Mahlakung

#Mahlakung-Malehu o wele puuu fase a nale Alfios.O llile ka hlogo, a bolela go dukuloga. Naa Malehu o hlagelwa ke eng?

#Mahlakung-Malehu, o ile kliniking go lekola gore o mmeleng gomme dipoelo di boile dire ga a mmeleng .Naa Malehu o hlagelwa ke eng ka gore dipoelo šedi tša mo kliniking di re ga a mmeleng mola yena le Mpedi ba dirile home pregnancy test, yeo e hlatsetšego gore o imile?

#Mahlakung-Sekhula o hlakahlakane, o felelwa ke moya pele a ka saena kontraka yeo Bizza a bego a file Titi gore a mo saeniše yona. Sister Titi le Sister Millicent ba leka go mo hlakodiša ,naa ke gona a ile goba o tla hlapogelwa?

#Mahlakung-Ai! Bra Bizza o roma Titi gore a fe Sekhula diokobatši gomme a re mola a sa itsebe , a mo sainiše kontraka ya gore o rekišeditše Bra Bizza Tarvern ya gagwe.Jo nna wee, naa go tla sa bjang?

#Mahlakung-Mmalo! Bra Bizza le Sofia ba ile bookelong go bona Sekhula, e rile ge Dr Lethebe a bitša maphodisa gore ba ba felesetše go mmona kka ge go se yoo a dumeletšwego go mmona, ba ja fase.Naa ketelo ya Bra Bizza le Sofia go Sekhula e hlatha eng? Naa morero mogolo wa bona e be e le ofe ka Sekhula?

#Mahlakung- Mmalo! Badgirl, o tshepišitše ba ga Mabona gore o tla ya le bona gabo Pinkie go kgopela tshwarelo .Matsobane le Petronella ba makatšwa ke go bona a sa tšwelele ba a ipotšiša gore o sa tla goba o fetotše kgopolo naa? Naa Badgirl, Hlapyadi, o hlagelwa ke eng?

#Mahlakung- Titi Mabona Machaka o thabile kudu go kwa gore Alfios ga se a utulla sephiri sa Rethabile sa go bolaya le go Pokelwa ke Pinkie go mosadi wa gagwe Monica.Mamabona o botša Titi gore a seke a tshepa Alfios.Naa Titi a ye le maikutlo a gagwe a go tshepa gore Alfios o rata Rethabile a ka se tsoge a utullutše sephiri goba a tšee la Mamabona lentšu la gore a seke a tshepha Alfios?

#Mahlakung- Sophia Takalani Maluleke o botša Saki Makhumetša gore o ya go reka tarvern ya Sekhula mola ka lehlakoreng le lengwe re ekwa Masedi Lethebe a bolela le tatagwe Phetola gore le bona ba nyaka go reka tarvern ye ya Sekhula? Naa Saki o tla tlogela go šomela ba ga Lethebe a šoma le wo Sophia, gona tavern ye e tla rekwa ke mang ka gore Sophia o re o boletše le Sekhula ka taba ye pele a ka thuntšhiwa?

#Mahlakung- Brandon o sola Jonjon ge a ile go Mastheko go go mo tsebiša gore a seke a makala ka gore o humane motho yoo a ratanago le yena.Naa ge motho a ile a ratana le motho gomme ba kgaogana , nna yoo a gatelago pele , o swanetše go tsebiša moratiwa wa gagwe yoo a kgaoganeng le yena goba ka nnete Jonjon o a di gagatla?

#Mahlakung-Malehu o a hlatša gomme Konstabel Mpedi o gononwa gore o imile. Naa dikgonono tša Mpedi ka go ima ga Malehu ke nnete goba e no ba fela tumo ya go nyaka go mmona a imile, ka gore Malehu o re ge nkabe a imile , nkabe badimo ba mmoditše?

#Mahlakung- Rethabile o botša Badgirl/Hlapyadi gore o ya go ipolaya gomme yena a seke a ba a tla polokong ya gagwe.Naa go tla sa bjang?

#Mahlakung- Sylvia o ile fleteng ya Sophia go mmotša gore lebaka la go dira gore Badgirl a seke a kgona go belega ke gore o ntšhitše mpa kua mebileng.Ge Sophia a botšiša Badgirl ka taba ye, Badgirl o a kgotsa. Naa Sylvia o bolela nnete goba o dio thomela Badgirl maaka go leka go itšhireletša?

#Mahlakung- Mabatho o tloga a e thopile pelo ya Jonjon.Naa le tla thopela lerato la bona Jonjon a ba le mosadi gwa se be le dilabi goba bjang?

#Mahlakung- Sergeant Mampane o nale tsebo ya gore Alfios o hlasetšwe ke Brandon le Tumi, e bile o ba botša gore ba mo fe tšhelete yeo ba mo hlakotšego yona gore a ye go efa Alfios. Naa Sergeant Mampane o hlagelwa ke eng, o reng a sa ba golege?

#Mahlakung- Brandon o tšhogile gore Alfios a ka ba a ba tsebile yena le Tumi ge ba be ba mo hula tšhelete ?Naa Alfios o tla ba tseba a ba gopola goba Brandon o tšhoga lefeela?

Mahlakung –Joo ! Tumi le Brandon ba swere Alfios poo a bo jele a boa ga Sekhula.Naa a e kaba se ke madimabe ka lebaka la go radia ba ga Sekhula ka tšhelete ya maaka yeo ba ga Sekhula ba mo filego yona ka ge a ba boditše maaka gore Sekhula o a mo kolota mola a sa mo kolote le ka sente e le go no ba radia ka go tseba gore Sekhula o bookelong e bile o bakwa le badimo goba e noba letšatši la gagwe la madimabe?

Rethabile o botša mmagwe Titi le koko wa gagwe Mamabona gore o ya go bolela dinnete kamoka ka tše di mo tlaišago ge a fihla Makhado moo a yago go humana thušo ya Psychologist.Ba mo eletša gore a se leke go dira bjalo, gomme Rethabile o ngangabetše.Naa go nale seo ba ka se dirago go mo thibela go ba tsentšha ka gare ga mollo wa mohwelere?

Monica o boditše Jonjon gore o lorile lenyalo la gagwe le Mabatho, gomme Jonjon o a sola o re go lora lenyalo ke taetšo ya lehu.Naa taba ye ke nnete gore go lora ka monyanya ke seka sa lehu goba ke mabarebare ao a fošagetšego?

#Mahlakung-Monica o boditše Moruti Kgole gore Alfios ge a khotšhe mabele mabelega batho o mmotša gore ke sekobo o phalwa ke basetsana bao a ba bonago kua tarveneng.Moruti o botša Monica gore Alfios o be a boledišwa ke madila.Naa ke nnete Alfios o be a boledišwa ke madila goba ke seo se lego mogopolong wa gagwe bjala ga bo tsene felo, ka gore go nale dipolelo tša gore batho ba šitela batho ba re ba dirišwa ke madila mola ba bangwe ba tloga ba bolela gore “Ke ya go mo nwela bjala ka mmotša tša gagwe”.Naa ge motho a nwele madila o kgona le go lemoga tšeo a di dirago goba ga a bone selo?

#Mahlakung –Millicent, Mma Moruti Kgole o botša Moruti Kgole, ntaputana ya gagwe gore poulelo ke lerato.Naa ke nnete taba ye , goba Millicent o a di gagatla?

#Mahlakung-Sergeant Mampane o nale segwera se segolo le Bra Bizza e bile re kwa a re o nyaka setsekanyana”share “ ya Bangkok.Re kwa gape Bra Bizza a bolela mantšu a gore Mahlakung e ka diatleng tša gagwe.Naa ke gona ge Bra Bizza a e thopile Mahlakung mmogo le badudi ba yona?

#Mahlakung-Mmalo! Mamabona o botša Titi morwedi wa gagwe gore yena a ka se ye kgolegong ka ge e se yena a bolailego Pinkie, go tla ya Rethabile.Naa ke gona ge lapa la ga Mabona le šwalalane ka lebaka la polao ye ya Pinkie, ka gore re a kwa gore Mamabona o ba hlapa diatla mola a be a nale bona go fihleng sephiri se?

#Mahlakung-Bra Bizza o botša Sergeant Mampane gore o swanetše gore a otlolle Konstabel Mpedi a mo rutile ba ba ntšhi ka ge a botšišitše Mampane gore omfolopo yeo Bra Bizza a bego a mo fa yona ke ya eng? Naa Bra Bizza o hlatha eng ka se?

#Mahlakung- Moruti Kgole o bolela gore ba swanetše go dira Alfios Mojela, Motlaikakwena, goba yo mongwe wa bagolo ba kereke, ka ge a bolela gore seo se tlo dira gore a nape a tle kerekeng La Morena le lengwe le le lengwe.Naa ye ke yona tharollo ya gore batho ba tsene kereke goba Moruti Kgole o a di gagatla?

#Mahlakung-Ha!Ha! Ha! Titi Mabona Machaka o a ikokobetša le go hlompha Badgirl, e bile o mmitša Sesi Hlapyadi.Naa go tla sa bjang ka gore Hlapyadi ga a kwešiše e bile o mmontšhitše lengwalo leo Rethabile a le ngwadilego, Titi o mmotšiša a lla gabohloko gore o nyaka bokae? Badgirl ga a e tsene o re o nyaka go ba bona ba le kgolegong.Naa ba tla e phologa kotlo?

#Mahlakung –Mmalo ! Rethabile o utullutše diphiri kamoka ka gare ga lengwalo leo a le ngwadilego ge a be a leka go ipolaya malebana le go bolaya Pinkie ga gagwe, gomme lengwalo leo ga le humanegele metše maoto, naa le kae lengwalo leo, naa ke gona ge Rethabile le ba lapa la gabo ba ile kgolegong?

#Mahlakung –Tumi Lethebe o ya Bangkok go iša diokobatši tša Bra Bizza.Naa o tla boa goba ke gona ge a lletšwe ke ditšhipi tša gona kua Bangkok?

#Mahlakung –Tumi Lethebe o ya Bangkok go iša diokobatši tša Bra Bizza.Naa o tla boa goba ke gona ge a lletšwe ke ditšhipi tša gona kua Bangkok?

#Mahlakung-Hee, heee!Motlaikakwena ,Alfios Mojela o etetše Moruti Kgole go mmotša gore o nyaka go tla kerekeng go ipolela ka lebaka la kgomo yeo a e radiilego Bra Tick. Naa e kaba ke gona re tla bona phetogo ya Alfios ka go ya kerekeng goba Alfios o hlagelwa ke eng?

#Mahlakung-Jo nna wee! Bra Bizza o roma Tumi gore a lokele sepikiri mo thaereng ya koloi ya mmagwe Dikeledi , leano e le gore Dikeledi a kgone go mo tshepa. Naa Bra Bizza o hlatha eng ka se. O re Dikeledi o tla rarollwa ke sepikiri!

#Mahlakung-Phetola o botša Matsheko gore o ikemišeditše ntwa le Bra Bizza le gore ge e ba Bra Bizza o ikemišeditše go mo iša molete mohlaelathupa, o tla ya le yena. Matsheko o mmotša gore ntwa ya gagwe le Bra Bizza ke ya bona kamoka.Naa Matsheko o tla e kgona ntwa ye ya Bra Bizza le Blaza, Phetola Gentle Lethebe ?

#Mahlakung –Matsheko o eletša Petronella gore ba swanetše go thekga Titi gore a kgone go sepetša dikgwebo tša Bra Tick gabotse le go mo thuša gore Bra Bizza a se mo hlalefetše ka tšona.Naa Titi o tla kgona go di sepetša ka makgethe goba ke gona ge di ile diatleng tša Bizza?

#Mahlakung –Rethabile o kgotsa le go makatšwa ke ge tatagwe Alfios a ntšha matshedišo a go lekana sekete sa diranta lehung ka Bra Tick .O bolela gore batho ba ntšha di R20 le di R50. Naa matshedišo a nale kelo ya gore motho o ntšha bokae.Naa Alfio o phošo go ntšha matshedišo a R1000 goba bjang?

#Mahlakung –Sebjalebjale le Mamabona ba bolela ka taba ya gore ge monna a tlogile lefaseng le, go nale taba ya gore o bolailwe ke mosadi wa gagwe.Naa go nale ka fao re ka fetolago dikgopolo tše bjalo ka tše, ka ge e le taba yeo e hlagago le nakong ya bjale maphelong a batho moo e e lego gore ge go hlagile lehu la monna le tšewa goba polao ka molekane wa gagwe mola ge e le lehu la mosadi e le lehu la hlago?

#Mahlakung –Alfios Mojela, Motlaikakwena o hlakahlakane ga a na khutšo morago ga lehu la Bra Tick ka ge a kwešwa bohloko ke gore o ganne go lefela kgomo yeo a mo rekišeditšego yona ge a be a boloka morwa wa gagwe Mojela Mojela.Naa go nale seo Alfios a ka se dirago gore a be le khutšo ka sekoloto sa gagwe go mohu Bra Tick k agore sona se a mo ja?

#Mahlakung-Badgirl, Hlapyadi, o swere lengwalo leo Rethabile a le ngwadilego ge a be a leka go ipolaya leo ka go lona a hlalosago mabaka a go ikamoga bophelo.Badgirl o bolela mantšu a gore lehu le Sethikithiki le tlo mo senyetša maano a gagwe.Naa Badgirl o gopotše go dira eng ka lengwalo le la Rethabile?

#Mahlakung-Phetola Gentle Lethebe o gokere Titi Mabona Machaka gomme Rethabile o ba humana gokarelane o a tlabega.Naa e kaba se gona seo se diragalago magareng ga Phetola Gentle Lethebe le Titi Mabona Machaka goba e no ba go homotšana?

#Mahlakung –Sekhula o thuntšhitšwe, gomme Dikeledi o gononwa gore morwa wa gagwe Tumi o a amega ka gore o tlogile ga Lethebe bošego bjoo a bolea maaka a gore o ya roomong ya mmagwe Dikeledi.Naa ka nnete o a amega Tumi lehung la Sekhula?

#Mahlakung –A tla a e botšiša potšišo Mabatho a e lebišitše go Jonjon, “Naa o nale lebaka la go dira gore o seke wa ba le mosadi?” Naa e hlatha eng potšišo ye ya Mabatho?

#Mahlakung –Lehu le hlagile Mahlakung , lehu le ke la kotsi ya sefatanaga gomme re kwa Sophia a re kotsi yeo ya sefatanaga e hlotšwe ke Bra Bizza.Naa se se hlagile bjang ka gore Bra Bizza o be a se gona lefelong la kotsi ge kotsi e hlaga?

#Mahlakung –“Monna ke nku o llela teng” se ke seema sa polelo ya gešo. Re kwa Phetolla Lethebe a lla gabohloko morago g ago lahlegelwa ke mogwera wa gagwe, Bra Tick, e bile re kwa Matsheko a mo homotša.Naa ke phošo gore monna a tšweletše maikutlo a gagwe ka sello a rothiše megokgo, goba ga go na bothata, banna le bona ba nale maikutlo?

#Mahlakung –Bra Tick o amegile kotsing ya sefatanaga gomme re bona Bra Bizza le Blaza, Phetola Lethebe ba thekgana ba homotšana .Naa re ka bona segwera sa Bra Bizza le Phetola se tsogile se tieletše ka lebaka la se?[Podcast] https://bit.ly/MahlakungYaThobelaFM

#Mahlakung –Mmalo!Sebjalebjale sa bakone o botša ngwana wa gagwe Dikeledi gore mekgwa ya gagwe e dira gore a be le pelaelo ya gore Dikeledi ga se ngwana wa gagwe, go swanetšwe goba go dirilwe phošo kua bookelong.Naa ke tshwanelo gore motswadi a botše ngwana wa gagwe mantšu a go swana le a, goba Sebjalebjale o a di gagatla?

#Mahlakung –Malehu o hloname , o nyamile ka ge a re batho ga ba sa tla gore a ba alafe, o bolela gore mola a thomago go dula le Konstabel Mpedi le go alafela moo, badimo ba mo furaletše.Naa a ekaba se ke taetšo ya gore lenyalo la gagwe le Mpedi ga se la hlogonolofatšwa goba go diragala eng?

#Mahlakung –Mmalo, maitshwaro a Rethabile a hlotše ntwa magareng ga Titi le Bra Tick e bile re kwa gore Bra Tick o tlogile e bile o tlogile le dinotlelo tša butšhara.Naa Titi o tla bona a dirile eng ka gore Rethabile o sa tšwela pele ka maitshwaro a mabe?

#Mahlakung –Sylvia o sekiša Sophia gore ke ka lebaka la eng a lesitše Bra Bizza a koba Badgirl bjalo ka mpša a se a mo lamolele.Naa lebakabaka la gore Sylvia a emelele Badgirl ke lefe?

#Mahlakung –Phetola Gentlle Lethebe o lemoša Sophia Takalani Maluleke gore a hlokomele Bra Bizza le Sylvia ka ge a re ba na morero gomme ge a ka se hlokomele o tla bolawa bjale ka Sekhula.Naa Phetola o hlatha eng ka polelo ye ya gagwe.Naa Sophia a e tšeele hloko taba ye goba a e fetiše le moya?

#Mahlakung –Rethabile o hlahlakane o nyaka Tumi Lethebe ka patla le jase.O tshepiša Brandon digana go fela ge a ka mo thuša go humana Tumi.Naa Rethabile o hlagelwa ke eng a kwagala a le kgakanegong ka tsela ye?

#Mahlakung-Mma Moruti Kgole,Millicent o ganetša Moruti Kgole go iša thapelo lehung la Sekhula ka ge a re Sekhula o be a sa tsene kereke.Kgokong o a fihla o kwana le Moruti Kgole gore ke tswanelo gore a iše thapelo moo.Naa Millicent o phošo go ganetša Moruti Kgole go iša thapelo goba Moruti Kgole o swanetše a dire eng ka gore ka lapeng ba mo kgopetše gore a iše thapelo le ge Sekhula a be a sa tsene kereke?

Mahlakung –Badgirl o botša Titi gore a bone gore yena le Rethabile ba ba clean, otherwise next time a ka se sa kgona go phološa Rethabile. Naa Badgirl o hlatha eng ka mantšu a go Titi?