Mahlakung

#Mahlakung – Rethabile o humane lengwalwana le beilwe windscreen ya koloi ya gagwe, leo le mo laelago go tlogela go ngwala ka diokobatši le go se ye maphodiseng ka taba ya go tšhabišwa ga gagwe.Naa Rethabile o tla tšhabela kae?

#Mahlakung – Bra Tick o tsenwe ke letšhogo la gore ge e kaba Rethabile o kolota barekiši ba diokobatši, ke gona ge dikgwebo tša gagwe di alotšwe.Naa go tla sa bjang?

Mahlakung - Titi Mabona Machaka o ile kerekeng go leboga Modimo ge Rethabile a boile gae a bolokegile. Naa ke gona ge bophelo bja Titi bo fetogile, a sokologile goba o hlagelwa ke eng?

#Mahlakung –Joo! Jonjon o ganetša Brandon ka koloi ya gagwe yeo e a reketšwego ke Sofia Takalani Maluleke, naa Jonjon o tla šoma bjang Brandon.Naa a e kaba ke lona lebaka la gore koloi e ngwadišitšwe ka maina a gagwe goba o hlagelwa?

#Mahlakung –Sergeant Mampane o botša Malehu gore Konstabel Mpedi o efoga go roma ba gabo gore ba mo nyalele ka gore o tseba gabotse gore ba ka se ye, ka ge a nale mosadi kua gae. Naa taba ye e swanetše go tšhoša Malehu, goba a e bethiše moya?

#Mahlakung -Rethabile o boile gae, naa o phologile bjang go Bra Bizza?

#Mahlakung –Jo!Jo!Jo! Sergeant Mampane o botša Jonjon gore ga go na motho wo a swanetšego go ratana le lekgarebe goba mosadi woo yena a kilego a ratana le yena.Naa Konstabel Mpedi o phošo go ratana le Malehu goba Mampane o a di gagatla?

#Mahlakung –Rethabile o phafogile , o a goelela o betha betha lebati gore a bulelwe , Bra Bizza o fedile ka disego, naa Rethabile o tla phologa dinaleng tša Bra Bizza, goba go fedile ka yena?

#Mahlakung – Konstabel Mpedi o kgopela Jonjon go ya go mo kokotela ga Mojela gore a kgone go nyala Malehu.Naa go lokile go kgopela motho mang le mang go mo kokotela goba go mo nyalela goba go ya ba lapa fela?

#Mahlakung –Jo nna wee! Mambona o botša Titi gore ba gabo Pinkie ba direletše Rethabile letšwa.Naa se se hlatha eng?Naa Rethabile o tla bonagala ?

#Mahlakung –Mmalo!Sister Millicent, Mma Moruti Kgole o gana thaa ge Moruti Kgole a eya go homotša lapa la ga Mabona malebana le go timelela ga Rethabile.Naa Moruti Kgole o tla bona a dirile eng?

#Mahlakung –Mo godimo ga footage ya camera ya moo Rethabile a timeletšego gona, go bonagala Rethabile a nale motho wa monna, naa monna yo ke mang?

#Mahlakung-Rethabile o timeletše, go humanwe koloi ya gagwe mabenkeleng kgoparara, gomme baleta –dikgoro, ba re koloi ya gagwe e sale e emišwa go thoma ka mošopologo, naa Rethabile o hlagetšwe ke eng?

#Mahlakung - Sergeant Mampane o hlaname ga a sa nyaka mapai go Dikeledi. Naa Sergeant Mampane o hlagelwa ke eng,,?

#Mahlakung –Rethabile o sola Tumi ge a mmotša gore ga a na nnete ya gore o tšweletše dithutong tša gagwe ka ge ba se ba hlwa ba eya go tšea dipoelo tša gagwe sekolong.Rethabile o mo fetola gore o ka se bjale motamati wa enywa matsapane. Naa morutwana goba moithuti a ka tseba gore o atlegile goba o šitilwe dithutong go ya le ka fao a ikwelego ka gona ge a be a ngwala dihlahlobo?

#Mahlakung –Mma Moruti Kgole o botša Dikeledi gore go bohlokwa gore a tsebe bagwera ba ngwana wa gagwe Tumi gore o akgone go tseba gore o phela le batho ba mohuta mang.Dikeledi o a befelwa o re ba tlogele go mo tshhwenyetša ngwana.Naa Dikeledi le Masedi ba phošo gore Dikeledi a tsebe bagwera ba Tumi, goba Dikeledi o hlagelwa ke eng?

#Mahlakung – Saki o nale bothata ge Moruti Kgole a mmotša gore Sebjalebjale o mo leleditše mogala gore ba fe Tumi sebaka sa gore a rere ka kerekeng. Naa e kaba phošo ge Tumi a ka rera lentšu la Modimo ka kerekeng?

#Mahlakung –Rethabile o botša Petronella gore ga se a lebala ka Kgokong ka gore o re ga se a mo tlogele” in a decent manner “, o mo tlogetše gare ga batho, pele ga bagwera le ba lapa la gabo tempeleng.Naa ke eng seo Rethabile a ka se dirago gore a be le khutšp moyeng wa gagwe?

#Mahlakung –Mmalo! Koloi ya Jonjon e utsweditšwe dithaere gomme e beilwe godimo ga ditena.Naa Modiri wa tše ke mang?

#Mahlakung –Sebjalebjale o lorile Tumi a ile Warmbad, Bela-Bela a nwelela ka nokeng.Ge a hlalosetša Tumi ka toro ye,Tumi o bolela gore ditoro ga di bolele nnete.Naa toro ye ya Sebjalebjale e hlatha eng? Naa e kaba o nale seo se tlilego g hlagela Tumi goba eng?

#Mahlakung –Alfios o a lla o a belaela , o botša Malehu gore Monica o letše a mo robaditše fase.Naa ge balekane ba befelelane, a e kaba ye ke yona tharollo ya gore yo mongwe a robale fase goba a robale ka phaphošing ye nngwe?

#Mahlakung –Bra o sola Rethabile go ema le go thuša Alfios morago ga gore Bra Tick a bethe Alfios, e bile o ntšha mantšu a bohloko a gore “Naka tša go rwešwa ga di kgomarele hlogo.” Naa Bra Tick o hlatha eng ka mantšu a?

#Mahlakung –Mmalo! Phetola o botša mmagwe Sebjalebjale gore a kgaogane le Mamabona , Sebjalebjale o mmotša gore , ge yena a ka kgogana le Bra Tick le yena o tla kgaogana le Sebjalebjale.Naa go lokile gore ba lapa ba kgethelane bagwera?

#Mahlakung –Masedi o botša Saki gore o dirile phošo gore ge a fereya Mmabatho a mmotše gore o tla mo fa mogolo wa gagwe kamoka.O mmotša gore batho ba basadi ga ba nyake go hlwa ba botšwa gore monna o na le eng, o re seo se bontšha gore monna woo o desperate, gomme basadi ba ka se mo dumele .Naa taba ye ya Masedi ke nnete go fihla kae? Naa Saki o dirile phošo go botša Mabatho gore o tla mo fa mogolo wa gagwe kamoka ge a ka mo dumela?

#Mahlakung –Bra Bizza o botša Rethabile gore “Ge o se na plug , o se na sebete o le lekwala , chechela morago o lese rena ba pelo tše thata , re etelele pele.” Bra Bizza go kwagala go nale seo a se tsebago.Naa o hlatha eng ka mantšu a?

#Mahlakung – Alfios, o file Mamabona dinomoro tša akhaonte ya gagwe ya panka gore a e fe Bra Tick gore a mo lokelele R10 000 gore a se ke a mo iša go ramolao wa gagwe ka petho le dikgobadi tšeo a mmaketšego tšona. Naa Bra Tick o tla lefa R10 000 yeo Alfios a e nyakago?

#Mahlakung- Malehu o botša Konstable Mpedi le Alfios gore o swanetše go humana tumelelo ya badimo pele a ka nyalana le Mpedi.Naa le tla ba gona lenyalo la Mpedi le Malehu?

#Mahlakung- “Botšiša mogatša’go Phetola gore Mojela –Mojela o jelwe ke accident goba ke yena naa” A ke mantšu a Alfios ge a be a botša Dr Lethebe.Naa Mojela –Mojela o jelwe ke eng?

#Mahlakung-Alfios o botša Konstabel Mpedi gore gore a seke a nyatšwa ke mosadi, ge a tlile go kokota go itokišetša go nyala Malehu a seke a kokota ka bo R2000, naa tšhelete ya maleba ya go kokota e swanetše go ba bokae?

#Mahlakung –“Lerato le a dronka” ke mantšu a Moruti Kgole.Naa ke nnete lerato le leswa le hlakantšha hlogo moo e lego gore baratani ba ka ka šitwa ke go naganišiša ka dilo tše dingwe gomme feleletša ba dirile diphošo?

#Mahlakung – Millicent o nale bothata ge maphuthego a mangwe a ntšhetša Moruti Kgole difela ka kerekeng, o rata ge e ba yena fela a dirago bjalo.Naa Mma Moruti Kgole o tla bona a dirile eng ka gore goba gona difela le dichorus ka kerekeng di ntšhwa ke mang le mang?

Mmalo! Koloi ya Brandon e kgamathetše ka madi e bile go humanwe kgogo ya go hwa kgaufsi le yona. Naa go hlaga eng, gona modiri wa tše ke mang?

#Mahlakung- Mmalo, Jonjon o tšhošitšwe ke koloi tsoko yeo e bego e mo šetše ka morago o nagana gore ke Phetola Lethebe ka ge a ile aratana le Matsheko.

#Mahlakung- Moruti Kgole o botša Dikeledi gore ba khuname ba rapele ba tsebise Modimo ge e le gore o boletše nnete, a mo okeletše matšatši a bophelo, ge e le gore o boletše borara, A mo fokoletše ona.Naa Dikeledi o tla bona a dirile eng ka mpopota ye ya taba?

#Mahlakung-Phetola o tshwenyegile o botša Dikeledi gore Sebjalebjale o mmoditše gore Tumi o tlile le dipikara ka gae, Dikeledi o a befelwa o botšiša Phetola gore bothata bo mokae ge Tumi a tlile le dipikara. Naa go tla sa bjang?Naa ruri Phetola le Dikeldi ba swanetšwe go lwešwa ke taba ye?

Monica o botša Moruti Kgole gore go nale malapa a mangwe ge a dira meletlo ga nke go tlala go swana le a mangwe go swana le ka fao go bego go tletše ka gona ga Lethebe.Naa ke nnete gore batho ba hlaola malapa go ya le ka maemo a bona ge ba eya meletlong goba Monica o ntšha phefo ka ganong?

#Mahlakung- Maikutlo a lerato a a phomoma pelong ya Saki Makhumetja ka lebaka la Mabatho,kgaetšedi ya Konstabel Mpedi.Naa ke gona ge Saki a ikhweleditše mothwana?

#Mahlakung - “Give , Take and Go” , A ke mantšu a Bra Bizza a a boditšego Tumi gore a dire eng ge a gahlana le Phonyokabamphethe mošomong wa bona wa go sepetše diokobatši.Naa se se hlatha eng?

#Mahlakung -Tumi Lethebe o fa bopaki ka kerekeng, gomme polelong ya gagwe o šomiša, “Lepara, Groeta le Gidlile” gomme Moruti Kgole o a mo kgalemela. Naa Tumi o phošo go šomiša polelo yeo ka kerekeng goba ga go na bothata?

#Mahlakung -Sofia o kwagala a nale kgahlego ge Sergeant Mampane a mmotšiša gore ge a ka tshepišwa go timeletšwa ga docket ya molato woo a nago le ona, a ka dumela go ineela go tša thobalano le yena.Naa re ka bona molato wa Sofia, Brandon, Kapampa le Sticks o timeletšwa?

#Mahlakung-Tumi o tshwenyegile kudu gore bana ba kua a tsenago sekolo gona, ba tla sekolong ka dikoloi fela o gana ge Malome wa gagwe Phetola a re o tla boledišana le Matsheko le Masedi, Tumi o re ga ba mo rate ba ka se dumele.Naa Phetola o phošo go boledišana le bona pele a mo fa goba a dire eng?

#Mahlakung –Matsheko o ntšhitše diaparo kamoka tšeo a bego a di šomiša nakong ya ge a be a ratana le Mojela le Jonjon, le dimpho kamoka tšeo a bego a di filwe, go yo fana ka tšona le go fiša tše dingwe ka ge a re o nyaka go thoma bophelo bjo boswa.Naa ke tshwanelo gore a dire bjalo, goba go diragale eng?

#Mahlakung –“She can run but she cannot hide,” Ke mantšu a Badgirl ao a rego Titi a a botše Rethabile.Naa Badgirl o tseba sephiri sa Rethabile, goba o hlatha eng ka mantšu a?

#Mahlakung-Joo nna wee! Mamabona o notleletše Rethabile ka phaphošng go mo thibela go yo utulla sephiri sa polao ya Pinkie maphodiseng.Naa go tla sa bjang?

#Mahlakung-Tumi Lethebe o thuša Petronella go mo rwadiša diplastic tša direka- rekane gomme ge Petronella a mo leboga, o gana go amogela tšhelete ya tebogo, o re a mo leboge ka molomo .Naa taba ye ya Tumi ke therešo goba ge bana goba baswa ba abelane ka thušo ya go etša ye goba go romiwa, go diragale eng?

#Mahlakung- “Ge o sa hlokomele, o tlo hwela koloi.A ke mantšu a Jonjon go Brandon.O mmotše gore Bra Bizza le Phetola ba a kwana.

#Mahlakung- Torong ya Moruti Kgole, o lorile a bona Bra Bizza a kgama Jonjon, a ragaraga, a ineela moya.Naa toro ye ya Moruti Kgole e hlatha eng?

#Mahlakung-Jonjon o botša Sergeant Mampane gore o bone Bra Bizza a etšwa mo diroomong tša bona, se se dira gore Mampane a se dudišege a sepele.Naa nkane Mampane a sa dudišege,gona Bizza o nyaka eng mo diroomong tša bo Mampane?

#Mahlakung-Mmalo! Rethabile o ile mošomong a apere dieta mabatha, gomme ge Titi a mmotšiša o bolela gore yena ga a tsebe gore hlagile eng o re “ bjale ke nako ya fihlile ya gore a bolele nnete gore go diregile eng ka Pinkie!” Naa Rethabile o nale bothata bja monagano go ya le ka fao Moruti Kgole a bolelago ka gona goba bjang?

#Mahlakung -Joo wee!Titi Mabona Machaka o topile sehlare se phuthetšwe ka polasetiki se ralokišwa ke mpška jarateng ya gagwe, Mamabona o tomola mahlo o a ahlama! Naa go tla sa bjang?