Monitor

Kommer oor 'n ISIS-aanval in Mosambiek. Ons praat met 'n militêre ontleder. Stygende watervlakke hou gevaar in vir oeste in die Laer-Oranjerivier-streek in die Noord-Kaap. 'n ANC-faksie wil die miljardêr en sokkeradministrateur, Patrice Motsepe, se arm draai om as ANC-presidentskandidaat te staan.

Die regering oorweeg 'n kernkragreaktor - ons praat met 'n energiekenner oor die voor- en nadele. Die wêreld se skaars minerale is onder die vergrootglas ná die geskiedkundige ooreenkoms tussen die VSA en Oekraïne. 90 000 ondersteuners word by die kragmeting tussen Kaizer Chiefs en Orlando Pirates verwag.

President Cyril Ramaphosa gaan 'n kommissie aanstel om vas te stel hoekom die Nasionale Vervolgingsgesag nie apartheidsmisdade ondersoek het nie. Advokaat Dali Mpofu se tugverhoor word uitgestel - ons praat met 'n kenner oor die aanklagte teen hom. Die wysigingswetsontwerp op Billike Indiensneming ontlok nóg ‘n hofgeding.

Die liggame van die drie vermiste polisiekonstabels is gevind, maar die raaisel oor hulle voertuig duur voort. Minder padsterftes is oor die Paastyd aangemeld. Action SA dien 'n PAIA-aansoek in om die OPOD-verslag oor Phala Phala te bekom. Suid-Afrika stel sy saak aan die Internasionale Geregshof oor die humanitêre krisis in Gasa.

Meer as 'n miljoen mense het die Suid-Afrikaanse grens die afgelope naweek oorgesteek. Die prys van beesvleis styg. Die militêre leier van Burkina Faso, Ibrahim Traoré, is besig om wêreldwyd aandag te trek.

Die Hooggeregshof in Kaapstad skort die BTW-verhoging op. Die EFF glo Suid-Afrikaners het geen rede om Vryheidsdag te vier nie. Toenemende misdaad ontmoedig belegging in Gqeberha in die Oos-Kaap. ‘n Vredesooreenkoms wink tussen die DRK en Rwanda.

'n Toutrekkery oor wie erkenning moet kry vir die afskaffing van die BTW-verhoging - ons praat met politieke partye en 'n ekonoom. President Cyril Ramaphosa bevestig 'n telefoniese gesprek met president Donald Trump.

Die Nasionale Tesourie hou BTW op 15 persent. Die president van Oekraïne, Wolodomir Zelensky, sal na verwagting vandag in Suid-Afrika samesprekings hou met president Cyril Rmaphosa. Duisende roubeklaers bring hulde aan die ontslape pous Franciskus, wat in die Vatikaan in staatsie lê.

Uitspraak is voorbehou in die DA en EFF se aansoek om die aanvaarding van die fiskale raamwerk as ongeldig en onwettig te verklaar. Die Noord-Kaapse ANC behou sy leierskap. Egipte en Katar sit 'n nuwe ooreenkoms op die tafel om die oorlog in die Gasastrook te beëindig. Die F.W. De Klerk Stigting stel alternatiewe voor vir raskwotas in die werkplek.

Senior DA-leiers sal vandag se hofaksie teen die voorgenome styging in BTW bywoon. Huldeblyke vir die ontslape Pous stroom van oraloor in. Die tema van Aardedag is Ons Planeet, Ons Krag, en fokus op klimaataksie en hernubare energie.

Die regering veroordeel Floyd Shivambu se besoek aan die kerk van Shepherd Bushiri. Politieke partye gaan vandeesweek nog gesprekke voer oor die BTW-verhoging. NEASA en die Sakeliga wil hof toe gaan oor die Wysigingswet op Diensbillikheid.

Die vermeende slagoffers van Timothy Omotoso hoop dat geregtigheid eendag sal geskied. Die polisie in Gautengse ondersoek die skietdood van 'n 60-jarige man van Sophiatown. Verkeer op die land se paaie neem toe soos vakansiegangers na hulle paasfeesbestemmings reis. Buitelandse ministers van Amerika en Europa sit koppe bymekaar om die oorlog in Oekraïne te beëindig.

'n Staking dreig by Transnet. Sassa verleng goue kaarte se geldigheid tot 31 Mei. 'n Nuwe geitjie-spesie in die Noord-Kaap ontdek.

Suid-Afrika se Minister van Internasionale Betrekkinge en Samewerking, Ronald Lamola, hou samesprekings in Moskou. Navorsing wys ouers is bekommerd wanneer hulle kinders skool toe gaan. Ons praat oor China se 'geheime wapen' in die handelsoorlog met Amerika.

Wat wag op Mcebisi Jonas, die nuutaangestelde gesant na die VSA - wat sal sy rol wees? Kenners sê daar moet meer gefokusde mentorskapprogramme in skole ingestel word om onderwysers voor te berei. Hoe moet die media berig oor spazawinkelprodukte, sonder om paniek te saai?

Die ANC beskryf 'n gesprek met die Vryheidsfront Plus oor die fiskale raamwerk en die Regering van Nasionale Eeenheid as 'hartlik'. Die Senzo Meyiwa moordsaak hervat vandag in die hooggeregshof in Pretoria. 'n Opname van Debt Rescue SA bevind dat 'n verhoging in BTW, verbruikers kan knou.

'n Besoek aan Israel deur twee politieke partye veroorsaak onmin in die regering van nasionale eenheid. Verskeie parlementêre komitees is bekommerd oor die besnoeiing van die weermag se begroting. Slagoffers van misdaad in die Wes Kaap. word die waarborg gegee dat hulle verklarings by die polisie in Afrikaans kan aflê.

Die Amerikaanse President, Donald Trump, skort handelstariewe vir 90 dae op, behalwe vir China. AfriForum versoek die nasionale polisiekommissaris om plaasaanvalle as 'n prioriteitsmisdaad te klassifiseer. Die hervorming van die kiesstelsel is in die kollig.

Die Regering van Nasionale Eenheid sal heroorweeg word, of soos die sekretaris-generaal van die ANC sê, "reset". Ons praat met die kleiner vennote in die RNE om uit te vind wat hulle daarmee verstaan. Die Vaaldam word voller, en staan nou op meer as 'n 112%. Die kommisaris van polisie, Fannie Masemola, glo hulle is op pad om misdaad hok te slaan. Die Amerikaanse president, Donald Trump, het 'n heffing van 104% ingestel op goedere wat van China af ingevoer word. Die Minister van Kommunikasie en Digitale Tegnologie, Solly Malatsi, vra TikTok om Suid-Afrikaanse inhoudskeppers finansieel te vergoed.

Die IVP bly verbind tot die regering van nasionale eenheid. Action Society glo die voorgestelde vuurwapenregulasies vir die private veiligheidsbedryf kan misdaadbestryding pootjie. Die staatshoofde van Amerika en Israel vergader oor die konflik in Gasa, en invoertariewe. Intussen tuimel die markte verder weens die invoerheffings.

'n Vloedwaarskuwing vir inwoners langs die Vaalrivier. Beskuldigings van wydlopende wanbestuur en korrupsie met suurstofaanleg-tenders. Rwanda vaar goed, 31 jaar ná die volksmoord in daardie land. Aandelemarkte in Asië daal skerp. Die leier van die DA, John Steenhuisen, sê die party is steeds tot die Regering van Nasionale Eenheid verbind.

Die DA en ANC heroorweeg hulle deelname aan die Regering van Nasionale Eenheid. Die vryspreking van die evangelis Timothy Omotoso ontlok wye kritiek. 'n Twis ontwikkel in die Boland, wat klubrugby se grense kan herskryf. Finansiële markte daal skerp in reaksie op president Donald Trump se nuwe heffings op ingevoerde goedere.

Reaksie op die aanvaarding van ons begroting. Suid-Afrika word swaar getref deur die jongste tariewe wat die VSA ingestel het. Die Suid-Afrikaanse Mediese Vereniging bring 'n hofaansoek teen die Nasionale Gesondheidsversekering. Ons fokus op die pad vorentoe om puttoilette by openbare skole te vervang.

Action SA en die IVP steun die ANC oor die nasionale begroting, maar regstappe dreig. Ons praat met lede van 'n hoëprofiel groep Suid-Afrikaanse sakelui en arbeidsleiers wat besoek in Amerika afgelê het. Wat is mense met outisme se uitdagings?

NSFAS se wanbetaling aan private verblyfverskaffers is weer in die kollig. ‘n Waterbestuurspesialis sê die sogenaamde watermafia knou ook die landbousektor. Twee nuwe staatsveiligheidsentiteite word in die lewe geroep. Die Afrika-kommandowurmplaag versprei na nog provinsies.

Het laatmiddag samesprekings ons nasionale begroting gered? Ons praat met een van die twee groot parte in die RNE. Puttoilette onder die kollig in KwaZulu-Natal. Sprake dat die VSA militêre ondersteuning en samewerking met die Suid-Afrikaanse weermag opskort.

Die DA juig oor die oorstap van ‘n opposisieleier na die party, maar die ANC sê hy het dalk hulle kandidatelys gemanipuleer. Hoe raak Donald Trump se nuwe heffing van 25% op motors Suid-Afrika se uitvoere na Amerika? Parlementêre komitees is bekommerd oor toestande by staatsinstellings.

Die moontlike likwidasie van Ithala Bank is onder die vergrootglas in die parlement. Die regterpresident van Gauteng stel verpligte bemiddeling voor om ‘n groot agterstand met siviele sake in te haal. Die Johanneburgse burgemeester ontken daar is 'n tekort aan water. Meer paartjies skei, terwyl minder mense trou.

Wie is die aangewese Amerikaanse ambassadeur na Suid-Afrika? Die Departement van Water en Sanitasie sê die land beleef 'n waterkrisis. Hewige teenkanting in die parlement teen die BTW-verhoging.

Die politieke party, Build One South Africa, wil hê waterrantsoenering moet ongrondwetlik verklaar word. Onderhandelinge gaan voort om 'n ooreenkoms vir 'n moontlike skietstilstand in Oekraïne te bereik. Shamila Batohi se termyn as hoof van die NVG is in die kollig. Die musieklegende, Jonathan Butler, ontvang 'n eredoktorsgraad van die Universiteit Stellenbosch.

Die uitgeskopte ambassadeur, Ebrahim Rasool, sê hy is nie spyt oor dit wat hy oor die VSA kwytgeraak het nie. Meer as 'n halfmiljoen migrante moet die VSA binne 'n maand verlaat. Op Wêreld Tuberkulosedag praat ons oor Suid-Afrika se uitdagings met dié siekte. Suid-Afrika se 800-meter ster, Prudence Sekgodiso, maak geskiedenis.

Die Reserwebank se monetêre beleidskomitee besluit om rentekoerse onveranderd te laat. Meer as 30 gevalle van a-pokke is reeds in Gauteng aangeteken. 'n Waarskuwing aan rolspelers in die landbousektor oor disinformasie-veldtogte op sosiale media.

Klimaatsverandering bereik nuwe hoogtes in 2024, met sommige gevolge onomkeerbaar. Is 'n rentekoersverlaging vandag moontlik? Vandag is die laaste kans om van 'n SASSA goue kaart na die swart kaart oor te slaan.

Peperduur krag is verbruikers se voorland. 'n Regsmening oor die verbod op die vervaardiging en verkoop van voedingsmiddels wat dagga bevat. Rusland onderneem om sy aanvalle op kraginfrastruktuur in Oekraïne te staak.

Wie moet SA se nuwe ambassadeur na Amerika wees, en wat is volgende vir SA-VSA verhoudinge? Onderwysers in die Vrystaat kan hulle mediese fonds verloor. Kommer oor die stand van menseregte in die land.

Die minister van internasionale betrekkinge betreur Amerika se besluit om Ebrahim Rasool uit te skop. Politieke partye vra vir dialoog tussen Suid-Afrika en die VSA om betrekkinge te herstel. Die toenemende agterstand in DNS-toetse by die polisie se forensiese laboratoriums wek kommer. ‘n Moontlike daling in die brandstofprys wag op motoriste.

Ons praat met ‘n militêre ontleder oor hoe en wanneer SA soldate aan die DRK sal onttrek. Die EU kondig 'n beleggingspakket van R94 miljard vir Suid-Afrika aan. 'n Dringende hofaansoek om die Kleuterzone-groep te likwideer.

Die regering sal steun vir sy begroting moet werf. Die ontvoerde Joshlin Smith is glo per skip na Wes-Afrika geneem - só word daar in die hofsaak getuig. Tyd word min vir belanghebbendes om die Formule 1-wedren terug na Suid-Afrika te bring.

'n Ekonoom en politieke partye gee hulle verwagtinge van die begrotingsrede. Oekraïne ondersteun 'n voorgestelde skietstaking van 30 dae met Rusland. Kommer oor 'n ongekende toename in diensleweringsbetogings in Noordwes.

Weerstand teen enige soort belastingverhoging neem toe. Die omstrede onteieningswet word dalk op gekaapte geboue in die Johannesburgse stadkern gebruik. Afrikaans is 'n honderd jaar oud! Of is dit? 'n Vooraanstaande klimaatwetenskaplike sê klimaatsverandering is erger as wat die bestaande modelle voorspel.

Die ANC wil sy takke in die Vrystaat versterk. Reaksie op die Amerikaanse president se jongste aanbod aan Suid-Afrikaanse boere. Huldeblyke stroom in ná die dood van dramaturg Athol Fugard.

President Ramaphosa sê samewerking tussen regeringsvlakke is die sleutel tot beter dienslewering. Die Nasionale Gesondheidsversekeringsplan word vanuit 'n ander oord gekritiseer. Die regering beoog om die toelae-stelsel meer vaartbelyn te maak. Wetenskaplikes begin om aalwyne in die Magaliesberg aan te plant.

Kelly Smith vertel die hof van die verdwyning van haar dogter, Joslin. ‘n Regskenner gee sy mening oor die Johannesburg-metro se plan om private kringtelevisiekamerastelsels te reguleer. Ons praat met professor Wim De Villiers, wat uittree as die rektor en visekanselier van die Universiteit Stellenbosch.

Amerika is terug, sê president Donald Trump in die Amerikaanse Kongres. 'n Ekonoom verduidelik wat die tariefoorlog tussen die VSA en sy handelsvennote vir Suid-Afrika en die res van die wêreld inhou. 'n Tweede polisiebeampte in die getuiebank in die Joslin Smith-verhoor.

Die drie beskuldigdes in die Joshlin Smith-hofsaak, pleit onskuldig. Die openbaarmaking van die register van seksoortreders is vir eers op ys. Action SA wil hê adjunkminister-poste moet geskrap word. Die regering van die Demokratiese Republiek die Kongo is nie bereid om vredesamesprekings met M23-rebelle te voer nie.

Die Britse eerste minister, Keir Starmer, sê Europa is by 'n kruispad in die geskiedenis. Ons bespreek die rol wat sekere seldsame minerale in oorloë speel. Hoe baie is daar om te vier vandag op Wêreld Natuurlewe dag?

Ons praat met 'n kenner oor die aanstelling van die Suid-Afrikaanse Lugdiens se nuwe baas, John Lamola. Die woordestryd oor Solidariteit en AfriForum se omstrede besoek aan Washington, woed voort. 'n Rasie-lied van 'n Wes-Kaapse skool trek internasionaal aandag op sosiale media. Die Amerikaanse president, Donald Trump, ontken dat hy die Oekraiense president, Wolodimir Zelenski, 'n diktator genoem het.

Inflasie bly binne die Reserwebank se teikenband. Die Wes-Kaapse regering wil meer werk skep. Die Passasierspooragentskap moet opdok nadat 'n vrou uit 'n trein gespring het. Die meeste Graad 3-leerlinge kan nié met begrip lees nie. Reaksie op Denemarke se besluit om die gebruik van selfone in skole te verbied.

Die regering begin 'n veldtog om MIV/Vigs-behandeling aan 'n bykomende 1,1 miljoen mense te verskaf. 'n Tweede vliegtuig met soldate wat in die DRK beseer is, kom in Suid-Afrika aan. Die DA verkla adjunkpresident Paul Mashatile en minister Barbary Creecy oor inmenging met die aanstel van die SAL-hoof.

Reaksie op die provinsiale rede van die premier van Gauteng, Panyaza Lesufi. Eskom sê hy vorder fluks met die herstelwerk aan onklaar eenhede. 'n Afrika-kommandowurm-plaag steek sy kop uit in drie provinsies. Die invloed van digitale platforms op plaaslike nuusmedia is in die kollig.