Mahlakung

#Mahlakung – Monkgo wa senkgišabose(perfume) sa mosadi yoo a hlasetšego night club ya Masedi se sa šaletše dinkong tša Masedi, gomme re kwa Masedi a botša mmagwe gore ke se sengwe sa dilo tšeo di ka thušago maphodisa go golega bahlasedi ba. Naa ke gona ge ba ile ntlwana leswiswi bahlasedi ba ka lebaka la senkgišabose (perfume) se?

#Mahlakung – Mmawe! Dia boa pulong ya lefelo la boithabišo leo Masedi a le rekilego go mosadi wa Sekhula, go lla sethunya batho ba a goelela.Naa go tla sa bjang?

#Mahlakung –Alfios o ntšhitše koša yeo a e rutilwego ke bommagwe ka kerekeng, gomme Moruti Kgole a mo emiša, ka ge a re ga a e opele gabotse, a kgopela gore e ntšhwe ke yo mongwe. Naa Moruti Kgole o dirile toka ka se?

#Mahlakung –Di a boa ka Mahlakung. Sophia Takalani Maluleke o boditše Sylvia gore diphiri tšeo a nago le tšona le Bra Bizza ba tlo itshola , re kwa se se befeditšwe Bra Bizza e bile a mmotša gore o tlo itshola go ba le Sellout le go phapha. Naa go tla sa bjang? Naa ntwa ye e tla fenywa ke mang, ke Bra Bizza le Sylvia goba ke Sophia Takalani Maluleke?

#Mahlakung –Alfios Mojela, Motlaikakwena, o wele fase puu morago ga gore a boe ka gae a be a ikopelela a nwele maphoroma. O fihlile ka gae a itshwara dimpa a lla gore o kwa bohloko, gomme morago ga fao a wela fase.Naa Alfios o hlagelwa ke eng ka gore o be a sena bothata ge a fihla ka gae?

#Mahlakung –Dr Mbengashe, Malehu, o boditše Masedi gore a ihlokomele, mola Masedi a botša Badgirl gore Zakes o boa Mahlakung ka lebaka la lerato la gagwe go yena, Badgirl o mo lemoša gore Zakes Shabangu o boa Mahlakung ka mawaza. Naa efe ke fe gona fa, ke lerato goba ke ona mathata a go bolelwa ke Badgirl?

#Mahlakung –Rethabile o kgala mmagwe Titi ka taba ya go nyaka marato goba molekane ka internet.Titi o solaRethabile gore o mo imile dikgwedi tše senyane gomme lehono o a mo kgala. Naa ke phošo gore ngwana a kgalemele motswadi wa gagwe ge a dira tšeo a sa di ratego?

Follows the lives of the residents of Mahlakung as they go through family conflicts, relationships, love affairs and daily trials. Mahlakung will never been the same again.

#Mahlakung –Matsheko le Millicent ba kgotsa moaparo woo Titi a o aperego go roula,o apere sekhethe se sennyane le dikwaikwai.Naa moaparo wa maleba wa go roula mo mosading ke ofe?

#Mahlakung –Badgirl o botša Brandon gore o a tseba gore ke yena a hlasetšego Alfios Mojela, re kwa Brandon a mmotša gore ga se nke a papatliwe, mola ka lehlakoreng le lengwe le re ekwa Badgirl a mmotša gore ge a ka ba a kwa Rethabile a re “Ngweee” gagabo ke thabeng. Naa magareng ga Brandon le Badgirl, mang ke mang ka taolo le maatla?

#Mahlakung –Jo nna wee!Titi Mabona Machaka o nyaka go ratana le banna ba ka ntle ka internet dating, naa e tla mo šomela internet dating goba ke goba a ipaketše mathata?[Podcast] https://bit.ly/MahlakungYaThobelaFM

#Mahlakung –Bra Bizza o botša Tumi gore a bušeletše Rethabile diokobatšing.Re bona Tumi a nale Rethabile a mo tšeere kgopu, a leka mo mmotša ka diokobatši tše bogale tšeo a nago le tšona.Rethabile o ile a befelwa a mo fološa koloi ya gagwe lefeleleng? Naa Rethabile o tla e fenya ntwa ye ya diokobatši a phela ka gare ga bo Bra Bizza le bo Tumi, ka gore o tšeere matsapa a go ya Rehab go humana thušo gore a tlogele diokobatši tše?

Mahlakung –Jonjon ga a nyake go bula molato wa petho kgahlanong le Phetola Gentle Lethebe, naa lebaka legolo la gore a tšhabe go bulela Phetola molato ke lefe?

#Mahlakung-Sylvia o ile go Dikeledi go mmotšiša gore o išitše melaetša yeo a mo kgopetšego gore a e fe Phetola, gomme Dikeledi o mo fetola ka la gore yena o lebetše.Naa ke phošo ge motho a lebetše e bile a botša le motho yoo a mo romilego gore yena o lebetše?

# Mahlakung –Phetola ga a kgone go lebala ka lerato la Matsheko le Jonjon gomme e bile se, se dira gore go se be le lethabo ka lapeng.Naa ke eng seo Phetola a ka se dirago go lebala ka kamano ya Matsheko le Jonjon ntle le gore a tšee magato a go betha Jonjon , ka gore o gana go ya counselling?

#Mahlakung –Konstabel Mpedi o befetšwe o sekiša Sergeant Mampane gpore ke ka lebaka la eng a tšama a botša batho gore Mpedi ke makoti ka gore o dula gabo mosadi.Mampane o a e tiišetša o mmotša gore monna ke yena a nyalago mosadi gomme mosadi a fetola sefane.Mpedi o a mo sega o mmotša gore o šaletše ga a sepele le mabaka ka gore matšatšing a selehono, basadi ba bitša ka difane tše pedi .Naa ke kgapeletšo gore mosadi ge a nyetšwe a fetole sefane sa gabo goba a bitše ka tše pedi goba go lokile le ge a sa se fetole?

#Mahlakung –Ha!Ha!Ha!Alfios o etetše Millicent mošomong kua bookelong gomme o mmotša gore monna wa gagwe Moruti Kgole o boaboa kgafetša ka lapeng la gagwe. O gopola gore Moruti le Monicca ba a ratana gomme ka gore ba a ratana le bona ba swanetše go ratana go kgamiša balekane ba bona pelo. Naa Alfios o tla o beša wa tuka?

#Mahlakung –Sergeant Mampane o eletša Jonjon gore a swariše motho yoo a mmethilego a mo gobatša molato gore ba kgone go mo hlahlela, Jonjon o gana thaa go swariša Phetola ka ge a re yena o sa nyaka go phela?Naa se se re botša eng ka gore go gobala o gobetše la go šiiša? [Podcast] https://bit.ly/MahlakungYaThobelaFM

#Mahlakung –Dikeledi le Phetola ba a fapana ka ge Dikeledi a re Phetola o mo hlakišetša ngwana.Sepedi se re ngwana ke wa setšhaba.Naa Phetola o phošo bjalo ka malome wa Tumi go mo kgalemela , goba o swanetše go kgalemelwa Dikeledi fela ka ge e le yena mmago Tumi? [Podcast] https://bit.ly/MahlakungYaThobelaFM

#Mahlakung –Alfios o botša Petronella gore magadi a Malehu e ya go ba R75 000 ka ge a mo godišitše a mo lefeletše le tšhelete ya sekolong sa bongaka ge a be a thwasa.Naa ge go bewa tšhelete ya magadi go lebelelwa eng ka gore Motlaikakwena o lebeletše ditšhelete tšeo a mo godišitšego ka tšona, ke ka fao a rego o nyaka R75 000?

#Mahlakung –Tumi o botša Brandon gore Saki k eyena a ba fišago go Phetola, Tumi o botša Brandon gore ba swanetše go ruta Saki go phela go batho.Naa Tumi o hlatha eng ka se?

#Mahlakung –Sergeant Mampane o sola Konstabel Mpedi gore o dula gabo Malehu.Naa ke phošo ge mokgonyana a dula bogweng bja gagwe?

#Mahlakung-Sylvia o gapeletša Sofia gore a nyalane le Bra Bizza.Naa lebakabaka le legolo la gore Sylvia a gapeletše lenyalo la Sofia le Bra Bizza ke lefe?

#Mahlakung- Saki le Masedi ba tšhogile gore Tumi a ka ikamoga bophelo morago ga gore a be le dikgogakgogano le malome wa gagwe Phetola Gentle Lethebe ge a be a mo sekiša ka taba ya go thušana le Brandon go mo utswetša koloi.Naa mokgwa o mo kaone wa go kgalemela baswa ge ba sentše, ke ofe ka gore re a kwa e bile re a bona gore batswadi ba boifa go ba kgalemela ka ge ba tšhoga gore ba tla ikamoga bophelo?

#Mahlakung- Mabatho le buti wa gagwe Konstable Mpedi ba ngangišana ka taba ya gore Mpedi o robala gabo kgarebe ya gagwe Malehu, gomme Mpedi o botšiša Mabatho gore Jonjon o mo nyala neng.Naa ke phošo ge potšišo ya mohuta wo e tšweletšwa ke ba gabo lekgarebe gore motho wa gagwe o mo nyala neng?

#Mahlakung-Badgirl, Hlapyadi o nale bothata ge Kgokong a botša Moruti Kgole le Millicent ka mathata a bona, ge Kgokong a re gona o tla botša ba gagwe batswadi le gona fao Badgirl o nale bothata bja gore ba tla nagana gore o a mo tshwenya.Naa ge banyalani ba nale mathata , ke mang ba swanetšego go mo tsebiša, gona a e kaba Kgokong o phošo go botša batswadi ba Badgirl ka mathata a bona?

#Mahlakung-Titi o botša morwedi wa gagwe Rethabile gore o nyaka go ratana ka ge a sa nyake go hlakana hlogo.Naa monna goba mosadi a ka kgona go phela a sa ratane gomme a se hlakane hlogo, goba seo ke mabarebare ao a fošagetšego?

#Mahlakung-Di a boa lefaseng la Mahlakung magareng ga Blaza, Phetola Gentle Lethebe le Bra Bizza ka lebaka la tavern ya ga Sekhula yeo bjale e lego ya Masedi Lethebe.Bizza o botša Phetola gore ga ba e bule ba bone gore tla šoma naa.Naa matšhošetši a a Bra Bizza ,Phetola a a ele hloko goba a a hlokomologe?

#Mahlakung-Naa taba ya Rethabile le Hlapyadi AKA Badgirl e tlo feleletša kae, ka gore Badgirl ga a sa lokologa ge a le gae a nale Kgokong, o bea le sellathekeng sa gagwe go silence gomme o bolela le yo Rethabile ka sephiring, ge Kgokong a etla o fediša poledišano ya bona ya mogala. Naa ba tla o beša wa tuka?

#Mahlakung-Titi Mabona Machaka o kwagala a nale maikutlo a lerato go Jonjon.Naa o tla o beša wa tuka , goba o dio itshenyeka nako , Jonjon o rata Mabatho?

#Mahlakung-Badgirl, AKA Hlapyadi o botša Sofia gore Zakes o tla motseng wa Mahlakung gore ba fetše ka Madala, Phetola Gentle Lethebe, o mmotša gore yeo ba ka se e dire. Naa Badgirl o hlatha eng ka mantšu a?Naa se gona seo a ka se dirago gp phološa Madala?

#Mahlakung- Sofia Takalani Maluleke o eletša Titi Mabona Machaka yoo e salego mohwana gore a ikhumanele mothwana.Naa maele a Sofia ke ona goba Titi a dire eng ka wona, a a tšee goba a fetše go roula pele?

#Mahlakung-Jonjon o ile go Matsheko, moratiwa wa gagwe yoo ba kgaoganego go mo kgopela gore a ye go boledišana le Mabatho moratiwa gagwe wa bjale ka ge a ile a bitša leina la gagwe anale yena , e bile o mmotša gore ge a nale motho wa mosadi o phela a gopola la yena, le go duma gore mosadi yoo nkabe a tshwana le Matsheko.Naa se se hlatha eng ka Jonjon?

#Mahlakung- Ai! Sofia Takalani Maluleke o ile go phekola go Malehu ka Sylvia gomme Malehu o mmotša gore yena Sofia le Sylvia ba tletše selo se tee mo Mahlakung, e bile Sofia o botša Malehu gore o kwele Phetola gore Bra Bizza le Sylvia ba rera go mo tšeela dilo kamoka tšeo a nago le tšona gomme ba mo timeletše?Naa Sylvia le Sofia ba tletše eng mo Mahlakung seo Malehu a rego ke selo se tee sa go swana?

#Mahlakung-Mabatho le Jonjon ke baratani ba baswa, Mabatho ke motho wa go ngalangala le go kgarietša Jonjon ka mašata?Naa mokgwa wo Mabatho a bolelago le Jonjon ka gona ke wa maleba?

#Mahlakung- Joo! Alfios o botša Monica gore mokgonyana ga a fetše go nyala , o swanetše go no lefa wayawaya go ba bo mosadi wa gagwe.Naa Alfios o hlatha eng mantšu a?

#Mahlakung- Mmalo!Badgirl o boditše Rethabile mantšu a gore,” bophelo ga bo sa le bose go swana le ka nako yela o be o phela le nna” Naa go tla sa bjang?

#Mahlakung –Bra Bizza o botša Sylvia o re “Nou is tyd” o re ke nako. O re Zakes o swanetše go boa ka Afrika Borwa.Naa Bra Bizza o hlatha eng ka mantšu a a gagwe?

#Mahlakung-Matsheko le Titi ba lwa ya mahlo a mahwibidu ntwa ka lebaka la ge Titi a thekga Sophia ntweng ya gagwe le ba ga Lethebe ka ge ba mo phakeditše go reka tavern ya Sekhula.Naa Titi le Matsheko ba baka eng, ka gore ba phelela go lwa.Naa gore ba kwane go hlokega eng?

#Mahlakung-Bra Bizza o leleditše Phetola mogala go mo tšhošetša gore go reka Tavern ya Ga Sekhula ga gagwe, go tlo mmakela lehu.Naa re ka bona madi a tšhologa mo Mahlakung ka baka la tavern ye ya Sekhula?

#Mahlakung-Mongaka Malehu o a lwala o hlakahlakane e bile Mabatho o mo humane a idibetše, mola ka lehlakoreng le lengwe re ekwa Konstabel Mpedi a befeletšwe Jonjon gore nkane ba mo išitše ga Mojela ka gore Alfios o tlile go gana ka yena, e bile gape re kwa Monica a ganetša Malehu go ya ga Mpedi.Naa ke gona ge le padile lenyalo lela la Mpedi le Malehu goba le tla phomelela?

#Mahlakung-Saki Makhumetša o tšhogile kudu go bona ka fao Brandon a gobaditšwego ka gona e bile o gana le ge Phetola a mo roma go iša koloi Carwash ka ge a nale kgopolo ya gore ba be ba nyaka go mo tšeela koloi ya boss ya gagwe. Naa Phetola o tla utulllela Saki sephiri sa gore Brandon o gobatšwe ke mang gore a kgone go šoma ka tokologo? [Podcast] https://bit.ly/MahlakungYaThobelaFM

#Mahlakung-Jo nna wee!Phetola o betha Brandon e bile sephiri se utullugile sa gore Brandon ke yena a bego a utswitše koloi ya gagwe ka thušo ya motlogolo wa gawe Tumi go mo fa spare key. Naa Tumi o ya go tšhabela kae ka mpopota ya taba yeo a e dirilego Phetola?

#Mahlakung-Phetola o botša motlogolo wa gagwe Tumi gore yena o a tseba gore koloi ya gagwe e be utswitšwe ke mang, e bile o tla bona gabotse gore ke ka lebaka la eng a bitšwa Blazza. Naa go tla sa bjang ka Mahlakung?

#Mahlakung-Go lla sethunya ge Konstabel Mpedi le Sergeant Mampane ba kitimiša Brandon morago ga go utswa koloi ya Phetola Gentle Lethebe .Naa Brandon o tla phologa goba ke gona ge lletšwe ke ditšhipi?

#Mahlakung-Jonjon o rile ge a atlana le Mabatho, a bolela mantšu a gore “I love you Matsheko” , gomme se sa dira gore Mabatho a befelwe a ngale a tšwe ka phaphošing ya bona ya go robala ya kua Kruger Nationala Park , gomme e bile o a nyakiwa ga a bonagale.Naa taba ye ya gore Jonjon a mmitše Matsheko e hlatha eng?

#Mahlakung-Blaza, Phetola Gentle Lethebe o botša Matsheko gore diflat tša gagwe di tlile go boa go yena morago ga gore Bra Bizza a mo amoge tšona ge a sena go fihla Mahlakung.Naa se se tlo kgonagala goba ke gona ge ntwa ya kgaphamadi e thomile magareng ga gagwe le Bizza?

#Mahlakung-Ayayaa!Badgirl o botša Rethabile gore lebaka legolo la go dira gore a mo etele ke gore o a mo rata.Naa re ka bona Kgokong le Rethabile ba baka Badgirl/Hlapyadi goba ke gona ge lenyalo la Kgokong le Badgirl le fedile ka lebaka la se?

#Mahlakung-Badgirl , Hlapyadi o romile Saki gore a ye go mo nyakela dinomoro tša Rethabile tše diswa tša mogala go mmagwe Titi, ge Saki a mmotšiša gore o di iša kae, Badgirl o befelelwa Saki kudu. Naa Badgirl o iša kae dinomoro tša Rethabile ka gore goba gona ke manaba batho ba ba babedi?

#Mahlakung-Sekhula o tlogile lefaseng le gomme ba lapa la gagwe ba kgopetše Moruti Kgole gore a tle a ba bolokele yena le ge a be a sa tsene kereke. Naa e kaba phošo ge Moruti Kgole a ka mmoloka le ge e be e se moleloko wa kereke goba e ka se be phošo?[Podcast] https://bit.ly/MahlakungYaThobelaFM