Mahlakung

#Mahlakung –Matsobane  o koba Alfios gore a phethe ditaelo tša gore a kgone go phološa Rethabile, e bile re kwa ge Alfios a ngangabala a mmotšiša gore o nyaka go bona morwedi wa gagwe Rethabile a hlokofetše naa? Naa Matsobane o hlatha eng ka mantšu a ?

#Mahlakung –Titi o botša Phetola gore Rethabile o be a kwagala a thabile kudu mo mogaleng, le gore o mmoditše gore yena ga se a tšhabišwe ke Robert.Naa go diragala eng ka Rethabile?

#Mahlakung –Baleta dikgoro ba lefelo leo Bra Bizza a tsenego go lona,ba lebile Phetola  ka bontšhi.Morago , re kwa go lla sethunya.Naa go diragala eng gona mo.Sethuny ase , se jele mang?

#Mahlakung- “Leinalebe ke seromo” A ke mantšu a Moruti Kgole ge a be a bolela le Millicent gore ba ga Mabona ba a di bona ka nnete.Naa ke nnete hlathollo ya leina la motho goba sefane sa gagwe di ka dira gore motho a itshware go ya ka hlathollo yeo goba a amege mo bophelong bja gagwe go ka leina leo?

#Mahlakung –Matsobane o bolela gore lengeloi la gagwe le mo etela letšatši ka letšatši gore ke yena  motho a le tee yo a ka phološago Rethabile.Naa taba ye ke nnete?

#Mahlakung –Mosetsana yo a bontšhitšwego senepe sa Rethabile go la Hammanskraal, go kwagala a mo tseba le go ba a mmone.Naa Rethabile o sa phela moo a lego gona ka gore re kwa Konstabel Mpedi a bolela gore o felelwa ke maatla le tshepo?

#Mahlakung –Matsobane o kgopela thapelo go tšwa go Moruti Kgole gore a bolokege a tielele.Naa Moruti le Matsobane ba lokišitše kamano ya bona goba go diragala eng ka bona, ka gore re kwa le Moruti a mo eletša gore a bolokege?

#Mahlakung –Titi o botša Petronella gore o Hammanskraal moo Robert a bego a dula gona.Naa Robert o kae re ekwa Titi a bolela gore go diragetše dilo tše ntšhi ka bophelo bja gagwe ?

#Mahlakung- Bra Bizza o botša Moruti Kgole gore o lekile go boela go Modimo efela ga a humane thekgo go tšwa bathong ,le gore o kwa o kare o belegetšwe go dira tše mpe.Naa ka nnete maitshwaro a batho ke ona a kgelošago batho goba go ya le ka semelo sa motho?

#Mahlakung –Mochichi o botša Mamabona gore Petronella o humane pheko ya go thuša tatagwe go raka Santara.Naa pheko ye ka nnete e tla thuša Matsobane a ikhutša go sotlega?

#Mahlakung –Alfios o roma Monica go Malehu gore a mo kgopele a thekgolole letšwa leo a le dirilego lebitleng la Mabiletša. Naa Alfios o hlagelwa ke eng?Romela WhatsApp Voice Note go 015 297 6159. Kgatha tema go X@thobelafmyaka  goba Matlakala a rena a Facebok, Thobela Fm  Mahlakung le Thobela Fm Yaka .Theeletša Mahlakung mo bekeng ka 19h45 go www.thobelafm.co.za. I Dstv Channel 815[Podcast] - https://tinyurl.com/Mahlakung

#Mahlakung –Titi o a lorile toro ye bohloko ya go tšhoša yeo ka go yona re kwago Rethabile a mo kgopela tshwarelo ya go se mo theeletše ge a be a mo kgalela go ratana le Robert.Mafelelong a toro ye ya gagwe, re kwa Rethabile a mo laela a mmotša gore rakgolo wa gagwe Mochichi yo a hlokofetšego,  o a mmitša.Naa toro ye ya Titi e hlatha eng?

#Mahlakung –Phetola o botša Matsheko gore yena a ka se bolawe ke ngwana Robert .Naa phenyo ya ntwa e ya ka mengwaga ya motho goba go hlokega bokgoni le maleatlana a rileng gore motho a fenye?

#Mahlakung- Kgokong o botša Saki gore o hloka hlompho gore bophelo bja gagwe bo phethagale ,a be le lethabo.Naa hlompho e nale seabe se se kaakang maphelong le dikamanong tša batho bao re phedišanago le bona?

#Mahlakung –Badgirl o bontšha Saki dithunya gomme o mmotša gore yena ke starring ,makoyakoya.Naa o tla kgona go phološa Rethabile go Robert a boa le yena gae?

#Mahlakung –Rethabile o rometše Titi molaetša wa gore ba seke ba tshwenyega ka go mo nyaka le go nagana gore o nale Robbie,ka ge a sena  yena le gore moo a lego gona, o swerwe gabotse go feta Robert.Naa go diragala eng ka Robert ?

#Mahlakung –Sophia o gononwa gore Bra Bizza o a amega go tšhabišweng ga gagwe mola Robert a tšhabišitše Rethabile.Ka lehlakoreng le lengwe re kwa Phetola a nale dikgonono ka Bra Bizza gore o tseba se sengwe ka go tšhabišwa ga Rethabile. Naa Bra Bizza o a amega go tšhabišweng ga Rethabile?

#Mahlakung –Bra Bizza ga a nyake ge Phetola a thuša go nyaka Rethabile mola le Matsheko a sa rate seo, fela Phetola o bolela gore le ge a thibelwa go ya go nyaka Rethabile, yena o a ya. Naa Bra Bizza go nale seo se a se khutišago, gona Matsheko yena o reng a sa nyake Phetola a thuša? Naa go  diragala eng ?

#Mahlakung- Moruti Kgole o reta Sophia o mmotša gore o a bogega , le gore o kgahlwa ke didula tša gagwe.Naa Moruti Kgole o hlagelwa ke eng, gona go lokile gore monna wa mosadi o mongwe a rete mosadi o mongwe ka tsela ye ?

#Mahlakung –Bishop Santara o ganetša Matsobane go ya khanseling.Naa lebaka la se ke lefe?

#Mahlakung –Konstabel Mpedi o lla sello se bohloko , o gana ge Jonjon a re o ya go mo nyakela ramolao gore a mo thuše go efoga go ya kgolegong ka ge a re o nyaka go ya go phethagatša pitšo ya gagwe ka kgolegong.Naa Konstabel Mpedi o hlatha eng?

#Mahlakung –Bra Bizza o botša Sophia gore ge a ka kwa gore o nyaka gore e be hlatse ya gore o be a kidnepilwe kae, o tla mo tseba gabotse. Naa Bra Bizza o fihla eng?

#Mahlakung –Alfios o botša Monica gore yena a ka se ye go ipolela go Malehu bokaone ke go botšiša Matsobane gore o išitše kae Rethabile.Naa Rethabile a ka ba a diriwe sehlabelo ke Matsobane goba Rethabile o tšhabišitšwe ke Robert ?Romela WhatsApp Voice Note go 015 297 6159. Theeletša Mahlakung mo bekeng ka 19h45 go 

#Mahlakung- Jo nna !Re kwa Petronella a bitša Santara my love, e bile Santara o mo fa thapo gore a kgoke Matsobane molala mmogo ba e goge ba mo kgame.Naa  se se hlatha eng?

#Mahlakung –“Mphe hug re swabiše manaba”A ke mantšu a Titi go Badgirl,gomme ba feleletša ke lekepekepe la sesego.Naa ba boelane ba a kwana Titi le Badgirl goba go hlaga eng ka bona?Romela WhatsApp Voice Note  go 015 297 6159. Theeletša Mahlakung mo bekeng ka 19h45 go www.thobelafm.co.za. 

#Mahlakung –Sophia o botša Petronella gore o nale ngwana o tee wa mošemane woo batho ba sa tsebego selo ka yena. Naa  lebaka la gore Sophia a ute ngwana yo wa gagwe ke lefe ?

#Mahlakung –Rethabile o leleditše Sophia mogala ka sellathekeng sa batho bao ba mo tšhabišitšego seo a bolelago gore o humane dinomoro tša Sophia ka go sona. Naa Sophia a ka ba a nale kamano le batho bao, ge go se bjalo, ba humane kae dinomoro tša Sophia  tša mogala?

#Mahlakung –Santara o ile go Alfios go nyaka madi ao a ba kgopetšego yena le Matsobane gore ba mo nyakele wona.Monica ge a tlabja ke go goelela ga monna wa gagwe, o bethwa ka mpama.Naa Santara ke gona a mo tsene le yena,goba go nale ka fao a tla phologago ka gona?

#Mahlakung- Mabatho ga a tsebe gore monna wa gagwe Jonjon o sepetlele.Naa lebaka la gore a se tsebe ke lefe ka gore ke balekane?

#Mahlakung –Petronella o botša Matsobane gore o tla boa ka gae ge fela a ka ya khanseling le gore a mmotše nnete gore Santara o rile a bolaye Mochichichi naa.Naa Matsobane o tla mmotša ka sephiri sa gagwe le Santara ka Mochichi goba ke gona lapa la bona le thubegile?

#Mahlakung –Mma Moruti Kgole,Sister Millicent, o gana go bula le go bona mpho ya go tšwa go Konstabel Malesela Mpedi?Naa Moruti Kgole a dire eng ka mpho ye?

#Mahlakung –Jo nna wee! Monica o botša Alfios gore Matsobane o tšwa go ipolela kerekeng ya Moruti Kgole ,go šetše yena gore a ye a ipolele.Naa boipobolo bja bona bo tla ba phološa go Santara le Mabiletja?

#Mahlakung –Jonjon o botša Mampane mosadi wa gagwe Mabatho o a hlala ke lebaka la yena Mampane ka go hwa a tsoga.Naa go nale seo Mampane a ka se dirago go phološa lenyalo la Jonjon?

#Mahlakung- Tumi o tšhogile kudu ge Masedi a mmotša gore Robert yoo go kwagalago gore o nale twatši ya HIV,o be  a ratana le Sophia mola le yena Tumi a ratane le Sophia. Naa letšhogo la Tumi le re botša eng?

#Mahlakung –Bra Bizza o botša Konstabel Mpedi gore o tletše ka manyofonyofo le gore o be a tlile setišing sa maphdisa go abelana ka tshedimošo go maphodisa a mangwe gore ba kgone go mo swara.Naa ke gona ge go fedile ka Mpedi goba Bizza o a mo tšhošetša?

#Mahlakung –Sebjalebjale o latofatša Matsheko go ba le maikutlo a lerato go Pokane.Naa taba ye ke nnete goba ba mo latofatša ka lefeela?

#Mahlakung –Dr Lethebe o eletša Rethabile go ya go dira diteko tša go lekola ge a sena twatši ya HIV, gomme seo ga se sware Rethabile gabotse.Naa Rethabile o tla bona a  dirile eng go bale khutšo?

#Mahlakung –Alfios o sekiša Mampane gore Ke yena David Mampane goba Selosecha naa. Alfios o a ganetša o mmotša gore yena ke Davidson e sego David? Naa ke ge sephiri sa Mampane se utullugile?

#Mahlakung-Kgokong o botša Badgirl gore yena ga a rate ge Moruti Kgole a eya go abelana ka Lentšu la Modimo lefelong la go nwela madila. Naa ke phošo ge Moruti a iša Lentšu la Modimo lefelong la go nwela bjala?

#Mahlakung –A e botšiša potšišo Konstabel Mpedi go Bra Bizza gore yena o tsebile bjang gore Sophia o thopilwe. Naa Bra Bizza o nale seabe mo go tšhabišweng le go thopša ga Sophia?

#Mahlakung –Matsobane o botša Alfios gore Santara o a mo nyaka, ge Alfios a sa maketše bjale ,Matsobane o mmotša gore o bona phuthego e ba makaletše, le gore ba emetše Santara gore a bolele le bona.Naa tharollo ya bolwetši bja Matsobane bja monagano ke efe?

#Mahlakung –Saki o ile ga Lethebe go kgopela gore a bušetšwe mošomong wa gagwe wa pele a eya go šomela Matsobane. Naa Saki o phošo go boela mašopeng ga Lethebe le ge a se a tloga gabotse?

#Mahlakung –Alfios o sola Malehu go thekga lebitla la Mabiletša ka ge a re se se tlo ama le batho bao ba bego ba mmoloka ka gore ka tšhetše mabu k afao lebitleng. Naa Malehu o dirile phošo go thekga lebitla la mohu Mabiletša?

#Mahlakung-Sister Millicent, Mma Moruti Kgole o kgopela Petronella tshwarelo ya ge a ile a mo hlasela gore o thubela Hlapyadi lapa ka go  leletšana mogala le Kgokong.Naa Millicent o phošo go šireletša lapa la morwedi wa gagwe Hlapyadi?

#Mahlakung –Titi o nale Phetola o a lla o mmotša gore Matsobane o a lwala.Phetola o nale ditaba tšeo a mo swaretšego tšona ka Bra Bizza le Sophia.Naa ge maemo a le ka tsela ye, Phetola a dire eng, a mmotše goba o tla tla a mmotša nako ye e tlang mola maikutlo a gagwe a se a huduege?

#Mahlakung –Phetola o botša Alfios gore bjale go tlo latela yena go hlakana hlogo bjalo ka Matsobane.Naa Alfios o tla bona a dirile eng ge ditaba di le ka mokgwa wo?

#Mahlakung –Matsobane o itekeleditše e le ge a leka go tšea bophelo bja gagwe.Naa ke gona ge re mo lobile goba o tla phologa?

#Mahlakung –Alfios o gana thaa go ya ga mongaka Malehu go phekolwa tabeng ya go dula a bona mohu Mabiletša.Naa o tlile go feleletša kae ka sephiri se sa polao?

#Mahlakung-Hee banna! Kgokong o a lla o tšhogile kgolego ka ge a ile a betha Badgirl.Se sengwe gape,re kwa a tšhogile gore Hlapyadi o tlile go mmetha. Naa re ka bona Hlapyadi a mo swarišitše, gona e kaba phošo ge re ka bona le yena Kgokong a bulela Badgirl molato wa petho ge Badgirl a ka mmetha?

#Mahlakung -Malehu  o botša Mpedi gore o thekgile lebitla bjale Alfios o a fafatla? Naa lebitla la go thekgiwa le go fafatla ga Alfios di amana bjang?