Əkinçi

Ölkədə aparılan islahatlar uğurla nəticələnirmi? Ümumiyyətlə, bu islahatların nəticələrini necə ölçmək lazımdır? İqtisadçı Fərid Mehralızadə ilə Azərbaycanda struktur islahatlarından danışmışıq.

Demokratik Təşəbbüslər İnstitutunun rəhbəri, hüquqşünas Akif Qurbanov Azərbaycanda qeyri-hökumət təşkilatlarının fəaliyyətinə mane olan problemlər haqqında danışır.

Qonağımız fotoları ilə çoxlarının sevgisini qazanmış Rza Diqqətidir. Onunla söhbətimiz bir az uzun, amma çox maraqlı alındı.

Sənubər Heydərova Azərbaycanda sosial iş təhsili ilə bağlı mövcud olan problemlərdən danışdıq.

2020-ci il texnologiya ilə bağlı miflərin həmişəkindən daha çox olduğu illərdən biri kimi yadda qaldı. Texnobloqer Fərid Pərdəşünas ilə xüsusilə pandemiya dövründə ortaya çıxan çoxsaylı miflər haqqında danışmışıq.

Yaxın Şərq İnstitutunun enerji məsələləri üzrə tədqiqatçısı Rauf Məmmədovla 2020-ci ildə qlobal pandemiya fonunda enerji bazarının vəziyyəti haqda danışdıq.

Tədqiqatçı şənətsünas Nərgiz Məmmədli ilə konseptual rus sənət nümunələri haqqında danışmışıq.

“ÖzünYarat” layihəsinin qurucularından Cəsur Həsənov “Upcycling” və “Do it yourself” konsepsiyalarınıı istifadə edərək, köhnə əşyalar və materiallardan yeni əşyalar hazırlamağın həm özümüz, həm də ətraf mühit üçün olan faydalarından danışır.

ADA universitetinin dekanı Anar Vəliyev kreativ təbəqənin şəhərlərdə məskunlaşması və fəaliyyət göstərməsi üçün lazım olan şərtlərdən danışır.

Tarixçi Altay Göyuşov cəmiyyətdə dəyişiklərin baş verməsində fərdin gücü haqda danışır. QEYD: Texniki nasazlığa görə video çəkiliş zamanı səslə bağlı problem yaranıb. Buna görə izləyicilərimizdən üzr istəyirik.

Feminist Nisə Hacıyeva feminizmlə bağlı olan miflərdən və anti-feminist hərəkatlarından danışır.

Astara rayonu Qapıçıməhəllə kənd ümumi orta məktəbinin tarix müəllimi Həbib Əlizadə “xoşbəxt məktəb” ideasından və daha yaxşı cəmiyyət yaratmaq üçün təhsilin əhəmiyyətindən danışır.

Bu dəfəki videomuzda hüquqşünas Emin Abbasov İstanbul Konvensiyasının məişət zorakılığı ilə mübarizədəki rolundan danışıb və konvensiyada qeyd olunan əsas istiqamətlər üzrə məlumat verib.

Qonağımız sosial teatr təlimçisi Aynur Zərrintacdır. Aynurla kuklaların və teatr kostyumlarının uşaqların təxəyyül və yaradıcılıqlarının inkişafındakı əhəmiyyətli rolundan danışmışıq.

Konfliktoloq Əvəz Həsənov deyir ki, Azərbaycan hökumətinin və cəmiyyətinin qarşısında duran ən vacib məsələlərdən biri ermənilərə qarşı indiyədək mövcud olan düşmənçilik ritorikasının dəyişdirilməsidir. Onun sözlərinə görə, bu həm regionda stabillik yaratmaq, həm də gələcəkdə baş verə biləcək münaqişələrin qarşısını almaq üçün vacibdir.

“İşğaldan azad olunmuş torpaqların bərpası üçün yalnız minaların təmizlənməsinə 630 milyon manat lazım olacaq” - İqtisadçı Toğrul Vəliyevlə işğaldan azad olunmuş ərazilərin bərpası haqqında danışmışıq.

Dağlıq Qarabağ münaqişəsi haqqında gedən müzakirələrdə tez-tez eşitdiyimiz sözlərdən biri xalqların öz müqəddəratını təyin etmə hüququdur. Tədqiqatçı Ayaz Rzayev bu hüququn mahiyyətini və Dağlıq Qarabağ münaqişəsindəki aktuallığını izah edir.

Co Baydenin prezident seçilməsi ilə ABŞ-Türkiyə münasibətlərinin xarakterində bir sıra dəyişiklər gözlənilir. Siyasi şərhçi Şahin Cəfərli iki ölkə arasındakı münasibətlərin gələcəyi haqqında öz proqnozlarını bölüşür.

Bu yaxınlarda ABŞ-da keçirilmiş prezident seçkilərinin nəticəsində tezliklə Bayden administrasiyası Tramp administrasiyasını əvəzləyəcək. Bəs bu dəyişiklik Azərbaycan üçün nələri vəd edir? Politoloq Fuad Çırağovla müsahibəmizi izləyin.

Ağdamdan məcburi köçkün olmuş Aynur Cəfər Qarabağ xatirələrini və məcburi köçkün kimi yaşadıqlarını bizimlə paylaşır.

Jurnalist Seymur Kazımov müharibə mövzusunu işləyən jurnalistlərin diqqət göstərməli olduğu əsas məqamlardan danışır.

Klinik-psixoloq Rövşən Süleymanov ilə müharibə iştirakçılarının müharibədən sonrakı psixoloji vəziyyəti və post-travmatik stress pozuntusundan əziyyət çəkən veteranlara kömək üçün edilməsi vacib olan işlərdən danışmışıq.

Əziz Kərimov Azərbaycanla Ermənistan arasında baş vermiş 44 günlük müharibə zamanı fotoqraf kimi mülki əhalinin ən çox zərər çəkdiyi ərazilərdə çalışırdı. Onunla bu müddət ərzində gördüklərindən və müharibə fotoqrafçılığından danışmışıq.

Jurnalist Vüsalə Əlibəyli son həftələr beynəlxalq media ilə bağlı olan narazılıqlardan, bu narazılıqların yaranma səbəblərindən və bütün bunların çərçivəsində jurnalistikanın təməl prinsiplərinin işləmə mexanizmindən danışır.

Hüquqşünas Ellada Abbasova ilə Beynəlxalq cinayət məhkəmələri haqqında danışmışıq. Ellada Beynəlxalq Ruanda Tribunalında təcrübə keçib və hal-hazırda Bakı Dövlət Universitetində bu sahəni tədris edir.

Beynəlxalq Qırmızı Xaç Komitəsinin Bakı ofisinin ictimaiyyətlə əlaqələr departamentinin rəhbəri İlahə Hüseynova Cenevrə konvensiyalarının mahiyyəti haqqında danışır.

Baku Street Dog Rescue qrupunun könüllüsü Xəyal Sadiqlə könüllülük fəaliyyətinin həm fərdlərin özü üçün, həm də cəmiyyət üçün faydalarından söhbət etmişik.

Tarixçi Altay Göyüşov 19-cu əsrdə Azərbaycanda başlayan maarifçilik hərəkatı və onun nəticələrini təsvir edir.

İctimaiyyətlə əlaqələr və media üzrə mütəxəssis Rəşad Hüseynovla dezinformasiyaların yaranma səbəbləri, onların törətdikləri fəsadlardan və buna qarşı necə mübarizə aparmalı olduğumuz haqqında danışdıq.

Tədqiqatçı İlkin Hüseynli dövlətin mədəniyyətə müdaxilə etməməli olduğu fikrini müdafiə edir və vurğulayır ki, dövlət müəyyən sənət sahələrinə müdaxilə edib digərlərinə etməməklə haqsız bir rəqabət yaradır.

Əkinçinin növbəti qonağı Heydelberq Universitetinin məzunu, fəlsəfə üzrə fəlsəfə doktoru Anar Cəfərovdur. Qonağımız fəlfəsədə geniş müzakirə edilən mövzulardan biri olan ruh və bədən dualizmi cərəyanı haqqında danışdı.

Bloger Elvin Cəbizadə ilə Azərbaycanda kino sahəsində olan problemlər, son zamanlar xarici festivallarda uğur qazanan müstəqil Azərbaycan filmləri və dövlət dəstəkli filmlərin uğursuz olmasının əsas səbəbləri barəsində danışdıq.

Tədqiqatçı Səid Riad ilə submədəniyyətlərin tarixi, Qərbdə və Azərbaycanda submədəniyyətlərin yaranma xüsusiyyətləri arasındakı fərqlər və Azərbaycanda submədəniyyətlərin formalaşmasını gecikdirən problemlər haqqında danışdıq.

Tədqiqatçı Şəhanə Bilalova ilə Kür çayının aşağı axarının quruması və su resurslarının azalması problemlərinin səbəbləri və gələcəkdə baş verə biləcək ağır fəsadlardan danışdıq.

İqtisadçı Fərid Mehralızadə bilik iqtisadiyyatının formalaşması üçün ali təhsil müəssisələrində edilməli olan dəyişikliklərdən, dayanıqlı iqtisadi inkişaf üçün vacib olan yeni trendlərdən və ali təhsil müəssisələrinin maliyyələşdirilməsi məsələlərindən danışır.

İqtisadçı Azər Mehtiyev özəlləşdirmənin məqsədləri və özəlləşdirmənin Azərbaycanda necə keçirildiyi haqda danışır.

İqtisadçı Xətai Alıyev işsizliyin sosial təsirləri haqda apardığı araşdırmanın nəticələri haqda danışır.

Kaliforniyaya səfərimiz zamanı Google şirkətində proqramçı-mühəndis vəzifəsində çalışan Bəxtiyar Neyman ilə söhbət etdik. ODTU və San Dieqo Kaliforniya Universitetinin məzunu olan Bəxtiyar insanların riyaziyyat biliklərinin onların düşüncə tərzinə təsirləri haqda danışdı.

Dizayner Renara Şəmsiyeva daha öncə istifadə edilmiş və qalıq parçalardan yeni paltarlar hazırlayaraq onlar ikinci həyat bəxş edir.

Silikon Vadisində 10 ildən artıq iş təcrübəsi olan Ulduz Azər bizimlə söhbətində qadınların texnologiya şirkətində çalışması zamanı yaranan çətinliklər, şirkətlərin daxili mədəniyyəti haqda danışdı. Ulduz bakalavr təhsilini Kaliforniya ştatında yerləşən Berkli Universitetində alıb. Daha sonra İstanbulda yerləşən Sabançı Universitetində maliyyə ixtisasi üzrə magistr dərəcəsinə yiyələnib. O, Oracle və Twitter kimi texnologiya nəhənglərində maliyyə təhlilçisi vəzifəsində çalışdıqdan sonra, istiqamətini dəyişərək, yeni yaranmaqda olan əmək qüvvəsinin planlaşdırılması sahəsinə keçib.

Hal-hazırda Sietl şəhərində yaşayan və üç ildən artıqdır ki, ictimai sektorda konsaltinq sahəsində çalışan Adnan Hacızadə qərarvermə prosesində məlumatların düzgün istifadəsi haqda danışır.

Media eksperti Seymur Kazımov kütləvi informasiya vasitələ ictimai fikrin manipulyasiya edilməsi imkanları və buna qarşı mübarizə üsulları haqda danışır.

ABŞ-ın Sietl şəhərində yerləşən Vaşinqton Universitetinin beynəlxalq araşdırmalar məktəbinin dosenti Skot Radnits uzun illərdir ki post-sovet məkanında konspirasiya nəzəriyyələri haqda tədqiqat aparır. Bizimlə söhbətdə Skot konspirasiya nəzəriyyələrinin mənşəyi və onlarla mübarizə yolları haqda danışdı.

ABŞ-ın Sietl şəhərində Vaşinqton Universitetində sosiologiya üzrə doktorantura tələbəsi Ramin Cabbarlı narazılıqların və repressiyaların siyasi səfərbərliyə təsiri haqda tədqiqatı haqda danışır.

Bir neçə ay öncə ABŞ-da tədqiqat aparan immunoloq Murad Məmmədovla koronavirus pandemiyası haqda söhbət etmişdik. Keçən həftə Muradla görüşərək, COVID-19 xəstəliyi ilə bağlı son vəziyyəti və vaksinlər haqda ümidlər barəsində ətraflı danışmaq imkanımız oldu. Murad 10 yaşında ailəsi ilə bərabər ABŞ-a köçüb. Tibb təhsilini Corctaun Universitetində aldıqdan sonra Stenford Universitetində immunologiya üzrə doktorantura proqramını başa vurub. O hal-hazırda San-Fransiskoda yerləşən Kaliforniya Universitetinin Xərçəng Tədqiqatları İnstitutunda immuno-onkologiya sahəsi üzrə tədqiqatçıdır.

Aygün Pəncəliyeva müəllimdir. On ildən çoxdur ki, orta siniflərə fransız dili dərsi deyir. Onun sözlərinə görə, dərslərin səmərəli keçməsi və dərsin müxtəlif elementlərini daha yaxşı qavranmasında oyunlar çox əhəmiyyətli rol oynayır.

Əkinçinin növbəti qonağı tanınmış televiziya aparıcısı Hüsniyə Məhərrəmova yerli televiziyaların mövcud problemləri haqda danışır.

Gender məsələləri üzrə tədqiqatçı Nurlana Cəlil qadınların siyasi iştirakçılığının əhəmiyyəti və buna nail olmaq üçün nəyin edilməli olduğu haqda danışır.

Bu ilin əvvəli Azərbaycanda bir neçə bankın bağlanması ölkədə inamla bağlı ciddi problemi olan bank sistemini daha da çətin vəziyyətə saldığını bildirən iqtisadçı Toğrul Vəliyev, bu inamın bərpası üçün həyata keçiriləcək işlər haqda danışır.

Ritual Mobil Teatr Laboratoriyasının təsisçisi Aynur Zərrintac sosial mövzuların tədrisində teatrın verdiyi imkanlardan danışır.