Middagvervolgverhaal

Alet is ontsteld nadat Denzil haar besoek het en waarsku om weg te bly van Bianca en sy ma. Bianca is besorg nadat haar pa Diedie, wat jare lank in die tronk was, haar bel en sê hy wil graag vir haar kom kuier. Susan gaan met vakansie, en Alet moet haar kollega sien vir terapiesessies

Denzil vertel vir sy ma, Lente, dit het nie goed gegaan met sy nuwe werk by die restaurant nie. Sy stel voor hy fokus eerder op sy werk as motorwerktuigkundige. Susan bespreek die professionele grense tussen haar en Alet nadat Alet bieg dat sy maklik verlief kan raak op iemand soos Susan.

Katinka is besorg dat Janco en sy suster Hester hulle ouers probeer vermy, en blameer Gysbert vir die probleme met hulle huwelik die afgelope 30 jaar. Alet neem haar terapeut, Susan, om die Joostes te ontmoet. Gysbert stel voor hulle gaan vir ’n rit met sy sportmotor.

Janco bied vir Denzil ekstra werk aan by sy restaurant, om hom te help met sy uitgawes met Bianca en die swangerskap. Gysbert is opgewonde dat sy dogter Hester wat in Dubai werk, vir hulle kom kuier. Denzil se eerste aand by die restaurant verloop rampspoedig as hy verkeerde tafels bedien.

Gysbert wil nie voornemende kopers toelaat by hulle huis nie. Hy sê hy sal ’n virtuele toep skep wat kopers kan gebruik om die huis te besigtig. Lente stel voordat Bianca, wat nou verwagtend is, eerder by haar en Denzil kom woon. Lente neem vir Bianca om inkopies te doen vir die baba wat op pad is.

Alet gesels met Janco om haar te help om beter perspektief te kry van sy ouers en hulle huis se geskiedenis. Susan stel voor dat Alet eerder met Gysbert en Katinka se huishulp gaan gesels. Denzil is bekommerd dat Bianca gewig aansit van al die melkskommels.

Alet besoek weer haar terapeut, Susan, uit desperaatheid as sy besef die verkoop van die Joostes se huis sal nie maklik wees nie. Katinka pleit by Janco vir hulp nadat sy pa, Gysbert, hom met hulle eiendomsagent, Alet, sleg gedra het deur haar dronk te maak en rond te ry in sy sportmotor.

Gysbert speel gholf saam met sy seun Janco, en vertel hom van Katinka se planne om hulle huis te verkoop. Janco deel hom mee dat hy en Hester hulle ouers se vlambare verhouding al jare lank vermy, en nie betrokke wil raak nie. Bianca was by die kliniek en bevestig aan Denzil dat sy verwagtend is.

Denzil wil aanvanklik nie glo sy meisie Bianca is verwagtend toe sy hom vir ’n melkskommel nooi en die nuus meedeel nie. Denzil dring tot haar skok aan dat sy vir ’n toets by ’n kliniek gaan. Denzil se ma, Lente, wat al 30g jaar vir die Jooste-egpaar werk, is bekommerd oor hulle besluit om die huis te verkoop.

Alet besoek haar terapeut, Susan Rademan, en vertel haar van die nuwe kliënte, Gysbert en Katinka Jooste, wat vir Alet ’n alleenmandaat op hulle enorme huis aangebied het. Alet wat pas self uit ’n gebroke liefdesverhouding kom, sukkel met die Jooste-egpaar, wie se huwelik al jare lank wankel.

Die waarheid is uit. Ethan is nou weer Hilton, en Lorna is Queena. Danksy die Turk kan hulle in die Gedulds se huis aanbly en hulle vriendskap met die Van der Merwes versterk. Sharon laat weet sy het weer geluk gevind. Niemand weer waarheen Ray verdwyn het nie, maar Ethan verseker almal hy sal hulle nooit weer pla nie.

Ethan is in die hospitaal met ernstige meswonde. Gerhard besluit om polisie toe te gaan. Jerry reken dis beter om eers vas te stel wat in die bokse is. Die verrassing van die jaar wag op hulle in die kelder...

Ray moet sy bokse kry - hy het ’n ultimatum gestel vir vannag om twaalfuur. Wie sal dit nakom, of sal hy uiteindelik sy moses teekom?

Ethan besluit dat hy en Lorna ’n laaste poging moet aanwend om Ray se bokse in die hande te kry. Uit die bloute bel Ray vir Rianna met die nuus dat hy Robbert Curnow in sy mag het. Lorna word ook weer afgedreig. Enigeen kan aflei dat Ray desperaat is. Jerry willig in om tot Robbert se redding te kom.

Sharon wil haar voorkoms verander en afskeid neem. Sy vergeet dat sy Rianna en Gerhard in ag moet neem. Lorna deel die pynlike waarheid oor haar huwelik en haar man se dood. Afskeid tussen die susters lyk onvermydelik.

Rianna en Gerhard wil nie verantwoordelikheid vir Ray se bokse aanvaar nie. Moet hulle polisie toe gaan en ’n verklaring aflê? Jerry se slaansak word uiteindelik opgehang, met die slegste gevolge denkbaar.

Sharon bereken die voor- en nadele van Ray se val, en besluit dis tyd om te vlug. Lorna is bekommerd oor Ethan wat te dikwels oortyd werk. Moet hulle met die waarheid uitkom? Gertie Geduld stuur ’n lang Whatsapp. Die Van der Merwes hou ’n huisvergadering.

Ethan is bitter spyt omdat hy ingewillig het om vir Ray te werk en Lorna daarby te betrek. Hy belowe haar dat Ray gestraf sal word. Jerry is ook op die oorlogspad. ’n Verdoemende berig word oor die televisienuus uitgesaai. Die lyk asof Ray Cunningham sy rykdom kwyt is.

Die Van der Merwes se kat kuier permanent by Lorna se Jessica. Ethan werk oortyd in die matwinkel, en word daarvoor beloon. Dit lyk asof Sharon uiteindelik besef hoe selfsugtig sy is. Jerry en Anton soek ’n plek om Jerry se slaansak op te hang, en red ’n lewe.

Gerhard is op soek na Ray om hom die waarheid te vertel. Dit loop uit op ’n vrugtelose besoek aan Villa Cunningham. Sharon het ’n openhartige gesprek met Mia.

Lorna kry ’n katjie present. Fifi raak geheg aan Mia. Sharon maak planne vir ’n nuwe toekoms. Mia gaan draf, en loop haar vas in Ray, tot sy nadeel. Lorna word gestraf vir ’n goeie daad.

Jerry kry goeie nuus van Letitia. Mia is terug van haar Ballito-vakansie. Robbert Curnow pak op en trek.

Sharon is bedruk, en slaap laat tot Rianna haar wakker maak en opbeur. Lorna hang die nuwe gordyne, en maak ’n selfoonvideo om Ray te plesier. Hy is nie beïndruk nie.

Sharon hou Robbert op ’n veilige afstand, maar reken steeds op sy professionele bystand. Jerry en Gerhard koop ’n slaansak. Saam met die nuwe oefenfiets, is hulle tuisgimnasium flink aan die uitbrei. Sharon kry ’n rekening wat haar erg ontstel, en Ray maak weer ’n onwelkome verskyning.

Ethan waarsku vir Lorna dat Ray ongeduldig raak. Jerry besluit om sy geld eerlik te verdien. Lorna meet Sharon se kamervenster, en hou haar oë oop vir wegsteekplekke. Ray ontbied Lorna en Ethan na Villa Cunningham.

Sharon en Robbert draf nie meer saam nie. Hulle praat ook nie met mekaar nie. Mia stuur ’n Whatsapp met ’n verrassing. Sharon gaan kuier by Lorna, en bestel nuwe gordyne vir haar slaapkamer.

Ethan en Lorna begin die dag met ontbyt. Hy is haastig, sy is rustig... tot Ray haar bel en aanpor om die werk te doen waarvoor hy haar betaal. Sharon se spalk moet afkom. Sy en Rianna vier dit met ’n inkopietog en ete by Flames.

Die hele buurt is skielik op straat, en draf om fiks te word. Jerry reken die gier sal soos gewoonlik gou oorwaai. Rianna pak ’n mandjie met plaasprodukte, en gaan kuier vir Lorna.

Gerhard en Rianna keer terug van hulle plaasvakansie. Sharon vertel ’n halwe waarheid oor haar en Robbert se Oujaarskuier. Ethan begin sy loopbaan as matverkoopsman. Lorna loer oor die heining na Gerhard en Jerry wat bagasie aflaai. Ray bel haar met ’n dringende opdrag.

Letitia het planne vir ’n toekoms saam met Jerry. Hy kry goeie raad uit ’n onverwagte oord. Ray wil al weer met geweld op Sharon toeslaan.

Pollie ly aan skok, en Jerry moet Letitia se hulp en raad verduur. Sharon vererg haar vir Robbert wat haar dwing om soggens presies om sesuur saam met hom te gaan draf. Letitia daag vroeg op om kastig met Pollie te help.

Die partytjienaweek is agter die rug. Jerry is lus vir ’n goeie ontbyt en ’n dag sonder sorge, maar uit die bloute daag daar ’n lastige besoeker op. Ethan en Lorna koop ’n kattebak vol kruideniersware, en maak planne om hulle langs die Van der Merwes in te burger.

Dis duidelik dat die agent nog nie besluit het aan wie sy die Gedulds se huis wil verhuur nie. Gerhard en Rianna is op pad na Trudie en Koos Albertyn se oujaarspartytjie. Sharon besluit om Robbert se uitnodiging te aanvaar. Wat wag vir haar by sy huis?

Gerhard pluk twee mandjies vol geelperskes wat Rianna moet inlê. Letitia Ingelsdew-Swan bel onverwags en bied aan om te help. Intussen is Robbert besig om Sharon se slaapkamer te verf. Letitia kla by Rianna dat sy ongelukkig getroud is.

Hilton het ’n nuwe naam, Ethan, en Queena is nou Lorna. Hulle is op pad na die Gedulds se huis, wat Ray vir hulle wil huur. Gerhard ontvang hulle namens die agent en is beïndruk met die netjiese weduwee en haar oulike seun.

Ray het planne vir Hilton en sy ma, Queena. Sy is skepties, maar om op straat te beland is die enigste alternatief en sy kan nie anders as om in te stem nie. Jerry en Gerhard kry kans om oom Abie se tuin te versorg vir die huurders.

Sharon en Robbert se vriendskap blom, en Sharon tel haar seëninge. ’n Paar kilometers verder maak Hilton Hendriks die yskas oop en soek vergeefs na melk vir sy bitter koffie. Toe Ray Cunningham hom bel en werk aanbied, gryp hy die geleentheid met albei hande aan.

Die Van der Merwes word subtiel verplig om hulle ongewilde buurman na hulle Kerspartytjie te nooi. Sal die gees van Kersfees wat vrede verkondig, vanaand ook oor hulle waak?

Dis lekker op die plaas, maar Sharon kan nie vir altyd wegkruip nie. Goeie nuus kom van Sharon se weldoeners. Ray skop ’n kabaal op by die Van der Merwes se voordeur. Robbert Curnow, wat in die straat verbydraf, kom tot Sharon se redding. Is dit die begin van ’n nuwe vriendskap?

Rianna en Sharon gaan kuier op die plaas. Mia en Jerry bly agter om die huis op te pas. Ray gaan soek Sharon by die Van der Merwes. Jerry lei hom op ’n dwaalspoor, maar hou nie rekening met die nuwe koffiemasjien nie.

Mia vertel vir Jerry dat Ray Sharon afknou. Sharon koop ’n nuwe koffiemaker, goeie koffie en veel meer. Jerry en Mia versier die gesin se kersboom. Sharon het bokse vol duur glasversiersels geskenk. Waar kom die geld vandaan? Ray het dan haar kredietkaart versnipper.

Pollie verlang na sy mense, en die Van der Merwes doen hulle bes om hom te troos. Sharon bieg oor die inhoud van die bokse. Dit behoort aan Ray, maar hulle kan intussen daaruit voordeel trek. Mia word uitgenooi om saam met Anton-hulle met vakansie te gaan.

Dis nog nag toe oom Abie-hulle met groot gedruis vertrek. Gerhard en Rianna het skaars ingesluimer of hulle word wakker geklop. Sharon en Fifi soek ’n veilige hawe, volgens haar bagasie vir veel langer as net een nag. Wat is in die bokse dat sy dit so dringend wil wegsteek?

Dis die laaste dag voor die Gedulds se vertrek. Gerhard en Rianna raak bekommerd oor die twee oues op die lang pad. Die Gedulds gaan eet vir oulaas by die Van der Merwes, en neem afskeid van Pollie. Die motorwoonwa kry ’n naam.

Mia wys vir oom Abie hoe om foto’s met sy selfoon te neem. Tannie Gertie en oom Abie stel ’n lang lys reëls op vir die huurders. Gerhard kry nog ’n Whatsapp van Ray.

Die groot uitpak en regpak is aan die gang by die Gedulds, en die Van der Merwes sit hand by. Sharon voel vasgekeer. Anton is in die moeilikheid. Rianna kry ‘n e-pos van Huis-en-Haard.

Die Cunninghams is op pad terug na Suid-Afrika. Sharon sweer wraak. Gerhard en Jerry help oom Abie om die motorwoonwa te restoureer. Tuis by Villa Cunningham word Sharon en die hele huishouding streng ingeperk.

Rianna is seker dat dit sleg gaan met Sharon. Van Ray kry sy geen verduideliking nie. Gertie bak koekies vir Kersfees, en maak lang doenlysies wat nog afgehandel moet word. Vrydagaand word daar partytjie gehou.

Sharon is terug in die Waldorf-suite. Ray is kastig besorg, maar haastig om huis toe te gaan. Die motorwoonwa het aangekom, en staan in die Gedulds se oprit. Sharon kry Ray sover om vir Rianna ’n Whatsapp te stuur.

nton gaan vir sy rybewystoets. Mia help tannie Gertie om haar fynporselein-erfstukke weg te pak toe Anton met die uitslag bel. Gerhard is verbaas toe hy hoor die kinders is Magalies toe. Wat sal die straat sonder die Gedulds wees?