Middagvervolgverhaal

Susan en Essie is besig met inkopies toe Johan skielik sy verskyning maak. Susan kan hom nie oortuig om haar uit te los nie, en sy word gedwing om drastiese aksie te neem.

Tanya en Richard besluit uiteindelik op ‘n datum vir hulle troudag. Richard speel oop kaarte oor wat hy glo die nagevolge sal wees as meneer X suksesvol is in sy pogings om die trustfondsgeld te steel. Susan besoek Karl by die hospitaal. Die besoek het gevaarlike nagevolge vir een van hulle.

Dennis en Richard deel inligting oor die geheimsnnige meneer X, en wat hy met al die gesteelde geld sal doen as hy dit eers in die hande gekry het.

Susan besoek Richard op kantoor. Sy is vasbeslote om met die skeisaak voort te gaan. Richard verduidelik dat Karl in die moeilikheid is oor die geld wat uit die trustfondse verdwyn het. Susan hoor nou vir die eerste keer van meneer X en sy dreigemente.

Essie besoek haar pa, en dis nie lank voor hulle begin stry oor die geld wat Karl uit Susan se rekening gesteel het nie. Meneer X dreig Karl ‘n laaste keer oor die geld wat uit die trustfondse verdwyn het.

Karl sukkel om ʼn lys van privaatspeurders by Izel te kry. Susan laat vir Magda weet dat Lauren nou veilig in ʼn gastehuis bly, en wil hoor of sy as ʼn buitepasiënt by Nova behandel mag word. Meneer X dreig om Karl se misbruik van die trustfondse te onthul.

Lauren bel vir Susan om haar te laat weet dat sy veilig is. Susan oorreed haar om iewers saam met haar te gaan. Lauren skrik as sy besef waarheen hulle gaan.

Dokter Lewis wil by Susan hoor of sy weet waar Lauren is. Nadat Susan met haar ma oor Lauren se toekoms praat, besef sy dat sy die enigste persoon is wat Lauren sal kan help.

Johan, wat weier om te glo dat Susan nie op hom verlief is nie, kom ongenooid vir haar kuier. Susan sê vir hom om te loop, maar hy weier. Bettie probeer om haar dogter te help.

Terwyl Richard and Dennis oor die probleme tussen Susan en Karl gesels, bel meneer X vir Richard. Die bangmaakpraatjies van meneer X maak Richard woedend, en iets wat hy sê versterk Richard se vermoede oor wie agter die geheiomsinnge stem skuil.

Lauren laat weet Susan dat sy nie langer by Nova sal bly nie. Sy het ʼn vriend in Groenpunt wat vir haar blyplek sal gee. Susan vertel vir haar ma en dogter dat sy teruggaan universiteit toe.

Richard begin vermoed dat Izel nie so onskuldig is as wat sy voorgee nie. Karl sterk by die hospitaal aan. Hy beplan om al die geld wat hy weggedobbel het weer by die casino terug te wen.

Vir die eerste keer nadat sy by die Nova Rehabilitasiesentrum weg is, word Susan gekonfronteer met die drang om weer te begin drink.

Dennis speel vir Richard een van die opnames van meneer X, wat hy onwettig bekom het. Dis die eerste keer wat Richard meneer X se stem hoor. Tanya laat weet vir Karl dat daar berigte is dat Karl ʼn tweede hartaanval gehad het.

Susan besoek Magda vir ʼn opvolgsessie. Vir die eerste keer is sy eerlik oor haar gevoelens teenoor haar familie en die mans in haar lewe.

Karl probeer weer om Richard te oortuig om die sake teen hom terug te trek. Izel kan nie glo dat Karl besluit het om op te gee, en meneer X te gee wat hy vra nie.

Lauren bel vir Susan, sy is weer lus om weg te hardloop. Susan glo sy het haar oorreed om by Nova te bly. Richard probeer, sonder sukses, om Johan te oortuig om van Susan te vergeet.

Om dankie te sê vir hulle harde werk met haar dogter se saak, nooi Bettie vir Richard, Dennis en Myburgh na ʼn Griekse restaurant. Myburgh en Bettie leer mekaar ʼn bietjie beter ken.

Karl neem Susan na ʼn deftige restaurant om vrede te probeer maak. Johan maak onverwags sy verskyning.

Essie en haar ouma kom haal vir Susan by Nova Rehabilitasiesentrum. Susan moet gewoond raak aan haar nuwe lewensruimte.

Dis Magda en Susan se laaste privaatsessie. Sy het nou 30 dae by die sentrum spandeer en, Magda voel dat Susan huis toe kan gaan. Susan groet vir Lauren, en die twee van hulle doen iets spesiaal om te verseker dat hulle mekaar nie sal vergeet nie.

Johan bel vir Richard in ʼn desperate poging om sy verhouding met Susan te red. Richard deel met Dennis dat hy nie meer vir Izel vertrou nie. Iets is nie reg nie.

Susan en Magda sit vas oor Lauren. Magda wil hê dat Susan al haar energie aan haar eie probleme spandeer.

Susan bel vir Bettie en Essie, en die drie van hulle vang op. Izel erken aan Richard dat sy besig is om iets te doen wat almal van hulle in diep moeilikheid sal laat beland.

Richard en Karl sit lelik vas wanneer hulle oor die skeisaak praat. Meneer X plaas meer druk op Karl om te betaal.

Magda laat Johan toe om met Susan te praat. Susan probeer die verhouding beëindig, maar Johan weier om die realiteit van hulle situasie te aanvaar.

Dennis besoek die gastehuis in Kaapstad waar hy glo Essie wegkruip. Susan probeer om vir Lauren die vertroue te gee om hulp te aanvaar van die dokters en die mediese behandeling wat sy ontvang.

Karl kuier by die Nova Sentrum by Susan. Hy probeer haar oortuig om nie te skei nie. Dinge loop skeef. Dennis ondervra Bettie oor Essie se laaste dag by die huis, en kry toevallig ʼn baie goeie leidraad. Nou is hy op Essie se spoor!

Susan is weer by Magda vir ʼn privaatsessie. Noudat die druk van ʼn moontlike saak teen haar verdwyn het, sien Susan haar verblyf by die sentrum in ʼn nuwe lig. Karl vertel vir Izel van sy nuwe plan met meneer X.

Richard bring vir Susan goeie nuus dat alle klagtes teen haar teruggetrek is. Sy moet planne maak oor haar toekoms. Karl is weer tuis ná sy tydjie in die hospitaal. Meneer X bel, en dring aan op spoedige betaling.

Magda vertel vir Susan dat Essie verdwyn het. Lauren is weer terug by Nova Sentrum, maar hierdie keer is dit anders. Dennis besoek dokter Johan Kotze, en vra hom uit oor die ongeluk.

Karl vra Dennis se hulp om Essie op te spoor. Richard besoek weer vir Susan by die Nova Sentrum. Susan vertel hom van Johan, en hy besluit dat sy nog te emosioneel onstabiel is om te hoor van haar dogter se verdwyning.

Tanya, Myburgh en Dennis ontmoet en speel al die bure se veiligheidskamera se opnames. Hulle ontbloot skokkende feite oor die ongeluk. Bettie besoek Karl by die hospitaal met onverwagte nuus oor sy dogter.

Richard vertel vir Tanya hoe ontstellend sy besoek aan Nova Sentrum was, en dat die fisiese en geestelike impak van onttrekking duidelik by Susan te bespeur is. Izel daag ongenooid by Richard se woonstel op met ontstellende en gevaarlike nuus.

Richard besoek uiteindelik die Nova Sentrum, en hy laat Susan weet van al die jongste verwikkelinge met haar saak. As hulle kan uitvind wie die bestuurder is, sal die Staat alle klagtes teen haar terugtrek. Izel besoek Karl in die waakeenheid, en vertel hom van Richard se ontmoeting met Susan.

Karl word in die sorgeenheid deur sy dogter en skoonmoeder besoek. Dit neem nie lank voor Bettie en Karl oor geld begin stry nie. Myburgh en Dennis maak ʼn plan om die hoodie-man te ontmasker.

Karl sterk aan in die hospitaal se sorgeenheid. Izel kuier, en die twee beplan wat gedoen sal moet word om meneer X tevrede te stel. Lauren is van plan om daardie aand nog van die Nova Sentrum weg te loop, en nooi Susan saam.

Richard vra vir Tanya of sy vir Dennis en Myburgh kan help om ʼn beter videobeeld van die ongeluk te kry. Terwyl Karl en Izel besig is om te bepaal hoeveel meneer X oor die trustfondse weet, stort Karl skielik ineen.

Magda laat Susan weet dat daar bewerings is dat sy dalk nie ten tye van die ongeluk agter die stuurwiel was nie. Dié nuus ontstel en verwar vir Susan. Karl vertel vir Izel van meneer X, en vra haar om te help.

Richard en Magda sit vas oor toegang tot Susan. Magda gooi wal teen die idee van enige kommunikasie tussen haar pasiënt en iemand van buite Nova Rehabilitasiesentrum.

Myburgh wys vir Dennis en Richard die beeldmateriaal wat sy veiliheidskameras die aand van die ongeluk vasgevang het. Die beeldkwaliteit is swak en dis moeilik om die man wat uit die motor klim, te kan identifiseer.

Tydens ʼn privaatsessie tussen Susan en dokter Lewis by die Nova Sentrum, vertel Susan van haar minnaar, Johan. Laer daardie nag probeer Lauren om Susan met haar onttrekkingsimptome te help.

Susan en Lauren leer mekaar ʼn bietjie beter ken. Susan laat weet vir Lauren dat sy nou van strafbare manslag aangekla is. Meneer X plaas meer druk op Karl om die afpersgeld te betaal.

Richard verduidelik aan Tanya wat hulle tot dusver oor die ongeluk uitgevind het. Hy het die hof oorreed om Susan per videoskakel te laat verskyn vir die verandering van die klagtes teen haar. Bettie is bekommerd dat Essie miskien nie genoeg swot vir haar matriekeindeksamen nie. Essie laat glip dat sy dalk op ʼn seunsvriend by die skool verlief is.

Dennis kuier by Myburgh, en hoor in detail wat Sondag gebeur het. Daar is ʼn hele paar verrassings. Die ou man wil graag help om die geheimsinnige man wat Susan se motor bestuur het, vas te trek.

Richard laat Karl weet dat die fietsryer oornag in die hospitaal aan haar wonde beswyk het. Die klag teen Susan sal nou na strafbare manslag verander word. Dennis en Richard stel ondersoek in na die details van die ongeluk. Hulle ontmoet Myburgh wat ʼn heel ander teorie oor die ongeluk en bestuurder het.

Meneer X bel vir Karl. As Karl hom nie betaal nie, sal inligting uitlek oor die onwettige gebruik van geld uit sy trustfondse. Karl is desperaat, en probeer om sy finansiële probleme by die casino weg te dobbel.

Richard gee vir privaatspeurder Dennis Donovan opdrag om Susan se saak deeglik te ondersoek. Gedurende haar eerste afspraak met dokter Magda Lewis, senior sielkundige by die rehabilitasiesentrum, besef Susan hoe moeilik dit vir haar sal wees om sonder alkohol oor die weg te kan kom.

Susan Cilliers word op borgtog vrygelaat. Een van die borgvoorwaardes is dat sy ʼn maand by die Nova Rehabilitasiesentrum moet deurbring. Karl oorreed Susan om ʼn dokument te teken wat hom in beheer van al haar finansies plaas. By die Nova Sentrum stel Lauren, ʼn dwelmverslaafde, haarself aan Susan voor.

Susan Cilliers, ʼn bekende neurochirurg, word gearresteer en van dronkbestuur aangekla. Karl, haar man en ʼn bekende prokureur, word in die geheim deur ʼn onbekende meneer X afgepers. Lank versteekte verslawings en geheime word skielik blootgelê.