Splanc

An raibh "Silly Season" againn i mbliana? Cé atá ag rith don Áras? An deachtóir é Trump? Ar cheart do ghealltanas pósta Taylor Swift agus Travis Kelce a bheith ina cheannlíne nuachta? Cuirimid na ceisteanna seo ar fad ar Ghráinne Ní Aodha.

Labhraímid le Julie Jay faoin deacracht atá ag tuismitheoirí teacht ar spásanna i naíonraí agus cúram leanaí i ndiaidh am scoile, chomh maith leis an mbealach a bhfuil sí féin ag dul i ngleic le filleadh ar an scoil mar mhúinteoir agus beirt pháistí óga aici.

Labhraíonn Cuán faoi na nithe ar cheart daoibh a léamh, breathnú orthu agus éisteacht leo an tseachtain seo.

Labhraímid le Louisa Ní Éideáin agus Síomha Hennessy faoina seónna ag Fringe Bhaile Átha Cliath i mbliana, a gcuid taithí le Fringe Dhún Éideann roimhe seo agus a gcuid tuairimí faoi earnáil na fuirseoireachta trí chéile. Is féidir ticéid a cheannach le haghaidh 'Building Character' le Síomha Hennessy sa Grand Social ar an 11ú Meán Fómhair anseo: https://fringefest.ticketsolve.com/ticketbooth/shows/1173661631/events/428694307 Is féidir ticéid a cheannach le haghaidh 'PerfectionisTÁ' le Louisa Ní Éideáin i Smock Alley ón 16ú go dtí an 20ú Meán Fómhair anseo: https://fringefest.ticketsolve.com/ticketbooth/shows/1173661559/events/428693893

Labhraímid le Daragh Ó Conchúir faoi Man United ag streachailt arís agus bainisteoirí CLG idirchontae ag athrú.

Labhraímid le hEmmet Ryan faoina chlár faisnéise 'Sióga' faoin gclub cispheile LADTA+ Shamrock Sióga, éide scoile, AI, Wendy's agus Taco Bell ag oscailt in Éirinn agus Gavin Newsom ag éirí níos fíochmhaire le Trump. Beidh Sióga ar taispeáint san Outhouse i mBÁC ag a 7pm inniu agus an clár ag dul amach (Dé hAoine 22 Lúnasa) agus is féidir breathnú air ar Youtube ag an nasc seo freisin: https://www.youtube.com/watch?v=wDtww-Wh3fw&ab_channel=BallinEurope

Fógraíodh sceideal nua TG4 ar an Luan - labhraímid le Síomha Ní Ruairc faoi na cláracha is mó a bhfuil sí ag súil leo chomh maith leis an bhfás atá tagtha ar Cúla4 le blianta beaga anuas.

Labhraíonn Cuán faoi na nithe ar cheart daoibh a léamh, breathnú orthu agus éisteacht leo an tseachtain seo.

Arbh fhearr leat freastal ar cheolchoirm i staid mhór nó in ionad níos lú? Pléimid an cheist seo le Sinéad Ní Scolaí.

An bhfuil maitheas leis na hóráidí a thugann na captaein i ndiaidh dóibh Craobh na hÉireann a bhuachaint? An bhfuil óráid ó chraobh ar leith a thaitin leat? Labhraímid le Daragh Ó Conchúir faoi seo, chomh maith le Hurling For Cancer, Cluiche Ceannais Chraobh Chamógaíochta na hÉireann, ainmneacha ar staid Oilimpeacha agus John Giles ag éirí as an gcraoltóireacht. Is féidir tacú fós le Hurling For Cancer ag an nasc seo: https://www.idonate.ie/p/event/HurlingForCancerresearch

Roinn Conall agus Cuán a gcuid tuairimí maidir leis an dara albam de chuid Oasis sula ndeachaigh Conall len iad a fheiceáil i nDún Éideann an tseachtain seo caite.

Táimid ar saoire an tseachtain seo ach éist siar le hanailís albaim ó Emma Ní Chearúil agus Cuán ón uair a ndeachaigh na ticéid ar díol!

Táimid ar saoire an tseachtain seo ach tá moladh ag Cuán daoibh fós!

Buaileann Muiris Ó Cearbhaill isteach sa stiúideó le labhairt faoi Oasis, easpa téacsleabhar i nGaeilge, Dermot Desmond ag rá nár cheart Metrolink a thógáil, listéire, Daonlathaigh ag teitheadh Texas, fógra American Eagle le Sydney Sweeney agus 250 bliain ó rugadh Daniel O'Connell.

Labhraímid le Tessa Fleming faoi rialacha na dtiarnaí talún faoi pheataí agus cad is féidir le tionóntaí le peataí a dhéanamh faoi na rialacha céanna.

Labhraíonn Cuán faoi na nithe ar cheart daoibh a léamh, breathnú orthu, éisteacht leo agus dul chucu an tseachtain seo.

Labhraímid le Connlaith Ní Raifeartaigh, a d'fhreastail ar cheolchoirm Oasis i Manchain, áit arb as don bhanna.

Tagann Conall Mac Dhonnagáin isteach sa stiúideó le labhairt faoi scéalta iomrascála a thit amach le cúpla seachtain anuas, Disney agus ESPN ag ceannach cearta craolta Meiriceánacha ar 'Premium Live Events' de chuid WWE agus bás Hulk Hogan ina measc.

Labhraímid le Daragh Ó Conchúir faoi na himreoirí is fearr sa pheil agus san iománaíocht i mbliana, rialacha a d'fhéadfaí a athrú i bpeil na mban agus Cluiche Ceannais na hÉireann sa Chamógaíocht.

Tá Eoin Ó Catháin linn le labhairt faoi scéalta na seachtaine: amhrán nua CMAT, Eoin Hayes ar ais sna Soc Dems agus na taraifí ina measc.

Gan amhras, is iad Ciarraí laochra an chaid agus Sam imithe ó dheas arís! Ach cad iad na bealaí eile ina bhfuil Ciarraí chun cinn ar gach chontae eile sa tír? Cé níos fearr ná an Kerry Cowboy é féin - Séaghan Ó Súilleabháin - le plé iontach a dhéanamh le Cuán faoin ábhar?

Tugann Cuán neart moltaí dúinn maidir le ceol, teilifís, leabhair, cá háit gur chor dúinn dul agus eile. Agus cad atá ar siúl le huachtar reoite? Téann Cuán siar ar bhóithrín na smaointe ag labhairt faoi na huachtar reoite is fearr a bhí ann ag fás aníos dó.

Labhraíonn Louisa Ní Éideáin le Cuán, agus í ag an 'Edinburgh Fringe', áit ina bhfuil sí ag déanamh cónaitheacht lena seó stáitse Dopamean Girl.

Labhraíonn Seán Ó Dubhchon le Cuán faoi 'Breaking The Band', cláir ceoil réaltachta nua ar Netflix. Cad a dhéanann banna maith? Gheobhaimid amach anseo.

Ciarraí Abú! Bhí an 'Poc ar Buile' sa Ríocht agus an Sam Maguire imithe ó dheas. Cad a tharla do Dhún na nGall? Tugann Daragh Ó Conchúir agus Cuán súil siar ar Chluiche Ceannais na hÉireann.

Labhraímid le hEmmet Ryan faoi bhás Ozzy Osbourne, €200 billiún fógartha don Phlean Forbartha Náisiúnta, comhaid Epstein, teannas faoi champa samhraidh i gCo an Dúin agus daoine ag cur lámh ar Molly Malone.

Tagann Conall Mac Dhonnagáin isteach sa stiúideó le labhairt faoin scannán nua Superman agus an eite dheis ag éirí feargach faoi.

Labhraíonn Cuán faoi na nithe ar cheart daoibh a léamh, breathnú orthu, éisteacht leo agus dul chucu an tseachtain seo.

Tá Folklore le Taylor Swift 5 bliana ar an bhfód! Labhraímid le Rút Ní Theimhneáin faoin albam, faoin am ar eisíodh é agus faoin tionchar a bhí aige.

Labhraímid faoi Chraobh Peile na hÉireann agus bua Scottie Scheffler san Open le Daragh O Conchúir.

An bhfuilimid in ann sos a thógáil i rith an tsamhraidh a thuilleadh? Pléimid é seo, chomh maith le tithe tábhairne ag dúnadh, AI san iriseoireacht agus iarrthóirí do rás Uachtaránachta na hÉireann le Gráinne Ní Aodha.

An bhfuil turasóireacht na hÉireann ag brath an iomarca ar an aimsir? Pléimid é seo le Jamie Ó Flannúra.

Labhraíonn Cuán faoi na nithe ar cheart daoibh a léamh, breathnú orthu, éisteacht leo agus dul chucu an tseachtain seo.

Pléimid The Thursday Murder Club (scríofa ag Richard Osman) lenár saineolaí leabhar, Rónán Mistéil.

Labhraímid le Daragh Ó Conchúir faoi Ben Healy sa gheansaí buí ag an Tour de France, ráiteas Scottie Scheffler ag an Open sa ghalf agus Cluiche Ceannais Iománaíochta na hÉireann.

Labhraímid le hEmmet Ryan faoi Obama sa 3Arena, árasáin ag éirí níos lú agus Grok ag rá rudaí frith-Ghiúdacha. Tags: planning permission, apartments, Fintan O'Toole, Twitter, Musk, the Ringer, Brian Phillips

Labhraímid le hAndy Caomhánach (Comhairleoir ríomhaireachta agus Léachtóir i dTeicneolaíocht na Faisnéise in Ollscoil na Gaillimhe) faoi na bealaí a bhfuil intleacht shaorga ag déanamh dochar do dhaoine. Tags: artificial intelligence, ChatGPT, Gemini, Grok, Mark O'Connell, Fintan O'Toole, the Ringer, Brian Phillips

Labhraíonn Cuán faoi cad ba cheart daoibh a léamh, breathnú air agus éisteacht leis an tseachtain seo.

Agus muid ag tnúth le cluichí ceannais na hÉireann, labhraímid lenár staraí Cúán de Búrca mar gheall ar stair na gcluichí Gaelacha agus an tábhacht cultúrtha a bhaineann leo. Tags: CLG, GAA, peil, iománaíocht, camógaíocht, Gaelic football, hurling, camogie, history

Labhraímid le Daragh Ó Conchúir mar gheall ar bhallaí íocaíochta (paywalls) i spóirt éagsúla, imreoirí nach bhfuil ag iarraidh labhairt leis na meáin, na cluichí móra CLG ag an deireadh seachtaine agus bua ag Ben Healy i gcéim Tour de France. Tags: CLG, GAA, peil, iománaíocht, camógaíocht, Gaelic football, hurling, camogie, rothaíocht, cycling, sports, media days

Labhraímid le hUrsula Ní Shabhaois mar gheall ar pholaiteoirí ag gol, cad is agóid mhaith ann agus easpa iarrthóirí don rás Uachtaránachta.

Cén tábhacht a bhaineann le neamhspleáchas Stáit Aontaithe Mheiriceá anois? Agus cad atá athraithe ann le 250 bliain anuas? Pléimid é seo le hÚna Ní Bhroiméil.

Labhraíonn Cuán faoi cad ba cheart daoibh a léamh, breathnú air, éisteacht leis agus dul chuige an tseachtain seo.

Labhraímid le Sinéad Ní Scolaí faoi cheolchoirmeacha an tsamhraidh go dtí seo agus na cinn is mó atá fós le teacht.

Labhraímid le James Ó Flatharta faoin bhfás atá tagtha ar spóirt Mheiriceá.

Labhraímid le Daragh Ó Conchúir faoi Wimbledon, bainisteoirí sa pheil agus cluichí leath cheannais agus ceathrú ceannais CLG ag an deireadh seachtaine.

Labhraímid le hEmmet Ryan faoi na hathruithe ar víosaí J1, bainis Bezos i Venice agus na pleananna atá á gcur chun cinn chun forbairt a dhéanamh ar an bpríomhchathair.

Labhraímid le Frank Reidy (Iar-Cheannfoirt Airm) mar gheall ar an gcogaíocht idir Iosrael, an Iaráin agus Stáit Aontaithe Mheiriceá, agus an sos cogaidh a fógraíodh eatarthu an tseachtain seo.

Labhraímid le Julian de Spáinn (Ard-Rúnaí Chonradh na Gaeilge) faoi SEAS 25 agus na nithe atá ag teastáil i gcúrsaí oideachais, i gcúrsaí tithíochta agus sa Cháinaisnéis i mbliana don Ghaeilge.

Pléann Cuán na nithe ar cheart daoibh a léamh, breathnú orthu, éisteacht leo nó dul chucu an tseachtain seo.