Əkinçi

Qlobal problemlərlə mübarizədə investorların hansı məsuliyyətləri var? İnvestisiyalar hansı yollarla bu problemlərin həllinə kömək edə bilər? İnvestisiya təhlilçisi Nigar Əzizova ilə söhbətimizi izləyə bilərsiniz.

Azərbaycanın ilk İnteraktiv Elm Muzeyində siz nələri görə bilərsiniz? Muzeyin qurucusu Elçin Abbasovla söhbətimizi izləyərək öyrənə bilərsiniz.

“Azərbaycan Respublikasının Konstitusiyasında hər bir kəsin yüksək səviyyədə hüquqi yardım almaq hüququ tanınır və vəkil bu hüququn realizəsini həyata keçirən şəxsdir.” Bu dəfəki videomuzda hüquqşünas Anar Məmişovla vəkillik peşəsi haqqında söhbət etmişik.

“Peşə təhsili kurikulumları özəl sektorla birlikdə hazırlanır. Özəl sektor bilir ki, hansı bilik və bacarıqlara ehtiyac var ki, tələbələr uğur qazana bilsin.” Nə üçün peşə təhsili? BMT-nin İnkişaf Proqramının layihə mütəxəssisi Zəhra Əmrahova ilə söhbət etmişik.

Bu yaxınlarda məktəblərə valideynlər tərəfindən ianələr edilməsi məsələsi gündəmdə idi. Bəs bu proses necə həyata keçirilməlidir? Təhsilin maliyyələşməsi kimin öhdəliyində olmalıdır? İqtisadçı Elçin Rəşidovla təhsilin maliyyələşməsi, hədəflər və qiymətləndirmə haqqında danışmışıq.

Cəmiyyətin müxtəlif qruplarına qarşı edilən ayrıseçkiliklərin iqtisadi nəticələri nələrdir? Qonağımız, iqtisadçı Zəhra Murad ilə bazar iqtisadiyyatı və ayrıseçkilik haqqında söhbət etmişik.

QueeRadar platformasının məqsədi Azərbaycan mətbuatındakı LGBTIQ+fobik kontentləri göstərmək, onların arxivini formalaşdırmaq və bu mövzuda mətbuatın inkişafına nail olmaqdır. Platformanın həmtəsisçisi Leyla Həsənova ilə kuirlər, aktivizm və mətbuat haqqında söhbət etmişik.

İnnovasiya nədir və onun üçün nə tələb olunur? Azərbaycanda innovasiyalarla bağlı vəziyyət nə yerdədir? Qonağımız, innovasiyalar üzrə mütəxəssis Şəbnəm Məmmədova ilə bu mövzu haqqında söhbət etmişik.

Sosial sahibkarlıq nədir və onun ənənəvi bizneslərdən fərqi nədir? Azərbaycanda fəaliyyət göstərən sosial bizneslərin üzləşdikləri ən böyük çətinliklər nələrdir? Sosial sahibkar Sara Rəcəbli ilə sosial sahibkarlıq, biznes və məsuliyyət haqqında söhbət etmişik.

STEAM təhsil metodu nədir və nəyi hədəfləyir? Bu təhsil metodunun ənənəvi təhsildən üstünlüyü nədədir? "STEAM Azərbaycan" layihəsinin rəhbəri İqrar Nəzərovla söhbətimizi izləyərək STEAM-lə yaxından tanış ola bilərsiniz.

“Günlük yaşamda münasibətlərdəki çətinliklərimiz, problemlərlə mübarizə apara bilməyimiz, özümüzü aktuallaşdırmağımız, bütün bunlar mental sağlamlıq dərəcəmiz artdıqca yaxşılaşır.” Psixoloq Cəmilə Rəhimli ilə mental sağlamlıq, davranışlarımız və hisslərimiz haqqında danışmışıq.

Kütləvi informasiya vasitələri və məlumatlandırma kanallarına nə üçün etimad edilmir? Etibar və inamı təsis etmək üçün jurnalistlər nə etməlidir? Növbəti videomuzda media eksperti Seymur Kazımov mediaya inamı necə bərpa etməli mövzusunda çıxış edib.

“Tələbənin dərs prosesində əziyyət çəkdiyi görünürsə, mütləq onu bildirmək lazımdır. Bu, insanla insan arasında gözəl bir siqnaldır ki, mən səni görürəm, mən başa düşürəm sən nələrdən keçirsən.” Günay Rəsulova ilə dərs metodu, resurslar və müəllimlərin təlimi haqqında danışmışıq.

İnklüziv təhsil mütəxəssisi Elnarə Məmmədova deyir ki, təhsildə bərabər imkanlar yaratmaq üçün uşaqların müxtəlifliyi nəzərə alınmalı və buna uyğun alternativlər təklif olunmalıdır. İnklüziv kurikulumun məktəb və siniflərdə dizaynı haqqında videomuzu buradan izləyə bilərsiniz.

“Təəssüf ki, Azərbaycanda hələ də səhiyyə qurumları arasında maraqlar, ziddiyət çox güclüdür. Məsələn, Səhiyyə Nazirliyi hələ də səhiyyə siyasətini həyata keçirən əsas qurum olduğunu unudub sanki.” İqtisadçı Azər Mehtiyevlə səhiyyə islahatları və icbari tibbi sığorta haqqında danışmışıq.

Son günlər gündəmdə olan əsas mövzulardan biri yeni hazırlanmış “Media haqqında” qanun layihəsidir. Bu qanun layihəsinin əhəmiyyətli məqamları və potensial təsirləri nədən ibarətdir? Hüquqşünas Ələsgər Məmmədlinin bu mövzudakı təqdimatını izləyərək öyrənə bilərsiniz.

Mediasiya nədir və Azərbaycanda necə tətbiq olunur? Mediasiya qanunvericiliyində hansı problemlər var? Vəkil Zibeydə Sadıqova çıxış edir.

“İnsan mərkəzçilik ekoloji böhranların fonunda ekosistemin rifahını ləngidir və istər təbiətdə, istərsə də cəmiyyətdə baş verən güc münasibətlərini dərindən başa düşməkdə maneələr törədir.” Posthumanizm nədir və niyə əhəmiyyətlidir? Tədqiqatçı Nicat Eldarov danışır.

“Mərkəzi Bank deyir ki, bahalaşma xaricdən idxal inflyasiyası ilə bağlıdır. Lakin ən yüksək artım yerli məhsul olan tərəvəz məhsullarındadır. Problem bizim daxili iqtisadi münasibətlərdədir.” İqtisadçı Toğrul Vəliyev ilə əmək bazarı, məşğulluq və pensiya haqqında söhbət etmişik.

Berghof fondunun layihə meneceri Bəxtiyar Aslanov ilə Dağlıq Qarabağ müharibəsindən əziyyət çəkmiş şəxslərin şifahi tarix metodologiyası vasitəsilə hekayələrinin bölüşülməsi və sülh quruculuğu prosesi haqqında danışmışıq.

Dördüncü sənaye inqilabının əsas mahiyyəti və iqtisadi təsirləri nələrdir? Yeni texnologiyalar əmək bazarında bəzi iş yerlərini sıradan çıxara, yeni iş yerləri yarada bilərmi? İqtisadçı Təhmasib Əlizadənin dördüncü sənaye inqilabı haqqındakı çıxışını izləyərək öyrənə bilərsiniz.

Universitetlərlə bizneslərin əməkdaşlığı bizə nə kimi fayda verə bilər? Tələbələri təşəbbüskar ruhda yetişdirmək nə üçün lazımdır? Tədqiqatçı və UNEC müəllimi Mehin Cəbrayılova bu mövzu haqqında danışır.

“Media menecerlərinin peşəkar jurnalist çatışmazlığından şikayət etməyə heç bir haqqı yoxdur. Çünki özləri o mühiti yaratmayıblar.” Budəfəki videomuzda media eksperti Seymur Kazımovla jurnalistika elmi, gənc kadrlar və peşəkar kontent haqqında söhbət etmişik.

Məişət zorakılığı ilə bağlı atılmalı olan ən vacib addımlar hansıdır? Qonağımız, vəkil Rövşanə Rəhimli ilə qanunvericilik və reallıq haqqında söhbət etmişik.

Həbs olunan şəxslərin mediada görüntülərinin yayılması qanunidirmi? Bu görüntülər cəmiyyət üçün maraqlıdırmı? Belə görüntülər yayıldıqda nə etməli? Hüquqşünas Fariz Namazlının bu mövzudakı təqdimatını izləyə bilərsiniz.

Elnarə Məmmədova deyir ki, əlilliyi olan şəxslərin qarşılaşdığı çətinliklər onların əlilliklərindən yox, cəmiyyətin yaratdığı bariyerlərlərdən irəli gəlir. Bu dəfəki videomuzda inklüziv yanaşmanın tarixi haqqında danışmışıq.

Qonağımız, dizayner Rəsul Həsən deyir ki, Azərbaycanın əsas qrafik dizayn bünövrəsi məhz Molla Nəsrəddindir. Molla Nəsrəddinlə bərabər daha oturuşmuş, rəngli qrafika və illüstratorlar araya girdi və bundan sonra Azərbaycanın rəssamlıq məktəbi formalaşmağa başladı.

Sosial sahibkar, “Kekalove Adaptive”-in təsisçisi Məhəmməd Kekalov əlilliyi olan şəxslər üçün moda şousu keçirməyə hazırlaşır. Tədbir 3 dekabr tarixində baş tutacaq.

“Hökumət bələdçi qaydalar və korporativ standartlar müəyyən edə bilər. Bu həm qanunvericilik üzərindəki yükü azaldacaq, həm də biznesin inkişafı üçün daha ideal mühit yaradacaq.” Hüquqşünas Nail Axundzadə ilə Azərbaycanda korporativ hüquq haqqında danışmışıq.

“Əxlaqçılığı inkar etməyin özü bir əxlaqi mövqedir. Necə yaşamaq lazımdır sualını inkar etmiriksə, avtomatik hər hansı bir əxlaqi mövqedə durmuş oluruq.” Tədqiqatçı Tinay Muşdiyeva ilə əxlaq fəlsəfəsi haqqında söhbət etmişik.

Baby boomers, Generation X, Millennials, Generation Z, Generation Alpha. Bu nəsillərin hansı xarakterik xüsusiyyətləri var? Bu dəfəki videomuzda Marketoloq Vüqar Mehdiyev müxtəlif nəsillər üzrə istehlakçı davranışlarındakı fərqlər haqqında danışıb.

Uşaqlarla stressiz səyahət etmək üçün nələrə diqqət etmək lazımdır? Turizmçi-bloger Həvva Səfərova izah edir.

“Ölkədə milyonlarla insan əlavə dəyər yaratmaq potensialındadır, amma ayrıseçkilik səbəbindən iqtisadi fəaliyyətə qoşula bilmir. Bu ayrıseçkiliyə ən çox məruz qalan sosial qruplardan biri də qadınlardır.” İqtisadçı Fərid Mehralızadənin təqdimatını buradan izləyə bilərsiniz.

“Həyəcan təbili çalınmalı olan məsələ gənc həkimlərin ölkəni tərk etməsidir. Savadlı həkim yetişdirmək çox çətindir və yetişmiş kadrların itirilməsi beyin axınıdır.” İctimai sağlamlıq və səhiyyənin təşkili üzrə mütəxəssis Tural Qulu səhiyyə sisteminin problemləri haqqında danışır.

Oyun oynamaq və oyuncaqlar uşaqların inkişafında böyük rol oynayır. Bəs uşaqlara oyuncaq seçərkən nələrə diqqət etmək lazımdır? Uşaq və ailə psixoloqu Ruhəngiz Əhmədova ilə uşağın inkişafında oyunun rolu haqqında söhbət etmişik.

Maliyyə böhranlarının hansı növləri var? Böhranları proqnozlaşdırmaq mümkündürmü? Böhranlardan yayınmaq olarmı? Qonağımız, iqtisadçı Əhliman Abbasov öz təqdimatında bu suallara cavab verib.

Azerbaijani Socks-un yaradıcısı Tereza Hamlin amerikalıdır və 17 ildir ki, Azərbaycanda yaşayır. O, bu sosial biznesi qurmaqla həm regionlardakı qadınların corab toxuyaraq əlavə gəlir qazanmalarına, həm də bu sənətin itməməyinə çalışır.

Gülnara Mehdiyeva deyir ki, icmalar təşkilatlandıqda onların çətinliklərin qarşısında dik duran bir obraz yaranır və bu da özünə hörmət hissini artırır. Qadınların təşkilatlanması niyə vacibdir? Feminist fəal ilə müsahibəmizi izləyərək öyrənə bilərsiniz.

Ceyhun Atayevin Azərbaycanda innovasiyalarla bağlı izləyicilərimizə vermək istədiyi bəzi suallar var.

Azərbaycanda təhsil sahəsində hansı islahatlar aparılır və bu islahatların mövcud durumu nədir? Qonağımız Təhsil İnstitutunun direktoru Rüfət Əzizovdur.

Robotlaşma insan əməyinə necə təsir edəcək? Hansı peşə və ixtisaslar üçün gələcəkdə robotlaşma gözlənilir? Avtomatlaşdırma mühəndisi Nəzrin Əliyeva izah edir.

Növbəti videomuzda memar Urfan Məmmədov memarlıq və mülkiyyət mövzusunda təqdimat edir.

“You Will Speak” tədris mərkəzinin təsisçisi Günay Rəsulova deyir ki, uşaqlar anlamalıdırlar ki, dərslərdə aldıqları qiymətlər heç də önəmli deyil. Bunu başa düşdükləri zaman tədris prosesi onlar üçün daha əyləncəli olacaq.

Dizayner Röyal Paşayevla Azərbaycanda dizayn sahəsinin mövcud vəziyyəti, onun təkmilləşdirilməsi yolları haqda söhbət etdik.

Azərbaycanda zorakılığa məruz qalmış qadınlarla bağlı ən böyük problemlərdən biri sığınacaqların az olmasıdır. "Qadın üçün" təşəbbüs qrupunun təsisçisi və yazar Zümrüd Yağmurla ailə institutu, zorakılıq və sığınacaqlar haqqında söhbət etmişik.

Bu dəfəki videomuzda quş müşahidəçisi Zülfü Fərəcli ilə quşların eko-sistem üçün faydaları, onların üzləşdikləri təhlükələr və quşların mühafizəsi üçün atılmalı olan addımlar haqqında danışmışıq.

Elmi tədqiqatlar nə üçün əhəmiyyətlidir və onların məhz universitetlərdə aparılması nə kimi imkanlar yaradır? Növbəti videomuzda Kolumbiya Universitetinin doktorantı Abbas Abbasov ilə bu mövzuda söhbətləşmişik.

İnvestisiyalar üzrə analitik Xeyransa Musayeva ilə blokçeyn texnologiyası, onun xüsusiyyətləri və potensial istifadə sahələri haqda söhbət etmişik.

Avrasiya Hasilat Sənayesi Bilik Mərkəzinin direktoru İnqilab Əhmədov deyir ki, Azərbaycan enerji keçidində konkret hədəflər müəyyənləşdirib, o hədəflərə çatmaq üçün uğurlu idarəetmə mexanizmi qurmalıdır. Azərbaycan enerji keçidinə hazırdırmı? Müsahibəni izləmək üçün keçid edin.

Qanunvericilik uşaqlarla bağlı məsələləri necə tənzimləyir və onların hüquqları necə qorunur? Hüquqşünas Nərmin Əmirova uşaqların iştirak hüququ haqqında danışır.