Mahlakung

#Mahlakung – Titi o botša Millicent gore Rethabile ga a nyake go mo theeletša ge a mmotša gore a kgaogane le Robert ka ge a re o tswalana le Bra Bizza. Millicent o mmotšiša gore ge go le ka tsela ye, phošo ke ya mang. Ka nnete ge Rethabile a ganeletše go ratana le Robert ke ya mang phošo ?

#Mahlakung –O befetšwe Mochichi wa dinose morago ga go hweleletša mmagwe Petronella a bolela le Mabatho ge a mmotša gore o gononwa gore o imile ngwana wa noga. Naa go nale seo Petronella a ka se dirago go thibela mollo wo wa hlaga , wo o ka dirago gore Mochichi a ye kgolegong ?

#Mahlakung-Bra Bizza o kgopela Brandon go bolaya batho bao ba mo hlasetšego ge a be a le go la Bloemfontein.Brandon o bolela gore yena a ka se kgone go bolaya Phetola? Naa Brandon o tla bona a dirile eng gona mo ka gore o ba tšhaba bobedi.

 #Mahlakung –Moruti Mabona le Phetola ba a kgakgana ka lebaka la ge Saki a tlogetše mošomo ga Lethebe a šoma ga Mabona.Phetola o bolela mantšu a gore ,”taba ye , ga se e fele”, Matsobane o mo fetola ka gore ë fedile , e bile a ka se mo kgone”naa Matsobane o hlatha eng ka mantšu a a gagwe?

#Mahlakung –Bra Bizza o botša Rethabile gore Robert o gotše mmagwe a daka dikolo a mmoputše gomme se se dirile gore Robert a bone mokgwa wa go phela ka dithumya e le wa nnete.Naa Bra Bra Bizza tshedimošo ye kaaka ka Robert o e tsebela kae ?

#Mahlakung –Jonjon o laela Mabatho gore a kgaogane le Hlapyadi/Badgirl. Naa lebaka legolo la gore Jonjon a dire se ke lefe?

#Mahlakung –Millicent o botša Matsheko gore Badgirl, Hlapyadi o nale badimo. Naa taba ye ke nnete goba Millicent o hlatha eng?

#Mahlakung-Bra Bizza o fa Brandon ditaelo tša gore ge Titi goba Rethabile ba mmotšiša se sengwe ka Robert, a homole. Naa ke eng seo Bra Bizza a se fihlago ka wo “Maguda) Robert Nchaupe?

 #Mahlakung –Petronella o re o bone noga ya matsobane , mola re ekwa ge Saki a botšiša Matsobane gore o nale phoofolo Matsobane a makala.Naa Matsobane o a ikgakantšha goba ba mo thomela maaka ka go ba le noga?

#Mahlakung –Matsobane o tšwa go tšea Petronella gagabo .Morago ga go bolela le yena a mo tlogela ka kamoreng ya bona, noga e a tsena .Naa Matsobane a ka ba a tsebile ka seo se hlagelago Petronella pele se hlaga goba monna yo wa batho ga a tsebe selo?

#Mahlakung –Titi o gononwa gore Robert ke ngwana wa Bra Bizza le Sylvia. Naa taba ye ke nnete goba yo Bizza o tswalana bjang le Robert Nchaupe?

#Mahlakung –Mamabona o leka go rapeletša ngwetši ya gagwe Petronella yoo a mo laelago gore o a tloga o ya gagabo.Naa ke gona ge lenyalo la Matsobane le thubegile goba Mamabona o tla le phološa?

#Mahlakung-Brandon o botša Titi gore ba hlokomele Rethabile ka ge bophelo bja gagwe bo le kotsing ka Robert.Naa go nale seo Titi a ka se dirago go phološa bophelo bja morwedi wa gagwe ka ge re ekwa gore yo Rethabile ga a na tsebe?

 #Mahlakung –Phetola o re fuu, o bolela gore o nyaka Saki a boa mošomong ga Lethebe, mola ka lehlakoreng le lengwe re ekwa Matsobane a phamphella Saki ka diketekete tša diranta.Naa re ka bona Saki a tlogetše go šoma ga Mabona a boeletše ga Lethebe?

#Mahlakung –Mochichi o boditše Tumi gore tatagwe Matsobane o mo lakaleditše madimabe a gore o tlo jewa ke koma ge a ka ya go wela, le  gore o nyaka go dira sehlabelo ka yena.Naa ke nnete Matsobane o nyaka go dira sehlabelo ka Mochichi?

#Mahlakung –Alfios o tšhabetše ka ntlong o fa Rethabile ditaelo tša go thuša Monica morago ga gore ba humane noga ge ba be ba phuruphutšha ka ge bana ba bodiše Monica gore ba bone noga e tsena ka jarateng ya ga Mojela.Naa Alfios ke lefšiega le le bjang la go tšhabela mosadi a sa mo šireletše?

#Mahlakung –Jonjon o botšiša Selosecha gore o sepetše bjang ka mošomo kerekeng ya Mabona, re kwa Selosecha a hemela godimo.Naa go diragetše eng sa go tšhoša ge Selosecha a be a ile go nyaka mošomo wa go otlela kerekeng ya ga Mabona?

#Mahlakung-Ge Millicent a botša Moruti Kgole gore a kgalemele Hlapyadi  a tlogele go bolela gampe ka Matsobane , Kgole o mo fetola ka gore Hlapyadi o hlohleletšwa ke Moya o Mokgethwa go hlomola motse wa Mahlakung mootlwa.Naa Kgole goreng a sa kgale Hlapyadi?

 #Mahlakung –Matsobane Mabona o botša Petronella gore ge eba o kwane le malome wa gagwe Pokane gore a yo saenela Mochichi komeng, o tlo roula ka gore Mochichi o tla be a jelwe ke koma.Naa Matsobane o hlatha eng ka se?

#Mahlakung –Alfios o tšhogile kudu ge Malehu a mmotša gore sebatana seo Matsobane a nago le sona se nyaka sehlabelo sa madi a bana ba bona.Malehu o mo eletša gore yena a se fe Rethabile gomme Matsobane a se fe Mochichi. Alfios o mmotša gore yena ga a sa sepela o ya go dula le yena ka ge a tšhaba noga kudu.Naa Alfios le Matsobane ba bothateng ?

#Mahlakung –Bra Bizza o botša Konstabel Mpedi gore Maguda, Robert o a bolaya.Naa nkane go kwagala e ke Bra Bizza o šireletša Robert.Naa Bizza go nale ka fao a tswlanago le Robert goba lebaka ke lefe la gore a mo šireletše?

#Mahlakung –Saki o botša Moruti Kgole gore Phetola o tsenwe ke letimone la go bolaya batho.Naa taba ye ke nnete goba Saki o fetwa ke molomo?

#Mahlakung-Titi o ngaletša Rethabile ge a sa nyaka go kgaogana le Robert,e bile re kwa a mmotša gore o nagana go rekiša dithoto tša gagwe kamoka a huduge Mahlakung go efoga go segwa ke batho ka lebaka la Rethabile.Naa re ka bona Rethabile a kgaogana le Robbie ka lebaka la se?

 #Mahlakung –Phetola Lethebe o kgeitše dinyakwa tšeo Saki a di ngwadilego.Naa Phetola goreng a dira bjalo a sa phethagatše dikgopelo tša Saki gore e be mošomi yo a kgotsofalago?

#Mahlakung –Selosecha o kwagala letšhogo la go ya go rapela le Matsobane, naa o hlatha eng ge a botšiša Alfios gore ,’ke tla be ke rapela eng ‘?

#Mahlakung –Malehu o botša Monica gore morago ga go thekga motse wa ga Mabona, Alfios le Matsobane ba ya go itšhatšharela. Naa Malehu o hlatha eng?

#Mahlakung –Sebjalebjale o botša Mamabona gore sephiri sa go uta gore Mochichi o kae, se tla dira gore Mochichi a jewe ke moloto ka lebaka la diphiri tša Matsobane. Naa ke nnete re ka bona Mochichi a llwe ke koma goba ke mabarebare ao a fošagetšego?

#Mahlakung-Matsobane o botša Petronella gore ke yena  noka ya Jordane yeo batho ba rego ge ba feta go yona, ba ipolela melato. Naa Matsobane o hlatha go reng ka mantšu a a gagwe, gona o ra bjang ge a re Mabatho o idibaditšwe ke dibe tša gagwe?

 #Mahlakung –Mabatho o ka bookelong morago ga go idibala ge ba be ba phuruphutša ga Mabona.Naa go diragetše eng?

#Mahlakung –Badgirl, le badudi ba Mahlakung ba ile ga Mabona go gwanta kgahlanong le tlaišo ya Petronella le Mochichi, ba rile ge ba  putuka ka ntlong ba nyakana le selo seo se ba tshwenyago, ba bula lepokisitsoko ra kwa ba goelela ba tšhaba.Naa ba tšhaba eng?

#Mahlakung –Phetola o sekiša Saki ka go ya go šomela Matsobane. Saki o fologa koloi ya Lethebe o a tšhaba. Naa ke gona ge Saki a hlanogetše ba ga Lethebe , gona ke phošo ge a eya go nyaka mafulo a matala?

#Mahlakung –Phetola o botša Moruti Kgole gore a kgopele Hlapyadi a emiše go ya go gwantela Matsobane.Naa Phetola o amega bjang tabeng ya tlaišo ya Mochichi le Petronella, ge re ekwa ebile a botša Moruti Kgole go botša Badgirl go emiša ka mogwanto?

#Mahlakung-Matsobane o botša Titi gore gosasa Rethabile o tla ba a boile ka gae.O mmotša gore go nale seo a yago go se dira.Naa Matsobane ke moporofeta goba o hlatha eng?

#Mahlakung –Titi o lla gabohloko ka ge a gopola gore Robert o bolaile Rethabile morago ga gore Mamabona a mmotše gore mongaka Malehu o re ditaola tša gagwe di mmontšha phoofolo , noga le lepokisi. Naa ka nnete Robert o bolaile Rethabile goba go diragala eng?

#Mahlakung –Petronella o hweleleditše Matsobane a bolela ka mogala le mothotsoko ka selo seo a bolelago gore ga se ba mmotša ge ba mo fa sona gore se nale magato a go fapana, le gore se nyaka madi le gore Alfios o bolela gore selo seo se gare se a gola.Naa bophelo bja Matsobane le Afios bo kotsing?

#Mahlakung –Konstabel Mpedi o thomile dinyakišišo ka David Potsotso Mampane e bile re kwa a kgopela “Selosecha”go mo iša lebitleng la gagwe.Naa Konstabel Mpedi o ya go dira eng lebitleng la David Mampane?

#Mahlakung –Rethabile le Titi ba lwa ntwa ya mahlo a mahwibidu ge Rethabile a ganelela go ba le Robert a gana go ya gae?Naa Titi o tla kgona go ba kgaogantšha goba Rethabile ke gona ge a nyameletše?

#Mahlakung-Phetola o ganne go amogela R100 000 ya Matsobane yeo a bego a mo tshepisa yona gore a boe kerekeng ya gagwe. Alfios o bitša phetola setlaela go gana tšhelete.Naa Phetola o bone eng ga Mabona ya go dira gore a tlogele kereke ya gagwe?

 #Mahlakung –Moruti  Kgole le Mmamoruti Sister Millicent ,ba thekga lesolo la go ya go gwanta kgahlanong le tlaišo ya Petronella.Re kwa Bra Bizza le Jonjon ba bontšha letšhogo la bona ka Matsobane, moo re kwago Bizza a botšišago Moruti gore o nyaka go roula naa le Jonjon a bolela ka go ba kotsi ga Matsobane?Naa Moruti, Mmamoruti le setšhaba sa Mahlakung ba raloka ka mollo?

#Mahlakung –Moruti Matsobane Mabona o tshwenyegile ka lebaka la gore Moruti Kgole o be a tlile ka ga Mabona ba putuka noga le Mamabona ka dikamoreng.Naa ke ka lebaka la eng taba ya go tla ga Moruti Kgole e mo tshwenya gakaaka?

#Mahlakung –Mochichi o botša Rethabile gore mmagwe Petronella o re o lorile a nale Mochichi le yena Rethabile ba le ka gare ga muši ba se ba apara? Naa toro ye ya Petronella e hlatha eng?

#Mahlakung –Rethabile o kgopišwa ke gore Bra Bizza o kgetha go kgaogana le Titi gore yena Rethabile a kgaogane le Robert.Kgokong o mo eletša gore Bra Bizza o a tseba gore Robert o kotsi.Naa nkane Bra Bizza e tšea kgato e kaaka ya kgaogana le moratiwa wa gagwe Titi ka lebaka la kamano ya Rethabile le Robert?

#Mahlakung-Badgirl o botša Alfios gore seo a se dirago le Matsobane se tlo dira gore ba lobe bana ba bona bjalo ka go ba dihlabelo.Alfios o ganetša seo Badgirl a mmotšago sona.Naa nkane Alfios a ganetša taba ye e bolelwago ke Bdgirl.A ka ba a tseba nnete fela  a e ganetša ka go rata tšhelete goba  lebakabaka ke lefe?

#Mahlakung –Bra Bizza o botša Brandon gore a phuthaphuthe seo e lego sa gagwe a ye go nyaka madulo go gongwe .Brandon o a mo rapeletša o mmotša gore a a ka mo direla se sengwe le se sengwe seo a ka kgopelago gore a mo direle sona.Bra Bizza o kwagala a sa tšee taba ya gagwe.Naa se ke taetšo ya gore Bra Bizza o sokologile goba bjang?

#Mahlakung – Moruti Matsobane Mabona o botša Moruti Kgole gore ge Hlapyadi a ka ba a leka a rulaganya batho gore ba tle gagwe, ke gona ge a hwile. Naa Moruti Mabona o hlatha eng ka mantšu a gagwe? O rera go dira eng ka Hlapyadi ?

#Mahlakung – Saki o botša Tumi gore lebakabaka la gore Robert ba mmitše Maguuda ke gore ge a swere sethunya , o re se sengwe le se sengwe se a kgonagala. Saki o mo lemoša gore maphelo a bona a kotsing ge Brandon a ka botša Robert ka bona.Naa re ka bona Brandon a šomišana le Robert  a ba tšholotše ?

#Mahlakung –Bra Bizza o koba Konstabel Mpedi ge a mo kgopela gore a šomišane le yena a mo fe tshedimošo.Naa go nale seo se ka dirwago gore maloko a setšhaba ba lokologe go šomišana le maphodisa go bega bosenyi ntle le go bea maphelo a bona kotsing ?

#Mahlakung- Rethabile o botša Mamabona gore Petronella o re ga a sa nyaka go kwa selo ka Matsobane ka gore ke moloi.Re kwa Mamabona a šireletša Matsobane.Naa se se hlatha eng, a e kaba Mamabona o tseba diphiri tša Matsobane?

 #Mahlakung –Titi o galefile morago ga gore Rethabile a mmotše gore Bra Bizza o mmoditše gore ge yena Rethabile a ka kgaogana le Robert, yena o ikemišeditše go kgaogana le Titi.Titi o botša Rethabile gore yena le Bizza ba ka se tsoge ba kgaogane.Naa a e kaba se ke taetšo ya lerato la Titi go Bra Bizza , goba go diragala eng?

#Mahlakung – Petronella o llela go Moruti Kgole gore o hloka Hlapyadi gore a mo thuše a kgoboketše basadi ba mo lwele. Naa Petronella o hloka eng go lokologa bokgobeng bjoo a rego o hloka Hlapyadi go mo hlakodiša?