Mahlakung

#Mahlakung –Bra Bizza o botša Sophia gore a seke a tshwenyega ka Titi ka gore la gagwe letšatši le tlo mo hlabela a tseba gore Bizza ke mang.Naa Bra Bizza o rera eng ka Titi?

#Mahlakung –Titi o botša Brandon gore ge eba ke nnete ke yena a phailego Masedi le Sophia theto ka kgang, a nape a mo tšwele motse kua dirumung tša gagwe.Naa ke gona ge dikamano tša Brandon le badudi ba Mahlakung di senyegile ka tiragalo ye a latofatšwago ka yona?

#Mahlakung – Mmalo!Konstabel Mpedi o botšološa Matsobane Mabona ka hlaselo ya kerekeng ya Moruti Kgole.Naa o a amega Matsobane, ka gore go thwe ke yena a lwelego le Moruti Kgole ka lebaka la Motšhitšhi?

#Mahlakung-Alfios o botša Monicca ka hlaselo ya kerekeng ya Moruti Kgole, Monicca ga a mo tshepe. Naa ke eng seo se dirago gore batho bao ba tšeerego mahlo a tšhipa ge ba re botša ditaba re sa ba tšeele hlogong, ka gore ba a di tseba ditaba?

#Mahlakung –Matsheko o gononwa gore Moruti Kgole le Millicent ba a amega hlaselong ya barapedi kerekeng ka gore ga ba nke ba swarwa dithapelo bošego, mola Millicent a re ke ditiro tša Malehu. Naa modiri wa se ke mang, gona lebaka ke lefe?

#Mahlakung – Barapedi kerekng ya Moruti Kgole ba hlasetšwe ba le thapelong.Naa modiri wa tše ke mang?

#Mahlakung –Dikgomo tša Titi tše tharo di timeletše gomme Mamabona o botša Sebjalebjale gore dikgomo tšeo Bra Bizza a bego a fepa batho ka tšona pulong ya Tick’s corner ke tšona tša go timela? Naa taba ye ke nnete?

#Mahlakung – Rethabile ga a thabele kamano ya mmagwe Titi le Bra Bizza.Naa ke tshwanelo gore bana ba kgethele batswadi ba bona balekane?

#Mahlakung-Sophia o rera go fediša bophelo bja Bra Bizza ka sethunya.Naa o tla atlega go dira se?

#Mahlakung –”Go lokile, Morena o tla le etela,le tla ba la gopola seporofeto sa Malehu” A ke mantšu a Monicca go Millicent .Naa bophelo bja lapa la ga Kgole bo kotsing?

#Mahlakung – Bra Bizza o bolela gore o ya go sepetša Tick’s Corner mmogo le Phetola le Titi. Naa se ya go kgonagala sona se ka gore yena le Phetola ke katse le legotlo?

#Mahlakung –Moruti Kgole o rera go ya ga mongaka Malehu morago ga tšeo a di boditšwego gomme Millicent o a mo thibela.Naa Moruti o phošo go ya go etela Malehu?

#Mahlakung – Sofia o phophola Brandon go kwa gore o sa nale maikutlo morago ga kotsi ya makhura a go bela.Naa a sale gona ,goba go fedile ka yena?

#Mahlakung-Motšhitšhi o botša koko wa gagwe gore ka gore ke yena mokgalabje Mabona ka sebele ,o tlo beya melao ka lapeng la ga Mabona.Naa yo Motšhitšhi o a rereša o swanetše go dira bjalo?

#Mahlakung –Phetola o botša Badgirl gore o nyaka go bolaya Brandon a sale ka bookelong.Naa ye nako o tla phomelela ka gore o lekile makga a mantšhi go mmolaya fela a palelwa?

#Mahlakung – Titi a botša Bra Bizza gore ge moletlo wa go bula Tick’s Corner o ka thoma a se gona, o ya go o emiša. Naa e tla bulwa Tick’s Corner goba aowa go tla pala?

#Mahlakung –Matsheko o kgopela Sister Millicent go dira taba ya Masedi ya go fiša Brandon sephiri.Naa e tla kgonagala taba ye goba sephiri kamehla se nale mokgwa wa go tšwelela?

#Mahlakung – Mamabona o etetše Malehu gore amo fe sehlare sa gore Bra Bizza le Titi ba kgaogane.Naa o tla kgona go ba kgaogantšha?

#Mahlakung- Phetola o rera go wiša Bra Bizza mmogo le Sophia.Naa re ka bona se se diragetše?

#Mahlakung –Titi o botšiša Bra Bizza gore bana ba gagwe ba kae, Bra Bizza o tšeiša taba ye ka moya.Naa o nale bana Bra Bizza?

#Mahlakung – Brandon o phaphame morago ga gore Masedi a mo kgopele tshwarelo go seo a mo dirlego sona fela ka morago a nore tuu.Re kwa Badgirl a ngangišana le Masedi ka go tsoga ga Brandon.Naa go diragala eng gona mo?

#Mahlakung –Mamabona o gononwa gore Petronella a ka kgaogana le Matsobane.Naa kgonono ye ye kaa e tšwa kae?Go reng a dio nagana ka taba ya hlalano?

#Mahlakung – Badgirl o botša Masedi gore ba nyakolle gore ke mang a bonego Masedi ge a be a hlagišetša Brandon kotsi ya mollo gomme ge ba mo humane ba mo tswalele molomo. Naa Masedi o tla eaphologo kotlo ya molato wo a o dirilego Brandon?

#Mahlakung- Moruti Kgole o botša Bra Bizza gore Alfios o mmoditše gore a lokiše mangwalo a go boloka ka gore e se kgale o tla ba a eya Soshanguve go yo boloka Brandon.Naa gantši ke eng seo se dirago gore batho ba bege mahu a ba bangwe ba se na nnete le bohlatse bja mahu ao?

 #Mahlakung –Motšhitšhi o boditše Tumi gore Masedi o tla tseba gore Brandon o kae ka gore Brandon o tlogile go yena a re o ya go yena gore ba lokiše ditaba tša bona.Naa taba ye e ka dira gore Masedi a golegwe? 

#Mahlakung – Jo nna! Metšhene ya ka ICU moo Brandon a lego ka gona, e a lla,re kwa Jonjon a goelela Sister Millicent. Naa go padile ka Brandon?

#Mahlakung –Masedi o rera go itefeletša go Brandon ka seo a mo dirilego sa go mo phaya ya theto ka kgang.Re kwa Motšhitšhi a thibela Brandon go ya go kopana le Masedi fela a palelwa.Naa go tla sa bjang ?

#Mahlakung – Bra Bizza o botša Konstabel Mpedi gore o ya go phuruphutša ga Lethebe , fela ge a fetša o tlo ya ga gagwe le gona a phuruphutša? Naa nkane Konstabel Mpedi a re go sebotšwa a hlanamela mosebotši Bra Bizza, naa o hlagelwa ke eng?

#Mahlakung- Rethabile ga a thabele kamano ya Titi le Bra Bizza e bile re kwa a botša Alfios gore yena a ka se dumelele Bra Bizza go itira tatagwe .Alfios o mo eletša go nyaka setene seo e lego sa gagwe.Naa ge o mongwe wa batswadi a hlokofetše gomme wo a šetšego a ikhumanetše moratiwa, naa bana ba swanetše go tšwa ka gae goba go swanetše go tšwa yena?

#Mahlakung –Siter Millicent o lebogiša Titi ge a tsoša Tick’s corner go kgalemela mmolelwana wa gore mohu ge a be a nale sa gagwe, ge a tloga o tloga le tšona.Naa se ke nnete goba ke bošaedi bja bao ba šetšego le tšona ga ba na hlokomelo?

#Mahlakung – Moruti Kgole o eletša Kgokong go hlalana le Badgirl go efoga dipolayano tša baratani ka gore ba phelela go lwa .Naa Moruti o e swere tsela goba o a di gagatla?

#Mahlakung –Alfios o kgopela mongaka Malehu pheko ya go dira gore Masechaba a se sa mo šala morago a mo katoge.Naa o tla e humana pheko ye?

#Mahlakung – Titi o botša Rethabile gore o ya go nyalana le Bra Bizza ba hlakanela dikgwebo , gomme ka go dira se , dilo tša gagwe di tla loka, gomme Rethabile o kgahlanong le se. Naa Titi o hlagelwa ke eng, o fahlilwe ke lerato?

#Mahlakung- Badgirl o botša Millicent gore o nyaka go tsentšha hlalo efela, Millicent o a mo thibela.Naa ke gona ge go fedile ka lenyalo la Kgokong le Badgirl goba Millicent o tla e thibela hlalo ye?

#Mahlakung –Konstabel Mpedi o botša Sophia gore bona e le maphodisa ba lapišitšwe ke go bulwa le go tswalelwa ga melato.Naa ke phošo go bula molato wa tla wa o tswalela goba gona go o phumula ka morago?

#Mahlakung – Motšhitšhi o bala ka taba ya lebollo ka beibeleng gomme se se kwagala se makatša Petronella kudu.Naa go nale seo yo Motšhitšhi a se beakantšhago ka se, goba o noba a nyaka tsebo fela?

#Mahlakung –Sister Millicent,o botša Moruti Kgole gore ka go raka Motšhitšhi kerekeng ya gagwe,o napile o e thomile ntwa le dikereke tše dingwe, a nape a itukišetše ntwa yeo.Naa go nale seo Moruti Kgole a ka se dirago go tima mollo wo a o thomilego?

#Mahlakung – Moruti Kgole o rakile Motšhitšhi ka ge a re o šilafatša kereke .Bra Bizza o mo fetola ka potšišo ya gore naa batho bao ba tšwago mahung ba namela ditaxi ba a di tšhilafatša? Naa ka nnete motho o a le tšhilafatša lefelo goba aowa,yo Moruti Kgole o a di gagatla?

#Mahlakung- Sophia o befeletšwe Mmabatho gore o phatlaladitše ditaba tšeo a mmoditšego tšona ka hlaselo ya lapa la Titi, e bile o mmotša gore yena ga se a loke o tla mo tmeletša .Naa Sophia o hlatha eng ge a re o tla mo timeletša?

#Mahlakung –Saki o botšiša Sophia ka kamano ya gagwe le Brandon, e bileo mmotša gore Brandon o ka gare ga mathata.Naa yo Saki o hlatlegile efe pitša? Naaa kaba a nale kgahlego go yo Sophia?

#Mahlakung – Phetola o file Saki sethunya gore a yo nyaka phaphoši yeo Brandon a robalago go yona Tick’s Corner a mmolaye.Saki o kwagala a tšhošitšwe ke taba ye.Naa o tla e phethagatša goba o ya go utullela Brandon ka morero wo?

#Mahlakung –Phetola o latofotša Bra Bizza gore ke yena a senyago motse wa Mahlakung ka diokobatši.Naa phošo re ka re ke ya bra Bizza bjalo ka morekiši, goba aowa ke ya bareki ba tšona?

#Mahlakung – Masedi o botša Rethabile gore ba swanetše goba le poledišano mo seyalemoyeng ka taba ya Brandon ya gore o ba phaile theto ka kgang.Rethabile o mmotša gore o swanetše go thoma ka Brandon gore a hlatswe leina la gagwe.Naa ye ke yona tsela ya maleba?

#Mahlakung- Badgirl o botša Masedi gore, gore a kgone go fola moyeng,ba swanetše ba bolaye Brandon.Mmalo, naa se se tla diragala ra bona Brandon a bolokilwe?

#Mahlakung –Motšhitšhi o sola batswadi ba gagwe re kwa a botša mmagwe gore yena o be a nyaka bonna ge a tšhabelela komeng .Naa Motšhitšhi o tlo feleletša ka taba ye ka gore ga se e mo sware gabotse?

#Mahlakung – Bra Bizza o tšhošetša Phetola gore a šome le yena go sego bjale, o ya go mo swariša ka bohlatse bja dinepe tšeo Tumi a swerego dithunya tšeo Phetola a mo filego tšona, le gore Tumi o mmoditše gore tše dingwe di ka Secret Room ya ntlo ya Phetola. Naa Phetola ke gona ge a wetše diatleng tša Bra Bizza ka tshedimošo ye goba aowa?

#Mahlakung –Titi o botša Matsheko gore a tšwe ditabeng tša gagwe le Bra Bizza ka gore yo Bizza le Sophia ga se ba nyalane.Naa Titi ka nnete o rata Bra Bizza goba o dio mo šomiša gore a mo šireletše manabeng a gagwe go swana le bo Phetola?

#Mahlakung – Sophia o botša Masedi gore ba swanetše gore ba seke ba swariša Brandon gore o ba phaile theto ka kgang ka gore o tlile go swarelwa gape le polao ya Lucy. Naa ke lona leratorato la Sophia go Brandon goba o hlagelwa ke eng a mo emelela ka bobe bjo a bo dirileng?

#Mahlakung- Konstabel Mpedi o botša Moruti Kgole gore Badgirl ga se a lokollwa kgolegong le Phetola ka ge a amega go tše dingwe tša dintwa ka kgolegong moo motšwasehlabelo a gobetšego kudu e bile ga a kgone go bolela o bookelong, le gore a ka re šia nako efe goba efe.Naa ke gona ge Badgirl a ile ntlwana leswiswi nako ye telele, goba o tla phologa moleko wo?

#Mahlakung –Petronela o lla gabohloko ka ge a gononwa gore Motšhitšhi o tšhabeletše komeng.Naa ge e kaba taba ye ke nnete, go nale seo a ka se dirago gore ngwana wa gagwe a boe gae goba ke gona ge go padile Motšhitšhi o tla boa a alogile?