Sölvi Áskriftarþættir

Kári Stefánsson snýr aftur í Podcastið. Í þættinum ræða Kári og Sölvi um átökin í heiminum, forsetakosningarnar, hugvíkkandi efni, tilvist guðs, Covid tímabilið og margt fleira.

Laufey Karítas Einarsdóttir er yogakennari, margföld móðir og fyrrverandi yfirmaður á framabraut, sem skipti algjörlega um takt eftir að lífið tók í taumana. Hún fékk heilablóðfall eftir áraraðir af streitu og kapphlaupi við að þóknast öðrum en sjálfri sér. Á einu augabragði sá hún hvað var mikilvægt í lífinu og gjörbreytti öllu.

Einar Ágúst Víðisson varð þjóðþekktur sem söngvari hljómsveitarinnar Skítamórals, sem var á sínum tíma vinsælasta hljómsveit Íslands. Einar var á beinu brautinni sem tónlistarmaður þegar hann missti öll tök á tilverunni, endaði í mjög slæmum félagsskap og fór á kaf í neyslu. Einar hefur gengið í gegnum hluti sem fæstir geta gert sér í hugarlund. Hér ræða hann og Sölvi um stærstu sigrana, myrkustu tímabilin, leitina að sjálfinu og þakklæti Einars fyrir að vera enn á lífi.

Hörður Magnússon er einn reyndasti íþróttafréttamaður Íslands sem hefur verið á skjám landsmanna í áraraðir. Í þættinum ræða Sölvi og Hörður um feril Harðar, fjölmiðla, samfélagsmiðla hitann í íþróttum, hjarðhegðun, rétttrúnað og margt margt fleira.

Linda Pétursdóttir er löngu orðin landsþekkt sem frumkvöðull og alheims fegurðardrottning. Hér ræða hún og Sölvi um stórmerkilegt lífshlaup þessarar mögnuðu konu, heilsu, sigra, sorgir og margt fleira.

Guðni Gunnarsson er lífsstílsráðgjafi og einn af helstu frumkvöðlum Íslands á sviði heilsuræktar. Hann hefur svo áratugum skiptir unnið með fólki um allan heim þegar kemur að heilsu. Í þættinum ræða hann og Sölvi um andlega og líkamlega heilsu, helstu verkefni fólks í átt að betra lífi og margt fleira.

Leikkonan Steinunn Ólína Þorsteinsdóttir á að baki magnaðan feril og lífshlaup. Í þættinum ræða Sölvi og Steinunn um sorgir, sigra, samfélagsmál, forsetaembættið og margt fleira.

Ísdrottningin Ásdís Rán Gunnarsdóttir hefur verið ein umtalaðasta manneskja Íslands um árabil. Henni skaut hratt upp á sjónarsviðið þegar hún var ung að aldri og síðan hefur hún meira og minna verið í sviðsljósinu. Í þættinum ræða Sölvi og Ásdís um forsetaframboðið árin í Búlgaríu, dularfulla sögur úr fyrirsætubransanum og margt fleira.

Jón Gnarr hefur víða komið við og á stórmerkilegt lífshlaup. Utanveltu í skóla og hélt að allar dyr væru lokaðar, en svo fann hann leiklistina og grínið. Eftir fjölmörg farsæl ár skipti hann svo um takt og fór í stjórnmál og varð á endanum borgarstjóri. Nú gefur hann kost á sér á Bessastaði. Í þættinum fara Sölvi og Jón yfir magnaðan feril Jóns, grín, stjórnmál, forsetaembættið og margt fleira.

Guðmundur Emil Jóhannsson er einkaþjálfari og heilsufrömuður sem er ástríðufullur um allt sem snýr að heilsu. Gummi Emil hefur vakið mikla athygli fyrir myndbönd sín á samfélagsmiðlum, þar sem hann fer oft ótroðnar slóðir og leggur línurnar fyrir heilsusamlegan lífsstíl.

Ívar Orri Ómarsson er frumkvöðull og rekstarmaður sem hefur undanfarið vakið mikla athygli fyrir boðskap sinn um heilbrigðan lífsstíl á samfélagsmiðlum. Hann segir sjálfur að þegar hann greindist með sykursýki hafi hann fengið andlega vakningu og gjörbreytt lífi sínu. Í þættinum ræða Sölvi og Ívar um sögu Ívars, heilbrigðan lífsstíl og heilsu, hugrekki, karlmennsku, blekkingar í kerfinu og margt fleira.

Ívar Orri Ómarsson er frumkvöðull og rekstarmaður sem hefur undanfarið vakið mikla athygli fyrir boðskap sinn um heilbrigðan lífsstíl á samfélagsmiðlum. Hann segir sjálfur að þegar hann greindist með sykursýki hafi hann fengið andlega vakningu og gjörbreytt lífi sínu. Í þættinum ræða Sölvi og Ívar um sögu Ívars, heilbrigðan lífsstíl og heilsu, hugrekki, karlmennsku, blekkingar í kerfinu og margt fleira.

Arnar Þór Jónsson er lögfræðingur sem nýlega bauð sig fram til forseta. Hann hefur á undanförnum árum ekki hikstað við að tala um mál sem flestir þora ekki að snerta á. Í þættinum ræða Arnar og Sölvi um frelsi, forsetaemættið, stöðu ríkisins, mikilvægi hugrekkis og margt fleira.

Árni Pétur Guðjónsson er leikari og leiðsögumaður sem hefur átt viðburðarríkt lífshlaup. Í þættinum ræða Sölvi og Árni um stórmerkilega sögu Árna, árin í kommúnum, leiklistina, réttrúnað og margt fleira.

Kristján Gilbert er yogakennari, húðflúrari og markþjálfi sem fer sínar eigin leiðir í lífinu. Í þættinum ræða Sölvi og Kristján um Matrixið, faldar leiðir til heilsueflingar, samsæriskenningar, hugvíkkandi efni og margt fleira.

Áður óbirtur þáttur þar sem Sölvi mætir til Frosta og þeir ræða á mannamáli um slaufunarmenningu, bók Sölva, viðtalið við Pútín, samfélagsmál og fleira.

Gunnar Ársæll Ársælsson er fyrrverandi afreksmaður í sundi og keppandi í vaxtarrækt. Hann lýsir í þættinum mögnuðu lífshlaupi, tímum á ystu nöf notkun efna og svo lygilegu ferli andlegrar vakningar þar sem fólkið í kringum hann var sannfært um að hann væri að missa vitið.

Kristín Sigurðardóttir, slysa- og bráðlæknir vann í áraraðir við bráðalækningar bæði á Íslandi og erlendis, en rekur nú fyrirtækið ,,Á heildina litið". Í þættinum ræða Sölvi og Kristín um lækningar og heilsu, mikilvægi heildrænna lækninga, lyklana að því að finna gleði og ástríðu og margt fleira.

Ásgeir Kolbeinsson var um árabil einn þekktasti útvarpsmaður Íslands og hélt jafnframt úti einum langlífasta sjónvarpsþætti landsins. Hann sneri sér síðar að viðskiptum og varð eigandi vinsælla veitinga- og skemmtistaða í miðbænum. Í þættinum ræða Ásgeir og Sölvi um feril Ásgeirs, fjölmiðla, viðskipti, stjörnuspeki og margt fleira.

Nicolai Engelbrecht var í áraraðir fastur í verstu glæpagengjum Danmerkur, þar sem hann var á tímabili nær dauða en lífi með stórhættulega menn á eftir sér. En eftir að hafa náð botninum fann hann leiðina út. Hann ferðaðist í kjölfarið víðs vegar um heiminn og lærði öndun, bardagalistir, hugleiðslu og margt fleira af fólki í öllum heimsálfum. Í dag kennir hann bæði föngum og öðru fólki allar þær aðferðir sem hann hefur lært til að færa líf sitt í jafnvægi.

Arnór Sveinsson er sérfræðingur í öndunar- og kuldaþjálfun sem hefur undanfarin ár eingöngu unnið við að aðstoða fólk við að koma taugakerfinu og líkamanum í betra stand. Arnór skipti algerlega um takt í lífinu eftir að hafa misst frænda sinn og náinn vin í hræðilegu slysi. Hann hafði í áraraðir verið sjómaður og djammaði mikið á milli túra. En eftir slysið leitaði hann á önnur mið og ferðaðist víða um heim til að læra alls kyns hluti sem snúa að heilsu. Í þættinum ræða Sölvi og Arnór um stórmerkilega sögu Arnórs, leiðir til að finna jafnvægi, kuldaþjálfun, öndun, taugakerfið og margt fleira.

Davíð Bergmann hefur í áratugi starfað með börnum og unglingum í vanda og brennur fyrir málaflokkinn. Honum var sjálfum hafnað af skólakerfinu og segist sjá sjálfan sig í krökkunum sem hann vinnur með. Í þættinum ræða Sölvi og Davíð um sögu Davíðs, afbrot, undirheima, leiðir til úrbóta og margt fleira.

Guðrún Bergmann hefur unnið við heilsu í meira en 30 ár, auk þess að reka fyrirtæki, skrifa fjölda bóka og margt fleira. Í þættinum ræða Sölvi og Guðrún um heilsu, samfélagsmál, fjölmiðla, samsæriskenningar og margt fleira.

Gunnlaugur Guðmundsson er reyndasti stjörnuspekingur Íslands og á magnaða sögu. Í þættinum ræða Sölvi og Gunnar um stjörnuspeki, hvað er að gerast í heiminum, árin þar sem Gunnlaugur flakkaði um og leitaði að tilgangnum og margt fleira.

Gunnar Wiium er hlaðvarpsstjórnandi og smiður semi hefur víða komið við. Í þættinum ræða Sölvi og Gunnar um samfélagsmál, neyslu, græðgi, hugvíkkandi efni, naktar gufuferðir og margt margt fleira.

Eftir að hafa selt fyrirtæki sem hann byggði upp ákvað Kristján Gíslason að tími ævintýranna væri runninn upp. Árið 2014 fór hann hringinn í kringum hnöttinn á mótorhjóli einn síns liðs. Síðan þá hefur hann farið einn yfir alla Afríku, farið í syðstu hluta Suður-Ameríku og margt fleira. Í þættinum fer Kristján yfir ótrúlegar sögur af ævintýrum sínum á mótorhjólinu, hvað hann hefur lært af því að sjá heiminn og margt fleira.

Brynjar Níelsson er lögfræðingur og fyrrverandi þingmaður. Í þættinum ræða Sölvi og Brynjar um umsvif ríkisins, stóra bróður, innflytjendamál, réttrúnað og margt margt fleira.

Sveinn Kjartansson matreiðslumeistari greindist með HIV veiruna á fyrri hluta níunda áratugarins. Hann lýsir því í þættinum hvernig var að ganga með þessa handsprengju innanklæða á tíma þar sem útskúfunin var algjör. Neyslunni sem kom í kjölfarið og endaði á að fara með hann alla leið á botninn og svo upprisunni og fegurðinni í lífi hans í dag.

Heimir Hannesson er blaðamaður og frumkvöðull sem talar tæpitungulaust. Í þættinum ræða Sölvi og Heimir um fjölmiðla, stjórnmál, stöðuna í samfélaginu, ferðalög og margt fleira.

Haraldur Erlendsson er þrautreyndur geðlæknir sem starfaði um árabil í Bretlandi og síðar sem forstjóri Heilsustofnunar í Hveragerði. Í þættinum ræða Sölvi og Haraldur um fjórða valdið, hugvíkkandi efni, lífsstílssjúkdóma, stöðuna í samfélaginu og margt fleira.

Áður óbirtur þáttur þar sem Sölvi mætir í viðtal hjá Götustrákum og fer yfir ferilinn, slaufunina og margt fleira.

Sálfræðingurinn Bergsveinn Ólafsson stefndi árum saman að því að verða atvinnumaður í knattspyrnu. Eftir að hafa lagt allt í boltann áttaði hann sig á því að ástríðan var farin og lagði skóna á hilluna og setti alla sína krafta í að læra og miðla meiru í sálfræðinni. Hann býr nú í Kaliforníu, þar sem hann er í doktorsnámi. Í þættinum ræða Sölvi og Beggi um hugrekki, karlmennsku, sannleikann, lífið í Los Angeles og margt fleira.

Sigurjón Ernir Sturluson er ofurhlaupari og afreksíþróttamaður sem lætur ekkert stoppa sig og hefur framkvæmt ótrúlega hluti í gegnum tíðina. Í þættinum fara Sigurjón og Sölvi yfir alla helstu þætti í heilsu, magnaða vegferð Sigurjóns, ástríðu, leiðir til að framkvæma það sem við vitum að er gott fyrir okkur og margt fleira.

Eva Katrín Sigurðardóttir er læknir sem keyrði sig gjörsamlega í þrot eftir að hafa haldið of mörgum boltum á lofti of lengi. Eftir langa þrautagöngu endaði hún á að finna lausnina í kuldaþjálfun og öndun. Í þættinum ræða Sölvi og Eva um magnaða sögu Evu, heilsu, kulda, öndun og margt margt fleira.

Kjartan Guðbrandsson einkaþjálfari er líklega eini Íslendingurinn sem hefur sigrað keppnir í kraftlyftingum, vaxtarækt, aflraunum og fitness. Hann byrjaði að æfa með Jóni Páli Sigmarssyni, margföldum sterkasta manni heims, sem unglingur og var með honum á æfingunni þegar Jón Páll lét lífið. Í þættinum ræða Sölvi og Kjartan um þetta magnaða lífshlaup, leiðirnar til að finna sátt og hamingju, ný verkefni Kjartans og margt fleira.

Sigmar Vilhjálmsson var í áraraðir einn þekktasti sjónvarpsmaður Íslands, bæði á árunum í 70 mínútum og síðar sem aðalkynnir í ,,Idol Stjörnuleit". Síðar stofnaði hann Hamborgarafabrikkuna og hefur á undanförnum árum verið í rekstri ýmissa fyrirtækja. Sigmar notar nú samfélagsmiðla til að fá útrás fyrir þörfina við að gefa út efni og nýtur þar mikilla vinsælda. Í þættinum ræða Sölvi og Sigmar um hvað drífur hann áfram, hvað þarf til að vera frumkvöðull , atburðarrásina í kringum mál Sölva, fjölmiðla og samfélagsmál.

Sigríður Klingenberg, betur þekkt sem Sigga kling, hefur skemmt Íslendingum um árabil með spádómum, bingókvöldum, karókí-kvöldum og mörgu fleiru. Sigga segir sjálf að ferill hennar sé ein stór afleiðing af því að kunna að segja alltaf já, sama hvernig manni líður. Í þættinum ræða Sigga og Sölvi um mikilvægi þess að njóta hvers dags, hlæja mikið, fara yfir stórmerkilegan feril Siggu og margt fleira.

Arnar Þór Jónsson er lögfræðingur og varþingmaður sem hefur vakið athygli fyrir að hika ekki við að tala um mál sem flestir þora ekki að snerta á. Í þættinum ræða Arnar og Sölvi um frelsi, stöðu ríkisins, sögu ógnarstjórna, mikilvægi hugrekkis í nútímanum og margt fleira.

Bergþór Másson er hlaðvarpsstjórnandi, umboðsmaður og meistaranemi. Í þættinum ræða Sölvi og Bergþór um samfélagsmál, heimspeki, listir og margt fleira.

Valdimar Örn Flygenring er leikari og tónlistarmaður sem hefur marga fjöruna sopið. Í þættinum fara Sölvi og Valdimar yfir magnað lífshlaup Valdimars, hollywood, neysluna, ábyrgð, ástríðu og margt fleira.

Þórarinn Hjartarson er hlaðvarpsstjórnandi og pistlahöfundur sem vakið hefur athygli á undanförnum misserum. Í þættinum fara Sölvi og Þórarinn yfir rétttrúnað, ritskoðun, fórnarlambavæðingu og margt margt fleira.

Axel Pétur Axelsson hefur oft verið kallaður samsæringur Íslands. Hann hefur í áraraðir talað um hluti sem eru mjög langt fyrir utan boxið. Í seinni tíð hefur margt af því sem Axel hefur talað um raungerst. Í þættinum fara Axel og Sölvi yfir allt það helsta og nýjasta í samsæriskennigum og stöðuna í heiminum.

Frosti Logason er þrautreyndur fjölmiðlamaður sem nýverið stofnaði fjölmiðilinn Brotkast. Frosti er þekktur fyrir að ræða málin tæpitungulaust og hefur í gegnum tíðina hleypt öllum röddum að í viðtöl. Í þættinum ræða Frosti og Sölvi um útskúfunarmenningu, mikilvægi þess að stoppa ritskoðun í fjölmiðlum, stöðuna í íslensku samfélagi og margt fleira.

Rannveig Borg er lögfræðingur og rithöfundur sem er búsett og starfar í Sviss. Í þættinum ræða Sölvi og Rannveig um sögu Rannveigar, ástríðu, fíknir, ADHD, samfélagsmál og margt fleira.

Gunnar Wiium er hlaðvarpsstjórnandi og smiður semi hefur marga fjöruna sopið. Í þættinum ræða Sölvi og Gunnar um samfélagsmál, karlmennsku, upplýsingaflæði, vakningu í heiminum og margt fleira.

Snorri Másson er ungur fjölmiðlamaður sem þegar hefur látið mikið að sér kveða. Eftir að hafa unnið á Morgunblaðinu og Stöð2 ákvað hann að stofna sinn eigin fjölmiðil ritstjori.is. Í þættinum ræða Sölvi og Snorri um fjölmiðla fyrr og nú, nýjar leiðir í miðlun upplýsinga, samfélagið, skoðanamyndun og margt margt fleira.

Jens K. Guðmundsson er einn fyrsti læknirinn á Íslandi sem stundar svokallað ,,functional medicine" eða heildrænar lækningar. Í þættinum ræða Sölvi og Jens um heilsu, lækningar, forvarnir og margt fleira.