Middagvervolgverhaal

Wikus en Susan vind mekaar, maar is daar ‘n toekoms saam vir sulke totaal uiteenlopende persoonlikhede? Basjan het ‘n groot besluit geneem terwyl hy op die berg was en deel dit met Cathrine.

Langes en Winter oorreed Basjan om saam met hulle terug te gaan hotel toe. Susan gaan saam met Wikus om te sien of hy werklik water sal raakboor. Die berghang eis amper ‘n slagoffer en hoe dieper die boorgat raak hoe minder is die moontlikheid dat water gevind sal word.

Langes en Winter begin die berg klim na die grot waar Basjan uitkamp. Winter erken dat hy hoogtevrees het, wat die hele klim meer van ‘n uitdaging maak. Vivian en Susan spandeer tyd saam en die vere waai voor Wikus vir Susan wegneem.

Basjan is al amper drie weke in die grotte en Langes wil gaan kyk hoe dit met hom gaan. Winter besluit om Langes te vergesel omdat dit hom ook die geleentheid gee om die plaas se heinings teen die berg na te gaan. Vivian is in sewende hemel omdat sy ‘n fees vir die plaas kan reël en Lilanie probeer al die los drade bymekaar hou.

Wikus vind uiteindelik die regte plek vir sy boorgat. Ratel het besluit om laataand die wildplaas te verlaat en dit maak Winter agterdogtig. Lilanie probeer ‘n manier bedink om die aandag van die vliegveld en wat daar aan die gang is, af te lei.

Wikus, Langes en Susan spandeer die dag op die groot dam. Dit raak ‘n plofbare situasie in ‘n kompakte area. George en Ratel probeer agterkom wat by die vliegveld aangaan.

Winter en Ratel kom agter hulle ken mekaar. Albei is huursoldate met ‘n donker verlede. Winter maak aannames dat die stropers wat hulle gevang het dalk agter meer aan was as net ‘n renosterhoring. George skuld Ratel baie geld en George kom eis sy pond vleis.

Ratel Trichardt maak sy opwagting op die plaas. Hy is ‘n vriend van George en dis al wat die ander van hom weet. Susan en Wikus kom agter hulle het dalk net soveel gemeen as wat hulle verskil. Lilanie en Winter sukkel om vatplek aan mekaar te kry.

Langes moet Susan en Wikus vergesel veld toe en ook uit mekaar se hare hou. Lilanie sien vir die eerste keer hoe groot die stoorareas onder die vliegveld is. Susan vind Wikus se manier van water soek belaglik en Wikus dink haar soeke na minerale en gasse is barbaars.

Lilanie wil by Winter weet hoekom haar pa Nasionale Parke uithelp. Haar pa doen alles met ‘n rede en sy wil weet wat dit is. Susan Willemse maak haar opwagting. Sy is van die staatsdiens en ondersoek die moontlikheid van Skaliegas ontginning. George probeer by Winter uitvind wat by die vliegveld aangaan. Wikus de Lange, die distrik se waterwyser, en Susan het hulle eerste uitval.

Johan en Schalk begin hulle uitdaging. George sien ‘n vloot vragmotors wat verbyry vliegveld toe en wil by Lilanie weet wat aangaan. Vivian en Cathrine verlekker hulself in Johan en Schalk se malligheid.

Vivian probeer van haar kristalle aan Schalk en Johan afsmeer. Cathrine en Lilanie is bekommerd oor wat met Langes en Winter gebeur het. Schalk en Johan kla by Cathrine dat hulle ‘n uitdaging soek, iets wat finaal sal bewys wie die beste tussen die twee van hulle is. Cathrine het ‘n plan.

Winter en Langes is besig om die net stywer om die stropers te span. Cathrine vertel vir Lilanie wat die vorige aand met George en die twee jagters gebeur het. Vivian lig hulle in van die vrou wat die grond kom omdolwe agter aardgas aan.

Winter sluit aan by Langes, wat al drie dae op die vlugtende stropers se spoor is. Hulle besluit om die stropers vas te keer in een van die klein nedersettings aan die rand van die plaas. George neem vir Schalk en Johan op hulle eerste nagjag en hulle word oorval deur ‘n kwaai seekoeibul.

Schalk Bester en Johan Visser daag op die plaas op vir hulle jaarlikse vakansie. Alles is vir hulle ‘n kompetisie. Ongelukkig vir George word hulle sy verantwoordelikheid. Winter en Lilanie karring aan mekaar en dis duidelik dat hulle nie om dieselfde vuur sit nie.

Winter en Lilanie word deur die stropers vasgekeer in die vliegtuigloods. George wys sy ware kleure teenoor Cathrine. Langes Smith en die nasionale park se wildbewaarders haas hulle om Winter en Lilanie te gaan red. Winter beken aan Lilanie hoekom hy werklik op die plaas is.

Vivian van Schoor kom kuier op die plaas. Sy is soos ‘n tweede ma vir die Sevensters. George het afgekom op ‘n gestroopte renosterkarkas en Lilanie wil dadelik agter die stropers aan. Winter kan nie veel doen om haar te keer nie en die twee maak reg om die stropers voor te lê by die vliegveld.

Lilanie Sevenster is al vroeg op en gereed om Winter Le Roux die plaas en sy verantwoordelikhede te wys. Cathrine geniet dit om haar pa by haar te hê, maar Basjan Baaitjies kan nie te lank stilsit nie. Winter wil graag by die vliegveld uitkom en dit prikkel Lilanie se nuuskierigheid. Basjan wil grotte toe, waar sy mense al duisende jare lank belangrike besluite neem.

Lilanie Sevenster ontdek haar nuwe sekuriteitshoof het vele talente, hy kan onder andere Russies praat. George Sevenster, die oudste Seventer-kind en hoofjagter op die plaas, vind aanklank by Winter. Cathrine Baaitjies loop wye draaie om George en is bly dat haar pa, Basjan, vir ‘n slag kom inloer het.

Winter le Roux se motor raak onklaar oppad na Sjibbolet, waar hy pas aangestel is as sekuriteitshoof. Met 30km oor na die wildplaas se hotel en geen manier om kontak te maak nie, wag daar ‘n lang gevaarlike dag op hom. Lilanie Sevenster, bestuurder en eienaar van die wildplaas, sukkel met ‘n groep Russiese gaste wat hulleself gemaklik gemaak het in die hotel se kroeg en nie hulle rekening wil vereffen nie.

Johan kry twee keer skokkende nuus. Hy vra ‘n belangrike vraag aan Christien en maak vir oulaas ‘n oorsese oproep.

Wynand vra ‘n groot vraag. Die belhamels van die stropers kry borgtog en benut hulle vryheid op ‘n dramatiese manier. Johan kry ‘n moeilike oproep van oorsee.

Die finale seeslag is toe meer as ‘n woordestryd. Wie gaan die skipper van die reddingsboot van die NSRI oortuig om hulle te help? Dis Wynand en Ina teenoor die stropers.

Wynand en Ina vorder verbasend goed met die seeslag teen die seerowers, totdat Fortuin in die naam van die owerheid ingryp met ‘n groot oormag.

Wynand en Ina berei voor om die stropers ter see op heterdaad te betrap en te oorrompel. Johan is bekommerd oor Ina se veiligheid.

Johan skarrel vir sy eie vryheid, terwyl Sumi wil slange vang oor Fortuin se verraad. Fortuin en Bobby maak nuwe planne.

Terug in Suid-Afrika konfronteer Johan vir Fortuin en verduidelik die ooreenkoms aan hom. Fortuin aanvaar dit oënskynlik langtand, maar kom met ‘n onverwagte teenaanval.

Ina en Wynand slaap oor op die renosterplaas, maar kry in hulle kamers geskenke, sommige met ‘n angel in die stert.

Wynand en Ina styg op vanaf George se vliegveld en Ina stem in die lug in tot ‘n verhouding met Wynand. Dit word egter deur meer ore gehoor as vir wie dit bedoel is.

Die stropers op grondvlak verneem dat Johan op Sumi se wildsplaas gekuier het en is totaal verward omdat hulle nie weet of Johan vir, of op Sumi spioeneer nie.

Johan keer terug na sy nuwe huis in L’Agulhas en die verrassings hou nie op nie. Die reaksie van Sersant Fortuin is egter nie ‘n verrassing nie.

‘n Vinnige, onbeplande besoek deur Johan en Christien aan die wildsplaas loop uit op ‘n onaangename verrassing en groot verleentheid.

Johan en Christien besoek George en ontmoet onverwags ‘n vermeende belhamel van die sindikaat van aangesig tot aangesig.

Johan bespreek ‘n moontlike besoek aan Sumi se renosterplaas met Christien, en reguit woorde word gewissel as moontlike liefdesverhoudings binne die span ter sprake kom.

Sumi spog met nuwe nuus oor sy renosterplaas en nooi Johan en sy vriendin om die plaas te besoek. ‘n Aangeklamde Bobby beskuldig Johan van verraad.

Wynand en Ina beweeg nader aan Big Joe se netwerk en Sumi skakel Johan oor ‘n onthulling.

Wynand en Ina slaan ‘n slag in ‘n selfoonwinkel, maar die stropers begin agterkom dat iemand in hulle slaai krap.

Misverstande onder spanlede verongeluk byna die hele ondersoek, maar ‘n agtervolging per pad lei die span na nuwe informasie.

Ina moet keer as Bobby haar toenadering verkeerd vertolk. Johan soek toenadering by Christien, maar hy praat sy mond verby.

Bobby konfronteer Johan omdat hy ‘n spioen is en dit nooit genoem het nie. Ina besoek weer vir Bobby op ‘n gewaagde en gevaarlike operasie.