Augnablik í iðnaði

Spjall við Friðgeir Inga hjá EIRIKSSON BRASSERIE sem er nýr veitingastaður miðborgar Reykjavíkur, Í endurhönnuðu húsnæði sem flestir landsmenn þekkja vel – fyrrum Landsbanka Íslands við Laugaveg 77. Við ræðum við Friðgeir um matseldina hjá Bresseri, hugmyndafræðina, ræturnar og hráefni. Nám í matreiðslu á íslandi og margt fleira.

„Kiljan er vottuð alla leið,“ segir Konráð Ingi Jónsson framkvæmdastjóri og aðaleigandi Litrófs um umhverfisvæna bókaprentun og samkeppnishæfi prentiðnaðar við erlenda framleiðslu. Hann telur að bókaiðnaður ætti að koma sér saman um umhverfisvænni áherslur, prenta fleiri kiljur en harðspjaldabækur og auðvitað að létta kolefnissporið og prenta fleiri bækur heima. Íslenskur prentiðnaður sé sterkari í samkeppni við erlendan markað þegar kemur að kiljum en harðspjalda bókum og í þeirri staðreynd felist vonarglæta. Konráð Ingi ræðir um sameiningu Litrófs við Guðjón Ó og Prenttækni, eigin feril og sýn sína á framtíð íslensks prentiðnaðar.

Í þessu spjalli hittum við Aðalheiði Ósk Guðmundsdóttur sem nýverið tók við sem framkvæmdastjóri Vök Baths. Aðalheiður segir það gríðarlega mikilvægt að hlusta og skilja upplifun viðskiptavina. Þannig skapa fyrirtæki sér sérstöðu. Hún leggur líka áherslu á samvinnu aðila í ferðaþjónustunni.

Björn Ágúst Björnsson frá Tengi ræðir um votrými og stöðu Íslendinga í þeim efnum. Votrými eru td baðherbergi og þvottahús. Hann er nýlega búinn að kynna sér ferla og lagaumgjörð í kringum svona vinnu hjá Norðmönnum og eru þeir mjög framarlega í öllu regluverki og fagmennsku.

Vignir Örn Guðmundsson er formaður Samtaka tölvuleikjaframleiðenda. Spurningar sem við lögðum fyrir Vigni voru meðal annars Hversu stór samtök eru þetta og hver eru markmið þeirra? Hversu viðamkill er leikjaiðnaðurinn á Íslandi? Er Ísland ákjósanlegur vettvangur fyrir leikjaframleiðslu, erum við t.d. með nóg framboð af tæknimenntuðu fólki á þessu sviði? Hvað tekur það langan tíma að framleiða einn tölvuleik og hvað koma margir að slíkri framleiðslu? Hverjir vinna við leikjaframleiðslu aðrir en forritarar?

Emil Grímsson fer yfir sögu Arctic Trucks, segir okkur frá verkefnum þeirra erlendis og spáir í framtíðina í jeppabreytingum

Íslendingar halda sérstaklega upp á IKEA vörulistann. Hvers vegna hætti IKEA að prenta vörulista sinn sem hefur komið út frá árinu 1951? Kristján Schram markaðsmaður er gestur í kaffispjallinu að þessu sinni og rýnir í ákvörðun IKEA og þróun í útgáfu markaðsefnis.

Pétur Pétursson framleiðir rjómalíkjör sem ber nafnið Jökla. Pétur sem er mjólkurfræðingur segir okkur frá hvernig hugmyndin kviknaði og frá ferlinu sem tók við.

Fríða svarar meðal annars þessum spuringum Hvernig er haldið utan um ofnæmis- og óþolsvalda í því hráefni sem notað er í eldhúsi LSH Hvaða reglur gilda fyrir birgja Hvað reglur gilda fyrir starfsfólk Hvernig er ofnæmis- og óþolsfæði skipulagt í eldhúsinu Hvaða hráefni er gott að eiga til að auðvelda sér matseðla- og matargerð Hvernig er starfsfólk Landspítala upplýst um matinn sem er í boði fyrir það í matsölum Umræða um innihaldslýsingar og helstu ofnæmisvaldana

Það gustar um Eirík Rögnvaldsson, prófessor emerítus í íslenskri málfræði, sem er gestur okkar í hlaðvarpinu Augnablik í iðnaði á degi íslenskrar tungu. Hann er óhræddur við að taka slagi og gagnrýna en vill gera það á uppbyggilegan hátt og af umburðarlyndi. Eiríkur segir okkur frá mikilvægi máltækni fyrir almenning og fyrirtæki. Máltækni er grunnur að notkun tungumáls í viðmóti tölva og ýmissa forrita. Það að forrit og tölvubúnaður geti notað íslensku er forsenda þess að tungumálið dafni og Eiríkur minnir á að ábyrgðin er okkar. Ef það er ekki vilji til að nota íslenskt tungumál þá sé orrustan töpuð.

Augnablik í iðnaði – Í þessum þætti beinum við kastljósinu að Erasmus námsstyrkjum í tilefni Evrópskra starfsmennaviku. Í þáttinn spjalla Helen og Ási hjá IÐUNNI við Aðalstein Ásmundarson vélvirkja og nýsvein í húsasmíði. Aðalsteinn sótti um Erasmus styrk hjá IÐUNNI og fór til South West College í N-Írlandi. Hann sótti þar námskeið um Passive hús sem er forvitnileg og áhugaverð viðbót við umræðuna um sjálfbærni.

Í þessum þætti ræðir Óli Jóns við Selmu Árnadóttur um fæðuóþol og fæðuofnæmi. Selma situr í stjórn Astma og ofnæmisfélags Íslands svarar spurningum líkt og hver munurinn á fæðuóþoli og fæðuofnæmi er.

Allt um hönnun á nýjum konfektmolum frá Nóa Síríus með auglýsingastofunni Vorar by IÐAN fræðsluetur

Hvað geta einstaklingar og lítil fyrirtæki gert í markaðsmálum? Til að svara þessari spurningu er spilunum snúið við í þetta skiptið í Augnablik í iðnaði. Fjóla og Sigurður Fjalar sem starfa á markaðssviði IÐUNNAR spyrja Óla Jóns markaðsráðgjafa og umsjónarmanns þessa þátta spjörunum úr.

Birna Dröfn Birgisdóttir fjallar um sköpunargleði og þjónandi forystu.

Guðni Jónsson, byggingaverkfræðingur hjá EFLU fjallar um það sem brennur á mönnum varðandi steypu.

Gestur þáttarins er Katrín Dóra Þorsteinsdóttir stjórnunar- og rekstrarráðgjafi hjá Projects ráðgjöf og þjálfun. Hún fræðir okkur um hvernig best er að standa að ráðningum starfsmanna.

Eva sem er með bakarablóð í æðum hefur tekið sér ýmislegt fyrir hendur. Hún er menntaður viðskiptafræðingur og hefur unnið meðal annars við Sjávarklasann og St. Jósefsspítala. Hún hefur er mikin áhuga á að ferðast og á ferðum sínum kynntist hún hugtakinu deilieldhús. Eldstæðið er deilieldhús sem Eva er að opna sem er fyrir litla matvælaframleiðendur sem eru að prófa sig áfram og geta leigt hjá henni aðstöðu. Eldstæðið er í stuttu máli atvinnueldhús fyrir matarfrumkvöðla og smáframleiðendur sem byggir á deilihagkerfi. Um er að ræða fullvottað eldhús með öllum helstu tækjum og tólum til matvælaframleiðslu, kæli- og þurrlager, skrifstofuaðstaða, fundaraðstaða og góður félagsskapur meðal matvæla unnenda.

Dóra Svavarsdóttir ræðir við okkur um loftlagsmál útfrá sjónarmiðum matreiðslunnar

Saga bílaviðgerða á Íslandi með Ingibergi Elíassyni by IÐAN fræðsluetur

Matarsóun með Dóru Svavarsdóttur matreiðslumeistara by IÐAN fræðsluetur

Ingi Rafn Ólafsson er fyrsti gesturinn í Kaffispjalli IÐUNNAR. Hann tók í byrjun árs við starfi framkvæmdastjóra yfir prenthluta starfsemi WAN-IFRA, alþjóðasamtaka dagblaða og fjölmiðlafyrirtækja. Samtökin starfa í Þýskalandi, Frakklandi, Singapore, Indlandi og Mexíkó. Meðlimir samtakanna eru um þrjú þúsund talsins.

HB tækniþjónusta er rótgróið fyrirtæki í Hafnarfirði sem vinnur við eftirlit og skoðanir á málmsuðu. Haraldur Baldursson er framkvæmdistjóri og eigandi fyrirtækisins.

Nám í Upplýsingatækni í mannvirkjagerð með Ingibjörgu Kjartansdóttur by IÐAN fræðsluetur

Rafmagnsbílar og hleðslustöðvar með Sigurði Ástgeirssyni hjá Ísorku

María Jóna Magnúsdóttir segir okkur frá Bílgreinasambandinu þar sem hún er framkvæmdastjóri. Hún segir okkur líka frá verkefninu Allir vinna sem snýr að endurgreiðslu virðisaukaskatts af vinnu við bílaviðgerðir.

Spjall við Árna Sigurjónsson sem er nýr formaður Samtaka iðnaðarins by IÐAN fræðsluetur

Hvað er suðuþjarkur? Kristján Þórarinsson hjá RST net segir okkur frá Cowelder suðuróbot. by IÐAN fræðsluetur

Slow food menningin með matreiðslumeistaranum og kennaranum Hinriki Carl Ellertssyni by IÐAN fræðsluetur

Haukur Már Haraldsson tekur á móti okkur á Prentsögusafninu á Laugarvegi í Reykjavík. Haukur sem starfaði í mörg ár við prentiðnaðinn ásamt því að kenna fagið leiðir segir okkur frá tilkomu þessa safns ástamt því að fara í stuttu máli yfir sögu prentiðnaðarins á Íslandi

LEAN á bílaverkstæði, Guðmundur Ingi Skúlason hjá Kistufelli by IÐAN fræðsluetur

Valdimar Jón Sveinsson segir okkur frá raunfærnimati IÐUNNAR í þessum þriðjudagsþætti IÐUNNAR fræðsluseturs. Valdimar hefur unnið í 20 ár við bílamálun, bílaréttingar og viðgerðir ásamt því að keppa í rallí, torfæru og drifti.

Björn hefur aðstoðað garðeigendur við útfærslur garða sinna síðan hann kom frá námi í landslagsarkitektúr á Englandi 1993. Einnig hefur hann hannað sumarhúsa-, stofnana-, fyrirtækja- og fjölbýlishúsagarða en í þeirri vinnu hafa orðið til margvíslegar hugmyndir.

Sigríður Hulda er eigandi og framkvæmdastjóri SHJ ráðgjafar sem sérhæfir sig í fræðslu og ráðgjöf fyrir vinnustaði með áherslu á starfsmannamál og stjórnun, s.s. starfsánægju og starfsárangur, stjórnendaþjálfun, stefnumótun, vinnustaðamenningu, samskipti og samskiptasáttmála, álag og krefjandi aðstæður. Sigríður Hulda sérhæfir sig í færniþáttum atvinnulífs á 21. öldinni í tengslum við þróun vinnumarkaðar og starfshæfni einstaklinga. Hún vinnur með hópa frá Virk og Vinnumálastofnun með áherslu á starfshæfni, persónlega stefnumörkun, áhrifaþætti á sjálfstraust, áhugasvið, þjálfun í atvinnuviðtali, gerð ferilskrár, styrkleikagreiningar, úrvinnslu kulnunar og áfalla með áherslu á valdeflingu, seiglu, bjargráð, lífsviðhorf og trú á eigin getu.