Mahlakung

#Mahlakung-Taba ya gore Masedi a kaba a imile e tsošitše lerole lapeng la ga Lethebe.Masedi o ikemišeditše go belega ngwana yoo a kabago a mo imile mola ka lehlakoreng le lengwe, re ekwa tatagwe Phetola a re ka lapeng la gagwe ga a nyake ngwana wa Shabangu. Naa Phetola o swanetše go tšeela Masedi sephetho goba Masedi ke yena a swanetšego go itšeela sepheetho ka gore mmele ke wa gagwe?

#Mahlakung-Sebjalebjale o botša Matsheko gore o belaela gore Masedi a ka ba a imile ka gore o bona a phadima.Masedi le yena o bolela gore ga a ikwe gabotse.Naa Masedi a kaba a imile ngwana wa Zakes Shabangu goba Sebjalebjale o fahlilwe?

Follows the lives of the residents of Mahlakung as they go through family conflicts, relationships, love affairs and daily trials. Mahlakung will never been the same again.

#Mahlakung- Saki Makhumetja o galefetše Brandon Ramolotja gore ka Masedi o laetšwe gore o swanetše go ja sethunya go mo šireletša. Naa Saki o tla šireletša Masedi ka potego ,goba Saki ke motho wa go laolwa ke maikutlo gabonolo a ka se o kgone mošomo woo?

#Mahlakung-Mmalo! millicent o sola Badgirl ka go bolaya,Naa Badgirl o swanetse go retwa goba go solwa ka lehu la Zakes?

#Mahlakung-“Mmalo! Sergeant Mampane o botša Konstabel Mpedi gore lephodisa ke lephodisa ge a apere unifomo,ge a e tšola ke monna wa lapa o phela le majita.Naa Mampane o hlagelwa ke eng ka gore re kwa a mmotša mantšu a boima a gore,”hlogo meetse e lotwa ke mong?

#Mahlakung-“Bra Bizza o boditše Phetola gore o ya go šomiša Sophia go bolaya Dikeledi Lethebe go itefeletša lehung la moratho wa gagwe Zakes.Re kwa Sophia a latola ge a boledišana le Phetola Gentle Lethebe.Naa ke nnete Sophia o a amega maanong a go bolaya moratho wa Phetola goba Bra Bizza o be a no ntšha phefo ka ganong le go gakantšha yo Phetola?

#Mahlakung-Zakes Shabangu o be a phaya Masedi theto kgang ge a be a mo golegile. Naa ge Masedi a ka humana gore o mmeleng, naa o swanetse a dire eng ka ngwana woo ka gore re a kwa gore tatagwe Phetolaga a nyake go kwa selo ka ngwana wa Zakes ka ga gagwe?

#Mahlakung-“Bra Bizza o leleditše Konstable Mpedi go mmotša gore a kgaogane le taba tša gagwe tša go saena,Mpedi o mmotša gore,”re tla bona gore magareng ga ka le wena ke mang a tla bago lepantiti?Naa ke gona ge go fedile ka Bra Bizza a ile kgolegong?

#Mahlakung-Dikeledi Lethebe o botša Tumi gore a ikgaogantšhe le Bra Bizza ka gore o kwele Sophia a re Bra Bizza o re setopo ka setopo.Naa ba ga Lethebe ba sepelele kae ka gore lehu la Zakes le gakaditše Bra Bizza?Ba dire eng go itšhireletša go yena?

#Mahlakung-Phetola o botšiša Badgirl gore ke yena a bolailego Zakes, mola re ekwa Bra Bizza a botša Sylvia gore Phetola o bolaile Zakes, le yena o swanetše go bolawa. Naa Zakes Shabangu o bolailwe ke mang?

#Mahlakung-Dr Lethebe, o swere matsebetsebe a tšhelete go lokolla Masedi go Zakes Shabangu.Re kwa a botšiša Sylvia gore o nyaka bokae gore a mo thuše a humane Masedi.Naa Sylvia o tla mo thuša goba ke gona ge a tlo lahlegelwa ke tšhelete a ba a se humane ngwana wa gagwe Masedi?

#Mahlakung-Phetola le Badgirl ba fihlile lefelong leo Zakes a bego a beile Masedi le basetsana ba bangwe bao ba bego ba swanetše go yo rekišwa dinageng tša ntle. Sethunya se llile,ge Badgirl a laela Zakes gore a bee sethunya fase.Re kwa Phetola le Badgirl ba goelela ba bitša Masedi.Naa sethunya se se jele mang?

#Mahlakung-Bra Bizza o ile Gauteng mola a sa le ka tlase ga Parola moo a swanetšego go fela a eya go saena kua Kgorong ya tshokollo ya Mahlakung, naa Sergeant Mampane o tla mo phološa kgolego goba ke gona ge a boeleletše kgolegong ka go se saene ga gagwe?

#Mahlakung-Sylvia o botša Brandon, Sticks gore ba swanetše go homoletša Tumi sa ruri a latele Sekhula. Naa ba tla e kgona taba ye, ba mmolaya Tumi Lethebe goba e noba gore molomo o tshela noka e tletše?

#Mahlakung-Mongaka Malehu o ile a re ge a phekola Sebjalebjale a mmotša gore o bona lehu, gomme se sa hlakahlakantšha Sebjalebjale kudu. Ge motho a filwe bokgoni bja go kgona go bona kotsi pele e hlaga goba a lora ka se se mpe seo se tlago go hlagela motho go etša lehu, naa o swanetše a mmotše goba homole ka ge kutullo ya Malehu go Sebjalebjale e dirile gore Malehu a solwe?

#Mahlakung-Badgirl, Hlapyadi o botša dombolo wa gagwe Kgokong gore o a mo rata gomme ge go ka diragala gore a se ke a boa a loba bophelo, yena a no tseba gore o a mo rata. Naa mantšu a a Hlapyadi a hlatha eng?

#Mahlakung-Badgirl o boditše Phetola gore o a tseba gore Zakes o beile Masedi kae. Re kwa Masedi a botša tatagwe Phetola gore Zakes o mo phaile theto ka kgang, gomme o rile ge a boa le Bra Bizza ba ile go mmolaya.Naa Phetola le Badgilrl ba tla kgona go fihla moo Masedi a beilwego gona pele Zakes le Bizza ba fihla?

#Mahlakung-Alfios o tšwa go nyaka tšhelete ya go bolokwa ga Moscow lapeng la Moscow gomme a fa Moruti R500, ka ge a re Moscow ga se moleloko la kereke ya Moruti Kgole.Moruti Kgole o bušeditše tšhelete yeo ga Alfios. Naa baruti ba swanetse go lefiša ge ba boloka bahu bao e sego maloko a kereke tša bona?

#Mahlakung-Bra Bizza o a sepela o leba Gauteng moo go lego Zakes, Phetola , le Badgirl morago ga gore Zakes a golege Masedi gomme a nyake R5 000 000.Naa go ya go direga eng dikakapa di kopane?Naa Masedi o tla lokollwa?

#Mahlakung-Hlapyadi, Badgirl o kgopela Millicent go ya go hlola Kgokong,naa Kgokong,Dombolo ya Badgirl o hlagelwa ke eng?

#Mahlakung-Mmalo!Sebjalebjale, mmago Phetola Lethebe, Koko wa Masedi, o il go mongaka Malehu go phekolwa gomme Malehu o mmotša gore o bona lehu.Naa ke lehu la mang leo Malehu a le bonago, e kaba la Phetola,Masedi, goba Badgirl?

#Mahlakung-Toro ya Matsheko e fetogile nnete, Masedi o a tlaišwa,Zakes Shabangu o mo golegile e bile re kwa a re o nyaka dimillione tše hlano tša diranta gore a lokollwe, go sego bjalo o re o a mmolaya.Naa Phetola o tla ba le yona tšhelete ye kaaka go lokolla ngwana wa gagwe goba ke gona ge ba mo lobile?

#Mahlakung-Badgirl, Hlapyadi oile a botša Phetola gore Masedi moo a lego gona o a tlaišwa, lehono re kwa mmago Masedi, Matsheko a eba le toro ya go šiiša dinamana tša mmele ya go bona Masedi a kgokilwe, le mollo o mogolo.Naa toro ye ya Matsheko e hlatha eng ka Masedi?Naa ke gona ge a jelwe ke bjelele goba e noba toro fela ka ge monagano wa gagwe o dula o nagana ka Masedi?

#Mahlakung-Saki o botša Sophia gore Phetola o ile Gauteng go yo nyaka Zakes Shabangu gomme a boe le yena a phela a tle a ipolaele yena ka sebele.Naa Phetola o tla mo humana Zakes Shabangu gomme a phethagatša tumo ya gagwe ya go mmolaya goba Zakes o tlo phazamiša yena?

#Mahlakung- Kgokong o tseba mosadi wa gagwe Hlapyadi,Badgirl a ile kopanong ya kgwebo go la Gauteng le Masedi ,mola Rethabile a tseba dinnete tša gore ba ile go hlakana le Zakes Shabangu , gomme sephiri se, Rethabile o se tšweletša go Kgokong .Naa re ka bona lenyalo la Badgirl le Kgokong le thubegile ka lebaka la se goba Kgokong o tla kwešiša mabaka a Badgirl a go se mmotše dinnete?

#Mahlakung-Masedi Lethebe o ile Gauteng go moratiwa wa gagwe Zakes Shabangu.Phetola le Badgirl ba ile fao gore ba boe le yena, mola mmagwe Matsheko le motlogolo wa gagwe Tumi ba tshwenyegile kudu ka yena, gomme Dikeledi Lethebe yoo e lego rakgadi wa gagwe a sena le ka bothata a re Masedi o iketlile le motho wa gagwe ba mo tlogele.Naa ge lekgarebe le sepetše le lesogana la lona le se la nyalwa,naa ka gae ba swanetše go mo latelela go mmuša gae , goba ba mo tlogele ka ge bophelo le diphetho ele tša gagwe e bile e le seo a se nyakago?

#Mahlakung- Phetola Gentle Lethebe o file Badgirl sethunya gore ba kgone go yo nyaka Masedi, re kwa Badgirl a botša Phetola gore Masedi moo a lego gona o a tlaišwa.Ba tšwa lesolo gomme Badgirl o di etile pele o botša Phetola gore a theeletše yena fela gore ba leba kae. Naa Badgirl o tla eta lesolo le la go nyaka Masedi pele gabotse ba boa le yena a phela?

#Mahlakung- Jo nna wee!Badgirl,Hlapyadi o be a bolela le Masedi mo mogaleng.Masedio rile a sa mo hlalosetša gore o mo kae, mogala wa kgaoga gomme ge Badgirl a leka go mo leletša, ya mo iša voicemail. Naa Masedi o hlagelwa ke eng moo a lego gona? Naa o tla humanega goba ke gona ge ba mo lobile?

#Mahlakung-Mmalo! Bra Bizza o botša Sofia gore yena ga a tsebe selo ka taba ya go timelela ga Masedi le gore Zakes o kae ga naga.Naa Bra Bizza o bolela nnete goba o botša yo Sofia maaka?

#Mahlakung- Konstabel Mpedi o befeletšwe kgaetšedi ya gagwe Mabatho ge a apere palamonwana ya peeletšo (Engagement ring) yeo Jonjon a mo apešitšego yona ge a be a mo kgopela gore a mo nyale.Naa ke phošo ge lesogana le kgopela kgarebe go mo nyala ka go mo apeša palamonwana ye ya peeletšo,goba Konstabel Mpedi o a di gagatla ga a sepele le mabaka goba go thongwa pele ka ditherišano tša malapa a mabedi ?

#Mahlakung –Mmalo!Dr Lethebe ga a kwešiše gore Phetola a be le Badgirl e bile ba eya go robala hoteleng.Naa re ka bona Badgirl a thubetše Matsheko lapa goba Matsheko o no tšhoga lefeela, a tshepe monna wa gagwe Phetola?

#Mahlakung –Masedi o timelelane le Badgirl boemafofane bja O.R Tambo ge ba be ba eya go hlakana le Zakes Shabangu.Badgirl o botša Phetola gore o tlogetše Masedi a nale Zakes gomme ge a boa ntlwaneng ya boithomelo o humane ba se gona.Naa Masedi o ile kae le Zakes Shabangu.Naa ke gona ge ba ga Lethebe ba lobile Masedi?

#Mahlakung-Phetola o befetšwe o thuntšha muši ka dinko o botša Moruti Kgole gore a leletše Badgirl a mmotše gore a buše morwedi wa gagwe Masedi.Naa ke phošo ya Badgirl ge Masedi a ile Gauteng go gahlanetša Zakes Shabangu, goba wo Phetola o a dii gagatla, Badgirl ga a amege felo?

#Mahlakung-Brandon o botša Jonjon gore ke mohuta wa go nyala.Naa go nale mohuta wa go se nyale goba wa go se nyalwe mo bophelong, goba Brandon o a di gagatla?

#Mahlakung-Alfios o bookelong gomme mogwera wa gagwe wa kgomo Moscow o hlokofetše.Kgokong o botša Moruti Kgole gore a netefatše gore Alfios ga a tsebe ka lehu le la mogwera wa gagwe ka gore ge ba ka mmotša a le bookelong ke gona le yena a latetše Moscow.Naa ke nnete gore ge motho a lwala a le diphateng a seke a tsebišwa ka lehu la mang kapa mang yoo a lego kgaufsi le yena goba a tsebišwe?

#Mahlakung- Titi Mabona Machaka o beeleditše R20 000 go Hassan a humana R30 000 ka dinamane tša R10 000, e bile o tšeere sephetho sa go beeletša ka R300 000.Naa ke gona a fetogile Mmadimilione goba ke gona ge a ipaketše bodiidi le mathata?

#Mahlakung- Jo nna wee! Masedi Lethebe o befetšwe o botša Saki gore batswadi ba gagwe ga ba nyake a hlakana le Zakes Shabangu mola yena a nyaka go ya go yena. Naa Masedi a latele maikutlo a pelo ya gagwe goba a theeletše batswadi ba gagwe ka gore le Saki ga a thabele gore a ya go hlakana le Zakes?

#Mahlakung –Jo nna wee! Bra Bizza le Sergeant Mampane ba dirile gore go swarwe mošemane tsoko ka difouno tšeo ba di hutšego batho Night Club ya Masedi gore ba timeletše mohlala.Naa ke gona ge ba phologile kgolego ka leano le la bona la bohwrihwiri?

#Mahlakung –Mmalo !Phetola Gentle Lethebe o gononelwa Tumi go tšea karolo mo hlaselong ya night club ya Masedi ka gore o be a amega go utswiweng ga koloi ya malome wa gagwe Phetola.Naa Tumi a ka ba a amega go hlaseleng ga tarvern ya motswala wa gagwe Masedi, gona lebaka e ka ba lefe gore a amege bosenying bja dikgwebo le dithotong tša gabo tša ga Lethebe?

#Mahlakung- Alfios Mojela, Motlaikakwena o fetetšwe ke COVID 19.Mmalo,sello sa Alfios se bohloko.Naa Alfios ke gona ge Mahlakung e mo lobile?

#Mahlakung – Mmalo!Mampane o botša Bra Bizza go nale leano leo ba ka le šomišago ka dillathekeng tšela tša go utswiwa Night Club ya Masedi gore ba gakantše Konstabel Mpedi dinyakišišong tša gagwe molatong wo.Naa ke leano la mohuta mang le?

#Mahlakung –Mmalo !Sergeant Mampane o tlošitšwe dinyakišišinyong tša molato wa go hlaselwa ga Night Club ya Masedi Lethebe gomme se ga se thabše Bra Bizza le Sylvia,re kwa ba mo kgokile ba mo tšhouka le go mo sotla.Naa ke gona ge Sergeant Mampane a timeletše?

#Mahlakung- Moruti Kgole , Ratswale wa Kgokong o bolela le Mokgonyana wa gagwe Kgokong ka tša bobopelathokong (kamoreng) .Naa Moruti Kgole le kgokong ba e tshwere ba a eletšana goba taba ye ga se ya loka gore Ratswale le Mokgonyana ba bolele ka ditaba tša mohuta wo?

#Mahlakung-Kgokong o bone dinambanamba tšeo Rethabile a di reketšego Badgirl? Bothata bo tsoga ge Kgokong a botšiša Badgirl gore nkane a rekile borokgwana bja ka gare bjo bohwibidu mola a tseba gore ga a rate mmala wo mohwibidu.Badgirl o mo foraforeša gore ga se a bone gore ke mmala o mohubedu o be a nagana gore ke o mo maroon.Badgirl o botša Rethabile goro o swanetše go yo di fetola a reke bjo bo maroon, gomme se ga se thabiše Rethabile ka ge a re yena o rata mmala wo mohubedu.Naa Badgirl o tla bona a dirile eng gona mo ka gore bo rekilwe ke Rethabile, ga se a ithekele ka tšhelete ya gagwe goba a rekelwa ke Kgokong?

#Mahlakung –Mmalo !Sergeant Mampane o tlošitšwe dinyakišišong tša molato wa go hlaselwa ga Night Club ya Masedi Lethebe.Naa ke gona ge Bra Bizza, Sylvia, Brandon le sehlophana sa bona ba ile ntlwana leswiswi?

#Mahlakung –Masedi o humane molaetša wa go tšwa go Zakes Shabangu yoo a kilego a ratana le yena wa gore a tle a mo tšee boema-fofane bja O.R Tambo. Se se tšhoša Badgirl kudu. Naa Masedi o swanetše go thuša Zakes goba a dire eng ka kgopelo ye ya Zakes, gona nkane Zakes a sa kgopele warra wa gagwe Bra Bizza?

#Mahlakung-Moruti Kgole o nale bothata bja go ya go rapelela Night Club ya Masedi ka ge a re batho ba tla mo tšea bjang ge a eya go rapelela dihalamcwaa!Naa e kaba phošo ge a ka ya a thuša ka thapelo lefelong leo la boithabišo goba ga go na bothata?

#Mahlakung- Dikeledi o gana thwii go kwa Mabatho a re o nyaka goba le Tumi ba le ba babedi a mo thuše ka dithuto tša gagwe. Naa ke phošo gore Mabatho bjalo ka morutišigadi gagwe a be le Tumi ba le ba babedi fela a mo thuše ka dithuto tša gagwe goba Dikeledi o a di gagatla?

#Mahlakung –Rethabile ga a thabišwe ke larato la mmagwe le Hassan Rafik, monna wa Morocco, o nale dikgonono ka lerato le la Titi, ga le mo kgotsofatše.Titi ga a nyake go kwa selo, ga a theeletše motho ka lerato la gagwe le wo Hassan e bile o šetše a nyaka go ya Morocco.Naa di tla hlasa taba tše tša Titi le Hassan Rafik , goba ke gona ge a ikweditše leganong la ditau?