SBS Lao - SBS ພາ​ສາ​ລາວ

ຢາປິ່ນປົວ HIV ຊະນິດໃຫມ່ ຖືກພັດທະນາໂດຍ Gilead Sciences ໃນ California, ການເລີ້ມນຳໃຊ້ Lenacapavir ໃນປະເທດທີ່ມີຄວາມສ່ຽງສູງ ກໍາລັງຖືກສນັບສນູນ ຜ່ານແຜນສຸກເສີນຂອງ Emergency Plan for AIDS Relief ຫຼື PEPFAR ຂອງປະທານາທິບໍດີສະຫະຣັດອາເມຣິກາ, ໂດຍຮ່ວມມືກັບ the Global Fund. Zimbabwe ເປັນປະເທດທໍາອິດ ທີ່ເປີດໃຊ້ບໍຣິການ. ຜູ້ຊ່ຽວຊານກ່າວວ່າ ຕ້ອງໃຊ້ຢາ ພຽງແຕ່ປີລະສອງເທື່ອເທົ່ານັ້ນ.

ນິທັດສະການຖາວອນແຫ່ງໃຫມ່ ຢູ່ໃນເມືອງ Pompeii ຂອງໂຣມັນໂບຮານ ໄດ້ສະແດງໃຫ້ເຫັນ ຮູບພາບທີ່ຫນ້າປະທັບໃຈ ໃນຕອນທີ່ພູເຂົາໄຟລະເບີດຄັ້ງໃຫຍ່ ຊຶ່ງທໍາລາຍເມືອງໃນປີ ຄ.ສ. 79. ຊາກສົບຂອງຜູ້ອາສັຍຢູ່ໃນເມືອງ ຫລາຍກວ່າ 20 ຊາກ ຈະຖືກຈັດສະແດງ ໃນນິທັດສະການ, ພ້ອມກັບການຄົ້ນພົບອື່ນໆ ເຊັ່ນພືດ ແລະອາຫານ ທີ່ຖືກຝັງໄວ້ຢູ່ໃຕ້ຂີ້ເຖົ່າ ແລະ Lava ຫຼາຍແມັດ ເປັນເວລາຫລາຍສັດຕະວັດ.

ປະທານາທິບໍດີສະຫະຣັດອາເມຣິກາ ກໍາລັງເຈຣະຈາ ກັບປະເທດທີ່ເພິ່ງພານ້ຳມັນ ໃນຕາເວັນອອກກາງ, ຫລັງຈາກໄດ້ຮຽກຮ້ອງ ໃຫ້ຫລາຍປະເທດ ສົ່ງກໍາປັ່ນຮົບ ໄປເປີດ Strait of Hormuz ຄືນອີກ. ແຕ່ພັນທະມິດໃນຢູໂຣບ ຮວມທັງ NATO ກໍບໍ່ໄດ້ສະແດງທ່າທີວ່າຈະເຂົ້າຮ່ວມ. ນອກຈາກນັ້ນ, ຈີນຍັງອອກມາກ່າວຕໍ່ຕ້ານສົງຄາມອີກ. ໃນຂນະທີ່ລາຄານ້ຳມັນທົ່ວໂລກ ໄດ້ເພີ່ມຂຶ້ນ 40 ເຖິງ 50 ເປີເຊັນ.

ຫລັງຈາກການລາອອກຈາກຕໍາແຫນ່ງຂອງ David Littleproud, Matt Canavan ສະມາຊິກສະພາສູງ ຈາກ Queensland ໄດ້ຖືກເລືອກໃຫ້ເປັນຜູ້ນໍາຂອງພັກ Nationals ຄົນໃໝ່ ໂດຍມີ Darren Chester ເປັນຜູ້ຮອງ. Mr Littleproud ກ່າວວ່າ ລາວເຊື່ອວ່າ ມັນເຖິງເວລາແລ້ວ ທີ່ຈະປ່ຽນໄປຫາຜູ້ນໍາຄົນໃຫມ່, ແຕ່ຍັງຢືນຢັນວ່າ ລາວຈະຢູ່ຕໍ່ໄປ ໃນຕໍາແຫນ່ງຜູ້ແທນ ຂອງເຂດເລື້ອກຕັ້ງ Maranoa.

ຂໍ້ມູນຂອງກະຊວງພາຍໃນຂອງອັງກິດ ສະແດງໃຫ້ເຫັນວ່າ 45 ເປີເຊັນ ຂອງອາດຊະຍາກັມ ຈາກຄວາມກຽດຊັງ ທາງສາສນາທັງໝົດ ໃນປະເທດອັງກິດ ແມ່ນເຈາະຈົງໃສ່ຊາວມູສລິມ-ຫລາຍກວ່າ ກຸ່ມສາສນາອື່ນໆ. ອັດຕາການເພີ່ມຂຶ້ນແມ່ນ 19 ເປີເຊັນ-ໃນໄລຍະ 12 ເດືອນຈົນເຖິງເດືອນມິນາ ປີ 2025. ແຕ່ມີສອງພໍ່ລູກທີ່ໄດ້ເລີ້ມການຣົນນະຣົງ ຕໍ່ຕ້ານຄວາມກຽດຊັງອິສລາມ ດ້ວຍ cupcakes.

In Australia, government-subsidised rental housing is available for eligible households. Assessment is based on need under criteria that vary depending on your state or territory. Here’s what to expect when applying for different types of housing assistance, some common myths around social housing and where to reach out for help. - ໃນປະເທດອອສເຕຣເລັຍ. ມີເຮືອນເຊົ່າ ທີ່ຣັດຖະບານຊ່ວຍເຫຼືອ ສໍາລັບຄອບຄົວທີ່ມີສິດ. ການປະເມີນ ແມ່ນອີງໃສ່ຄວາມຈໍາເປັນພາຍໃຕ້ເກນທີ່ແຕກຕ່າງກັນໄປ ຕາມຣັດ ຫຼືເຂດປົກຄອງຂອງທ່ານ. ນີ້ຄື ສິ່ງທີ່ຄາດຫວັງ ເມື່ອສມັກຂໍຄວາມຊ່ອຍເຫລືອ ດ້ານທີ່ຢູ່ອາສັຍ ທີ່ແຕກຕ່າງກັນ, ຄວາມເຂົ້າໃຈຜິດບາງຢ່າງ ກ່ຽວກັບທີ່ຢູ່ອາສັຍເພື່ອສັງຄົມ (Social Housing) ແລະບ່ອນທີ່ຈະຂໍຄວາມຊ່ອຍ

ໃນຂນະທີ່ຄ່າເຊົ່າເຮືອນ ໃນອອສເຕຣເລັຍໄດ້ສູງຂຶ້ນເລືອຍໆ, ແຕ່ມີເມືອງໜຶ່ງໃນຢູໂຣບ ທີ່ມີຮູບແບບຂອງທີ່ຢູ່ອາສັຍ ທາງສັງຄົມ(Social Housing) ທີ່ມີອາຍຸນັບສັດຕະວັດ, ຊຶ່ງເປັນທີ່ຢູ່ອາສັຍຂອງ 50ເປີເຊັນ ຂອງພົນລະເມືອງ ແຕ່ການເຂົ້າເຖິງທີ່ຢູ່ອາສັຍໃນຮູບແບບນັ້ນບໍ່ແມ່ນເລື້ອງງ່າຍສຳລັບ ຜູ້ທີ່ບໍ່ມີສິດ ເຊັ່ນຜູ້ອົບພະຍົບ ແລະຜູ້ລີ້ພັຍ-ຜູ້ສນັບສນູນກ່າວວ່າ, ບາງຄົນກໍຍັງຕົກອອກຈາກລະບົບ ແລະຕ້ອງອາສັຍລະບົບເອກກະຊົນຊຶ່ງມີລາຄາແພງກວ່າຫຼາຍເທົ່າ.

ໃນອາທິດທີສອງ ຂອງສົງຄາມລະຫວ່າງອິດສະຣາເອລ, ສະຫະຣັດອາເມຣິກາ ແລະ Iran ໂຮງງານນ້ຳມັນ ແລະແກັສໄດ້ຖືກໂຈມຕີໃນທົ່ວພູມີພາກ. ນີ້ເຮັດໃຫ້ ເສດຖະກິດໂລກຕ້ອງວິຕົກກັງວົນ ເນື່ອງຈາກ ມັນໄດ້ສົ່ງຜົນກະທົບ ຕໍ່ການຜລິດ ແລະຂົນສົ່ງນ້ຳມັນ ໃນຕາເວັນອອກກາງ. ChrisBowen, ໄດ້ກ່າວຢ້ຳຄໍາຂໍຮ້ອງຂອງລາວ ຕໍ່ຊາວອອສເຕຣເລັຍວ່າ ຢ່າຕື່ນຕົກໃຈໃນການຊື້ນ້ຳມັນ ແລະກ່າວວ່າ ອອສເຕຣເລັຍມີນ້ຳມັນສຳຮອງ ເປັນເວລາ 32 ມື້.

ມັນເປັນເວລາ 15 ປີ ນັບຕັ້ງແຕ່ ພັຍທັມມະຊາດ ທີ່ຮ້າຍແຮງທີ່ສຸດຄັ້ງໜຶ່ງ ໃນປວັດສາດຊຶ່ງເກີດຂຶ້ນໃນ Fukushima ປະເທດຍີ່ປຸ່ນ. ໃນເຫດການແຜ່ນດິນໄຫວ ນັ້ນ ໄດ້ກໍ່ໃຫ້ເກີດ tsunami ແລະໂຮງງານພະລັງງານ ນິວເຄລັຍ ໄດ້ສົ່ງລັງສີອອກສູ່ອາກາດ. ມີຄົນເສັຍຊີວິດຢ່າງຫຼວງຫຼາຍດ ແຕ່ສິ່ງທີ່ເຮັດໃຫ້ຜູ້ຄົນບໍ່ພໍໃຈແມ່ນການປິດບັງຄວາມຈິງຈາກຣັດຖະບານ. ສະນັ້ນ, ບົດຮຽນໃດແດ່ ທີ່ສາມາດຮຽນຮູ້ ຈາກພັຍພິບັດ ແລະອຸປະຕິເຫດນິວເຄລັຍ ໃນບັນຍາກາດ ຂອງຄວາມວຸ້ນວາຍທົ່ວໂລກ ທີ່ເພີ່ມຂຶ້ນ?

ທ່າມກາງສົງຄາມ ທີ່ກຳລັງທະວີຄວາມຮ້າຍແຮງຂຶ້ນໃນ Iran, ມີຄວາມເປັນຫ່ວງ ກ່ຽວກັບນັກໂທດການເມືອງຫລາຍໝື່ນຄົນ ທີ່ຖືກກັກຂັງໃນຄຸກທົ່ວປະເທດ, ບາງຄົນ ກໍປະເຊີນກັບການຖືກປະຫານຊີວິດ. ຫົວຫນ້າຝ່າຍຕຸລາການຂອງ Iran ໄດ້ປະກາດວ່າ ຜູ້ທີ່ຢູ່ໃນປະເທດ Iranທີ່ສນັບສນູນສະຫະຣັດອາເມຣິກາ ແລະອິດສະຣາເອລ ຈະຖືກປະຕິບັດວ່າເປັນ 'ສັດຕູ'.

ຜູ້ຊ່ຽວຊານເລື່ອງສຸຂະພາບຈິດກ່າວວ່າ ສຸຂະພາບຈິດ ຂອງຣັດ ໄດ້ຮັບຄວາມຄວາມສົນໃຈອີກ ເນື່ອງຈາກການຫຼົບຫນີຂອງຄົນໄຂ້ສອງຄົນ ຈາກໂຮງຫມໍດຽວກັນ, ຜູ້ຊຶ່ງຫລາຍມື້ຕໍ່ມາ ຖືກກ່າວຫາວ່າ ມີສ່ວນກ່ຽວຂ້ອງ ໃນເຫດການທີ່ແຕກຕ່າງກັນ ຊຶ່ງເຮັດໃຫ້ມີຜູ້ເສັຍຊີວິດສາມຄົນ. ມີກ່າກ່າວວ່າເຫດການເຊັ່ນນີ້ເກີດຂຶ້ນຍ້ອນການຂາດງົບປະມານ.

ຜູ້ຊ່ຽວຊານເຕືອນວ່າ ການປ່ຽນແປງລະບອບການປົກຄອງ ໃນອີຣານ ຈະບໍ່ແມ່ນເລື່ອງງ່າຍ, ເຖິງແມ່ນວ່າ ຜູ້ນໍາສູງສຸດ Ali Khamenei ໄດ້ຖືກລອບສັງຫານ ໃນການໂຈມຕີ ໃນທ້າຍອາທິດຜ່ານມາ. ສົງຄາມນີ້ມີທ່າທີວ່າຈະແກ່ຍາວຕໍ່ໄປ ໂດຍທັງອາເມຣິກາ ແລະ ອິສຣາເອລ ຂາດການສນັບສນຸນດ້ານການເມືອງ ແລະ ຕ້ອງການຊັບພະຍາກອນຢ່າງຫຼວງລາຍດ ອິງຕາມຜູ້ຊ່ຽວຊານ.

ການຍ້າຍສຸກເສີນ ຂອງນາຍົກຣັດຖະມົນຕີ ຈາກເຮືອນຂອງລາວ ໃນCanberra ເພາະການຂູ່ວາງລະເບີດ ໄດ້ກະຕຸ້ນໃຫ້ມີການເຕືອນ ກ່ຽວກັບຄວາມປອດພັຍໃຫ້ເພີ່ມຂຶ້ນ, ບ່ອນທີ່ ຄວາມບໍ່ເປັນມິດ ທາງອິນເຕີເນັດ ກຳລັງສະແດງອອກຫຼາຍຂຶ້ນເລື້ອຍໆ ວ່າເປັນພັຍຄຸກຄາມທາງຮ່າງກາຍ ທີ່ມີອັນຕະຣາຍສູງ. ຕາມຄວາມຄິດເຫັນ ຂອງຜູ້ບັນຊາການຕຳຫຼວດ ຣັດຖະບານກາງ ໃນທ້າຍປີກາຍນີ້, ໂດຍຕັ້ງຂໍ້ສັງເກດວ່າ ມີແນວໂນ້ມຂອງຄວາມຮຸນແຮງທີ່ເພີ່ມຂຶ້ນ ຕໍ່ເຈົ້າຫນ້າທີ່ຂອງຣັດ.

ຊາວອີຣານ-ອອສເຕຣເລັຍ (Iranian-Australians) ກໍາລັງສະແດງຄວາມຮູ້ສຶກທີ່ແຕກຕ່າງກັນ ກ່ຽວກັບການໂຈມຕີ ຂອງສະຫະຣັດອາເມຣິກາ-ອິດສະຣາເອລ ໃນ Iran ແລະການສັງຫານຜູ້ນໍາສູງສຸດ Ayatollah Ali Khamenei. ໃນຂນະທີ່ຫລາຍຄົນຫວັງວ່າ ການຕາຍຂອງລາວ ຈະນໍາໄປສູ່ປະເທດອີຣານ ທີ່ເປັນອິດສຣະ, ບາງຄົນເວົ້າວ່າ ບໍ່ແມ່ນ ກະທຳໂດຍ Netanyahu ແລະ Trump.

ນັກແຜ່ນດິນໄຫວ (Seismologists) ຂອງ New Zealand ໄດ້ວິເຄາະຂໍ້ມູນຢ່າງຕໍ່ເນື່ອງ ຈາກເຄືອຂ່າຍ ຂອງເຄື່ອງກວດຈັບ (Detectors) 700 ຫນ່ວຍ ເພື່ອຊອກຫາສັນຍານເຕືອນ ຂອງແຜ່ນດິນໄຫວ ທີ່ໃກ້ຈະເກີດຂຶ້ນ ຫຼັງຈາກເກີດເຫດແຜ່ນດິນໄຫວຄັງໃຫຍ່ ເດືອນກຸມພາ ປີ 2011. ຜູ້ຊ່ຽວຊານກ່າວວ່າ ການປ້ອງກັນຈະມີປະສິດທິພາບຫຼາຍກວ່າການຟື້ນຟູ ຫຼັງຈາກເກີດເຫດ.

ຫລາຍກວ່າ ພັນສາມຮ້ອຍຄົນ ໄດ້ເສັຍຊີວິດໃນຖນົນ ຂອງອອສເຕຣເລັຍ ໃນປີກາຍ, ໃນຕົ້ນປີ 2026 ບໍ່ໄດ້ສະແດງໃຫ້ເຫັນວ່າຈະດີຂຶ້ນ. ຜູ້ນໍາອຸດສະຫະກັມ ແລະຜູ້ສນັບສນູນຜູ້ເຄາະຮ້າຍ ໄດ້ຮຽກຮ້ອງ ໃຫ້ມີການກະທໍາຢ່າງຮີບດ່ວນ, ຈາກການອອກແບບຖນົນທີ່ປອດພັຍ ຈົນເຖິງການປ່ຽນແປງພຶດຕິກັມຂອງຜູ້ຂັບຣົດ ເພາະປະເທດນີ້ ກໍາລັງຫ່າງໄກຈາກເປົ້າຫມາຍ ທີ່ຈະຫລຸດຈໍານວນຜູ້ເສັຍຊີວິດ ລົງເຄິ່ງຫນຶ່ງໃນປີ 2030, ໃນຂນະທີ່ຄອບຄົວຍັງດໍາລົງຊີວິດ ຢູ່ກັບຜົນສະທ້ອນ ຂອງຄວາມເຈັບປວດ ໃນເສັ້ນທາງທຸກໆມື້.

Australia’s sun can be harsh. And sunscreen is one key measure protecting us against harmful sun exposure. We asked three scientists about sunscreen facts, myths and choosing the right products. - ແສງແດດຂອງອອສເຕຣເລັຍ ອາດຮຸນແຮງຫລາຍ. ແລະຢາທາກັນແດດ ເປັນມາດຕະການສໍາຄັນຢ່າງຫນຶ່ງ ທີ່ປົກປ້ອງເຮົາ ຈາກແສງແດດທີ່ເປັນອັນຕະຣາຍ. ພວກເຮົາ ໄດ້ຖາມນັກວິທະຍາສາດສາມຄົນ ກ່ຽວກັບຄວາມຈິງ ຂອງຢາທາກັນແດດ, ເລື້ອງເລົ່າຕ່າງໆ ແລະການເລືອກຜລິດພັນທີ່ເໝາະສົມ.

ພາລະກິດຄົ້ນຫາຄວາມຈິງ (Fact-finding Mission) ຂອງສະຫະປະຊາຊາດ ໃນ Sudan ໄດ້ພົບວ່າ ການປິດລ້ອມເປັນເວລາ 18 ເດືອນ ແລະການຍຶດ El-Fasher ໃນເຂດ Darfur ໃນເດືອນຕຸລາທີ່ຜ່ານມາ ເປັນຫລັກຖານ ເຖິງການຂ້າລ້າງເຜົ່າພັນ (Genocide). ຜູ້ຊ່ຽວຊານ ໄດ້ຮຽກຮ້ອງໃຫ້ມີການຕອບຮັບທົ່ວໂລກ ທີ່ເຂັ້ມແຂງກວ່າເກົ່າ, ເພື່ອຢຸດຄວາມຮຸນແຮງ ຈາກການດໍາເນີນຕໍ່ໄປ.

ການຈົມນ້ຳ ເປັນເຫດໃຫ້ຫລາຍໝື່ນຄົນຕາຍຕໍ່ປີ ໃນປະເທດອິນເດັຍ, ແລະໃນອອສເຕຣເລັຍ. ຜູ້ຊ່ຽວຊານກ່າວວ່າ ຊາວອິນເດັຍ ເປັນຫນຶ່ງໃນກຸ່ມທີ່ມີຈໍານວນຫລາຍເກີນໄປ ໃນການຈົມນ້ຳຕາຍ ໃນປະເທດ. ຜ່ານການແລກປ່ຽນຄວາມຄິດເຫັນ ແລະສ້າງຄວາມຮູ້ ທາງວັດທະນະທັມທີ່ເຂັ້ມແຂງຂຶ້ນ, ລະຫວ່າງ ຜູ້ຊ່ຽວຊານ ຂອງອອສເຕຣເລັຍ ແລະອິນເດັຍ ໃນທີ່ປະຊຸມ ໄດ້ຄົ້ນຄວ້າຫາວິທີໃຫມ່ທີ່ຍືນຍົງ ເພື່ອພັດທະນາຄວາມປອດພັຍທາງນ້ຳ.

· ລັດຖະບານກາງຢືນຢັນວ່າ ຈະບໍ່ໃຫ້ການສະຫນັບສະຫນູນ ຄູ່ຜົວເມັຍແລະລູກໆ ຂອງນັກຮົບກຸ່ມ IS ໃຫ້ກັບບ້ານ. · ນັກຫລິ້ນສະກີແປດຄົນ ເສັຍຊີວິດ ຫລັງຈາກຫິມະຖລົ່ມ (Avalanche) ໃນ California. ແລະຂ່າວກິລາ · ນັກກິລາ Snowboard ອາຍຸສິບຫົກປີຂອງ Australia ລົ້ມໃນການແຂ່ງຂັນກິລາລະດູຫນາວ.

ໃນວັນທີ 14 ກຸມພາ ປີ 1966, ຊາວອອສເຕຣເລັຍ ໄດ້ປະຖິ້ມ Pound, Shilling ແລະ Pence ມາໃຊ້ Dollar ແລະ Cent-ຊຶ່ງເປັນການປ່ຽນແປງທີ່ໃຫຍ່ທີ່ສຸດໃນປວັດສາດຂອງປະເທດ. ການເຄື່ອນໄຫວນີ້ ເຮັດໃຫ້ພວກເຮົາສອດຄ່ອງກັບໂລກເທົ່ານັ້ນ, ແຕ່ຍັງຊ່ອຍເຮັດໃຫ້ການຄ້າ ແລະທຸຣະກັມ (Transactions) ປະຈໍາວັນງ່າຍຂຶ້ນ.

ຜູ້ຍິງ ແລະເດັກນ້ອຍ ຊາວອອສເຕຣເລັຍ ກຸ່ມສຸດທ້າຍ ທີ່ມີຄວາມກ່ຽວຂ້ອງກັບກຸ່ມ I-S ໄດ້ຖືກສົ່ງກັບຄືນໄປຫາຄ້າຍ Syria ຫລັງຈາກໄດ້ພະຍາຍາມກັບຄືນບ້ານ. ກຸ່ມນີ້ ໄດ້ອອກຈາກ al-Roj ຢູ່ພາກຕາເວັນອອກສ່ຽງເຫນືອ ຂອງປະເທດໃນຄືນນັ້ນ-ແຕ່ບັນຫາເລື່ອງການສື່ສານກັບ Damascus ໄດ້ເຮັດໃຫ້ເຂົາເຈົ້າ ຕ້ອງກັບຄືນໄປທີ່ຄ້າຍ.

ນັກຄົ້ນຄວ້າໄດ້ພົບວ່າ ຫນວດຊ້າງຄ້າຍຄືກັບໜວດແມວ ເຊິ່ງແຕກຕ່າງຈາກຂົນທີ່ແຂງກະດ້າງຂອງໜູ. ຫນວດຊ້າງ ມີຖານແຂງ ທີ່ຄ່ອຍໆປ່ຽນໄປເປັນປາຍອ່ອນໆ ເຊິ່ງເຮັດໃຫ້ພວກມັນ ຖູຜ່ານວັດຖຸໄດ້ງ່າຍ ໂດຍບໍ່ເຮັດໃຫ້ຫນວດຫັກ. ພວກມັນ ຍັງສາມາດຊອກຫາ ແລະກິນອາຫານຫຼາຍຮ້ອຍກິໂລ ໃນແຕ່ລະມື້ ໂດຍບໍ່ທໍາລາຍຂົນທີ່ມີຄ່າເຫຼົ່ານີ້, ຊຶ່ງຈະບໍ່ງອກຄືນອີກ ຖ້າມັນຫັກ. ການຄົ້ນພົບນີ້ ອາດນຳໄປສູ່ການສ້າງ ຫຸ່ນຍົນ ທີ່ມີສະມັດຖະພາບທີ່ສູງກວ່າ, ຕາມຄວາມເຫັນຂອງນັກວິດທະຍາສາດ.

ຫຼັງຈາກການເປີດເຜີຍຂອງ Epstein Files, ມັນໄດ້ສ້າງຄວາມສັ່ນສະເທືອນຢ່າງກວ້າງຂວາງ ບໍ່ພຽງແຕ່ໃນອາເມຣິກາເທົ່ານັ້ນ. ມັນຍັງສ້າງຄວາມສັ່ນສະເທືອນເຖິງປະເທດອັງກິດ -ໍວ່າຈະເປັນທາງການເມືອງ ຫຼືຣາຊວັງ Buckingham Palace. ໃນຂນະດຽວກັນ Ghislaine Maxwell ປະຕິເສດທີ່ຈະຕອບຄຳຖາມຕໍ່ the Congressional Oversight Committee ໂດຍຫວັງວ່າການຕອບຄຳຖາມຂອງນາງ ຈະເປັນກາຍແລກປ່ຽນກັບການໄດ້ຮັບອະພັຍໂທດ.

ຈາກການສໍາຫລວດເທື່ອຫຼ້າສຸດ ຂອງສະພາມະເລັງອອສເຕຣເລັຍ (the Cancer Council Australia), ຊຶ່ງແນະນໍາວ່າ ພາລະຫນັກຫນ່ວງທາງການເງິນ ແມ່ນມາຈາກຄ່າການປິ່ນປົວໂດຍກົງ ແລະລາຍຈ່າຍທາງອ້ອມ ໃນທຸກຂັ້ນຕອນ ຂອງການຜ່ານຜ່າໂຣກມະເລັງ. ເກືອບ 99 ເປີເຊັນ ຂອງຊາວອອສເຕຣເລັຍ ທີ່ໄດ້ຮັບການວິນິດສັຍ ວ່າເປັນໂຣກມະເລັງ ຕ້ອງເສັຍຄ່າໃຊ້ຈ່າຍເອງ, ແມ່ນແຕ່ຕອນທີ່ໄດ້ຮັບການດູແລ ສາທາຣະນະກໍຕາມ.

ຜູ້ນໍາຊາວພື້ນເມືອງ ແລະສະມາຊິກໃນຊຸມຊົນໃນເມືອງ Minneapolis ໄດ້ຈັດພິທີລະນຶກ ເພື່ອເປັນກຽດແກ່ສອງຄົນ ທີ່ຖືກຍິງຕາຍ ໂດຍເຈົ້າຫນ້າທີ່ ICE. ໃນຂນະດຽວກັນກໍມີການໂຕ້ແຍ້ງທາງການເມືອງຢ່າງຮຸນແຮງກ່ຽວກັບ ງົບປະມານຂອງ ICE ແລະ ທັງສອງພັກກໍຕິຕຽນຝ່າຍກົງກັນຂ້າມ ໃນຂນະທີ່ການປາບປາມຍັງຄົງດຳເນີນຕໍ່ໄປ.... ແລະການເຈຣະຈາເລືອງເງິນຊ່ອຍເຫຼືອກໍຍັງອີກບໍ່ເທົ່າໃດມື້ທີ່ຈະບັນລຸ.

ໂດຍທີ່ມີການເລືອກຕັ້ງກາງວາຣະ (Midterm Elections) ທີ່ຈະມີຂຶ້ນໃນປາຍປີນີ້ ໃນສະຫະຣັດອາເມຣິກາ, ພັກ Republican ແລະພັກ Democrat ໃນບາງຣັດ ກໍພະຍາຍາມຫາທາງໄດ້ປຽບ. ແຕ່ມີການເຄື່ອນໄຫວ ໃນການອອກກົດຫມາຍ ທີ່ສາມາດໃຫ້ພັກໄດ້ປຽບຄືກັນ, ຊຶ່ງເປັນກົດຫມາຍທີ່ Democrats ກ່າວວ່າ ຖືກອອກແບບເພື່ອກີດກັນ ຜູ້ອອກສຽງເລືອກຕັ້ງຂອງກຸ່ມນ້ອຍ.

ການທີ່ຖືກບັງຄັບໃຫ້ແຕ່ງງານ ຈະສ້າງຄວາມເສັຍຫາຍຫຼາຍດ້ານຕໍ່ຊີວິດຜູ້ຄົນ. ຕອນນີ້, ຕຳຫຼວດຣັດຖະບານກາງກຳລັງ ເຮັດວຽກຮ່ວມກັບອົງກອນ ແລະໂຮງຮຽນໃນການປ້ັອງກັນບໍ່ໃຫ້ເຫດການເຊັ່ນນັ້ນເກີດຂຶ້ນອີກ ເຖິງແມ່ນວ່າ ຄວາມຜິດກ່ຽວກັບການບັງຄັບແຕ່ງງານເປັນທີ່ຮູ້ຈັກກັນດີວ່າເປັນເລື່ອງຍາກທີ່ຈະດຳເນີນຄະດີ.

ມູນນິທິ ມະເຮັງເລືອດຂາວ (The Leukemia Foundation) ເຕືອນວ່າ ເດັກນ້ອຍຫຼາຍກວ່າ 400ຄົນຕໍ່ປີ ອາດປະເຊີນກັບ ການກວດມະເຮັງເລືອດ (Blood cancer) ພາຍໃນສິບປີຂ້າງໜ້າ. ມູນນິທິ ກໍາລັງພະຍາຍາມຫາເງິນຈໍານວນ 12 ລ້ານໂດລາ ສໍາລັບການຄົ້ນຄວ້າ ແລະບໍຣິການຊ່ອຍເຫລືອ ຄອບຄົວທີ່ໄດ້ຮັບຜົນກະທົບ ຈາກໂຣກມະເລັງເລືອດ (Blood cancer) ຜ່ານໂຄງການ World's Greatest Shave, ດ້ວຍການຊຸກຍູ້ຜູ້ຄົນໃຫ້ແຖ, ຕັດ ຫລືຍ້ອມສີຜົມ ຂອງເຂົາເຈົ້າ ສໍາລັບ the World’s Greatest Shave.

Like in most countries, public transport in Australia is the cheapest way to get around. It includes trams, buses, trains and ferry services. And each state or territory has its own transport network. However, navigating Australia’s public transport system with ease requires knowing the basics around how it works and what to expect. - ເຊັ່ນດຽວກັບຫຼາຍປະເທດ, ການຂົນສົ່ງສາທາຣະນະ ໃນອອສເຕຣເລັຍ ເປັນວິທີທີ່ຖືກທີ່ສຸດ ໃນການເດີນທາງ. ມັນຮວມເຖິງ ການບໍຣິການທາງຣົດຮາງ, ຣົດເມ, ຣົດໄຟ ແລະເຮືອ. ແລະແຕ່ລະຣັດ ຫລືເຂດປົກຄອງ ກໍມີເຄືອຂ່າຍການຂົນສົ່ງຂອງຕົນເອງ. ເຖິງຢ່າງໃດກໍຕາມ, ໃນການຈະໃຊ້ລະບົບຂົນສົ່ງສາທາຣະນະ ຂອງອອສເຕຣເລັຍຢ່າງງ່າຍດາຍ ຈຳເປັນຮູ້ຂໍ້ມູນພື້ນຖານ ກ່ຽວກັບວິທີທີ່ມັນທໍາງານ ແລະສິ່ງທີ່ຄວນປະຕິບັດ.

ໄວຣັສ Nipah ແມ່ນເຊື້ອໄວຣັສທີ່ຫາຍາກ ຊຶ່ງແພ່ຂຍາຍ ຈາກສັດທີ່ຕິດເຊື້ອ, ຊຶ່ງສ່ວນໃຫຍ່ແມ່ນເຈັຍຫມາກໄມ້, ໄປສູ່ມະນຸດ, ແລະສາມາດເຮັດໃຫ້ເປັນໄຂ້ ແລະສມອງອັກເສບ. ອົງການອະນາໄມໂລກ (WHO) ກ່າວວ່າ ອັດຕາການຕາຍ ລະຫວ່າງ 40ເຖິງ 75 ເປີເຊັນ. ໃນຕອນນີ້ ບໍ່ມີວັກຊີນ ຫລືການປິ່ນປົວ ທີ່ໄດ້ຮັບອະນຸຍາດ ໃຫ້ໃຊ້ສໍາລັບ Nipah, ແຕ່ມີວັກຊີນທົດລອງຈໍານວນຫນຶ່ງ ທີ່ຖືກພັດທະນາໂດຍ ນັກວິທະຍາສາດຂອງ Oxford University ທີ່ມີສ່ວນຮ່ວມ ໃນການພັດທະນາວັກຊີນ COVID-19.

Summer in Australia can be very hot, and as our climate continues to warm, heatwaves are expected to become more frequent and more intense. In this episode of Australia Explained, we cover what a heatwave is, why they pose such a significant risk to human health, who is at most risk, and how to best prepare to cope with a heatwave. - ລະດູຮ້ອນໃນອອສເຕຣເລັຍ ອາດຮ້ອນຫລາຍ, ແລະເມື່ອອາກາດຍັງຮ້ອນຢູ່ຕໍ່ໄປ, ຄື້ນຄວາມຮ້ອນຈະ (Heatwave) ເກີດຂຶ້ນເລື້ອຍໆ ແລະຮຸນແຮງຫລາຍຂຶ້ນ. ໃນບົດນີ້ຂອງ Australia Explained, ເຮົາຈະກ່າວເຖິງວ່າ ຄື້ນຄວາມຮ້ອນ (Heatwave) ແມ່ນຫຍັງ, ເປັນຫຍັງມັນຈຶ່ງເປັນອັນຕະຣາຍຕໍ່ສຸຂະພາບຂອງມະນຸດ, ຜູ້ທີ່ມີຄວາມສ່ຽງຫລາຍທີ່ສຸດ, ແລະວິທີທີ່ດີທີ່ສຸດ ທີ່ຈະຕຽມພ້ອມທີ່ເພື່ອຮັບມືກັບຄື້ນຄວາມຮ້ອນ.

ສະຫະຣັດອາເມຣິກາ ກໍາລັງເພີ່ມຄວາມກົດດັນ ທີ່ຈະຄວບຄຸມ Greenland, ແລະປະກາດວ່າ ອາເມຣິກາຈະຍຶດເອົາມັນດ້ວຍ "ບໍ່ທາງໃດ ກໍທາງຫນຶ່ງ", ແລະອ້າງວ່າ ກອງທັບຂອງຣັສເຊັຍ ແລະຈີນ ກໍາລັງປະຕິບັດການຢູ່ບໍລິເວນໃກ້ຄຽງ ແຕ່ຜູ້ຊ່ຽວຊານເຂດ Arctic ກ່າວວ່າ ຄໍາເຕືອນນັ້ນ ແມ່ນເກີນຄວາມຈິງຫຼາຍໂພດ, ເພາະ Denmark ແລະ Greenland ປະຕິເສດການເຂົ້າຍຶດຄອງ ຂອງສະຫະຣັດອາເມຣິກາ ແລະ NATO ກໍຈັບຕາເບິ່ງຢູ່ຢ່າງໃກ້ຊິດ, ທັງເປັນຫ່ວງວ່າ ຂໍ້ພິພາດນັ້ນ ຈະເຮັດໃຫ້ພັນທະມິດແຕກແຍກ.

ລະດູຮ້ອນຂອງອອສເຕຣ ເລັຍກໍາລັງມີສິ່ງທີ່ນັກວິທະຍາສາດເອີ້ນວ່າ "ການປ່ຽນແປງທັງຫມົດ" ດ້ວຍມີການຄາດການວ່າ ປະເທດນີ້ ສາມາດມີຄື້ນຄວາມຮ້ອນ (Heat wave) ທຸກໆຫ້າປີໂດຍສເລັ່ຍ. ໂດຍທີ່ຣັດ ຢູ່ພາກຕາເວັນອອກສຽງໃຕ້ ຂອງປະເທດ ຕຽມພ້ອມສໍາລັບ ສິ່ງທີ່ຄາດວ່າ ຈະເປັນຄື້ນຄວາມຮ້ອນທີ່ຍາວນານ ແລະຮ້າຍແຮງ ຊຶ່ງຈະເລີ່ມໃນຊ່ວງທ້າຍອາທິດນີ້.

ຮວບຮວມເຫດການ ໃນວັນຊາດອອສເຕຣເລັຍ (Australia Day) 2026 ຊຶ່ງນາຍົກຣັດຖະມົນຕີ, Anthony Albanese, ຮຽກຮ້ອງ ໃຫ້ມີຄວາມເປັນຫນຶ່ງດຽວກັນ ພ້ອມທັງການເດີນຂະບວນຕໍ່ຕ້ານຈາກອົງກອນອື່ນໆ.

ແນວໂນ້ມການຈົມນ້ຳຕາຍ ນັບຕັ້ງແຕ່ການລະບາດຂອງ COVID-19, ສະພາຄວາມປອດພັຍທາງນ້ຳ ຂອງອອສເຕຣເລັຍ (the Australian Water Safety Council) ໄດ້ເປີດເຜີຍວິທີຄວາມປອດພັຍທາງນ້ຳ ອອສເຕຣເລັຍ 2030 (Australian Water Safety Strategy 2030) ໃຫມ່, ຊຶ່ງເພີ່ມຄວາມເຂັ້ມແຂງ ໃຫ້ແກ່ຄວາມພະຍາຍາມຂອງຊາດ ທີ່ຈະຫລຸດຈໍານວນການຕາຍ ຈາກການຈົມນ້ຳລົງ 50 ເປີເຊັນ ພາຍໃນທ້າຍທົດສະວັດນີ້.

ການຄົ້ນຄວ້າໃຫມ່ ຊີ້ໃຫ້ເຫັນວ່າ ຊາວອອສເຕຣເລັຍ ມີຄວາມຫມັ້ນໃຈຫລາຍເກີນໄປ ກ່ຽວກັບການກວດຈັບການຫຼອກລວງ (Scams) ຂອງAI Deepfake, ເຖິງແມ່ນວ່າ ເທັກໂນໂລຈີນັ້ນ ຈະເບິ່ງເຫັນໄດ້ຍາກກໍຕາມ. ຜູ້ຊ່ຽວຊານເຕືອນວ່າ ຜູ້ຫຼອກລວງຈະລັກເອົາຄວາມໄວ້ວາງໃຈ ແລະສັນຊາດຕະຍານ, ແລະຂໍຮ້ອງໃຫ້ຜູ້ຄົນຢຸດຊົ່ວຄາວ, ກວດສອບ ແລະປະຕິເສດຂໍ້ຄວາມທີ່ໜ້າສົງສັຍ. ມີຄຳແນະນຳງ່າຍໆທີ່ທຸກຄົນສາມາດເຮັດໄດ້ໃນການປ້ອງກັນ ການຫຼອກລວງ: ຢຸດ (STOP)….. ກວດສອບ (VERIFY)….. ຢ່າຟ້າວຟັ່ງ (DON’T RUSH).

ອຸນຫະພູມທີ່ເຢັນລົງ ແລະລົມທີ່ເບົາລົງ ກໍາລັງຊ່ອຍຜູ້ດັບເພີງ ໃຫ້ຄວບຄຸມໄຟໃນມື້ທີຫົກ ຂອງເຫດສຸກເສີນໄຟໄຫມ້ປ່າໃນ Victoria ແຕ່ທີມງານ ຍັງຕໍ່ສູ້ກັບໄຟໄຫມ້ປ່າໃຫຍ່ 12 ແຫ່ງ ຊຶ່ງສິບກວ່າບ່ອນ ຍັງຮຸນແຮງຢູ່ ຮວມທັງສອງຈຸດ ທີ່ຢູ່ພາຍໃຕ້ການເຕືອນສຸກເສີນ. ຣັດຖະບານກາງ ແລະ ຣັດ Victoria ໄດ້ປະກາດໃນມື້ວານນີ້ ວ່າຈະໃຫ້ຄວາມຊ່ອຍເຫລືອ 19.5 ລ້ານໂດລາ ຮວມທັງເງິນຊ່ອຍເຫລືອເທື່ອດຽວ, ການຊ່ອຍເຫລືອທີ່ພັກອາສັຍ ແລະອາຫານສັດ ສໍາລັບຊາວກະສິກອນ.

ເປັນເວລາຫລາຍສັດຕະວັດ ທີ່ຊາມູໄຣ ໄດ້ຄວບຄຸມສນາມຮົບ ແລະການເມືອງຂອງຍີ່ປຸ່ນ, ໄດ້ປະມໍຣະດົກ ທີ່ຍັງມີອິດທິພົນ ຕໍ່ວັດທະນະທັມ, ຄ່ານິຍົມ ແລະພາບພົດຂອງປະເທດ ໃນປັດຈຸບັນ. ການນຸ່ງເຄື່ອງປ້ອງກັນ ແລະປະຕິບັດ ຕາມກົດລະບຽບທີ່ເຄັ່ງຄັດ, ຊາມູໄຣຂອງຍີ່ປຸ່ນ ບໍ່ພຽງແຕ່ເປັນນັກຮົບທີ່ເກັ່ງກ້າເທົ່ານັ້ນ; ເຂົາເຈົ້າເປັນຜູ້ສ້າງສັງຄົມ ທີ່ຖືກຫລໍ່ຫລອມໂດຍຄວາມຈົງຮັກພັກດີ, ວິນັຍ ແລະອໍານາດ. ແຕ່ຕອນນີ້, ຈິດວິນຍານຂອງຊາມູໄຣຈະສູນຫາຍແທ້ບໍ່?

ການສັ່ງຫ້າມສື່ສານມວນຊົນ ເທື່ອທໍາອິດຂອງຣັດຖະບານ ໄດ້ຖືກນໍາໃຊ້ ເປັນເວລາຫລາຍກວ່າຫນຶ່ງເດືອນ, ພ້ອມດ້ວຍວັນພັກຂອງໂຮງຮຽນ ຂອງອອສເຕຣເລັຍ. ແຕ່ໂດຍທີ່ມີສື່ສານມວນຊົນຫນ້ອຍລົງ ຫລືບໍ່ມີເລີຍ, ຄົນຫນຸ່ມຈະໃຊ້ເວລາວ່າງຂອງເຂົາເຈົ້າແນວໃດ?

ຜູ້ຄົນເກືອບເຈັດລ້ານຄົນ ທີ່ອາສັຍຢູ່ໃກ້ເມືອງຫລວງ ຂອງອອສເຕຣເລັຍ ກໍຕົກຢູ່ໃນອັນຕະຣາຍຈາກໄຟໄຫມ້ໃນເມືອງ ທີ່ຄ້າຍຄືກັນກັບທີ່ໄດ້ເຫັນ ໃນເມືອງ Los Angeles ເມື່ອປີກາຍນີ້. ນີ້ແມ່ນ ຄໍາເຕືອນ ໂດຍອະດີດຫົວຫນ້າດັບເພີງອອສເຕຣເລັຍ ແລະສະພາສະພາບພູມອາກາດ ມີຂຶ້ນໃນຂນະທີ່ ປະເທດນີ້ກໍາລັງຮ້ອນອົບເອົ້າ ໃນຄື້ນຄວາມຮ້ອນ ທີ່ຮ້າຍແຮງທີ່ສຸດ ໃນຮອບຫຼາຍປີທີ່ຜ່ານມາ.

ບໍຣິສັດ ໃນປະເທດອັງກິດ ໄດ້ເປີດໂຕແທັກຊີອາກາດໄຟຟ້າ (Electric Air Taxi) ແບບໃຫມ່, ແລະສັນຍາວ່າ ຈະນໍາການຂົນສົ່ງທາງອາກາດ ໃນເມືອງ ມາສູ່ຄົນທົ່ວໄປ. ມັນເປັນກ້າວໃໝ່ ທີ່ກໍາລັງເຕີບໂຕທົ່ວໂລກ, ຊຶ່ງອົງການຄວບຄຸມການບິນ ອອສເຕຣເລັຍ ກໍາລັງວາງແຜນຢູ່ແລ້ວ. ແຕ່ກໍຍັງມີ ຄວາມທ້າທາຍຫລາຍຢ່າງ ທີ່ຍັງລໍຢູ່ຂ້າງຫນ້າ.

ໃນມື້ສົ່ງສະການຄັ້ງສຸດທ້າຍ ສໍາລັບຜູ້ເຄາະຮ້າຍ ຈາກການໂຈມຕີ ຜູ້ກໍ່ການຮ້າຍໃນ Bondi, ຜູ້ນໍາຝ່າຍຄ້ານ Sussan Ley ກໍາລັງເພີ່ມຄວາມກົດດັນ ຕໍ່ຣັດຖະບານ ເພື່ອຈັດຕັ້ງຄນະກັມມາທິການ Commonwealth Royal Commission. ໃນຂນະທີ່ຄວາມເປັນໄປໄດ້ ຂອງຄນະກັມມາທິການ Commonwealth Royal Commission ກໍາລັງໃກ້ເຂົ້າມາຫລາຍຂຶ້ນ, ພັກ Labor ຍັງບໍ່ໄດ້ເປີດເຜີຍ ເງື່ອນໄຂຂອງການອ້າງອີງ ທີ່ຕ້ອງການໃດໆ.

AUKUS ຖືກກໍ່ຕັ້ງຂຶ້ນ ໃນປີ 2021 ເພື່ອເຮັດໃຫ້ຄວາມຮ່ວມມື ອັນເລິກເຊິ່ງ ໃນດ້ານຄວາມປອດພັຍ ແລະການປ້ອງກັນປະເທດ, ໂດຍເນັ້ນໜັກ ໃສ່ການຊ່ວຍເຫລືອອອສເຕຣເລັຍ ໃຫ້ມີເຮືອມຸດນ້ຳ ທີ່ມີພະລັງງານນິວເຄລັຍ ແລະພັດທະນາເທັກໂນໂລຈີ ທາງທະຫານທີ່ກ້າວຫນ້າ. ການປະຊຸມໃນວັນພຸດ ລະຫວ່າງຣັດຖະມົນຕີສາມຄົນ ໄດ້ສະແດງໃຫ້ເຫັນການປ່ຽນແປງທີ່ອັນສຳຄັນ ໄປສູ່ການສົ່ງມອບ ສໍາລັບການພັດທະນາເຮືອມຸດນ້ຳ. ສົນທິສັນຍາ AUKUS ມີມູນຄ່າ 368 ພັນລ້ານໂດລາ.

ສລຸບເຫດການທາງການເມືອງຂອງ ອອສເຕຣເລັຍໃນປີ 2025 ພາກ 2

ສລຸບເຫດການທາງການເມືອງຂອງ ອອສເຕຣເລັຍໃນປີ 2025 ພາກ 1

ປີ 2025 ເປັນປີທີ່ຍິ່ງໃຫຍ່ ດ້ານການເມືອງພູມີພາກ, ພັຍທັມມະຊາດ ແລະການປ່ຽນແປງ ຂອງຜູ້ນຳທາງອໍານາດ ແລະອິດທິພົນໃນເວທີໂລກ. Sam Dover ທົບທວນ ເຖິງຊ່ວງເວລາທີ່ສໍາຄັນ.

ປີ 2025 ເປັນປີທີ່ຍິ່ງໃຫຍ່ ດ້ານການເມືອງພູມີພາກ, ພັຍທັມມະຊາດ ແລະການປ່ຽນແປງ ຂອງຜູ້ນຳທາງອໍານາດ ແລະອິດທິພົນໃນເວທີໂລກ. Sam Dover ທົບທວນ ເຖິງຊ່ວງເວລາທີ່ສໍາຄັນ.

ຜູ້ນຳຈາກທົ່ວໂລກໄດ້ສະແດງຄວາມໄວ້ອາລັຍຕໍ່ຜູ້ເສັຍຊີວິດ ແລະບາດເຈັບຈາກການຊຸ່ມຍິງທີ່ Bondi ໃນເທສການ Hannukah ຊຶ່ງແມ່ນເທດສະການ ແຫ່ງແສງສວ່າງປະຈໍາປີ ຂອງສາສນາ Judaism ເຊິ່ງມີໄຊຊນະ ເຫນືອຄວາມມືດ ແລະຄວາມຊົ່ວຮ້າຍ. ທ່າມກາງຄື້ນຂອງການຕໍ່ຕ້ານຊາວຢິວໄດ້ຮຸນແຮງຂຶ້ນເລື້ອຍໆ.

ຕັ້ງແຕ່ວັນພຸດໜ້າ (20 ທັນວາ), ອອສເຕຣເລັຍຈະກາຍເປັນປະເທດທໍາອິດໃນໂລກ ທີ່ຈະສັ່ງຫ້າມເດັກນ້ອຍ ອາຍຸຕ່ຳກວ່າ 16 ປີ ບໍ່ໃຫ້ມີບັນຊີສື່ສານມວນຊົນ, ບັງຄັບໃຫ້ບໍຣິສັດໃຫຍ່ ປະຕິບັດຕາມກົດຫມາຍ ຫລືຕ້ອງປະເຊີນກັບການຖືກປັບໃໝ ສູງເຖິງ 50 ລ້ານໂດລາ. ຣັດຖະບານຂອງ ກ່າວວ່າ ການເຄື່ອນໄຫວນັ້ນ ຈະປົກປ້ອງຄົນຫນຸ່ມຈາກ Algorithm ທີ່ເປັນອັນຕະຣາຍ ແລະຜົນກະທົບທາງລົບຕໍ່ສຸຂະພາບຈິດ. ພໍ່ແມ່ຫລາຍຄົນ ສນັບສນູນການປ່ຽນແປງ, ໃນຂນະທີ່ນັກວິຈານ ເຕືອນວ່າ ຄົນໄວລຸ້ນທີ່ຮູ້ຈັກເລື່ອງເທັກໂນໂລຈີ ອາດຈະມີວິທີ ຫຼີກລ້ຽງຈາກມາດຕະການນັ້ນ.