Mahlakung

#Mahlakung –Jo nna wee!Go thwe Phetola o be a šetše koloi ya Bra Bizza yeo e bego e rwele stuff ka morago, gomme go thwe o bone tšhohle le batho bao ba bego ba le ka gare ga koloi yeo.Naa ke gona ge sephiri sa Bra Bizza se utullugile?

#Mahlakung-Mmalo! Bra Bizza o sepetša stuff sa gagwe ka koloi ya go rwala bahu ka kgopolo ya gore ya ga nke di phuruphutšwa.Naa e kaba phošo ge ba sephodisa le borasephethephethe ba ka phuruphutša dikoloi tša go rwala bahu go leka go fokotša le go laola bosenyi?

#Mahlakung-Mahlakung e inamišitše sefahlego , Mahlankga Charlie Maja, Bra Tick o tlogile , o nanogile lefaseng leno,re lahlegetšwe ,mong wa Tick’s Corner o tlogile ,o robetše boroko bjo bogolo,Machaka ka sebele,Naa o gopola eng ka Bra Tick ka mo Mahlakung?

#Mahlakung-Brandon o a tloga ga Jonjon, o ya go dula ga Bra Bizza,naa o tla loka Brandon ge a dula ga Bra Bizza a phela bophelo bja nnete, goba ke gona ge bo hlakahlakane?

#Mahlakung-Malehu o botša Monicca gore o ya go dula le Mpedi gore Millicent a se mo kobe kerekeng. .Monicca o mmotša gore ge Millicent a sa kgone go mo kgotlelela, a tšwe ka monyako wa kereke a sepele ka gore ga se a tle le kereke mo Mahlakung. Naa Millicent o nale maloka a go kgaola maloko a kereke goba o hlagelwa ke eng?

#Mahlakung- Titi o bethile Brandon a mo gobatša ka ge a mo gononelwa go fa Rethabile diokobatši. Brandon o gobetše, e bile o swaba go ya mošomong ka ge a tšhaba go segiwa ke batho gore o gobaditšwe ke motho wa mosadi, sa go tlaba ke gore o gana le go bulela Titi molato wa petho.Naa Brandon, o tla bona a dirile eng ge maemo a le ka tsela ye?

#Mahlakung –Titi o llela Kgokong gore a mo thuše gore Rethabile a tlogele go šomiša diokobatši ka gore yena o tlo mo theeletša.Naa ka gore Badgirl mosadi wa Kgokong le Rethabile ke katse le legotlo,naa Kgokong o tla e kgona taba ye, goba o swanetše go dira eng?

Mahlakung –Titi o humane Rethabile a robetše ka gare ga koloi ya gagwe, e bile o utullutše gore Rethabile o kgoga diokobatši, a sa gakanegile, Rethabile o thoma go tshwa maphilo, Titi o a lla.Naa Rethabile o tla phologa goba ke gona ge diokobatši di mo amogile bophelo?

#Mahlakung –Petronella, o a gononwa,o a bolaela o botšiša Matsobane gore nkane batho bao ba ba senyetšago ba hlokagala, ka gore Patrick Matjila o bolailwe a dula bolotabahu lebaka le le telele, morago ga fao Kapamba le yena o bolawa ka kgolegong? Naa ke nnete go nale seo se diragalago go ya ka dikgopolo le dikgonono tša Petronella?

#Mahlakung –Malehu o a belaela ka gore ba ga Motlaika ba mo ganetša go ya go dula le Mpedi morago ga gore ba ga Mpedi ba tle ba kokote le go ageletša motšhidi.Naa ke nnete Malehu o nyaka go ba nonyana phakuphaku ya go bea lee le tee go ya le ka fao Monica a mmotšago ka gona,goba ke eng seo a swanetšego go se dira gore a ipshine ka bophelo a se ipakele madimabe?

#Mahlakung -Phetola o boditše Brandon gore ke yena a tšeerego koloi ya gagwe le gore o sa tlile go tšea yeo a nago le yona.Ge Bra Bizza a mo eletša go yo bega taba ye maphodiseng, Brandon o a gana o re yena o nyaka go iperekela Phetola ka bo yena.Naa Brandon o ya go dira eng ka Phetola?

#Mahlakung –Motlaika o beile seroto sa godimo sa go nyadiša Malehu gomme Malehu o boditše Monicca gore yena ga a rekišwe, ga se kgomo.Naa lekgarebe la go le nale maloka a go fetola seroto seo se beilwego go mo nyadiša goba Malehu o a di gagatla?

Titi o ile go Sofia, o mmotsa gore mo a hlakanago le Brandon gona, bjang bo ka se mele, o nyaka go mo kgama ka ge a efa Rethabile diokobatsi. Naa Titi o tla kgona go lwa ntwa ya Rethabile a e fenya?

#Brandon o botša Bra Bizza gore o a mo kolota ka ge a be a mo rekišetša diokobatši ka kgolegong, bjale o mo mmošiša gore o nyaka bokae malebana le taba ya molato wa boKapampa,go dira gore a se ye kgolegong ka taba ya go tšhabiša le go golega Phetola.Naa Brandon o phošo go seka Bra Bizza tšhelete ka gore Bizza o kwagala a makaditšwe ke sekoloto se Brandon a mmotšago ka sona?

#Mahlakung-Millicent o bolela gore o tletše ka boitsholo bjo bogolo kudu ka favour yeo a ilego a e direla Bra Bizza.Naa ke favour ya mohuta mang ka gore o bolela gore ge Matsheko a ka tseba ka yona, e tlile go ba lweša?

#Mahlakung –Mmalo! Badgirl o botša Masedi gore o ya go boela mekgweng ya gagwe ya kgale ka lebaka la gore Bizza o a tseba gore ba a mo nyakišiša.Naa go tla sa bjang ka Badgirl, Kgokong o tla bona a dirile eng, ka yena?

#Mahlakung –Mmalo! Saki o tlišitše koko Sebjalebkale gae go tšwa bookelong, bothata bo tsoga ge Sebjalebjale a mo kgopela gore a mo iše ntlong ya boithomelo.Naa go a ila gore Saki a iše Koko Sebjalebjale ntlong ya boithomelo goba go swanetše go diragale eng ka gore ba babedi fela ngwakong?

#Mahlakung–Titi Mabona o ngwadile lenaneo le le telele la dinyakwa tšeo a rego ba ga Lethebe ba swanetše go di phethela Mamabona gore a ba hlokomelele Sebjalebjale, Mamabona o gana thwii ka dinyakwa tšeo, o re yena o tla ya go ba šomela ntle le tefo, Titi o a bela o re fuu, o re a ka se ye ga Lethebe.Naa Titi o swanetše go tšeela Mamabona sephetho?

#Mahlakung–Naa ke phošo gore ngaka ya setšo,Malehu a nyadišwe ka kerekeng mola e bile e se moleloko wa kereke ka gore Moruti Kgole o bolela gore Malehu o tlo nyadišwa ka kerekeng ya gagwe mola Millicent a re Malehu ke ngaka ya setšo, e bile ga se moleloko wa kereke a ka se nyalelwe ka kerekeng?

#Mahlakung–Rethabile o boditše Masedi gore ge a nyaka maina a bašemane ba go rekiša diokobatši a botšiše Tumi.Naa e kaba mogopolo wa Rethabile o tla boa a gopola mosadi yoo a bego a mo hlabela ka tšhwaana ya diokobatši?

#Mahlakung–Jo! Brandon o re o nyaka go nkgišetšana makhwafa le Phetola Gentle Lethebe.Naa o tla e kgona ntwa ye, le Blaza ka sebele?

#Mahlakung –Jo nna wee! Sophia Takalani Maluleke o botša Phetola gore ge a kwa gore mosadi wa Bra Bizza o gona mo Mahlakung,o tlo hlakana hlogo,naa re ka bona ntwa ya kgaphamadi magareng ga Sophia le Sylvia, goba go tlo diragala eng?

#Mahlakung-Dikeledi o leleditše Matsheko gore a lefe Mamabona gore a hlokomele Sebjalebjale.Naa magareng ga ngwetši,Matsheko le morwedi, Nkele , ke mang a swanetšego go rwala maikarabelo a go lefela ditshenyagalelo tša Sebjalebjale?

#Mahlakung-“Lentšu”!Tumi o botša Bra Bizza gore o kwa lentšu la mosadi le mo kgadimola.Naa lentšu le ke la mang?

#Mahlakung-Mmalo! Sebjalebjale o gana thaa go hlokomelwa ke Mabatho ka ge a re ke ngwanenyana, a ka se mo hlapiše, ba ka upša ba bitša Mamabona , thaka ya gagwe. Naa go tla sa bjang ka Mahlakung ka gore Matsheko o bolela gore yena ga a nyake Mamabona ka ga gagwe?

#Mahlakung –Mmalo!-Badgirl o tsene mathateng gomme o lwa le Kgokong ka taba ya go amogela R5000 go tšwa go Tit gore a kobe Matsobane le Petronella ntlong ya gagwe ya RDP.Naa taba ye e ka lokišwa ba boela ba ba le lethabo lenyalong la bona?

#Mahlakung –Mmalo! Bra Bizza o botša Sergeant Mampane gore ge e ba ba palelwa ke go swara Kapampa le Sticks, gona a buše tšhelete ye a mo filego yona.Naa se se re botša eng ka Sergeant Mampane?

#Mahlakung-Heee! Masedi o kgopela Saki gore a thuše yena le tatagwe Phetola go nyakišiša Bra Bizza.Naa Saki o tla kgona go boloka sephiri se goba ke gona ge leano la Masedi le padile?

#Mahlakung-Mmalo! Mamabona o ile Police station go bulela Mampane molato wa go thubela Matsobane lapa.Naa e kaba se ke molato wa go go nyaka maphodisa goba bjang?

#Mahlakung-Monica o botša Moruti Kgole gore ga a kgone go rapela ka lebaka la go kgopišwa ke Mma Moruti Kgole.Naa Monica o tla bona a dirile eng ka gore thapelo ke sona sebetša mathateng?

#Mahlakung-Malehu o gakanegile ga a tsebe gore a dire eng, ka gore o nagana gore Mpedi le Mabatho ga ba kwešiše pitšo ya gagwe, gomme yena o tloga a rata Mpedi ka pelo ya gagwe kamoka,e bile o rata le mošomo wa gagwe kudu.Naa Malehu o swanetše a dire eng gore a be le khutšo le lethabo bophelong bja gagwe?

#Mahlakung-Mmalo! Bra Bizza o bolela gore ngwana wa Moruti Kgole o swanetše go timelela sa ruri.Naa Bra Bizza o hlatha eng ka se?

#Mahlakung-Jonjon a tla a e botšiša potšišo ye botse go Brandon gore gabotse Bra Bizza o tsena bjang tabeng tša Patrick Matjila.Naa Bra Bizza le Patrick ba tswalana bjang?

#Mahlakung-Mma wee!Matsobane o befetšwe kudu ge a humane Petronella le Sergeant Mampane ba gokarane ka kantorong e le ge Mampane a be a re o homotša Petronella , go thalaganya mantšu a “hlalo” ka lebaka la go gokarana moo ga bona. Naa ke phošo ge batho ba bong bja go fapana ba gokarana, e kaba ka ditumedišo goba go homotšana?

#Mahlakung-“Why o laela ge nna ke tsena, kgane o be o bolela le mang?” A ke mantšu a Sophia go Bra Biozza ge a mo humana a bolela mo sellathekeng sa gagwe, gomme a laela motho yoo a bego a bolela le yena.Naa ke tshwanelo go botšiša lesogana,kgarebe goba molekane wa gago ge a be a le mogaleng gore o be a bolela le mang, goba Sophia o a di gagatla?

#Mahlakung-Jo nna wee!Patrick Matjila o bolailwe ke setšhaba ka go kgatlwa ka maswika.Matsobane o bolela mantšu a gore , O swinegile”.Naa e kaba polao ye ya Patrick ke tharollo mathateng a Matsobane le Petronella ya go loba tšhelete?

#Mahlakung-Mmalo! Masedi o ile go bona Koko Sebjalebjale bookelong, o tlabega l ego tšhoša ke a bona Koko Sebjalebjale a felelwa ke moya .Naa ke gona ge re mo lobile mokgekolo Sebjalebjale?

#Mahlakung-Rethabile o a thothomela, Bra Tick o tlabegile ka gore e sale a tloga ba sa tsebe gore o ile kae bošego kamoka, ba thušitšwe ke go bona koloi ya gagwe e parkile garageng, o botša Bra Tick gore o no ikhumana a le tee mo parkeng.Naa Rethabile o hlagelwa ke eng?

#Mahlakung –Mmalo! Rethabile o bona Pinkie e bile o bolela le yena fela Tiiti ga a mmone..Titi o kwele bohloko , o a lla go bona seo se diragalelago morwedi wa gagwe.Naa go nale ka fao Rethabile a ka thušwago ka gona, goba ke gona ge a paletšwe ke tša bophelo?

#Mahlakung –Malehu o botša Alfios, gore e sale go tloga tšatši lela a thubago mpho yeo Mpedi a bego a e reketše Malehu, ga se nke ba bonane e bile o rometše Malehu molaetša wa gore o kwele bohloko kudu, o sa nyaka go inagana. Naa e ka ba ke gona ge go padile ka lenyalo la Malehu le Mpedi ?

#Mahlakung –“Dinonyane tša ka di tantšwe”A ke mantšu a Phetola ge Saki a sena go mo tsebiša gore o bone Tumi a fologa koloi ya Bra Bizza.Naa Phetola o hlatha eng ka mantšu ao?

#Mahlakung –Mmalo Motlaikakwena, Alfios o thubile mpho ya Mpedi ya letšatši la baratani, yeo Mabatho a bego a e išeditše Malehu .Naa go tla sa bjang?Naa afa Mpedi le Malehu ba tla nyalana?

#Mahlakung –Phetola ga a thabišwe ke taba ya go lokollwa ga mmagwe Sebjalebjale bookelong a se a fola .Naa Sebjalebjalo o tla hlwa a sa fola a boela sekeng goba ke gona ge ba tlo loba?

#Mahlakung –“Mo bophelong money is everything” Ke mantšu a Titi go Millicent.Naa go tla sa bjang?

#Mahlakung –Moruti Kgole o botša Kgokong gore “mogoma temeng”.Naa ke tshwanelo gore batswadi ba tsene taba tša bana ba bona tša ka gare ga lenyalo gore ba ba neng le thari?

#Mahlakung –Joo! Mamabona o tshweneyegile kudu gore Dr Lethebe o mo kobile sepetlele ge a be a ile go bona mogwera wa gagwe Sebjalebjale. Naa Dr Lethebe o phošo go raka Mamabona sepetlele goba ke eng seo a bego a swanetše go se dira?

#Mahlakung –Phetola o botša Sophia gore ba utulle sephiri sa Bizza gore Bizza a swarwe for life. Naa Phetola o bolela ka sephiri sefe sa Bizza seo se ka mo lahlelago kgolegong bophelo kamoka?

#Mahlakung – Motlaikakwena, Alfios Mojela o jele sutu k athai o leba Police Station , o botša Monica gore o apere sutu gore kua Police Station bam o tšee serious.Naa batho ba go hlompha go ya le ka moaparo wa gago goba bjang?

#Mahlakung – Ha!Ha!Ha!Ha! Jonjon o botša Sergeant Mampane gore bana ba matšatši a selehono ge o nyetše mmago bona ka yena, ba go bitša “boyfriend ya mama”.Naa ge monna a nyetše mosadi ka bana, ba swanetše go mmitša mang, ba re papa goba ba mmitše eng?

#Mahlakung –Mamabona o boditše Petronela gore o swanetše go bitša malome wa gagwe Pokane gore a boe a tle a rarolle taba ya hlalo magareng ga Matsobane le Petronella.Naa ke gona ge taba ya ntlo e thubile lenyalo la Matsobane le Petronella ka gore Matsobane o boile ka ga Mabona mola Petronella a le ga Malome wa gagwe Pokane goba Mamabona ke yena phehli lenyalong la bona?