Taaldinge

Wat is die betekenis van gigantisme? Wat is die herkoms van die woorde roman (boek) en spaghetti?

Twee ambassadeurs van Afrikaans.com, die grafiese kunstenaar Francois Meyer en die akteur Johny Klein, vertel van hulle rol en hoe hulle betrokke geraak het by die veldtog.

Luister na 'n geredigeerde weergawe van die eerste deel van die simposium, Afrikaans oor die nuwe eter, wat Viva en RSG aangebied het.

Magdleen en Krüger en Kobus Burger praat oor die gebruik van Engels in Afrikaanse literatuur.

Die bekende leksikograaf, prof. Rufus Gouws, praat met Ina Strydom oor woordeboekdidaktiek en woordeboekkultuur.

Hoekom spel ons nie soos ons praat nie? Ons sê kinnerkies, maar skryf kindertjies. Ons sê pêre, maar skryf perde.

Prof. Nerina Bosman van die Department Afrikaans aan die Universiteit van Pretoria vertel meer oor hulle navorsing oor aanspreekvorme in Afrikaans, en verduidelik ook hoe luisteraars deel kan wees van die navorsing.

Daar word gepraat oor wit olifante, renosters en spierakbeentjies.

RSG 80 Jaar: In die gees van Afrikaanse radio se 80ste bestaansviering het Ina Strydom 'n program oor die taal van vakmanne in die argief opgespoor wat in 1968 uitgesaai is. Die aanbieder van die destydse program was De Waal Venter.

RSG 80 Jaar: DIE DU PLOOYS VAN SOETMELKSVLEI was een van die gewildste vervolgverhale wat die destydse Afrikaanse Diens van die SAUK in die middel jare vyftig uitgesaai het. Magdaleen Krüger het meer oor hierdie sepie gaan uitvind.

Die projekbestuurder van Afrikaans.com, Milanie Vosloo, vertel meer oor die nuwe veldtog en nooi luisteraars uit om op sosiale media deel te neem met die hutsmerk #onmisbaar.

Waar kom die woord vlooimark vandaan? Wat beteken kwasjiorkor?

Waar lê Afrikaans se wortels werklik? En is die taal 100 jaar oud, of kan sy oorsprong duisende jare terug gevind word? Prof. Wannie Carstens van die NWU praat met Ina Strydom oor die Storie van Afrikaans.

Magdaleen Krüger blaai deur die Pleknaamwoordeboek om die oorsprong van 'n plekname te kry.

Moedertaalonderrig gee aan kinders akademiese en sielkundige voordele -die bestuurshoof van die Afrikaanse Taalraad, Conrad Steenkamp en 'n direksielid van die ATR, Fatima Allie, praat met Ina Strydom oor die kwessie.

Wat is die verskil tussen uitstekend en uitstaande, en waarom gee woordeboeke nog baked beans se Afrikaanse ekwivalent aan as gebakte bone en nie as sousbone nie.

Die vertaler Tom McLachlan vertel watter vereistes en struikelblokke daar is by die vertaling van wetgewing; en daar is 'n kort uittreksel uit die regstreekse bekendstelling van die 11de Afrikaanse Woordelys en Spelreëls.

Magdaleen Krüger kyk na die taalreëls wat van toepassing is by die vasstelling van plekname, en die digitering van die Afrikaanse taalkunde.

Ina Strydom praat met dr. Patrick Wela oor die tweede uitgawe van die AZE-woordeboek: 'n aanleerderswoordeboek vir Afrikaans en Zoeloe, met Engelse vertalings.

Wat is applousganse? En wat is die Afrikaans vir ice shelf?

Hoe gaan 'n mens te werk as jy iets moet vertaal? Ons gee ook terugvoer oor die negende kongres van die Suider-Afrikaanse Vereniging van Neerlandistiek.

Tot watter mate moet taalnorme geld by lirieke van liedjies.

Die Vereniging van Regslui vir Afrikaans het vroeër vanjaar die landroshofreëls in Afrikaans vertaal. Ina Strydom gesels met hulle woordvoerder, prof. Koos Malan, daaroor.

Magdaleen Krüger kyk na die herkoms van jou onderrok hang uit, die woord tatoeëer en die gebruik van seppoekoe en hara-kiri.

Is dit te alle tye ten alle tye - of ten alle tye te alle tye? Kom luister wat vertel prof. Gerhard van Huyssteen van die Noordwes Universiteit hieroor!

Magdaleen Krüger kyk na die verskil tussen skryf vir akademiese genres en skryf vir die wyer publiek, en die omskakeling van teks na klank in Suid-Afrikaanse tale.

'n Potpouri oor meertaligheid, met die fokus op die ATKV en Universiteit van Johannesburg se meertaligheidsweek en die Afrikaans-in-Soweto projek. 'n Student, Alpheus Ngwenya, vertel oor sy pad met Afrikaans.

Taalnavrae word beantwoord. Daar word gepraat oor spek-en-bone, in die plat sit, en obool.

Ina Strydom sit haar gesprek met prof. Ben-Erik van Wyk van die Universiteit van Johannesburg voort oor sy projek oor plantname en -gebruike, en die uitdrukkings wat hy teëgekom het.

Wat is polisemie, en watter rol speel dit in ons woordeskat en taalkunde. En Gaireyah Fredericks vertel van 'n paar tipiese Afrikaanse woorde en uitdrukkings in die Kaapse gemeenskap.

Prof. Ben-Erik van Wyk van die Universiteit van Johannesburg vertel van 'n projek om inheemse plantname en -gebruike op te teken.

Taalnavrae word hanteer, soos wat is goeie Afrikaans vir 'by word of mouth.'

Die Khoisan-navorser, dr. Willa Boezak, vertel meer oor die invloed van Khoisan-tale op Afrikaans; en die gebruik van afgelas word 'n bietjie duideliker gemaak!

Kom vind meer uit oor die gebruik van die konstruksies pa-hulle en pagoed in Afrikaans, en die taalpraktisyn Tom Mclachlan verduidelik die gebruik van omskep teenoor omgeskep, en soortgelyke woorde.

Die taalkundige, prof. Ernst Kotze, vertel verder oor die uitdagings verbonde aan die vertaling van die Bybel. En Mary-Ann Alho, wat haarself as 'n evangelis vir Afrikaans bestempel, vertel hoe sy te werk gaan om Afrikaans aan kinders van buitelandse diplomate te leer.

Die oorsprong van om hare op jou tande te hê en so waar as vet word bespreek in taalnavrae

Ina Strydom praat met 'n lid van die eindredaksiekomitee van Die Bybel – 'n Direkte vertaling, prof. Ernst Kotze, oor taalkundige en vertaalkundige aspekte van die Bybelvertaling.

Daar is so baie instansies en belangegroepe wat Afrikaans wil bevorder en beskerm, maar intussen gaan die taalkennis en taalgebruik van Afrikaanssprekers al hoe meer agteruit.

Die redakteurs van Kontemporêre Afrikaanse Taalkunde, prof. Wannie Carstens en dr. Nerina Bosman, vertel meer oor die ontstaan en doel van die boek, en belig enkele van die hoofstukke.

Regstreekse uitsending vanaf die Woordfees op Stellenbosch - Wat maak ons met Afrikaans oor die radio en in koerante?

Prof. Ilse Feinauer van die Universiteit Stellenbosch fokus op die lasste twee boeke in die kort reeks oor die werk van wyle dr. Anton Prinsloo. Die boeke wat aan die bod kom is Die aap in jou koffie en Die dief aan die kers.

Word 'n woord OP Afrikaans of IN Afrikaans vertaal? Praat ons van rolstoel of rystoel?

Voorbeelde van kontreitaal kom onder die loep, en daar is meer inligting oor die aanlyn WAT.

Daar is taalnavrae oor skoonfamilie, social engineering en 'sy oog hang van trots.'

Waar kom die uitdrukking “alle grappies op 'n stokkie” vandaan? Of “die knoop deurhaak”? En wat beteken dit? Prof. Ilse Feinauer van die Universiteit van Stellenbosch vertel vir Ina Strydom meer van die en ander spreekwoorde en uitdrukkings.

Twee Sondae gelede het ons die eerste deel uitgesaai van Magdaleen Krüger se besoek aan die Taalmuseum in die Paarl. Toe het sy en die kurator deur die vertrekke op die grondvloer van die huis gestap en gesels oor als wat te sien is. Vandag beweeg hulle na die boonste verdieping.

Een van 'n taal se grootste skatte is sy uitdrukkings en gesegdes. Ina Strydom praat met prof. Ilse Feinauer van die Universiteit van Stellenbosch oor wyle dr. Anton Prinsloo se bydrae om die taalskat op te teken, en voorbeelde uit een van sy boeke, Feite, flaters en fiksie, word bespreek.

Een van die stigters van die GRA (Genootskap van Regte Afrikaners) was Gideon Malherbe. Hy was 'n gesiene boer, sakeman en wa-maker van die Paarl. Sy huis in die Paarl is vandag die Afrikaanse Taalmuseum. Magdaleen Krüger het onlangs vir die eerste keer in haar lewe die taalmuseum besoek, en sy neem jou saam deur die ou huis.

'n Spesiale Nuwejaarsprogram oor Afrikaans se mooiste woorde.

'n Besondere boek oor die bruin gemeenskap se bydrae tot Afrikaans is op Versoeningsdag bekendgestel. Ina Strydom het met die mederedakteurs, prof. Wannie Carstens en dr. Michael le Cordeur, oor ONS KOM VAN VER AF gepraat.