Middagvervolgverhaal

Skuldgevoel is soms so erg soos tandpyn. Dennis September loop met die skuldgevoel, en Florence Viljoen die tandpyn. Florence waag dit tandarts toe, maar Dennis weet naderhand nie watter kant toe met sy skuldgevoel nie. Andries Roux is ‘n geseënde man met drie beeldskone vroue, wat dit in sy deurmekaar kantoor waag.

As afgetrede redakteur van die Wingerdnuus bly Florence Viljoen goed ingeskakel by nuusgebeure, veral dié op Wingerdsvlei. Sy kan ‘n vriendin duisend wees, maar sy sukkel soms om haar emosies in toom te hou waar sy van mening is dat ongeregtigheid besig is om handuit te ruk. Dit word dan tipies ‘n geval van “sê jou sê” en “besin later.”

Tersia is bekommerd, en dit blyk gou dat haar bekommernisse is nie ongegrond nie. Dennis beleef ‘n dag wat hy graag wil vergeet, maar Buks Marais maak dit nie moontlik nie. Sy besoeke aan die dam-in-wording word nagmerries. Andries Roux begin al hoe meer krap waar dit vir ander mense nie jeuk nie.

Die wending in Rossouw se gesondheid dwing Angie Nagel om ‘n nuwe staanplek vir sy karavaan te kry. Sy kry die wind van voor. Dennis September is vol goeie bedoelings, maar dit is geen waarborg vir die suksesvolle deurvoering van sy planne nie.

Soms stuur die verloop van die lewe mense op nuwe paaie, en is nuwe uitdagings aan die orde van die dag. Rossouw se ontvoering begin om van die inwoners in Wingerdsvlei se lewe beduidend te beïnvloed. Daar is skielik baie vrae, nuwe onsekerhede en uitdagings. Almal hanteer dit nie ewe goed nie.

Tersia Radlof huil oor haar flenterdroom. Sy is kwesbaar. Enige aanloklike aanbod kan maklik met haar kop smokkel. Buks Marais weet dit maar alte goed. Daarom aarsel hy nie om Tersia met ‘n baie aanloklike aanbod te konfronteer nie.

Die Maraislandgoed sou nie naastenby so goed presteer het, was dit nie vir sy voorslag voorman Dennis September nie. As Buks Marais sê “Spring!” vra Dennis “Hoe hoog, Meneer?” sonder ‘n woord teëspraak. Maar noudat Dennis vir Glennis de Bruyn by Kweek & Koffie raakgesien het, sluip daar soms aarseling in sy werksywer in. Hy sukkel om verby haar huis te ry, en dit kry hom spoedig in die moeilikheid.

Die Maraislandgoed behoort aan die bekende wynmeester Buks Marais. Vandat sy vrou hom twee jaar gelede gelos en landuit is, is sy naam aan meer as een dame gekoppel. Maar in hierdie dae borrel die skindertonge oor net een naam: Sonja Radlof!

Daar hang ‘n geur van hartseer in die hele Kweek & Koffie. Selfs die voëltjies in die tuin is minder opgewek. Andries Roux is nie die beste privaatspeurder in Wingerdsvlei nie, maar hy is die enigste een. En sy dienste word benodig.

Dis Wingerdsvlei se troue van die jaar. Tersia Radlof is ‘n prentjiesmooi bruid. Die kerk is vol gaste, dominee wag en die orreliste is reg om die troumars te speel. Al wat kortkom is Rossouw Rossouw, die ingenieur en dambouer. Hy het besluit om in sy karavaan by die dam aan te trek.

Dit is tyd om afskeid te neem. Doep en Het praat oor die toekoms.

‘n Brutale voorval vind in Erlank se kantoor plaas, maar daar wag nog groter rampe op die mense van Verlangekraal.

Mart en Doep bespreek Het se toekoms, en hoe hulle haar kan help.

Het en van die kinders gaan see toe. Sal Het daar ook moeilikheid veroorsaak?

Die Departement van Volkswelsyn gryp in. Mart begin met haar opvoedingsproses met Het.

Doep besluit om ondersoek in te stel na Het se huislike omstandighede.

Doep kry ‘n onverwagse en ontstellende aanbod.

Doep spreek Het aan oor die gedigte-skandaal, en sy maak ‘n belydenis. Sal Erlank hiervan uitvind?

Terug van die see af, het meneer du Plessis ‘n resitasieklas. Maar daar gebeur weer iets oneerlik...

Doep besluit om vir die vakansie see toe te gaan terwyl sy vrou Mart na haar siek ma in Uitenhage toe gaan. Doep besluit om Het en Fielies saam te neem, maar Doors staan in die pad.

Inspekteur Redelinghuyus neem waar terwyl meneer Erlank ‘n kongres bywoon. Hy moet die sjokolade-situasie hanteer. En dit raak lelik...

Het besluit om vir meneer du Plessis iets present te gee, maar daar is erge gevolge.

Dis tyd vir die groot rugbywedstryd. Dawie is onseker, maar Doors dink Verlangekraal sal wen.

Doep kry blomme, maar dit gee aanleiding tot groot drama met Het.

Het verbeter skynbaar. Klein Mietie is verheug. Doep ook. Maar hoe lank sal dit duur?

Doep en Erlank het ‘n geweldige konfrontasie oor Het, waarna Erlank drie seuns oormatig foeter.

Doep en Mart hou op die brug na Verlangekraal toe stil, maar dit lyk of meneer Erlank hulle agtervolg. Klein Mietie het ook iets te sê.

Wanneer Doep in sy klaskamer kom, wag die skok van sy lewe op hom.

Mart sien dat die Heibergs honger ly, en besluit om iets daaraan te doen.

Die Heibergs trek in ‘n nuwe huis in. Het veroorsaak groot probleme op die bus en by die skool.

Doep kan nie glo wat hy sien nie. ‘n Klomp honger klein kindertjies drom by die kraan saam, en hy gaan stel ondersoek in. Dan daag Het se ma op. (Hierdie episode het ‘n kameevertolking deur Sally Campher, wat oorspronklik die rol van Het Heiberg in die televisiereeks gespeel het.)

As Doep gedink het die drama op Verlangekraal is verby, het hy ‘n fout gemaak. Oom Sias het skokkende nuus.

Terwyl Mart klasgee, gaap Het openlik. In die volgende periode by Doep ontplof alles...

Daar is weer ‘n voorval in die bus met Het, waarvoor nie eens Doep ‘n verskoning het nie. Dis net die begin van die probleme...

Het klop vir Maryna in korfbal, maar dan daag klein Dawie op met baie slegte nuus. Doep se moed word byna gebreek.

Die inspekteur van onderwys daag by Verlangekraal Hoërskool op.

Mart probeer Doep troos, maar dit lyk of sy moed gebreek is. Wat hy hierna vir haar sê, vang haar heeltemal onkant.

Nadat Erlank op die chaos in sy kantoor afkom, ontbied hy Het na sy kantoor, en ‘n groot drama speel hom af.

Mathilda tempteer Het op die bus, en dit het weer erge gevolge.

Het toets weer vir Erlank, maar dié keer gaan sy te ver...

Die uitskryfwerk word ingehandig, maar Doors word in die pouse lus om te rook, en glip by die hekkie uit...

Erlank se hantering van die poppie-probleem eskaleer na iets baie erger.

‘n Porseleinpoppie veroorsaak groot drama by die skool.

Net toe dit lyk asof Het se atletiekprestasies ook in die klaskamer herhaal gaan word, is daar ‘n voorval met Maryna.

Die groot atletiekbyeenkoms breek aan, en Riaslaagte ding met Verlangekraal se hoërskool mee om die gesogte atletiektrofee.

Meneer du Plessis rig die meisies af, maar Het doen ‘n besering op. En daar loop nare stories oor haar ma op die dorp rond...

Daar is groot opgewondenheid oor die atletiek, maar die laaste oefening lê nog voor.

Wanneer Doors en Het vir atletiek oefen, val sy. Klein Maryna sien dit, en maak ‘n hele gedoente daarvan.

Die spanning tussen die nuwe skoolhoof, meneer Erlank, en die geliefde Afrikaanse onderwyser, meneer du Plessis, vererger.

In die konserwatiewe Verlangekraal begin ‘n nuwe skoolhoof, meneer Erlank, maar kort voor lank bots hy met die skool se rebel, Het Heiberg.