Mahlakung

#Mahlakung –Santara o etetše Alfios ditorong , o mo šupile ka sethunya, o mo laela go tsena ka gare ga lebitla go sego bjalo o a mo thuntšha?Naa toro ye ya Alfios ka Santara ,e hlatha eng ?

#Mahlakung –Moruti Kgole o botšiša Modimo gore o reng a mo kopantšhitše le motho wa go swana le Millicent, mola Millicent a leboga Modimo ge a mo file monna yo a mo ratago wa go se mo theeletše? Naa go diragala eng lapeng la ga Kgole?

#Mahlakung –Mmabona o diphateng, o botša Moruti Kgole gore ge a ka tloga lefaseng le, Moruti a nyale Titi. Naa e tla kgonagala kgopelo ya Mamabona ka la gore lentšu la mohu ga le tshelwe?

#Mahlakung-Jo nna ! Kgokong o bethile Badgirl ka ge a re o a mo telela. Hee banna !Taba ye kaa ya go iša Badgirl seatla letšatšing la mathomothomo la matšatši a lesome tshela kgahlanong le dikgaruru go bana le basadi?Naa re ka lwantšha bjang dikgaruru tša ka malapeng nakong ye ya matšatši a lesome tshela kgahalanong le dikgaruru go basadi le bana?

#Mahlakung –Milicent o laela Petronella gore a tlogele go leletša Kgokong mogatša wa Hlapayadi mogala ,a kgone tša lapa la gagwe a tlogele Hlapyadi a ipshine ka lenyalo la gagwe.Naa Petronella ke ntšhi sewela maswing lenyalong la Kgokong le Hlapyadi goba Millicent wa di gagatla?

#Mahlakung –Badgirl o botša Millicent gore gantšhi magareng ga balekane, ge go ka hlokofala monna pele, go thwe o bolailwe ke mosadi.Tše ,ke tše dingwe tša ditaba tšeo re felago re ekwa di fofa gore ge monna a hlokofetše o bolailwe ke mosadi wa gagwe mola ge e le  mosadi a hlokofetše, go a amogelwa gore o be a lwala goba ke lehu la hlago.Naa go na le ka fao taba ye e ka fedišwago ka gona goba go fetola dikgopolo tše bjalo ka tše menaganong ya batho?

#Mahlakung –Mochichi o tshwenyegile kudu ka seemo sa tatagwe Matsobane, gomme mmagwe Petronella o mmotša gore a be kgole  le yena.Ye taba ke lešita Phiri.Gore Mochichi a lemoge ka kotsi ya go ba kagufsi le tatagwe , ke eng seo Petronella a ka se dirago gore Mochichi a se nyatše tatagwe ka maemo a gagwe a lephelo?

#Mahlakung –Badgirl o tshwenyegile moyeng morago ga go kwa Kgokong a botšiša Petronella ka lerato la gagwe go Matsobane.Gantšhi re fela re bona balekane ba elwa ka go ruma seo naganago gore ba se kwele ba se ba botšiše nhla le thito ya dikgonono tša bona.Naa se se ka fedišwa bjang gore balekane ba se lwele lefela?

#Mahlakung –Jonjon o laela Tumi go ya go kgopela Brandon tshwarelo pele letšatši le sobela.Naa molato wa Tumi go Brandon ke ofe wa go dira gore a gapeletšwe go ya go kgopela tshwarelo?

#Mahlakung –Jo nna wee ! Matsobane o hlakane hlogo, naa se ke mediro ya Malehu go ya le ka fao re kwelego Malehu a botša Monica gore babolai ba Mabiletša ba tlile go gapa tše ntsho le tše tšhweu goba bothata ke Santara?

#Mahlakung –Sister Titi o botša Sister Millicent gore o kwele Bra Bizza gore Robert o nale HIV gomme o rata go e fetetša basadi kamoka bao a ratanago le bona ka morero wa go ba bolaya ka lebaka la pefelo ya ge a ile a fetetšwa ka twatši ye?Naa re ka thuša bjang Robert ka pefelo ye ya gagwe gore a se itefeletše a upše a phološe maphelo  ge eba morero wa gagwe wa go bolaya ke nnete?

#Mahlakung –Millicent o botša Moruti Kgole gore go thwe baruti ba se sepele ba nnoši ge ba išetša balwetši dithapelo ka magae.Naa ge badiši goba bagolo ba kereke ba sego ka nako yeo Moruti a ba hlokago go iša dithapelo, Moruti a dire eng, a ye ka malapeng ao goba a ba letele go fihla ba e ba gona?

#Mahlakung-Alfios o kwagala a tshwenyegile ka taba ya Malehu ka lebitla la Mabiletša.Monica o mmotša gore Malehu o re babolai ba gagwe ba ya go hlakana hlogo.Naa Alfios o tla e tšhabela kae taba ye ge eba seo se bolelwago ke Malehu ke nnete?

#Mahlakung –Mmalo!Sello sa go tsena pelong sa Rethabile ge a botša Monica gore yena a ka se ye go dira diteko tša madi go lekola gore Robert ga se a mo fetetša ka HIV,nna tharollo ya gore a humane khutšo moyeng e tla ba efe ge a sa ye go dira diteko?

#Mahlakung –Millicent o thibela Moruti Kgole go ya ga Mabona gore a se ikhumane e le motšwa sehlabelo wa go bolawa ke Rethabile.Naa Moruti a dire eng ge go le bjalo ka gore mošomo wa gagwe ke go hlokomela maloko a phuthego ya gagwe?

#Mahlakung –Mochichi o botša tatagwe Matsobane gore o raloka TV game go itebatša ka lehu leo yena tatagwe a mmeakanyetšago lona.Naa ka gore Mochichi o tseba sephiri sa tatagwe sa go leka go mmolaya , re ka bona a phologile , gona Matsobane o tlo feleletša kae ka Santara ka gore yena o nyaka Mochichi a dirwa sehlabelo?

#Mahlakung –Kgokong o botša Millicent gore o kwele Matsobane a bolela gore pele bek ee fela, go tla be go hwile motho Mahlakung.Naa Matsobane o tla atlega go bolaya Mochichi?

#Mahlakung-Rethabile o nyaka sethunya sa go bolaya Sophia, mmagwe le Robert fela ga a atlege gohle moo a leketšago gona.Naa o tla bona a dirile eng ka gore go a pala, thušo ga a e humane?

#Mahlakung –Matsobane o botšiša Mochichi gore naa go nale moo mmagwe a ilego a mo iša gona go mo šireletša? Naa Matsobane nakne a dio botšiša ngwana potšišo ye bjalo?

#Mahlakung –Bra Bizza o botša Titi gore Maguda o rile go phazamišwa ke basadi a tsenwa ke moya wa go nyaka go hwa le bona goba go itefeletša ka go ba bolaya. Naa se se hlatha eng. Se ka ba se hlatha seo se gononwago ke Titi gore Robert a ka ba a nale HIV?

#Mahlakung –Moruti Kgole o botša Millicent gore bona ke baruti bao boruti go bona e lego pitšo, le ge mosadi a ka tonama, ga ba bone selo ka gore ka mahlong a bona go tletše Moya o Mokgethwa.O bolela gore ga ba swane la baruti ba maitirelo ba go baka boruti.Naa Moruti o hlatha eng ka se?

#Mahlakung -Rethabile a botša mmagwe Titi gore o ya go lwa le bohle bao ba mo thibelago go ratana go Robbie , le gore o ya go ba fetšiša kamoka go akaretšwa le Bizza.Naa ke lona leratorato le, goba Rethabile le mo fahlile?

#Mahlakung-Mamabona le Petronella ba kgotsa diaparo tša Maratha tša Matsobane le gore Matsobane o boile bošego e bile a tlogetše le koloi kerekeng.Naa ba tla bona ba dirile eng ka gore re a kwa lapa la ga Mabona le tsenetšwe, go hlaga mehlohlolo?

#Mahlakung –Mmalo, Moruti Matsobane Mabona le Alfios ba ka kerekeng, morago ,re kwa lebati le bulega le modumo wa tšhoša, ka moragonyana  ba a bethwa, Alfios o a goelela, naa go diragala eng gona mo?

#Mahlakung –Daniel Ngobeni,rakgwebo yo mogolo,  o lletšwe ke ditšhipi ka lebaka la go ba mogonelwa polaong ya Mabiletša ka ge a ile a fapana le yena kua ga Sekhula, gomme morago ga beke Mabiletša a bolawa.Naa Alfio o phologile kgolego?

#Mahlakung –Badgirl o lemoša Saki gore bophelo bja gagwe bo kotsing ka seo a se dirilego Dimakatšo , ka ge a re mosadi ge a gobetše moyeng o kotsi kudu.Naa taba ye ke nnete goba o no ba a leka go tšhošetša yo Saki?

#Mahlakung –Mokgekolo Mamabona o fafatša dihlare tša Matanya go koba meoya ye mebe le Santara .Naa di tla šoma dihlare tša Matanya ra bona Matsobane a ikhuditše go bona Santara?

#Mahlakung-Konstabel Mpedi o botša Jonjon gore o swere bohlatse bja mmolayi wa Mabiletša. Naa mogonelwa ke mang gona mo?

#Mahlakung –Moruti Matsobane Mabona o apere dieta tša go fapana, o bolela gore se sengwe seo a rego se nale leino o se filwe ke Bishop Santara.Naa Matsobane o phela lefaseng lefe, gore a loke go hlokega eng?

#Mahlakung –Matsobane o botša Petronella gore a solele bishop Santara.Petronella o a gana o mmotša gore a ka se solele motho yo a sa mmonego. Naa Matsobane o hlagelwa ke eng ka gore Santara yo o bonwa ke yena a nnoši?

#Mahlakung –Bra Bizza o laela Selosecha gore a tle ga gagwe , gomme a se botše motho gore o ya go yena , a be a netefatše gore ga a bonwe ke motho ge a ella fao. Naa nkane Bra Bizza a re Selosecha a seke a botša motho goba gona go bonwa ge a eya ga gagwe.Go diragala eng?

#Mahlakung –Mmalo ! Malehu o botša Monica gore dikgolo di sa tla ka monna wa gagwe Alfios. Naa Malehu o hlatha eng ka go rialo?

#Mahlakung-Saki o thabetše hlalano ya gagwe le Dimakatšo ka ge a re o ya go humana halofo ya mahumo a gagwe.Badgirl o mmotša gore a se thabele taba ye bjalo ka yeo ka gore o tlo gobala?Naa Badgirl o hlatha eng ge a re ,” o tlo khawatega”?

#Mahlakung –Alfios o botša Moruti Mabona gore o rile a swanetše go thuntšha Mochichi, letsogo la gagwe la swarwa ke bogašu la omelela? Naa se se hlatha eng ka Mochichi?

#Mahlakung –Matsobane o nale Mochichi ka koloing gomme re kwa a mmotša gore ‘se sengwe le se sengwe se se kago go direga a tsebe gore ke thato ya ba bagolo .Ka morago re kwa sethunya se lla , Mochichi a goelela. Naa go diragetše eng ?

#Mahlakung –Bra Bizza o etetše Brandon gomme o mmotša gore ge a sa dumele go dira seo a mo kgopelago gore a se dire ka kua kgolegong gona o ya go ba “mosadi”wa Bomba. Naa se se ka dira gore Brandon a itahlele diatleng tša Bra Bizza a dira tšeo a sa swanelago go di dira ka kgolegong gomme se sa oketša melato ya gagwe?

#Mahlakung –Rethabile o leleditše Sophia mogala go mmotša gore a kgaogane le Robert, Sophia o mmotša gore yena ga a iše felo ka Robert ka ge a re ga a maemong a gagwe? Naa leano le la Titi la gore Sophia  a ratane le Robert gore a kgaogane le Rethabile, le tla atlega?

#Mahlakung-Moruti Mabona o ile go Konstable Mpedi gore a mo fe pukwana ya boitsebišo ya Alfios.Mpedi o mmotša gore ga e sale ka diatleng tša gagwe, e išitšwe go ba bagolo ba lefapha la diforensiki?Naa se se ka iša Alfios kgolegong ka polao ya Mabiletša?

#Mahlakung –Matsheko o botša Sebjalebjale gore o nagana gore Phetola a ka feleletša a ratana le Badgirl ka ge Kgokong a nale mathata ka kua borobalelong.Naa re ka bona se se diragala goba e dio ba poulelo fela ?

#Mahlakung –Malehu o botša Monica gore o bona leru le leso mo nhleng ya pasa ya Alfios ya go humanwa kgaufsi le lefelo la polao la mokgalabje Mabiletša. Naa Malehu o hlatha eng ka leru le le leso ?

#Mahlakung –Jo nna wee! Sephiri sa Kgokong sa go palelwa ke go lema ka tšhemong ya gagwe se fihlile go Moruti Kgole.Naa ke nnete Kgokong o nale mathata goba ke mabarebare ao a fošagetšego?

#Mahlakung –Mmalo ! Moruti Matsobane Mabona o bona Bishop Santara yoo a bonwago ke yena a le tee Petronella a sa mmone ka  kamoreng ya bona.Naa Matsobane o hlagelwa ke eng?

#Mahlakung-Rethabile o botša mmagwe Titi gore ya go ntšha diphiri tša mmagwe Titi le gore a ye kgolegong.Titi o bitša seo matšhošetši.Naa ka nnete ke gore mma le ngwana ba lwešwa ke marato a dikamano?

#Mahlakung –Alfios o eletša Moruti Mabona gore ba tloše Bishop Santara tšatšing.Matsobane o gakanegile .Naa ba tla mo kgona Santara goba ke gona ge Mochichi e le motšwa sehlabelo?

#Mahlakung –Bra Bizza o fereya Petronella , re kwa a mmotša ka fao lerato leo a mo ratago ka lona , le dirago gore a seke a robala. Naa Bra Bizza o rera go dira eng ka Petronella ? O a mo rata goba go diragala eng ka yena?

#Mahlakung –Petronella o botša Monica gore o nyaka go reka Ntlo ka sephiring a nape a tšwe ka ga Mabona.Monica o mmotša gore a se leke a dira bjalo.Naa ge maemo a le ka tsela ye, Petronella a dire eng ka gore bophelo ke bja gagwe?

#Mahlakung –Kgokong o tšhogile kudu o nale Moruti Mabona kerekeng ya gagwe, o bolela gore le meriri ya gagwe e a emelela, a sa tšhogile bjalo, motho o a kokota. Naa go diragala eng?

#Mahlakung-Sophia o eletša Rethabile gore a iketle a seke a kitimela go tsena ka gare ga lenyalo le Robert gore a se tlo tšwa e le seboledi sa hlohleletšo go banyalani ba ka moso.Naa Sophia o hlatha eng ka mantšu a gagwe?

#Mahlakung –Mmalo! Alfios o eteleteše thapelo ya lehu la mokgalabje Mabiletša pele , re kwa a tsopola puku ya Mmoledi ya gore se sengwe le se sengwe se nale nako ya sona.Naa seo yena le Moruti Mabona ba se dirilego, ba tla phomelela, ka gore re a kwa ba itirile bo maloma a fodiša?

#Mahlakung –Moruti Matsobane Mabona o botša mmagwe Mamabona gore o swanetše go ya ga Mabiletša go ba homotša tahlegelong ya gagwe? Naa se re ka se bitša khomotšo ka gore ke yena a romilego Alfios go mo amoga bophelo ?Romela WhatsApp Voice Note go 015 297 6159. Kgatha tema go X@thobelafmyaka  goba Matlakala a rena a Facebok, Thobela Fm  Mahlakung le Thobela Fm Yaka .Theeletša Mahlakung mo bekeng ka 19h45 go www.thobelafm.co.za. I Dstv Channel 815