Mahlakung

#Mahlakung- Mamabona o lla gabohloko ka ge morwedi wa gagwe Titi a sa bonagale gae le mošomong, gomme o gopola gore Bra Bizza o mmolaile. Naa ke nnete Titi ga a sa phela?

#Mahlakung – Mochichi o botša Alfios gore yena ga a rate kereke ya batswadi ba gagwe ,eupša o rata ya Moruti Kgole. Naa bana bao ba salego ka fase ga taolo le hlokomelo ya batswadi ba nale maloka le maswanedi a go ikgethela kereke yeo e ratwago ke bona, goba Mochichi o a di gagatla?

#Mahlakung –Titi o a lla hoteleng tsoko moo a bileditšego Bra Bizza gona, gomme ge Bra Bizza a fihla o humana a apere toulo fela ye e feleleditšego e wela fase ge a be a mo kgopela gore a mo gokare.Naa moreromogolo wa Titika ka se ke ofe?

#Mahlakung – Mampane o kwagala a itshola kudu polelong ya gagwe le Jonjon ka go utullla diphiri tša bobe bja bona le Bra Bizza le Brandon. Naa o dirile phošo ka boipolelo bja gagwe bja go utulla nnete?

#Mahlakung –Konstabel Mpedi o lateletše Bra Bizza gore o swanetše go ya kgorongtsheko ka ge go nale bohlatse bjo boswa bjoo bo tšweleditšwego ke Brandon ka polao ya bana ba ga Sehlong. Naa se se hlatha eng?

#Mahlakung- Malehu o botša Alfios gore mosadi wa gagwe Monica o tlile go mo tlogela a tšea maele a Sophia a go ratana ka gore wo Alfios, o a ratana. Naa ge yo mongwe wa balekane ge a sa botege , naa yo mongwe le yena o swanetše go itefeletša ka go ratana?

#Mahlakung – Alfios o sekiša Sophia gore nkane a palelwa ke go laola monna wa gagwe Bra Bizza ,o mmotša le gore ba swanetše goba le dinomoro tša mogala tša bona e le ba babedi tša ka sephiring tša go se tsebje ke batho ba bangwe. Naa Alfios o bolela nnete goba o a di gagatla?

#Mahlakung – Brandon o tsebiša Bra Bizza gore Mampane o utullutše diphiri tša bona kamoka tša bobe bja bona ka kgorongtsheko. Naa go nale ka fao ba ka phologago letsogo la molao ka kutullo ye?

#Mahlakung – Mmalo! Phetola o khupišitše Brandon sethunya e bile re kwa a se khokha a mmotša gore o a tloga mo lefaseng. Naa ke gona ge a le tlogetše lefase le ,yo Brandon?

#Mahlakung –Alfios o hlabile lešata ka ge a re mosadi wa gagwe Monica o ratana le Brandon. Naa nkane a dio belaela taba ye kaaka.Bothata bo kae ka gore re kwa le Matsobane a kgotsa?

#Mahlakung- Moruti Kgole o hlobaelaka taba ya gore Bra Bizza o rile o y ago konka basadi kamoka ba bookelo bja Fg Kopa? Naa lebaka legolo la gore a hlobaele ke lefe?

#Mahlakung – Tshebi ya Titi ka Kgokong o timeletše .Phetola o bolela gore o mo tswaletše molomo a ka se sa kgona go bolela. Naa go diragetše eng ka tshebi ye?

#Mahlakung- Mokgekolo Mamabona o ile go Mongaka Malehu gore a mo fe pheko ya go ba le khwephane le podilane gore Titi le Bra Biza ba nkgelane ba kgaogane. Naa o tla kgona go ba kgaogantšha ge eba ka nnete ba a ratana?

#Mahlakung –Konstabel Mpedi o botša Jonjon gore legotlo le lefa ka setopo Brandon o swanetše go lefela dibe tša gagwe.Naa Konstabel Mpedi o hlatha eng ka mantšu a?

#Mahlakung –Titi o botša Rethabile gore ga se a hlwa a ratana le Bra Bizza fela mo lefaseng go fasagane yena o tlile go dira bojohle bja gore o fenya Phetola.Naa o hlatha eng ka mantšu a?

#Mahlakung- Mmalo! Phetola o fa Saki sethunya gore a bolaye Brandon gomme o tla mo fa Masedi.Naa Saki o tla e kgona taba ye ya go bolaya Brandon?

#Mahlakung – Kgokong o a itatola gore ga se yena a bolailego James Mohlamme, o bolela gore o bolailwe , a lahlelwa ka phaphošing ya gagwe.Ge eba ga se yena a mmolailego, go reng a epetše setopo sa gagwe ka sephiring a se a hlabe mokgoši?

#Mahlakung- Masedi o a dumela gore Brandon ke yena a mo katilego efela pelo ya gagwe e a gana ka ge a šetše a mo rata.Naa o fahlilwe ke lerato yo Masedi, goba o hlagelwa ke eng?

#Mahlakung –Bra Bizza o botša Sophia gore o tseba kudu le gore ge a ka leka a utulla diphiri go Phetola , o ya go ba bolaya bobedi. Naa Bra Bizza o ratana le Titi goba go diragala eng ka bona?

#Mahlakung –Masedi o šireletša Brandon gore ke yena a mo phailego theto ka kgang.Naa nkane Masedi a šireletša Brandon a sa nyake a swarwa?

#Mahlakung- O a konkoretša Brandon, ga a tsebe gore a arabe bjang dipotšišo tša Phetola. Naa ke gona ge ngwedi o apogetšwe ke maru diphiri kamoka di utullugile?

#Mahlakung – 'Ge o ka bolela nnete ke tla go swarela ”. A ke mantšu a Masedi go Brandon. Naa Brandon o tla mo utullela dinnete, gona Masedi o tla mo swarela?

#Mahlakung- Titi o botša Sophia gore yena o tseba Bra Bizza a be a nyalane le Sylvia e sego yena. Naa taba ye ya Titi e hlatha eng, gona maikemišetšo a gagwe ka Bra Bizza ke afe?

#Mahlakung –Bra Bizza o gana go thuša Titi go wiša Phetola le Badgirl. Naa lebakabaka la gore wo Bra bizza a gane go mo thuša ke lefe ka gore le yena ke lenaba la Phetola?

#Mahlakung –Tumi Lethebe o botša Brandon gore a mo fe R20 000 yeo malome wa gagwe Phetola a mo filego yona ge a be a mo leboga gore o phološitše le go buša Masedi gae. Naa e tla kgonega?

#Mahlakung- Motšhitšhi o botšiša Mam Mmabatho gore naa nkane yena a sa be maemong a sesadi go swana le mogwera wa gagwe wa mosetsana?Naa phošo e tla ba ya mang gona mo , ke ya batswadi ba gagwe goba ke ya mang gore a tsebe ditaba tše?

#Mahlakung – Diteko tša ballistic di laetša gore go šomile sethunya se tee polaong ya mafahlana a ga Sehlong. Naa e kaba ke sethunya sa Brandon, Mampane goba le Bra Bizza o nkga lefotha?

#Mahlakung- Go bothata go boima.”Naa re mo fa tšhelete goba re a mmolaya?” Ke potšišo ya Phetola go Kgokong le Badgirll ka tshebi ya Titi. Naa karabo yeo e tla lokollago Kgokong ke efe, ke tšhelete goba ke lehu la tshebi ye?

#Mahlakung –Badgilrl o befetšwe kudu ge a humane tatagwe, Moruti Kgole a gokere Monica a leka go mo homotša. Naa ke phošo go homotša motho wa bong bjo fapanego ka go mo gokara?

#Mahlakung –Sophia o botša Monica gore a se belaele ge Alfios a ratana le mosadi wa mohumi ka ge a tlo mo tlišetša lehumo ka gae. Naa taba ye ya Sophia ke nnete goba e ka thubela yo Monica lapa ka ge Sophia a re yena ga a bone e le phošo?

#Mahlakung- Kgokong o botša Matsobane gore o lefile Titi R300 000 ya pipa molomo. Naa ke gona ge sephirii sa gagwe sa mmaeneng se utulugile ka gore re kwele a ile le go Moruti Kgole go ipobola?

#Mahlakung – Naa nkane Jonjon a thibela Alfios go nyakišiša ka Brandon gore o tšeere kae tšhelete ya go reka koloi ya nkokoma a sa šome? Naa go nale seo Jonjon a se tsebago gomme a se utago?

#Mahlakung- Masedi ga a tshepe tatagawe Phetola ge a mmotša gore yena o be a nyakile mpya ya pitull gore a e iše dikgwebong tša gagwe ka ge go nale bohodu bja go fetelela. Naa lebaka legolo leo le dirago gore yo Masedi a seke a tshepa tatagwe ke lefe?

#Mahlakung –Naa tšhelete yeo Alfios a e fago Mpedi e ka utullela Monica sephiri sa yo Alfios sa go ratana le mohlologadi?

#Mahlakung –Badgirl o hweleleditše Kgokong a bolela le Titi ka mogala .O mmotša gore o kwele dilo kamoka.Naa ke gona ge Kgokong a tla humana khutšo le tokologo go Titi?Naa Badgirl o tla mo phološa?

#Mahlakung- Sophia o ile resturenteng ya ga Lethebe go nyaka Tumi.Naa yo Sophia o hlagelwa ke enga a nyaka Tumi ka patla le jase ka mokgwa wo?

#Mahlakung – “Wa bona ge e le gore ke nnete papa o lomisitše Brandon mpya, ke ya go sepela ka dula le my future husband.” A ke mantsu a Masedi ge a botsa mmagwe Matsheko.Naa re ka bona ba ga Lethebe ba lobile morwedi wa bona Masedi ka se ,a dula le Brandon?

#Mahlakung- Motšhitšhi o botša mmagwe Petronella gore bana ba nale dinyakwa ke tshwanelo gore le bona ba fiwe sebaka sa go bouta bjale ka bana. Naa ke nnete seo a se bolelago goba o a di gagatla?

#Mahlakung –” Ntlogele ke nontšhe kgogwana ya ka ke tle ke ipshine ka yona.”A ke mantšu a Phetola go Mampane.Naa leano la phetola la bobedi ka yo Brandon ke lefe ka gore la pitbull le padile?

#Mahlakung –Sophia o botša Masedi gore bobedi ba katilwe ke Brandon, Masedi o gana thaa, e bile re kwa a befeletšwe yo Sophia go latofatša lesogana la gagwe.Naa nkane Masedi a ganetša taba ye e bile a emelela Brandon?

#Mahlakung- Joo! Kgokong o botša Hlapyadi gore o nale badimo gomme ba re a iše ngwana ga Machaka. Naa ka nnete Kgokong o nale badimo goba o hlagelwa ke eng?

#Mahlakung – Bra Bizza o khekheresana le Sophia e le ge ba baka peke ya yo Sophia gore Bizza a e phuruohutše ke ge a kwele gore o be a ile go mongaka Malehu, gomme Sophia o gana thaa!Naa seo Bra Bizza a se dirago yo Sophia ke tshwanelo gore a se dire goba o a di gagatla?

#Mahlakung –Kgokong o botša Hlapyadi/Badgirl gore o ya go ipolaya ka ge a re bophelo bo a mo imela.Naa ge Kgokong a ka utullela Badgirl sephiri sa gagwe,Badgirl o tlile go mo thekga goba o ya go mo tlogela?

#Mahlakung –Mmalo !Badgirl o kwele Kgokong a rapela, a lla gabohloko a kgopela tshwarelo go Modimo gore a mo lebalele go seo a yago go se dira. Naa Kgokong o rera go dira eng?

#Mahlakung –Jonjon o tshositswe ke go kwa gore Phetola ga a lebalele gomme o gopola ka lerato la gagwe le Matsheko. Re bona a efa Phetola mpho ya lenaka la monna wa mosepedi go leka go phumula molato wa gagwe. Naa mpho ye go Phetola, e ka dira gore a mo lebalele goba o dio itshwenya ka lefela?

#Mahlakung- Diphiri tsa Kgokong di utulluga ka se tee ka se tee di utullwa ke Titi gomme di mo hlokisa khutso. Naa Kgokong o swanetse go dira eng gore a tswe molabeng le tlaisong tsa yo Titi?

#Mahlakung – Alfios o botša Konstabel Mpedi gore a tlogele go mo sekisa ka tshelete yeo a mo fago yona, yena a dio amogela fela a je , a ipshine.Naa o tla e apea ya butswa pitsa ye a e apeago wo Alfios ka mothopo wo wa maine wa tshelete ye a e epago?

#Mahlakung –Phetola o botsa Jonjon gore o thabile kudu gore ba gabo Brandon ba mo file lenaba la gagwe le phela gore a dule le lona? Naa leano la yo Phetola ka Brandon ke lefe ka gore la Pitbull le foloditse?

#Mahlakung –Mampane o phatlalatsa taba ya gore Brandon o tlogile lefaseng le.Jonjon o befetswe kudu ka se.Naa Mampane o hlagelwa ke eng, naa se a se bolelag ke nnete?

#Mahlakung –Joo nna wee! Titi o befetswe kudu o botsa Rethabile gore o ya go dira Kgokong sa go feta seo a ilego a se dira go yena sa go mo tlogela aletareng ka lenyalo la bona. Naa Titi o ya go dire eng ka Kgokong?