Mahlakung

Mampane o lora ka Ravaza a mo roma go tshabisa Motshitshi. Naa Mampane o a amega mo tabeng tse goba lebaka la gore a lore ke lefe?

#Mahlakung – Konstabel Mpedi o botša Brandon gore yo mongwe wa mahodu a dikgomo o boletše gore ba romilwe ke yena Brandon. Naa Brandon o a amega bohodung bja dikgomo tša Titi goba go bolelwa ka Brandon yo mongwe?

#Mahlakung –Malehu o rile a phekola Mampane a wela fase a idibala.Naa seo se hlotšwe ke eng, ke bobe bja Mampane goba ke eng?

#Mahlakung –Joo! Kgokong o tagilwe , re kwa a bitša Moruti Kgole yoo e lego ratswale wa gagwe ka leina e bile a mmotša gore ga a mo tšhabe le dikarati tša gagwe.Naa o a ikwa gore o reng,goba ga a lemoge selo?

#Mahlakung –Mmalo! Saki o botša Sofia gore a ka mo fa bana ba mafahlana. Se se kgahlile Sofia kudu. Naa Sofia re ka bona a itahletše go Saki?

#Mahlakung –A e botšiša potšišo Motšhitšhi a re , “gagešo ke kae” O kwele kokoa’gwe Mamabona le rakgadi’agwe Titi ba baka ka ga Mabona yo a re ke ka gaka mola yo mongwe a re ke nna ke agilego ntlo ke ka gaka? Naa gabo Motšhišhi ke kae ka nnete?

#Mahlakung – Rethabile o botša Kgokong gore ngwana ba ka se mmone , go sego bjalo ba tla mo humana e le setopo. Naa Rethabile o tsenwe ke eng ka gore ba kwane e bile go nale kontraka ka gare ga ditaba tše tša ngwana?

#Mahlakung –Dikeledi o botša Phetola gore a eme le yena kgahlanong le Matsheko ka ge e le ngwana wa mmagwe. Naa Phetola ge ditaba di le ka tsela ye, Phetola a eme le mang magareng ga moratho wa gagwe le mosadi wa gagwe?

#Mahlakung –Tumi Lethebe o humane Bra Bizza a le ka koloing ya gagwe mola yena a tseba a be a e notletše.Naa Bra Bizza o leka go mo lemoša eng ka se?

#Mahlakung –Moruti Kgole o botša Badgirl gore Phetola o re o bone Titi a etšwa ga Malehu go ya go nyaka sehlare sa go tla go mo feleletša. Naa Badgirl a tšhošwe ke se goba e dio ba mabarebare ao a fošagetšego?

#Mahlakung –Dr Lethebe o itshola kudu go lwa le Dikeleledi Lethebe. Naa o be a swanetše go dira eng ka gore re kwa a bolela gore yo Dikeledi o be a mo kgotlakgotla ka monwana? Naa ke gona ge a lobile mošomo wa gagwe ka maitshwaro a?

#Mahlakung – Titi o humane Motšhitšhi a khutile ka morago ga lebati a re o tšhaba yena ka ge e le mmolayi? Re kwa Motšhitšhi a goelela. Naa ke gona ge rakgadi wa gagwe Titi a feditše ka yena?

#Mahlakung –Brandon o swere tšhelete ye ntšhi gomme o botša Tumi gore o šoma le maphodisa.Naa o tla o beša wa tuka Brandon?

#Mahlakung –Mamabona o botša Sebjalebjale gore Malehu o mo tlišeditše Mankgonyane wa go šupa e bile o mmiditše ka leina a re “Mamabona” Naa Mamabona o bolela nnete goba o dio feteletša?

#Mahlakung –Badgirl o lora ka lehu la gagwe. Naa toro ye ya gagwe e hlatha eng?

#Mahlakung –Matsheko o befeletšwe Tumi gore o tsene ka bathroom ya Sophia a hlapa. Naa phošo ke ya mang gona mo? Ke ya Tumi, Sophia goba Matsheko?

#Mahlakung –Phetola o sola Sofia gore a ka se ratane le motlogolo wa gagwe Tumi mola a be a ratana le yena Malome wa gagwe. Naa se ke poulelo goba Phetola o hlagelwa ke eng?

#Mahlakung –O se utullutše sephiri sa Titi go Konstabel Mpedi Badgirl, feela Millicent o thibela Mpedi go tšea setatamente go yo Badgirl. Naa nkane Millicent a thibela Mpedi go dira mošomo wa gagwe?

#Mahlakung –Mamabona o befeletšwe Matsobane ka lebaka la ge a šomišana le Moruti Kgole yoo e lego lenaba la gagwe. Naa Matsobane o phošo go šomišana le Moruti Kgole mola e le lenaba la mmagwe?

#Mahlakung –Badgirl o a lla o botša Rethabile gore ngwana wa gagwe a ka se tsebe tsoge a tsebile gore mmagwe ke mang. Naa Badgirl o hlatha eng ka mantšu a?

#Mahlakung –Dikeledi o befeletšwe Matsheko gore ke yena a romilego Tumi gore a ratane le Sofia. Naa ke nnete gore Matsheko ke yena a hlotšego lerato la Tumi le Sofia?

#Mahlakung –Tumi Lethebe o bolela le Bizza ka lenyatšo e bile o mo fa molaetša ya gore a botše mosadi wa gagwe Sofia a kgaogane le yena. Naa lenyatšo le la Tumi go Bizza le hlotšwe ke eng?

#Mahlakung –Mmalo! Kgokong o botša Phetola gore Bizza a ka ba a loketše sethuthupi sa bomo ntlong ya Tumi. Naa Phetola a tšhošwe ke se goba ke matšhošetši fela?

#Mahlakung –Dikeledi Lethebe o lateletše Matsheko mošomong go mo latofatša gore ke yena a lahleditšego Tumi ka go mo roma go Sofia.Naa se ke nnete goba Dikeledi o gwaela Matsheko?

#Mahlakung –Titi o botša Rethabile gore a ka mpa a bolaya leseana la Kgokong le Badgirl go ena le gore Badgirl a mo tšee. Naa bjo ke bobe bja mohuta mang bja go bolaya madi a go hloka molato?

#Mahlakung –Motšhitšhi o tshwenyegile kudu ka bophelo bja koko wa gagwe Mamabona ge a ile ga Machaka. Matsobane o mmotša gore tšeo a di kwelego ka rakgadi wa gagwe Titi le motswala’gwe Rethabile di fošagetše. Naa Matsobane o swanetše go dira eng gore Motšhitšhi a be le khutšo moyeng?

#Mahlakung –Phetola o botša Matsobane gore ba ga Mabona ba lokiše dipolicy tša poloko , Kgomo le disociety ka gore go tlo opelwa difela tša poloko. Naa Matsobane o tla e lokiša bjang phošo ya Titi le Rethabile gore ba bolokege?

#Mahlakung –Titi o tšhošetša Kgokong gore ge a sa nyake go tsena mathateng a tšwele pele go thekga leano la gagwe le Rethabile la go bolaya Badgirl. Naa Kgokong o tla bona a dirile eng?

#Mahlakung –Jonjon o humane dikupu tša Diesel ga Brandon e bile re kwa a mmetha. Naa Brandon ke lona lehodu la didiesel la Mahlakung?

#Mahlakung –Tumi Lethebe o botša Saki gore o nyaka go hlwekiša motse Mahlakung kgahlanong le bosenyi. Naa o tla e kgona taba ye?

#Mahlakung –Bra Bizza o botša Phetola gore a botše Tumi gore o lobile mabati o a leboga o tla reka a mangwe yena a mo fa Modimo? Naa ka nnete Bra Bizza o lebaletše Tumi goba o rera eng?

#Mahlakung –Tumi o rapile badudi ba Mahlakung go ya go phuruphutša ga Bra Bizza ka bohodu bja dicable tša mohlagase le dillathekeng. Naa o a amega Bra Bizza ditatofatšong tše a pharwago ka tšona?

#Mahlakung – Mmalo! Motšhitšhi o tšhabetše go Koko Sebjalebjale ka ge a re o tšhaba gore rakgadi wa gagwe Titi o tlile go mo hlabela ka tšhwaana a mmolaya ka ge a kwele gore o nyaka go bolaya Badgirl. Naa Motšhitšhi o tla humana hlakodišo kae?

#Mahlakung –Titi o lla gabohloko o latofatša Moruti Kgole gore o nyaka gore a lahlegelwe ke mošomo. Naa go tla sa bjang gona mo?

#Mahlakung –Diesel ya truck ya Jonjon le ya dibus tša motse wa Mahlakung di letše di utswitšwe gomme ge Jonjon a leka go ya go phuruphutša go Brandon, o mmotša ge Mampane a sepetše le dinotlelo tša lebati. Naa Brandon ke lona lehodu la di diesel?

#Mahlakung –Mampane o belaetšwa ke masoganatsoko ao a bego a nale Brandon, se sengwe re kwa a bolela ka leemaema la yo Brandon ka dikupu. Naa go nale bomenetša bjo Brandon a bo dirago?

#Mahlakung –Badgirl o botša Masedi gore tatagwe Phetola ke yena a ka mo thušago go maano a Titi a go nyaka go mmolaya. Naa nkane a dio kgetha Phetola gare ga batho kamoka?

#Mahlakung – Jonjon le Brandon ba fošana ka noga e phela, re kwa Jonjon a mo koba. Naa ke gona ge go fedile ka segwera le setswalle sa bona?

#Mahlakung –Naa nkane Dr Lethebe a kwagala o kare o ganetša taba ya gore Titi o nyaka go bolaya Badgirl. Naa Dr Lethebe o hlagelwa ke eng ?

#Mahlakung –Phetola Gentle Lethebe o botša setšhaba sa Mahlakung gore ba swanetše go yo nyaka mahodu a go utswa ka nako ya loadshedding ba ba iše patleng. Naa ba tla e fenya ntwa ye?

#Mahlakung –Mmalo! Motšhitšhi o botša mmagwe gore o gatakela ditokelo tša gagwe ge Petronella a mmotša gore ga a sa nyaka go kwa ka leina la Matilda. Naa ke nnete mmagwe o a mo gatelela goba o a di gagatla?

#Mahlakung –Joo! Saki o ile go Malehu gore a golofatše Bra Bizza , Malehu o a mo koba. Naa go tla sa bjang?

#Mahlakung – Rethabile o tšhogile la mafelelo go bona koloi ya Konstabel Mpedi e eme lesorong la gabo. Naa o tla kgona go latela maele a Titi a go se bolele selo goba ke gona ge ba swerwe?

#Mahlakung –Hlapyadi o kgonne go botša tatagwe Moruti Kgole le Millicent gore Titi o nyaka go mmolaya, se se tshwenya Kgokong kudu. Naa go nale seo a ka se dirago go mo phološa?

#Mahlakung –Titi Mabona Machaka o gana go fetola dipotšišo tša Konstabel Mpedi dinyakišišong tša gagwe ka kotsi ya Badgirl. Naa o tla phomelela ka go dira bjalo?

#Mahlakung –Mmalo! Masedi o itshola kudu goba a ile a ikamagantšha le Brandon mo bophelong bja gagwe. Naa o tla kgona go dira gore a mo katoge?

#Mahlakung –Dikeledi Lethebe o sola Konstabel Mpedi go šomiša koloi ya mmušo go ya mabenkeleng .Naa ke phošo ge mošomi a feta mabenkeleng go ithekela dinyakwa tša lapa la gagwe tseleng ya go ya gae?

#Mahlakung – Joo! Naa Brandon o tla tšhabela kae ka gore Sophia o mmotša gore yena o momela monna bjalo ka glue, a ka se leke a mo tlogela?

Mothotsoko o hweleleditše Titi ka wardeng ya Badgirl a leka go mmolaya. Naa Badgirl o tla se utulla bjang sephiri se sa Titi sa gore o nyaka go mmolaya ka gore ga a kgone go bolela?

Konstabel Mpedi o ya go phuruphutša ga Mabona, ka lehlakoreng le lengwe re kwa Mamabona a botša Rethabile gore ge maphodisa a ba swara yena ga a di tsene. Naa Mamabona o reng a hlanamela Titi le Rethabile, o tla e phologa kgolego ka go dira seo?