Mahlakung

#Mahlakung – Badgirl o botša Masedi gore ba nyakolle gore ke mang a bonego Masedi ge a be a hlagišetša Brandon kotsi ya mollo gomme ge ba mo humane ba mo tswalele molomo. Naa Masedi o tla eaphologo kotlo ya molato wo a o dirilego Brandon?

#Mahlakung- Moruti Kgole o botša Bra Bizza gore Alfios o mmoditše gore a lokiše mangwalo a go boloka ka gore e se kgale o tla ba a eya Soshanguve go yo boloka Brandon.Naa gantši ke eng seo se dirago gore batho ba bege mahu a ba bangwe ba se na nnete le bohlatse bja mahu ao?

 #Mahlakung –Motšhitšhi o boditše Tumi gore Masedi o tla tseba gore Brandon o kae ka gore Brandon o tlogile go yena a re o ya go yena gore ba lokiše ditaba tša bona.Naa taba ye e ka dira gore Masedi a golegwe? 

#Mahlakung – Jo nna! Metšhene ya ka ICU moo Brandon a lego ka gona, e a lla,re kwa Jonjon a goelela Sister Millicent. Naa go padile ka Brandon?

#Mahlakung –Masedi o rera go itefeletša go Brandon ka seo a mo dirilego sa go mo phaya ya theto ka kgang.Re kwa Motšhitšhi a thibela Brandon go ya go kopana le Masedi fela a palelwa.Naa go tla sa bjang ?

#Mahlakung – Bra Bizza o botša Konstabel Mpedi gore o ya go phuruphutša ga Lethebe , fela ge a fetša o tlo ya ga gagwe le gona a phuruphutša? Naa nkane Konstabel Mpedi a re go sebotšwa a hlanamela mosebotši Bra Bizza, naa o hlagelwa ke eng?

#Mahlakung- Rethabile ga a thabele kamano ya Titi le Bra Bizza e bile re kwa a botša Alfios gore yena a ka se dumelele Bra Bizza go itira tatagwe .Alfios o mo eletša go nyaka setene seo e lego sa gagwe.Naa ge o mongwe wa batswadi a hlokofetše gomme wo a šetšego a ikhumanetše moratiwa, naa bana ba swanetše go tšwa ka gae goba go swanetše go tšwa yena?

#Mahlakung –Siter Millicent o lebogiša Titi ge a tsoša Tick’s corner go kgalemela mmolelwana wa gore mohu ge a be a nale sa gagwe, ge a tloga o tloga le tšona.Naa se ke nnete goba ke bošaedi bja bao ba šetšego le tšona ga ba na hlokomelo?

#Mahlakung – Moruti Kgole o eletša Kgokong go hlalana le Badgirl go efoga dipolayano tša baratani ka gore ba phelela go lwa .Naa Moruti o e swere tsela goba o a di gagatla?

#Mahlakung –Alfios o kgopela mongaka Malehu pheko ya go dira gore Masechaba a se sa mo šala morago a mo katoge.Naa o tla e humana pheko ye?

#Mahlakung – Titi o botša Rethabile gore o ya go nyalana le Bra Bizza ba hlakanela dikgwebo , gomme ka go dira se , dilo tša gagwe di tla loka, gomme Rethabile o kgahlanong le se. Naa Titi o hlagelwa ke eng, o fahlilwe ke lerato?

#Mahlakung- Badgirl o botša Millicent gore o nyaka go tsentšha hlalo efela, Millicent o a mo thibela.Naa ke gona ge go fedile ka lenyalo la Kgokong le Badgirl goba Millicent o tla e thibela hlalo ye?

#Mahlakung –Konstabel Mpedi o botša Sophia gore bona e le maphodisa ba lapišitšwe ke go bulwa le go tswalelwa ga melato.Naa ke phošo go bula molato wa tla wa o tswalela goba gona go o phumula ka morago?

#Mahlakung – Motšhitšhi o bala ka taba ya lebollo ka beibeleng gomme se se kwagala se makatša Petronella kudu.Naa go nale seo yo Motšhitšhi a se beakantšhago ka se, goba o noba a nyaka tsebo fela?

#Mahlakung –Sister Millicent,o botša Moruti Kgole gore ka go raka Motšhitšhi kerekeng ya gagwe,o napile o e thomile ntwa le dikereke tše dingwe, a nape a itukišetše ntwa yeo.Naa go nale seo Moruti Kgole a ka se dirago go tima mollo wo a o thomilego?

#Mahlakung – Moruti Kgole o rakile Motšhitšhi ka ge a re o šilafatša kereke .Bra Bizza o mo fetola ka potšišo ya gore naa batho bao ba tšwago mahung ba namela ditaxi ba a di tšhilafatša? Naa ka nnete motho o a le tšhilafatša lefelo goba aowa,yo Moruti Kgole o a di gagatla?

#Mahlakung- Sophia o befeletšwe Mmabatho gore o phatlaladitše ditaba tšeo a mmoditšego tšona ka hlaselo ya lapa la Titi, e bile o mmotša gore yena ga se a loke o tla mo tmeletša .Naa Sophia o hlatha eng ge a re o tla mo timeletša?

#Mahlakung –Saki o botšiša Sophia ka kamano ya gagwe le Brandon, e bileo mmotša gore Brandon o ka gare ga mathata.Naa yo Saki o hlatlegile efe pitša? Naaa kaba a nale kgahlego go yo Sophia?

#Mahlakung – Phetola o file Saki sethunya gore a yo nyaka phaphoši yeo Brandon a robalago go yona Tick’s Corner a mmolaye.Saki o kwagala a tšhošitšwe ke taba ye.Naa o tla e phethagatša goba o ya go utullela Brandon ka morero wo?

#Mahlakung –Phetola o latofotša Bra Bizza gore ke yena a senyago motse wa Mahlakung ka diokobatši.Naa phošo re ka re ke ya bra Bizza bjalo ka morekiši, goba aowa ke ya bareki ba tšona?

#Mahlakung – Masedi o botša Rethabile gore ba swanetše goba le poledišano mo seyalemoyeng ka taba ya Brandon ya gore o ba phaile theto ka kgang.Rethabile o mmotša gore o swanetše go thoma ka Brandon gore a hlatswe leina la gagwe.Naa ye ke yona tsela ya maleba?

#Mahlakung- Badgirl o botša Masedi gore, gore a kgone go fola moyeng,ba swanetše ba bolaye Brandon.Mmalo, naa se se tla diragala ra bona Brandon a bolokilwe?

#Mahlakung –Motšhitšhi o sola batswadi ba gagwe re kwa a botša mmagwe gore yena o be a nyaka bonna ge a tšhabelela komeng .Naa Motšhitšhi o tlo feleletša ka taba ye ka gore ga se e mo sware gabotse?

#Mahlakung – Bra Bizza o tšhošetša Phetola gore a šome le yena go sego bjale, o ya go mo swariša ka bohlatse bja dinepe tšeo Tumi a swerego dithunya tšeo Phetola a mo filego tšona, le gore Tumi o mmoditše gore tše dingwe di ka Secret Room ya ntlo ya Phetola. Naa Phetola ke gona ge a wetše diatleng tša Bra Bizza ka tshedimošo ye goba aowa?

#Mahlakung –Titi o botša Matsheko gore a tšwe ditabeng tša gagwe le Bra Bizza ka gore yo Bizza le Sophia ga se ba nyalane.Naa Titi ka nnete o rata Bra Bizza goba o dio mo šomiša gore a mo šireletše manabeng a gagwe go swana le bo Phetola?

#Mahlakung – Sophia o botša Masedi gore ba swanetše gore ba seke ba swariša Brandon gore o ba phaile theto ka kgang ka gore o tlile go swarelwa gape le polao ya Lucy. Naa ke lona leratorato la Sophia go Brandon goba o hlagelwa ke eng a mo emelela ka bobe bjo a bo dirileng?

#Mahlakung- Konstabel Mpedi o botša Moruti Kgole gore Badgirl ga se a lokollwa kgolegong le Phetola ka ge a amega go tše dingwe tša dintwa ka kgolegong moo motšwasehlabelo a gobetšego kudu e bile ga a kgone go bolela o bookelong, le gore a ka re šia nako efe goba efe.Naa ke gona ge Badgirl a ile ntlwana leswiswi nako ye telele, goba o tla phologa moleko wo?

#Mahlakung –Petronela o lla gabohloko ka ge a gononwa gore Motšhitšhi o tšhabeletše komeng.Naa ge e kaba taba ye ke nnete, go nale seo a ka se dirago gore ngwana wa gagwe a boe gae goba ke gona ge go padile Motšhitšhi o tla boa a alogile?

#Mahlakung – Saki Makhumetja o utullutše sephiri sa Brandon sa go bolaya Lucy go Masedi. Naa Masedi ka nnete o ya go swariša Brandon?

#Mahlakung –Naa Motšhitšhi ka nnete o tšhabeletše komeng goba go nale moo a ilego gona?Naa go tla sa bjang gona mo?

#Mahlakung – Bra Bizza o botša Moruti Kgole gore go ya ga gagwe kgolegong go phološitše bophelo bja Phetola ka gore nkabe bagolegwa ba bangwe ba mmolaile.Naa se ke nnete goba ke mararankodi a yo Bra Bizza?

#Mahlakung- Moruti Kgole o botša Millicent gore o iša dithunya tšeo a di humanego ka kerekeng maphodiseng ka ge a re di šilafatša kereke. Millicent o mo eletša gore a se dire seo a bitše baruti go tla go hlwekiša kereke go e na le go swariša Badgirl .Naa Moruti a dire eng ge go le ka tsela ye?

#Mahlakung –Bra Bizza o hweleleditše Brandon le Sofia mmogo, gomme re kwa a koba Brandon a re ga a na molato,wa molato ke Sofia.Naa o hlatha eng ka se?Brandon o lokollogile goba o mmeetše molaba ka taba ye?

#Mahlakung – Bra Bizza o kgopela Mampane gore a mo rekišetše ntlo ya gagwe ka gore o tlile go fetša bophelo bja gagwe kamoka a le kgolegong. Naa Bra Bizza o e tšea kae taba ye ya gore Mampane a ka se lokollwe ka pela?

#Mahlakung – Moruti Kgole o kgopela Rethabile go phumola molato wo ba o buletšego Hlapyadi , Rethabille o botša Moruti Kgole gore Hlapyadi ke yena a ba hlasetšego ka ge a ile a bolela gore o nyaka go ba fediša molokwana rite.Naa Moruti o tla bona a dirileng gore Badgirl a hlatswiwe leina molatong wo?

#Mahlakung – Phetola le Mampane ba mmogo kgolegong ba bolela gore Bra Bizza o kotsi le go ba le maatla a mantšhi kudu ge a le ka kgolegong go phala ge a le ka ntle ga yona.Naa ke nnete seo ba se bolelago, gona ge e kaba go bjalo, se kgontšhwa ke eng seo?

#Mahlakung- Brandon o kgopela tshwarelo ditorong, re kwa a bitša leina la Lucy a bolela gore yena ga se yena.O botša Masedi gore yena ga a na molato dipolaong tša bana ba ga Sehlong. Naa se ke mathomomayo a go hlakana hlogo ga yo Brandon ka lebaka la go amoga batho maphelo goba e dio ba ditoro fela?

#Mahlakung –Moruti Kgole o befetšwe , o rola kefa ya boruti lebakanyana ka ge a re batho ba a mo nyatša le go mo rumula ka ge ba re a ka se itwele ka gore ke Moruti.Re kwa a betha Alfios ka karati.Naa Moruti o phošo goba le yena ke motho o nale maikutlo, goba o be a swanetše a dirile eng?

#Mahlakung – Konstabel Mpedi o golega Badgirl ka ge a mo latofatša ka molato wa go hlasela lapa la ga Mabona.Naa ke gona ge bokamoso bja gagwe bo senyegile goba nnete e tla tšwelela a phologa?

#Mahlakung –Saki Makhumetša o tšhogile kudu go kwa gore Bra Bizza o kotsi kudu ge a le ka kgolegong.Naa nkane a tšhogile ka tsela ye .O hlagelwa ke eng?

#Mahlakung – Mmalo! Moruti Kgole o boditše Malehu gore Monicca o re o o thomile go ithuta boloi.Se se befedišitšwe Malehu kudu, e bile re kwa a bolela gore o ya go tloga ga Mojela.Naa re ka re Moruti Kgole ke mphapantšhi goba aowa, yena o be a bolela seo a se boditšwego?

#Mahlakung- Masedi o botša Badgirl gore matšhošetši a gagwe a go hlasela Rethabile, a phethagaditšwe. Naa Badgirl o ile go hlatswa bjang leina la gagwe gore ga a amege felo kotsing ya lapa la ga Mabona?

#Mahlakung –Bra Bizza o botša Brandon gore a ka se tšwe kgolegong go fihlela Phetola a swarwa ba eba mmogo.Naa Bra Bizza o ikemišeditše go dira eng ka Phetola?

#Mahlakung – Sethunya se llile , re kwele Titi le Rethabile ba goelela. Naa ba phologile kotsing ye?

#Mahlakung –Sister Millicent, Mma Moruti Kgole o Kgopela Moruti Kgole gore a rapelele Brandon a hlakane hlogo go feta ka fao a lego ka gona.Naa e tlaba thapelo ya mohuta mang yona ye ya go kgopelwa ke Millicent?

#Mahlakung – Brandon o file bohlatse bja go ganetša gore ba be ba romilwe ke Bra Bizza go bolaya mafahlana a ga Sehlong. Naa Mampane o tla bona a dirile eng ka gore Brandon o mo hlanametše ,o file bohlatse bja go fapana le bja gagwe?

#Mahlakung- Brandon o lora maloko a setšhaba ba nyaka go mo fiša, re kwa le Masedi a khokha sethunya a nyaka go mo feleletša. Naa toro ye ya Brandon e hlatha eng?

#Mahlakung –Phetola o etetše Bra Bizza kgolegong, o a mo kotla le go mo sega, e bile o mmotša gore a mofe dinotlelo tša diflat ka gore bjale ke tša gagwe. Naa ke gona ge go fedile ka Bra Biza goba wo Phetola o itshwenya ka lefela?

#Mahlakung – Naa go tlile bjang gore mafahlana a ga Sehlong ba tšee koloi yeo e šomišwago ke Bra Bizza ya bolotabahu go sepetša diokobatši dinepe? Naa Phetola o a amega tabeng ye?

#Mahlakung –Moruti Kgole o tshwenyegile kudu e bile re kwa a bolela gore o ya go ikona dijo (fasting) gore a rapelele taba ya lerato la Bra Bizza le Titi. Naa ke eng se segolo seo se tshwenyago Moruti Kgole e bile a dio nagana go ikona?