The Cambodia Daily Khmer

១) លោក ហ៊ុន ម៉ាណែត សម្រេចបញ្ឈប់ការស្នើសុំច្បាប់​ដំណើរការ​អាជីវកម្មតូចតាចនៅថ្នាក់រដ្ឋបាលមូលដ្ឋាន។២) តុលាការនឹងបើកសវនាការសំណុំរឿង«ញុះញង់»​លើ​លោក ថាច់ សេដ្ឋា អនុប្រធានគណបក្សភ្លើងទៀននៅសប្ដាហ៍​ក្រោយ។ ៣) លោក នេត វឿន ដែលជាក្មួយប្រសាររបស់លោក ហ៊ុន សែន ត្រូវបានតែង​តាំងជាប្រធានអាជ្ញាធរប្រយុទ្ធប្រឆាំងគ្រឿងញៀន។៤) លោកហ៊ុន​ម៉ាណែត ដឹកនាំមន្ត្រីរដ្ឋាភិបាលថ្មីរបស់ខ្លួនធ្វើដំណើរ​ទស្សនៈកិច្ចលើកដំបូងទៅកាន់ប្រទេសចិននៅថ្ងៃព្រហស្បតិ៍នេះ។៥) គណបក្សប្រជាធិបតេយ្យនៅភូមាអំពាវនាវទៅសហគមន៍ អន្តរជាតិ ជួយរំដោះអ្នកស្រីស៊ូជីជាបន្ទាន់។

កម្មវិធី Idea Talk សម្រាប់រាត្រីថ្ងៃទី១៣ ខែកញ្ញា ឆ្នាំ២០២៣ ស្តីអំពី៖​«តើគោលនយោបាយកសិកម្ម​ប្រទេសកម្ពុជា នឹងមានការវិវឌ្ឍន៍​បែបណា​ក្នុងអាណត្តិទី៧?»

១) ពលរដ្ឋខ្មែរនៅក្រៅស្រុក ត្រៀមខ្លួនប្រកាស បដិសេធ លោក ហ៊ុន ម៉ាណែត ជានាយករដ្ឋមន្ត្រីស្របច្បាប់របស់កម្ពុជាក្នុងកិច្ច​ប្រជុំ​អង្គការ​សហប្រជាជាតិនៅចុងខែកញ្ញា។ ២) សង្គមស៊ីវិលទទូចទៅរដ្ឋាភិបាលឲ្យស្វែងរកក្រុមជនដៃដល់ដែល​ប្រើអំពើហិង្សាលើលោក នី ណាក់ មកផ្ដន្ទាទោស។៣) ក្រុមកូដករណាហ្គាវើលដ៍បន្តចេញធ្វើកូដកម្ម សុំឱ្យ​នាយករដ្ឋ​មន្ត្រី​ថ្មី​របស់កម្ពុជាជួយដោះស្រាយវិវាទការងារ ដែលបានអូសបន្លាយ​អស់​រយៈពេលជិត ២ឆ្នាំ។៤) អាជ្ញាធរអាមេរិកនឹងប្រគល់វត្ថុរាណខ្មែរចំនួន៣៣​ដុំឲ្យ​​កម្ពុជា បន្ទាប់​ពីបាន​រឹបអូស ពីគ្រួសារ Lindemann នៅសហរដ្ឋអាមេរិក។ ៥) លោក​គីមជុងអ៊ុន និងលោកពូទីនសន្យាជួយគ្នាទៅវិញ​ទៅមក​ករណីសង្រ្គាមនៅអ៊ុយក្រែន។

កម្មវិធី Idea Talk សម្រាប់រាត្រីថ្ងៃទី១២ ខែកញ្ញា ឆ្នាំ២០២៣ ស្តីអំពី៖ «ហេតុអ្វីពលរដ្ឋខ្មែរចាំបាច់នាំគ្នាធ្វើបាតុកម្មប្រឆាំងលោក ហ៊ុន ម៉ាណែត មកកាន់អង្គការសហប្រជាជាតិ?»

១) លោក ស ខេង ប្រកាសជំហរគាំទ្រលោក ហ៊ុន ម៉ាណែតដើម្បី​បញ្ជៀស​ការយកឈ្មោះរបស់លោកទៅប្រើ។ ២) លោក ហ៊ុន សែន សម្រេចផ្ដល់ដីឧទ្យានជាតិសមុទ្រកោះរ៉ុង ជិត ១ពាន់ហិកតា ឱ្យទៅក្រុមហ៊ុនកូនប្រុសពៅរបស់លោក យឹម ឆៃលី ធ្វើជាកម្មសិទ្ធិ។៣) សមាគមវាយនភណ្ឌកាត់ដេរកម្ពុជា ថាប្រាក់ឈ្មួលសរុបរបស់​កម្មករនិយោជិតខាងកាត់ដេរនៅកម្ពុជាទទួលបានជាង ៣ពាន់ដុល្លារ​អាមេរិក ក្នុង១ឆ្នាំៗ។៤) អង្គការអន្តរជាតិស្នើឲ្យគណៈកម្មាធិការបេតិកភណ្ឌពិភព​លោក​ពិនិត្យ​ករណីរដ្ឋាភិបាលកម្ពុជាបណ្ដេញពលរដ្ឋចេញទាំងបង្ខំ​នៅវិញតំបន់ អង្គរ​វត្ត។ ៥) សកម្មជនសង្គមលោក នី ណាក់ ត្រូវជនមិនស្គាល់វាយនឹង​ដំបង​ដែកត្រង់ក្បាលបំណងធ្វើឃាត នៅថ្ងៃនេះ។ ៦) សមាជិកសភាថៃសួរដេញដោលអំពីគោលនយោបាយជួយ​សម្រាលបំណុល និងការផ្ដល់ប្រាក់មួយម៉ឺនបាតឱ្យពលរដ្ឋម្នាក់ៗ។

កម្មវិធី Idea Talk សម្រាប់រាត្រីថ្ងៃទី១១ ខែកញ្ញា ឆ្នាំ២០២៣ ស្តីអំពី៖ «តើសករាជថ្មីនៃនយោបាយ​ការបរទេស​កម្ពុជា​ស្ថិតក្នុងចំណុច​ណា?»

១) លោក ហ៊ុន សែន កាត់ដីជិត១៣០០ ហិកតា ប្រគល់ឲ្យឧកញ៉ា ឃុន សៀ សម្រាប់គម្រោងអភិវឌ្ឍន៍ទីក្រុងរណប។២) សមាជិករដ្ឋាភិបាលលោក ហ៊ុន ម៉ាណែត មានចំនួន លើស​រដ្ឋាភិបាល​ចាស់ ជិត១ពាន់នាក់។៣) អូស្ត្រាលីបន្តជួយកម្ពុជាលើកិច្ចសហប្រតិការ ប្រជាធិបតេយ្យ និង សទ្ធិមនុស្ស។ ៤) ស្នងការខេត្តកំពង់ធំផ្អាកតំណែងអតីតចោរប្លន់ ជាមេប៉ុស្តិ៍ តាម​បញ្ជារបស់នាយករដ្ឋមន្រ្តីតពូជលោក ហ៊ុន ម៉ាណែត។៥) លោកបៃដិនសន្យាធ្វើឱ្យវៀតណាមមានស្ថិរភាពដោយមាន​ព្រមាន​ប្រឆាំងការគំរាមកំហែងពីចិនករណីសមុទ្រចិនខាងត្បូង។

កម្មវិធី Idea Talk សម្រាប់រាត្រីថ្ងៃទី០៨ ខែកញ្ញា ឆ្នាំ២០២៣ ស្តីអំពី៖ «តើអំពើពុករលួយ​នឹងមាន​សភាពបែបណា​ក្នុងអាណតិ្តដឹកនាំ​តពូជនៅកម្ពុជា?»

១) បនល្បែងស៊ីសងកាស៊ីណូ Top Diamond ចោទ អ្នកសារព័ត៌មាន ជិត ១ពាន់ អង្គភាពសុំប្រាក់ឧបត្ថម្ភប្រចាំខែពីខ្លួន។២) គណបក្ស​ភ្លើង​ទៀនស្នើសុំជួប​រដ្ឋមន្ត្រី​ក្រសួង​មហាផ្ទៃ​ជាថ្មី ដើម្បី​សុំឲ្យផ្ដល់​លិខិត​ចុះ​បញ្ជី​គណបក្ស​ច្បាប់​ដើម។៣) កម្មករ-កម្មាការិនីស្នើសុំឲ្យដំឡើងប្រាក់ឈ្នួល​១៥ ដុល្លារ​បន្ថែម​នៅឆ្នាំក្រោយ ខណៈនិយោជកសុំឡើង១ ដុល្លារ។៤) ក្រុមអ្នកតស៊ូមតិ ចង់ឃើញលោក ចូ បៃដិន ដាក់សម្ពាធដល់​រដ្ឋាភិបាលវៀតណាម ឲ្យគោរពសិទ្ធិរបស់ពលរដ្ឋខ្មែរក្រោមជាង​៧លាន​នាក់។៥) លោកបៃដិនទៅប្រជុំកំពូលនៃប្រទេសសេដ្ឋកិច្ចG-20 តែលោក​ស៊ីជីនពីង និងលោកពូទីនអវត្តមាន។

កម្មវិធី Idea Talk សម្រាប់រាត្រីថ្ងៃទី០៧ ខែកញ្ញា ឆ្នាំ២០២៣ ស្តីអំពី៖ «តើពលរដ្ឋខ្មែរចង់ឲ្យ​រាជ​រដ្ឋាភិបាលគិតគូរបែបណាដល់ប្រព័ន្ធ​គាំពារសង្គម​សម្រាប់​ពលរដ្ឋក្រីក្រ?»

១) ក្រសួងធនធានទឹកប្ដេជ្ញារមិនឲ្យទីក្រុងភ្នំពេញរងការជន់លិច​ដោយជំនន់ទឹកភ្លៀងនៅរដូវវស្សាក្នុងអាណត្តិនេះ។២) នាយករដ្ឋមន្រ្តីតពូជ​​ លោក ហ៊ុន ម៉ាណែត ព្រមាន មន្ត្រីរដ្ឋាភិបាល មិនឱ្យយក​អំណាច​ជា ទីប្រឹក្សា ឬជាជំនួយការ ទៅប្រើពីលើមុខតំណែង​ជាមន្ត្រីរាជការ​ក្នុងស្ថាប័នរបស់ខ្លួន។៣) រដ្ឋមន្ត្រីក្រសួងមហាផ្ទៃលោក ស សុខា ណែនាំឱ្យ មន្ត្រីក្រោម​ឱវាទពង្រឹង​ការទប់ស្កាត់អំពើជួញដូរគ្រឿងញៀននៅមូលដ្ឋាន​ឱ្យ​មាន​ប្រសិទ្ធិភាព។៤) លោក ហ៊ុន​ម៉ាណែត៖ កម្ពុជានឹងសហការជាមួយបណ្ដាប្រទេសនៅ​អាស៊ាន​ដើម្បីទប់ស្កាត់ឧក្រិដ្ឋកម្មឆ្លងដែន។៥) ប្រទេស៤ក្នុងសមាគមអាស៊ានរួមទាំង​ឥណ្ឌា និងតៃវ៉ាន់ នាំគ្នា ​ប្រឆាំង​ចិន ដែល​បង្កើតផែនទីបំពានដែនសមុទ្រប្រទេសដ៏ទៃ។

កម្មវិធី Idea Talk សម្រាប់រាត្រីថ្ងៃទី០៦ ខែកញ្ញា ឆ្នាំ២០២៣ ស្តីអំពី៖ «តើអ្វីខ្លះជាមោទនភាពសម្រាប់មេដឹកនាំថ្មីនៃប្រទេសកម្ពុជាក្នុងខ្សែភ្នែកមេដឹកនាំអាស៊ាន?»

១) មន្ត្រីជាន់ខ្ពស់បក្សប្រឆាំង ថា ការបង្កើតបញ្ជាការដ្ឋាន​អង្គ​រក្សដើម្បីជាកងកម្លាំងផ្ទាល់ខ្លួនផ្តាច់មុខរបស់នាយរដ្ឋមន្ត្រីគឺជារឿងគ្រោះថ្នាក់បំផុតសម្រាប់ប្រទេសជាតិ។២) តុលាការក្រុងភ្នំពេញនឹងប្រកាសសាលក្រមសំណុំរឿង​អនុ​ប្រធាន​គណបក្សភ្លើងទៀនលោក ថាច់ សេដ្ឋា នៅថ្ងៃទី២១ ខែកញ្ញា។៣) ខុទ្ទការល័យនាយករដ្ឋមន្ត្រីថ្មី កំណត់ឱ្យ មន្ត្រីរាជការសាធារណៈ អាជ្ញាធរមូលដ្ឋានគ្រប់លំដាប់ថ្នាក់ ត្រូវតែប្រើគោរមងារលោក ហ៊ុន ម៉ាណែត ឱ្យបានត្រឹមត្រូវជាកំហិត។ ៤) ក្រសួង ក្រសួងវប្បធម៌ ព្រមានចាត់វិធានការច្បាប់លើអាជីវករ​បើមិន​បញ្ឈប់ការ​ប្រើប្រាស់រូបថតវត្ថុបុរាណខ្មែរ ដើម្បីធ្វើការ​ផ្សព្វ​ផ្សាយ​តាមបណ្ដាញ​សង្គម។ ៥) ប្រមុខការទូតអាមេរិកទៅទីក្រុងកៀវប្រកាសពីជំនួយថ្មីជាង​១ពាន់​លានដុល្លារ។