Mahlakung

#Mahlakung –Brandon o lateletše Bra Bizza go mo latofatša ka go mo utswetša tšhelete yeo a bego a e filwe ke Phetola ka gore o humane sekhafo sa gagwe ka koloing ya gagwe.Bra Bizza o a mo koba.Naa nkane a mo koba, go nale bothata?

#Mahlakung – Mmalo! Titi o utulletše Bra Bizza sephiri sa gore ke yena a phatlaladitšego maaka ka Malehu mabapi le Motumpana.Se se hlakahlakantšha Bra Bizza.Naa o tla mo thuša go e rarolla ka gore re a kwa gore o tšhaba Malehu parapara?

#Mahlakung –Alfios o laela Matsobane go dira tšohle tšeo ba mo laelago go dira go la Mozambique go sego bjale, a ka se be le maatla?Naa Alfios o di tsebela kae ditaba tše.O agiša Matsobane goba o a mo lahletša ?

#Mahlakung- Dr Lethebe o botša Sebjalebjale gore ba ngwale fase ditaba tša Matsobane ba tla tla ba mmotša, a tlaleletša ka gore ba sa tlile go mo llela.Sebjalebjale o mmotša gore o nale mona.Naa ke nnete o nale mona goba o bona le go foa kotsi?

#Mahlakung – Mmalo! Saki o ipitša “thatha zonke”, e le ge a botša Masedi gore yena o nyala Dimakatšo le tšohle go sa kgathalege gore o nale ba ba kaakang.Naa kamano ya Saki le Dimakatšo e tla ba yona, goba o fahlilwe ke lerato?

#Mahlakung –Jo nna wee !Motšhitšhi o gana thaa gore Petronella a mo atle.Naa Motšhitšhi o hlagelwa ke eng ? O reng a dio gana ka tsela ye mmagwe a mo atla?

#Mahlakung – Phetola o file Brandon R100 000, gomme ka morago re kwa Brandon a tšhogile go nale koloi yeo e mo šetšego morago, mafelelong go lla sethunya, o a goelela.Naa go diragetše eng?

#Mahlakung –Jonjon o botša Mmabatho gore Phetola o dumetše go fa Brandon phumula megokgo ya go balelwa go R100 000.Naa ruri tšhelete ye e tla fetola maemo a Brandon a ba le bokamoso bjo bokaone morago ga seo Masedi a mo dirilego sona?

#Mahlakung- Sophia o kgopela Matsheko gore ba thušane go wiša Bra Bizza. Matsheko o a mo sega, naa sesego se sa Matsheko se hlatha eng?

#Mahlakung – Mmalo!Rethabile o humane mokgobo wa mabu ga Mojela, wa go ba le dikotana tša dithapo tša mebala ya go fapana a a thubaganya go senya morero wa molaba woo o beetšwego mmagwe .Naa o tla atlega go šireletša Titi?

#Mahlakung –Konstabel Mpedi o botša Mampane gore Millicent o rile a ka thaba kudu ge yo Mampane a ka bolela ka kgolegong.Naa pefelo ya Millicent,go Mampane e tšwa kae ?

#Mahlakung – Saki o tsebiša Masedi ka fao Dimakatšo a mo hlakantšhago hlogo ka gona, re kwa se se sa thabiše Masedi.Naa yo Masedi a ka ba a boulelwa goba bothata bja gagwe ke bofe ka lerato la Saki le Dimakatšo?

#Mahlakung –Bra Bizza o laela Jonjon gore a ye go hlohleletša Brandon go swariša ba ga Lethebe ka taba ya Masedi ya go fiša Brandon ka makhura, go sego bjalo, o tla mo tseba gabotse.Naa Bra Bizza o hlatha eng ka se go Jonjon ?

#Mahlakung- Brandon o lla sello sa bohloko ka ditlamorago tša kotsi yeo Masedi a mo dirilego yona ka makhura a go fiša.Naa o tla e humana thušo gore a boele sekeng?

#Mahlakung – Jo nna wee!Mmabatho o botša Petronella gore yena ga a dumele gore Matsobane o ile khonferenseng ya baruti o gopola gore o ile go tšea dinoga.Naa Petronella a tshepe mang magareng ga Matsobane le Mmabatho?

#Mahlakung –Moruti Kgole o a belaela gore kerekeng ya gagwe go be go tlile batho ba šupa fela? Naa kereke ya moruti Kgole e hlagelwa ke eng ?

#Mahlakung –Pelo ya Petronella ga e e lokolge gore Matsobane a ye Mozambique.Naa maikutlo a a gagwe e kaba seka sa temošo ya kotsi goba se sengwe sa go se thabiše?

#Mahlakung – Alfios o botša Kgokong gore Matsobane o swanetše go humana maatla bjalo ka moruti.Naa e a diragala taba ye goba Alfios o boledišwa ke go rata tšhelete kudu ?

#Mahlakung-Moruti Kgole o botša Saki gore bjalo ka banna, ba a gapeletšega go nyala ba be le malapa, mola Saki a re manyalo a se lehono ke kgwebo.Naa taba ye ke nnete goba Saki o tšhaba maikarabelo?

#Mahlakung –Ha!Ha! Sophia o ntšhitše diaparo tša Bra Bizza fleteng ya gagwe, o mo išeditše tšona gore moo a dulago gona, di be le yena, re kwa le Bra Bizza a mmotša gore le yena a tsene ka ntlong a tšee marokgwana a gagwe a ka gare.Sophia o mmotša gore yena ga a a nyake.Naa go hlaga eng mo?

#Mahlakung –Jo ! Alfios o botša Monicca gore yena e sale o monnyane, e bile re kwa a botša motho yoo a mo leleditšego mogala gore o ka gae ka ge a sa befešwe? Naa go hlaga eng ka Alfios ?

#Mahlakung –Sophia o botša Bra Bizza gore kamano ya bona e fedile gomme Bra Bizza o mmotša gore yena ga a botšwe ke mosadi gore go fedile , eupša e tla ba yena a mmotšago bjalo? Naa Sophia o phošo go fediša kamano ya bona, goba Bra Bizza o a di gagatla?

#Mahlakung – Mampane le Brandon ba laetša boitsholo bja go dumelela Bra Bizza go ba šomiša a hlakahlakantšha maphelo a bona.Ba rera go mo hlakantšha le mmopi wa gagwe.Naa ba tla e apea ya butšwa pitša yeo ba e lekago go e hlatlega ?

#Mahlakung-Mma Moruti Kgole o file Moruti Kgole beine yeo e mo kwešitšego bose gomme Moruti o e nyaka gape le gape.Naa Moruti o phošo go nwa beine a ipshina ka yona?

#Mahlakung –Rethabile o botša Titi gore a kgethe magareng ga gagwe le Bra Bizza, Titi o mmotša gore a ka se kgone go kgaogana le Bra Bizza ka ge a mo fa lethabo?Naa se se re botša eng ka Titi?

#Mahlakung –Phetola o botša Bra Bizza gore o lahletše dihlare resturenteng ya ga Lethebe gore bareki ba nkgelwe ba se reke gona ba ye Tick’s Corner.Naa Tick’s corner ka nnete e amile resturente ya ga Lethebe?

#Mahlakung –Badgirl o botša Kgokong gore Millicent a ka se kgaogane le tatagwe Moruti Kgole ka lebaka la mohu Bra Bizza.Naa go reng Badgirl a bitša Bizza mohu, mola a sa buša moya?

#Mahlakung – Mampane o botša Jonjon gore a hlokomele mosadi wa gagwe Mmabatho ka ge bophelo bja gagwe bo le kotsing.Naa Jonjon a tšeele seo se bolelwago ke Mampane hlogong goba Mampane o hlatha eng?

#Mahlakung-Moruti Kgole o rapela thapelo ye bohloko gomme Millicent o mo kgaosetša yona ka gore “Amen”,naa Amen ye e hlatha gore ka nnete go be ka mokgwa woo Moruti a kgopelago ka gona thapelong goba e ra go reng?

#Mahlakung –Konstabel Mpedi o botša Phetola gore go ka ba bjang ge a ka mo fa hlwatswa diatla ba nape ba fediše molato wa gore o ile a mo swara le Badgirl ba se na molato ntle le go ya .Naa re ka re mpedi o thoma go dira bomenetša goba ga go phošo go seo a se dirago?

#Mahlakung –Phetola o latofatša Bra bizza gore ke yena a hlasetšego barapedi kerekeng ya Moruti Kgole? Naa ka nnete ke bizza a dirilego taba ye ya bošula ?

#Mahlakung –Polelong ya Masedi la Saki, re kwa lehloyo leo le feleteletšego la Masedi go batho ba banna.NaaMasedi a ka thušwa bjang gore a fetoge maikutlong a bjale ka a, ka batho ba banna?

#Mahlakung –Motšhitšhi o botša Petronella gore se sengwe le se sengwe sa go ba le lentšu le « sekolo » , se swanetše go humana thekgo ya masšeleng go tšwa mmušong, e le ge a gatelela taba ya gore sekolo sa lebollo se thušwe ka tšhelete gore bao ba yago fao ba se lefele.Se se befediša Petronella.Naa tšhitšhinyo ye ya Motšhitšhi e fošagetše?

#Mahlakung-Sister Millicent, Mma Moruti Kgole , o ngadile ka gae o dula guesthouse gomme re kwa Badgirl a mo leleditše mogala a mmotša gore a ye lapeng la gagwe.Naa re ka bona Badgirl a boelantšhe batswadi ba gagwe?

#Mahlakung –Phetola o ile go Sophia go mmotšiša ka dithunya tšeo a di utswedišego Bra Bizza.Naa ke gona ge sephiri se se phatlaletše moo se ka fihlago ditsebeng tša Bizza, goba go ya go diragala eng ka lekunutu le la Sophia?

#Mahlakung –Moruti Kgole o befetšwe kudu ge go tlo swarwa poloko ya batho bao ba bolailwego ka kerekeng ya gagwe ka Moruti Mabona le Machete.Naa ke phošo ge phuthego e bitša baruti ba bangwe go ba bolokela ka kerekeng ya Moruti Kgole?

#Mahlakung –Titi o humane Bra Bizza a phuruphutša a hlakahlakane a nyaka seo a sa mmotšego gore ke eng, e bile ba a fapana ka ge Bizza a mmotša gore ka moso a letše mogala pele go mo tsebša gore o a mo etela.Naa Bra Bizza o nyaka eng sa go mo hlakahlakantšha ka tsela ye?

#Mahlakung –Alfios o botša Konstabel Mpedi gore Badgirl le Phetola ba ikemišeditše go bula molato kgahlanong le police Station ya Mahlakung ge ba ile ba swarwa ba se na molato.Naa re ka bona Mpedi a fegilwe goba a lahlegetšwe ke mošomo ka se?

#Mahlakung-Masedi o tšhogile o otlela go tšwa mmolong gomme o botša Badgirl gore go nale koloi yeo e mo šetšego morago. Naa lebaka la gore bophelo bja gagwe bo be kotsing ke lefe?

#Mahlakung –Rethabile o botša Monicca gore o ya go nyakišiša Bra Bizza gomme re kwa Monicca a mo thibela. Naa Rethabile o phošo go nyakišiša Bra Bizza go phološa bophelo bja mmagwe Titi?

#Mahlakung –Bra Bizza o botša Brandon gore ge a ka ba a leka a mo swariša, o bolaya lapa la gabo kamoka mmogo le yena.Naa Brandon o tla bona a dirile eng ka matšhošetši a?

#Mahlakung –Sophia o kgopela Brandon gore a mo thuše go swariša Bra Bizza, gomme o tla mo lefelela madulo, Brandon o gana thaa gore yena yeo a ka se e kgone.Naa go reng Brandon a sa nyake go swariša Bra Bizza?

#Mahlakung –Mampane o utulletše Matsobane sephiri sa gore bana ba ga Sehlong ba bolailwe ka lebaka la Motšhitšhi ge ba ile ba tšea diswantšho nakong ya ge a tšhabišwa? Naa re ka bona Bizza a swere ka se goba go ya go diragala eng ka sephiri se ?

#Mahlakung-Millicent o latofatša Badgirl gore lebaka la gore go hlaselwe barapedi kerekeng ke ka lebaka la gagwe la go fihla dithunya ka kerekeng.Naa ka nnete ke lona lebaka goba ke ka mabaka a mangwe?

#Mahlakung –Joo! Tumi o botša Saki gore o tšhaba basadi mola ka lehlakoreng le lengwe re ekwa Masedi a mmotšiša gore ga a se a longwe ke mmutla naa?Naa Saki o lomilwe ke mmutla?

#Mahlakung –Joo !Motšhitšhi o botšiša Kgokong gore o tšwa lebollong naa.Naa lebaka la potšišo ye ke lefe?

#Mahlakung –Taba ya gore Masedi ,Badgirl le Phetola ba rera go tšea bophelo bja Brandon e phatlaletše le motse wa Mahlakung.Naa go utulluga ga sephiri se go ka boloka bophelo bja Brandon?

#Mahlakung –Badgirl o botša Masedi gore Tumi o nale mafolofolo a ka dira gore mošomo wa go bolaya Brandon o be bonolo.Naa ke nnete Tumi a ka o phetha bonolo mošomo wa polao?

#Mahlakung-Hee, hee! Sophia le Titi ba latetše Bra Bizza gore a kgethe gore o nyaka go phela le mang.O ba botša gore ba dira taba ya botlaela.Naa ke phošo seo ba se dirago?

#Mahlakung –Naa Konstabel Mpedi o reng a tlaiša Matsobane ka tsela ye.Naa Matsobane a dire eng o ihlatswa leina ka seo a latofatšwago ka sona sa go hlasela barapedi kerekeng ya Moruti Kgole?