Əkinçi

Torpaq insanlar və digər canlılar üçün hansı fərqli dəyərləri yaradır? Bu dəyərləri qorumaq nə üçün vacibdir? Ətraf mühit məsələləri üzrə ekspert Rövşən Abbasovla müsahibəmizi izləyərək öyrənə bilərsiniz.

Həssas qruplar dedikdə kimlər nəzərdə tutulur? Həssas qruplara aid olan şəxslər Azərbaycanda hansı çətinliklərlə qarşılaşırlar? Bu dəfəki videomuzda hüquqşünas Ruslan Əliyevlə həssas qrupların qarşılaşdığı çətinliklər və hüquqlar barəsində söhbət etmişik.

Oyun pedaqogikası nədir? Uşaqlarla hansı növ oyunları oynamaq daha effektivdir? Erkən təhsil mütəxəssisi, Finlandiyada uşaqların erkən inkişafı sahəsində çalışan müəllim Sura Ağaverdiyeva ilə müsahibəmizi izləyərək öyrənə bilərsiniz.

Erasmus+ proqramı nədir? Proqramın təklif etdiyi imkanlardan necə yararlanmaq olar? Milli Erasmus ofisinin rəhbəri Pərviz Bağırovla müsahibəmizi izləyərək ətraflı məlumat ala bilərsiniz.

Vərəsəlik institutu nədir və hansı məqsədlərə xidmət edir? Qanunla kimlər vərəsə hesab edilir? Mirasla bağlı yanlış bilinən məlumatlar hansılardır? Növbəti videomuzda vəkil Aysel Əhmədova ilə vərəsəlik haqda tez-tez verilən suallar barəsində söhbət etmişik.

Cinsi zorakılığa məruz qalmış şəxslər ilkin olaraq hansı quruma müraciət etməlidir? Hüquq-mühafizə orqanlarının zərərçəkmişlərlə davranış qaydaları necə olmalıdır? Vəkil Sevda Məhərrəmova ilə cinsi zorakılıq, ictimai təfəkkür və görülməli tədbirlər haqqında söhbət etmişik.

İcma quruculuğu nədir və nəyə görə əhəmiyyətlidir? İcma inkişafı ilə bağlı həyata keçirilən layihələrdə hansı vacib prinsiplər nəzərə alınmalıdır? İcma səfərbərçisi Ağalar Ağalarlı ilə imkanlara əsaslanan icma inkişafı haqqındakı videomuzu izləyərək öyrənə bilərsiniz.

Sosial mediada “Media haqqında” yeni qanun layihəsinə etiraz olaraq müstəqil jurnalistlər tərəfindən “İcazəli media istəmirik” kampaniyası başladılıb. Jurnalistlər nə üçün etiraz edirlər və tələbləri nələrdir? Jurnalist Aynur Elgünəşlə söhbətimizi izləyərək məlumat ala bilərsiniz.

Bakıda tıxac problemini həll etmək üçün hansı həll variantları var? Az mobilli insanların küçə-yol şəbəkəsində rahat hərəkətini necə təmin etməli? Budəfəki videomuzda nəqliyyat eksperti Rauf Ağamirzəyevlə Bakıda yaşayış keyfiyyətinin və mühitinin yaxşılaşdırılmasında mobilliyin rolu haqqında danışmışıq.

Platforma işçilərinin son zamanlar baş verən etirazları nə ilə nəticələndi? Bu işçilərin hüquqlarının qorunması üçün hansı addımlar atılmalıdır? Əmək Hüquqlarının Müdafiəsi İnstitutunun rəhbəri Fərid Rüstəmzadə ilə gig-iqtisadiyyat, əmək münasibətləri və istismar haqqında danışmışıq.

Azərbaycanda əlilliyi olan şəxslərin işlə təmin edilməsi ilə bağlı hansı problemlər mövcuddur? Digər ölkələrin təcrübəsində bu problemlər necə həll olunur? Növbəti videomuzda sosial sahibkar Məhəmməd Kekalovla əlilliyi olan şəxslər və işsizlik mövzusunda danışmışıq.

Məktəb şagirdlərə hansı bilik və bacarıqları qazandırmalıdır? Keyfiyyətli və dayanıqlı təhsil modeli qurmaq üçün ən vacib addım nə olmalıdır? Xüsusi və inklüziv təhsil üzrə mütəxəssis Aynurə Abdullayeva ilə müasir dövrdə məktəb, müəllimlər və islahatlar barəsində danışmışıq.

İkinci Qarabağ müharibəsinin təsirlərindən əziyyət çəkən insanlar üçün psixoloji dəstək xidmətləri nə qədər əlçatandır? Bu xidmətin keyfiyyəti ilə bağlı vəziyyət qənaətbəxşdirmi? Tədqiqatçı Nisə Hacıyeva ilə müsahibəmizi izləyərək öyrənə bilərsiniz.

Azərbaycanda təqaüd sistemi tələbələrin ehtiyaclarına cavab verirmi? Hazırkı sistemdə tələbələr hansı problemlərlə üzləşir? İqtisadçı Xətai Alıyelə təhsil təqaüdü, motivasiya və yüksək nəticə stressi haqqında söhbət etmişik.

Gündəlik verdiyimiz qərarlarımıza hansı xarici faktorlar təsir edir? Bir istehlakçı kimi reklam kampaniyalarının, təbliğatın qurbanı olmamaq üçün nə etməliyik? Marketoloq Vüqar Mehdiyevlə müsahibəmizi izləyərək öyrənə bilərsiniz.

Müharibə dövründə sosial sahibkarlıq özünü necə göstərir? Müharibədən əziyyət çəkən regionlarda uğurlu sosial sahibkarlıq nümunələri hansılardır? Sosial sahibkar Sara Rəcəbli müharibə dövründə sosial sahibkarlığın önəmi və sosial bizneslərin cəmiyyətə faydası haqqında çıxış edir.

Azərbaycanda internetə çıxışla bağlı hansı problemlər var? Bu sahədə dövlətin öhdəlikləri nələrdir? Hüquqşünas Səyyad Yusifli ilə internet, dövlət və insan hüquqları barəsində danışmışıq.

Azərbaycanda məhkəməyə çatımlıqla bağlı vəziyyət qənaətbəxşdirmi? Elektron məhkəmə sistemi ilə bağlı vətəndaşlar hansı problemlərlə qarşılaşırlar? Vəkil Babək Həmidovla söhbətimizi izləyərək ətraflı məlumat ala bilərsiniz.

Azərbaycan teatr tarixində qadın obrazların səhnəyə gəlməsi necə müqavimətlə üzləşib? Müasir teatr tamaşalarında qadın məsələləri haqqında nə qədər danışılır? Ritual Mobil Teatr Laboratoriyasının teatr təlimçisi, aktrisa Fidan Rzayeva ilə söhbətimizi izləyə bilərsiniz.

Vətəndaşların həyatına önəmli dərəcədə təsir edən qanun layihələri, qərarlar necə formalaşır? Cəmiyyətin müxtəlif həssas qrupları öz problemlərini hakimiyyətin gündəminə necə gətirə bilərlər? Tədqiqatçı Turqut Qəmbərlə ictimai maraq, təmsilçilik və lobbiçilik haqqında söhbət etmişik.

Uşaqlara kitab oxumağa nə vaxtdan başlamalı? Azyaşlı uşaqlara hansı kitabları oxumaq tövsiyyə edilir? Hansı metodlarla uşaqlara kitab oxuma həvəsini aşılamaq olar? “Audio Nağıllar” YouTube kanalının təsisçisi Şəbnəm Həsənəlizadə ilə söhbətimizi izləyə bilərsiniz.

Memarlıq irsi nədir? Onu qorumaq və inkişaf etdirmək niyə lazımdır? Memarlıq irsinin qorunmasını dayanıqlı və geridönüşlü etmək üçün nə etməli? Memar Müslüm İmranlının çıxışını izləyərək öyrənə bilərsiniz.

Absaz Medianın baş redaktoru Sevinc Vaqifqızı: “Araşdırma jurnalistikasının bir məqsədi də odur ki, kimsə qanunsuz pul əldə etdikdə düşünməsin ki, bu ancaq onun və yaxın çevrəsinin bildiyi bir sirrdir.” Şəffaflıq və araşdırma jurnalistikası haqqındakı videomuzu izləyə bilərsiniz.

Startaplar ənənəvi bizneslərdən nə ilə fərqlənir? Startaplar üçün dünyada və Azərbaycanda hansı güzəştlər mövcuddur? Abşeron vadisi nələri vəd edir? Hüquqşünas Anar Əlizamanlı ilə startaplar, hüquqi baza və Abşeron vadisi haqqında söhbət etmişik.

Uşaqlarla çalışan müxtəlif mütəxəssislər hansı normalara riayət etməlidirlər? Uşaqlara qarşı həssas yanaşma nə üçün əhəmiyyətlidir? Uşaq inkişafı üzrə mütəxəssis Nailə Həsənzadə ilə uşaqlarda şəxsi sərhəd anlayışı barəsində söhbət etmişik.

Dayanıqlı şəhər mobilliyi nə deməkdir? Azərbaycanda ictimai nəqliyyatın maliyyələşməsi ilə bağlı vəziyyət nə yerdədir? Bu dəfəki videomuzda nəqliyyat eksperti Rauf Ağamirzəyevlə şəhər, mobillik və ictimai nəqliyyat haqqında söhbət etmişik.

Dram dərsləri uşaqların öyrənmə prosesinə necə təsir edir, hansı bacarıqlarının artmasına kömək edir? “Nağılçı” uşaq yaradıcılıq atelyesinin təsisçisi Günel Yaşarla müsahibəmizi izləyə bilərsiniz.

Avtoxuliqanlıq dedikdə nə nəzərdə tutulur? Avtoxuliqanlıq əməli törədənləri hansı məsuliyyət gözləyir? Qanunvericilikdə avtoxuliqanlıq haqda nə deyilir? Vəkil İsrafil Əlili ilə söhbətimizi izləyərək öyrənə bilərsiniz.

Azərbaycanda siyasi təhsilin zəif olmasının səbəbləri nələrdir? Siyasi elm sahəsində işləmək istəyən şəxslər hansı problemlərlə qarşılaşırlar? Budəfəki videomuzda siyasi elm mütəxəssisi, müəllim Pünhani Əsgərli ilə Azərbaycanda siyasi elm barəsində söhbət etmişik.

Qadınların siyasətdə təmsilçiliyi deyəndə nə nəzərdə tutulur? Qadınların siyasi təmsilçiliyi üzrə mövcud vəziyyət necə xarakterizə olunur? Siyasi və sosial elmlər üzrə tədqiqatçı Kəklik Kərimli qadınların siyasətdə təmsil olunmasının vacibliyi haqqında çıxış edib.

Kənd təsərrüfatında suvarma sistemləri ilə bağlı hansı problemlər var? Suvarma suyundan səmərəli şəkildə istifadə necə mümkündür? Suvarma üzrə mütəxəssis Nicat Quluzadə ilə müsahibəmizi izləyərək öyrənə bilərsiniz.

Azərbaycanda doktorantura təhsili ilə bağlı vəziyyət nə yerdədir? Doktorantura təhsilinin maliyyələşdirilməsi ilə bağlı hansı problemlər mövcuddur? Növbəti qonağımız, fəlsəfə tarixi üzrə doktorant Araz Əliyevlə Azərbaycanda doktorantura təhsili haqqında söhbət etmişik.

Siyasi elita nə deməkdir? Siyasi elitaların rolu demokratik və avtoritar rejimlərdə necə fərqlənir? Bu dəfəki videomuzda siyasi tədqiqatçı Fuad Şahbazovla siyasi elitaların dövlət idarəçiliyində rolu haqqında danışmışıq.

Qadın haqları uğrunda səmərəli mübarizə və pozuntuları aradan qaldırmaq üçün toplanacaq məlumatlar, inzibati və sorğu məlumatlarının kateqoriyaları, bu sahədə tədqiqatlar və uğurlu təcrübələr haqqında hüquqşünas Vəfa Rüstəmin çıxışını izləyə bilərsiniz.

Dairəvi iqtisadiyyat nədir və xətti iqtisadiyyatdan nə ilə fərqlənir? Dairəvi iqtisadiyyat cəmiyyətə necə təsir edir? İqtisadçı Nigar Əzizova ilə müsahibəmizi izləyərək öyrənə bilərsiniz.

Azərbaycan qanunvericiliyində və dünya təcrübəsində bullinqə qarşı necə mübarizə aparılır? Bullinqə məruz qalmış uşaqlar kimə müraciət etməlidirlər? Vəkil Sevinc Əliyeva ilə məktəblərdə bullinqə qarşı mübarizə aparmağın yolları haqqında söhbət etmişik.

Bakıda hansı yol-nəqliyyat problemləri qəza hadisələrinə səbəb olur? Bu problemləri aradan qaldırmaq üçün nə etmək lazımdır? Növbəti videomuzda tədqiqatçı Orxan Zakirovla Azərbaycanda yol-nəqliyyat təhlükəsizliyi haqqında danışmışıq.

İqlim böhranı ilə bağlı miqrasiyanın qeyri-müəyyən xarakteri hansı yeni təhlükəsizlik məntiqlərinin yaranmasına gətirib çıxarır? Bu təhlükəsizlik məntiqlərinin iqlim böhranından əziyyət çəkən əhali üçün mənfi təsirləri nələrdir? Tədqiqatçı Nicat Eldarovun çıxışını izləyə bilərsiniz.

Şagirdləri dərslərə necə həvəsləndirmək lazımdır? Hansı üsullarla şagirdlərin motivasiyalarını artırmaq olar? Müəllim Aygün Pəncəliyeva öz təcrübəsində istifadə etdiyi metodlar haqqında danışır.

Şahmata başlamaq üçün yaşın önəmi varmı? Uğurlu şahmatçı olmaq üçün istedad vacibdirmi? Qrossmeyster olmaq üçün nə etmək lazımdır? Qrossmeyster Vasif Durarbəyli ilə söhbətimizi izləyərək öyrənə bilərsiniz.

DanceAbility Azərbaycan əlilliyi olan və olmayan şəxslərin birgə keçirdiyi rəqs və digər nümayişlər vasitəsilə inklüziv cəmiyyətin inkişafına töhfə vermək məqsədi daşıyır. Nigar Sultanova ilə söhbətimizi izləyərək DanceAbility Azərbaycan haqqında ətraflı məlumat ala bilərsiniz.

Siyasi partiyaların fəaliyyəti üçün əlverişli mühit olmadıqda hansı problemlərlə üzləşə bilərik? Ölkədə ictimai savadlılığın artmasına vətəndaş cəmiyyəti necə təsir edə bilər? Demokratik Təşəbbüslər İnstitutunun rəhbəri Akif Qurbanovla söhbətimizi izləyərək öyrənə bilərsiniz.

Oyun terapiyası uşaq psixoterapiyasında necə tətbiq olunur və uşaqlara necə təsir göstərir? Autizm Erkən Müdaxilə Mərkəzinin təsisçisi Aynur Hüseynli ilə uşaq psixoterapiyasında oyun terapiyasının rolu haqqında danışmışıq.

Azərbaycanda inkişaf ancaq Bakı şəhəri ətrafında gedir. Regional şəhərlərdə inkişaf yoxdur. Bunu dəyişmək üçün hansı siyasət aparıla bilər? ADA universitetinin dosenti Anar Vəliyevin Azərbaycan şəhərlərinin gələcəyi haqqında təqdimatını izləyə bilərsiniz.

Azərbaycanda mütəmadi olaraq müxətlif yer adları dəyişdirilir. Buna ehtiyac nədir və yer adlarının dəyişdirilməsinə münasibət necə olmalıdır? Tarixçi Araz Bağırovla müsahibəmizi izləyə bilərsiniz.

Azərbaycan təhsil sistemi marketinq sahəsində kadr yetişdirmək üçün yararlıdırmı? Reklam bazarında hansı dəyişikliklərə ehtiyac var? Nağdsız dövriyyəni artırmaq üçün nə etmək lazımdır? Rəqəmsal marketinq mütəxəssisi Pərviz Əzimovla bazar, reklam və rəqəmsallaşma haqqında söhbət etmişik.

Sentyabrın 7-si Milli Məclisdə "Siyasi partiyalar haqqında" yeni qanun layihəsi müzakirəyə çıxarıldı. Yeni qanun layihəsində nəzərdə tutulan müddəalar siyasi partiyaların fəaliyyətinə necə təsir edəcək? Siyasi təhlilçi Anar Məmmədli ilə söhbətimizi izləyərək öyrənə bilərsiniz.

Gig-iqtisadiyyatında işçilər fərdi sahibkar kimi fəaliyyət göstərirlər. Bu isə onları son yüzillik dövrdə işçi hərəkatının mübarizəsi nəticəsində əldə etdiyi nailiyyətlərdən məhrum edir. Bununla mübarizə yolları varmı? İqtisadçı Toğrul Vəliyevin çıxışını dinləyə bilərsiniz.

“Bizim bu günkü şəhərsalma strategiyamız Sovet sisteminin Azərbaycan reallığına otuzdurulma cəhdidir. Ancaq reallıq tamam başqadır.” Memar Müslüm İmranlının çıxışında Azərbaycanda memarlıq siyasəti haqqındakı videomuzu izləyə bilərsiniz.

Femisidin tədqiqatı niyə əhəmiyyətlidir? Bununla uğurlu mübarizə aparmaq üçün hansı addımları atmaq lazımdır? Femisid Azərbaycan platformasının təsisçisi, tədqiqatçı Nərgiz Muxtarova ilə söhbətimizi izləyərək öyrənə bilərsiniz.