Mahlakung

#Mahlakung –Mma Moruti Kgole , Sister Millicent, o botša Moruti Kgole gore o ya go rapa bomma ba merapelo gore ba be kgahlanong le go tla ga Matsobane kerekeng ya bona nakong ya mohlakano wa dikereke kamoka ka Paseka.Naa Millicent o tla e kgona taba ye ya go thibela Moruti Mabona go tla kereng ya bona go ba le baruti le maloko a diphuthego tše dingwe?

#Mahlakung –Bra Bizza o laela Robert mogaleng gore yena le Chipa ba golege Phetola. Naa morero wa Bra Bizza ka Phetola ke ofe?

#Mahlakung –Konstabel Mpedi o botša Alfios gore batho bao ba bolailwego nakong ya mothuntšhano wa ge go lokollwa Rethabile, ba bolailwe ka dithunya tša maphodisa. Naa batho ba ba bolailwe ke maphodisa goba ke Phetola le Alfios. Ge eba ke Phetola la Alfios, dithunya tša maphodisa di tsena kae?

#Mahlakung- Moruti Kgole o rile go rapela le Matsobane a hlakahlakana, Mma Moruti Kgole,Sister Millicent, o mmotša gore Matsobane o mmethile ka mosela wa Santara. Naa ke eng se segolo seo se dirago gore batho kamoka bao Matsobane a ba rapelelago goba ba rapelago le yena ba hlakahlakane? 

#Mahlakung –Tumi o botša Saki gore go nale seokobatši seo se dirilwego bjalo ka lelekere.Naa go nale seo se ka dirwago go phološa baswa ba rena go ikhumana e le batšwa sehlabelo ba tagi ye e swanago le lelekere?

#Mahlakung –Mamabona o botša Titi le Rethabile gore mohlodi wa gore Rethabile a tšhabišwe,a golegwe ke Robert le batho ba gagwe, ke Bra Bizza.Naa taba ye ke nnete goba Robert ke yena a nago le seabe a le tee, Bra Bizza ga a tsebe selo?

#Mahlakung –Sebjalebjale o botša Tumi gore Alfios o mmoditše gore ba file Phetola dipheko gore ba mmontšhe gore Santara o a ba šomela?Naa go nale ka fao re ka bonago bophelo bja Phetola bo fetoga a makatša batho goba se se hlatha eng?

#Mahlakung –Malehu o botša Monica gore lapeng la gagwe le Konstabel Mpedi ga go na khutšo le lethabo ka lebaka la hlokego ya ngwana ka lapeng.Yo o sola yola.Naa ke ka lebaka la eng gantši ge go sena thari ka lapeng go solwa mosadi mola monna a sa lebelelwe le go šupša ka monwana?

#Mahlakung- Alfios o botša Jonjon gore Santara o kgotsofetše, ba mo phethetše. Naa Alfios o hlatha eng ge a re ba mo phethetše? Gona ba mo phethetše bjang ka eng? 

#Mahlakung –Mmalo! Titi ga a tsebe ge Rethabile a humanegile ba boile le yena gae.Go tla bjang gore a se tsebe taba ye kaa mola le yena a be a ile Gauteng go mo nyaka?

#Mahlakung –Phetolwa o lefelwa milione o tee wa diranta go tšwa go Matsobane ka go ba thuša go humana motlogolo wa gagwe Rethabile, e bile re kwa Phetola a bitša Matsobane malome. Naa Phetola o hlagelwa ke eng?Romela WhatsApp Voice Note go 015 297 6159. Kgatha tema go X@thobelafmyaka  goba Matlakala a rena a Facebok, Thobela Fm  Mahlakung le Thobela Fm Yaka .Theeletša Mahlakung mo bekeng ka 19h45 go www.thobelafm.co.za. I Dstv Channel 815[Podcast] - https://tinyurl.com/Mahlakung

Bra Bizza o rile a bula beke yeo go bego go loketšwe dimilione tše hlano tša diranta go lokolla Rethabile a humana tšhelete yeo e sego.Naa go diragetše eng ka tšhelete yeo

#Mahlakung –Monica o llela Konstabel Mpedi ka ge a gopola gore batho bao ba bolailwego ka dithunya ke Alfios le Phetola ka ge ba sa humanege megaleng ya bona.Naa go nale seo a ka se dirago go humana nnete ya ditaba ka gore nnete gona ba sephodisa ba ka se lokolle maina a bahu pele ba malapa a bona a tsebišwa semmušo?

#Mahlakung –Matsobane o bea mokotla wa tšhelete ka gare ga selahlela ditlakala gore Rethabile a lokollwe. Phetola le Alfios ba a mmona.Naa morero wo o tla sepela gabotse?

#Mahlakung –Konstabel Mpedi o botša Malehu o botša gore go boima o nale letšhogo la go loba mošomo le go ya kgolegong ka lebaka la go se nyakišiše ka “lehu”la Mampane.Naa go fedile ka bokamoso bja Konstabel Mpedi?

#Mahlakung –Koloi ye ntsho e fihlile moo Phetola le Alfios ba lego gona.Naa ke yona ya go tliša Rethabile. Re kwa Phetola le Alfios ba hlahlela dithunya tša bona ba ema komana madula’a bapile.Naa go ya go diragala eng gona mo?

#Mahlakung –Robert o botša Matsobane gore mola a mo rapelelago ga a sa na maatla a go bolaya.Naa o hlatha eng ka se?

#Mahlakung –Ge Konstabel Mpedi a sekiša Mampane gore o thušitšwe ke bomang gore a kgone go tšhaba kgolegong , o bolela gore o thušitšwe ke Mabatho le Jonjon.Naa se se ra go reng go Mpedi ,ka gore Mabatho ke kgaetšedi ya gagwe, mola Jonjon e le sebara sa gagwe?