
Fotbolti.net
2,774 episodes — Page 51 of 56

Pepsi-hringborðið - Hitað upp fyrir 6. umferð með Grétari
Elvar Geir Magnússon, Magnús Már Einarsson og Grétar Sigfinnur Sigurðarson hituðu upp fyrir 6. umferð Pepsi-deildar karla i útvarpsþættinum Fótbolti.net á X-inu FM 97,7.

Innkastið - Stig sem litlu breytir og Grindavíkurgleði
Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Elvar Geir Magnússon og Magnús Már Einarsson fara yfir umferðina með fréttariturum og sérfræðingum.

Davíð Kristján: Fékk að heyra það eftir Cheerios-auglýsinguna
Davíð Kristján Ólafsson, leikmaður Breiðabliks, var í viðtali sem tók óvænta stefnu í útvarpsþættinum Fótbolti.net á X-inu.

Pepsi-hringborðið - Ítarleg upphitun fyrir 5. umferðina
Framundan er 3. umferð Pepsi-deildarinnar og var hitað vel upp í útvarpsþættinum Fótbolti.net á X-inu í dag. Gestur var Grétar Sigfinnur Sigurðarson, sérfræðingur þáttarins. Elvar Geir Magnússon og Benedikt Bóas Hinriksson ræddu við Grétar um helstu tíðindi deildarinnar og spáðu í spilin fyrir komandi umferð.

Inkasso-yfirferð: Fjörug byrjun á deildinni
Inkasso-deildin, 1. deild karla, fer ákaflega skemmtilega af stað en fjórða umferðin er í fullum gangi.

Innkastið - Lokahóf ensku deildarinnar
Það er komið að Evrópu-Innkastinu en í þessum þætti er rætt um sigur Manchester United í Evrópudeildinni og enska úrvalsdeildin gerð upp. Farið er lauslega yfir tímabil allra liða í deildinni.

Innkastið - Samsæriskenningar og meistarar að elta
Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Einnig verður af og til litið niður í Inkasso-deildina og bikarkeppnina.

4. umferð Pepsi skoðuð og rætt um stórtíðindin úr Víkinni
Elvar Geir Magnússon og Tómas Þór Þórðarson hituðu upp fyrir 4. umferð Pepsi-deildarinnar á X-inu í dag. Tryggvi Guðmundsson, sérfræðingur þáttarins, var á línunni. Rætt var um stóru fréttirnar úr Fossvoginum en Milos Milojevic varð í gær annar þjálfarinn í deildinni sem hverfur á braut.

Enska hringborðið - Tímabilið gert upp með Tryggva og Kristjáni
Elvar Geir Magnússon og Tómas Þór Þórðarson héldu að vanda um stjórnartaumana í útvarpsþættinum Fótbolti.net á X-inu FM 97,7 í dag. Enska hringborðið var dregið fram. Komin er inn upptaka af hringborðinu en sérfræðingar þáttarins, Tryggvi Páll Tryggvason af raududjoflarnir.is og Kristján Atli Ragnarsson af kop.is fóru yfir tímabilið og völdu úrvalslið tímabilsins og fleira.

Innkastið - Jóhann Már fer yfir meistaratímabil Chelsea
Jóhann Már Helgason, stuðningsmaður Chelsea, er sérstakur gestur í Evrópu-Innkastinu þessa vikuna. Chelsea hefur tryggt sér enska meistaratitilinn og því blásum við til Meistara-Innkasts.

Innkastið - Þrumustuð og stórslagur í þriðju umferð
Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Einnig verður af og til litið niður í Inkasso-deildina og bikarkeppnina.

Siggi Lár: Óli og Bjössi stærsta ástæðan fyrir því að ég var áfram
Sigurður Egill Lárusson, leikmaður Vals, kom í ítarlegt viðtal í útvarpsþættinum Fótbolti.net á X-inu á laugardaginn. Valsmenn hafa farið virkilega vel af stað í Pepsi-deildinni og unnið báða leiki sína af öryggi.

4. deildar Innkastið - Spáin fyrir sumarið og lið ársins 2016
Sjálftitluðu 4. deildar sérfræðingarnir Ingólfur Sigurðsson og Runólfur Trausti snúa hér aftur í þætti tvö af 4. deildar Innkastinu.

Pepsi-hringborðið - Ítarleg upphitun fyrir 3. umferðina
Framundan er 3. umferð Pepsi-deildarinnar og var hitað vel upp í útvarpsþættinum Fótbolti.net á X-inu í dag. Gestur var Grétar Sigfinnur Sigurðarson, sérfræðingur þáttarins. Tómas Þór Þórðarson og Elvar Geir Magnússon ræddu helstu tíðindi deildarinnar og spáðu í spilin fyrir komandi umferð.

Inkasso-yfirferð með Davíð Snorra
Davíð Snorri Jónasson, aðstoðarþjálfari Stjörnunnar, er útvarpsþættinum Fótbolti.net til halds og trausts þegar kemur að því að fylgjast með Inkasso-deildinni. Annarri umferð deildarinnar er að ljúka og var farið yfir málin í þættinum í dag. Elvar Geir Magnússon og Tómas Þór Þórðarson ræddu við Davíð og er hægt að heyra umræðuna í spilaranum hér að ofan.

Ítalski boltinn - Juventus
Í vikunni komst Juventus í úrslitaleik meistaradeildarinnar og er því við hæfi að podcast vikunnar fjalli um la vecchia signora - Gömlu dömuna. Liðið er sigursælasta félagslið Ítalíu frá upphafi og hefur unnið ítölsku deildina síðastliðin fimm ár. Í þættinum verður fjallað um skrautlegu eigendafjölskyldu liðsins, Danina tvo sem léku með Juventus og hétu sama nafni, stórkostlega markmannssögu félagsins og auðvitað einn besta leikmann félagsins frá upphafi sem var einmitt frá Wales, þar sem úrslitaleikur meistaradeildarinnar fer fram í júní.

Innkastið - Vinavellir hrópa á Ajax og Man Utd
Elvar Geir Magnússon og Daníel Geir Moritz fóru yfir dramatískt Evrópudeildarkvöld og ræddu ýmislegt fleira í Evrópu-Innkasti kvöldsins. Daníel var með fréttaskýringu varðandi baráttuna um að enda í topp fjórum í ensku úrvalsdeildinni og Elvar fór yfir uppgang Ajax og ferð sína til Englands.

Championship-Innkastið - Áhugaverðir eigendur og stórveldi með peninga
Keppni í ensku Championship deildinni lauk um helgina eftir maraþon tímabil. Newcastle og Brighton eru komin upp í ensku úrvalsdeildina en framundan er umspil hjá Reading, Sheffield Wednesday, Huddersfield og Fulham um síðasta lausa sætið. Gunnar Sigurðarson, Gunnar á völlum, og Viðar Ingi Pétursson fylgjast með hverju sparki í Championship deildinni. Magnús Már Einarsson settist niður með þeim og fór yfir tímabilið í ástríðunni í Championship.

Skotarnir í FH mættu í gott spjall í útvarpsþættinum
Skotarnir í FH, Steven Lennon og Robbie Crawford, voru gestir í útvarpsþættinum Fótbolti.net á X-inu FM 97,7 á laugardaginn og ræddu þar við Tómas Þór Þórðarson.

Innkastið - Fyrsta stígvélið kom snemma í Kópavogi
Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Einnig verður af og til litið niður í Inkasso-deildina líka.

Gummi Tóta vonast til að geta gefið út fleiri lög
Guðmundur Þórarinsson var í viðtali í útvarpsþætti Fótbolta.net á X-inu á laugardaginn. Þar ræddi hann meðal annars frabært mark sem hann skoraði í 3-3 jafntefli Norrköping og Djurgarden í sænsku úrvalsdeildinni á dögunum. Guðmundur telur að markið sé það flottasta á ferlinum hingað til.

Upptaka - Tryggvi skoðar aðra umferðina í Pepsi
Tryggvi Guðmundsson var á línunni í útvarpsþætti Fótbolta.net á X-inu 97,7 í gær. Tryggvi skoðaði þar aðra umferðina í Pepsi-deildinni sem er framundan.

Ítalski boltinn - Calcio, trequartista, regista, metronome
Ítalski boltinn er Podcast í umsjón Björns Más Ólafssonar. Í hverjum þætti er fjallað ítarlega um eitt ítalskt knattspyrnulið á Ítalíu. Farið er yfir sögu félagsins, menningu og áhugaverðar staðreyndir.

Innkastið - Lambabaka, markaleysi, fall og dýfur
Daníel Geir Moritz reif sig upp úr veikindum til að fara yfir boltann með Elvari Geir Magnússyni í Evrópu-Innkasti vikunnar. Daníel var um helgina á leik Crystal Palace og Burnley og kom með skýrslu frá þeirri ferð þar sem hann smakkaði meðal annars lambaböku.

Innkastið - Stig fuku í óvæntar áttir í fyrstu umferð
Íslenska útgáfan af Innkastinu verður á dagskrá eftir hverja umferð í Pepsi-deildinni í sumar. Einnig verður af og til litið niður í Inkasso-deildina líka. Elvar Geir Magnússon og Magnús Már Einarsson fara yfir umferðina með fréttariturum og sérfræðingum. Í dag eru allir leikir fyrstu umferðar skoðaðir og er Brynjar Ingi Erluson með þeim en hann skrifaði um viðureign KR og Víkings R. þar sem óvæntustu úrslitin litu dagsins ljós.

Inkasso-hringborðið - Hitað upp fyrir deildina
Elvar Geir Magnússon og Tómas Þór Þórðarson voru á sínum stað í útvarpsþættinum Fótbolti.net á X-inu FM 97,7. Þar var veglegt hringborð þar sem hitað var upp fyrir Inkasso-deildina, 1. deild karla. Davíð Snorri Jónasson, aðstoðarþjálfari Stjörnunnar, og Magnús Már Einarsson voru sérstakir sérfræðingar.

Pepsi-hringborðið - Grétar Sigfinnur nýr sérfræðingur
Pepsi-deildin er að hefjast og það var heljarinnar Pepsi-hringborð á X-inu FM 97,7 þar sem hitað var upp í átökin. Nýr sérfræðingur útvarpsþáttarins, Grétar Sigfinnur Sigurðarson, mætti stúdíó. Grétar spilar í dag fyrir Þrótt og er gríðarlega sigursæll í íslenska boltanum og þekkir vel inn í félög Pepsi-deildarinnar.

Ítalski boltinn - Crotone
Í þessari viku heimsækjum við fallbaráttuliðið Crotone sem kemur úr dýpsta mafíulandi Suður-Ítalíu. Þar finnum við forseta sem þurfti að segja af sér vegna of náinna tengsla við 'Ndrangheta mafíuna, heimavöll sem er byggður á fornminjasvæði og stuðningsmannasveit sem er nefnd í höfuðið á stærðfræðingnum og heimspekingnum Pýþagorasi. Ítalski boltinn er Podcast í umsjón Björns Más Ólafssonar. Í hverjum þætti er fjallað ítarlega um eitt ítalskt knattspyrnulið á Ítalíu. Farið er yfir sögu félagsins, menningu og áhugaverðar staðreyndir.

Innkastið - Jákvætt og neikvætt af Messi og Ronaldo
Það er komið að Evrópu-Innkasti vikunnar en aðra vikuna í röð er það á fimmtudagskvöldi. Rætt er um leik Manchester United og Manchester City í kvöld sem endaði með markalausu jafntefli.

Heimir Guðjóns: Höfum reynt að laga sóknarleikinn
„Það er ljóst að það verður erfiður róður að verja þennan titil því það eru mörg lið sem gera tilkall og hafa verið að spila mjög vel á undirbúningstímabilinu," segir Heimir Guðjónsson, þjálfari Íslandsmeistara FH, í viðtali við Fótbolta.net fyrir komandi tímabil.

Óli Jó: Samkeppnisfærir um að vinna þetta mót
Valsmenn hafa litið vel út á undirbúningstímabilinu og er þeim spáð 2. sæti í Pepsi-deildinni í sumar. Ólafur Jóhannesson, þjálfari liðsins, fékk sér kaffibolla á skrifstofu Fótbolta.net og ræddi komandi tímabil.

Willum: Synirnir mínir hörðustu gagnrýnendur
Willum Þór Þórsson var valinn þjálfari ársins af Fótbolta.net í fyrra en hann tók við KR þegar liðið var í fallhættu en skilaði því í Evrópukeppni. Hann gerði áframhaldandi samning eftir tímabilið og er KR-ingum er spáð þriðja sætinu í Pepsi-deildinni í fyrra.

Rúnar Páll: Bærinn fer á hliðina við þetta
„Ég held að ekkert lið eigi eftir að stinga af eins og gerðist með FH í lokaumferðunum í fyrra. Þó að við höfum hafnað fjórum stigum frá þeim þá voru þeir búnir að vinna þetta þegar tvær umferðir voru eftir. Ég held að mótið verði jafnara núna. Það getur ekkert lið farið inn í leik með öruggan sigur," segir Rúnar Páll Sigmundsson, þjálfari Stjörnunnar, um Pepsi-deildina sem er framundan í sumar. Garðbæingar enduðu í 2. sæti í fyrra og vilja ná að gera atlögu að titlinum í ár.

Höddi Magg um Pepsi-mörkin og deildina framundan
Hörður Magnússon, umsjónarmaður Pepsi-markanna á Stöð 2 Sport, kom í heimsókn í útvarpsþáttinn Fótbolti.net á X-inu FM 97,7 í gær. Flautað verður til leiks í Pepsi-deildinni sunnudaginn 29. apríl. Í fyrri hluta spjallsins við Hörð sagði hann frá því með hvaða hætti Pepsi-deildinni verður gerð skil í sjónvarpinu í sumar en veislan hefst með upphitunarþætti næsta föstudagskvöld.

Tryggvi færir ÍBV og KR - Veðbanki Elvars og Tómasar
Þegar rúm vika er í Pepsi-deildina var hitað vel upp fyrir komandi átök í útvarpsþættinum Fótbolti.net á X-inu í dag. Elvar Geir Magnússon og Tómas Þór Þórðarson spáðu í spilin með sérfræðingnum Tryggva Guðmundssyni.

Tryggvi Páll: Væri 'game over' hjá öðrum en Zlatan
„Það bendir til þess að hann hafi slitið allt í hnénu í drasl. Við erum að tala um einhverja 8-9 mánuði frá. Þetta lítur illa út," sagði Tryggvi Páll Tryggvason á raududjoflarnir.is um meiðsli Zlatan Ibrahimovic, sóknarmanns Manchester United. Þessi 35 ára Svíi meiddist illa í sigri United gegn Anderlecht í Evrópudeildinni á fimmtudagskvöld.

Arnar Grétars: Reynum að gera atlögu að titlum
„Ég átti alveg eins von á þessu. Undirbúningstímabilið hefur ekki verið frábært og þetta kemur ekki á óvart," sagði Arnar Grétarsson, þjálfari Breiðabliks, um spá Fótbolta.net en liðinu er spáð 5. sæti.

Ítalski boltinn - Atalanta
Í þessari viku heimsækjum við kannski bestu unglingaakademíu Ítalíu, síðhærða glaumgosa sem fengu bönn vegna fíkniefnanotkunar og veðmálasvindls en fyrst og fremst heimsækjum við borgina Bergamo við Alparætur, spútniklið Serie-A í ár: Atalanta. Ítalski boltinn er Podcast í umsjón <b>Björns Más Ólafssonar</b>. Í hverjum þætti er fjallað ítarlega um eitt ítalskt knattspyrnulið á Ítalíu. Farið er yfir sögu félagsins, menningu og áhugaverðar staðreyndir.

Innkastið - Bestur í vörn og mest á bekk
Eftir nauman sigur Manchester United gegn Anderlecht í kvöld var Evrópu-Innkast vikunnar tekið upp. Elvar Geir Magnússon og Daníel Geir Moritz fóru yfir allt það helsta.

Gústi Gylfa: Það er ekki fyrsta summan sem skiptir öllu máli
„Þetta er kannski raunhæft miðað við það sem hefur gert frá því í fyrra. Við vorum í 4. sæti þá og grátlega nálægt því að komast í Evrópukeppnina," segir Ágúst Gylfason, þjálfari Fjölnis, en liðinu er spáð 6. sæti í sumar af Fótbolta.net.

Túfa: Umræðan um okkur hefur bara snúist um peninga
Srdjan Tufegdzic, eða Túfa eins hann er kallaður, er þjálfari nýliða KA í Pepsi-deildinni en KA er spáð 7. sæti. Túfa kom hingað til lands upphaflega sem leikmaður í KA árið 2006. Í viðtali við Fótbolta.net fyrir komandi tímabil segir Túfa frá aðdragandandanum að því að hann hingað til lands.

Milos: Ekki eðlilegt að leikmenn fari á skíði eða snjóbretti
„Við höfum bætt okkur síðustu fjögur ár í stigastöfnun, stöðugleika og spilamennsku. Við ætlum að gera það líka í ár og ég og leikmenn verðum ekki sáttir ef við endum í 8. sæti," segir Milos Milojevic en Fótbolti.net spáir liðinu 8. sæti í Pepsi-deildinni í sumar. Milos setur markið hærra.

Kristján Guðmunds: Allt annar veruleiki en liðin á höfuðborgarsvæðinu upplifa
„Liðinu er spáð sama gengi og undanfarin ár. Sérfræðingar telja að við höfum ekki bætt okkur nógu mikið í vetur og við þurfum að taka þessu," segir Kristján Guðmundsson, þjálfari ÍBV, um spá Fótbolta.net fyrir Pepsi-deildina en Eyjamönnum er spáð níunda sætinu í sumar.

Evrópurúntur með Magga og Elvari - Meistaradeildin og þeir bestu í enska
Elvar Geir Magnússon og Magnús Már Einarsson ræddu um Evrópufótboltann í útvarpsþættinum Fótbolti.net á X-inu í dag.

Ítalski boltinn - Sampdoria
Í dag heimsækjum við Sampdoria. Þar finnum við framherja sem skorar bara flott mörk og glímdi við eltihrelli í mörg ár, skallaörninn frá Genoa sem er vinsæll í Crystal Palace og Roberto Mancini sem stjórnaði öllu jafnvel þótt hann væri bara leikmaður. Og hvað er málið með að framherjar í dag eru hættur að sóla markvörðinn?

Gulli Jóns: Veturinn erfiður varðandi áföll
„Við ætlum okkur að vera ofar," segir Gunnlaugur Jónsson, þjálfari ÍA, við Fótbolta.net. Skagamenn eru í tíunda sæti í spá okkar fyrir Pepsi-deildina en liðið hafnaði í því áttunda í fyrra.

Óli Stefán: Horfði til Conte hjá Juventus þegar ég pældi í 3-5-2
„Það er ljóst að okkar fyrsta markmið er að forðast fallsætin tvö," segir Óli Stefán Flóventsson, þjálfari nýliða Grindavíkur. Grindvíkingum er spáð 11. sæti og þar með falli í spá Fótbolta.net. Óli segir að hópurinn sé í góðum málum varðandi líkamlegt form og taktík nú þegar styttist í mót en hann vill ná að bæta við hópinn áður en flautað verður til leiks.

Ejub: Spyr stundum hvort það sé í lagi með þetta fólk?
„Við endum ekki í fallsæti. Trúin og vonin deyr síðast. Ég hef alltaf trú á sjálfum mér, liðinu og fólkinu í kringum mig. Ég finn einhverja leið til að berjast og halda Víkingi í efstu deild í allavega eitt ár í viðbót," segir Ejub Purisevic, þjálfari Víkings Ólafsvíkur, en Fótbolti.net spáir liðinu botnsætinu í Pepsi-deildinni í sumar.

Innkastið - Enginn hræddur við Arsenal
Meistaradeildin og enski boltinn taka mikið pláss í Evrópu-Innkastinu að þessu sinni en við kíkjum einnig til Spánar, Þýskalands, Ítalíu, Noregs og Ísafjarðar svo eitthvað sé nefnt. Elvar Geir Magnússon og Daníel Geir Moritz horfðu á Arsenal tapa gegn Crystal Palace og ræddu síðan málin.

Eyjamenn gestir í útvarpinu: Höfum ekki áhuga á fallbaráttu
Tveir leikmenn ÍBV voru gestir í útvarpsþættinum Fótbolti.net á X-inu á laugardaginn, miðvörðurinn Hafsteinn Briem og færeyski landsliðsbakvörðurinn Jónas Þór Næs. Hafsteinn var besti leikmaður ÍBV í fyrra en Jónas, sem lék með Val 2011-2013, gekk í raðir Eyjamanna í vetur eftir að hafa leikið heima í Færeyjum síðustu ár.