SBS Lao - SBS ພາ​ສາ​ລາວ

ເຄືອຂ່າຍໂທຣະສັບ 3G ໄດ້ປິດລົງໃນວັນທີ 28 ຕຸລາ. ມັນໄດ້ກໍ່ໃຫ້ເກີດຄວາມເປັນຫ່ວງສຳລັບຜູ້ຄົນໃນພູມີພາກ ແລະຊົນນະບົດ. ອອສເຕຣເລັຍ ບໍ່ໄດ້ເປັນພຽງປະເທດດຽວທີ່ປິດ 3G. ໃນສະຫະຣັດອາເມຣິກາ, ບໍຣິການ 2G ແລະ 3G ສ່ວນຫລາຍໄດ້ຖືກຍົກເລີກ ໃນທ້າຍປີ 2022, ໃນຂນະທີ່ປະເທດຈີນ ໄດ້ປິດ 3G ໃນປີທີ່ຜ່ານມາ. Singapore ກໍໄດ້ເລີ້ມປິດເຄືອຂ່າຍ 3G ໃນປີນີ້ຄືກັນ.

Gamble Aware Week (21-27 ຕຸລາ) ຖືກຈັດຂຶ້ນທົ່ວປະເທດ-ໂດຍມີຈຸດປະສົງ ທີ່ຈະຍົກລະດັບຄວາມຮັບຮູ້ ເຖິງ ອັນຕະຣາຍທີ່ມາຈາກການພະນັນ ທັງທາງກົງແລະທາງອ້ອມ ແລະ ວິທີ ຜູ້ທີ່ຈະເລືອກຫລິ້ນພະນັນ ສາມາດເຮັດໄດ້ຢ່າງປອດພັຍ ຫລາຍຂຶ້ນກວ່າເກົ່າ.

ກອງທຶນການເງິນນາໆຊາດ (The International Monetary Fund) ໄດ້ຄາດການວ່າ ອັດຕາເງິນເຟີ້ ຂອງອອສເຕຣເລັຍ ຈະເພີ່ມຂຶ້ນຈາກ 2.8 ເປີເຊັນເປັນ 3.6 ເປີເຊັນ ໃນທ້າຍປີຕໍ່ໄປ. ເຮັດໃຫ້ປະເທດນີ້ ເປັນປະເທດ ທີ່ມີອັດຕາເງິນເຟີ້ສູງ ເປັນອັນດັບທີສອງ ໃນທ້າຍປີຫນ້າ, ໃນບັນດາອີກ 41 ປະເທດ.

ເຖິງແມ່ນວ່າການໃຊ້ເງິນຂອງທ່ານເອງໃນການຊື້ສິນຄ້າ ໂດຍການໃຊ້ ບັດເຄຣດິດ (Credit Cards) ແລະບັດເດບິດ (Debit Cards) ແມ່ນແຕ່ກາເຟພຽງຈອກດຽວ, ທາງຮ້ານຈະມີ ການເກັບເງິນເພີ່ມ (Surcharges) ໃນການ ຈ່າຍທະນາຄານໃນການດຳເນີນທຸຣະກິດ. ຣັຖບານກຳລັງພິຈາຣະນາວ່າຈະໃຫ້ຍົກເລີກ ເລື້ອງນີ້ ຊຶ່ງຈະຊ່ອຍໃຫ້ ຊາວອອສເຕຣເລັຍ ສາມາດປະຢັດເງິນໄດ້ ເຖິງຫ້າຮ້ອຍລ້ານໂດລາ ຕໍ່ປີ.

ເມື່ອເວົ້າເຖິງລະດູໄຟໄຫມ້ປ່າໃນອອສເຕຣເລັຍແລ້ວ ຜູ້ຊ່ຽວຊານບາງຄົນກ່າວວ່າ ປວັດສາດຈະເກີດຊ້ຳອີກ. ສະນັ້ນ, ເຈົ້າຫນ້າທີ່ສຸກເສີນ ກໍາລັງຊຸກຍູ້ຜູ້ຄົນ ໃຫ້ລະມັດລະວັງ ແລະຄອຍລະວັງຄຳເຕືອນສະພາບອາກາດ ແລະພັຍພິບັດໃນທ້ອງຖິ່ນ.

For first-time borrowers, the home loan application process can feel overwhelming. Learn the basics around interest rates, the application process and government support you may be eligible for in Australia. - ສໍາລັບຜູ້ຢືມເທື່ອທໍາອິດ, ຂັ້ນຕອນການສມັກກູ້ຢືມເງິນຊື້ເຮືອນອາດຮູ້ສຶກຫຍຸ້ງຍາກ. ຮຽນຮູ້ພື້ນຖານກ່ຽວກັບອັດຕາດອກເບັ້ຍ, ຂັ້ນຕອນການສມັກ ແລະ ການສນັບສນູນຈາກຣັຖບານ ທີ່ທ່ານອາດມີສິດໄດ້ຮັບໃນ ອອສເຕຣເລັຍ.

ໃນອອສເຕຣເລັຍ, ມີ 3,200 ຄົນ ທີ່ຕາຍດ້ວຍໂຣກມະເລັງເຕົ້ານົມ ທຸກໆປີ ແລະເຂົາເຈົ້າທຸກຄົນ ຕາຍດ້ວຍໂຣກມະເລັງເຕົ້ານົມ ໄລຍະແພ່ລາມ. ແລະຫຼາຍຄົນ ຈະຮູ້ສຶກວ່າ ບໍ່ມີຕົວຕົນ. ເຫດຜົນຢ່າງຫນຶ່ງ ກໍຍ້ອນວ່າທະບຽນມະເຮັງ ບໍ່ໄດ້ຮວບຮວມຂໍ້ມູນ ກ່ຽວກັບໄລຍະການເປັນໂຣກນີ້ ແລະການກັບຄືນມາອີກຂອງໂຣກ. Metastatic Breast Cancer Action Australia ແມ່ນກຸ່ມທໍາອິດຂອງປະເທດ ທີ່ສນັບ ສນູນຜູ້ຄົນ ທີ່ອາສັຍຢູ່ກັບການວິນິດສັຍ, ຜູ້ທີ່ສ່ວນຫລາຍ ບໍ່ໄດ້ຮັບບໍຣິການດ້ານໂຣກມະເລັງ.

ຊາວອອສເຕຣເລັຍ ທີ່ມີອາຍຸສູງກວ່າ 50 ປີ ໄດ້ຮັບການເຕືອນກ່ຽວກັບໂຣກ ກະດູກຂາດແຮ່ທາດ (Osteopenia) ແລະໂຣກກະດູກຜຸ (Osteoporosis). ລາຍງານພົບວ່າ ຫລາຍກວ່າ ສອງໃນສາມຄົນ ໃນກຸ່ມອາຍຸນັ້ນ ມີສຸຂະພາບກະດູກບໍ່ດີ. ປີກາຍນີ້, ໃນອອສເຕຣເລັຍ, ກະດູກຫັກໄດ້ເກີດຂຶ້ນທຸກໆ 2.7 ນາທີ, ໝາຍເຖິງ ມີການຫັກ ຫລາຍກວ່າ 193,000 ເທື່ອ. ຄ່າໃຊ້ຈ່າຍທັງຫມົດ ຂອງ Osteopenia ແລະ Osteoporosisແມ່ນປະມານ 4.8 ພັນລ້ານໂດລາ, ແລະຄາດວ່າ ຄ່າໃຊ້ຈ່າຍ ຈະເພີ່ມຂຶ້ນເຖິງ 8.3 ພັນລ້ານໂດລາ ໃນປີ 2033.

ລາຍງານການປະຊຸມ ASEAN ປະຈໍາປີທີ່ປະເທດລາວ ໂດຍທີມງານຂ່າວ SBS.

ຄວາມຜິດປົກກະຕິຂອງການກິນ (Eating Disorders) ໄດ້ເພີ່ມຂຶ້ນ ນັບຕັ້ງແຕ່ເກີດໂຣກລະບາດ, ໂດຍສື່ສານມວນຊົນ ກໍເປັນປັດຈັຍ ຂອງການເພີ່ມຂຶ້ນ ໃນກຸ່ມຄົນຫນຸ່ມ. ຄວາມຜິດປົກກະຕິຂອງການກິນ ເປັນຄວາມເຈັບປ່ວຍ ທີ່ເຈັບປວດຫລາຍ, ສໍາລັບຜູ້ທີ່ປະສົບກັບມັນ, ແລະສໍາລັບພໍ່ແມ່, ຄອບຄົວ, ຫມູ່ເພື່ອນ ແລະຜົວເມັຍຂອງເຂົາເຈົ້າ.

Australia's warm climate offers an abundant supply of solar energy year-round, making solar power an increasingly significant contributor to the nation's electricity supply. Learn what the requirements are for installing solar power systems in your home. - ອາກາດທີ່ອົບອຸ່ນ ຂອງອອສເຕຣເລັຍ ມີພະລັງແສງຕາເວັນ ຢ່າງຫລວງຫລາຍຕລອດປີ, ເຮັດໃຫ້ພະລັງແສງຕາເວັນ ເປັນສ່ວນທີ່ສໍາຄັນຫລາຍຂຶ້ນ ໃນການຈັດຫາໄຟຟ້າ ຂອງປະເທດ. ມາຮຽນຮູ້ວ່າ ມີຂໍ້ກຳ ໜົດຫຍັງແດ່ ສໍາລັບການຕິດຕັ້ງລະບົບພະລັງງານ ແສງຕາເວັນໃນເຮືອນຂອງທ່ານ.

Magpie ແມ່ນນົກສີດໍາ ແລະຂາວ ທີ່ເຮົາຮູ້ກັນດີວ່າ ແມ່ນນົກພື້ນເມືອງອອສເຕຣເລັຍ. ໂດຍທົ່ວໄປແລ້ວ ເປັນນົກທີ່ຮ້ອງມ່ວນ, ແຕ່ໃນລະດູ ການປະສົມພັນ, ຈະກາຍເປັນຜູ້ປົກປ້ອງຮັງຂອງມັນ ຢ່າງຮ້າຍກາດ, ມັນຈະບິນໄລ່ສັບ ສິ່ງທີ່ມັນເຫັນວ່າເປັນການຂົ່ມຂູ່-ຮວມທັງຄົນ ທີ່ຍ່າງຜ່ານໄປມາ ໂດຍບໍ່ລະວັງໂຕ. ໂດຍທົ່ວໄປແລ້ວ, ມັນມີແຕ່ໂຕຜູ້ ທີ່ເຮັດການໂຈມຕີ ຊຶ່ງກໍແມ່ນໂຕທີ່ປົກປ້ອງລູກຢູ່ໃນຮັງຂອງມັນ.

"Shrinkflation" ແມ່ນການປະຕິບັດໂດຍ Supermarkets ທີ່ຫລຸດຂນາດ ຫຼືປະຣິມານຂອງສິນຄ້າລົງ....ແຕ່ລາຄາຍັງຄົງຄືເກົ່າ...ຫລືແມ່ນແຕ່ເພີ່ມຂຶ້ນ.... ເຊິ່ງເປັນການປະຕິບັດທີ່ແພ່ໄປທົ່ວອຸດສະຫະກັມ...ຣັຖບານ ກໍາລັງພະຍາຍາມເພີ່ມຄວາມເຂັ້ມແຂງ ໃຫ້ແກ່ລະບຽບລາຄາຕໍ່ຫນ່ວຍ (Unit Pricing Code) ເຮັດໃຫ້ປ້າຍລາຄາ ແລະບໍຣິມາດເຫັນງ່າຍ, ອ່ານງ່າຍ ແລະປຽບທຽບໄດ້... ພ້ອມທັງມີການລົງໂທດໃຫມ່ ສໍາລັບຕລາດເຫລົ່ານັ້ນ-ໃນການເຮັດສິ່ງທີ່ບໍ່ຖືກຕ້ອງ.

ຫນຶ່ງໃນຫ້າຄົນ ຂອງເດັກນ້ອຍອອສເຕຣເລັຍ ຕ້ອງທົນທຸກທໍຣະມານຈາກຄວາມເຈັບປວດຊໍາເຮື້ອ ແຕ່ການວິຈັຍໃຫມ່ ສະແດງໃຫ້ເຫັນວ່າ ບັນຫາສ່ວນຫລາຍ ບໍ່ຖືກເອົາໃຈໃສ່, ຊຶ່ງນໍາໄປສູ່ການຊັກຊ້າ ໃນການວິນິສັຍ ແລະການປິ່ນປົວ. ສິ່ງນີ້ ສາມາດກະທົບກະເທືອນ ຕໍ່ການພັດທະນາທາງຮ່າງກາຍ ແລະຈິດໃຈ ຂອງເຂົາເຈົ້າ.

ມີການຄົ້ນຄວ້າຫາ Hops ພັນໃໝ່ທີ່ສາມາດຕ້ານທານການປ່ຽນແປງຂອງສະພາບອາກາດ ແຕ່ຍັງໃຫ້ຣົດຊາດດັ້ງເດີມຂອງເບັຍຢູ່.

ຜູ້ສູງອາຍຸຊາວອອສເຕຣເລັຍ ຫລາຍກວ່າ 68 ພັນຄົນ ທີ່ລົງຊື່ລໍຖ້າ-ຂາດການດູແລທີ່ສໍາຄັນ ໃນເວລາທີ່ເຂົາເຈົ້າ ຕ້ອງການຫລາຍທີ່ສຸດ. ຜູ້ສູງອາຍຸຊາວອອສເຕຣເລັຍ ໄດ້ຮັບຄໍາສັນຍາວ່າ ຈະໄດ້ຮັບການ ສນັບສນູນ ຫລາຍກວ່າເກົ່າຢູ່ໃນເຮືອນ, ຫລັງຈາກຣັຖບານກາງ ໄດ້ປະກາດ ເຖິງການປະຕິຮູບ ການດູແລຜູ້ສູງອາຍຸ ໃນອາທິດຜ່ານມາ.

ການເລືອກປະຕິບັດດ້ານອາຍຸ (Age Discrimination Commissioner) ຍັງມີໃຫ້ເຫັນຢູ່ທົ່ວໄປໃນອອສເຕຣເລັຍ. ມີການຮຽກຮ້ອງ ໃຫ້ຣັຖບານຈັດຕັ້ງ ວັນຮັບຮູ້ເລື່ອງການຈໍາແນກອາຍຸ (Ageism Awareness Day) ຢ່າງເປັນທາງການ ເພາະພາຍໃນ 20 ປີ, ຈໍານວນປະຊາກອນຜູ້ສູງອາຍຸ ຂອງອອສເຕຣເລັຍ ທີ່ມີອາຍຸສູງກວ່າ 65 ປີ ຈະມີປະມານ 9ລ້ານຄົນ, ຫຼືປະມານສອງເທົ່າ ຂອງປະຈຸບັນ.

ຊາວອອສເຕຣເລັຍຫລາຍຄົນ ທີ່ໄດ້ຮັບເງິນຊ່ອຍເຫລືອຈາກ Centrelink ໃນຕອນນີ້ ກຳລັງປະເຊີນກັບຄວາມກົດດັນ ເລື່ອງການເຊົ່າເຮືອນ ທີ່ຮ້າຍແຮງ ຫຼືບໍ່ສາມາດຈ່າຍຄ່າເຊົ່າໄດ້ ແມ່ນແຕ່ຜູ້ທີ່ເຮັດວຽກເຕັມເວລາ ແລະໄດ້ຄ່າແຮງຂັ້ນຕ່ຳ ກໍຍັງຈະມີປັນຫາແບບດຽວກັນ. ລາຍງານໃຫມ່ ອະທິບາຍວ່າ ບັນຫານີ້ ສ່ວນຫລາຍຖືກຂັບເຄື່ອນໂດຍ ການເພີ່ມຂຶ້ນຂອງຄ່າເຊົ່າເຮືອນ ແລະການຂັບໄລ່ ທີ່ບໍ່ມີເຫດຜົນ (No-Grounds Evictions) ແລະກໍາລັງຮຽກຮ້ອງ ໃຫ້ມີການປະຕິຮູບຢ່າງຮີບດ່ວນ.

Shared housing is becoming increasingly popular in Australia, as more people look to reduce rental costs. So, what key factors should you consider when searching for shared accommodation, and how can you avoid potential scams? - ເຮືອນທີ່ອາສັຍຮ່ວມກັນ (Shared housing) ກໍາລັງກາຍເປັນທີ່ນິຍົມຫລາຍຂຶ້ນ ໃນອອສເຕຣເລັຍ ເພາະຫລາຍຄົນ ຢາກປະຢັດຄ່າເຊົ່າ.ດັ່ງນັ້ນປັດຈັຍສໍາຄັນອັນໃດ ທີ່ທ່ານຄວນພິຈາຣະນາ ເມື່ອຊອກຫາບ່ອນເຊົ່າ ແລະທ່ານຈະຫຼີກລ່ຽງ ການສໍ້ໂກງ ທີ່ອາດເກີດຂຶ້ນໄດ້ແນວໃດ?

Understanding how dental care works in Australia can be crucial for maintaining your health and well-being. Learn how to access dental services, the costs involved, and some essential dental health tips to keep you and your family smile bright. - ການທຳຄວາມເຂົ້າໃຈ ການດູແລສຸຂະພາບແຂ້ວ ໃນອອສເຕຣເລັຍ ສໍາຄັນຕໍ່ການຮັກສາສຸຂະພາບ ແລະຄວາມເປັນຢູ່ທີ່ດີຂອງທ່ານ. ຮຽນຮູ້ວິທີ ເຂົ້າເຖິງການບໍຣິການ ສຸຂະພາບແຂ້ວ, ຄ່າໃຊ້ຈ່າຍ ທີ່ກ່ຽວຂ້ອງແລະຄໍາແນະນໍາ ດ້ານສຸຂະພາບແຂ້ວ ທີ່ຈໍາເປັນບາງຢ່າງ ເພື່ອເຮັດໃຫ້ທ່ານ ແລະຄອບຄົວຂອງທ່ານ ຍິ້ມຢ່າງແຈ່ມໃສ.

ການປ່ຽນແປງໃນການດູແລຜູ້ສູງອາຍຸ ໄດ້ເປັນທີ່ເຫັນພ້ອມຈາກພັກຝ່າຍຄ້ານ ຊຶ່ງກ່າວວ່າ ລາຄາທີ່ສູງກວ່ານັ້ນ ແມ່ນກຸ້ມຄ່າ, ແລະເຊື່ອວ່າ ມັນຈະປັບປຸງພາກສ່ວນນີ້. ການປ່ຽນແປງໂດຍພື້ນຖານກໍຄື ຊາວອອສເຕຣເລັຍທີ່ຮັ່ງມີກວ່າ ຈະຈ່າຍຫລາຍຂຶ້ນ ສໍາລັບການດູແລ. ແຕ່ກໍຍັງມີປັນຫາກ່ຽວກັບການຫາພນັກງານທີ່ຈະເຮັດໜ້າທີ່ເຫຼົ່ານີ້ ເຖິງແມ່ນຈະມີການຈັດຫາເງິນຊ່ອຍເຫຼືອເພີ່ມຕື່ມກໍຕາມ.

ການຂົ່ມເຫັງທາງຈິດໃຈເດັກນ້ອຍ ໃນອອສເຕຣເລັຍ ເພີ່ມຂຶ້ນຫລາຍກວ່າທີ່ຜ່ານມາ ແຕ່ມີພຽງແຕ່ເຄິ່ງຫນຶ່ງ ຂອງຊາວອອສເຕຣເລັຍເທົ່ານັ້ນ ທີ່ຈະລາຍງານກ່ຽວກັບເລື້ອງນີ້. ຜູ້ຊ່ຽວຊານກ່າວວ່າ ຄົນທີ່ເຄີຍປະສົບກັບການຂົ່ມເຫັງທາງຈິດໃຈ ໂດຍສະເພາະ ສ່ວນຫລາຍຈະປະສົບກັບຄວາມຊຶມເສົ້າ, PTSD, ຄວາມວິຕົກກັງວົນ, ທໍາຮ້າຍຕົວເອງ ແລະການໃຊ້ຢາເສບຕິດ ຕລອດຊີວິດ. ນອກນັ້ນ ຜົນກະທົບຂອງ ການຂົ່ມເຫັງທາງຈິດໃຈ ມີຜົນກະທົບ ຄ້າຍຄືກັນກັບ ການເຫັງທາງເພດ.

ແຜ່ນແປະເຂັມຂນາດນ້ອຍ (Micro-needle Patch) ໄດ້ຖືກພັດທະນາ ເພື່ອຮວບຮວມຈຸລັງ ແລະແພຈຸລັງ ໃນການວິນິດສັຍ ໂຣກມະເຮັງ ທີ່ບໍ່ມີຄວາມເຈັບປວດ, ບໍ່ມີເລືອດ, ບໍ່ມີການຕັດຜິວໜັງ ແລະໃຊ້ເວລາບໍ່ເຖິງນຶ່ງນາທີ. ແຕ່ຕອນນີ້ ຍັງຈະຕ້ອງມີການຄົ້ນຄວ້າເພີ່ມຕື່ມອີກ.

Every day, pedestrians across Australia break the law without knowing it. This can result penalties and occasionally accidents. Stay safe and avoid an unexpected fine by familiarising yourself with some of Australia’s common pedestrian laws. - ທຸກໆມື້, ຄົນຍ່າງຖນົນທົ່ວອອສເຕຣເລັຍ ຝ່າຝືນກົດຫມາຍ ໂດຍບໍ່ຮູ້ໂຕ. ສິ່ງນີ້ ອາດກໍ່ໃຫ້ເກີດການລົງໂທດ ແລະອຸບັດຕິເຫດ ໃນບາງຄັ້ງ. ຈົ່ງຮັກສາຄວາມປອດພັຍ ແລະຫລີກເວັ້ນຈາກການລົງໂທດ ທີ່ຄາດບໍ່ເຖິງ, ແລະເປັນຫຍັງ ມັນຈຶ່ງສໍາຄັນ ທີ່ຈະທຳຄວາມຄຸ້ນເຄີຍ ກັບກົດຫມາຍທົ່ວໄປ ຂອງຄົນຍ່າງຖນົນ ຂອງອອສເຕຣເລັຍ.

ການລອບສັງຫານ Donald Trump ເທື່ອທໍາອິດໄດ້ເກີດຂຶ້ນໃນວັນທີ 13 ເດືອນກໍລະກົດ, ໃນລະຫວ່າງການຫາສຽງ ທີ່ເມືອງ Butler, ຣັດ Pennsylvania. ໃນວັນອາທິດ, ຄວາມພະຍາຍາມຄັ້ງທີສອງ ໄດ້ເກີດຂຶ້ນ ຢູ່ສນາມ Golfຂອງອະດີດປະທານາທິບໍດີ ໃນຣັດ Florida. ທາງຣັຖບານກ່າວວ່າ ຈະໃຫ້ຊັບພະຍາກອນທຸກຢ່າງແກ່ໜ່ວຍສືບຣາຊການລັບ (the Secret Service) ກ່ຽວກັບເລື້ອງນີ້.

ເຖິງແມ່ນວ່າກົດໝາຍກ່ຽວກັບ ສັນຊາດ ແລະພົນລະເມືອງຂອງ ອອສເຕຣເລັຍ ໄດ້ຖືກປະກາດໃຊ້ ຕັ້ງແຕ່ປີ 1949, ແຕ່ການປ່ຽນແປງ ໄດ້ເປັນໄປຢ່າງຊ້າຫຼາຍ ເພາະແມ່ນໃນປີ 1967 ເທົ່ານັ້ນ ທີ່ເອກະສານ ຫນັງສືຜ່ານແດນ ຂອງອອສເຕຣເລັຍ ຈຶ່ງໄດ້ຖືກເອີ້ນວ່າ ຫນັງສືຜ່ານແດນ ຂອງອອສເຕຣເລັຍ. ໃນແຕ່ລະປີມີ ພົນລະເມືອງ ອອສເຕຣເລັຍ ໃໝ່ລາຍພັນຫຼາຍໝື່ນຄົນ, ແຕ່ກໍຍັງມີອີກຫຼາຍທີ່ລໍຖ້າການໄດ້ຮັບສັນຊາດຢູ່.

ລາຍງານ ຂອງສະຖາບັນ Grattan ພົບວ່າ ຊາວອອສເຕຣເລັຍ ຕິດການພະນັນສູງ ແລະມີການສູນເສັຍ ປະຈໍາປີປະມານ 1600 ໂດລາ ຕໍ່ຜູ້ໃຫຍ່ນຶ່ງຄົນ ($1635) ແລະເຄື່ອງ Poker machines ເປັນສາເຫດດຽວ ຂອງການສູນເສັຍທີ່ໃຫຍ່ທີ່ສຸດ.

ມີການຢືນຢັນຈາກການຄົ້ນຄວ້າກ່ຽວກັບການໃຊ໊ໂທຣະສັບມືຖື ແລະມະເລັງ. ນັກຄົ້ນຄວ້າກ່າວວ່າ ການສຶກສານີ້ ເປັນຫລັກຖານທີ່ຫນັກແຫນ້ນ ທີ່ສຸດ ຈົນເຖິງປະຈຸບັນວ່າ ຄື້ນວິທະຍຸຈາກເທັກໂນໂລຈີໄຮ້ສາຍ (Wireless Technologies) ບໍ່ເປັນອັນຕະຣາຍຕໍ່ມະນຸດ.

In Australia, workplace codes of conduct differ from company to company, but some standard unwritten rules are generally followed in most businesses and industries. There are also a few unspoken rules in the Australian workplace that can evolve into a set of social norms. Here is how to navigate and familiarise yourself with these unwritten rules when starting a new job. - ໃນອອສເຕຣເລັຍ ກົດລະບຽບການປະພຶດ (ຈັນຍາບັນ) ຢູ່ບ່ອນເຮັດວຽກແຕກຕ່າງກັນ ໃນແຕ່ລະບໍຣິສັດ. ແຕ່ໂດຍທົ່ວໄປແລ້ວ ຈະມີການປະຕິບັດຕາມກົດລະບຽບທີ່ບໍ່ໄດ້ຂຽນໄວ້ທົ່ວໄປ ໃນທຸຣະກິດ ແລະອຸດສາຫະກັມສ່ວນຫຼາຍ. ແຕ່ຍັງມີກົດທີ່ບໍ່ໄດ້ກ່າວອອກ ຫຼືເວົ້າເຖິງ (Unspoken Rules) ໃນບ່ອນທໍາງານຂອງອອສເຕຣເລັຍ ທີ່ສາມາດກາຍເປັນມາດຕະຖານ ທາງສັງຄົມໄດ້. ນີ້ຄືວິທີ ທີ່ຈະຊ່ອຍ ໃຫ້ທຳຄຸ້ນເຄີຍ ກັບກົດທີ່ບໍ່ໄດ້ຂຽນໄວ້ເຫລົ່ານີ້ ເມື່ອເລີ່ມຕົ້ນເຮັດວຽກໃຫມ່

ລາຍງານໃຫມ່ພົບວ່າ ເກືອບເຄິ່ງຫນຶ່ງ ຂອງຜູ້ຍິງອົບພະຍົບ ແລະຜູ້ຍົກຍ້າຍຖິ່ນຖານ ຫລາຍກວ່າ 850 ຄົນ ທີ່ສໍາຫລວດ ລາຍງານວ່າ ໄດ້ປະສົບກັບການລ່ວງລະເມີດທາງເພດ ຢູ່ບ່ອນເຮັດວຽກ ໃນຫ້າປີທີ່ຜ່ານມາ. ການລ່ວງລະເມີດມາໃນຫຼາຍຮູບແບບ. ຜູ້ຍິງໄດ້ບອກວ່າ ປະສົບການເຫລົ່ານີ້ ມັກຈະມາພ້ອມ ກັບການເລືອກປະຕິບັດ (Discrimination) ຫລືການສແວງຫາຜົນປໂຍດ (Exploitation) ຢູ່ບ່ອນເຮັດວຽກ, ຮວມທັງການຢຽດເຊື້ອຊາດ (Racism).

ມູນນິທິມະເລັງເລືອດຂາວ (The Leukaemia Foundation) ໄດ້ເຜີຍແພ່ຜົນການສໍາຫລວດ ທີ່ພົບວ່າ ເຈັດໃນ 10 ຄົນ ຂອງອອສເຕຣເລັຍ ເປັນຫ່ວງວ່າ ປັດຈັຍຕ່າງໆເຊັ່ນ ບ່ອນທີ່ເຂົາເຈົ້າອາສັຍຢູ່, ອາຍຸ, ເພດ, ແນວໂນ້ມທາງເພດ, ລາຍໄດ້, ຫລືແມ່ນແຕ່ ພາສາທີ່ເວົ້າຢູ່ໃນບ້ານ ກໍສາມາດສົ່ງຜົນ ຕໍ່ການປິ່ນປົວທີ່ເຂົາເຈົ້າໄດ້ຮັບ ຖ້າຫາກຖືກພົບເຫັນວ່າ ເປັນໂຣກມະເລັງ.

ອອສເຕຣເລັຍກຳລັງພິຈາຣະນາ ຢາປິ່ນປົວໂຣກສມອງເສື່ອມ ທີ່ຖືກຄົ້ນພົບໃໝ່ ແລະໄດ້ຖືກນຳໃຊ້ແລ້ວໃນຫຼາຍປະເທດ. ຯຕ່ລາຄາຂອງຢານີ້ແພງຫຼາຍ, ແຕ່ນັກວິຊາການກ່າວວ່າ ມັນກໍມີສາເຫດທີ່ລາຄາແພງ.

ທຸກໆປີ, ນັກຮຽນທົ່ວອອສເຕຣເລັຍ ຈະສອບເສັງ NAPLAN, ຊຶ່ງວັດແທກ ຄວາມຊໍານານໃນການຮູ້ໜັງສື (Literacy) ແລະການຄິດໄລ່ (Numeracy). ປີນີ້, ນັກຮຽນຫລາຍກວ່າ 1.3 ລ້ານຄົນ ຈາກຫລາຍກວ່າເກົ້າພັນໂຮງຮຽນ (9431) ຂອງປີ ສາມ, ຫ້າ, ເຈັດ ແລະເກົ້າ ໄດ້ເຂົ້າສອບເສັງ. ບັດນີ້ລາຍງານຂອງ NAPLAN ໄດ້ອອກແລ້ວ, ແລະເປີດເຜີຍວ່ານັກຮຽນ ນຶ່ງໃນສາມຄົນ ໄດ້ຄະແນນຕ່ຳກວ່າມາດຕະຖານຂອງປະເທດ.

Cold weather does not mean a pest-free home. Some pests, like termites, remain active all-year round and winter is peak season for mice and rats preferring your house instead of outdoors. Bed bugs and cockroaches are also on the list of invaders to look out for. Infestations have wide-ranging consequences, including hygiene risks and even home devaluation. Learn how to prevent, identify, and deal with them. - ອາກາດຫນາວ ບໍ່ໄດ້ຫມາຍຄວາມວ່າ ບ້ານເຮືອນຂອງທ່ານ ຈະປາດສະຈາກສັດແລະແມງໄມ້. ສັດແລະແມງໄມ້ ບາງຊະນິດ ເຊັ່ນປວກ ຍັງເຄື່ອນໄຫວຢູ່ຕລອດປີ ແລະລະດູຫນາວ ເປັນຊ່ວງທີ່ໜູ ມັກເຮືອນຂອງທ່ານ ແທນການຢູ່ນອກເຮືອນ. ເຮືອດ ແລະແມງສາບ ກໍຢູ່ໃນລາຍຊື່ ຂອງຜູ້ບຸກລຸກ ທີ່ຕ້ອງລະວັງເຊັ່ນກັນ. ການລະບາດ ມີຜົນກະທົບທີ່ກວ້າງ ລວມທັງຄວາມສ່ຽງດ້ານສຸຂະອະນາມັຍ ແລະແມ່ນແຕ່ການຫລຸດຄຸນຄ່າເຮືອນ. ຮຽນຮູ້ວິທີລະບຸ, ປ້ອງກັນ ແລະ ຮັບມືກັບສິ່ງເຫຼົ່ານີ້.

ສະພາຊຸມຊົນຫຼາຍວັດທະນະທັມ (The Multicultura lCommunities Council-MCC) ຂອງ New South Wales ກ່າວວ່າ ຜູ້ຄົນທີ່ແຕກຕ່າງທາງວັດທະນະທັມ ແລະພາສາ ມີຄວາມສ່ຽງເປັນພິເສດ, ແລະບໍ່ມີຫຍັງຫນ້ອຍກວ່າ ການສັ່ງຫ້າມທັງໝົດເທົ່ານັ້ນ ຈຶ່ງເປັນທີ່ຍອມຮັບໄດ້. ແຕທາງ ຣັຖບານຍັງບໍ່ໄດ້ປະຕິບັດຕາມຄຳແນະນຳຂອງຜູ້ແທນຂອງພັກຕົນເອງ.

Understanding and respecting Indigenous knowledge of medicine may be the key to providing more holistic and culturally sensitive care in today's healthcare setting. - ການເຂົ້າໃຈ ແລະຄວາມເຄົາຣົບ ຄວາມຮູ້ດ້ານການແພດ ຂອງຊາວພື້ນເມືອງ ອາດເປັນຈຸດສໍາຄັນ ໃນການໃຫ້ການດູແລ ແບບຮອບດ້ານ ແລະມີຄວາມເຂົ້າໃຈ ທາງວັດທະນະທັມ ໃນການດູແລສຸຂະພາບ ໃນປະຈຸບັນ.

ນອກຈາກ ບາງປະເທດໃນ Africa ແລ້ວ, ຍັງ ມີລາຍງານຜູ້ປ່ວຍໃຫມ່ ຈາກ mpox ໃນ Pakistan ຫຼັງຈາກມີລາຍງານ ຈາກສະວີເດັນ. ອົງການອະນາມັຍໂລກ (World Health Organisation) ໄດ້ປະກາດການແຜ່ຂຍາຍຢ່າງໄວ ຂອງສາຍພັນ Clade 1b ວ່າເປັນເລື່ອງສຸກເສີນດ້ານສາທາຣະນະສຸກນາໆຊາດ, ຊຶ່ງເປັນລະດັບການແຈ້ງເຕືອນສູງສຸດ.

ບໍຣິສັດອາຫານເດັກຫລາຍແຫ່ງ ຕິດປ້າຍຜລິດຕະພັນຂອງເຂົາເຈົ້າ ທີ່ບໍ່ແມ່ນຄວາມຈິງ, ເຮັດໃຫ້ພໍ່ແມ່ ແລະຜູ້ດູແລເຊື່ອວ່າ ມັນດີຕໍ່ສຸຂະພາບຂອງເດັກ. ການຄົ້ນຄວ້າໃຫມ່ ໂດຍ George Institute for Global Health ໄດ້ເປີດເຜີຍ ຈໍານວນທີ່ໜ້າຕົກໃຈ ໃນການອ້າງ ທີ່ບໍ່ມີການຄວບຄຸມຂອງຜລິດພັນອາຫານເດັກນ້ອຍທົ່ວປະເທດ ທີ່ເຮັດໃຫ້ພໍ່ແມ່ ເຊື່ອວ່າຜລິດພັນ ທີ່ເຕັມໄປດ້ວຍນ້ຳຕານເຫລົ່ານີ້ ດີຕໍ່ສຸຂະພາບ.

ພະນັກງານດູແລເດັກ ຈະໄດ້ຮັບເງິນເພີ່ມຕື່ມ 103 ໂດລາຕໍ່ອາທິດ ຕັ້ງແຕ່ເດືອນທັນວາ, ຈາກນັ້ນ ຈະເພີ່ມອີກ 155 ໂດລາຕໍ່ອາທິດ ຕັ້ງແຕ່ເດືອນທັນວາ ປີ 2025. ແຕ່ຝ່າຍຄ້ານກ່າວວ່າ ພວກເຂົາເຈົ້າ ສນັບສນູນການຂຶ້ນຄ່າແຮງ ແຕ່ກໍກ່າວຕິຕຽນຣັຖບານ Albanese ສໍາຫລັບອັດຕາເງິນເຟີ້ທີ່ເພີ້ມຂຶ້ນ.

Experts say that dealing with bullying behaviours is never easy but always necessary, as the harm caused can impact children for years. To provide up-to-date advice on supporting a child experiencing bullying at school or online, we consult specialists in education, psychology, and cyberbullying response. - ຜູ້ຊ່ຽວຊານກ່າວວ່າ ການຮັບມືກັບພຶດຕິກັມ ການກັ່ນແກ້ງ(Bullying) ບໍ່ໄດ້ເປັນເລື່ອງງ່າຍ ແຕ່ຈໍາເປັນສເມີ, ເພາະຄວາມເສັຍຫາຍທີ່ເກີດຂຶ້ນ ສາມາດສົ່ງຜົນກະທົບ ຕໍ່ເດັກນ້ອຍ ເປັນເວລາຫລາຍປີ. ເພື່ອໃຫ້ຄໍາແນະນໍາຫຼ້າສຸດ ກ່ຽວກັບການສນັບສນູນເດັກນ້ອຍ ທີ່ປະສົບກັບການກັ່ນແກ້ງ (Bullying) ຢູ່ໂຮງຮຽນ ຫຼືທາງອິນເຕີເນັດ, ພວກເຮົາປຶກສາກັບຜູ້ຊ່ຽວຊານ ດ້ານການສຶກສາ, ຈິດຕະວິທຍາ ແລະການຮັບມືກັບການກັ່ນແກ້ງ (Bullying) ທາງອິນເຕີເນັດ.

ການບັງຄັບແຕ່ງງານ ແມ່ນເລື້ອງຜິດກົດໝາຍໃນອອສເຕຣເລັຍ ມາເປັນເວລາຫຼາຍກວ່າສິບປີແລ້ວ ແຕ່ບໍ່ມີໃຜຖືກລົງໂທດ....ຈົນເຖິງປີນີ້.ການແຕ່ງງານ ທີ່ຖືກຈັດໄວ້ (Arranged marriages), ແຕກຕ່າງຈາກການແຕ່ງງານທີ່ຖືກບັງຄັບ (Forced marriages) ຢ່າງຊັດເຈນ. ການບັງຄັບແຕ່ງງານ ແມ່ນຕອນທີ່ຄົນແຕ່ງງານ ເຮັດໂດຍບໍ່ ຍິນຍອມ ແລະບໍ່ມີອິດສຣະຢ່າງເຕັມທີ່.

ແຕ່ເຖິງແມ່ນວ່າ Melanoma ຕາມປົກກະຕິແລ້ວ ເປັນໂຣກມະເຮັງຜິວຫນັງທີ່ຮ້າຍແຮງທີ່ສຸດ ໃນອອສເຕຣເລັຍກໍຕາມ ແຕ່ກໍຍັງມີໂຣກມະເຮັງຜິວຫນັງ ປະເພດຫນຶ່ງທີ່ບໍ່ແມ່ນ Melanoma ທີ່ເຮັດໃຫ້ເກີດຄວາມເປັນຫ່ວງ ຊຶ່ງເຮັດໃຫ້ມີການຕາຍ ສູງຂຶ້ນສອງເທົ່າ ໃນໄລຍະ 20 ປີຜ່ານມາ.

ເມື່ອຫ້າສິບປີກ່ອນ, ຣັຖມົນຕີ ຂອງຣັຖບານພັກແຮງງານ ທ່ານ Al Grassby ໄດ້ຮຽກຮ້ອງໃຫ້ຊາວອອສເຕຣເລັຍ ໃຫ້ຮັບເອົາເອກກະລັກ ຂອງວັດທະນະທັມ ທີ່ນັບມື້ນັບເຕີບໂຕຂຶ້ນ. ບັດນີ້, ການທົບທວນຢ່າງກວ້າງຂວາງ ໄດ້ກວດສອບສະຖານະ ຂອງສັງຄົມຫຼາຍວັດທະນະທັມ ຂອງອອສເຕຣເລັຍ.

ໂຣກຕັບອັກເສບ (Hepatitis) ມີຫຼາຍປະເພດ. ບາງປະເພດສາມາດປິ່ນປົວໄດ້ ແຕ່ບາງປະເພດກໍຍັງບໍ່ມີວິທີປິນປົວເທື່ອ. ແຕ່ຜູ້ຊ່ຽວຊານແນະນຳໃຫ້ຜູ້ຄົນທຳການກວດ ເພາະ ໂຣກຕັບອັກເສບ (Hepatitis) ບາງປະເພດຈະບໍ່ມີອາການ. ມີຄຳແນະນຳຫຼາຍຢ່າງໃນວິທີທີ່ຈະຫຼີກເວັ້ນການຕິດໄວຣັສນີ້.

ການເພີ່ມຂຶ້ນຂອງລາຄາໄຟຟ້າໃນອອສເຕຣເລັຍ ຊຶ່ງ South Australia ໄດ້ເພີ່ມຂຶ້ນ 78 ເປີເຊັນ, New South Wales ສູງຂຶ້ນ 86ເປີເຊັນ, ໃນຂນະທີ່ Tasmania ແລະ Victoria ທັງສອງ ໄດ້ເພີ່ມຂຶ້ນ- 97ແລະ 99 ເປີເຊັນຕາມລໍາດັບ. ມີແຕ່ລາຄາຂອງ Queensland ເທົ່ານັ້ນ ທີ່ໄດ້ຫລຸດລົງ- 21 ເປີເຊັນ -ແມ່ນຄວາມຜິດປົກກະຕິ ທີ່ເກີດຈາກສະພາບອາກາດທີ່ອົບອຸ່ນ ແລະໄຟຟ້າດັບຫນ້ອຍລົງ ໃນເຄື່ອງສ້າງພະລັງງານ.

Are you familiar with Australia’s legal system? As a federation of six states and two territories, Australia has laws that apply nationally, as well as laws specific to each jurisdiction. Additionally, there are parallel structures of federal and state courts. Learn the basics of how the legal system works, from understanding Australian laws to accessing legal assistance. - ທ່ານຄຸ້ນເຄີຍກັບລະບົບກົດຫມາຍຂອງອອສເຕຣເລັຍ ຫຼືບໍ່? ໃນຖານະເປັນສະຫະພັນ ຂອງຫົກຣັດ ແລະສອງເຂດປົກຄອງ, ອອສເຕຣເລັຍ ມີກົດຫມາຍທີ່ບັງຄັບໃຊ້ໃນລະດັບຊາດ, ລວມທັງກົດຫມາຍສະເພາະຕໍ່ແຕ່ລະເຂດອຳນາດສານ. ນອກນັ້ນ, ຍັງມີໂຄງຮ່າງຄ້າຍຄືກັນຂອງສານຣັຖບານກາງ ແລະ ຣັດ. ຮຽນຮູ້ພື້ນຖານກ່ຽວກັບວິທີການເຮັດວຽກຂອງລະບົບກົດຫມາຍ, ຕັ້ງແຕ່ການເຂົ້າໃຈກົດຫມາຍຂອງອອສເຕຣເລັຍ ເຖິງການເຂົ້າເຖິງການຊ່ວຍເຫຼືອດ້ານກົດຫມາຍ.

ໃນປັດຈຸບັນ ມີຊາວອອສເຕຣເລັຍປະມານ 1,800 ຄົນທີ່ກຳລັງລໍຖ້າ ການປ່ຽນອະໄວຍະວະ, ແລະອີກ 14,000 ຄົນກຳລັງຟອກໄຂ່ຫຼັງ ໃນການຮັກສາພາວະຫມາກໄຂ່ຫລັງລົ້ມເຫລວ. ຂໍ້ມູນຈາກ Donate Life ສະແດງໃຫ້ເຫັນວ່າ 4 ໃນ 5 ຄົນຂອງຊາວອອສເຕຣເລັຍ ສນັບສນູນການບໍຣິຈາກ, ແຕ່ມີພຽງແຕ່ ຫນຶ່ງໃນສາມ ເທົ່ານັ້ນ ທີ່ຈົດທະບຽນເປັນຜູ້ບໍຣິຈາກ.

Major regulatory changes in 2024 have brought about restricted access to vaping products in Australia. The crackdown on what is dubbed a “major public health issue” could lead to an increased number of teens seeking support to overcome the nicotine addiction, experts think. Learn about the health risks and ways to help young people in their quitting journey. - ການປ່ຽນແປງກົດລະບຽບທີ່ສໍາຄັນ ໃນປີ 2024 ໄດ້ເຮັດໃຫ້ການເຂົ້າເຖິງ ຜລິດຕະພັນກອກຢາໄຟຟ້າ (vapes) ໃນອອສເຕຣເລັຍ ຖືກຈຳກັດ. ຜູ້ຊ່ຽວຊານຄິດວ່າ ການປາບປາມສິ່ງທີ່ເອີ້ນວ່າ "ບັນຫາສາທາຣະນະສຸກທີ່ສໍາຄັນ" ອາດຈະພາໃຫ້ໄວລຸ້ນ ຈໍານວນເພີ່ມຂຶ້ນ ທີ່ສແວງຫາການສນັບສນູນ ເພື່ອເອົາຊນະການຕິດເຊື້ອຢາ (ນິໂກຕີນ-nicotine) ນັ້ນ. ຮຽນຮູ້ກ່ ຽວກັບຄວາມສ່ຽງ ດ້ານສຸຂະພາບ ແລະວິທີ ທີ່ຈະຊ່ວຍໃຫ້ຊາວຫນຸ່ມ ໃນການເຊົາສູບ.

Kamala Harris ແມ່ນໃຜແທ້? ລາວແມ່ນຜູ້ຍິງຊາວອັຟຣິກັນ/ອາເມຣິກັນ ແລະເອເຊັຍ ຄົນທໍາອິດ ທີ່ດຳຣົງຕຳແໜ່ງຮອງປະທານາທິບໍດີ ແລະຕອນນີ້ກຳລັງຈະລົງແຂ່ງຂັນຕຳແໜ່ງ ກັບ Donald Trump. ໄຊຊນະກໍຄື: ຕຳແໜ່ງປະທານາທິບໍດີອາເມຣິກາ. ຂ່າວ SBS ຈະມາເບິ່ງວ່າ Kamala Harris ນັ້ນແມ່ນໃຜແທ້ ແລະໂອກາດຂອງນາງ ໃນການເລືອກຕັ້ງເດືອນພະຈິກ ເປັນແນວໃດ.

ການເລືອກຕັ້ງປະທານາທິບໍດິ ອາເມຣິກາກໍໃກ້ເຂົ້າມາແລ້ວ. ໂຄງການ 2025 (Project 2025) ແມ່ນຫຍັງ? ໃຜເປັນຜູ້ຂຽນມັນ? ມັນມີຫຍັງກ່ຽວຂ້ອງກັບການເລືອກຕັ້ງຄັ້ງນີ້? ຖ້າຫາກມັນຖືກນຳໃຊ້, ມັນຈະມີຜົນກະທົບແນວໃດຕໍ່ອາເມຣິກາ ຫຼື ຕໍ່ໂລກ?