Fotbolti.net

Jóhann Már Helgason, stuðningsmaður Chelsea, er sérstakur gestur í Evrópu-Innkastinu þessa vikuna. Chelsea hefur tryggt sér enska meistaratitilinn og því blásum við til Meistara-Innkasts.

Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Einnig verður af og til litið niður í Inkasso-deildina og bikarkeppnina.

Sigurður Egill Lárusson, leikmaður Vals, kom í ítarlegt viðtal í útvarpsþættinum Fótbolti.net á X-inu á laugardaginn. Valsmenn hafa farið virkilega vel af stað í Pepsi-deildinni og unnið báða leiki sína af öryggi.

Sjálftitluðu 4. deildar sérfræðingarnir Ingólfur Sigurðsson og Runólfur Trausti snúa hér aftur í þætti tvö af 4. deildar Innkastinu.

Framundan er 3. umferð Pepsi-deildarinnar og var hitað vel upp í útvarpsþættinum Fótbolti.net á X-inu í dag. Gestur var Grétar Sigfinnur Sigurðarson, sérfræðingur þáttarins. Tómas Þór Þórðarson og Elvar Geir Magnússon ræddu helstu tíðindi deildarinnar og spáðu í spilin fyrir komandi umferð.

Davíð Snorri Jónasson, aðstoðarþjálfari Stjörnunnar, er útvarpsþættinum Fótbolti.net til halds og trausts þegar kemur að því að fylgjast með Inkasso-deildinni. Annarri umferð deildarinnar er að ljúka og var farið yfir málin í þættinum í dag. Elvar Geir Magnússon og Tómas Þór Þórðarson ræddu við Davíð og er hægt að heyra umræðuna í spilaranum hér að ofan.

Í vikunni komst Juventus í úrslitaleik meistaradeildarinnar og er því við hæfi að podcast vikunnar fjalli um la vecchia signora - Gömlu dömuna. Liðið er sigursælasta félagslið Ítalíu frá upphafi og hefur unnið ítölsku deildina síðastliðin fimm ár. Í þættinum verður fjallað um skrautlegu eigendafjölskyldu liðsins, Danina tvo sem léku með Juventus og hétu sama nafni, stórkostlega markmannssögu félagsins og auðvitað einn besta leikmann félagsins frá upphafi sem var einmitt frá Wales, þar sem úrslitaleikur meistaradeildarinnar fer fram í júní.

Elvar Geir Magnússon og Daníel Geir Moritz fóru yfir dramatískt Evrópudeildarkvöld og ræddu ýmislegt fleira í Evrópu-Innkasti kvöldsins. Daníel var með fréttaskýringu varðandi baráttuna um að enda í topp fjórum í ensku úrvalsdeildinni og Elvar fór yfir uppgang Ajax og ferð sína til Englands.

Keppni í ensku Championship deildinni lauk um helgina eftir maraþon tímabil. Newcastle og Brighton eru komin upp í ensku úrvalsdeildina en framundan er umspil hjá Reading, Sheffield Wednesday, Huddersfield og Fulham um síðasta lausa sætið. Gunnar Sigurðarson, Gunnar á völlum, og Viðar Ingi Pétursson fylgjast með hverju sparki í Championship deildinni. Magnús Már Einarsson settist niður með þeim og fór yfir tímabilið í ástríðunni í Championship.

Skotarnir í FH, Steven Lennon og Robbie Crawford, voru gestir í útvarpsþættinum Fótbolti.net á X-inu FM 97,7 á laugardaginn og ræddu þar við Tómas Þór Þórðarson.

Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Einnig verður af og til litið niður í Inkasso-deildina líka.

Guðmundur Þórarinsson var í viðtali í útvarpsþætti Fótbolta.net á X-inu á laugardaginn. Þar ræddi hann meðal annars frabært mark sem hann skoraði í 3-3 jafntefli Norrköping og Djurgarden í sænsku úrvalsdeildinni á dögunum. Guðmundur telur að markið sé það flottasta á ferlinum hingað til.

Tryggvi Guðmundsson var á línunni í útvarpsþætti Fótbolta.net á X-inu 97,7 í gær. Tryggvi skoðaði þar aðra umferðina í Pepsi-deildinni sem er framundan.

Ítalski boltinn er Podcast í umsjón Björns Más Ólafssonar. Í hverjum þætti er fjallað ítarlega um eitt ítalskt knattspyrnulið á Ítalíu. Farið er yfir sögu félagsins, menningu og áhugaverðar staðreyndir.

Daníel Geir Moritz reif sig upp úr veikindum til að fara yfir boltann með Elvari Geir Magnússyni í Evrópu-Innkasti vikunnar. Daníel var um helgina á leik Crystal Palace og Burnley og kom með skýrslu frá þeirri ferð þar sem hann smakkaði meðal annars lambaböku.

Íslenska útgáfan af Innkastinu verður á dagskrá eftir hverja umferð í Pepsi-deildinni í sumar. Einnig verður af og til litið niður í Inkasso-deildina líka. Elvar Geir Magnússon og Magnús Már Einarsson fara yfir umferðina með fréttariturum og sérfræðingum. Í dag eru allir leikir fyrstu umferðar skoðaðir og er Brynjar Ingi Erluson með þeim en hann skrifaði um viðureign KR og Víkings R. þar sem óvæntustu úrslitin litu dagsins ljós.

Elvar Geir Magnússon og Tómas Þór Þórðarson voru á sínum stað í útvarpsþættinum Fótbolti.net á X-inu FM 97,7. Þar var veglegt hringborð þar sem hitað var upp fyrir Inkasso-deildina, 1. deild karla. Davíð Snorri Jónasson, aðstoðarþjálfari Stjörnunnar, og Magnús Már Einarsson voru sérstakir sérfræðingar.

Pepsi-deildin er að hefjast og það var heljarinnar Pepsi-hringborð á X-inu FM 97,7 þar sem hitað var upp í átökin. Nýr sérfræðingur útvarpsþáttarins, Grétar Sigfinnur Sigurðarson, mætti stúdíó. Grétar spilar í dag fyrir Þrótt og er gríðarlega sigursæll í íslenska boltanum og þekkir vel inn í félög Pepsi-deildarinnar.

Í þessari viku heimsækjum við fallbaráttuliðið Crotone sem kemur úr dýpsta mafíulandi Suður-Ítalíu. Þar finnum við forseta sem þurfti að segja af sér vegna of náinna tengsla við 'Ndrangheta mafíuna, heimavöll sem er byggður á fornminjasvæði og stuðningsmannasveit sem er nefnd í höfuðið á stærðfræðingnum og heimspekingnum Pýþagorasi. Ítalski boltinn er Podcast í umsjón Björns Más Ólafssonar. Í hverjum þætti er fjallað ítarlega um eitt ítalskt knattspyrnulið á Ítalíu. Farið er yfir sögu félagsins, menningu og áhugaverðar staðreyndir.

Það er komið að Evrópu-Innkasti vikunnar en aðra vikuna í röð er það á fimmtudagskvöldi. Rætt er um leik Manchester United og Manchester City í kvöld sem endaði með markalausu jafntefli.

„Það er ljóst að það verður erfiður róður að verja þennan titil því það eru mörg lið sem gera tilkall og hafa verið að spila mjög vel á undirbúningstímabilinu," segir Heimir Guðjónsson, þjálfari Íslandsmeistara FH, í viðtali við Fótbolta.net fyrir komandi tímabil.

Valsmenn hafa litið vel út á undirbúningstímabilinu og er þeim spáð 2. sæti í Pepsi-deildinni í sumar. Ólafur Jóhannesson, þjálfari liðsins, fékk sér kaffibolla á skrifstofu Fótbolta.net og ræddi komandi tímabil.

Willum Þór Þórsson var valinn þjálfari ársins af Fótbolta.net í fyrra en hann tók við KR þegar liðið var í fallhættu en skilaði því í Evrópukeppni. Hann gerði áframhaldandi samning eftir tímabilið og er KR-ingum er spáð þriðja sætinu í Pepsi-deildinni í fyrra.

„Ég held að ekkert lið eigi eftir að stinga af eins og gerðist með FH í lokaumferðunum í fyrra. Þó að við höfum hafnað fjórum stigum frá þeim þá voru þeir búnir að vinna þetta þegar tvær umferðir voru eftir. Ég held að mótið verði jafnara núna. Það getur ekkert lið farið inn í leik með öruggan sigur," segir Rúnar Páll Sigmundsson, þjálfari Stjörnunnar, um Pepsi-deildina sem er framundan í sumar. Garðbæingar enduðu í 2. sæti í fyrra og vilja ná að gera atlögu að titlinum í ár.

Hörður Magnússon, umsjónarmaður Pepsi-markanna á Stöð 2 Sport, kom í heimsókn í útvarpsþáttinn Fótbolti.net á X-inu FM 97,7 í gær. Flautað verður til leiks í Pepsi-deildinni sunnudaginn 29. apríl. Í fyrri hluta spjallsins við Hörð sagði hann frá því með hvaða hætti Pepsi-deildinni verður gerð skil í sjónvarpinu í sumar en veislan hefst með upphitunarþætti næsta föstudagskvöld.

Þegar rúm vika er í Pepsi-deildina var hitað vel upp fyrir komandi átök í útvarpsþættinum Fótbolti.net á X-inu í dag. Elvar Geir Magnússon og Tómas Þór Þórðarson spáðu í spilin með sérfræðingnum Tryggva Guðmundssyni.

„Það bendir til þess að hann hafi slitið allt í hnénu í drasl. Við erum að tala um einhverja 8-9 mánuði frá. Þetta lítur illa út," sagði Tryggvi Páll Tryggvason á raududjoflarnir.is um meiðsli Zlatan Ibrahimovic, sóknarmanns Manchester United. Þessi 35 ára Svíi meiddist illa í sigri United gegn Anderlecht í Evrópudeildinni á fimmtudagskvöld.

„Ég átti alveg eins von á þessu. Undirbúningstímabilið hefur ekki verið frábært og þetta kemur ekki á óvart," sagði Arnar Grétarsson, þjálfari Breiðabliks, um spá Fótbolta.net en liðinu er spáð 5. sæti.

Í þessari viku heimsækjum við kannski bestu unglingaakademíu Ítalíu, síðhærða glaumgosa sem fengu bönn vegna fíkniefnanotkunar og veðmálasvindls en fyrst og fremst heimsækjum við borgina Bergamo við Alparætur, spútniklið Serie-A í ár: Atalanta. Ítalski boltinn er Podcast í umsjón <b>Björns Más Ólafssonar</b>. Í hverjum þætti er fjallað ítarlega um eitt ítalskt knattspyrnulið á Ítalíu. Farið er yfir sögu félagsins, menningu og áhugaverðar staðreyndir.

Eftir nauman sigur Manchester United gegn Anderlecht í kvöld var Evrópu-Innkast vikunnar tekið upp. Elvar Geir Magnússon og Daníel Geir Moritz fóru yfir allt það helsta.

„Þetta er kannski raunhæft miðað við það sem hefur gert frá því í fyrra. Við vorum í 4. sæti þá og grátlega nálægt því að komast í Evrópukeppnina," segir Ágúst Gylfason, þjálfari Fjölnis, en liðinu er spáð 6. sæti í sumar af Fótbolta.net.

Srdjan Tufegdzic, eða Túfa eins hann er kallaður, er þjálfari nýliða KA í Pepsi-deildinni en KA er spáð 7. sæti. Túfa kom hingað til lands upphaflega sem leikmaður í KA árið 2006. Í viðtali við Fótbolta.net fyrir komandi tímabil segir Túfa frá aðdragandandanum að því að hann hingað til lands.

„Við höfum bætt okkur síðustu fjögur ár í stigastöfnun, stöðugleika og spilamennsku. Við ætlum að gera það líka í ár og ég og leikmenn verðum ekki sáttir ef við endum í 8. sæti," segir Milos Milojevic en Fótbolti.net spáir liðinu 8. sæti í Pepsi-deildinni í sumar. Milos setur markið hærra.

„Liðinu er spáð sama gengi og undanfarin ár. Sérfræðingar telja að við höfum ekki bætt okkur nógu mikið í vetur og við þurfum að taka þessu," segir Kristján Guðmundsson, þjálfari ÍBV, um spá Fótbolta.net fyrir Pepsi-deildina en Eyjamönnum er spáð níunda sætinu í sumar.

Elvar Geir Magnússon og Magnús Már Einarsson ræddu um Evrópufótboltann í útvarpsþættinum Fótbolti.net á X-inu í dag.

Í dag heimsækjum við Sampdoria. Þar finnum við framherja sem skorar bara flott mörk og glímdi við eltihrelli í mörg ár, skallaörninn frá Genoa sem er vinsæll í Crystal Palace og Roberto Mancini sem stjórnaði öllu jafnvel þótt hann væri bara leikmaður. Og hvað er málið með að framherjar í dag eru hættur að sóla markvörðinn?

„Við ætlum okkur að vera ofar," segir Gunnlaugur Jónsson, þjálfari ÍA, við Fótbolta.net. Skagamenn eru í tíunda sæti í spá okkar fyrir Pepsi-deildina en liðið hafnaði í því áttunda í fyrra.

„Það er ljóst að okkar fyrsta markmið er að forðast fallsætin tvö," segir Óli Stefán Flóventsson, þjálfari nýliða Grindavíkur. Grindvíkingum er spáð 11. sæti og þar með falli í spá Fótbolta.net. Óli segir að hópurinn sé í góðum málum varðandi líkamlegt form og taktík nú þegar styttist í mót en hann vill ná að bæta við hópinn áður en flautað verður til leiks.

„Við endum ekki í fallsæti. Trúin og vonin deyr síðast. Ég hef alltaf trú á sjálfum mér, liðinu og fólkinu í kringum mig. Ég finn einhverja leið til að berjast og halda Víkingi í efstu deild í allavega eitt ár í viðbót," segir Ejub Purisevic, þjálfari Víkings Ólafsvíkur, en Fótbolti.net spáir liðinu botnsætinu í Pepsi-deildinni í sumar.

Meistaradeildin og enski boltinn taka mikið pláss í Evrópu-Innkastinu að þessu sinni en við kíkjum einnig til Spánar, Þýskalands, Ítalíu, Noregs og Ísafjarðar svo eitthvað sé nefnt. Elvar Geir Magnússon og Daníel Geir Moritz horfðu á Arsenal tapa gegn Crystal Palace og ræddu síðan málin.

Tveir leikmenn ÍBV voru gestir í útvarpsþættinum Fótbolti.net á X-inu á laugardaginn, miðvörðurinn Hafsteinn Briem og færeyski landsliðsbakvörðurinn Jónas Þór Næs. Hafsteinn var besti leikmaður ÍBV í fyrra en Jónas, sem lék með Val 2011-2013, gekk í raðir Eyjamanna í vetur eftir að hafa leikið heima í Færeyjum síðustu ár.

Pepsi-deildin hefst 30. apríl en hitað var upp fyrir deildina í útvarpsþættinum Fótbolti.net. Elvar Geir Magnússon ræddi við Loga Ólafsson um það hvað við eigum í vændum í sumar. Þá fór Tómas Þór Þórðarson yfir það hvar liðin í deildinni þurfa að styrkja sig.

„Ég held að það sé ekki hægt að segja að þetta tímabil sé ásættanlegt," segir Þórgnýr Einar Albertsson, blaðamaður á Fréttablaðinu og stuðningsmaður Manchester City. Þórgnýr var í viðtali í útvarpsþættinum Fótbolti.net á X-inu FM 97,7 í dag.

Í þessari viku heimsækjum við Joe Hart og félaga í vínrauða hluta Tórínóborgar. Félagið Torino vann eitt sinn ítölsku deildina fjögur ár í röð og var á þeim tima eitt besta félagslið heims, ef ekki það besta. En flugslys batt enda þá sigurgöngu. Fjallað verður um fyrirliðann sem spilaði fyrst fyrir bílaframleiðandann Alfa Romeo. Við heimsækjum líka enskumælandi markvörð sem ætlaði að læra ítölsku og Juventus-forsetann Alfred Dick, sem síðar stofnaði erkifjendurna Torino.

Evrópu-Innkastið er með aukaþátt þessa vikuna enda nóg um að vera. Leikið var í ensku úrvalsdeildinni núna í miðri viku en þar bar hæst stórleikur Chelsea og Manchester City. Elvar Geir Magnússon og Magnús Már Einarsson fóru yfir umræðuna í þessum aukaþætti.

Elvar Geir Magnússon og Daníel Geir Moritz eru komnir úr landsleikjafríi og fara yfir enska boltann í Evrópu-Innkastinu. Einnig er horft til helstu tíðinda úr stærstu deildum Evrópu. Það er áhugaverð helgi að baki í ensku úrvalsdeildinni og margt að ræða!

Markvörðurinn Rúnar Alex Rúnarsson hefur verið að standa sig mjög vel hjá danska úrvalsdeildarliðinu Nordsjælland. Liðið hefur verið á flottu skriði með Íslendinginn sjóðheitan í markinu.

Elvar Geir Magnússon og Tómas Þór Þórðarson gerðu upp liðna landsliðstörn í útvarpsþættinum Fótbolti.net á X-inu FM 97,7 í dag. Þeir fóru meðal annars yfir meðaleinkunnir leikmanna Íslands nú þegar riðlakeppnin í undankeppni HM er hálfnuð.

Kristján Atli Ragnarsson, ritstjóri á kop.is, fór yfir 3-1 sigur Liverpool gegn Everton í ensku úrvalsdeildinni í útvarpsþætti Fótbolta.net á X-inu í dag. Þrátt fyrir sigurinn var Kristján sótillur út í leikplan Everton og frammistöðu dómarans.

Keppni í norsku úrvalsdeildinni fer af stað en opnunarleikurinn er viðureign Kristiansund og Molde. Elvar Geir Magnússon og Tómas Þór Þórðarson ræddu við Andra Júlíusson, sérfræðing um norska boltann, í útvarpsþættinum Fótbolti.net í dag. Skoðuð var spá fyrir deildina og rætt um Íslendingana sem þar spila. Hlustaðu á umræðuna í spilaranum hér að ofan.