda kuier by Mollie op kantoor wanneer Cilliers bel met die nuus dat die laaste sein wat hulle van Max se foon kan opspoor, uit Parys in die Vrystaat gekom het.

Dis Ben en Stefaan se eerste date. Hulle praat oor hulle lewe en toekomsdrome. Ben vertel vir Stefaan meer van sy vermiste vriend, Vincent.

Mollie en Ben kuier by Vincent se ma. Hulle gesels oor hoe moeilik dit is om na Vincent te soek. Mollie en Ben sukkel om gemotiveerd te bly, maar help mekaar om moed te hou.

Cilliers luister na die boodskap van Max op Mollie se foon. Hy belowe om weer Max se nommer te gebruik om te sien of hy kan uitvind waar die boewe nou wegkruip. Stefan bel vir Ben, en nooi hom uit vir hulle eerste date.

Matilda, Susan en Mollie ontmoet by ʼn tuinmaakplek, waar Susan weer ʼn storie vertel wat Mollie meer agterdogtig maak. Mollie ontvang ʼn onstellende oproep van Max af. Sy neem in die geheim die oproep op.

Louis de Wet, eienaar van die aangrensende wildplaas, kom ondersoek instel oor wat op Max se plaas aan die gebeur is. Max probeer hom gerus stel, maar die buurman bly agterdogtig.

Max en Pietie vervoer Vincent en die skilderye na Max se plaas in die Vrystaat. Hier voel hulle veiliger, maar bly op hulle hoede. Vincent weier steeds om enigsins met Max saam te werk.

Mollie en Ben ontdek Max se wegkruipplek in Kaapstad. Die gebou lyk verlate, en Mollie besluit om in te breek. Vincent is nie daar nie, maar hulle maak ʼn ontstellende ontdekking.

Kaptein Cilliers word deur Mollie ingelig van haar vermoede dat Max dalk by Vincent se verdwyning betrokke is. Cilliers help om te probeer vasstel waar die boewe wegkruip.

Stefaan bel vir Mollie op soek na Ben se telefoonnommer. Susan neem Mollie en Matilda uit vir ete, en hoe meer sy praat, hoe minder glo Mollie haar stories.

Max en Pietie begin vermoed dat Mollie en Ben op hulle spoor is. Hulle dink daaraan om die twee dalk ‘stil te maak,’ maar besef dat dit die aandag van die polisie sal trek. Die boewe besluit om Vincent na ʼn plaas in die Vrystaat te vervoer.

Mollie en Ben is weer by Vincent se ma vir aandete. Ma vertel hulle stories van hoe Vincent in sy kinderdae gereeld van die huis af weggeloop het. Sy het altyd geglo hy sal gevind word, maar hierdie keer is sy nie daarvan oortuig nie.

Matilda oorreed Mollie om saam met haar na ʼn jogaklas te gaan, waar hulle begin wonder of alles wat hulle doen om Vincent op te spoor, die moeite werd is. Mollie weet dat sy nie moed mag verloor nie, maar soos die dae verbyvlieg raak dit vir haar moeiliker om positief te bly.

Mollie en Ben klop by ʼn universiteit aan vir hulp en inligting oor die Van Gogh-skilderye. Hulle probeer die waarde en outentiekheid van die skilderye bevestig. Ben ontmoet vir Stefaan, en dis duidelik dat die twee van mekaar hou.

Tante Susan besoek Mollie onverwags op kantoor. Sy vertel die storie oor hoe die skilderye in die van De Venter-familie se besit gekom het. Susan probeer haar bes om Mollie op ʼn dwaalspoor te plaas.

Max en Pietie is woedend dat kaptein Cilliers by die saak ingetrek word. Hulle blameer Vincent daarvoor, en straf hom. Vincent weier om hulle te help, en Max laat hom verstaan dat sy lewe afhang van hoe behulpsaam hy is.

Terwyl Mollie en Ben op kantoor besig is om planne te beraam, kom kaptein Cilliers onverwags daar aan. Hy is bekommerd oor wat met sy ou diensmaat gebeur het. Wanneer hy sy ry kry, bel Mollie vir Matilda. Hulle besef dat hierdie storie baie groter is as wat hulle geglo het. Nuwe planne sal beraam moet word.

Kaptein Cilliers waarsku vir Pietie om nie in sy kar buite Matilda se huis te sit en wag nie. Mollie ontmoet Matilda se tante Susan. Alhoewel hulle goed oor die weg kom, vertrou Mollie haar nie.

Mollie laat kaptein Cilliers weet van die verdagte motor buite Matilda se huis. Matilda wys vir Mollie die kluiskamer in haar huis. Sy kan nie verstaan hoe die vier skilderye so maklik daaruit verdwyn het nie.

Mollie en Ben kuier by Vincent se ma om haar op hoogte te hou van gebeure. Matilda bel om vir Mollie te vertel van die vuil groen kar wat sy gedurig buite haar huis opmerk.

Ben deel Vincent se ma se teorie oor Max met Mollie. Hulle probeer aan ʼn plan dink om Max op te spoor. Vincent onderhandel met Max en Pietie oor sy vryheid. Die boewe het nie lus vir sy parmantigheid nie, en dinge raak rof.

Matilda en Mollie ontmoet vir middagete, waar Mollie meer uitvind oor die Vincent van Gogh-skilderye. Terwyl Ben by Vincent se ma tee drink, onthou sy die boef wat Vincent so geteister het toe hy ʼn polisieman was. Ma glo dat Max nie alleen die ontvoerder is nie, maar ook die een is wat Vincent geskiet het.