Əkinçi

İqtisadi bərabərsizliklərə hansı amillər səbəb olur? Mövcud iqtisadi sistem bərabərsizliklərin artmasına və ya aradan qaldırılmasına necə təsir göstərir? İqtisadçı Əhliman Abbasov ilə gəlir və fürsət bərabərsizliyi: səbəbləri və fəsadları barəsində söhbət etmişik.

Növbəti videomuzda yazar-tərcüməçi Cəmilə Məmmədli ilə əlilliyi olan şəxslərin qarşılaşdıqları problemlər, media qurumlarının əlilliyi olan şəxsləri yazıqlaşdırma cəhdləri və bərabər imkanlar haqqında söhbət etmişik.

Fandreyzinq nədir və onu necə uğurlu şəkildə həyata keçirmək olar? Növbəti videomuzda Toxum kraudfandinq platformasının həmtəsisçisi Toğrul İsmayılovla sosial təşəbbüslər üçün fandreyzinq alətləri haqqında danışmışıq.

Beynəlxalq hüquqşünas Nurlan Mustafayev deyir ki, konflikt və işğal nəticəsində Azərbaycana dəymiş ziyanı BMT 53.5 milyard dollar məbləğində qiymətləndirib. Bəs işğala görə təzminat alınmasının beynəlxalq hüquqi əsasları hansılardır? Videomuzu izləyərək öyrənə bilərsiniz.

İşçilərin ən çox qarşılaşdıqları əmək hüququ pozuntuları hansılardır? Bu hüquqların bərpası üçün nə etmək lazımdır? Hüquqşünas İnara Camal ilə əmək hüquqları barəsində ətraflı söhbətimizi izləyə bilərsiniz.

Psixoloji zorakılıqla mübarizədə sosial media platformaları bizə necə kömək ola bilər? Psixoloji zorakılığa məruz qaldıqda kimə müraciət edə bilərik? “Açıq platforma”-nın həmtəsisçisi Qumru Əliyeva ilə psixoloji zorakılığa qarşı onlayn aktivizm haqqında danışmışıq.

Sosial medialar Metaverse inqilabına qarşı necə mübarizə aparacaq? Bu sahədə biznes mühitinin formalaşdırılması necə olacaq? NFT nədir və virtual dünyamızı necə dəyişə bilər? Sosial media tədqiqatçısı Cavid Ağa ilə söhbətimizi izləyə bilərsiniz.

Kitab bloqçuluğu getdikcə daha çox populyarlıq qazanmağa başlayan sahələrdən biridir. Növbəti videomuzda bu kimi bloqlardan biri olan “Kitabı karandaşla oxuyanlar”-ın təsisçisi Lamiyə Göyçəyeva ilə söhbət etmişik.

Texnologiya sahəsində qadınlar üçün hansı çətinliklər mövcuddur? Nə üçün qadınlar bu sahədə uzunmüddətli qalmırlar? İnsan-robot ünsiyyəti mütəxəssisi Maral Qurbanzadə ilə söhbətimizi izləyin.

Təhsildə hansı növ dəyərləndirmə şagirdlərin öyrənmə prosesinə daha çox kömək edir? Ümumiyyətlə, təhsilin qiymətləndirilməsi lazımdırmı? Tədqiqatçı Ayaz Kərimovla təhsilin qiymətləndirilməsi və dəyərləndirilməsi haqqında danışmışıq.

Hər il dünyada tonlarla ərzaq itkisi olur. Araşdırmalara görə, dünyada 690 milyon insan aclıq içində yaşayır. Bu qədər insan aclıq içində olan halda, bu qədər ərzaq necə israf edilir? Kənd təsərrüfatı layihələri üzrə mütəxəssis Ramil Əzməmmədovla videomuzu izləyə bilərsiniz.

Multikulturalizm nədir? Nə üçün müxtəlif mədəni dəyərlərə qarşı tolerant yanaşmalıyıq? Dövlət siyasəti üzrə mütəxəssis Nicat Məmmədli ilə söhbətimizi izləyərək bu suallara cavab tapa bilərsiniz.

Geyim sənayesi, sürətli istehsal ətraf mühitə necə zərər vurur? Bu zərərləri mümkün qədər azaltmaq üçün istehlakçı kimi nə edə bilərik? Dizayner Renara Şəmsiyeva ilə geyim, təkrar istehsal və ətraf mühit haqqında söhbət etmişik.

Qorxu mədəniyyəti nədir və o hansı fəsadları törədir? Bu fəsadların qarşısını almaq üçün hansı addımları atmaq lazımdır? Məktəb müəllimi Suqra Cəfərova ilə məktəblərdə qorxu mədəniyyəti haqqında danışmışıq.

İqlim dəyişikliyi bizi hansı problemlərlə üz-üzə qoyur? Bu yeni çağırışa Azərbaycan şəhərsalma məktəbi necə reaksiya verməlidir? Müstəqil araşdırmaçı Bayram Axundovun şəhərləri iqlim dəyişikliyinə adaptasiya etməyin yolları haqqında mühazirəsini izləyə bilərsiniz.

Rəqəmsal ödənişlər və fintech sahəsinin inkişafı iqtisadiyyat və bizneslər üçün nələri vəd edir? Azərbaycanda bu sahədə hansı irəliləyişlər var? Rəqəmsal ödəniş şirkətinin direktoru Türkan Fərzəliyeva danışır.

İstehlakçı kimi hüquqlarımız nələrdir? İstehlakçı hüquqlarımız pozulduqda onu bərpa etmək üçün hansı addımları atmalıyıq? Hüquqşünas Rəşad Cahangirovla söhbətimizi izləyə bilərsiniz.

Sosial müdafiə mexanizmləri necə işləyir və nə üçün vacibdir? Bu mexanizmlərin maliyyələşməsi kimin öhdəliyində olmalıdır? Sosial müdafiə üzrə mütəxəssis Lamiyə Rzayeva-Əhmədli ilə söhbətimizi izləyə bilərsiniz.

Pandemiya ilə əlaqəli qapanma dövründə qadınlar hansı çətinliklərlə üzləşdilər? Bu çətinliklərin aradan qaldırılması üçün hansı addımlar atılmalı idi? Gender mütəxəssisi Şəhla İsmayılla Azərbaycanda qadın hüquqları və COVID-19 pandemiyası haqqındakı mühazirəmizi izləyə bilərsiniz.

Uzun yazıların istehlak olunmadığı, qısa videolara daha çox üstünlük verildiyi bir dövrdə elektron jurnallar aktualdırmı? Azərbaycanda və digər ölkələrdə hansı elektron jurnallar var? “MUZA” elektron incəsənət jurnalının təsisçisi Pəri Abbaslı ilə elektron jurnallardan danışmışıq.

Qadınların ədalət mühakiməsinə çatımlılığı qarşısında dayanan sosial-mədəni və hüquqi əngəllər hansılardır? Qadın haqları üzrə hüquqşünas Vəfa Rüstəm ilə qadınların ədalət mühakiməsi zəncirində addımbaşı rastlaşdıqları əngəllərdən və onların aradan qaldırılması yollarından danışmışıq.

Jest dili eşitmə və nitq məhdudiyyətli insanların ünsiyyət dilidir. Bəs bu dil haqda bilməli olduqlarımız nələrdir? Jest dili təlimçisi və tərcüməçisi Könül Quliyeva ilə söhbətimizi izləyə bilərsiniz.

Dominant elmi bilik təcrübələri nədir və niyə problemlidir? Qadınlar elmi araşdırmaların həm obyekti, həm də subyekti olaraq necə kənarda qalırlar? Çarlz Universiteti doktorantı Nisə Hacıyevanın feminist epistemologiya və elm fəlsəfəsi haqqındakı çıxışını izləyə bilərsiniz.

Teatrdan uşaqların tərbiyəsində və inkişafında necə istifadə edə bilərik? Növbəti videomuzda rejissor və sosial teatr təlimçisi Elnur Paşa Rzayevlə məktəbəqədər təhsildə teatrın rolu haqqında danışmışıq.

Dünyanın mövcudluğuna şübhə etməyə əsas varmı? Bu şübhənin yaranması üçün hansı əsaslar ola bilər? Fəlsəfə doktoru Anar Cəfərovun mühazirəsini izləyərək bu suallara cavab tapa bilərsiniz.

2007-2015-ci illərdə Azərbaycan xaricdə təhsil üzrə dövlət proqramı həyata keçirilmişdi. Həmin vaxt 3,500-ə yaxın azərbaycanlı tələbə nüfuzlu xarici ali təhsil ocaqlarında təhsil almaq imkanı əldə etdi. O vaxtdan bəri Azərbaycanda gənclər və tələbələr arasında maraqla gözlənilən və müzakirə edilən əsas məsələlərdən biri yeni dövlət proqramının icrası idi. Nəhayət bu yaxınlarda 2022-2026-cı illəri əhatə edən yeni xaricdə təhsil dövlət proqramı təsdiqləndi və bu proqram nəticəsində hər il 400 azərbaycanlı tələbə xarici ölkələrdə dövlət hesabına təhsil almaq imkanı əldə edəcək. Məhz bu səbəbdən, yeni dövlət proqramı ilə bağlı suallarımızı Təhsil Nazirliyinin xaricdə təhsil və əcnəbi tələbələrlə iş sektorunun müdiri Müjdat Həsənova ünvanladıq.

Əmək hüquqları ilə bağlı Azərbaycanda vəziyyət nə yerdədir? İşçilərin əsas problemləri nələrdir? Biz öz əmək hüquqlarımızı necə təmin edə bilərik? Qonağımız, Əmək Hüquqları Müdafiəsi İnstitutunun rəhbəri Fərid Rüstəmzadə ilə söhbətimizi izləyin.

Təqsirsizlik prezumpsiyası nədir və nə üçün əhəmiyyətlidir? Şəxsin təqsirsizlik prezumpsiyası hüququ pozularsa, onu bərpa etmək üçün nə etmək lazımdır? Vəkil Babək Həmidovla söhbətimizi izləyərək öyrənə bilərsiniz.

Azərbaycanda siyasi partiyalar gənclərlə bağlı siyasətlərində nəyə əsas verməlidirlər? Onlar gənclərə nə vəd etməlidirlər ki, gənclər özlərinin siyasi partiyalarda təmsil olunduqlarını hiss etsinlər? Siyasi təhlilçi Anar Məmmədli ilə söhbətimizi izləyə bilərsiniz.

Sosial şəbəkələr klassik medianı necə dəyişdirdi? Bu dəyişikliklər jurnalistlər üçün hansı çətinlikləri yaradır? Növbəti videomuzda yeni media üzrə mütəxəssis Əli Novruzovla bloqçuluq, auditoriya və alqoritm haqqında söhbət etmişik.

Biznes resurslarının planlaşdırılması sistemləri nədir və onun nə kimi faydaları var? Proqram təminatı üzrə mütəxəssis Ziya Qafarlı ilə söhbətimizi izləyərək öyrənə bilərsiniz.

Dövlətin cəzalandırma hüququ varmı? Bu barədə hansı yanaşmalar və nəzəriyyələr var? Azərbaycandakı cəza sisteminin əsas məqsədi nədir? Reallıqda həmin məqsədə nail olunurmu? Hüquqşünas Səməd Rəhimli ilə dövlətin cəzalandırma hüququ haqqında söhbət etmişik.

Analıq məzuniyyəti haqqında biliklərimiz nə qədər doğrudur? Analıq məzuniyyəti hüququndan istifadə etmək üçün nə etmək lazımdır? Hüquqşünas İnara Camal işləyən anaların məzuniyyət hüququ haqqında danışır.

Cinsi sağlamlıqla bağlı müxtəlif mənbələrdən öyrəndiyimiz məlumatlar nə qədər düzgündür? Bu barədə nələrə diqqət yetirməliyik? Cinsi terapevt Şəbnəm Sadıqovanın təqdimatını izləyərək öyrənə bilərsiniz.

Təhsildə və digər sahələrdə tez-tez istifadə olunan oyunlaşdırma nədir və ondan necə istifadə edə bilərik? Budəfəki videomuzda tədqiqatçı Ayaz Kərimovla oyunlaşdırma və öyrənmə analitikası haqqında danışmışıq.

Şəhəri şəhər edən elementlər hansılardır? Nə üçün bu gün digər şəhərlərdə və ya regionlarda yeni iş yerləri açılsa da, insanlar hələ də Bakıya gəlmək istəyirlər? ADA Universitetinin dosenti Anar Vəliyev ilə ağıllı şəhər, insan və müxtəliflik haqqında söhbət etmişik.

Çarls Universitetinin doktorantı Ramil Zamanov deyir ki, feminizm təkcə qadınlar və LGBTQİ+larla bağlı deyil, feminizm ədalət və bərabərlik hissini təbliğ etməyə çalışır. Növbəti videomuzda qonağımızla maskulinlik araşdırmalarının əhəmiyyəti barəsində söhbət etmişik.

Təhsil strategiyası necə olmalıdır? Təhsildə islahatın istiqamətləri və onlar necə qiymətləndirilməlidir? İslahatlara nə mane olur? Dövlət maliyyəsi və təhsil iqtisadçısı Elçin Rəşid təhsil islahatları nə üçün işləmir mövzusu haqqında danışır.

“Şiddət bizim dilimizdə, zehnimizdə başlayır. Biz elə sözlər seçməliyik, elə kəlmələrlə özümüzü ifadə etməliyik ki, bu, qarşı tərəfi yaralamasın.” Təlimçi Lamiyə Əliyeva ilə şiddətsiz ünsiyyət metodu haqqında söhbət etmişik.

Regionlardakı gənclərlə işləyən zaman effektiv nəticələr əldə etmək üçün hansı addımlar atılmalıdır və hansı vasitələrdən istifadə olunmalıdır? Layihə meneceri Asiman Qocayevlə region gəncləri ilə iş və sosial teatr haqqında söhbət etmişik.

Gənc Hüquqşünaslar Şəbəkəsinin məqsədi gənc hüquqşünasların vahid platformasını yaratmaq, praktiki hüquqşünasların tələbələrə öyrətməsini təmin etmək, onların hüquqi, sosial və mədəni tədbirlərini təşkil etməkdir. Bu videomuzda şəbəkənin təsisçisi Kamil Manafovla söhbət etmişik.

İrrasional qərarlarımızın arxasında nə durur? Niyə əksər halda irrasional qərarlar qəbul edirik? Gündəlik həyatda verdiyimiz qərarlara öncədən təsir etmək mümkündürmü? Avrasiya Bilik Mərkəzinin direktoru, iqtisadçı İnqilab Əhmədovun davranış iqtisadiyyatı haqqındakı təqdimatını izləyərək öyrənə bilərsiniz.

Azərbaycanda LGBT-lər hansı hüquq pozuntuları ilə qarşılaşır və bunun qarşısını almaq üçün nə etmək lazımdır? Lund Universitetində beynəlxalq insan haqları hüququ üzrə təhsil alan hüquqşünas Jalə Bayramova ilə Azərbaycanda LGBT hüquqları haqqında söhbət etmişik.

Konspirasiya nəzəriyyələri və saxta xəbərlərlə necə mübarizə aparmaq olar? Növbəti videomuzda "Fakt Yoxla" araşdırmaçısı Əhəd Əhədli ilə yalan məlumatlar, dezinformasiya və konspirasiya nəzəriyyələri haqqında söhbət etmişik.

Şəhərlərdə strateji planlama nə üçün önəmlidir və biz bununla nələrə nail ola bilərik? Qonağımız, müstəqil araşdırmaçı Bayram Axundovla müasir şəhərsalmada strateji planlamanın əhəmiyyəti haqqında danışmışıq.

Şəbnəm Həsənəlizadə "Audio Nağıllar" YouTube kanalının təsisçisidir. Bu dəfəki videomuzda qonağımızla uşaqların inkişafında nağılların rolu barəsində söhbət etmişik.

FemTech platformasının əsas məqsədi innovasiya və startap sahəsində qadınlara dəstək olaraq onların bu sahədə uğur qazanmalarına töhfə verməkdir. Platformanın təsisçisi və icraçı direktoru Nəzrin Quluzadə ilə Azərbaycanda startap ekosistemi və qadınlar haqqında danışmışıq.

Təhmasib Əlizadə deyir ki, Azərbaycanda universitetlərin əsas gəlir mənbəyi tələbələrdən əldə olunan ödənişlərdir. Bu məbləğ hər il artsa da, təhsilin keyfiyyətinə nə qədər təsir etməsi sual altındadır. Qonağımızla ali təhsil, əmək bazarı və beyin axını haqqında söhbət etmişik.

Tədqiqatçı Aynur Kazımova deyir ki, qadın qətllərinin Azərbaycan mediasında təqdimatı qətlin özü qədər problemlidir. Bəs bu xəbərləri hazırlayarkən nələrə diqqət etmək lazımdır? Müsahibəmizi izləyərək öyrənə bilərsiniz.

Məktəblərdə cinsi tərbiyə fənninin tədris olunması nə üçün vacibdir? Nottinqem Universitetində təhsil rəhbərliyi və idarəetmə ixstisası üzrə təhsil almış mütəxəssis Zeynəb Rzayeva ilə İngilitərə nümunəsində münasibətlər və cinsi tərbiyə fənni haqqında söhbət etmişik.