Fotbolti.net

Nýjasti þátturinn af Ungstirnunum er kominn út; þátturinn sem kynnir fyrir þjóðinni næstu stórstjörnur fótboltans. Þáttastjórnendur eru þeir Arnar Laufdal og Bjarni Þór Hafstein. Í þessum þætti kynna þeir til leiks Keito Nakamura (2000) en þetta er japanskur landsliðsmaður sem er mikið líkt við samlanda sinn Kaoru Mitoma en þeir eru báðir teknískir kantmenn . Fjallað er um Yankuba Minteh (2004) en hann var keyptur í sumar til Newcastle og lánaður til Feyenoord, virkilega spennandi kantmaður sem er fæddur í Gambíu. Bilal El Khannous (2004) er einnig kynntur til leiks en hann var einn yngsti leikmaðurinn sem spilaði á HM í Katar en þessi efnilegi miðjumaður byrjaði þriðja sætis leikinn gegn Króatíu en hann hefur verið að gera frábæra hluti með Genk í belgísku úrvalsdeildinni. Hringt er til Belgíu þar sem að Stefán Ingi Sigurðarson er á línunni en Stefán var auðvitað seldur frá Breiðabliki í sumar og leikur í belgísku B-deildinni. Farið var um víðan völl í þessu símtali, allt frá Breiðabliki, háskólaboltanum í Bandaríkjunum og svo margt margt fleira.

Útvarpsþátturinn laugardaginn 16. september. Jörundur Áki Sveinsson yfirmaður fótboltamála hjá KSÍ er gestur. Landsliðsglugginn er gerður upp og rætt um stöðu landsliðsins. Arnar Björnsson fréttamaður minnist goðsagnarinnar Bjarna Fel sem lést í vikunni. Í seinni hluta þáttarins er svo farið yfir fótboltahelgina, meðal annars hitað upp fyrir bikarúrslitaleik Víkings og KA.

Framundan hjá Breiðabliki er riðlakeppni Sambandsdeildarinnar. Fyrst er þó heimaleikur í Bestu deildinni gegn FH á sunnudag. Sá leikur var fyrst settur á morgundaginn (laugardag) en sökum veðurs var hann færður fram á sunnudag. Óskar Hrafn Þorvaldsson, þjálfari Breiðabliks, ræddi við Sæbjörn Steinke um komandi átök, stöðuna á hópnum, möguleikann á styrkingu og Laugardalsvöll. Hann ræðir einnig um ferðalagið til Ísraels, æfingaleiki eftir að Íslandsmótinu lýkur og svo leik Íslands gegn Bosníu sem fram fór á mánudagskvöld. Í þeim leik byrjaði sonur hans, Orri Steinn, sinn fyrsta landsleik.

Valskonur eru Íslandsmeistarar þriðja árið í röð og gátu fagnað heima í sófa í gærkvöldi. Það er þó enn að mörgu að keppa í Bestu deildinni. Silfrið er enn í boði og svo á eftir að koma í ljós hvaða lið fellur niður um deild. Þær Elíza Gígja Ómarsdóttir og Lilja Dögg Valþórsdóttir mæta á Heimavöllinn og fara yfir málin ásamt Mist Rúnarsdóttur. Í boði Dominos og Orku Náttúrunnar.

Það vakti mikla athygli í lok félagaskiptagluggans að Eggert Aron Guðmundsson skyldi ákveða að vera um kyrrt hjá Stjörnunni þegar honum stóð til boða að semja við félög erlendis. Eggert ræddi við Sæbjörn Steinke um ákvörðun sína. Ákvörðunin var erfið en Eggert þurfti að horfa í marga hluti þegar hann var að vega og meta hvað væri best fyrir sig. Eggert ræðir í viðtalinu einnig um U19, U21, Jökul Elísabetarson, föst leikatriði Stjörnunnar og ýmislegt fleira.

Seint og um síðir þá komu ástríðubræður saman og fóru yfir 21. umferð í 2. og 3. deild. Það er allt á suðupunkti í þremur af fjórum vígstöðum, aðeins fallbaráttan í 2. deild er ráðin.Ástríðan er í samstarfi við Bola léttöl, Waterclouds, Unbroken, Preppbarinn, Jako Sport og ICE nikótínlausa púða.

Lengjudeildinni lauk með látum síðastliðinn laugardag og komið að því að gera deildina upp hér á Heimavellinum. Gestir þáttarins þekkja deildina inn og út en það eru knattspyrnuþjálfararnir Anton Ingi Rúnarsson og Magnús Örn Helgason. Þátturinn er í boði Dominos og Orku Náttúrunnar.

Elvar Geir, Tómas Þór og Guðmundur Aðalsteinn í nýju hljóðveri á Laugardalsvelli strax eftir 1-0 sigurinn gegn Bosníu. Alfreð Finnbogason skoraði sigurmarkið í uppbótartíma. Það er enn möguleiki á að ná öðru sætinu en þá þarf allt að ganga upp. Rýnt er í frammistöðu leikmanna, stöðuna í riðlinum og stemninguna á Laugardalsvelli. U21 landsliðið og mögulegar formannsbreytingar hjá KSÍ eru einnig til umræðu.

Nýjasti þátturinn af Ungstirnunum er kominn út; þátturinn sem kynnir fyrir þjóðinni næstu stórstjörnur fótboltans. Þáttastjórnendur eru þeir Arnar Laufdal og Bjarni Þór Hafstein. Í þessum þætti kynna þeir til leiks Benja Cremaschi (2005) en þessi 18 ára miðjumaður hefur verið að gera frábæra hluti með Lionel Messi og félögum í Inter Miami. Fjallað er um Oscar Gloukh (2004) en hann var keyptur í janúar til Salzburg og er haldið að það sé ástæðan af hverju Hákon Haraldsson fór ekki til Slazburg í janúar. Dujuan Richards (2005) er einnig kynntur til leiks en þetta er leikmaðurinn sem Heimir Hallgrímsson sat undir gagnrýni fyrir að velja í A-landslið Jamaíka, en þessi leikmaður hefur nú skrifað undir samning hjá Chelsea. Í þættinum er farið yfir hvað gerðist í þessum leiðinlega landsleikjaglugga, frammistaða helgarinnar, hvað var að frétta hjá yngri landsliðunum okkar, Stjarnan lang bestir í 2. flokki, Lamine Yamal að gera allt vitlaust með spænska landsliðinu, farið var aðeins yfir NBA og NFL og svo margt margt fleira.

Tiltalið er hlaðvarpssería þar sem við fáum til okkar besta knattspyrnufólk landsins bæði karla og kvenna í spjall og ræðum hina hliðina og ferilinn til þessa. Þáttarstjórnendur eru Stefán Marteinn Ólafsson og Haraldur Örn Haraldsson.Í þessum þætti fengum við til okkar leikmann Víkings í tiltal, Danijel Dejan Djuric og fórum við yfir ferilinn hjá honum til þessa.

Lengjudeildin undir smásjánni í þessum Innkastþætti. Elvar Geir, Baldvin Borgars og Sölvi Haralds skoða 21. umferðina. Það er brjáluð spenna fyrir lokaumferðina sem verður á laugardaginn. ÍA er með öll spil hendi á fyrir lokumferðina, úrslitakeppnin er að taka á sig mynd og mörg lið eru í fallhættu fyrir lokaumferðina. Dalvík/Reynir er til umræðu en liðið er búið að tryggja sér sigur í 2. deildinni og leikur í Lengjudeildinni á næsta ári. Verður það ÍR eða KFA sem fylgir?

Tómas Þór og Benedikt Bóas í þættinum þessa vikuna. Albert Brynjar Ingason er gestur og Elvar Geir Magnússon er á línunni frá Lúxemborg. Landsliðið fékk skell og leikurinn er gerður upp. Þá er úrslitakeppnin framundan í Bestu deildinni og lið ársins, þar sem Víkingar mega ekki vera með, er valið.

Það er hart tekist á undir lok íslenska fótboltasumarsins. Í kvöld varð endanlega ljóst að Selfoss kveður Bestu deildina, Valur og Stjarnan fara í ferðalag í góðum gír og Þróttarar hafa fundið markaskónna á ný. Enn er svo barist um að fylgja Víkingum upp í efstu deild. Af ýmsu er að taka og þau Elísa Gígja Ómarsdóttir og Sverrir Örn Einarsson mæta á Heimavöllinn til að fara yfir það helsta. Í boði Orku Náttúrunnar og Dominos.

Söngvarinn Robbie Williams elskar Ange Postecoglou það mikið að hann gerði textabút honum til heiðurs. Þessi nýi stjóri Tottenham er að vinna hug og hjörtu stuðningsmanna félagsins eftir flotta byrjun á tímabilinu. Í hlaðvarpinu Enski boltinn í dag voru Hjammi og Jóhann Alfreð, skemmtikraftar og stuðningsmenn Tottenham, í heimsókn þar sem þeir ræddu um byrjunina flottu á tímabilinu og Ange-ball. Einnig var rætt um stórleik Arsenal og Manchester United, Jadon Sancho, mögulegar stjórabreytingar og margt fleira í þætti dagsins.

20 umferðum er lokið í deildunum tveimur og enn skýrast línurnar ekki neitt. Toppbaráttan galopin í 2. deild og botnbaráttan stórbrotin í 3. deild. Sverrir og Gylfi fóru saman yfir málin.Ástríðan er í boði JakoSport, Bola Léttöl, Preppbarsins, Waterclouds, Unbroken og ICE nikótínlausra púða.

Tiltalið er hlaðvarpssería þar sem við fáum til okkar bestu leikmenn landsins úr efstu tveim deildum bæði karla og kvenna í spjall og ræðum hina hliðina og ferilinn til þessa. Þáttarstjórnendur eru Stefán Marteinn Ólafsson og Haraldur Örn Haraldsson.Viðmælandi okkar að þessu sinni er leikmaður Þróttar og læknaneminn Elín Metta Jensen. Við ræddum við hana um hina hliðina og tókum létta yfirferð á ferlinum til þessa.

ÍR tryggði sér um helgina sigur í 2. deild og þar með sæti í Lengjudeildinni að ári. Þær Lovísa Guðrún Einarsdóttir og Sandra Dögg Bjarnadóttir voru í lykilhlutverkum hjá ÍR-liðinu og eru gestir Heimavallarins að þessu sinni. Þátturinn er sem fyrr í boði Orku Náttúrunnar og Dominos.

Þáttur númer 43 af Ungstirnunum er kominn út; þátturinn sem kynnir fyrir þjóðinni næstu stórstjörnur fótboltans. Þáttarstjórnendur eru þeir Arnar Laufdal og Bjarni Þór Hafstein. Í þessum þætti kynna þeir til leiks Bradley Barcola (2002) sem var nýlega keyptur frá Lyon til PSG á 45 milljónir evra. Einnig er kynntur til leiks Gift Orban (2002) en hann leikur fyrir Gent í Belgíu - sem Blikar munu mæta í Sambandsdeildinni - en Orban er búinn að vera gjörsamlega á eldi í Belgíu. Simone Pafundi (2006) er einnig kynntur til leiks en hann er yngsti A-landsliðsmaður Ítala í yfir 100 ár og leikur hann fyrir Udinese og minnir mikið á Lionel Messi oft á tíðum. Í þættinum er farið yfir uppáhalds félagsskipti Ungstirna sem áttu sér stað í sumar, 15 uppáhalds Ungstirni utan efstu 5 deilda Evrópu, Skandinavíuhornið góða, Kristian Hlynsson að gera góða hluti með Ajax og svo margt margt fleira.

22. umferð Bestu deildarinnar var leikin í dag og það er komið að tvískiptingunni. KA situr eftir með sárt ennið. Elvar Geir, Sæbjörn Steinke og Valur Gunnars gera upp umferðina. Einnig er fjallað um Lengjudeildina og spennuna sem þar ríkir. Er í lagi að selja heimaleikinn sinn? Landsliðsverkefnið sem er framundan er skoðað. Sæbjörn setur saman líklegt byrjunarlið Íslands fyrir leikinn gegn Lúxemborg á föstudag.

Útvarpsþátturinn Fótbolti.net laugardaginn 2. september. Umsjón: Elvar Geir og Tómas Þór. Í fyrri hlutanum: Íslenski boltinn. Flosi Eiríksson formaður knattspyrnudeildar Breiðabliks mætir og ræðir um afrek Kópavogsliðsins, verkefnin framundan og það sem er í gangi hjá félaginu. Einnig er rætt um Bestu deildina. Í seinni hlutanum: Kristján Atli Ragnarsson gerir upp sumargluggann í enska boltanum. Glugginn er lokað og enn og aftur var eyðslumet slegið.

Það eru þrjár umferðir eftir af Lengjudeildinni, áður en kemur að úrslitakeppninni. Elvar Geir, Baldvin Borgars og Sölvi Haralds rýna í stöðu mála í þessum sérstaka aukaþætti af Innkastinu. - ÍA andar í hálsmál Aftureldingar í baráttunni um toppsætið, eina beina sætið upp í Bestu deildina. - Hvaða lið fara í úrslitakeppnina og verða skrefi frá 50 milljóna króna leiknum á Laugardalsvelli? - Hvaða lið fellur með Ægismönnum?

Tiltalið er hlaðvarpssería þar sem við fáum til okkar bestu leikmenn landsins úr efstu tveim deildum bæði karla og kvenna í spjall og ræðum hina hliðina og ferilinn til þessa. Þáttarstjórnendur eru Stefán Marteinn Ólafsson og Haraldur Örn Haraldsson.Viðmælandi okkar að þessu sinni er fyrirliði Breiðabliks Ásta Eir Árnadóttir. Við ræddum við hana um hina hliðina og tókum létta yfirferð á ferlinum til þessa.

Elvar Geir, Tómas Þór og Sæbjörn Steinke eftir 21. umferð Bestu deildarinnar. Breiðablik mætti of seint í Fossvoginn. Hver voru skilaboðin frá Blikum? Gyrðir sá til þess að FH vann Val og Eyjamenn náðu með naumindum að bjarga stigi úr leik sínum gegn HK.

Þriðja umferðin í ensku úrvalsdeildinni fór fram um liðna helgi og var mikið húllumhæ. Gummi og Steinke settust niður í Thule-stúdíóinu í dag til að fara í umferðina. Hringt var í Atla Má Steinarsson, Liverpool stuðningsmann, og staðan könnuð eftir magnaðan sigur á Newcastle. Darwin Nunez er költhetja í Liverpool, Man Utd kom til baka eftir skelfilega byrjun, Ange-ball er að virka vel á meðan Arteta flækir hlutina um of, Sterling er heitur og Everton er algjört þrot.

18 umferð Bestu deildarinnar er lokið og framundan er úrslitakeppni þar sem í ljós kemur hvaða lið verður Íslandsmeistari og hvaða lið falla. Í nýjasta þætti Heimavallarins er spáð í spilin og umferðir 10-18 gerðar upp. Auðvitað í boði Dominos og Orku Náttúrunnar. Gestir þáttarins að þessu sinni eru Guðmundur Aðalsteinn Ásgeirsson og Jón Stefán Jónsson.

Sverrir Mar og Gylfi Tryggva komu saman að morgni til og fóru yfir rosalega helgi í Ástríðunni. Toppbaráttan í báðum deildum er að ná hæstu hæðum.Ástríðan er í boði Jakosport, Bola Léttöl, Preppbarsins, Unbroken og ICE nikótínlausra púða.

Hlaðvarpsþátturinn vinsæli Ungstirnin er snúinn aftur eftir árs langt hlé. Þátturinn sem kynnir fyrir þjóðinni næstu stórstjörnur fótboltans. Umsjón: Arnar Laufdal og Bjarni Þór Hafstein.Í þessum þætti kynna þeir Johan Bakayoko (2003) sem er belgískur landsliðsmaður og einn efnilegasti leikmaðurinn í hollensku úrvalsdeildinni. Luka Vuskovic (2007) einn mest spennandi ungi leikmaður heims um þessar mundir en hann leikur fyrir Hadjuk Split í Króatíu og er mikið orðaður við Manchester City og PSG. Einnig er fjallað um Marcos Leonardo (2003) sem er brasilískur framherji í Santos í heimalandinu sem hefur verið orðaður við Manchester United. Uppáhalds lið þáttarins FC Nordsjælland er á toppnum í Danmörku, Ásgeir Helgi framtíðar club legend í Smáranum? , Óskar Borgþórsson og Kolbeinn Þórðarson byrja með látum fyrir nýju liðin sín. Gengur misjafnlega hjá ungu leikmönnunum okkar vestan hafs, 16 ára töframaður í Katalóníu og svo miklu meira til umræðu.

Útvarpsþátturinn Fótbolti.net laugardaginn 26. ágúst. Elvar Geir og Tómas Þór fara yfir allt það helsta í íslenska boltanum. Breiðablik er á barmi þess að skrifa nýjan kafla í Íslendingasögu fótboltans og gjaldkerinn er ekki eðlilega spenntur. Stefán Árni Pálsson íþróttafréttamaður skoðar komandi umferð í Bestu deildinni, Logi Tómasson er á línunni frá Noregi og Valur Gunnarsson í beinni frá bæjarhátíðinni í Mosfellsbæ en lokasprettur Lengjudeildarinnar er í fullum gangi.

Tiltalið er hlaðvarpssería þar sem við fáum til okkar bestu leikmenn landsins úr efstu tveim deildum bæði karla og kvenna í spjall og ræðum hina hliðina og ferilinn til þessa. Þáttarstjórnendur eru Stefán Marteinn Ólafsson og Haraldur Örn Haraldsson.Viðmælandi okkar að þessu sinni er leikmaður nýkringdra Mjólkurbikarmeistara kvenna í Víkinga R. og fyrirliði liðsins Nadía Atladóttir. Við ræddum við hana um hina hliðina og tókum létta yfirferð á ferlinum til þessa.

Önnur umferð í ensku úrvalsdeildinni er að baki en það fór fram mjög áhugaverð um liðna helgi. Gummi og Steinke fengu Jóhann Pál Ástvaldsson, íþróttafréttamann á RÚV, í heimsókn til þess að fara yfir umferðina og annað sem er að gerast í enska boltanum. Sigur Tottenham á Man Utd, ömurleg dómgæsla, Mason Mount, Dominik Szoboszlai, Phil Foden, Roberto De Zerbi og margt fleira er til umræðu í þættinum í dag.

Sverrir Mar og Gylfi Tryggva komu saman og fóru yfir 18. umferðina í báðum deildum ástríðunnar.Ástríðan er í boði Bola Léttöl, Jakosport, Unbroken og ICE níkótínlausra púða.

Elvar Geir, Sæbjörn Steinke og Valur Gunnars í Innkastinu eftir 20. umferð Bestu deildarinnar. Víkingur er með ellefu stiga forystu, Stjarnan er næstbesta lið deildarinnar og Eyjamenn eru það slakir að mögulega verður ekki spenna í fallbaráttunni. Lengjudeildin, Evrópa og smá 2. deild fylgir með.

Spánn er Heimsmeistari í fyrsta skipti í sögunni og HM hinum megin á hnettinum var stórkostleg skemmtun. Það er allt á suðupunkti hér á Íslandi og 17.umferð Bestu deildar kvenna fór fram í gær. Þær Alexandra Bía og Lilja Dögg mæta á Heimavöllinn og fara yfir málin ásamt Mist Rúnarsdóttur. Í boði Dominos og Orku Náttúrunnar.

Hlaðvarpsþátturinn vinsæli Ungstirnin er snúinn aftur eftir árs langt hlé. Þátturinn sem kynnir fyrir þjóðinni næstu stórstjörnur fótboltans. Nýr leikmaður er genginn til liðs við hlaðvarpið en það er Bjarni Þór Hafstein leikmaður Fjölnis í Lengjudeildinni en Arnar Laufdal og Bjarni ólust saman upp í Breiðabliki. Í þessum þætti kynna þeir Elye Wahi (2003) sem um helgina var keyptur til Lens í Frakklandi á 35 milljónir evra, Matheus Franca (2004) sem er nýjasti leikmaður Crystal Palace frá Brasilíu og Arthur Vermeeren (2005) sem er djúpur miðjumaður í lykilhlutverki hjá belgísku meisturunum Royal Antwerp. Hringt er til Gautaborgar þar sem Kolbeinn Þórðarson er nýgenginn til liðs við sænska stórveldið og farið yfir fyrstu dagana þar og margt annað.

Elvar Geir, Tómas Þór og Benedikt Bóas í hljóðveri X977. Farið er yfir íslensku fótboltavikuna, helstu fréttir og félagaskipti, Blika í Evrópu, bestu og verstu kaupin í Bestu deildinni og liðna umferð í Lengjudeildinni. Hvernig væri sameiginlegt byrjunarlið Víkings og Vals? Gestur þáttarins er Jökull Elísabetarson, þjálfari Stjörnunnar. Hann fer yfir starf sitt í Garðabænum, hugtakið 'Jölliball' og fyrir hvað sín hugmyndafræði stendur.

Nú er æsispennandi lokasprettur hafinn í Lengjudeild kvenna og hart barist um sæti í Bestu deildinni að ári. Á Heimavöllinn eru mættir knattspyrnuþjálfararnir Arnar Páll Garðarsson og Magnús Haukur Harðarson til fara yfir Lengjudeildarmálin með Mist Rúnarsdóttur. Þátturinn er í boði Orku Náttúrunnar og Dominos.

Sverrir Mar og Gylfi Tryggva mættu og fóru yfir leikina sem fóru fram í miðri viku í 2. og 3.deild karla.Ástríðan er í boði Bola Léttöl, JakoSport, Unbroken og ICE Nikótínlausra púða.

16. umferð Bestu deildar kvenna var að ljúka og línur aldeilis að skýrast. Fréttaritarar Fótbolta.net þeir Guðmundur Aðalsteinn Ásgeirsson og Sverrir Örn Einarsson mæta á Heimavöllinn og fara yfir umferðina ásamt Mist Rúnarsdóttur. Þau spá svo einnig í spilin fyrir lokahnykk Heimsmeistaramótsins. Allt saman í boði Orku Náttúrunnar og Dominos.

Fyrsta umferð ensku úrvalsdeildarinnar er að baki og því tilvalið að gera hana upp. Gummi og Steinke fengu sér sæti í Thule stúdíóinu í morgun ásamt Tómasi Þór Þórðarsyni, ritstjóra enska boltans á Síminn Sport. Tómas er nýkominn frá London þar sem hann var á stórleik fyrstu umferðar, Chelsea gegn Liverpool. Farið var vel yfir stórleik umferðarinnar, kaupin Chelsea á Caicedo og Lavia, skiptinguna á Salah, hörmulega frammistöðu Man Utd, komandi titilbaráttu hjá Arsenal, ómannlegan Erling Haaland og margt fleira.

Sverrir Mar og Gylfi Tryggva hittust og fóru yfir 16. umferð í 2. og 3. deild karla. í 2.deild hafa engar línur skýrst ennþá en þær eru töluvert skýrari í 3.deild. Ástríðan í í boði Bola Léttöl, Jako Sport, Unroken og ICE nikótínlausra púða.

Tiltalið er hlaðvarpssería þar sem við fáum til okkar besta knattspyrnufólk landsins bæði karla og kvenna í spjall og ræðum hina hliðina og ferilinn til þessa. Þáttarstjórnendur eru Stefán Marteinn Ólafsson og Haraldur Örn Haraldsson.

Innkastið eftir 19. umferð Bestu deildarinnar. Elvar Geir, Sæbjörn Steinke og Valur Gunnars. Allt verður að gulli í Fossvoginum og forysta Víkings eykst, uppgjöf hjá HK fyrir leik, Valsmenn á lágu plani, furðulegur fótboltaleikur á Akureyri, KR og FH með mikilvæga sigra, ÍA gæti farið á topp Lengjudeildarinnar á næstu vikum.

Eins og þjóðin veit urðu Víkingar bikarmeistarar í kvennaflokki í fyrsta sinn í sögunni sl. föstudag. Víkingarnir og bikarmeistararnir Nadía Atladóttir, fyrirliði, og Erna Guðrún Magnúsdóttir kíktu í heimsókn á Heimavöllinn og fóru yfir bikarævintýrið ótrúlega. Þátturinn er í boði Orku Náttúrunnar og Dominos.

Útvarpsþátturinn Fótbolti.net á X977 laugardaginn 12. ágúst. Umsjón: Elvar Geir og Benedikt Bóas. Í fyrri hlutanum er farið yfir Bestu deildina og fréttirnar þaðan, Evrópuleikina og Lengjudeildina með Magnúsi Þóri Matthíassyni fyrrum leikmanni Keflavíkur og lýsanda á Stöð 2 Sport. Í seinni hlutanum eru það bikarúrslit kvenna með Prettyboitjokko og enski boltinn með Tom og Kára Kongó.

Sagan var skrifuð á Laugardalsvelli í gær og það var hreint ótrúleg stemmning á Þjóðarleikvanginum þegar Víkingar urðu bikarmeistarar í fyrsta skipti. Þetta var jafnframt í fyrsta sinn sem að lið úr 1. deild vinnur bikarinn. Magnað afrek sem þarf að ræða og á Heimavöllinn eru komnir þeir Guðmundur Aðalsteinn og Jón Stefán Jónsson sem ætla jafnframt að fara yfir gang mála í Bestu deildinni. Að sjálfsögðu í boði Dominos og Orku Náttúrunnar.

Enska úrvalsdeildin hefst í kvöld þegar nýliðar Burnley mæta Englandsmeisturum Manchester City. Síðustu daga höfum við hitað upp fyrir deildina með því að fá stuðningsmenn 'topp sex' liðanna í spjall og í dag er komið að Liverpool sem á ansi stóran aðdáendahóp hér á landi. Hrafn Kristjánsson og Magnús Haukur Harðarson komu í heimsókn til að ræða sitt félag. Það hefur mikið gengið á hjá Liverpool í sumar, og sérstaklega síðasta sólarhringinn eða svo. Auðvitað var rýnt söguna um Moises Caicedo ásamt mörgu öðru í þessum þætti. Gleðilega hátíð kæru hlustendur!

Sverrir Mar og Gylfi Tryggva mættu ferskir eftir Versló og fóru yfir umferðirnar sem fóru fram fyrir helgina og líka 8-liða úrslit í .net bikarnum.Ástríðan er í boði Bola Léttöl, Jakosport, Unbroken og ICE nikótínlausra púða.

18. umferð Bestu deildarinnar, Lengjudeildin, Evrópuverkefnin og Fótbolti.net bikarinn. Elvar Geir, Tómas Þór og Valur Gunnars fara yfir málin í Innkastinu. Arnar kallaði dómarana jólasveina og fékk rautt, Raggi Sig náði í stig, Jajalo í ruglinu gegn Val, KR vann Blika í veisluleik og Stjarnan mun betri en ÍBV í Þjóðhátíðarleiknum.

Við á Fótbolti.net höldum áfram að hita upp fyrir ensku úrvalsdeildina sem hefst á föstudaginn. Í dag fengum við tvo Manchester City menn í heimsókn, þá Magnús Ingvason og Sigurð Helgason. Þeir hafa báðir haldið með Manchester City í meira en 50 ár, meira en hálfa öld. Magnús byrjaði að halda með City 1968, ári eftir að liðið varð þá Englandsmeistari. Sigurður útskýrir það í þættinum af hverju hann heldur með félaginu. Þeir eru auðvitað brattir fyrir tímabilinu sem er framundan eftir magnað síðasta tímabil þar sem liðið vann þrennuna. Liðið getur núna stefnt á það að vinna sexuna. Það eru ekki margar breytingar á City-liðinu frá síðasta tímabili og breiddin er áfram stórkostleg.

Við á Fótbolti.net höldum áfram að hita upp fyrir ensku úrvalsdeildina sem hefst á föstudaginn. Í dag er komið að því að ræða við tvo Chelsea menn, þá Harald Örn Haraldsson og Stefán Martein Ólafsson. Síðasta tímabil var erfitt hjá Chelsea og sumarið hefur verið kostulegt þar sem fjöldi leikmanna hefur farið og margir nýir hafa komið inn. Þetta getur ekki verið verra en á síðustu leiktíð. Chelsea byrjar á leik gegn Liverpool um næstu helgi og eru þeir félagar brattir fyrir leikinn.